رواية احنا الزنبوا
الفصل الخامس 5
بقلم محمد منصور
خرج حازم من السنترال وهو بيعدي الشارع تخبطه عربية شاف الفولي اللي حصل وجري ناحيه حازم فلقي حازم واقف قدام العربية وما حصلوش اي حاجة لكن العربية هي اللي اتكسرت بص الفولي للعربية ورجع بص ل حازم وقال
ايه ده. هو حازم طلع الرجل السبانخ
بص حازم لاهالي المنطقه اللي كانو بيتفجرو عليه وفيهم اللي بيصورو بالموبيل وقال حازم وهو ماسك دماغه
انا ليه حاسس اني مصدع
الفولي
مصدع بس. عربيه جيب دخلت فيك بسرعه وخلصت معاك بصداع
بص حازم للعربيه فلاقها اتحطمت تماما وسواق العربيه نزل منها وهو مصاب والفولي قال
حد يطلب الاسعاف يا رجاله العربية حالتها حرجة،،،،،
ومن جوة مستشفي عام كان نايم حازم علي سرير الكشف والدكتور واقف قصاد منه والفولي جنبه والدكتور ماسك في ايدة التحاليل والاشعه بتاعت حازم وبيبص لهم وهو هايتجنن وقال
مش معقول
الفولي بقلق
خير يا دكتور
الدكتور
حفيدك ده مش طبيعي
الفولي
مش طبيعي يعني ايه. داخله مواد حافظه
حازم
مواد حافظه ايه بس. هو انا كيس شيبسي
الدكتور
والله التحاليل والاشعه اللي قدامي بتقول ان حازم ده بني ادم ميت
بص الفولي ل حازم وحازم قال
ايه يا جدي الكلام ده انت جايبني عند دكتور محشش
الدكتور بعصبيه
مسمحلكش تغلط انا بقول اللي باين قدامي في الاشعة والتحاليل الخاصه بيك
نزل حازم من فوق سرير الكشف وقال
بس بقي بلا تسمح بلا نيله
ومسك الفولي من ايده وقال
يالا يا فولي من هنا
وخرج الفولي وحازم من عند الدكتور،،،،،،،،
ومن جوة شقه الفولي قاعد الفولي قدام حازم وحازم عمال يبص له وهو بيبص لله وقال الفولي
طيب وبعدين مش ناوي تتكلم
الفولي
لا هاتكلم طبعا. اومال هافضل ساكت كدة ده حتي غلط علي القولون
وسكت الفولي مرة واحدة وبص لحازم اتنهد حازم بضيق فقال الفولي
اتكلم اقول ايه بس
حازم
قول ان الدكتور اللي كنا عندة ده حمار
الفولي
بص. هو باين كدة ان التاريخ بيعيد نفسه وشكلي هاعيش جوة فيلم كرتون جديد
حازم باستغراب
فيلم كرتون. انا مش فاهم حاجه
الفولي
هافهمك من عشرين سنه. أيام ماكنت انت لسه ورقه
حازم بدهشه
ورقه. انا كنت ورقه
الفولي
ماتستعجلش انت كنت ورقه واسمك جورج وامك زومبي واسمها ماري وابوك اسمه حازم وجدك راجل بارد اسمه لاشيع
حازم
بس خلاص . انت بتشرب حشيش يا جدي
الفولي
عمري ماشربت والله. بس اللي شوفته مع حازم ابني عدي الحشيش وكل المخدرات
حازم
يا جدي ازاي بس انا اسمي جورج وابويا حازم وامي ماري وجدي لاشيع انا كدة انتاج مشترك من كل الاديان يعني كوكتيل
الفولي
ليك حق ماتصدقنيش. لكن هي دي الحقيقه وعشان تصدقني هاحكي لك اللي حصل
وبدأ الفولي يحكي قصه حازم ابنه مع القصه الملعونه اللي كاتبها حازم عن ماري والحاكم سين فلقي حازم احول وعينيه اليمين قعدت فوق عينيه الشمال والفولي بص له وقاله
حازم مال عينيك
حازم
اعدلي يا خاله
ضربه الفولي بالقلم ورجعت عيون حازم زي ما كانت وضحك حازم اوي وقال للفولي
انت سكران يا جدي
الفولي
يا ابني ده اللي حصل ولازم تصدقني
وفي نفس الوقت سمعو الاثنين صوت خبط علي باب الشقه وقف الفولي وراح يفتح الباب فلقي قدام منه ست حلوة اوي في اواخر الثلاثينات ودي تبقي الدكتورة سولاف تنح الفولي وقال
كنتي فين يا لحمه اما كان عندي سنان
سولاف
أنا سولاف محمد السيد
الفولي
ساولاف محمد السيد.
