رواية ملك الاقتصاد والقط الاسود
الفصل الرابع 4
بقلم شيماء طارق
نظر له آسر بدهشه ثم نظر الي نهي فنظر روما ونهي الي بعضهم البعض في استغراب فتحدثت نهي قائله
نهي : هو حضرتك تعرفني....
حسام لسه هيتكلم بس سبقه آسر
آسر : أكيد طبعا لازم نعرفك مش دخلتي بيت آسر الرفاعي
روما وقد تداركت ما يرمي اليه ولكن لم يخفي عنها لهفه حسام وسرعته : ايوه اكيد طبعا اسمها موجود مع امن البوابه
آسر بإبتسامه : اكيد.. نسيبكو مع بعض بقي
حسام وهو ينظر الي آسر : بس يا آسر. .....
آسر : يلا ياحسام ......وامسك به وغادر من امامهم
حسام : اي يا آسر موجهتهاش ليه
آسر : مش دلوقتي... وتركه ودلف الي الداخل
حسام : محدش فاهم حاجه
.............
نهي :هما يعرفوني منين
نظرت لها روما وابتسمت بثقه : القط الاسود..
نهي بإستغراب : مش فاهمه
نظرت لها روما ومازالت مبتسمه ففتحت نهي عينيها بدهشه وصدمه
نهي : كدا يبقي هما مفكريين.....
هزت لها روما رأسها لأعلي وأسفل فتعالت ضحكات نهي وتابعتها ضحكات روما
نهي : طيب هنعمل اي
روما : مش هنعمل حاجه هو انتي كنتي القط الاسود.... هزت لها نهي رأسها بالنفي فتابعت روما..... خلاص لما حد يوجهك ابقي اعملي عبيطه
نهي : عبيطه
روما : ايوه..
نهي : طيب انتي هتفضلي تستخدمي القط الاسود لحد امتي
روما : مش عارفه بس مش جاهزه ان اظهر للكل دلوقتي
نهي : مش هتقوليلي بتهاجمي في آسر ليه
روما وهي تشيح بنظرها بعيدا عنها : انا مش بهاجم آسر انا واحده صحفيه مهمتها انها تكشف الفساد ومصدر ثروات الاغنياء الي اغلب مصادرهم بتبقي طرق غير مشروعه ودا بيخلي علامات استفهام كتير قدام آسر وخصوصا بسبب صغر سنه دا بيخلي قدامه علامات استفهام كتير...
نهي : انتي لسه بتحبيه
روما وهي تنهض من مكانها : يلا ندخل.
نهي : لو هربتي مني مش هتهربي من نظراتك ليه ولا من قلبك الي بيدق كل اما بيشوفه
روما : نهي مش عايزه اتكلم في الموضوع دا
نهي : ماشي بس هيجي اليوم الي هتتكلمي فيه
روما : ولحد اما يجي هكون مش عايزه اتكلم.. ...ثم تركتها وغادرت
نهي : هتفضلي تعاندي في نفسك وهو بيكابر لحد اما تضيعو من بعض ونظراتكو فضحاكو ........ثم لحقت بها
...........
حسام : مبقتش فاهمك يا آسر بجد قدامك الي بيهاجمك ومش عايز تواجهه
آسر : مش وقته انا كنت عايز اعرفه وبس انما المواجهه دي متبقاش في بيتي هنا
حسام : انت بتفكر في اي
آسر : سيب الايام تعرفك انا بفكر في اي......
*****مر اليوم بسلام وغادرت نهي مع والد روما الي منزلها سائق هايدي مازال يقف امام الفيلا الخاصه بآسر الرفاعي منتظر خروج روما بينما روما كانت تجلس في غرفتها وتبتسم كلما تتذكر ما حدث وما سيحدث صباحا عند توزيع المقال الخاص بها...
**********************************
سطعت شمس اليوم التالي وهي تحمل الكثير والكثير في جوفها استيقظت روما وادت فرضها وخرجت من غرفتها والقت التحيه علي والديها وغادرت الي داخل الفيلا
هدي : انا مش قولتلك تروحي كليتك
روما : لا ما هو النهارده اجازه فهكون مكان ماما
هدي : شكلك مبسوطه
روما : باين عليا قوي كدا
هدي : ايوه اقعدي احكيلي ...
