رواية جمان الفصل الرابع عشر14والاخيربقلم رويدا راشد
جمان: خشيت صليت ركعتين واستودعت نفسي لله ولبست واقي الرصاص وطلعت وفتت
ع حور خشيت الشارع وانا نتأمل في حوش عمتي كميلة وحوش بوي وفي خاطري زعمك ربي يكتبلي عمر ونرجع ثاني ..ولانموت وندفن وننتسى .
نضال : خيرها مرتي سرحانه ....شن فيك.
جمان: مافيا شئ غير سرحت شوية وصلنا قدام حوش عمي طلعت حور تقول وحدة بيخطبولها لابسة ومأنقة نفسها...
ههه علاش لا وهيا سفاحة وقلبها ميت تبي تقتل بنت عمها للي من لحمها ودمها ع خاطر شن راجل ...ياريته الراجل الكامل يابنت عمي باش تحسديني عليه بعتث رسالة لهيثم بلغته اني طلعت ..والمكان للي بنمشوله...كان فيه تغطية ...وصلتني رسالة من هيثم
"لما قريب توصلوا اتصلي وخلي الخط مفتوح"
وكل شئ كان بناء ع تفاهم سابق بيني وبين
هيثم..
حور: صدقيني ياجمان حتكون اجواء اليوم اجواء خيالية مستحيل تنسيها طول ماانت حيه.
نضال: اكيد هيا هاذي حاجة تحتاج الكلام ولع الاغاني غيري جوك.
جمان: في خاطري فرحانين عاد الصخرة للي في طريقهم اليوم بيتخلصو منها....
طبعا فكرة الخط المفتوح كانت خطة تضمن حقي في جميع الظروف سواء كنت حية او ميتة.
وصلنا المكان وقعمزو هو حور دارو الشواء والسلاطة وانا نتفرج عليهم كيف يضحكو وياكلوا بكل دم بارد وهما بعد ساعات يخططو لجريمة قتل ...
نضال: غير كان تقوليلي خيرك اليوم بس.
حور: وجها اصفر وجامدة في مكانها تقول خاشتها المووت 🤣🤣.
جمان: الموت علينا حق الفايدة كيف تقابلي ربي بعد الموت في للي خادم لليوم للي بينحط فيه للقبر وهو مجرد من كل مزايا او سلطة كان يملكها في الدنيا وقت لاينفعك فيه حب ولاعلاقات محرمة ولا ولا.
نضال:بنت عمك تبصر مش قصدها شئ وقرب وباسها من راسها .
جمان: كنت في خاطري نقوله كيف قادر تكذب الفترة هاذي كلها..
تمت الزردة وكان الفروض انه بنروحو لكن بدل مانطلعو جمع كل شئ هو وحور ...
حور: شكله عجبك المكان الليل بدأ يظلم ...ولانه مش موسم زرادي فالمكان خالي من حركة البشر وبما انه عاجبك ....شن رايك تكملي لحظاتك الاخيرة فيه...
جمان: فهمت انه كلامها كان اشارة منها لي نضال انه وصل وقت موتي كانت عيوني مفتوحة من الصدمة حاجة وحدة قلتها شن قصدك.
حور: هههه مصدومة صح انا نقولك الكرسي اهو الامامي مفروض انا للي نقعمز فيه الذبلة اهيا للي في من حقي انا ...نضال مايستاهلش
الا انسانة زيني اما انت زيدي ادفني روحك اكثر ...كل شئ مريتي بيه كان مخطط مني من اختك للي تكرهك لعند حبيبك السابق عصام للي سيبك .
جمان: لفيت جهة نضال وعيوني كلها رجاء انه ضميره ايفيق في اخر لحظة ماكنتش نعرف انه الروح غالية ....كنت نفكر في امي وبوي وعيلتي زعمك بيصدقو فيا الكلام .
نضال: سحب سلاحه في اشارة منه انه تمت تحسابي نحبك انا مافيش بنت تقولي لا نهائي وعصام خلاك ...انا للي قتلت صاحبه علي ...
باش ندمره ومازال توا لما انت تلحقي صاحبه رح ينتهي اكثر.
حور: خلاص اضربها وخلي نروح انا وياك مرتاحين من هالكابوس .
نضال: يلا شن تتمني قبل ماتنتقل روحك الى رحمة الله.
جمان: نتمنى نشوفكم مرة ثانية ...وقريت آية
{وَمَا كَانَ لِنَفْسٍ أَن تُؤْمِنَ إِلَّا بِإِذْنِ اللَّهِ ۚ وَيَجْعَلُ الرِّجْسَ عَلَى الَّذِينَ لَا يَعْقِلُونَ} (100) سورة يونس.
وشهدت سمعت صوت سحب السلاح وصوت الطلقة الاولى جت في رجلي والثانية جهة البطن ولكن الحمد لله انه البدلة للي ضد الرصاص حمتني طحت من قوة الضربة ...
نسمع فيه يقولها اركبي ماتت ماتت.
حور: لالا خلي نزيدوها طلقة في الراس .
نضال: نزل .
جمان: وقف جنبي قطعت النفس حط يده قدام خشمي يبي يتأكد نتنفس اولا.
نضال: قتلك ماتت لكن انت تسكري في رأسك وركب السيارة.
حور: حقيرة نكرها هيا واهلها .
