العربية اللي خطفتهم عربية سودة كبيرة و فيها مجموعة من البدي جاردات اللي كلهم لابسين اسود و نضارات شمس و الله ما عارفة لابسينها على ايه ده حتى الدنيا ضلمة نرجع للقصة الناس اجبروهم على ركوب العربية و بعد ما ركبوا غموا عيونهم بشريطة لونها اسود و هنا حنان تسكت لأ ابدا راحت حنان قالت بهبلها المعتاد "الحق يا واد يا سيف ده تقريبا احنا اللي علينا الدور"
سيف" علينا الدور في ايه يا آخرة صبري "
حنان "هيكون ايه يعني غير رامز مهو ده اكيد المقلب الجديد و احنا اللي علينا الدور"
سيف "اسكتي اسكتي يا آخرة صبري انا مش عارف عملت ايه في حياتي علشان اتبلي بيكي"
حنان" قصدك عملت ايه حلو علشان تترزق بيا"
سيف" انتي مستحيل تجتمعي انتي و كلمة رزق في جملة واحدة"
حنان" هش اسكت قطع لسانك "
و هنا اتكلم واحد متوقعوش ابدا انه يتكلم" جرا ايه هو ده منظر ظباط و لا منظر ايه لا مؤاخذة "
حنان" ايه ده رامز انت جيت بس هو انت عرفت منين ان احنا ظباط و ثواني هو نبرة صوتك مختلفة ليه "
سيف" لأ يختي نبرة صوته مش مختلة اصل يا آخرة صبري التليفزيون هو اللي" مغير صوته و بعدها علا صوته و قال "ده صوت اللوا يا آخرة صبري "
حنان" ايه بتقول ليه مسمعتش" و بعدها قعدت تكح
اللوا" جرا ايه بس يا حنان الف سلامة "
حنان" انا انا اسفة يا فندم مكنتش اقصد اتتريق على حضرتك والله "
اللوا" مش فارقة كتير يا حنان "قرب منهم اللوا و شال الحاجة من على عيونهم و قال "اهلا بيكم دلوقتي انتوا هتنزلوا المقر الرسمي للتحقيق اللي هنشتغل فيه انهاردة علشان بكرة تروحوا المهمة "
سيف رد بعد ما شخصيته اتغيرت تمام اه مهو الكل اصلا يستغرب من سيف و تغيير شخصيته اصل ازاي بيقلب مع مراته كوميدي و بيضحك كتير و بيقلب مع الناس كلها شخص غريب مستحيل يفهمه اي حد لأن شخصيته بتبقى كلها غموض
" تمام يا فندم هننزل قبل الفجر و لا بعده للمهة "
اللوا "تعالوا ندخل الأول هنتكلم في حاجات كتير جوا"
و نروح لمكان تاني خالص في مرسى مطروح مكان تجمع الشر مكان كبير تحسوه من عصر الفراعنة مليا تماثيل فرعونية قديمة و آثار كتير و الاثاث كله خشب بس خشب من شجر غالي اوي بيقول واحد كان قاعد على مقدمة التربيزة اللي موجودة في نص الاوضة بالظبط" بصوا الصفقة الجديدة هتكون مع عمار الشهاوي هياخد مننا الف تمثال فرعوني و في المقابل هناخد ١٠٠ مليون جنيه و بعدها طبعا نسافر برا البلد مهو القعدة في البلد دي بعد اللي هنعمله هتبقى مستحيلة"
قال هاشم اللي كان قاعد في مقدمة التربيزة من الناحية التانية "بس يا هشام احنا مفيش عندنا غير ٩٠٠ تمثال بس هنجيب ال ١٠٠ تمثال التانيين منين "
هشام" ايه يا هاشم هي دي محتاجة سؤال الإجابة بسيطة جدا "قال كده و شاور على واحد من اللي قاعدين و قال" قدامك حمدان اهو هو كان قايل انه يعرف مقبرة جديدة ما اتفتحتش لسة نفتحها شفت بسيطة ازاي "
هاشم" و على كده المقبرة دي فين "
هشام" قريبة مننا بس المشكلة مش هنا المشكلة في مين هيفتح المقبرة "
هاشم" اعرف شيخ او مش شيخ بقى لأ دجال بس طبعا لقبه شيخ هنخليه يفتحهالنا في مقابل الف جنيه اظن انه يوافق "
حمدان قطع الصمت اللي هوا كان فيه و قال" يس انا اعرف واحد ممكن يا ٥٠٠ جنيه بس و شاطر اوي كمان اسمه مجدي "
هشام" يبقى كده تمام اوي يلا يا جماعة علشان نجهز نفسنا و نروح لمجدي ده "
و فعلا راحوا البيت اللي كلهم بيتجمعوا فيه ملحوظة هاشم و هشام يبقوا اتنين توأم علشان بس تبقوا عارفين و افتكروا كويس انهم توأم علشان هتحتاج المعلومة دي كتير
نرجع عند حنان و سيف
كانوا قاعدين هما و اللوا بيتكلموا فسيف قال بجدية" يعني رأيس العصابة دي هو واحد بس و اسمه هشام مش كده"
اللوا" اه و هي دي صورته"
حنان "ايه نعم ده هاشم جارنا"
اللوا "يا بت ده هشام مش هاشم و بعدين ده رأيس العصابة مش جاركم"