رواية أبيه يونس الفصل الاخير بقلم اسراء ابراهيم
فجأة شهقت ملك بخضة ما شافت يونس راسه متربطة فدموعها نزلت بتلقائية
يونس بلهفة/ ملك اهدي ،،انا كويس ،،ارجوكي متعيطيش
ملك جريت عليه بخضة / ايه اللي حصل ،،انت كويس ؟ طمني لو سمحت يا يونس
يونس ابتسم رغم عنه وقال بتلقائية/ اول مرة متقوليليش يا ابيه يونس
ملك بدموع/ متتهربش يا يونس طمني عليك ،،اقولك خلاص انا هروح للدكتور يطمني
كانت هتخرج ملك بس يونس مسك ايديها بسرعة ومنعها تخرج ووقتها ملك حست برعشة في قلبها وايديها ويونس لاحظ ده
يونس بابتسامة / ملك انا كويس ،، واديني قدامك اهو ،،هو بس خبطة بسيطة في دماغي
ملك كانت مستغربة نفسها اوي كانت بتعيط بانهيار وهي مش عارفة ليه رغم ان يونس بيقولها بسيطة بس هي شكله كدة مخليها بتعيط بانهيار وهنا يونس مقدرش يشوفها كدة فضمها لحض*نه وبقي يطبطب عليها ويهدي فيها لحد ما هديت وانتبهت لنفسها وخرجت بخجل
يونس بابتسامة / هديتي ؟
ملك بخجل / ايوة ،، لو سمحت قولي الحقيقة ،،انت فعلا كويس
يونس بتأكيد/ صدقيني كويس ،،اينعم في و*جع في راسي بس بسيطة ،، ارتجاج بسيط بس
ملك بلهفة/ يا خبر جنة ،، نسيت اكلمها اطمنها
يونس بانتباه/ صحيح انتو عرفتو منين ؟
ملك بتلقائية وهي بتحط الفون علي ودنها/ دي جنة سمعت صاحبك وهو بيكلمك قبل ما تقفل الخط ،، ايوة يا جنة ،، مخافيش بابا كويس والله ،،انا اطمنت عليه بنفسي وهجيبه واجي
جنة بفرحة / بجد ،،الحمد لله يا رب ،، ماشي متتأخروش عليا عشان هفضل قلقانة لحد ما تيجو
قفلت ملك الخط وبصت ليونس اللي كان بيبصلها ومبتسم فاتوترت
يونس بابتسامة / ملك ممكن اطلب منك طلب ؟
ملك بلهفة/ ايوة طبعا ،،قولي محتاج ايه
يونس بقصد/ مش عاوزك تقوليلي يا ابيه تاني كفايا عليا يونس بس
ملك بصت بعيد بخجل ووقتها حست احساس غريب اوي اول مرة تحسه تجاه يونس وهو دقات قلبها اللي ذادت
ملك بخجل/ حاضر ،، احم هقوم اجيبلك حاجة تشربها
خرجت ملك بخجل تحت نظرات يونس اللي كان فرحان بعد ما تعمد يفهم ملك انه مش شايفها غير مراته
.................................