جمان: طلعوا وتأكدت من انهم بعدو حاولت نقعمز لكن البذلة كانت ثقيلة بشوية لين سندت ظهري للشجرة ربطتت رجلي بوشاحي.
طلعت الهاتف نبي نتصل بحد ايجيني انا في مكان بروحي غابة والخوف بدأ يتسلل لقلبي
مافاتش عشرة دقايق الا وشفت انارة سيارة
قربت نقول زعمك هو رجع ثاني ...سمعت صوت مألوف...
محمد: جمان جمان انت حية جمان.
عصام: مافيش وقت رجلها تنزف لازم نطلعوا لأول عيادة.
جمان: حسيت روحي ثقلت رجلي نزفت اخر كلمة قولتها انا وين.
هيثم: في الجنة ارقدي .
عصام: في السيارة غلط منك ياهيثم انك سكتت للحظة الاخيرة.
هيثم: وعدتها ...
محمد: خيرها ثقيلة .
هيثم: لابسة واقي الرصاص.
عصام: وين لقيته انت .
هيثم: شفت يامحمد قتلك مرات ايجئ يوم ونحتاجوه يوم رديت سلاحك وسلمته حولتها منه .
عصام: نتفاهموا فيها بعدين هاذي مش وقتها توا.
بعد مرور اربعة ايام ....
عصام: ها ياعادل الله الله في البنت امانة ليوم انجئ انا وخوها نروحو بيها.
عادل: بنتي هاذي.
تفكرتوه عادل للي ردله عصام سيارته المكان للي كانت تتعالج فيه جمان في نفس مدينته
واول ماطلب منه عصام معروف ع طول وقف جنبه.
طعبا نضال روح قال انها هربت منه وووو ولكن اهلها امها وبوها واختها والاقربون يعرفوا الحقيقة مكالمة جمان وهيثم كانت مسجلة اعتراف حور ونضال واضح بالحرف وهذا كان دليل ضدهم ...
حور: نحس الوضع غريب عمي ساكت مابلغش انه بنته مفقودة مرت عمي باردة وجدان معاش تكلم فيا نحس انهم شاكين في حاجة غلط .
نضال: شن قصدك بيه الكلام اهو .
حور: اسمع انا من رأي نهربوا امي تعرف اني بنهرب معاك.
نضال: خلاص الليلة الساعة 2 اطلعي قدام الحوش تلقيني.
حور: نستنى فيك .
طبعا محمد وهيثم وعصام كانوا عارفين انه نضال ع تواصل مع حور فاكانوا بالمرصاد ليهم ويراقبوا لعند شافوا سيارة نضال وقفت هيا ركبت وهما وراهم ...
نضال: يلحقو فينا اكيد في قصة صايرة كيف عرفوا.
حور: والحل توا.
نضال: اسكتي خليني نفكر راهو الموضوع فيه قتل مش قصة بسيطة.
حور: ع اساس اول مرة تقتل انت ماهو قاتل علي قبلها تصرف.
عصام: بيهربوا لولا اني حالف ع السلاح راني قتلتهم.
هيثم: ماتعبش روحك شوية ثاني بيفوتوا ع بوابة.....بلغت الشرطة رح يشدوهم البوابات عمموا عليهم.
محمد: ماهي إلا ربع ساعة وسمعنا رصاص في البوابة وصلنا لقينا سيارة نضال وهو وحور منزلينهم منها..
بعد مرور5 ايام...
جمان روحت لحوشهم وطلبت انها تزوهم في الحبس باش تفهمهم انه الاعمار بيد الله ...
نضال قاعد للحظة هاذي محبوس اما حور ماقدرتش تتحمل شنقت روحها اطلقت جمان من نضال وبعد تمت العدة بشهر تقدملها عصام وتزوجو....هيا ووجدان في عرس واحد.
بعد مرور ثلاثة اشهر..
سالمة: قعدت شغالة مالقيتوش امتا تحملوا غير الثلاثة مع بعض ...
جمان: عمري ماتوقعت بعد للي صار مازال نرجع لعصام.
وجدان: ماوجعني شئ غير كيف خلتني الحقيرة خاتم في صبعها🤣🤣.
سهى: وربي تقولي جايباتك من عصور الجاهلية متع العبودية والجو هذاك.
للي ربي كاتبله شى بيشوف مايكذب عليكم حد الدنيا دار فناء مش بقاء ...
{إِنَّ اللَّهَ عِندَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ ۖ وَمَا تَدْرِي نَفْسٌ مَّاذَا تَكْسِبُ غَدًا ۖ وَمَا تَدْرِي نَفْسٌ بِأَيِّ أَرْضٍ تَمُوتُ ۚ إِنَّ اللَّهَ عَلِيمٌ خَبِيرٌ }(34) سورة لقمان.
حياتنا وللي فيها من حب أو عمل أودراسة
كنز لازم نحافظوا عليه وسرك لو مايحمله صدرك مايحمله غيرك ...حتى لو تحكيه لامام جامع رح ايجئ يوم ويقول حدثني أحد الاخوة..
الثقة وماهالك الناس الا الثقة الزايدة المساحة للي تخصك انت وراجلك خليها خاصة بيكم فقط لا فيها صاحبات ولا اقارب يما منهم بنت اختها طلقتها وخدت راجل خالتها الدنيا جابت ماعندها وربي يبعد علينا بنات الحرام وأولاد الحرام ...
تمت