رواية الكاهن وراس الغول
الفصل التاسع عشر 19
بقلم محمد منصور
حورس بدأ يضرب في العبد القوي. لكنه مش قادر عليه وبدا حورس يتخنق وقواة بدات تضعف. وعيونه بدات تغرب وفجاة يمسك تيتوس راس العبد ويكسرها ويبص ل حورس ويبتسم ابتسامه غامضة ويقول
مستنيك تنهي حياتي وبسرعه.
ومشي تيتوس وسابه وحورس بيبص له باستغراب شديد ومش قادر يفهم هو لية بيعمل كدة. لكن حورس قرر انه يخلص من الشك دة والاسئلة الكتير اللي ملهاش اجابة وقام خرج وراء تيتوس اللي كان ماشي في احدي طرقات القصر وبدأ حورس يمشي وراء تيتوس لغاية ما وقف مع تيتوس اخر. فبرق حورس لكنه افتكر كلام جواليا عن الاثنين المنسوخين واللي هما شبة تيتوس بالظبط. فقرب حورس بترقب شديد علشان يسمعهم بيقولو اية. وفعلا سمع تيتوس الاول. بيقول ل تيتوس التاني
انا مش قادر. افهمك انت ازاي ل غاية دلوقتي مصدق ان حورس دة ممكن يقتل تيتوس. وبتساعدة بنفسك. ينجح في تحقيق المهمة المستحيلة دي.
تيتوس التاني
عارف انها مهمة مستحيلة علي شاب زي حورس. بس لازم نفضل نساعدة لغاية ما يقدر علي تيتوس ونقدر بعد موت تيتوس نحرر ملكنا زمعاء من مريا الذنب. والعذاب اللي هو في
تيتوس الاول
لو مات قصاد عينينا معنها موتنا احنا كمان. ولو عرف اننا بنساعد حورس وعارفين من اول يوم وجودة جوة القصر. هيكون مصيرنا نفس مصير الملك زمعاء سجناء في مرايا الذنب
تيتوس التاني
حورس شاب زكي جدا. والوحيد من اهل قرية الغابة اللي قدر يدخل القصر. وحاسس انه يقدر يعملها
سمع حورس اللي يكفي وقرر برجع مكانه وسط العبيد وزي ما جة بمنتهي الحذر. رجع بمنتهي الحذر. ،،،،،،،،،،،
وفي نفس الوقت كان تيتوس الاصلي واقف قدام منه رسول جاي من روما. برساله من ايانا. والرساله مكتوب فيها الحضور الي روما وفي اقرب وقت. مش الرسول وتيتوس قطع الرساله ميت حتة. وقال
ومين ايانا دي كمان.
وقام من علي عرشة وراح جري ناحية. الاوضة اللي فيها مريا الذنب ووقف قدام زمعاء اللي المريا بدات تقطع من لحم جسمه وبلا اي رحمة لدرجة ان في رجل اتقطعت وايد اتقطعت. بص تيتوس ل زمعاء وقال بغضب
خلصت المهلة ولسة رع ما بقاش بين ايدي
زمعاء بصعوبه
بعت رساله لي عملاق. لكن باين انه. باعني وقرر حماية رع
تيتوس حط ايدة علي المريا بمنتهي الغضب واختنق زمعاء وتيتوس قال
لسة مكمل في طريق خيانتك ليا. واستخدام رع ضدي
ما بقاش قادر يرد عليه زمعاء من شدة الوجع وشال تيتوس ايدة من فوق المريا ومنع الشرخ ينتشر اكتر من كدة جوة المريا. وقال
مش هسيبك تموت يا زمعاء. ورع انا هجيبة بطريقتي
بص له زمعاء. وهو بيتالم وبيحط ايدة السليمة علي الايد المقطوعه وتيتوس بيقول
ايانا يا زمعاء
زمعاء
ايانا والدة رع. مالها
تيتوس
اصبحت امبراطورة روما بعد افيتوس. وبعدت لي رسولها وطلبت مني الحضور ل روما
زمعاء
اوعي تروح. لها. والا ايانا هتشوف دم ابنها في ايدك
تيتوس
انا ماقتلتش ابنها علشان تشوف في ايده دمه
زمعاء ضحك وقال
تستخدم جسمه علشان يكون بوابة لعبور الاموات. وتقول انك ما قتلتوش
تيتوس
دة ماكنش رع. دة كان المنسوخ من رع
زمعاء
وهي بقي تعرف منين انه كان منسوخ. هي دلوقتي تعرف انها قتلت ابنها بايديها
تيتوس
زمعاء انت بتلعب معايا لعبة خبيثة وملعونه.
