رواية نزاع ولاد الاكابر الفصل الحادي عشر11والثاني عشر12 بقلم رودي
فى صباح يوم جديد...ثرايا الهوارى
......
استعدت ليلة وهنا وعهد وسارة من أجل الذهاب للتسوق من أجل الزفاف ....
فى غرفة الطعام....
يجلس الجد عبد القادر وهو يجتمع باسرتة من أجل تناول الفطور...
عبد القادر. ..متتاخروش يا ليلة يابتى ..واشترو كل حاجة عشان مش هنبقى فاضين بعد اكدة
ترتشف ليلة قليلا من القهوة وتقول..
ليلة..متقلقش ياجدى هظبطلك العيال دى
يوسف..سارة خدى الفيزا بتاعتى اهى واشترى كل اللى انتى عاوزاة
ليلة..هو انا هوا ولا اية انا اللى هدفع تمن كل حاجة ولا كبرت عليا يا ابن حسن
يوسف..والله ما أقصد يا ليلة بس عشان يبقى معاها فلوس لو حبت هى تجيب حاجة تجبها
يونس ..طب ما انا هدى جورى الفيزا بتاعتى
ليلة..وحيات أمك
يونس..ههههههههههه خلاص قلبك ابيض بهزر خلاص يا يوسف سيب لولا تدفع
يوسف..انا غلطان دا عهد لوحدها هتطلب حاجات تعدى الربع مليون
وفاء..واااة ربع مليون فى هدوم يا بتى دا افترى
ليلة..لية شايفنى عبيطة زى حضرتك
يونس..هههههههههه قلبها اسود أمك دى
أسر..هههههههههه انتى لسة فاكرة
عبد القادر. .هو فى اية بالظبط
ليلة..فى أن العبيط اللى انا مخلفاة البكرى القدوة راح جاب لاختة الهبلة جزمة بربع مليون
ثريا..يالهووى لية بتمشى لوحدها
يوسف..دا كان يوم اسود
عهد...ليلة نكدت على القصر كلة
يونس..وخدت عاطل مع باطل
ليلة..ههههههههههه فكرتونى ياجزم
يوسف..حق الله ربتنا كلنا بتمن الجزمة دى
عبد القادر. .عارفة يا ليلة انتى ام زينة برغم أنهم كبرو بس متربين ومحدش فيهم بيرفع عينة فيكى
أسر..قصدك عشان ضربتنى. .تعالى شوفها فى الجيم
يونس..الله يخربيتك انت بتفكرها
عهد..حرام عليك يااسر آخر مرة كانت هتعملى عاهة مستديمة
ليلة..انتى اللى هبلة لازم تتعلمى ازاى تدافعى عن نفسك..وأول ما نوصل تركيا سارة وجورى هينضمو للجيم معاكى
يوسف..الله يرحمهم
يونس..ملحقوش يفرحو
سارة..اية يا جماعة دا حتى ليلة كيوت خالص
أسر..هههههههههههه هتعرفى انها كيوت اوووى لما تعلم عليكى
ليلة..خلاص كفاية كلام يلا يا بنات
يوسف..خدى الحرس معاكى
ليلة..تمام
يونس..هتعدى على جورى
ليلة..اة هاخدها على السكة سلام
.........
.........
............صلوا على الحبيب محمد.............
.......
.........
.........
فى منزل مصطفى. ...
استعدت جويرية من أجل الذهاب برفقة ليلة والفتايات
مصطفى. ..بسم الله ماشاء الله ربنا يحفظك ويسعدك ياخيتى
جويرية بخجل. ..تسلم يا خوى
مجدة..ربنا يحميكى ويحفظك ياخيتى
جويرية. ..ربنا يخليكى يا خيتى شكلى حلو صوح
مجدة..كيف الجمر يا جلبى
مصطفى. .انا سبتلك فلوسات مع مجدة خدتيهم
جويرية. .اة يا خوى انشالله يخليك ليا
مصطفى. .ويخليكى ليا يا بت انتى بتى مش خيتى
جويرية..وانت ونعم الأخ والاب يا خوى
مجدة بمزاح..انا اكدة هغير
جويرية. .ههههههههههه لاه خلاص سكت اهو
ويقطع حديثهم صوت طرق على باب المنزل فنهض مصطفي وقام بفتح الباب ووجد ليلة ...
