رواية الكاهن وراس الغول
الفصل السادس والعشرون 26 والاخير
بقلم محمد منصور
وفعلا سحبت الرمح من جسم حورس اللي صرخ من شدة الوجع وبعدها سكت. فضلت تهز في ايانا وتقول
حورس. فوق. حورس
لكن السكوت. وما بعد السكوت الا الموت. وهنا يظهر ملك ملوك الجن الاحمر زمعاء ومعه ازازة بها مياة لونها احمر بصت له ايانا وقالت وهي مفزوعه
انت مين
زمعاء وهو بيرفع راس حورس
ما تقلقيش انا معاكم وشان حورس يهمني. ولو لسة قي الروح هقدر اعالجة
وبدأ يصب هذة المياة الحمراء في بوق حورس اللي بدأ بتعافي وجسمة يعوض الدم اللي نزل منه، وبص حورس ل زمعاء وقال
انا فاكر اني شوفتك قبل كدة
زمعاء
انا اللي انقذتك من تيتوس وقدرنا سوأ نقضي عليه
حورس وهو بيقف علي رجلة قال
دة صحيح. انا افتكرتك. انت بتعمل اية هنا
زمعاء
جاي انقذك تاني
حورس
هو اية اللي حصل
ايانا
في حد ضربك ب رمح ووقتها انا سمعت صوت والدك ايريس
حورس
والدي ايريس. مات من سنين
زمعاء
ايريس حي وهو هنا علشان ينهي علي جسر
حورس
انت عرفت ازاي
زمعاء
عملاق سمع بنت اسمها زاهية بتتكلم مع نفس تو عن ايريس وجسر. وبلغني وانا قررت اكون في صفكم علشان اكتر من سبب
لمعت عيون ايانا بالفرحة وقالت
ايريس حي. بعد كل السنين دي.
زمعاء
حي. وابنك رع في سجن الجن.
ايانا
وهو مسجون لية عندكم
زمعاء
دخل مملكة الجن بدون اذن ودي عندنا تهمة يعقاب عليها معشر الجن. انما حلها بسيط تنتهي حربنا مع جسر وبعدها ابنكم يتحرر
ايانا
غريبة ان نفر من الجن يقرر يساعد البشر في حربهم
زمعاء
علشان في كتير من معشر الجن رافضين تسخير الجن لحماية واحد من البشر لكن جسر يمتلك العصا. وانا عايز العصا دي علشان ارجع تاني ملك ملوك الجن الاحمر واستقر علي العرش واحكم الجن من تاني
حورس
يعني خدمة قصاد خدمة
زمعاء
واية الحرام في كدة اساعدكم في الخلاص من جسر وانتم تساعدوني في رجوع عصا الجن من تاني ل مملكة الجن
ايانا
انا شايفة ان الصفقة تستاهل الموافقة
زمعاء
وانا واثق اننا مع بعض هنقدر علي الشر ونكسب الحرب دي،،،،،،،،،،
ومن جوة احدي البيوت القديمة يقعد حور مع ايريس وقدام منهم باقي الفريق وكان ايريس متعصب علي الاخر وعمال يقول
غباء زاهية وفكرها. المحدود كلفنا كتير
حور
اللي فات فات المهم دلوقتي سيدي الكاهن نفكر ازاي نقدر نحرر زاهية ونفس تو من ايدين جسر
ايريس
اي حركة باستعجال هتكلفنا خسارة ارواح تانية احنا في غني عن خسارتها
حور
ولو اتاخرنا هتكون في خسارة تانية. ممكن تكون زاهية
ايريس بعصبية
انت عايزنا كلنا نتحرك ونروح برجلينا ل قصر جسر ونحرر زاهية. نروح نموت. ومش هنقدر نخرج من القصر ب زاهية
حور
انا ماقصد،،،،،،،،،
قاطعه ايريس وقال
حور. اي كلام تاني مرفوض. اللي ماتو بسبب عنجهية زاهية مش هكرره انا مش علشان خاطر زاهية ونفس تو. ارميكم في احضان الموت. احنا قضيتنا اكبر ب كتير من قضية زاهية ونفس تو. خلي عقلك يوزن الامور مش قلبك
حور اقتنع وقال
امرك سيدي الكاهن
وسكت ايريس لكام ثانية وبعدها قال
بس تعرف اننا من الصح نروح ل قصر جسر ونحط ايدينا عليه
بصو لو كلهم باستغراب شديد وشاف ايريس نظرات الاستغراب في عيونهم فقال
قصر جسر في اعلي اراضي كِمِيتأوكيمى. وعن طريق القصر نقدر نشوف كل تحركات جنود جسر ونقدر بالاسلحة اللي معانا نضريهم من فوق ونسيطر علي كِمِيتأوكيمى. لازم نهاية جسر تكون اسرع مما يتوقعه جسر.