روما وهي تنظر حولها : هو هنا
هدي : لو تقصدي آسر ف لا مش هنا خرج
روما وهي تجلس : طيب شوفتي الجرنال النهارده
هدي : لا هو السر في الجرنال .....هزت روما رأسها بالايجاب..... بدأت اخاف منك يا قط
ضحكت روما وهتفت : انا الي بدأت اخاف منك انتي ونهي مفيش غيركو يعرف اني القط الاسود ربنا يستر
هدي : لا متقلقيش مش هقول لحد وانتي عارفه
روما : طيب ابعتي حد يجيب الجرنال بتاع النهارده
هدي : انا بعت فعلا وهو علي وصول ....
روما : انتي طيبه قوي
هدي : وانتي عسل قوي... ثم اكملت بمكر... وبتحبي آسر اوي
روما بتوتر : ها. انتي بتقولي اي يا هانم
هدي : رجعتي ل هانم تاني يا روما رغم ان انا قولتلك تقوليلي اي حاجه غير هانم ليه ديما بتنسي
روما : عشان منساش وفسي وافوقها كل اما تيجي تنسي
هدي : ودا من الاسباب الي بتخليكي تبعدي عن آسر وتداري حبك عنه
روما : متنسيش حضرتك ان انا بنت الخادامه
هدي : تاني يا روما تاني انتي الي بتتعبي نفسك بصي حواليكي كويس عشان تشوفي بعنيكي انسي انك بنت الخدامه انسي انك بنت محمد البواب ولو لدقيقه وبصي حواليكي وانتي هتفهمي كويس
روما : هفهم اي بقي هفهم ان آسر عمرو ما هيبصلي ولا افهم ان انا حتي لو نسيت انا مين الناس مش هتنسي ولا افهم اي ولا اي....
هدي : دي كلها اوهام في دماغك بصي لمستقبلك ولتعليمك لمقالاتك الي بتكتبيها رغم ان نصها مش بتعجبني
ضحكت روما : تقصدي الي بتخص آسر
هدي : انا من ساعه اما شوفتك وانتي بتكتبي المقال في الجنينه وعرفت انك القط الاسود وانا مسئلتكيش انتي بتهاجمي آسر ليه بس الي عايزاكي تعرفيه ان آسر مش بيمشي في سكه غلط آسر عمل ثروته............. قاطعها دلوف الخادم وهو يعطيها الجريده ثم أمرته بالمغادره..
هدي وهي تفتح الجريده : اما نشوف عاملتي اي...
كانت تنظر لها روما في حماس منتظره ان تري ما سيحدث بعد صدور هذا المقال...
هدي بصوت عالي وهي تقراء النقال الخاص ب روما :...المسئولين في هذه البلد يعملون علي جمع الاموال فقط ولا ينظرون الي من تحتهم... معذره هل هم تحتهم ام هم بالنسبه لهم ليس لهم حق في الحياه معهم ......ثم نشرت صوره لاحدي الموزعين للمخدرات وهي تسلم الاطفال ما يجب توزيعه....
انظرو الي هؤلاء الاطفال فقد اتخذ منهم التجار الكبار موردين لبضاعتهم ارئيتم هذا ام انكم تحاولون ابعاد نظركم عنهم اهم من هذه البلد ام ليس لهم حق الحياه...
السؤال الاهم من هو الذي وراء كل هذا اهو أحد المسئولين الذين يصطنعون عدم المباله بهؤلاء الاطفال وكانهم من بلد اخري ام هو احد رجال الاعمال الكبار المتهربين من الضرائب بمساعده احد المسئولين ايضا...
.....ثم نشرت صوره أخري وهي لنفس السيده التي توزع المخدرات علي الاطفال ولكن وهي تقوم بضرب أحدهم ضربا مبرحا......
وهنا نري الاعتداء علي هؤلاء الاطفال الم نشاهد هذا ام ان النوم غالب علي بعض المسئولين فيجعلهم لا يرو شئ ويتجاهلون كل هذا...