مصطفى. .يا مرحب يا ست الناس اتفضلى
ليلة ببسمة..لا معلش البنات فى العربيات فين جورى يدوبك نلحق اليوم من اولة
مصطفى. .حاضر ربنا يهنيهم يا جويرية يلا
وتتقدم جويرية وتقف أمام ليلة وتقول..انا جاهزة اهو بعد إذنك ياخوى
مصطفى. .بالسلامة ربنا يعينكم
وبالفعل اتجهة الجميع من أجل التسوق للزفاف
..........
............
........استغفرو لعلها ساعة استجابة. ..........
.......
.........
فى مخزن العلف...
يتأوة أحمد بسبب قلة الطعام والشراب وينادى بصوت واهن قائلا...
أحمد..رحيم يارحييم
رحيم..نعم
أحمد..عاوز أكل واشرب
رحيم..مجدرش انا عبد المأمور
أحمد..طب نادم على ابوى
رحيم..برضة مجدرش الست ليلة مانعة اى حد يدخل عنديك
أحمد..الله يخربيتك يا ليلة طلعتيلى من اى داهية
رحيم ..ماليش صالح بس أما تعاود ست الناس من برة هبلغها
وتركة رحيم وذهب ..أحمد محدث نفسة قائلا...
أحمد..نهايتكم على يدى يا ليلة هجتلكم كلكم ياكلاب
............
.............
...........اذكروا الله..............
فى أحد المتاجر الخاصة ببيع الملابس النسائية...
جدال بين الفتايات وليلة حدث بالمتجر...
سارة..يالهوى يا ليلة دا قليل الأدب قوى
جويرية..انا مستحيل ألبس الحاجات دى
عهد..والله دول تحفة وبالذات الأسود
هنا..انا هاخد منة بطلو رزالة مش عارفة اية الشرط دا يا ليلة لازم القمي** ناخد منة كلنا
ليلة..اة كل نوع هاخد منة تلاتة واحد لجورى وواحد لسارة وواحد لهنا اخلصو بقى لسة فى حاجات كتير مجبنهاش
جويرية. .يا نهار مجندل دا يونس يطلجنى لو لبست البتاع دا
ليلة بضحك..لا وانتى الصادقة دا هيطلقك لو مالبستيش دا
وبعد عدة محاولات قامت ليلة بشراء العديد من تلك الملابس النسائية وذهبو إلى باقى المتاجر وقامو بشراء أشياء كثيرة
وبعد مرور بعض الوقت ذهبو الفتايات برفقة ليلة إلى أحد المطاعم من أجل تناول الغداء وأخذ قسطا من الراحة
.........
........... .
...........شفيعى يا محمد.................
........
.......
فى المساء.....
تهرول شهد وهى خائفة وتبكى بشدة وتهرب من ذلك اللعين المدعو هشام ولاكن لم تسطع فامسك بها بقوة وقام بدفعها حتى اصطدمت بالحائط وتأوت من الألم وقام هشام بنزع حزام بنطالة لكى يجلد بة تلك المسكينة فوضعت كفيها على وجهها وأغلقت عينيها وانتظرت أن تستقبل جلد هشام لها ولاكن لم يحدث شئ فقامت بفتح عيونها ببطئ وصرخت عاليا عندما رأت هشام ملقى على الارض واسر يقف امامها ولاكن كان جسدة ينزف....
شهد...بسم الله الرحمن الرحيم ...لاحول ولا قوة إلا بالله أستغفر الله العظيم..يا ساتر يارب
أيقنت شهد انها كانت ترى منام ولم يكن حقيقة فقامت بشرب القليل من الماء وحدثت نفسها قائلة. ..
شهد..يارب استر اية علاقة هشام بالزفت اللى اسمة أسر دا يارب ماليش غيرك احمينى واحفظنى...
...........
...........
.........لا إله إلا الله سيدنا محمد رسول الله. ...........
.........
..........
ثريا الهوارى مساء. .....