حور
وندخل القصر ازاي وحراس جسر هناك
ايريس
نضرب معسكر شاطي البر ونسرق الاسلحة اللي في وتكون دي ضربه في مقتل. في وقت اقتناع جسر انه قبض علي الغامضين. وافتكر ان دة هيخلي جسر يبقي علي حياة زاهية ونفس تو. لما يعرف ان لسة في غامضين وهيحاول معهم بكل الطرق علشان يخليهم يعترفوا علينا
حور
والجن اللي مسخرهم للحرب ضدنا. واللي شافهم مناع وافتكرهم اشباح
ايريس
المخلوق من نار. علشان تحاربه لازم تحاربه بالمياة وعلشان جسر يبعد عن زاهية ونفس تو لازم ابعت له رساله خاصة جدا رساله تخلي يتحرك زي المجنون قاصد رقبتي ،،،،،،،
وبعدها بشوية ومن جوة قصر جسر يقف جسر قدام زاهية ونفس تو المتعلقين من ايديهم في وسط الاوضة ويبص جسر ل وزيرة ويقول
فين اللي كانو معاهم
الوزير
ماتو يا مولاي
جسر
يعني الغامضين عبارة عن مجموعة نساء
الوزيز
بالظبط كدة
جسر
ازاي اللي حرقو وقتلو اهم اتنين قادة في جيشي. يكونو من النساء. اكيد في حد بيساعدهم
وراح جسر ناحية زاهية وبص لها وقال
مين بيساعدكم
بصت له زاهية بكره شديد وفضلت ساكتة. بص جسر ل نفس تو وقال
واضح ان صاحبتك ما بتسمعش اتمني انك تكوني انتي بتسمعي وتجاوبي علي سؤالي.
نفس تو
ما حدش بيساعدنا
جسر
معقوله. طيب اصدق ازاي
زاهية
جسر
بص جسر ل زاهية وقال
جسر. بدون اي الالقاب
زاهية
فكني وانا اقول لك مين بيساعدنا
جسر
من غير ما فكك هتقولي مين بيساعدك
زاهية بتحدي
وانا مش هقول الا. بعد ما تفكني
جسر
احب المراة العنيدة
وحط جسر العصا بتاعته علي بطن زاهية وبدات زاهية تصرخ وتتوجع والكائن الساكن هذة العصا بياكل من لحمها وقال جسر بصرامة شديدة
مين بيساعدكم
زاهية وهي بتتوجع
ما فيش. احنا هنا لوحدينا
في الوقت دة يدخل عليها احدي الحراس ويقول
مولاي جسر
بص له جسر وقال
في اية
الحارس
رساله من الكاهن ايريس
اتصدم جسر وشال العصا من علي بطن زاهية وقال
ايريس هو هنا
الحارس
حرق معسكر شاطي البر وخد كل الاسلحة اللي في وقال في رسالته
★وقت الحساب جه ★
جسر
ازاي دة حصل. والجن كان فين
الحارس
حرقهم بالمياة يا مولاي
جسر بص ل وزيرة وقال
حضر لي كل الجنود والعصا هتعرفني هما فين ،،،،،،،،،
ومن تحت الارض يقف زمعاء مع عملاق وكان بيقول له
ما فيش وقت يا عملاق. لازم تتحرك بسرعه انت وباقي الجن الرافض ل وجود العصا في ايد جسر وتحاربو في صف ايريس واللي معه
عملاق
امرك يا مولاي
ومشي عملاق، ،،،،،،،،،،،،،
ومن احدي شوارع كِمِيتأوكيمى. يقف ايريس مع حور وباقي الفريق ويقول ايريس
اكيد دلوقتي كل جنود جسر خرجت للقبض علية والطريق الي قصر جسر اصبح جاهز.
