رواية بين قلبين الفصل التاسع9والاخيربقلم رويدا راشد
طارق:مر شهر انهكت فيه نفسي وانا ندور فيها هيا وياه وينهم لعند يوم شاد فيا مهند قال الشباب مطيبين عشاء برا واطلع غير جوك رغم اني كنت رافض الفكرة قلت يلا نطلع من الجو للي انا فيه ...شوية.
مهند: باهي للي جيت كنت ندعي نقول
ان شاءالله يطلع من الجو للي هو فيه.
طارق: كنت ساكنت فجأة لين واحد من الشباب الموجودين ....
محمد: القط عنده صفقة اليومين اهما بيتمها ع....
طارق: حمدت ربي اللحظة للي نستنى فيها وصلت متأكد من كلامك.
محمد: عيب عاد زي مانشوف فيك قدامي وللي بيشري منه نعرفه.
مهند: فجر الموضوع
طارق: اسكت انت خلي نفهم منه باهي من معاه في الصفقة هاذي.
محمد: واحد اسمه أمجد مهاجر برا من قبل كان بينهم خدمة وقف فترة لما نحبس في قضية قتل اخته...
مهند: انا من هول الصدمة كنت واقف جيت مقعمز.
محمد: شن فيك تعرفه انت أمجد هذا .
طارق: لايعرفه ولا شئ غير قداش ليه عنده هبوط في الضغط مايتحملش...
محمد: اوه مشكلة رد بالك لازم تقيس كل يوم.
طارق: ايه كملي الموضوع صحة ليه القط مسلك اموره كويس.
محمد: مش هكي وبس معاه وحدة متعت استراحات في كل صفقة يتمها هيا جنبه ومعاه المشكلة انها متزوجة وهربت من راجلها وهو يبي يطلقها وببتزوجها...
طارق:صام صام وفطر ع بصلة 🤣🤣.
محمد: القلب ومايحب ياغالي وشكلها مشت امعاه.
مهند: انا في خاطري خمر يلقط بعضه...
طارق: خديت المعلومات للي نبيها كلها ونضت روحت وانا نستنى في موعد تسليم بالدقيقة روحت للحوش عاودت التسجيلات مرة ثانية ..
عند وعد في الشهر هذا كبرت الفجوة بينا قررت نرجع نعيش مع حليمة وأمي افضل من وجودي معاه ....وخصوصا بعد سمعت للي صار مع الخاينة والخاين قلبي برد بالصراحة في الفترة هاذي الناس للي بياعين الحوش ليهم بلغونا انهم يبو يطلعوا بضاعتنا لانهم بيسكنوا فيه....
حليمة: خلي نمشي معاكم ونساعدكم هلبا عليكم ...بروحكم.
وعد: باهي تمام حتى عمتي مبروكة قالت جاية طلعنا الثلاثة ولاقتنا مبروكة غادي كل واحد اخد مكان انا خشيت لداري انا وصفاء ....جيت نفضي في اوراق قديمة ....
مبروكة : الله الله يادنيا مادايم الا وجه الله من يقول هكي ايصير.
حليمة: بالله كل واحد وهمه.
خيرية : الحمدلله كلها اختبارات من ربي....
وعد: جيت نحول في فراش السرير شفت فيه فتحة استغربت وين قربت وركزت كويس شفت حاجة زعمك صفاء داسة حاجة فيه ولما ماتت قعدت دخلت يدي ونطلع ورقة ملفوف عليها خيط اسود ومعقود ....
عرفته سحر طول شديته وبديت نضبح ع امي ومبروكة وحليمة...
حليمة: ربي ينتقم منهم.
مبروكة: هذا حله الحصين.
وعد:وفعلا رفعناه والصدمة كانت لما عرفنا شن مكتوب في الطلاسم (موت شنق،موت رصاص،زنا،شتات،فقر)...لعند وين الناس بتقعد هكي شن الاستفادة من انك تأذي غيرك .
