رواية رهف الجاسر الفصل الاول1والثاني2 بقلم ايه الشامي

فى منزل كبير وعلى مائده الطعام يترأسها الجد الاكبر زين ثابت وباقي العائله عليها.

زين:متنساش يا جاسر يا ابنى تروح تجيب بنت عمك من المطار

جاسر:برضو ياجدى منا قولت لحضرتك انى مش فاضي وورايا مواعيد وشغل كتير خلى فريد يروح يجيبها هو

زين:انت عايز الواد الصايع دا اعتمد عليه فى مشوار زى دا ميعتمدش عليه فى اى حاجه.مش،زيك يا ابنى لانك تربيتى اما فريد فدلوعة امه وهى اللى مبوظاه.

جاسر:خلاص ياجدى هبقى ابعت السواق يروح يجيبها 

زين:انت بتقول ايه

 بقولك بنت عمك اول مرة تيجي مصر بعد غياب تقولى سواق وبعدين انا قولت انت تروح تجيبها يبقى تروح تجيبها مش عايز كلام كتير.

جاسر:خلاص ياجدى اللى تشوفه وامرى لله.

نريمين:انت مكبر الموضوع كدا ليه ياحمايا ما اى حد يجبها

 يعنى هو لازم جاسر متعطلوش على شغله وبعدين هى مش صغيره يعنى علشان تخاف عليها بالشكل دا اذا كانت امها مخافتش،عليها وبعتتها تسافر لوحدها احنا هنخاف 

وتخلى عيالى يشتغلو سواقين عند الهانم كمان

زين بعصبيه يضرب يده على الطاوله:احترمي نفسك يانريمين ومتدخليش بينى وبين احفادى تانى 

وبعدين يكفي انها الحاجه الوحيده اللى ممكن ترد الروح لابنى اللى راقد فى السرير من التعب ومتدخليش تانى بينى وبين جاسر كفايه عليكى الحيله فريد بوظتيه بدلعك ايه عايز تبوظى دا كمان

 وانتى مالك ومال الشغل وحوراته ولاخر مرة هقولهالك متدخليش تانى بينى وبين احفادى انتى سامعه.

جاسر:خلاص ياجدى اهدى انا هروح اجبها وانتى ياماما خلاص بقى محصلش،حاجه يلا عن اذنكم علشان الحق اروح الشركه اخلص شويه حاجات كدا قبل ماروح المطار.

ويخرج جاسر من المنزل

زين ينظر لنريمين:ابقى قولي للخدم يجهزو الاوضه اللى جنب محمود(ابنه المريض)علشان رهف

 وابقى صحى الاستاذ فريد هو هيفضل نايم لحد امتى والله الواد لو ما التزم واتظبط ليشوف منى الوش التانى وهو حر.

ويقوم من على الطاوله ليدخل غرفه المكتب.

نريمين لنفسها:هنشغل البيت كله علشان خاطر الست هانم اصل الواحد كان ناقص.

فى الشركه يصل جاسر الشركه وكالعاده الكل ملتزم الصمت ومنشغل فى شغله يصل لمكتبه والسكرتيرة تقف:صباح الخير استاذ جاسر.

لم يعيرها جاسر اهتمام ويدخل مكتبه وهى تلاحقه بالايباد الخاص بيها لتملى عليه مواعيد اليوم يجلس جاسر علي مكتبه ويفتح اللاب توب ويقول لها دون ان ينظر لها:الغى اى مواعيد النهارده وهاتى ملفات المنقصات اللى داخلينها علشان اراجعها وامضي عليها واى اجتماعات عرفتى تحوليها اون لاين او تلغيها والقهوه بتاعتى

السكرتيره اخذت التعليمات وخرجت من المكتب بعد دقائق دخلت بالقهوه.

جاسر:فين الملفات اللى قولتلك عليها.

السكرتيره: حضرتك الملفات كانت عند اياد بيه ولما طلبتها قالى هو هيجبهم لحضرتك .

جاسر:خلاص ماشى يلا اتفضلى انتى على مكتبك

تخرج السكرتيره ودقائق ويدخل اياد ومعه الملفات

اياد:صباح الخير يابوس بقولك ايه انا راجعت الملفات دى بس وقفت على مناقصه مش فاهمها بصراحه.ب

جاسر:هو انت ازاى تدخل من غير استاذان وعارف انت بتتكلم على انهى مناقصه بتاعت المنشاوى

اياد:بالله عليك انا شغال معاك هنا بقالى اد ايه فى مرة استاذنت قبل ما ادخل

ايوه هى الصفقه دة مالها بقى

جاسر:لا عمرك مااستاذنت ههههه.بس انت ليه شاغل بالك بالصفقه دى انا اصلا سايب خبر انى انا اللى هشتغل عليها بنفسي.