زمعاء
انا بحذرك. بلاش تروح ل ايانا. لانها هتشوف فيك كل اللي عملته في ابنها
تيتوس
رفضي لرساله ايانا. معنها حرب روما عليه. وخصوصا اني مش قادر اوصل ل رع وارجاع. لعنة اموات العبيد. وانت السبب
زمعاء
انت لية مش عايز تصدق ان عملاق خاني ورفض تسليم رع ليا.
تيتوس
لغاية ما اوصل ل رع لازم اروح روما واشوف ايانا عايزا مني اية.
وبص بمنتهي الشر ل زمعاء وقال بتهديد
وانت يا زمعاء اعرف انك لو بتخدعني نهايتك هتكون اقرب من راسك اللي علي رقبتك
وخرج تيتوس من الاوضة وزمعاء بيبص له ورجع بص ل ايدة ورجلة المقطوعين وقال
نهايتك قربت يا تيتوس. لو ماكنش بايد حورس هتكون بايد ايانا
وبص علي الحائط بتزكيز شديد ظهر. طائر يشبة البومة لكنة مخلوق من نار بص ل زمعاء وقال
تسافر الي روما بسرعه البرق وتبلغ ايانا باللي هقول لك عليه، ،،،،،،،،،
ومن علي ابواب روما يقف عملاق ومعه رع. وبص عملاق ل رع وقال
لغاية هنا وابقي عملت اللي عليه
رع بتاثر شديد
انت ناوي تسيبني
عملاق
انا مش هقدر احميك اكتر من كدة. ادخل روما واطلب الوصول ل قصر الامبراطورة وهنا هتلاقي والدتك ايانا. وهي هتقدر تحميك
رع
بس انا عايزك معايا عملاق
عملاق
انا لازم ارجع مكاني قبل ما البشر يعرفو اني هنا
رع
لسة خايف من البشر
عملاق
لازم اخاف لاني مش منكم
رع اتصدم وقال
بتقول اية عملاق
عملاق
انا خادم من الجن. اتسخرت ل خطفك وارجعاك وقت ما يطلب مني. لكني رفض رجوعك. ادخل روما وانسي انك عرفتني
رع
انسي ازاي اللي انقذك حياتي من الذئب
عملاق
مع الوقت هتنساني. سلام رع
ومشي عملاق وادي ظهرة ل رع لكن رع جري عليه وخده في حضنه وهو بيقول
ما تمشيش عملاق
عملاق بدأ يتاثر وقال
الجن اللي زيي ملهوش مكان وسطكم اهل البشر
واخرج عملاق رع من حضنة ومشي ورع بيبص له وهو حزين وهي دي لحظات الوادع صعبه لكن لازم بعدها تكون في بداية جديدة وقرر رع يبدأ البداية الجديدة. وراح ناحية البوابة وطلب من حراس البوابة الدخول لكن حراس البوابة صرخوا اول ما شافو وبدأ الذعر والخوف يبان عليهم وقال احدهم
الامبراطور الميت رع. عاد للحياة
استغرب رع من اللي بيتقال والحراس يجرون من قدام رع
ودة ما كنش حال الحراس وبس دة كان حال كل اللي يشوف رع من اهل روما. ،،،،،،،،،،،
ومن جوة الجناح الملكي ل جواليا تقعد جواليا وفي ظهرها حورس وكالعادة بتتكلم وهي بصة بعيد عنه وبتقول
تيتوس عرف باللي حصل امبارح ومقتل العبد. وعايز يشوفك
حورس
مش اكتر مني.
جواليا
جاهز للمواجهة دي
حورس
مش مهم انا. المهم هو يكون جاهز للنهاية ،،،،،،،،،،،،
ومن روما وقدام ايانا وصوفيا وحكا يقف رع. والتلاته بيبصوا له باستغراب شديد وايانا راخت تلف حوالين رع بحذر شديد وهي مش مصدقة عيونها وقالت
ازاي انت قدامي. وانا بايدية خلصت عليك
رع
انا ما عرفش انتي بتتكلمي عن اية. بس انا ابنك رع. اللي سيبتي في قبر العبيد ومشيتي
حكا
سيدي رع. انا بايدي دفنتك
رع
وانا بقول لكم اني رع. ولسة عايش لية تقولو اني ميت
هنا سمعوا كلهم صوت اهل روما قصاد القصر والكل بينادي بالقصاص. من رع. ولو حتي روح. بصت صوفيا ل ايانا وقالت
اخرجي لهم ايانا وحاولي تهديهم
خرجت ايانا ومعها صوفيا ل شعب روما وبصت لهم وقالت
سكوت.