وكأنه الزمن وقف بيا تفكرت موت بابا وهو مشنوق،تفكرت موت صفاء بالرصاص ،تفكرت حوشنا للي تسكر وقعد مهجور والف حاجة اليوم بس فهمت معناها توا بس عرفت جزء من الألم للي عشناه لشن يرجع السبب فيه.
بكيت بحرقة عمرنا ماتمنينا الشر لحد شن للي مختلف في حياتنا عليهم.
خيرية: عادي يابنتي للي يتمنالك الشر يحسدك حتى في دم وجهك...
حليمة: بالك ياوعد مشكلتك انت وسامي الموضوع هذا ليه علاقة بيها.
وعد: لالا،سامي موضوعي معاه مختلف تماما وياريت معاش حد يكلمني عليه لين انجيب للي في بطني ع خير وبعدين ساهل.....
مبروكة: راك اضايقي نفسك اهم حاجة صحتك وبس .
في الليل الكل مجتمعين في حوش عمر عم وعد وبالتحديد الساعة 12 وهما واخدتهم الهدرزة لين سمعو صوت تخبيط ع الباب ...
مبروكة: من بيجينا الوقت هذا مستحيل في بشر بلا دم هكي...
خيرية: انا توا نفتح نضت وفتحت الباب لقيتها بسمة كانت ع وجها علامات ضرب انصدمت من منظرها جابتها عجوز وولدها....خيرك شن صاير معاك من للي دار فيك هكي.
بسمة: من الخوف وانها مش مصدقة روحها وصلت بلادها نزلت تبوس في التراب الحمدلله يارب ،الحمدلله.
مبروكة: صوت بسمة وطلعت تجري شافت بنتها بمنظرها للي اقل وصف ليه متشردة ...شن صار من دار فيك هكي.
بسمة: خلوني نخش للحوش ونحكيلكم ع كل شئ بدت بسمة تحكيلهم من وقت سافرت لعند عرفت سر أمجد ،امجد طبعا فترة السفر برا تعرف ع شخص من تنظيم د،ا،ع،ش والشخص هذا سيطر ع افكاره وخاطي طبعا صاحبه متع
المخدرات ....وهذا كله عرفته بسمة بعد حملت واجهضت من الضرب لين في يوم شافت سيارة ليبية في الشارع للي كانوا يسكنو فيه ترجتهم واحكتلهم القصة كله هربوها معاهم وجابوها لحوشهم....ختمت كلامها أمجد مجرم
مجرم ...
وعد: انا لاعرفت نطبطب عليها لاعرفت نبكي ياريته قعد في الحبس حسيت بذنب لما اقترحت ع امي تعطيه التنازل كنت غبية بلا عقل...
الكل سكت ومن بينهم خيرية ومبروكة تدعي عليه وع للي داره في بنتها....
طارق: صليت وخديت سلاحي وطلعت لعند خالي سامي وحكيتله ع كل شئ صار من وقت حبيت وعد للحظة هاذي قرر يمشي معاي هو ومهند للكمان للي المفروض بتم فيه الصفقة .
سامي: معقولة امجد يطلع منه كل هذا .
مهند: انا بروحي مصدوم عقلي مش مصدق للي عرفته صدمة بصراحة مابعدها صدمة.
سامي: مصغرها الدنيا كأنك تلف في نفس الدائرة شوف الصدفة للي رفعتكم للمكان للي عرفتوا فيه المعلومات هاذي كلها.
طارق: هما يحكو وانا في عالم ثاني مايعلم بيه إلا ربي...كنت نحس في الطريق طويلة ونفس الوقت مش مصدق امتا ايجئ الوقت للي نكفر فيه ع ذنبي ....وصلنا المكان كان جبلي وقفنا السيارة في مكان بعيد شوية وكملنا المسافة ع رجلينا....
مهند: رح تاخد حقك ونروحوا ياصاحبي.
طارق: تصدق من وقت واحنا جايين في الطريق وانا نسمع في صوت صفاء تنادي فيا.