بعد كام يوم كان قاعد يونس شغال عالاب توب ومطبق من قبلها بيوم لأن عنده شغل مهم فكان قاعد حاسس بدوخة وتعب بس مهتمش وكمل شغل لحد ما دخلت عليه ملك اللي اتفاجئ بيها بتقفل الاب توب وبتاخده
يونس بصدمة / انتي بتعملي ايه ؟ انا عندي شغل
ملك ببرود/ لا خلاص مفيش شغل ،،ده وقت راحتك ،،يلا هتاخد علاجك وترتاح شوية
يونس بجدية/ ملك هاتي الاب توب لو سمحتي
ملك بعند / لا مفيش لاب توب ،، في علاج وراحة
قام يونس وقرب من ملك فسابته وطلعت تجري وهو بقي يجري وراها عشان ياخده وكانو بيضحكو هما الاتنين بس فجأة يونس حس بصداع جامد ودوخة ووقف ومسك دماغه واول ما شافته ملك جريت عليه بسرعة وخوف وهي بتلحقه
ملك بخوف / يونس انت كويس ؟ حاسس بأيه
يونس بتعب / متقلقيش دي دوخة بسيطة
ملك بلهفة/ طب اقعد ارتاح اقعد يلا
كانت ماسكة ملك ايد يونس وبتساعده يقعد وطاوعها يونس وقعد بس لما جت ملك تسحب ايديها كان يونس متبت فيها
ملك بخجل / يونس سيب ايدي هروح اجيبلك العلاج
يونس بابتسامة / بصراحة ،،مش هقدر اسيبها ،، حاسس اني مبسوط كدة
ملك ابتسمت بخجل/ ماهو لو مسبتش ايدي مش هعرف اروح اجيبلك العلاج يا يونس ،، سيبني بقي
يونس باصرار/ مش يمكن يكون هو ده علاجي ؟ انتي يا ملك
ملك بتوتر / انت قصدك ايه ؟
يونس بابتسامة / قصدي اني عاوز جوازنا يكون حقيقي يا ملك ،، انا محتاجك جمبي كزوجة مش مجرد مرافقة لجنة
ملك بصدمة / انت بتقول ايه ؟ يونس انت عارف اني مش شايفاك كدة ابدا
يونس بخيبة امل / حتي بعد الفترة اللي عشنا فيها سوا ،، لسة برضه شايفاني غريب
ملك باندفاع/ انا مش شايفاك غريب يا يونس ،،انا شايفاك جوز اختي ،، معتقدش ان دي حاجة ممكن تتغير حتي لو بقيت مراتك انت
يونس ساب ايد ملك ورد بجدية/ عندك حق ،، انا اسف يا ملك ،،اوعدك ان الموضوع ده مش هيتفتح تاني ،،بعد اذنك
قام يونس وساب ملك اللي كانت متوترة ومضايقة ومش عارفة ليه هي عملت كدة واقنعت نفسها ان دي الحقيقة وده اللي كان لازم يحصل
...................................
عدت فترة من بعد اللي حصل بين يونس وملك ووقتها يونس اتغير تماما مع ملك مبقاش يهزر ولا يتكلم معاها غير بحدود وكأنه رجع غريب تاني وهي كانت ملاحظة ده ومضايقة اوي وكانت بتحاول تتكلم معاه بس هو كان بيرد باختصار وحتي مبقاش يقعد كتير في البيت ،، كانت بتحضر ملك السفرة وحطت الاطباق وبصت في الساعة لانه معاد رجوع يونس بس هو اتاخر وفعلا شوية ودخل هو من الباب
يونس بجدية/ سلام عليكم
جنة بابتسامة/ عليكم السلام ،، اتأخرت كدة ليه يا بابا ؟
يونس بابتسامة / شغل يا حبييتي متقلقيش معملتش حادثة تاني
ملك كانت مضايقة لان يونس كان متجاهلها وكأنها مش موجودة وكانت متأكدة انه زعلان منها بسبب اللي قالته فحبت تفتح كلام
ملك بابتسامة / الغدا جاهز يا يونس ،،يلا غير هدومك وتعالي
يونس بجدية/ لا انا مش جعان كلو انتو بالهنا ،،انا هريح شوية عشان نازل بليل عشا عمل
قال يونس كلامه ودخل اوضته وكانت متابعاه ملك بحزن
جنة باستغراب / هو بابا ماله ،،بقاله فترة متغير،، ده انا كنت قولت انه خلاص رجع بابا القديم وكان بيضحك ويهزر وخصوصا لما انتي دخلتي حياتنا
ملك بحزن/ اكيد مشغول ربنا يعينه ،، احم هروح اقوله اننا هنخرج انا وانتي ايه رأيك
جنة بفرحة/ بجد ؟ طب قشطا خلاص هروح انا اقوله بسرعة
مبك بسرعة / لا خليكي انتي ،، انا هقوله عشان يعني يوافق
جنة باستغراب / مع ان بابا مبيرفضش بس ماشي روحي ،،وانا هروح البس
ملك ابتسمت بتوتر وراحت اوضة يونس وكانت محرجة اوي لانها عارفة ان جنة عندها حق وان يونس مش هيمانع بس هي كانت حجة بالنسبالها عشان تتكلم معاه ،، خب*طت علي اوضته وسمعت صوته من جوة
يونس بهدوء/ تعالي يا جنة ،،انا صاحي
دخلت ملك بتردد ويونس اول ما شافها استغرب لانه مكنش متوقع انها تجيله اوضته
يونس بجدية/ في حاجة يا ملك ؟
ملك بتردد/ اه ،، اصل انا وجنة كنا عاوزين نخرج بقالنا كتير مش بنخرج
يونس بجدية / تمام ما تخرجو فين المشكلة ؟
ملك بابتسامة / طب هو ممكن تاخدنا معاك مقابلة الشغل دي ؟ والله هنقعد بعيد علي ترابيزة تانية ونبقي نرجع سوا اما تخلص
يونس باستغراب/ تمام ،، حضرو نفسيكم وهننزل بليل سوا
ملك بفرحة/ بجد ،، شكرا يا يونس انك وافقت ،، هروح اقول لجنة بقي
خرجت ملك ووقف يونس يبص لمكانها وبيتنهد بحيرة
........................................
