رواية ملك الاقتصاد والقط الاسود
الفصل التاسع9
بقلم شيماء طارق
هدي : هتتأخر في الشركه يا آسر
آسر وهو يقلب في الجريده : لا يا ماما مش هتأخر
حسام : هخلص المناقصه وهاجي علي الشركه
آسر : لا تعالي علي هنا مفيش حاجه يعني تستاهل هخلص انا كل حاجه في الشركه....... ثم القي بالجريده فنظرو له بإستغراب ولكن انتفضو في اماكنهم أثر صوته العالي
آسر بصوت عالي : رووووووووووووماااااا
.......
استمعت له روما فقالت في نفسها : مكانش يومك يا روما يا صغيره علي الي هيجرالك يا روما كان لازم تأخدي حقك ياختي اهو هتأخدي علي دماغك
.........
هدي : في اي يا آسر
حسام : اهدي يا آسر مالك
ولكن آسر لم ينتبهه لهم كل ما يهمه الان هو ان يري روما امامه كانت ملامحه تدل علي الغضب ولم يرد علي أحد ولكن هتف مجددا بصوت عالي..
رووووووووووماااااااا
.......
احدي الخادمات : روما كلمي آسر بيه
خادمه أخري : دا شكله متعصب وصوته عالي انتي عاملتي اي
نظرت روما وهي تكاد تبكي من الخوف : هو هيعمل فيا ايه
الخادمه : علي حسب انتي عاملتي اي
روما : لا انا عملت كتير
الخادمه : الله يرحمك بقي..
روما : للدرجادي
الخادمه : دا آسر الرفاعي....... ثم وقفو جميعا فجأه وأصابهم التوتر والخوف
روما : في اي اتنفضتو كدا ليه
لم تستمع رد ولكنها تتبعت نظراتهم فوجدتهم ينظرون خلفها والخوف واضح علي وجوههم
روما وهي تبتلع ريقها : هو في اي ورايا.....
أحست بخطوات تقترب منها وتقف خلفها مباشره فإبتلعت ريقها بصعوبه وخوف ثم التفت ببطء الي ان اصبحت تنظر في وجه من خلفها فصرخت بقوه ...عااااااااااااااااااا........ثم صمت عندما وجدت ملامحه تدل علي الغضب الشديد فإرتدت للخلف بخوف وهي تدعي بأن تنجو من بين يدي هذا الوحش الماثل امامها....
روما وهي ترجع للخلف : بص.. اهدي.. اهدي.. انا هفهمك كل حاجه.... ياربي هو ماله مش بينطق ليه
آسر وهو يخاطب الخدم : بره.......... انصاع له الجميع وفرو من امامه مسرعين فلم يتبقي سوي هو وهي فقط والجميع بنتظر ويشاهد ما سيحدث اماما المطبخ من الخارج وكان معهم يقف هدي وحسام.. لكي يتنقذو الوضع ان تطلب الامر
روما تنظر حولها ثم تحادث نفسها بخفوت : يالهوي دا انا هنا لوحدي كلهم مشيو
كان آسر يتابع حركاتها المتوتره والخائفه ويتابع حديثها مع نفسها بصمت يجعلها تخاف منه اكثر واكثر ولكنها تحدثت ببعض من الشجاعه الزائفه
روما : بص بقي دا شغلي وانت عارف كدا وانا صحفيه بقول الي انا عايزاه واعمل الي انا عايزاه اه.. وفي قانون في البلد اه ..وكمان انت ملكش حكم عليا اه.. وكفايه ان انا مروحتش الكليه عشان انت أمرت بكده اه.....ثم اكملت بحذر... . هو انت مبترودش ليه
آسر وهو يقترب منها: انا عديتلك كتير خروج من غير اذني ومن غير ما اعرف قولت ماشي...تبهدليني في الجرايد قولت معلش... تروح اماكن خطر وممكن مترجعيش منها قولت مفيش مانع مش هتتكرر تاني...ثم اكمل بصوت جهوري... انما امسك الجرنال الصبح الاقي الي انتي كتباه دا كدا يبقي انتي هبله او بتستهبلي
روما بهزار : او بستعبط ممكن..... نظر لها بغضب فإبتلعت ريقها..... وقف امامها ونظر لها فأخفضت رأسها للاسفل فهي تعلم انها مخطائه ولكن هو من أثار غضبها
آسر : احكمي علي نفسك
روما : هااا
آسر : احكمي علي نفسك
روما : ما هو... هو...
