رواية مصريه سمراء الفصل السادس6 الاخير بقلم جمانه السعيدى
سناء...تقدمت علي واني كلي خوف
مبين من نضراته يعرف شي بسلا كشفني
اول ما وصلت قريب على وكفت
راسا اخذ الجنطه بقوه مني وفتحها حتى كطع السير مال الجنطه وطلع التحليل
محمود...هااا حامل مبروك عفيه عفيه
اصعدي بلسياره بسرعه
سناء...فتح باب السياره وصعدني وطبك الباب حيل
صعد وشغل السياره ومشا سريع
سناء...سيارتي بقت واكفه
محمود....اش مااسمع صوتج نهائيا اني ادز واحد.يجيبها
سناء...عرفت بهاي اللحظه كلشي انتهى خلاص اني انتهيت راح ارجع الاهلي
راح ارجع للفكر والضيم الي جنت عايشه بي
هذا اذا عافني ارجع الاهلي سالمه
وصلنا صاح عليه بصوت عالي انزلي
فتحت الباب ونزلت كلت بكلبي اي هاي النهايه
راح اخسر كلشي
دخلنا جوه كعد على الكرسي ويفر برجليه بعصبيه
محمود...ليش شنو ناقصج مو شلتج من الزباله ورفعت قدرج اعتبري نفسج مامزوجه بس حصلتي كنز
ليش اجازيني هيج
انتي شايفه شكلج اني كان ممكن ازوج احلى وارقى وحده بس كنت خايف من الخيانه
انتي سناء الوحش تخونيني ويا منو عامل زباله
اني هسه اذا اذبحج خلاص محد يلومني اتوقعت شكلج مو حلو بس كلبج حلو اخلاقج حلوه
مع الاسف طلعتي لا من بره ولا من جوه السواد الي على وجهج كلبج اسود منه
سناء.....الشيطان ضحك عليه
محمود...اي شيطان انتي اضحكين على كل الشيطاين
مع الاسف جنتي شايله اسمي
سناء...غلطه
محمود...الي يغلط مره مو الف مره شفتج تسحبين فلوس هواي كلت شصاير فتحت مشروع من وراي
لمن اجيت شفت كامرات البيت شفت الافندي
يلبس ملابسي وينام بغرفتي ويصرف من فلوسي
ما استحيتي ما خجلتي ماتكدرين تسيطرين على نزواتج
انت اصلا بعمرج ما تحلمين احد يباوع عليج
حتى هذا العامل اني متأكد يقرب منج علمود الفلوس
جمانه السعيدي
سناء...حقك بس اني ضعفت
محمود...اريد اموتج خلاص بس اخاف على سمعتي
ولج ماكلتي شلون اخونه بعد ما مد ايده اليه وساعدني
سناء...اي شي تكول علي اني موافقه اني غبيه وفرطت
بيك انت انسان ما تتعوض ابد
محمود...تكعدين بلبيت وتسكتين الحد مااشوف حل الهاي المصيبه
سناء....فرحت لان ااجل كلشي البعدين بلكت يغير رائيه
دخلت جوه بغرفتي وبعد ما طلعت
وماسمعت صوت محمود ابد
ثاني يوم اتصل عليه عمار
عمار...هلو سناء شلون صرتي
سناء.. موزينه طلعت حامل وزوجي عرف كلشي
عمار...لا تحجين صدك
سناء...اي احجي صدك من امس لليوم حابسه نفسي بلغرفه ما طلعت
عمار...وهو شسوه من عرف
سناء...كلشي ماسووه وهذا الشي هو الي مخوفني
عمار....يمعوده مادام كلشي ماسوه يعني بس حجي
مراح يسوي شي يخاف تفضحينه وتحجين كلشي وواحد مثله يخاف على منصبه وسمعته لا تدمر
صدكي هسه لو يشوفنا سوا بغرفة النوم مراح يحجي ابد
سناء...اني خايفه بعد لا تتصل ولا تحاول تجي
عمار....شنو تحجين صدك اريد فلوس
سناء..اي فلوس خلاص كلشي انتهى هي الفلوس الي جنت اخذها كشفتنا كافي عليك الفلوس الي حصلتها
بعد لا تجي ولا اريد اشوفك اعتبر كلشي انتهى بينا
عمار...ماكو هيج حجي اريد فلوس ماكو عليه وعلى اعدائي صورنا اني وياج بغرفة النوم كلهن عندي
افضحج انتي ويااا اني يمتى مااكول اريد فلوس تجيني فلوس ماكو افضحكم ثنيينكم اني ماعندي شي اخسره
بس زوجج المصون راح يخسر هواي
خلي يشتري سمعته بهاي الفلوس جمانه السعيدي
سناء...لا ينذل انت شنو من بشر
عمار...اني لو انتي انتي الي اجيتي برجليج واخذتيني
اذكرج لو تذكرين وصلي هذا الحجي الزوجج
مادام هو عرف بعد عليمن نخاف يدزلي الفلوس
لو انشر الصور اللج يومين واتتصلين تكولين تعال اخذ الفلوس
سناء...الله لا يوفقك الله ياخذك شلون بيه
منيين اجيبلك فلوس ولا اكدر اطلع ولا ادخل محمود
خله حارس على الباب ومنعني من الطلعه
بقيت احوس مااعرف شلون اتصرف ياربي هاي المشكله اني جبتها النفسي شلون راح اخلص منها
خلص اول يوم ومالكيت حل ثاني يوم صار عندي أرق موطبيعي حتى بطني توجعني شلون بيه