اياد:ايوة ليه بقى

جاسر:ماخلاص بقى انت ايه مش وراك شغل وبعدين يلا انا طالع ومش هرجع الشركه تانى خلي بالك من الشغل.

اياد:ليه خير كله تمام.

جاسر:اه تمام بس جدى كان طالب منى اروح اجيب بنت عمي من المطار

اياد:ايوووه بقى وجدك اللى طلب منك برضو

جاسر:انت هتستعبط 

ايوه جدى اللى طلب منى وبعدين علشان دماغك ماتروحش لبعيد دى عيله صغيره ودلوعه كدا وتافهه

 انا اصلا بعدى الفتره اللى بتيجى تقعد عندنا فيها بالعافيه علشان خاطر بس عمى وجدى

اياد:اها والله انت اللى معقد يابنى دى بنت يعنى طبيعى انها تكون كدا

 اه ماانت معذور مهو انت لو بتعمل حاجه غير الشغل كنت هتعرف.

جاسر:لا والله وبعدين كفايه عليك انت السرمحه والشقاوة هيبقى انا وانت ونسيب الشغل لمين

اياد:قصدك ايه يعنى مانا بشتغل اهو ولسه مخلص ورق الصفقات كلها

 ولا هو انت غيران منى وخلاص علشان بعرف اتبسط وكمان اشوف شغلى

جاسر:غيرران انا غيران طب علشان الكلمه دى انت هتشيل شغل اليوم كله لوحدك علشان انا مش،جاى الشغل النهارده ويارب الاقي غلطه انت حر يلا سلام

وخرج جاسر وهو يترك اياد يستشيط غيظا وذهب الى المطار ودقائق وخرجت رهف من المطار مرتديه بنطلون جينز وتيشريت ابيض وكوتشي كانت عامله شعرها البنى ديل حصان وتجر حقائبها على عربه الحقائب حتى رات جاسر.

رهف:مساء الخير

جاسر وهو يعطى اشاره للسواق انه يضع الحقائب فى السياره:مساء النور الحمدلله على السلامه.

رهف:الله يسلمك ياابيه.

ركبو السياره وفى طريقهم للمنزل 

جاسر:هو انتى مش عارفه تلبسي حاجه احسن من كدا 

انتى خلاص كبرتى ومبقتيش صغيره وانتى هنا فى مصر ودا مينفعش وبعدين احنا عيله مهمه مش بس كدا احنا عيله محافظه وعندنا تقاليد فخلى بالك بعد كدا من لبسك ماشي.

رهف:اوووف انت ابتديها بدرى اوي ياابيه كل اجازة على نفس الكلام ونفس التحكمات بالله عليك ياابيه استنى بس لما ارتاح من السفر انا اصلا كنت مخططه انى كنت عايزه اقعد معاك انت وجدو علشان الموضوع دا علشان المرة دى مختلفه انا مش جايه اقضي اجازة اناهاقيم هنا ولبسي انا لابسه لبس مريح علشان الطياره والسفر وكدا وبس

جاسر:ايه تقيمى هنا وامك ودراستك

 ازاى جدو ميقوليش حاجه زى كدا وايه اللى حصل.

رهف:واحده واحده ياابيه جدو اصلا ميعرفش ودراستى هكملها هنا امال ليه انا بقول لحضرتك انى عايزه اقعد معاك انت وجدو علشان نشوف هنعمل ايه والسبب اللى خلانى اعمل كدا فبعد اذنك يعنى انا مش عايزة اتكلم فى اي حاجه تخصه.

يكتفى جاسر بهز راسه بالموافقه ويسود الصمت حتى وصلو للبيت.

ترجلت رهف من السياره وجريت على البيت وهى تصرخ بحماس:جدوووووو.

ليسمعها زين:اهلا اهلا بحبيبة قلب جدو.

ويحضنها بقوة:حمدالله على سلامتك ياحبيبتى ايه دا كبرتى وحلويتى ياقلب جدك.

رهف بسعاده:الله يسلمك ياجدو انت وحشتنى اوى وكلكو وحشتونى اوى.