آسر : خلاص احكم انا..... ثم مد يده خلفها وكان خلفها يوجد طاوله موضوع عليها عصا هو من وضعها اثناء دخوله جذب العصا فنظرت له في دهشه وصدمه ثم حاولت الفرار من امامه
روما وهي تركض من امامه : لا لا انت اكيد بتهزر صح ثم ركضت الي خارج المطبخ وهو خلفها كان الجميع يتابعهم في صدمه واضحه وايضا هدي وحسام
آسر وهو يركض خلفها : والله لاربيكي يا روما عشان بعد كدا تفكري الف مره قبل ما تأخدي قرار ضدي
روما وهي تستمر في الركض : لا لا خلاص والله ما هعمل كدا تاني
آسر : ليه هو انتي ناويه تعملي تاني
روما : لا والله لا بس متضربنيش ارمي البتاع دي من ايدك
ظل يركض خلفها وهي تركض خلفه
حسام : هو آسر ماله
هدي : آسر اتجنن....روح وقفه دا لو البت وقعت تحت ايده هيكسرها
حسام : وانا مالي دا مش هيفكر في مين الي قدامه روحي انتي انتي مش امه وعامله قوانين في البيت دا اتصرفي
هدي : ما انت عارف ان القوانين دي خارج آسر وهو في حالته دي بس اول مره اشوفه بيضرب حد بعصا
حسام : يمكن عشان روما
اتت اليهم نهي وهي تستمع الي صوت صريخ روما وصوت آسر خلفها ولكنها لم تراهم الي الان
نهي : فين روما يا طنط
هدي وهي تشير اليها : هناك اهي
نظرت نهي الي ماتشير هدي ففتحت عيانها بصدمه فقد مانت روما تقف علي طاوله السفره وآسر يقف امامها يحاول الوصول اليها
نهي : اي الي بيحصل دا
حسام : روما عاملت حاجه بس مش عارفين اي هي... ثم خبط علي جبهته بيديه... الجرنال... وذهب وامسكه كانت هدي ونهي ينظرون معه وما ان اتي امامه المقال الخاص بالقط الاسود هتفت هدي ونهي بصوت واحد.. استني..... نظر لهم حسام بإستغراب وما لبث ان فتح عينيه علي مصرعيه بصدمه مما يسمع حيث كانت نهي تقرأ المقال بصوت عالي...
وكان يوجد صوره بها آسر وهو يحتضن فتاه...
ملك الاقتصاد علي علاقه بإحدي الفتيات هل هناك ارتباط ام انها علاقه عابره.....
ملك الاقتصاد الي الان لم يصرح لاي مؤسسه اومنظومه عن سبب ثروته هذه هل من الممكن ان تكون من نفس مصادر ممدوح الشامي وابراهيم الناجي.... هناك الكثير حول مصدر ثرواته ولكن هو لم يصرح بأي شئ هل هو يطلق العنان لعقولنا بأن تستكشف ما هو مصدرها ام هو يختبر صبرنا في مده حثه علي الافصاح بمصادره
هل علاقات ملك الاقتصاد مع النساء ستؤثر علي شركاته ام انها ستبقي سريه ولم تقترب من الشركات....
كان حسام في حاله صدمه مما يسمع بينما هدي كانت تنظر بأتجاه روما في صمت رهيب ونهي بعد ان انتهت من القرأه وجههت نظرها ايضا الي روما بينما هتف حسام لنهي
حسام :انتي اي الي انتي كتباه دا يا مجنونه
نهي بدون وعي : مش انا دا روما
حسام : هاا.. ثم سرعان ما استوعب ونظر الي آسر وروما.... ربنا يستر
آسر : انا علي علاقه بستات انا..
روما وهي مازالت علي الطاوله : مين قال كدا ينقطع لسان الي يقول كدا
آسر : انا ثروتي من من المخدرات والاعضاء
روما : بجد مكنتش اعرف والله بقي كدا يا آسر تعمل كدا انت ناقصك حاجه
آسر بغضب : والله لاقتلك خلاص انا فاض بيا
روما : وتدخل السجن وتبقي رد سجون ويبقي ملك الاقتصاد في السجن بسبب قتله للخادمه لديه ياااه دا هيبقي سبق صحفي محصلش
آسر وهو ينقض علي الطاوله مما جعل روما تقفز للاسفل : انتي هتموتي هتعملي سبق صحفي فين
روما وهي تركض : خلاص يا آسر بقي والله ما هعمل حاجه تاني تزعلك.....الحقوني يا ناس
آسر وهو يركض خلفها : وهو انا هسيبك تعملي حاجه تزعلني...
