هشام قال بصوت واطي "قوله ماشي احنا موافقين"
حمدان هز ليه رأسه و بعدها قرب ودنه من التليفون و قال " تمام ماشي احنا معندناش مشكلة"
هاشم "خلاص يلا بينا نطلع نفتح المقبرة و هنطلع بعدها على اليابان علشان نبيع التماثيل و الحاجة"
هشام "تمام اوي يا معلم يلا بينا نجهز"
و نروح عند حنان و سيف
كانوا لسة كلهم في العربية بس كانوا خلصوا خلاص سماع القرآن قفلوا و كانوا قاعدين كل واحد فيهم سرحان في حاحة لحد ما اللوا قال" يلا علشان تجهزوا يا شباب احنا هنزل المطار و هنلاقي طيارة طالعة اليبان دي بتاعتنا و انا حاجز ليكم التذاكر و كل حاجة جاهزة هتركبوا الطيارة و الباقي عليا انا"
حنان " تمام يا باشا احنا جاهزين بس هي الطيارة دي هتكون طيارة خاصة"
اللوا "لأ طبعا مينفعش تكون طيارة خاصة "
سيف "مينفعش تكون خاصة ليه يا باشا "
اللوا" علشان محدش يشك فينا و معنى انه جاركم يعني هو بيراقبكم فافهموا بقى "
حنان" اه فهمت خلاص يا باشا "
اللوا" طيب استعدوا هننزل حالا "
و فعلا نزلوا من العربية لحد ما وصلوا المطار و في نص الطريق حنان قالت" اه يا رجلي انا رجلي وجعتني انتوا ازاي مستحملين تمشوا الطريق كله كده ازاي و ايه اللي يخلينا نمشي و احنا كنا راكبين عربية "
اللوا اتضايق اوي و اتعصب من كلامها يعني ايه ظابط زيها و في مكانتها يفكر بالطريقة الغبية دي "حنان انتي مش بتلعبي هنا و كمان انتي ظابط و طريقة التفكير دي متنفعش هنا لازم تكوني ذكية و عموما احنا مركبناش العربية علشان محدش يعرف و لا يدور ورانا
و بعد مرور ساعة كانوا خلاص وصلوا المطار و هناك اللوا قال" خلاص وصلنا اقعدوا انتوا هناك بقى في الاستراحة و انا هروح اخلص كل حاجة و بعدها نركب الطيارة"
حنان قالت "تمام يا فندم" و بعدها راحت قعدت هي و سيف في الاستراحة و اللوا راح جهز كل حاجة و رجع ليهم و قال "يلا هنركب الطيارة علشان هتطلع خلال عشر دقايق"
سيف "طيب انت مستني ايه يلا بسرعة قبل ما الطيارة تطلع "
و كلهم راحوا ركبوا الطيارة و انطلقوا على اليبان "
♡
نروح في مكان تاني خالص في دمياط كان هاشم و هشام قاعدين في بيت خشبي سقفه معمول من القش في منطقة رملية بعيدة و هشام مسك واحد من التماثيل الموجودة في البيت ده و قال "ايه يا هاشم الحلويات دي انا بقول نخلع و نسيبنا من الكلام بتاع البيع ده و نروح أمريكا "
هاشم "بس يا بابا فكر على قدك و بعدين يلا علشان هنتاخر"
هشام "ايه بس يا بس مهو كده كده فيه طيارة خاص لينا"
هاشم "طيب يلا يا روح امك علشان منتاخرش"
و فعلا راحوا و ركبوا طيارتهم في الطيارة
هشام قال" قولي صحيح يا هاشم اخبار الظباط جيرانك ايه "
هاشم" مكانش في شغل يعتبر خاصة ان سيف بيشتغل في شركة جنب شغله الرئيسي اللي هو ظابط و كان مشغول اوي في الشركة و حنان مخرجتش خالص من الشقة "
هشام" يعني امان "
هاشم "ايوة طبعا امان يا معلم"
هشام "يعني اثق في كلامك "
هاشم" ايوة طبعا ثق فيا هو انا شوية "
هشام "لأ طبعا و دي تيجي انت شويتين يا حبيبي "
هاشم طلع المسد س من جيبه و قال هشام اتظبط انا مش عايز ائذيك