رواية رهف الجاسر

البارت2

جاسر يدخل البيت ووراه السواق وهو يضع حقائب رهف

 ينظر لهاالجد:ايه كل دا يا بنتى ايه اللى فى الشنط دى كلها

السواق اجيب باقي الشنط من برا يا بيه

جاسر بسخريه:لا سيبهم يتشمسو شويه 

السواق يخرج ويجيب باقي الشنط

رهف:بعدين يا جدو بعدين

على نزول فريد من على السلم:ايه الدوشه دى على الصبح مش متعود على كدا انا

زين:الصبح

 احنا بقينا العصر يااستاذ وانت لسه صاحى 

فريد: ايوه كدا حسسنى ان كل حاجه تمام اهو انت كدا بقى جدو حبيبى اللى اعرفه

زين:والله الواد دا هيجبلى سكته قلبيه ببروده دا

فريد:اه برضو محدش رد عليا وقالى الدوشه دى ايه وانت ياجدو مش بتزعق ليه علشان عمى ولا هو انا بس اللى بتزعقله فى البيت دا.

وينظر ليجد رهف تخرج من ورا جدها لتقول:مفاجاه انا جيت

فريد:يا بنت الايه حمدالله على السلامه.

ويجري ليحضنها ليقفو على صوت جاسر:ولااااايافريد بتعمل ايه.

فريد:ايه ياجاسر هسلم على بنت عمى

 ولا تكونى يا بنت عندك مرض معدى جايه بيه من برا

رهف تضربه على كتفه:غلس طول عمرك غلس.

جاسر:انا عايزك يافريد بعدين فى موضوع كدا.

فريد:اااه موضوع وبعدين يبقى ربنا يستر

 بس المهم انتى بقى هتقعدى المرة دى اد ايه يوجه كلامه للرهف

رهف:احم احم مهو انااا انا هقعد على طول ان شاء الله.

زين:بتقولى ايه يابنتى بجد هتقعدى هنا على طول دا ابوكى هيفرح بشكل 

بس حاسس في حاجه

فريد:انتى اتهبلتى يابنتى انا ذات نفسي لو لاقيت ربع فرصه انى اسيب البيت والعيله واسافر هعمل كدا تقومي انتى تقولى هتقيمي وبتاع ولا هو انت لسه تعبانه من السفر ولا ايه.

زين:قليل الحيا وناقص ربايه ماتحترم نفسك ياواد انت هو مفيش حد مالى عينك ولا ايه.

فريد:طب استاذن انا بقى كدا علشان واصله التهزيق بتاعت جدو شكلها كدا هتبتدى وانا لسه مفطرتش ولا فوقت

 فحاضر ياجدو هروح افطر واجيلك تهزق فيا براحتك هشوفك تانى يارورو ونبقى نقعد سوا.

وسبهم ومشي

زين:اخوك دا هيجبلى سكته قلبيه والله شايف امك مدلعاه ازاى الواد بيرد عليا ياجاسر قليل الربايه.

جاسر:معلش ياجدو انا هشدلك ودنه والله بس انت متزعلش نفسك

زين:يلا ياحبيبتى علشان تشوفي بابا انا مقولتلهوش انك جايه سايبها مفاجأة 

رهف:ماشي ياجدو بس انا عايزه اتكلم معاكو دلوقتى بس فى موضوع كدا.

زين:فى ايه يابنتى انتى كويسه موضوع ايه اللى عايزه تتكلمى فيه

رهف: عايزاك ياجدو فى موضوع كدا.

زين:طب يلا بينا على اوضه المكتب شكله موضوع كبير وانتى مش عايزه حد يزعجنا انا فهمت

دخلو اوضه المكتب وبدات رهف بالكلام

انا ياجدو خلاص قررت انى اعيش مع بابا ومش هسافر لماما تانى وهى عارفه بقراري دا فكنت عايزه اطلب منك ياجدو طلب بس انا عايزة انقل مدرستى هنا طبعا وعايزاك ياجدو تلغي الحساب بتاعى لانه خلاص ملوش لزوم منا هعقد هنا مع بابا

زين:تنورى يابنتى واللى انتى عايزاه دا بيتك بس ايه اللى حصل لكل دا يعنى.

رهف:بعدين ياجدو نبقى نتكلم فى الموضوع دا.

جاسر فهم انها مش عايزه تكمل كلام فى وجوده خصوصا انه سالها نفس،السؤال ورفضت تجاوبه

جاسر:طب انا هقوم ياجدو اشوف موضوع المدرسه والحساب وابقى اقولك عملت ايه

اه صحيح يارهف انتى فى سنه كام دلوقتى.

