رواية دليل برائتي الفصل الخامس5 والسادس6 بقلم ساره عادل
ملكش دعوة بيا يراشد تاني احترم سنك واحترم اني كنت مرات اخوك الله يرحمه واتفضل بقي من غير مطرود كفاية ضيعت بنتي الله اعلم بحالها دلوقتي ولا سايبني اطمن عليها ولا سيبني في حالي روح منك لله
راشد بضيق:انا خلاص زهقت منك مفيش واحدة ترفض كلامي أنا سبتك تدلعي براحتك يلا قدامي أنا هعمل اللي بقول عليه والثانية دي بدل ما الحنية مش نافعة معاكي يبقي غصبانية بقي
ام روز بغضب:سيب ايدي اللي في دماغك مش هيحصل سبني ابعد عني روح لعيالك وبيتك هما أولي بيك بطل الق رف اللي انت فيه دا
راشد بعصبية: اسكتي خالص بدل ما امو تك في أيدي قدامي يلا المأذون مستنينا يعروسة
ام روز بزعيق:حرام عليك ابعد عني ملكش دعوة بيا أنا مش عايزاك انت مبتفهمش سبني في حالي بدل ما اصوت والم الناس عليك
راشد بخبث:خلاص براحتك مش هتنزلي معايا هجيبه لهنا سابها وقفل الباب وراه وقف برا رن عليهم وبعدها دخل تاني
..........
روز بخوف جريت لفوق لما لقت أن سامر قرب من السلم خافت لو شافها يطلع غضبه عليها فضلت تجري براحه لعند لما وصلت لاوضته
روز برعب:اعمل اي دلوقتي لو شافني مش هيمسي عليا دخلت بسرعه للاوضه وحاولت تتخبي فيها لعند لما تلاقي طريقة تطلع بيها من غير ما يلاحظها فضلت تدور هتتخبي فين اول ما سمعت صوته وهوا برا من الخوف فتحت باب حمام الغرفه ودخلت بسرعة
سامر بضيق دخل وبدأ يكسر كل اللي حواليه لعند لما جسمه تعب من المجهود قعد علي الارض ودموعه نازلة من غير ما يتكلم
روز بخوف:هو سكت ليه ياربي اعمل اي دلوقتي أنا ايه اللي جبني هنا كانت واقفة وقلقانة ووشها كله احمر من التوتر والخوف
سامر قام وخرج ورزع الباب وراه
روز فرحت لما سمعت صوت الباب وأنه خرج فتحت باب الحمام بسرعه ولسه بتخرج من الاوضه وهيا بتقفل الباب وراها
سامر بشرر:انتي كنتي في الأوضه بتعملي اي
روز بصدمة وتوتر لدرجه ان حست أن قلبها هيطلع مكانه من كتر الدق
سامر بغضب:ردي كنتي بتعملي اي في أوضتي لسانك انقطع يعني قال كلامه بصوت يرعبها اكتر وبقي يقرب منها بخطوات ثقيلة
روز محستش بنفسها الا وهيا بتقع وسامر كان واقف مكانه بدون ما يعطيها اي أهمية قرب منها وخبطها علي كتفها برجله خبطتين ملقاش أي ردة فعل منها فتح الباب بهدوء وتخطاها ودخل اوضته وقفل وراه من غير أي ردة فعل
بعد ساعة
روز فاقت لقت نفسها واقعة جمب الاوضة حاولت تفتكر اللي حصل بدأت تفتكر وعيطت من قلبها علي الموقف هيا اه مقدرة إحساسه من ناحيتها وأنه لو طايل يقت لها مكنش استني لحظة وممكن سايبها عشان يعذبها لعند لما تم وت بس نفسها صعبت عليها قامت ولسه هتمشي الباب اتفتح
سامر بغضب:تعالي ادخلي واقفلي الباب وراكي
روز دخلت ولكن المرادي مكنتش خايفة ودخلت بكل سكينة قفلت الباب ووقفت وقالت بهدوء: نعم حضرتك
سامر بغضب:انتي كنتي بتعملي اي في اوضتي ايه اللي يدخلك من غير اذني
روز بهدوء:بعتذر لحضرتك
سامر قام وقف وقال بزعيق:نعمم أنا مش فاهم ايه كمية الهدوء اللي انتي فيها دي انتي قات لة متنسيش يعني مصيرك المو ت بس مش دلوقتي لما تاخدي نصيبك مني ولما اسالك سؤال تردي بالإجابة علطلول انا مش بخيرك انتي فاهمه تعالي شدها من دراعها ومشي وهيا كانت بتحري وراها لدرجه انها حاسه أنه بيجرها راح للمطبخ وجاب كباية وفضي فيها كل الشطه وقلها اشربي واياك تنزليها من علي بقك لعند لما تخلصي الكباية
روز بصدمه:أنا مستحيل اعمل كدا
سامر بخنقة:اقلك تعالي بقي مسكها من وشها وفتح بقها بايده وشربها واحدة واحدة اللي في الكباية لعند لما روز زفت الكباية من أيده وقعت علي الارض وجريت قعدت ترجع اللي شربته
روز بصويت:اااه فضلت ترجع وهيا مبقتش حاسها ببقها من كتر التخدير اللي الشطة عملته ليها
سامر كان سامع صوتها بس مهمهوش وراح لاوضته وقفل عليه
عزيزة سمعت صوت صريخها نزلت لقت المنظر دا قالت بزعيق:اي الق رف دا انتي بتعملي اي ومين اللي عمل كدا
روز وقعت علي الارض بتعب وقعدت تعيط وتصوت من الوجع
عزيزة خافت نادت علي البواب اللي برا وقالتلته جهز العربية وخدها علي المستشفي حالا وراحت طلعت لسامر فتحت الباب بدون ما تستاذنه وقالت بزعيق:ايه اللي بيحصل تحت دا
سامر ببرود:اظن حاجه ملكيش دعوة فيها
عزيزة بزعيق:انت مريض قلي اعالجك بدل الحركات الخايبة اللي بتعملها دي
سامر بزعيق قصادها وقف وخبط أيده في الحيطة وقالت بغضب:اطلعيي برااا
.........