كانو قاعدين ملك وجنة علي الترابيزة في المطعم وشايفين يونس قاعد ما ناس علي ترابيزة تانية قدامهم بس ملك مكنتش مركزة مع جنة ولا كلامها لانها كانت مشغولة بنظرات البنت اللي كانت قاعدة قدام يونس وبتبصله بنظرات اعجاب هي عارفاها كويس فكانت ملك بتفرك ايديها بغيظ وهي متابعاهم
جنة بصوت عالي نسبيا / يا ملك ،،بقالي ساعة بكلمك ،، هنطلب اكل ايه؟
ملك بانتباه/ مش عارفة يا جنة ،، بصي اطلبيلنا انا وانتي علي زوقك ماشي ،،انا مشغولة دلوقتي
جتة باستغراب / مشغولة بايه انا مش فاهمة ،، انتي بتبصي عليهم ليه ،،ده اصلا عشاء عمل يعني ممل جداااا
ملك مردتش علي جنة وكانت باصة للبنت اللي قرب من يونس بحجة انها بتوريه حاجة في الملف وقاصدة تقرب اوي ،، وقتها قامت ملك بسرعة وحست انها مش في وعيها وراحت ناحيتهم وهي بتنادي علي يونس اللي استغرب وبصلها
يونس باستغراب / ايوة يا ملك ،، في حاجة
ملك بقصد وهي بتبص للبنت / اه كنت عاوزاك يا حبيبي ،، ممكن تيجي معايا دقيقتين
يونس بصلها بصدمة وبص للي كانو معاه باحراج وقام مشي مع ملك تحت نظرات غيظ من البنت اللي كانت جمبه واول ما بعدو وقف يونس وبص لملك بغضب
يونس بحد*ة/ انتي ايه اللي عملتيه ده ،، ازاي تيجي قدامهم كلهم كدة وكمان ايه حكاية حبيبي دي ؟ انتي قاصدة تجنينيني
ملك بدموع/ انا اسفة ،، انا فعلا اتسرعت بس انا كنت قاصدة اعرف الحرباية اللي كانت بتلف حواليك انك متجوز عشان تبطل تبصلك ،، ومكنش قصدي اني احرجك واجيلك قدام ضيوفك
اول ما خلصت ملك كلامها كانت هتمشي بس لحقها يونس ومسك ايديها وهو مصدوم ومش مصدق انها عملت كدة عشان غيرانة عليه ؟
يونس بصدمة / انتي بتقولي ايه ؟ انا مش قصدي اللي فهمتيه وانك حرجتيني زي ما بتقولي ،، انا مش شاغلني حاجة غير نظرات الرجالة اللي كانت قاعدة معايا ليكي ،،غصب عني مش هستحمل ،، لكن انا مش مصدق انك عملتي كدة عشان غيرانة عليا ؟ ملك فهميني انا بجد احترت معاكي
ملك بابتسامة رقيقة/ بصراحة كدة يا يونس ،،انا موافقة علي الطلب اللي طلبته مني من فترة،، ده اولا ثانيا بقي لو قعدت تاني جمب البت الملزقة دي صدقني هق*تلها واق*تلك انت كمان هه
يونس ابتسم بتلقائية ومن غير مقدمات سحبها لحض*نه قدامهم كلهم وكأنه بيقولهم انها اخيرا بقت مراته بس المرادي قولا وفعلا والشاهد عليهم هو دقات قلب ملك اللي اتأكدت انها حبت يونس ومش بس حبته ده عشقته وكانت جنة متابعاهم من بعيد وفرحانة اوي وكأن ربنا عوضها عن فراق امها بملك اللي نسخة منها
تمت بحمد الله