امتلئ بهو المنزل بالمشتريات وجلست الفتايات برفقة ليلة منهمكين بعدما قامو بتوصيل جويرية إلى منزل أخيها
ليلة..انا رجلى مش حاسة بيها
يوسف..اية كل دا يا ليلة
ليلة بغمزة. .لما تعرف هتدعيلى
سارة..ليييلة بس
ليلة..ههههههههههه خلاص سكت اهو
عبد القادر..ليلة
ليلة..نعم
عبد القادر. .أحمد عمال يزعج وبيجول انة جعان وعطشان
ليلة بغضب. .أنت رحتلو يا جدى
عبد القادر. ..لاه رحيم اللى جالى
ليلة..خلاص بكرة هبقى اروحلة اطفحة مع انة خسارة فية بس انا مش عاوزاة يموت دلوقتى لسة المشوار طويل
روايه نزاع ولاد الاكابر
««««««««««»»»»»»
الفصل الثاني عشر
«««««««»»»»»
يوم الحنة صباحا.....ثرايا الهوارى
.....
يجتمع عبد القادر بالعائلة وقد أقنع عبد القادر مصطفى بالحضور مع اسرتة كى تنضم جويرية للفتايات. ...
عبد القادر. ..منور يا مصطفى ياولدى
مصطفى..دا نورك يا سيد النااس
عبد القادر...يلا نلحج اليوم من اولة مصطفى هتبجى معاى نكمل باجى التجهيزات تحت وانتى يا ليلة اطلعى مع هنا وسارة وجورى وعهد وانت يا اقدام هتطلع مع يوسف وأسر ويونس والولد أسامة زمانة جاى وانتى يا ام زياد هتروحى مع وفاء وثريا انا سمعت انك طباخة شاطرة
مجدة. .تسلم يا كبير من عيونى حاضر
ليلة ..خلاص تمام هنجهز كل حاجة ويكونو البنات جاهزة و...
تبتر ليلة كلامها بسبب رنين هاتفها فأجابت....
الحوار مترجم...
ليلة..مرحبا صوفيا
صوفيا..آسفة لازعاجك سيدتى ولاكن حدث شئ ويجب عليكى معرفتة
ليلة..ماذا حدث
صوفيا..لقد جاء اليوم فاكس من البنك
ليلة..ماذا
صوفيا..لقد تم سحب النقود الخاصة بالمنتجع الأخير
ليلة..من الفاعل
صوفيا..انة الأستاذ أسر
ليلة..حسنا
وأغلقت ليلة الهاتف وقامت بإرسال رسالة لشخص ما وكان محتواها...
أريد أن اعرف فيما تم إنفاق نقود المنتجع من قبل أسر الصعيدى ...أريد التفاصيل كاملة
وانتظرت ليلة الرد وقال يوسف..
يوسف..صوفيا كلمتك لية ..فى حاجة حصلت
ليلة بغموض. .شوية وهتعرف
وقد تم الرد برسالة وكان محتواها
قد تم إنفاق النقود فى شراء سيارة**وفيلا شرق إسطنبول وتم اهدائهم لشخص ما يدعى عثمان أحمد اوغلو
نظرت ليلة للرسالة وشياطين الغضب تتراقص بوجهها لتقطع أصوات الضحك والمزاح وهى تلقى بالهاتف على الأرض وقد تهشم تماما وتناست أن الوقت غير مناسب ونهضت وهى تنزع ساعة يدها وجذبت أسر من ملابسة وقد تحولت ليلة لتنفس عن غضبها فى أسر ليحاول الجميع التدخل ماعدا يوسف ويونس وعهد
عبد القادر..بكفاية يا ليلة خبرك اية لكل دا
مصطفى...بكفاية يا ست الناس
وفاء. .الواد هيموت يا ليلة
ثريا..خلاص يابتى
إقدام ..خلاص يا ليلة هو عمل اية
ولاكن لا حياة لمن تنادى ولا تستمع ليلة لأحد حتى قال إقدام..
