رواية ازمة ثقة الفصل العاشر10 بقلم جمانه السعيدي
عشتار....نجوى اريد احجي وياج بموضوع مهم
نجوى...اي
عشتار...اركان اتقدملي
نجوى...ياااركان اركان ابو ادم
عشتار...اي
نجوى....اي همزين ولله كل يوم اكول شلون لورجعنا
عشتار تموت تعودت على الجهال
شوفي ربج ابد ما يكطع
شوفي احنا انهزمنا هنا بتقدير من رب العالمين حتى تصير
معجزه وتكونين ام الاطفال ثنيين
وتزوجين وتستقرين
وحتى ذوله الجهال تصير عدهم ام تحبهم وترعاهم
الف الحمد لله والشكر
عشتار...اني كتله موافقه
نجوى....اي ليش ضايجه اركان خوش ولد محترم
عشتار...وعلي شلون راح نوصلله خبرحتى يعرف اني ازوجت
نجوى....علي خلي عليه اني متأكده راح يوافق
علي كلبه طيب ويفرح اذا شافج تستقرين
اني انطيج موافقه بدل علي بس ازوجي وخلصيني
عشتار...هااا طلعتي ضايجه مني
نجوى....لا ولله ما ضجت منج بس شايله همج افكر بيج
طول الوقت
احس ما حصلتي شي واضوج عليج
ذاك الحقير اخذ كلشي على الجاهز
عشتار...اكيد رب العالمين راح ياخذ حقي منه
جمانه السعيدي
رجع ابو احمد من المضيف اني ونجوى بعدنا كاعدين نسولف
ابو احمد....اي همزين لكيت عشتار
اليوم اركان اتقدملج شنو رائيج
عشتار...بكيفك
ابو احمد...لا بكيفج انتي انتي الي راح تزوجين
عشتار...انت شتكول
ابو احمد...اكول اركان خوش ولد وانتي تستاهلين كل خير
عشتار.... خلاص انت ولي امري من بعد رب العالمين
انت تتفق وياهم على كل التفاصيل
ابو احمد....مبروك شايفه كل الخير
عشتار...الله يبارك بيك
عشتار...من كعدت الصبح اخذت الجهال ورحنا للبيت الجبير
بس شأفتني ام اركان كامت تهلهل
ام اركان....هله بعروستنا الحلوه شايفه كل الخير
عشتار....شكرا
ام اركان....جنت شايله هم اركان والجهال بس هسه اطمنت
مادام انتي راح تكونين امهم اطمنت
كل الموجودين باركولي
حسب الاتفاق ابو اركان انطا فلوس الام اركان حتى اجهزني
ام اركان راحت جابتلي ملابس وذهب عدهم صايغ يتعاملون وياااا
كانت حفلة الخطوبه بسيطه عائليه
لبست فستان ماروني ساده بي ورد شغل بلردن
وصدره شويه دلع فتحت شعري واني مكيجت نفسي
جهالي وياي ثنيبنهم
يوسف مايقبل يعوفني
كل شويه وباسني يكول انتي عروثتي ( عروستي)
عقدلنا الشيخ ويوسف كاعد بحضني وادم بصفي
العقد مالتي بلبيت الي كاعدين بي بيت شهاب
والزلم بيت عمي ابو اركان
اجا اركان بعد ما عقدله الشيخ لابس قاط اسود وقميص ابيض مخفف لحيته وحالق شعره طالع يخبل
اول مره اشوفه حالق شعره ومرتب لحيته
بس دخل وشافني ابتسم وعيونه لمعن
ام اركان والبنات كامن يهلهلن ويركصن طبعا ام اركان جانت لابسه اسود على زوجة اركان
بيوم العقد لبست ثوب اللوان ولبست ذهب طلعت تخبل
المهم اجا كعد بصفي
جمانه السعيدي
بابتسامه حلوه كال مبروك ولزم ايدي
عشتار...الله يبارك بيك
قطعنا الكيك اركان يوكلني كيك واني اوكل يوسف وادم
اركان...واني وكليني لو من هسه كمنا نفرق بلمعامله
عشتار....اخذت قطعة كيك وكلته
اركان....شوفي من هسه ممنوع تحبين واحد اكثر مني
حتى يوسف
ترا اشمره برا
عشتار....اصلا اني ازوجت علمود يوسف وادم
اركان...هااا يعني مو علمودي
عشتار....غير احجي الحقيقه ليش اجذب
اركان...زعلت اذا ما تحبيني ازعل
اركان....لا تزعل غير اكون صريحه وياك