اصبحنا في بلد كل منها يريد جمع الاموال فقط حتي اذا استغل هؤلاء الابرياء انظرو الي هذه الصوره ايضا... كانت صوره عباره عن طفل لم يتعدي عمره العشر سنوات ملقي علي الارض وفي صوره اخري بجوارها مجموعه من الاطفال يحملونه وصوره اخري وهم يرمونه في القمامه........
ما ذنب هذا الطفل في ان يتوفي بسبب زياده في جرعه المخدر التي يأخذها وكان مصيره هو ان يلقي كطعام للكلاب الشوارع التي ربما تكون رحيمه به بعد موته فهو لم يجد الرحمه وهو علي قيد الحياه سأعرض عليكم بعض الاسماء التي توصلت اليها من مصادري الخاصه وهي لها علاقه وثيقه بهؤلاء الاطفال او يجب القول ان هؤلاء الاطفال يعملون لصالح هذه الاسماء...
ماذا ينقص ابراهيم الناجي لكي يكون هو الممول الاول لهذه السيده التي تأخذ منه ما يريد توزيعه وتعمل هي علي توزيعه علي الاطفال ونشره في جميع البلاد
ماذا ينقص ممدوح الشامي لكي يبني ثروته بالتجاره بأعضاء البشر وايضا ادخال كميات كبيره من المخدرات والاسلحه الي البلد..
السؤال الاهم هنا من هو الذي يساعدهم لكي ييهل لهم اعمالهم هل هو احد المسئولين ام هو صابر الدمنهوري.....
اعلم ان لا احد سيتحرك وسيحاولون كشف من هو القط الاسود للقضاء عليه ولكن هم لا يعلمون اني لا اهاب الموت ولكن اهاب رب هؤلاء الناس لقد اقسمت علي ان اظهر الفاسد في هذه البلد وها انا اخبركم ببعض هؤلاء هذا هو دوري والقادم هو دوركم....
.........
اغلقت هدي الجريده وهي تنظر الي روما في دهشه واستغراب
هدي : انتي فتحتي علي نفسك نار مش هتتقفل.
روما : بس دي الحقيقه
هدي : بس صابر الدمنهوري مش قليل مش هقولك ابراهيم الناجي ولا ممدوح الشامي بس صابر الدمنهوري.....
قاطعتها روما : هو عشان يبقي وزير اخاف واسكت لما اسمع اسمه لا هو مش يمص دم الغلابه ويسرق برأه الاطفال واسكت هو مش يدمر الشباب ويموتهم ويسممهم واسكت انا هفضل اتكلم واقول طول ما انا فيا عمر هوصل الحقيقه للناس ومش هخاف من اي حد
هدي : الشجاعه حلوه بس انتي بتلعبي بالنار
روما : النار دي هتحرقهم هما مش انا انا الحق وهما الظلم
هدي : بس كويس لاقيتي حاجه تشغلك عن آسر
ابتسمت لها روما واخذت من يدها الجريده ثم فتحتها مره اخري واعطتها لها.. فنظرت لها هدي ثم الي الجريده واخذتها منها.. وقرأت ما فيها...
هدي : آسر الرفاعي يرفض ذكر ما هو مصدر ثروته اهو يخاف من الحسد ام ان لم يآتيه التصريح بعد لكي يصرح لعامه الشعب ما هو مصدر ثروات ملك الاقتصاد ام هو سيظل سر خافي علينا...
اغلقت هدي الجريده وضحكات بصوت عالي فنظرت لها روما فحاولت كبت ضحكاتها
هدي : مفيش فايده فيكي هتفضلي كدا لحد امتي انا مش عارفه ازاي بتحبيه وبتهجميه كدا..
روما : انتي عرفتي ازاي ان انا بحبه
هدي : نظراتك فضحاكي
***********************************
اغلق آسر الجريده وهو يبتسم بينما دلف حسام مسرعا الي آسر
حسام : شوفت الي مكتوب في الجريده
آسر : اه شوفت...