إقدام....يوسف ..يونس ..انتو بتتفرجو تعالوا شيلوا أسر من هنا
وبالفعل قام يوسف ويونس بحمل أسر من الأرض وقام إقدام بحكم قبضتة على خصر ليلة وقالت ليلة وهى تلهث
ليلة..لو رجالة صح وولاد حسن الصعيدى شيلوة من هنا وانا هخليكم زية
ليقوم يوسف ويونس بإنزال أسر مرة أخرى على الأرض
ليلة..فاكرين أنكم كبرتم وبقيتو رجالة لا داانا هربيكم من أول وجديد ياكلاب فاكرين انى مش هعرف المصائب اللى بتعملوها تبقى عبيط منك له لو حد فكر يضحك على ليلة الصعيدى
إقدام..خلاص يا ليلة أيدى وجعتنى أهدى بقى
ليلة..أقسم بالله يااسر لربيك والتوكيل اللى معاك انا هلغية وورينى هتتصرف وتسحب فلوس ازاى عشان تهادى ابن أحمد اوغلو ..انا قولت كبرتم وهرتاح إنما ازاى لازم أفضل اتفاجأ بمصيبة كل شوية ومنين هتيجى الراحة يا******
عبد القادر. .خلاص يا ليلة بكفاية لحد اكدة شيلوة يا ولد
يوسف..ليلة
ليلة بغضب ..أنت بالذات تخرس خالص حسابك معايا بعدين اتفضل شيل الحيوان دا وانت يا زفت عالج أخوك وغورو من قدامى
وبالفعل قام يونس ويوسف بمساعدة أسر وصعد برفقهم عهد وسارة وجويرية أما بالأسفل..
إقدام...ليلة انا هسيبك بس تتهدى وتقعدى
وبالفعل قام إقدام بترك ليلة وقامت ليلة بالجلوس على أحد الكراسى وهى تقول ...
ليلة..آسفة ياجدى
وفاء..يخربيتك داانتى يتخاف منيكى
إقدام بمزاح..لا طلعتى عصب يا ليلة
ليلة...فايق انت للهزار..يلا كلة يروح يخلص اللى وراة
عبد القادر. .اطلعى شوفى ولدك حصلة اية
ليلة..متقلقش حتى جسمة مش هيبقى فية اثر
إقدام...ياصايع انت بتضرب بس مبتعلمش
ليلة...ههههههههههههههه أختك مش سهلة برضة
عبد القادر ..طب يلا يا مصطفى تعالى معاى يا ولدى
مصطفى. .يلا يا سيد الناس
وخرج مصطفي برفقة عبد القادر لتجهيز مراسم الحنة والفرح
إقدام. .هطلع أشوف العيال دى وانتى قومى يلا روحى للبنات
ليلة ..ماشى
...........
.............
..........صلى على الحبيب.............
.......
.........
فى غرفة الشباب.....
يجلس يوسف وهو غاضب من اخية
أسر..اااااااة براحة يا عم انت
يونس..اتنيل كل شوية بمصيبة وبراحة يا يونس
أسر..اااة خلاص يا عم اوعى
يونس..اتخرس بقى انا عريس يا جدعان تنكدو عليا كدة
يوسف..أقسم بالله يااسر اللى انت عملتة دا ما هيعدى بالساهل عشان بسببك اتهزئنا كلنا ولسة لما ليلة تستفرد بينا دا هيبقى مرار طافح
........
...........
..........شفيعى يا رسول الله..........
فى غرفة الفتايات...
تجلس جويرية وسارة وعهد يتحدثون...
سارة..زعلها وحش اوووى ليلة
عهد..هو انتو لسة شوفتو حاجة لسة الانبهار ورا
جويرية..بصراحة متخيلتش انها تبجى اكدة فى غضبها
سارة..لا شوفتها مرة وهى متعصبة بس مكانتش كدة
عهد...ههههههههه هى كدة مش متعصبة داانتو هتشوفو كوارث لما نسافر
.........
...........
.......لا إله إلا الله سيدنا محمد رسول الله. ............
............
مرءالنهار سريعا وأتى المساء ليزين حديقة ثرايا الهوارى تلك الأنوار والزينة وتعلو الموسيقى والمزمار الصعيدى ولتتزين الفتايات بالعبائات المطرزة وبعد مساحيق التجميل والشباب بالعبائات البيضاء والعمة والشال ليكونو فى أبهى إطلالة صعيدية...
ليلة..يانهار مش فايت العيال لابسة كدة لية
وفاء..ابوى صمم إنهم يلبسو الجلبية الصعيدى
ثريا..كلهم شكلهم زين إلا أسر هو عامل اكدة لية
ليلة..الجلبية واسعة علية اووى
.....
يقف عبد القادر وجوارة مصطفي وإقدام يتلقون التهانى والمباركات من اهل البلد واعيانها ...
عبد القادر. ...مبروك يا مصطفى ياولدى
مصطفى. .البركة حلت عليا انا يا سيد الناس
عبد القادر. .من اهنة ورايح اسمى عمك عبد القادر مش سيد الناس احنا بجينا عيلة واحدة
مصطفى بسعادة..دا شرف ليا يا يا عمى
......