راشد بفرح:مبروك يعروسة
ام روز بقرف:قلي بقي بنتي فين انت وعدتني
راشد بضيق:هو وقته بقلك مبروك انتي بقيتي مراتي
ام روز بغضب مسكته من هدومه وقالت بزعيق:انت هتبقي راجل أمتي وقد كلامك قلي بنتي فين حرام عليك عملتلك اللي عايزة واتجوزتك منك لله بكرهك
راشد ببرود:بنت ما تت
الفصل السادس
دليل برائتي6
سامر بزعيق:أنا قلت البنت دي متخرجش برا البيت هو كلامي هوا انتي مالك بتدخلي ليه
عزيزة بغضب ضربته قلم وقالت بزعيق:أنا معرفتش اربيك عندك حق انك تربية شوارع بس متنسبش تربيتك ليا مفيش ادني احترام للمكان اللي انت فيه ولا لامك ولا لاي حد عملتك بنآدم وكبرتك بين الناس واخرتها كدا أنا مش الشخص اللي لما تتعصب أو تضايق تطلع عصبيتك عليه اولا انا امك متنساش وتاني حاجه أنا عزيزة البدراني بنت جلال البدراني اللي محدش طول عمره قدر يتجرأ ويرفع صوته علينا هيجي حتة عيل انا خلفته يعصي اوامري وكلامي وميحترمنيش يبقي متلزمنيش هنا وروح طلع قلة ادبك دي برا قصري مفهوم كلامي ولا أعيده تاني
سامر بصلها بخنقة وعينه بتطلع شرارة وقال ببرود:لا اتأثرت أنا اوي بكلامك روحي راعي ضميرك الاول وبعدين ابقي كلميني مهما كنت انسان وحش وبعامل الناس بطريقة مش كويسة فانتي اوحش بمليون مرة واذيتي كتير وانا مش هسمحلك تأذي حد يخصني تاني واشبعي بقصرك بس انسي رجعتي هنا تاني
..........
راشد ببرود:بنتك ما تت أو اعتبريها كدا لأن هيا مش هترجع تاني ولا الناس اللي عندهم عايزين حد يعرف عنها حاجه خلاص قلبك ارتاح بقي
ام روز بدموع:انت اييييه بنتي فين قلي وديت بنتي فين ربنا ينتقم منك يا ظا لم دي بنت اخوك هتأذيها بايدك حرام عليك
راشد بزعيق:ما خلاص بقي هو كل شوية هنعيد نفس الكلمتين بنتك خلاص بح انسيها دلوقتي ركزي في حياتك وجوزك بقي
ام روز بغضب بصتله بخنقة وقامت دخلت المطبخ عملت كبايتين عصير وكانت ناوية تس ممه بس قالت لنفسها:اي يشرين هتبقي قا تلة عشان واحد كلب زي دا فكرت شوية لعند لما أيقنت أنها هتخليه يكره حياته
...........
روز بدموع:انت سيبني ورايح فين وانا هعمل اي هنا استني متسبنيش هنا اس المكان دا
السواق:دي أوامر وانا لازم انفذها
روز :سامر بيه اللي امرك بكدا
السواق مردش عليها وركب العربية ومشي
روز قالت بصراخ:ارجوك متسبنيش هنا وفضلت تجري ورا العربية لعند لما وقعت قعدت تعيط في مكانها وهيا مش عارفة مصيرها اي وازاي هتطلع من المكان دا
بصت حواليها للأشجار والكوخ اللي قدامها وقالت بدموع لنفسها:أنا فين وازاي هطلع من المكان دا يارب ساعدني
..........
سامر كان في المستشفي اللي روز فيه وزعق للممرضة اللي كانت موجودة وقال بغضب:هيا طلعت راحت فين انتو ازاي غير مسؤولين كدا ومين اخدها
الممرضه بخوف:فيه واحد جه واخدها من تلت ساعات كدا
سامر بغضب: ازاي هو مفيش نظام ازاي تخرج من غير ما اكون موجود وامضي علي خروجها بنفسي أنا مش منبه من امبارح عليكو
الممرضة بخوف:كان معاه ورقة مسؤولية منك علي خروجها واحنا خرجناها معاه مش ذنبنا يا استاذ سامر
سامر قال جوا نفسه:هتروحي مني فين هجيبك يعني هجيبك
..........
راشد بتعب:اااه بطني انتي حطيتي اي في العصير
ام روز ببرود: سم متك روح الحق نفسك قبل ما تموت
راشد بخوف وشه جاب الوان وقال بزعيق:عايزة تمو تيني يا شمس اااه قال بصوت عالي الحقوني وهو حاسس أنه هيغمي عليه كرر زعيقه اكتر من مره لعند لما الجيران اتلمت علي الصوت
..:افتحي الباب يام روز اي الصوت دا
شمس قامت فتحت الباب وقالت بتمثيل الخوف:راشد اخو جوزي واقع جوا وبيتأوي من الوجع وانا مش عارفة اعمل اي
راشد بزعيق:هتمو تني حد يلحقني بسرعة ااه
يتبع