حسام : انت جايب البرود دا منين دا البت كدا هتروح في داهيه بسبب مقالها عن الدمنهوري
آسر : وانا اعملها اي هو انا الي قولتلها اكتبي وبعدين محدش يعرف لسه مين هي القط الاسود
حسام : بس شكل المقال عجبك
آسر : اصل الي هي كتباه في حق الناجي والشامي صح بس الدمنهوري متوقعتش منه كدا الصراحه
حسام : تفتكر هيسيبوها
آسر بثقه : مش لما يعرفو هي مين الاول يبقو يشوفو هيعملو اي
حسام : ما ممكن يوصلو ليها زي ما انا وصلتلها
آسر : ومين قالك ان نهي هي القط
حسام : نعم!!!!!
نهض آسر من مكانه وهو يضحك : انا هرجع الفيلا
حسام : استني بس فهمني
آسر : خلص الاجتماع وابقي حصلني .....ث‘ تركه وغادر
حسام : هو يقصد اي...
********************************
هايدي وهي تجلس في احضان مازن : شوفت يا مازن البنت طلع اهلها شغالين عند آسر
مازن بأنتباه : روما
هايدي : ايوه هي.. وكمان قاعدين معاهم في الفيلا
مازن بإبتسامه خبيثه : كدا احلوت قوي
هايدي : مازن
مازن : هاا
هايدي : هو انت هتتقدملي امتي ياحبيبي
مازن وهو يبعدها عنه ويقف لارتداء ثيابه : احنا مش اتكلمنا في الموضوع دا يا هايدي
هايدي : بس احنا طولنا قوي
مازن : مش عايز وجع دماغ انا همشي
هايدي : وجع دماغ جوازنا بقي وجع دماغ
مازن : يووووه........... قاطعه صوت هاتفه معلنا عن اتصال من والده
مازن : ايوه يا بابا...... اهدي طيب مش فاهم في اي...... طيب طيب انا هاجي البيت ....ثم اغلق الخط
هايدي : في اي اونكل ماله
مازن : مش عارف بس متعصب قوي البسي عشان اروحك في طريقي
هايدي : اوك
.**************************
نهي وهي تغلق الجريده... ينهار ابيض البت دي مش هتسكت غير لما تروح في داهيه انا لازم افهم وصلت لكل دا ازاي.. ايوه انا هروحلها.... وقامت وابدلت ثيابها وذهبت الي فيلا آسر الرفاعي
............
كانت روما وهدي مازالو يتحدثون مع بعضهم ..
نهي : انتي اي الي كاتباه دا انتي اتجننتي عايزه تروحي في داهيه عشان كدا مكنتيش عايزه تقوليلي حاجه وقولتي مفجآه انتي عارفه انتي بتتهمي مين ولا مش عارفه انطقي انتي مبتروديش ليه...
كانت تنظر لها روما وهدي فقط يستمعون لها الي ان توقفت
روما : هو انتي سيبتي حد يتكلم داخله فيا زعيق وخلاص
هدي : اهدي ياحببتي واقعدي استريحي
نظرت لها نهي ثم قالت : اسفه يا هانم بس من قلقي عليها
روما : وتقلقي ليه هو انا حصلي حاجه
نهي : انتي لسه عايزه يحصلك انتي اتجننتي يا روما بتلعبي مع ناس كبيره في البلد طيب موضوع آسر وانا عديته اهو مش بتغلطي انما انتي بتفتحي نار عليكي بمجرد ذكر الاسماء ديه
روما : من امتي وانا بخاف وبعدين المفروض هما الي يخافو ويقلقو مش انا
نهي : طيب قوليلي جيبتي الصور ازاي
نظرت لها هدي ايضا بآهتمام فتحدثت روما : هقولكو...
**************************
ممدوح : كنت فين مشوفتش الجرايد
مازن : في اي يا بابا
ممدوح وهو يلقي عليه الجريده : اقراء وشوف يا استاذ
اخذ منه مازن الجريده وأخذ يقراء ما بها وعندما رأي اسم والده فتح عينيه في صدمه وهو ينظر له... وما ان جاء ليتحدث حتي قاطعه دلوف احدي الظباط اليهم
.الظابط : ممدوح الشامي مطلوب القبض عليك...