وظل الشباب يتراقصون ويمرحون ونفس الأمر عند الفتايات ومرء اليوم سريعا وأتى صباح اليوم التالى....
.........
..........
............حبيبى يا رسول الله..............
.........
........
صباح يوم الفرح....
يخرج يونس من غرفتة وهو يشعر بالإرهاق الشديد واصتدم بشئ صغير فنظر امامة وابتسم عندما وجدها جويرية فقد أمر عبد القادر أن تنام مع الفتايات فقال يونس..
يونس..صباح الخير
جويرية بخجل..صباح النور
يونس..هو انا هيبقى صباحى حلو كدة كل يوم
جويرية باندهاش..كيف يعنى
يونس..هههههههههه عجبانى لغتك اوووى..وحشتينى
جويرية بصدمة. ..واااه عيب اكدة
يونس..ههههههههههه عيب اية انتى مراتى على فكرة واة كان شكلك حلو امبارح جدا
جويرية. .بس عتكسفنى اكدة
يونس..هههههههههههههه بتتكسفى دلوقتى امال بالليل هتعملى اية
شهقت جويرية ونظرت أرضا وقالت..
جويرية.. انا مش عتكلم معاك تانى ..دى ..دى جلة أدب...انا ماشية..وسع اكدة
يونس..طب هاتى بوسة
دفعتة جويرية فى صدرة وهرولت سريعا إلى الأسفل وظل يونس يضحك على خجلها
.........
أما بالأسفل....
.....
تجلس ليلة والجميع يضحكون وانضمت لهم جويرية ويتبعها يونس الذى جلس مقابل لها وظل ينظر لها نظرات اربكتها كثيرا ولاكن ما جعل وجنتيها تشتعل من كثرة الخجل عندما غمز يونس لها بعينية ....
يونس..انتو صاحين فايقين للكلام دا كلة
ليلة..زى ماانت صاحى فايق للمعاكسة وانا ساكتة واقول دلوقتى هيتلم
يونس بصدمة..ينهار اسود يا ليلة انتى مفيش حاجة بتفوتك ابدا
مصطفى. .معاكسة اية
ليلة..هههههههههه خلاص أن الله حليم ستار
لتقطع الحديث دلوف الخادمة صفية وهى تقول..
صفية..لا مؤاخذة ياست ليلة فى ناس بيسالو عليكى
ليلة..ماقالوش هما مين ياصفية
صفية..قالو ياستى واحدة اسمها مى صفوان والتانية هدى العشرى
ليلة...طلعيهم على قوضتى وقدميلهم حاجة يشربوها وانا جاية
صفية..حاضر يا ستى
شهقت عهد وقالت...
عهد..احلفى ياليلة مى صفوان عشان كدة رفضتى أننا نشترى فساتين الفرح ولا حتى فستان ليا ولهنا دانتى رهيبة
وفاء...مين دول يا بتى
ليلة..مى صفوان دى ياامى أشهر مصممة ازياء وهدى العشرى أشهر ميكب ارتيست ودا جزء من المفاجأة بتاعتى
يوسف ..وأية الجزء التانى
ليلة.هتلاقى فى قوضك انت ويونس تذاكر سفر ورحلة كاملة مدفوعة الأجر لباريس وبعدين إيطاليا وبعدين ترجعولى على تركيا وانا هكون هناك
يونس..احلفى والنعمة انتى احلى لولو فى الدنيا
ليلة..بطل بكش بث يا إقدام هتلاقى تذاكر سفر ليك ولهنا على تركيا وممكن تستخدمها فى اى وقت وياريت تبقى تقولى قبل ما تيجى عشان ابعتلك العربية تستناك
إقدام..قلبى يا لولا ربنا يخليكى ليا
ليلة ..تسلم يا حبيبى..يلا يا بنات نطلع عشان الوقت بيجرى بسرعة
.........
...........
.........
ويمرء النهار سريعا ليتألق الجميع ..
عند الشباب...
تألق يوسف ويونس وأسر بالبدل التوكسيدو السوداء وقام يوسف ويونس بوضع حرف لمعشوقتة من اللؤلؤ على صدرة فوق موضع القلب وتألق إقدام ببدلةرمادية اللون واكتفى أسامة بارتداء بنطال اسود اللون وقميص ابيض وترك الأزرار العلوية مفتوحة لتزيدة وسامة
.......