قررت احجي المحمود وهو يتصرف هو بعد عرف
خاف هذا الحيوان ينشر الصور وننفضح
اجا محمود للبيت وكبل دخل غرفته
دكيت الباب علي صاح ادخل
فتحت الباب من شافني ضاج حيل
محمود. شكووو خير شنو المصيبه الي جايه بيها
سناء..دنكت وسكتت راسا عاط بيه احجي
سناء...يريد فلوس لو يفضح الدنيا
محمود... هااا يعني ماكطعتي علاقتج بي جاي تتواصلون
سناء...بلعت ريكي هو اتصل عليه
محمود...شنو نوع الصور احجي خل افتهم
سناء...صور اني وياا بغرفة النوم
محمود...ولله انتي قتلج حلال
سناء...اذا اتصل شراح اكوله
محمود....خل يجي باجر بليل واني راح امشي الحارس والخدامه من يجي استقبلي عادي مثل كل مره
وانطي الفلوس بس اكدي علي هاي اخر مره وأخل يمسح الصور كدامج اني مو اشتغل وانطي الربعج فهمتي لو لا
سناء...اي فهمت
محمود...اني راح اعوفلج ضرف هنا بي فلوس ممنوع يطلب اكثر هنا ذني وبس وخل يمسح الصور
سناء.. اي طلعت وطبكت الباب
احجي وياا نفسي اني شكد غبيه ضيعت محمود من ايدي
هذا كنز واني مااستاهله ضيعته علمود نزوه
سناء..تصلت على عمار
عمار.. هاا حضرتي الفلوس
سناء.. اي محمود كال انطيك الفلوس بس هاي اخر مره ولازم تمسح كل الصور الي عندك
عمار...هذا زوجج ولله سبورتي جاي يمشي الأمور عادي
يعني بعد ماعرف كلشي بينا يكلج خل يجي ياخذ الفلوس
بشرفي لو اكو منه عشره جان الدوله بطلت تستورد
تفتح ملاهي ويعيش الشعب بسعاده
سناء.. راح تمسح الصور
محمود....من اشوف الفلوس بعيني امسحهن اكو سؤال محيرني واحد مثله ليش مزوج وحده مثلج بس مااكول غيرحظوظ كلمن وحظه واني عندي احلى حظ وكعت عليج
سناء...لا تكثر حجي باجر اخر مره تدخل بيها بهذا البيت فهمت لو لا
عمار....اي ميخالف ولله اني ما يعجبني اشوف هذا الوجه بس الفلوس جابرتني
سناء...طبكت التليفون واني محيرني تصرف محمود ليش ساكت ليش ماأخذ اي قرار ليش ما طلكني ليش ما طردني بيت اهلي
ثاني يوم محمود انطاني ضرف بي فلوس وسئلني اذا كنت اتصلت بي وااكدت علي يمسح الصور
بليل اتصل عمار ...اجي هسه منو بلببت
سناء..ماكو احد حتى الحارس والخدامه راحو
عمار...اي ليله حمره من الفلوس
اجا عمار فتحتله الباب دخل
سناء...هاي الفلوس بس امسح الصور كدامي
عمار.. خل اشوفها احسبها اشم ريحتهن
سناء بس فتح الضرف محمود فوكنا وشايل سلاح
محمود...جيب الفلوس انت متوقع اني عرفت الشي الي جاي يصير واسكت ادخلو غرفة النوم ثنيبنكم
سناء...دخلنا اني وعمار
محمود.. انزعو ملابسكم اني كنت اخطط شلون انتقم منكم ثنيينكم بس انتم سهلتو عليه المهمه
عمار...ترا زوجتك هي الي جابتني
محمود. اش نقذ وانت ساكت مااريد اسمع صوتك
سناء...لا محمود. الله يخليك
محمود.. اش اش اي كلمه مااريد اسمع
بعد مانزعنا ملابسنا ثنيبنه وصعدنا على الجربايه قتلنا
وبلغ الشرطه
اخذ تليفون سناء ومسح كلشي علي
واخذ تليفون عمار ومسح كلشي حتى مايبقى شي يدين محمود جمانه السعيدي
اتصل محمود بلشرطه ووصلت الشرطه لكو هذا المنضر كدامهم
محمود.. اني رجعت للبيت لكيت هذا المنضر كدامي وقتلتهم حتى ادافع عن شرفي
الضابط...كنت شاك بشي
محمود...ابد ماكنت شاك بشي اليوم اتفاجئت من شفتهم
وهذا المسدس مرخص
الضابط...انكمل التحقيق بلمركز
الضابط مشى على كلام محمود وكاد محمود يطلع من هاي القضيه بسلام
عمار ناقل كلشي بينه وبين سناء التليفون ثاني عايفه بلبيت علي كل المكالمات والصور
حتى اذا يضطر يمسح الصور كدام سناء مايضيع هذا الكارت من ايده يبقى يهدد سناء ومحمود ويسحب منهم فلوس
الشرطه بعد ماراحت البيت عمار حتى تفتشه وتحاول تحصل شي يفيدهم للقضيه لكو التليفون
مو مهم كلشي على التليفون بس اكو شغله مهمه هي الي وكعت محمود سناء ذاكره باخر مكالمه بينها وبين عمار
ان محمود عرف بعلاقتهم وانطاها فلوس تنطيهن
العمار وكاللها استقبلي وأخذي منه الصوره
يعني هذا قتل عمد مع سبق الاصرار والترصد مو قتل دفاع عن الشرف
انحكم محمود عشر سنوات سجن
تمت بحمد الله