سولاف
انت تعرفني
الفولي
اة طبعا مين مايعرفش الساولاف اللي جنب الودن. ده انا حتي كمان عندي ساولاف زي بتاعت محمد السيد واطول من اللي عندة
ضحكت سولاف ضحكه صوتها عالية فقال الفولي
العب يا بلطي كنت فين يا سولاف لما كنت انا حالف
سولاف
يا حاج انت فهمت غلط انا اسمي سولاف محمد السيد مش ساولاف محمد السيد
الفولي
أه. سامحيني يا بنتي اصل البنات اللي اعرفهم يا اما اسمهم احمد او معتمد انما اول مرة اعرف ان في سولاف بنت
سولاف
حصل خير. ممكن ادخل ولا هانفضل نتكلم واحنا واقفين علي الباب
فيوسع لها الفولي وهو بيقول
اتفضلي
وهي داخله يشم الفولي ريحه البرفان بتاعها وقال بصوت واطي
يخرب بيت حلاوة ريحه امك
بصت له سولاف وقالت
بتقول حاجه يا حج
الفولي
بدعي ليك يا بنتي يعمر بيت امك
سولاف دخلت وهي بتقول
شكرا يا حاج
شافها حازم وقال
مين دي
قعدت سولاف علي الكنبه جري الفولي وقعد جنب منها ناحية اليمين وجري حازم وقعد الناحية التانية جنب منها بصت لهم سولاف ومش مستوعبه اللي بيحصل وهما لاصقين فيها وقالت
هو في ايه. ممكن توسعو
حازم
مش هقدر
بصت سولاف للفولي اللي بص قدام منه وكانه في ميكروباص وقال
خلاص كدة اربعه وراء يا اسطي اطلع
استغربت سولاف من اللي بيحصل ووقفت وقعدت علي كرسي لوحدها جري حازم والفولي وقعدوا قدام منها لكن علي الارض وربعو وقال الفولي
معلش احنا سلو القبيله بتاعتنا كدة اننا نلصق في الضيف اللي عندنا وخصوصا لو ساولاف زيك. ما تيجي نتجوز
حازم
جواز ايه بس. بلاش تحرج نفسك انت اصلا اسمك نزل في كشف شهر تسعه اللي جاي
الفولي
بتاع ايه كشف تسعه ده
حازم
وفيات
الفولي
بتدعي عليه يا كلب المعيز. ماشي يا حازم
وبعدها ميل الفولي علي حازم وقال بصوت واطي
ولا يا حازم. هاجيب لك خصله من شعرها وتجري تعمل لها عمل تخليها تطلب ايدي للجواز
حازم بصوت خافت
تاني ياجدي بلاش تحرج نفسك. انت ماتنفعش في الجواز الموزة دي عايزا شاب زيي
مسك الفولي حازم من لايقه القميص وقال
ولا. اياك تقرب منها والا هانفخك
حازم وهو بيبص للمسكة
هاتضرب ابوك يا حنفي
الفولي
لا يا روح تيته قولتها قبلك
حازم
عادل امام قالها قبلك ساعة لما خيري ورشاد وعدوي جريو منه ودخلو، ،،،،،،،،
فتقاطعه سولاف بعصبيه شديدة
هو في ايه. ممكن تبطلو رغي وتركزوا معايا شويه وقامو قعدوا علي الكنبة زي مخاليق ربنا
بصو الاثنين لبعض ومن سكات قامو وقعدوا علي الكنبه قصاد منها وهي بصت لهم وقالت