سكتوا واتكلم اكبرهم. وقال
انتو قولتو ان رع مات و بايدك. علشان تنقذني اهل روما من اموات العبيد ازاي رع يكون قدمنا دلوقتي. خدعتني يا مولاتي
ايانا بعصبية
انا مش مخادعه ولا. كذابة انا قتلت رع. علشانكم. قتلت ابني علشانكم. ودلوقتي تقولو عليه خدعتكم
نفس الرجل
يبقي الاموات من تاني عائدون. واحنا مش هنرضي من تاني بموت اي غالي مننا. ولو رع اللي في قصرك حي او روحميت. شعب روما يريد القصاص
ايانا
امر القصاص دة يخصني انا وحدي. واللي قدام مني لغاية دلوقتي ما قدرتش احدد هو حي ولا روح ميت
نفس الرجل
والحكم هيكون امتي يا مولاتي
ايانا
في اقرب وقت واوعدكم بالعدل في حاله لو كانت روح ميت
نفس الرجل
ولو حي
سكتت ايانا وبصت ل صوفيا فقال الرجل
القصاص حتي لو كان حي
ايانا
الحكم النهائي بعد ايام. ودلوقتي امركم بالانصراف
ودخلت ايانا القصر ومشيو اهل روما وصوفيا قالت
لية ما يكنش تيتوس بيمارس السحر الاسود وارسل لينا شبية رع. لايقاع شعب روما. وانقلابهم عليكي
ايانا
مش قادرة احدد اي حاجة دلوقتي. انا دلوقتي مجرد ام بتشوف ابنها الميت مشاعر كتير وكلها عكس بعض.
صوفيا
الوحيد اللي يقدر يعرف لينا حقيقية اللي قدام عيونا هو الساحر امسطون. كبير السحرة
ايانا
امري باحضارة. صوفيا. ،،،،،،،،،،،،،،
ومن قصاد تيتوس الاصلي اللي قاعد علي عرشة يقف حورس وتيتوس بيقول له
اية اللي يخلي عبدين عندي يحصل بينهم شجار لدرجة ان واحد منهم يموت
حورس
تقدر تسال اللي مات.
تيتوس اتعصب وقام وقف وراح ناحية حورس وقال
وازاي الاحياء يكلمو الاموات
حورس
لو اصبح الاحياء اموات.
وخرج حورس من هدومة خنجر وغرز الخنجر في بطن حورس اتوجع حورس ووقع علي الارض وبص تيتوس ل حورس وقال
انت مين ولية عملت فيا كدة
حورس
انا حورس ابن ايريس والام ايانا. ولد حر وما كنتش ابدأ عبد
تيتوس ضحك وقال
وهتقدر تستحمل تشوفني وانا بموت.
حورس
هستحمل علشان خاطر كل جعان عايش برة قصرك
تيتوس
حتي لو عرفت ان خط عمري مربوط بخط عمر جواليا
وهنا اتفتح باب جانبي وظهرت جواليا وهي بتجيب دم من نفس مكان الطعنه اللي خدها تيتوس اتصدم حورس ومابقاش عارف يعمل اية. وقال تيتوس وهو بيضحك والدم بينزل منه ومن جواليا
لعنه ترابط الارواح. لعنه قديمة لكن من اللعنات المحببة لي. عارف انك وصلت لغاية هنا بمساعدة من زمعاء وهو بيحب جواليا وما يعرفش بالربط اللي بيني وبينها. ومش هيرضي ليها الموت.
حورس وهو بيبص ل جواليا اللي بتنزف زي تيتوس بالظبط ووقعت علي الارض وقال بعصبية
انا ما عرفش انت بتتكلم عن اية. انا جاي علشان انقذ اهل قريتك من شرك
ضحك تيتوس وبدأ يجيب دم من بوقة.
انت بتكذب خوفك وقلقك علي جواليا باين علي ملامح وشك. واضح ان جواليا كسبت حبيب جديد. بس يا تري الحبيب الجديد. بطل الفقراء واللي عايز ينقذ اهل قرية الغابة. هيختار اني اموت ومعايا جواليا ولا. هيساعدني اخف ويفضل عذابي للقرية واللي فيها.
حورس
انت ملعون وخبيث
ضحك اوي تيتوس وقال
اختار بسرعه. جواليا وحبك. ولا الفقراء واكلهم
حورس ما بقاش عارف يختار اية. وفضل يبص ل جواليا ويبص ل تيتوس وهنا اختار حورس،