روما : يا آسر بقي انا تعبت خلاص قولتلك مش هعمل كدا تاني
نهي وهي تركض نحو آسر وتفصل بينه وبين روما : خلاص يا آسر بيه عديها عيله وغلطت
آسر : عيله يبقي تتربي عشان متغلطتش تاني
روما : اي عيله دي انتي كمان
نهي : يا بنتي ما تهدي بقي انتي مش شيفاه عامل زي التور الهايج ازاي
كتم حسام ضحكاته بينما آسر صدم من كلمه تور التي وصفته بها نهي
آسر بصوت ارعب كلا من نهي و روما : تور
نظرت نهي الي روما بعد ان فهمت ما تفوهت به فوجدت روما تستعد للهروب من امام آسر فقد بدأت عينيه في الاحمرار
نظرت نهي الي آسر وجدته يستعد للهجوم عليهم فركضت روما ونهي وهم يصرخون.. عاااااااا
آسر : انتو الاتنين انا هربيكو بقي انا تور ويركض خلف نهي الاي سرعان ما اختبأت خلف حسام
مد آسر يديه حتي يضربها بالعصا ف فلتت الضربه وتلقها حسام
حسام : اي يا آسر مش تفتح
آسر : مش انت الي واقف قدامي ابعد
نهي : لا والنبي متبعدتش خلاص يا آسر انا أسفه
آسر : انتي وصحبتك هتمسحو الفيلا كلها وهتقصقصو الزرع بره وتنضفو الجنينه ودا كله هيبقي النهارده
كانت روما تقف علي كرسي الصالون فهتفت وهي تضع يديها في وسطها : نعم يا خويا
نهي : وانا مالي انا اصلا مش شغاله هنا
روما : يعني انا الي شغاله ياختي
آسر : معنديش كلام تاني ماذا والا انا عندي استعداد افضل اجري وراكو وامسكو وساعتها محدش يلومني علي الي هعمله فيكو
روما بخفوت ولكنه سمعه : ربنا علي المفتري
آسر : اغلطي اكتر..
نهي : طيب انا مالي
آسر : هو انا تور........ صمت نهي وروما
هدي بهدوء : خلصتو
نظر الجميع لبعضهم البعض في خوف من رده فعلها
نظرت هدي الي روما فنزلت من علي الكرسي وسرعان ما كانت قريبه من آسر ولكن إبتسم آسر بحب فرغم ما حدث فهي تحتمي به من عمته ..بينما نهي ما زالت خلف حسام
هدي : مش سامعه نفس يعني
حسام : ماما........ نظرت له هدي
هدي : علي شغلك
حسام : بس ......
هدي مقاطعه : انت معملتش حاجه علي شغلك...
خرج حسام مسرعا ولكنه القي نظره أخيره علي نهي التي كانت تتابعه بعينها..
هدي : تفسير للي حصل وللبهدله الي حصلت دي
آسر : يا ماما انتي مشوفتيش هي كاتبه اي عليا
هدي : ما ديما بتكتب اي الجديد
روما : اه قوليلو........ نظرت لها هدي بمعني اصمتي فألتزمت الصمت وابتلعت ريقها بخوف
آسر : مش هتحصل تاني
هدي : ليه هي كان ممكن تتكرر المهزله دي شكلك يا آسر نسيت انت مين.... طيب ما شوفتش الخدم الي واقفين يتفرجو لو حد منهم قال حاجه بره ايه الي هيحصل لهيبتك كا ملك الاقتصاد....
آسر : انا كنت مضايق منها وكلمها فور دمي خصوضا الصوره الي هي حطاها
هدي وهي تنظر ل روما : عايزه تفسير للكلام الي انتي كاتباه دا
روما بخوف وهي تختبأ خلف آسر : هو السبب
هدي : التفسير
روما : منعني ان اروح الكليه يومين او اكلم حد غير حضرتك واهلي ف حبيت انتقم منه
هدي : تقومي تنشري صوره ليكي وليه وملامحك مش باينه عشان محدش يعرف انتي مين وتطلعي عليه ان هو بتاع ستات
روما : مجاش في دماغي حاجه تانيه
هدي : عقاب آسر ليكي انتي ونهي هيتنفذ دا غير ان مفيش خروج لمده اسبوعين الا للكليه بس ومفيش جرنال لحد اما تخلصي الكليه
روما : لا الجرنال لا
هدي : مش بمزاجك امشي من قدامي شوفي هتعملي ايه
غادرت روما ونهي من امامها......