انا سولاف دكتوره في علم ماوراء الطبيعيه وكنت بعمل بحث من سنه عن اغرب ظواهر ما وراء الطبيعيه
و اللي حصلت اخر عشرين سنه وعرفت ان ابنك حازم كتب قصه عن ماري أكله لحوم البشر وهو كان فاكر ان ماري دي شخصيه من خياله لكن الحقيقه غير كدة خالص
الفولي باهتمام
مش فاهم
سولاف
الاساطير اليونانيه القديمه اكدتت بان ماري انسانه حقيقه وهي فعلا من اكلي لحوم البشر وظهرت في العهد اليوناني القديم وماري بتختار اللي يكتب قصتها وبتخلي يحبها عشان تعوض كل اللي شافته علي ايد حبيبها ميشيل اللي كان السبب في انها تبقي زومبي بعد مازرع الفيرس في جسمها عشان يجرب عليها علاج الفيرس بعني كانت بالنسبه لي زي فار التجارب مع انها كانت بتحبه جدا لكنه غدر بيها. لكنها قتلته في الاخر وقتلت نفسها وعاشت روحها بين العصور والسنين تدور علي ميشيل يحبها زي ماحبيته واختارت ابنك حازم عشان يكتب قصتها. لانه شبه ميشيل وخليته يحبها لغايه ما هايكتمل القمر في عام الحصاد وتقتل حازم أبنك هي والحاكم سين.
الفولي مصدوما
هاتقتل حازم. هو حازم لسه عايش
سولاف
حازم طبعا عايش ومايعرفش ان نهايته هاتكون علي ايديها يوم اكتمال القمر. اللي كمان أسبوع
ثم تتنهد وتقول
لكن الغريب المرة دي ان ماري سلمت لحازم ابنها جورج مصاص الدماء
بص الفولي ل حازم وحازم قال
انا مصاص دماء. وانتي عرفتي أزاي
سولاف
اهل المنطقه صورة العربيه الجيب اللي خبطتك وانك ازاي طلعت سليم منها وعرفت اوصل للي رافع الفيديو واعرف عنونكم وجت لكم بعد ما عديت علي الدكتور اللي شاف التحاليل والاشعه بتاعتك واكد لي انك بحكم الطب ميت وجت لكم عشان نحط أيدينا في ايدين بعض ونوصل لحل لغز شبح ماري اللي لازم نخلص منه ونلحق حازم من ايديها ونخلص من لعنه ماري اللي لفت بين العصور والسنيين وكانت السبب في موت مليون شاب
الفولي بدهشه
مليون
سولاف
ده الرقم اللي قدرتك أوثقه لكن ما خفيا كان اعظم
الفولي
طيب واحنا دلوقتي في ايدينا ايه نعمله
سولاف
نوصل للقصه اللي كتبها حازم ونكمل كتابتها ونكتب النهايه من غير اي تعديل وهو بموت ماري
الفولي
وماري هاتسيبنا نعمل كدة
سولاف
لا. طبعا. بس لازم نخلص منها
حازم
طيب وانا
سولاف
انت لازم نعرف ليه ماري سيباك في عصرنا مع انك ابنها الوحيد اللي خلفته من حبيبها ميشيل بس نوصل للفيلا ونلاقي القصة
لكن في الوقت دة جسم حازم بدا يتلاشي وكانه بيتبخر والفولي ما بقاش عارف يعمل اية