حور
انا مش عارف انت ازاي تعمل كدة وتعرف جسر انك موجود
ايريس
علشان يصاب بالجنون ويتحرك من غير اي تفكير. ودلوقتي بسرعه لازم ننطلق ناحية القصر
وركبوا كلهم الاحصنة وانطلقو قاصدين القصر وهم في الطريق شافو جنود جسر وبداو يضربوهم بالسهام قال حور
عرفو ازاي طريقنا بالسرعه دي
ايريس
عن طريق الجن. غلطة مني. بسرعة استخبوا وراء الجبال
ودخلو وراء الجبال وبص ايريس بطرف عينه علي الجنود اللي بتقرب منه وقال ل حور
حوالي 30 جندي. لازم التعامل معاهم يكون بسرعه وبحذر شديد. مش عايز حد يقع منكم
وهنا بسمعوا صوت مناع وهو يصرخ لان في واحد من الجن ضربو ب الخنجر في صدرة خرج ايريس بسرعه مية ورماها ناحية مناع جت المية علي الجني وصرخ وبدأ يظهر في شكل نار بتتحول الي رماد. راح له حور بمنتهي السرعه وحط سيفة علي رقبته وقال
في كام واحد منكم هنا
لكن الجني رفض الكلام وبص ل سيف. حور وغرز السيف في رقبته مات قال ايريس
احنا محاصرين كل واحد منكم يطلع اكياس المية اللي معه ويرميها ل فوق ويصوب عليها بالسهم
قبل ما يعملو كدة كان جنود جسر وصلو عند ايريس وبدأ الاشتباك 30 جندي ومعهم جنود من الجن. قصاد 9 رجال فريق ايريس لكن قابضي الارواح فريق ايريس كانو اسم علي مسمي قدروا يوقعوا من جنود جسر اكتر مما توقع ايريس وانضم للحرب عملاق وكام جني من معه وبداو يقتلو الجن استغرب ايريس وقال للفريق بتاعه
اثبتوا في جن بيحارب في صفنا.
وبدأ ايريس يضرب بسيفة اي حد يقابله يوقعه قتيل. لكن جسر جه بحوالي 300 جندي وقال
ايريس. افتكر ان الاستسلام افضل طريق ليك انت واللي معاك
ايريس
بعد كل السنين دي وطردتي من بلادي اجي دلوقتي وقدام منك واستسلم يا جسر
جسر
يبقي اخترت الموت ليك وللي معاك ايريس
وبص جسر للجنود وقال
هجوم
وبدا الهجوم يكون عنيف وهمجي ومهما كانت شجاعه ايريس واللي معه الكترة تكسب. لكن قوات الجن. الخاصة ب زمعاء. بداو يساعدوا ايريس علي قد ما يقدروا بص جسر للي بيحصل وأمر العصا انها تقبض علي كل جني خاين وفعلا بدا الجن اللي مع زمعاء. يتقبض عليهم واحد وراء الثاني. هنا يظهر حورس فوق حصانه ويتجة بالحصان ناحية جسر شافو جسر ولسة هيسلط العصا عليه كانت ايانا ظهرت وضربت العصا من تحت خليتها تطير من ايد ايريس علشان تقع بعيد عنه ويمسكها زمعاء. اللي بدأ يكبر ويكبر وايدة المقطوعه ورجلة المقطوعه رجعوا زي ما كانو بص جسر ل زمعاء وقال
زمعاء.
زمعاء قال بصوت مخيف
الملك زمعاء.