أما الفتايات...
فكان الإبداع لسارة وجويرية حيث ارتدو نفس تصميم الفستان وكان عبارة عن فستان ابيض مرصع باللؤلؤ ومغلق من الصدر حيث لا يشف الجسد ويهبط باتساع للأسفل وكان له ذيل طويل
وقامت الفتايات بوضع الحجاب والقليل من مساحيق التجميل التى زادت من جمالهن أما عهد فارتدت فستان من اللون الأحمر ذو حمالات رفيعة ومتسع من الخصر ويصل لركبتيها وقامت برفع شعرها وتركت بعض الشعيرات لتتمرد على وجهها وعنقها أما هنا فقامت بارتداء فستان من اللون الأزرق مرصع باللؤلؤ وطويل ومغلق ووضعت حجاب من نفس اللون أما ليلة فتألقت بفستان اسود لامع يبرز جمالها طويل وقامت بطلق العنان لشعرها وبعض مساحيق التجميل فمن يراها لا يظن انها ام لأربعة أبناء....بدأت مراسم الاحتفال مع الرقصة الأولى للعروسين وكانت على نغمات اغنية (انا السكران ليحيى علاء)
عند يوسف..
يوسف..اية الحلاوة دى
سارة..بجد شكلى حلو
يوسف بهيام..قمر 14
سارة..بس بقى متكسفنيش
يوسف..بس اية هو انا لسة عملت حاجة داالتقيل جاى ورا
سارة..بس بقى اتلم
.......
عند يونس...
يونس..انتى ازاى كدة
جويرية بعدم فهم...كيف يعنى
يونس. .ازاى حلوة كدة
جويرية بخجل..وااه عاد بكفاية كلامك دا
يونس. .الله يخربيتك شكلى هحبك ولا اية
جويرية..بس بجى انت بتوترنى وكمان الجزمة اللى انا لابساها دى عالية جوى حاسة انى هتجلب على وشى
يونس بهيام..مستحيل تقعى وانتى فى حضنى تحبى اشيلك
جويرية. .والله اروح اجعد جمب ليلة اسكت عاد
ولم يحتمل يونس طريقتها التى يعشقها وقام بحملها ولف بها عدة مرات وسط تصفيق وتصفير المعازيم
........
مرء حفل الزفاف بسلام واتجة كل عروسين إلى الفندق بعد توديع الأهل والأصدقاء. ..
.......
فى الفندق ..غرفة يوسف...
دلف يوسف وهو يحمل سارة على ذراعية وأغلق الباب بقدمة وقام بانزالها فى وسط الغرفة وقال..
يوسف..مبروك يا حياتى
سارة..الله يبارك فيك يا حبيبى
يوسف..يلا غيرى هدومك وتعالى عشان نصلى ركعتين سوا
سارة ..حاضر
وبعد مرور بعض الوقت وقام يوسف وسارة بالصلاة التفت يوسف إليها وقال
يوسف..بحبك
سارة..وأنا بموت فيك
(ونسكت عشان عيب )
.......
فى غرفة يونس...
كان الوضع مختلف فقامت جويرية بتبديل ثيابها وارتدت منامة ذات أكمام طويلة من الستان الأبيض وأطلقت العنان لشعرها الذهبى وظلت تركض بالغرفة ويلحقها يونس..
يونس..يابت اتهدى هو انا كلمتك انا بقولك تعالى نصلى
جويرية..مالكش صالح بيا انا عايزة اخوى
يونس..اقعدى بقى هو انا كلمتك
جويرية..لاه انا عاوزة امشى من اهنة
وقف يونس وهو يلهث ونظر لها وقال..
يونس..انشالله عنك ما جيتى يخربيتك انا تعبت انا رايح انام
جويرية..طب انا هنام فين
يونس بغضب..نامى وانتى واقفة زى الحصنة
وتركها يونس وذهب للفراش واستلقى علية ونظر لسقف الغرفة حتى ذهب فى ثبات عميق وظلت جويرية واقفة مكانها حتى تأكدت انة خلد للنوم وذهبت إلى أحد أركان الغرفة وجلست على الأرضية وضمت ركبتيها إلى صدرها وظلت على هذا الوضع حتى ذهبت فى ثبات عميق هى الأخرى...