اركان...النوب ترجع اتعيدها يمه تعاي اخذي ادم ويوسف
واطلعو برا كلكم اريد اعرف شلون ما تحبني
ام اركان....تعالو بيبي
عشتار...حضنتهم حيل لا خاله لا تاخذيهم ذوله جهالي
اخذي ابنج
اركان....هااا اخذي ابنج
عشتار...وكف اركان وكللهم من رخصتكم اطلعو برا عندي
كلام وياا العروس
كلهم طلعو وهو وراهم طبك الباب سحب بوسف واني حاضنته
عشتار....عوفه الله عليك عوفه احبك ولله احبك
بس ذوله الجهال هم الي خلوني احبك
اركان...اي هيج امشي عدل احسلج تعاي بوسيني
وكولي احبك بعد مره
عشتار.... ههههه يااا هيج كدام الجهال
اركان...انعل ابو الجهال بوسيني لو هسه هسه افتهمي هسه
اسوي العرس خليها بس بوسه احسن
الجهال ثنيبنهم يضحكون ياربي الحمد لله والشكر
ياجميل العطيا والنعم
بسته من خده وهو باسني من راسي وخدي وعيني وايدي
اركان...الف مبروك
عشتار...الله يبارك بيك
اركان...احجي صدك ولله اغار ابد لا تحبيهم ودلعيهم كدامي
عشتار....غير جهالك
اركان...حتلو جهالي هم اغار اني عريس لازم الدلع
والحب كله اليه
عشتار....ميخالف
اركان...يمتى الزواج
عشتار....بكيفك
اركان...تجين تشوفين البيت إذا يعجبج نغير شي
عشتار...مايحتاج البيت مو بلاثاث بلناس الي عايشه بي
واني بلنسبه اليه انتم بلدنيا كلها انت وجهالك
اركان... خلاص نلم الشمل ونزوج بمكان ما كل واحد نايم بيت اني هم اريد جهالي كبالي
وزوجتي الحلوه كدام عيني
عشتار...حدد يوم وراح اكون جاهزه
اركان...اشوف ابوي شنو رائيه وراح نرجع نحجي مره ثانيه
عشتار.. تمام جمانه السعيدي
تحدد العرس بعد اربع ايام
كنا طول هاي الايام عبالك عشاق لازكين واحد للثاني
نعدل بلبيت ونفرش ونجهز
وجهالنا ويانا
كلما اشوفهم وياي ارفع عيني للسما واكول
انت شكد كريم ياربي ماهان عليك زعلي وعوضتني
بإنسان حنيين وجهال ثنيين مو واحد
رغم اني جنت ثوله وضيعت كلشي بغبائي
بس همزين مابقيت وياا جواد حتلو ماأخذ فلوسي الحياة وياا جانت جافه من العواطف عمل وفلوس وبس
اركان وجهاله عالم ثاني
احلى عالم عشت بي
جمانه السعيدي
يوم العرس كان يوم حلو ومميز
كل العائله مخبوصه وتحضر رغم هو زواج عائلي بحت
ماكو اي احد غريب
غير كم رجال من اقاربهم عزمهم عمي
اركان بيوم العرس لبست دشداشه بيضه وعبايه سوده
وعكال هو طويل وجسمه ممشوق طلع يخبل
اني لبست فستان اوف وايت وفتحت شعري اني مكيجت نفسي وتعطرت
اجا عليه اخذني وهو لازم ايدي وادم يمشي ويانا
وعمي كدامنا هو وخالتي خالتي شايله يوسف
وصلنا البيتنا دخلنا والبنات كامن يهلهلن
ولد نجوى كامو يركصون فرحانين بعرس خالتهم ههه
اركان...يمه اخذي الجهال وياج اليله
بس سمعو ابوهم يكول هيج كامو يبجون ثنيبنهم
عشتار...لا عوفهم
اركان...ووين اعوفهم اليله اني عريس
عشتار...هسه ينامون الله عليك عوفهم
ثنيبنهم كامشيني ومايقبلون يعوفني
طلعو بيت عمي وبقينا بس احنا بلبيت
اركان...ليش ماعفتي امي تاخذهم
عشتار...ما شفتهم شلون يبجون
اركان...يبجون شويه ويسكتون لا ابجي اني بسببهم
عشتار.. ههه هسه اعشيهم وينامون البوم هم تعبو بس يفترون وراي من الصبح لسه
اركان...اذا مانامو افتح الباب واشمرهم برا
عشتار....بس اعشيهم
دخلنا للغرفه بدلنا ملابسنا وطلعنا جبت العشى وكعدنا كلنا نتعشى