بص ايريس للي بيحصل وزمعاء بيضرب ضربه واحدة من ايدة يموت 100 من جنود جسر. ويضرب ضربة اخرها لغاية ما ينسحبوا الجنود خائفين طلع ايريس واللي معه من وراء الجبل وحورس لف الحديد حوالين ايدين جسر ورقبته وشاف ايريس ايانا وحورس ما كانش قادر يصدق نفسه جري بسرعه لا تتناسب مع سنه وراح واترمي في حضن ايانا وحورس وايانا كان بتقول
ايريس حبيبي.
حورس
والدي ايريس
ايريس
مش قادر اصدق اني من جديد شوفتكم
ايانا وهي بتمشي ايدها علي شعر ايريس
اصبحت عجوز يا ايريس
ايريس باس ايد ايانا وقال
وانتي لسة صبية.
هنا كان زمعاء بيقول ل حورس
جسر اصبح اسيركم وتقدروا تحاسبو علي كل اللي فات وانا رجعت تاني ملك ملوك الجن
حورس
واخي رع
زمعاء
هصدر امر بالافراج عنه. وهيكون قدام منك في غمضة عين
استغرب ايريس الاسم وقال
رع. دة ابني
ايانا
اللي سيبتني وانا حامل في
وفعلا يظهر رع من تحت الارض يجري علي امه ايانا واخو حورس ويرتمي في حضنهم ويبص ل ايريس ويقول
امي مين دة
ايريس قرب منه واترمي في حضنه وقال
والدك
رع فرحا
ابي ايريس
واتجمع شمل العيلة من جديد وبص ايريس ل مناع اللي حور كاتم له الجرح وقال
مناع انت بخير
مناع
الجرح سطحي.
حورس بص ل جسر وقال
ودلوقتي هنعمل اية في جسر
حور
دة مهر جوازي وهيتقدم ل حبيبتي،،،،،،،،،،
ومن شوارع كِمِيتأوكيمى. كان حور بيجر جسر من السلسة وكل اهالي كِمِيتأوكيمى. شايفا و كانو في منتهي الفرحة. الكل فرحان ان الشر انتهي. ويدخل حور القصر ويرمي جسر وهو متكتف قدام زاهية اللي هي كمان متكتفة ومعها نفس تو. ويقول حور وهو بيبص ل جسر
مهرك
زاهية بفرحة شديدة
بمنتهي السهولة دي انتهي الشر
ايريس
الظالم اضعف من المظلوم. مهما كانت قوته. لكن سكوت المظلوم بيجعل من الظالم عملاق صعب الخلاص منه. وانتهي جسر باسرع مما كنت اتوقع. واهو قدام منك تقدري تعملي في اللي انتي عايزا
زاهية مسكت. خنجر حور وراحت ناحية رقبه جسر وقالت وهي بتحط الخنجر علي رقبته
من اجل ابي واخي. وكل مظلوم
وقطعت راس جسر ورمتها من شباك القصر ووقف قدام منها ايريس وقال
دة حقك وانتي خدي. المطلوب دلوقتي منك حق النساء اللي ماتو بسببك
نفس تو
سيدي الكاهن. لو تسمح لي اتكلم
بص لها ايريس وقالت نفس تو
زاهية ما غصبتش حد مننا علي الرجوع ل كِمِيتأوكيمى. احنا اللي طلبنا منها اننا نكون معها
ايريس
ما كنش المفروض تخرج وتعصي امر ليا
نفس تو
ما تحسبش زاهية ل وحدها حاسبنا كلنا
ايريس
احاسب اموات
زاهية
لا. حاسبني انا
نفس تو
ما فيش حساب في يوم الفرحة الكبري اليوم اللي كلنا حلمنا بي
ل سنين. نهاية جسر
حور
انا كمان رايي من راي نفس تو. احنا كلنا كنا في حرب ولكل حرب الضحايا بتاعتها. اللي ماتو كنا ممكن نكون مكانهم
بداو يسمعوا الافراح في شوارع كِمِيتأوكيمى. والكلاب بتاكل في راس جسر المقطوعه والكل بينادي باسم ايريس واصبح ايريس ملك كِمِيتأوكيمى. وحكمها بالعدل والنور ورجعت ايانا واولادها من روما وسابت الحكم ل صوفيا
تمت بحمد الله