رهف:المفروض بالنظام اللى عندكو هنا فى مصر اولى ثانوى تقريبا انا معايا الشهادات الدراسيه بتاعتى لو حضرتك محتاجها.

جاسر:تمام ماشي هشوف كدا ياجدو وهبقى ارد عليك

وخرج جاسر من المكتب.

زين:اهو ياستى خرج اهو قوليلى بقى مالك في ايه.

رهف ببكاء:مفيش ياجدو بس ماما اتغيرت معايا اوى ومبقتش مهتمه بيا ولا مصدقانى وائل ابن عمو ياسين بيضايقنى وبيتصرف تصرفات غريبه معايا ولما كنت اروح اشتكيلها كانت بتقول انى بكبر المواضيع ومش بتصدقنى ولا بتاخد موقف لحد فى مرة دخل عليا اوضتى وانا نايمه ولما رحت اقولها كدبتنى وقالتلى انى متهيألى ياجدو وبعدين كل ما اطلب منها حاجه مكنتش بتجبلى وتقولى ابوكى باعت مصاريفك على قد الدراسه وهدومك وكدا واتفاجات انها بتسحب من الفلوس اللى بابا كان بيبعتها علشان تجيب حاجات ليها دهب و كدا وحاجات لجوزها ووائل اى حاجه يطلبها كانت بتجبها من فلوس بابا علشان كدا ياجدو قولتلك تلغي الحساب  تصور ياجدو لما قولتلها انى هنزل اعيش هنا ومش هرجعلها تانى مهتمتش ولا اتأثرت ياجدو وتبكى بشده

يحضنها جدها ويطبطب على كتفها:اهدى يا حبيبتى

 لاحول ولا قوه الا بالله فى ام كدا بس

 واحنا اللى سبناكى معاها قولنا هى امك وهتاخد بالها منك تعمل كدا

 اهدى ياحبيبتى يلا بقى متزعليش نفسك انا مش بحب اشوفك بتعيطى يلا علشان خاطر جدو امسحى دموعك دى ومتعيطيش انتى خلاص جيتى هنا ومحدش يقدر يزعلك ابدا

رهف تمسح دموعها:ماشي ياجدو انا بحبك اوى.

زين:وانا كمان ياقلب جدو يلا اطلعى على اوضتك ارتاحى وغيري هدومك وانا هقول لحد من الخدم يطلعلك الشنط وانا هطلع اندهلك علشان تتغدى معانا ومش عايز اشوفك بتعيطى تانى ابدا علشان كمان بابا ياحبيبتى لما يشوفك ميتعبش اكتر ماهو تعبان ماشي.

رهف:حاضر ياجدو عن اذنك

وتخرج رهف من المكتب ويجلس زين ثابت على الكرسي حزين على حالتها وما عانته هذه الطفله الصغيره

فى الحديقه جاسر يعمل اتصالاته علشان مدرسه رهف يقفل المكالمه ليجد فريد خارج من المنزل ينادى عليه وياتى فريد.

جاسر:انت رايح فين انا مش قولتلك عايزك فى موضوع

فريد:رايح النادى وانا عارف عايزنى فى ايه هتتكلم معايا زى كل مرة 

"يافريد مينفعش اللى انت بتعمله دا اتحمل المسئوليه شويه تعالى انزل معايا الشركه علشان تعرف الشغل ماشي ازاى

"انت وجدو مفيش مواضيع تانيه بتتكلمو معايا فيها فا انا زهقت مش كل يوم هسمع المرشح دا وانا مش،هبقى زيك ياجاسر انا لسه مخلص جامعه عايز اعيش حياتى اتمتع بيها مش ادفن نفسي فى الشغل زيك.

جاسر:تصدق ان انت فعلا زى ما جدك قال عليك قليل الادب وناقص ربايه وبعدين انت عايز تفهمنى انك كنت مجتهد طول فتره الجامعه ما انت كنت صايع بردو والسنه بتاخدها فى اتنين ايه مش كفايه كدا وتشوف مستقبلك ولا هتفضل صايع كدا على طول

فريد:برضو هعيش فتره شبابى ايه اللى فيها مش عارف وبعدين انا مش قلقان على مستقبلى الشركه هتفضل موجوده وانت شاطر وانا عارف انها بتتحسن كمان يبقى ليه انا اشغل بالى بمستقبلى

 يتبع