كملنا اكل اركان دخل الحمام سبح
واني فرشتلهم بلغرفه الثانيه وخليتهم بحضني
يوسف بسرعه نام
وادم بقه كاعد قصيتله قصه وبعده كاعد
طلع اركان من الحمام شعره مبلل ونازل على وجها
اشرلي هااا
عشتار...بعد بس ادم كاعد
قصيتله ٣ قصص ساعه كامله وهو يحوس بلكوه يله نام
غطيته ورحت للغرفه الثانيه
بس دخلت للغرفه
اركان...هاي احنا راح نبقى كل يوم هيج
عشتار...هاي شبيك اني كبالك ماطرت
اركان...الله عليج احجي الصدك تحبيهم اكثر مني
عشتار....هههههه ياا تغار من جهالك
اركان...اي اغار يله جاوبي بسرعه
عشتار....احبكم نفس الشي
اركان...لا حددي كل واحد ومكانته
عشتار..حسيته طفل زغير حاله من حالهم
اركان..جاوبي بسرعه ولو اني اعرف الجواب
عشتار....خلاص ليش تسئل
اركان...اريد اسمعه منج حتى اطمن
عشتار...طبعا احبك اكثر انت الاساس همه جزء منك
اعرف بالغت وجذبت بس لازم احسسه باهميته اني احبه
ولله احبه
بس احب يوسف وادم اكثر اصلا اني ازوجت علمودهم
ذوله الحلم الي جنت يائسه منه واخيرا تحقق
اما اركان الرجل الحقيقي والصح الي جنت منتضرته
بلبدايه جنت أتصور اركان يتشاقى وما يغار من جهاله
بس ولله يغار منهم
اذا خليت واحد.بحضني يزعل اذا بست احد منهم كباله
يضوج هو يحبهم بس ما يقبل أقربهم عليه
جمانه السعيدي
عشت احلى ايام بعمري ويا عائلتي الحلوه
كل يوم اشوف جهالي يكبرون كدام عيني افرح اكثر واكثر
سبع اشهر ورجعت نجوى وزوجها وجهاله البغداد
رجعو يمارسون حياتهم الطبيعيه
صح اكو خوف بس اكو رب العالمين الي عينه عليهم
يحفظهم ويرعاهم
اني اخذت نقل لديالى وصرت معلمه هناك
وأركان رجع الدوامه
حياتنا حلوه ومستقره ولله ألحمد
عوض رب العالمين احلى عوض
من رجعت الخطوط كمت اتواصل وياا علي ويااا نجوى
كنت اتمنى ارجع واشوف علاوي وجهاله
طبعا بس رجعت الخطوط اركان اتصل على علي
اركان....هلو ابو حسين شلونك
اني اركان زوج عشتار اعرف عندك علم بزواجنا بس حبيت اتشكر منك
كنت اتمنى تكون موجود وقريب حتى اطلب ايدها منك
بس الضروف انت تعرف
علي...الف مبروك انت انسان موتمن وطيب
سمعتك سبقتك نجوى حجتلي عنك
اني مطمن على عشتار وياك
اركان...الله يحفظك ويسلمك اكيد راح نلتقي اني وياك
احب اتعرف عليك
علي..انشاء الله
عشتار...هلو علي شلونك
عشتار.. الحمد لله انتي شلونج مرتاحه
عشتار.. الحمد لله شلون الوضع يمكم مستقر
علي...الحمد لله كلشي تمام
عشتار....بعدني ماعاقده بلمحكمه اريد وثيقة طلاكي من جواد
علي....بعد ما انفصلتو بشهر دزلي الوثيقه
عشتار...اي طبعا يخاف اورثه من يموت الحيوان حشاك
علي.. همزين خلصتي منه الفلوس تتعوض بس العمر ما يتعوض اني ماطالبت بلمؤخر لان مايسوه
كم فلس ما يسون اوكف وياا بلمحكمه علمودهن
عشتار...انت الي ما تتعوض ابد يابعد اختك
علي.. اتمنالج السعاده انتي وجهالج
عشتار...الله يحفظك اليه يابعد عمري
بقينا على تواصل كل فتره اطمن على نجوى وعلي بلتليفون
الحد مافديوم فاجئني اركان
اركان...تردين ترحين تشوفين اهلج
عشتار...تحجي صدك
اركان.. اي اني هم اريد اتعرف على اخوج
مو بس احجي وياا بلتليفون
عشتار....اي ولله كلبي طك علي وعلى جهاله
بعد سنتين من زواجي كدرت اروح اشوف علي وجهاله
وادخل ولا يتي مره ثانيه بعد ست سنوات
من طلعت منها