هدي : مش محتاجه اقول حاجه بيتهيالي انت عارف انت عملت اي
آسر : أسف يا ماما بس بجد غضبي منها عماني عن اي حاجه دا غير انها بتمحي اي ذره عقل عندي
هدي : لازم تتحكم في اعصابك اكتر من كدا مش آسر الرفاعي الي يعمل التصرف دا
آسر : حاضر مش هتتكرر تاني
هدي : مفيش شركه لمده اسبوع
آسر بصدمه : ماما انتي بتهزري دا شغلي ممكن يتعطل
هدي وهي تغادر من امامه : حسام موجود ولو في حاجه محتاجاك يبقي يجبلك الاوراق هنا كلمه زياده يا آسر وتصرفي مش هيعجبك.......ثم غادرت
آسر : اهو دا الي بأخده من ست زفته ...لا بس بحبها بردو أمتي هتحس بيا بقي انا تعبت....
*******************************
توفيق : مازن الحل في ايد آسر فعلا زي ما والدك قال
مازن : يعني مازن الي وراء الي حصل دا
توفيق : ايوه هو الي قدم البلاغ وهو الي بيخليهم يتأخرو في التحقيق
مازن : طيب وصابر الدمنهوري فين
توفيق : صابر الدمنهوري عرف بالي هيحصل وان آسر قدم بلاغ فسافر بره البلد وقدم استقالته يعني هو هيضحي بوالدك
مازن : اه يعني رأس الغول بيجري وابويا هو الي يلبس لوحده
هايدي : مازن
مازن : هايدي بتعملي اي هنا
هايدي : عايزه اعرف ايه الجديد في القضيه
مازن : مفيش جديد متعقده وآسر معقدها اكتر
هايدي : وآسر اي دخله في القضيه
مازن : هو الي بلغ عننا
توفيق : ممكن حضرتك تحل الموضوع ودي يا مازن مع آسر وهو لو وافق يقدر يخلي القضيه تتقفل
مازن : بس آسر مش ممكن يوافق
هايدي : مفيش مانع من محاوله يا مازن
مازن : يعني عايزاني اروح ابوس ايديه واتحايل عليه عشان يخرج ابويا
هايدي : لا بس نتكلم بالعقل
توفيق : هو ملهوش نقطه ضعف
مازن : نقطه ضعف
توفيق : ايوه يعني نشوف نقطه ضعفه ايه ونضغط عليه بيها نهدده يعني
هايدي : وهو الموضوع دا هيجيب مع آسر وبعدين هو الي زي آسر دول ليهم نقطه ضعف
مازن : انا بسمع ان هو عنده عمته بيحبها جدا لدرجه ان هو بيقولها يا ماما
توفيق : يبقي نضغط عليه بيها
هايدي : ازاي
توفيق : هقولكو..............
**********************
..........ياصابر بيه الوضع كدا خطر عليك في مصر
صابر : حاول تدخلني البلد من غير ما يكون في اوراق تثبت دخولي البلد
.........آسر مفتح عينه علي الكل ومش معقول دخولك للبلد هيكون سري بالنسبه ليه
صابر : انا مش هفضل هنا كتير انا لازم انزل البلد لازم انتقم من آسر
........هشوف يا بيه الوضع وارتب الدنيا وهبلغ حضرتك
صابر : بسرعه يا حازم عشان انا مش هستني كتير
حازم : حاضر يا بيه...
***********************
في فيلا آسر الرفاعي.....
كانت روما ونهي يقومون بتنظيف الفيلا حسب اوامر آسر وهدي بينما آسر يجلس في الصالون وهو غاضب كثيرا فهو قد منع من الذهاب الي شركاته إبتسم بسخريه عندما تخيل معرفه احد بأن آسر الرفاعي ملك الاقتصاد تم منعهزمن الذهاب الي عمله كعقاب له
اتت اليه احدي الخادمات......
الخادمه : آسر بيه في واحد بره عايزك
آسر : واحد مين
الخادمه : بيقول ان آسمه مازن الشامي.....