سامي: شن الكلام هذا امك من بيها.
طارق: قربت وحطيت يدي ع كتفه بيها انت ياخال والسماح بينا الدنيا فيها حياة وموت ويشهد عليا ربي اهو قاعد نقول فيها مرتك لا خانتك ولا فكرت تخون وعد انظلمت قبل حرام تنظلم توا فكر في الموضوع ياخال.
مهند: اسمع انت تعرف جو الوداع مانحباش ومايمشيش معاي .
طارق: عول ع صاحب ثاني وراك تختاره متع مشاكل وحمار زي حالتي انا....واحنا نتكلموا شفنا السيارات تقرب للموقع للي حدده محمد بالزبط سيارة نزل منها أمجد وسيارة نزل منها القط وتسنيم خاطي الصبيان للي معاهم هنايا شهدت وركبت ع قمة الجبل وهما كانوا تحته وبديت فيهم رماية أمجد مات في مكانه وشفت الخيانة طاحت....وبعدها....
سامي: مهند اجبد طارق وطمني عليه خديت سلاحه وشديته وهاذي ع خاطر طارق وللي درته فيه وكسكسته بالسلاح بعد عرفت انه رجالهم هربوا وهما ماتوا قربت نتأكد انهم ماتوا...
مهند: يبكي صاحبه مات من اول طلقة ...
سامي : وانا نتاكد لقيت امجد مازال حي وانا قربته ضرب بسلاحه جت في مشطتت رجلي ورجعت ضربته لين مات مانعرفش من وين جبت قوة القلب لكن للي نعرفه انه امجد والقط شياطين ع الارض بيعوا في السم ينتهكوا في الاعراض وغيره وغيره ...
طبعا امجد مايعرفش انه القط هو للي مخطط
لاغتصاب اخته الناس اهيا مافيهومش ثقة حتى في يعض ....
روح سامي مهند بجثة طارق اما البقية خلوهم في الصحراء لانه جتثث ملوثة زيهم ماتستاهلش تندفن تحت الارض.
روح سامي ومهند بجثة طارق ...وسامي دار الغزاء في حوشه ...بعد مرور سبعة أشهر..
سامي: خلاص قتلك غلطتت وهذا وين عرفت قيمتك ع خاطر صفاء وطارق روحي لحوشك ياسرك.
وعد: وجعتني كسرة الخاطر لما نترجى فيك وانت تكذب فيا.
سامي: حطي نفسك في مكاني توا تفهمي.
خيرية: خلاص خديتي غايتك ماعنديش بنات يتطلقوا نوضي روحي مع راجلك.
وعد: صحيتي هيا هكي ولت.
خيرية: والله ماهو كره فيك لمصلحتك يابنتي.
روحت وعد بعد ماجابت تؤم طارق،صفاء.
سامي: شديت هاتف طارق نفدت وصيته لصاحبه بعتث تسجيل لامه ولاوعد ولي مهند وواحد ليا...
وعد: سامحيني ظلمتك معاي وتستاهلي للي خير واطمنت عليك لما وصلتي عند خالي للي صدقيني رح تعيشي معاه مرتاحة ،سامحيني ياصديقة الطفولة كبرت وغرتني الدنيا الفانية .
حليمة: امي حبيبتي ادعيلي ربي يسامحني ويغفرلي، ويثبتني عند السؤال...ماقدرتش نكون الولد البار ، ماعرفتش نكون الا الولد العاق.
مهند: سامحني ياصاحبي ، ياما نصحتني وماعرفتش كيف ضحكو عليا ،وجروني معاهم للطريق للي هما فيها...
سامي: خالي الغالي ، عمري مافكرت ننتهك عرضك لانه انا مانستاهلش طيبة ووفاء وعد..
الله سبحانه وتعالى خلقلنا الضمير، باش نفيقوا ع ارواحنا ،الشاطر للي يسمع لضميره والغافل للي يجري وراء الدنيا وينسى الآخرة .....
تمت