رواية الكاهن وراس الغول
الفصل الرابع 4
بقلم محمد منصور
بدا حكا يشوف مكان ينفع تولد في ايانا وفعلا لقي مكان في اخر المخباة. ساعد ايانا علي انها تاخد وضع الولادة ووقف هو وحورس وبقيت هي في ظهرهم وكانو ليها غطاء. وبدات تولد ومع كل صرخة ليها كان الطفل بيقرب من النزول. ونزل الطفل. وكان لونه ابيض. اتصدمت وضمته ل حضنها لما افتكرت صوت غيبا وهو بيقول
الموت لكل ما هو ابيض البشرة.
وقالت وهي مرعوبه
حكا
بص لها حكا فشاورت علي ابنها فانصدم حكا وقال
دة مصيبة يا مولاتي.
هنا يقف احدي حراس غيبا ويبص للطفل وهو مبرق وشكله ناوي علي الشر. لكنه تخيل اللي ممكن يحصل ل طفل لسة مولود علي ايد غيبا اللي ما بيرحمش اي حد صاحب بشرة بيضاء. فرجع قلبه يحن وصعب عليه المولود وقال الحارس. اللي يدعي زيمان
انتم مش عبيد
حكا
دة حقيقية. احنا جائينا هربانين من بلادنا كِمِيتأوكيمى. بعد ما اصبحنا في صورة العبيد
ايانا وهي بطم الطفل ل حضنها قالت بخوف
انتو ممكن تاذوا ابني
زيمان
غيبا لو عرف بوجوده. هيقتله ويعلق جثته علي باب المخباة زي ما بيعمل مع اي واحد ابيض
ايانا
انا مستحيل اخلي غييا دة. يمس ابني بسوء.
زيمان
ماحدش فينا يقدر يمنعه.
حكا
طبعا تعرف تهربنا من هنا
زيمان
انا لو عملت كدة هيعرف وهيقتلني
ايانا
واية العمل دلوقتي
زيمان
ما فيش غير اني اخد ابنك واحطه في قبر الاموات.
اتصدمت ايانا وقالت
قبر. تحط ابني في قبر.
زيمان
دة المكان الوحيد اللي ماحدش بيروحو غيري لاني انا المكلف بدفن اموات العبيد. وهناك ابنك هيكون في امان
وتقدري تراعي بنفسك.
ايانا
ولية اتحرم من ابني. احنا هنهرب
زيمان
ما حدش دخل مخباة العبيد وقدر يخرج ولو حاولتي تهربي غيبا هيعتبرك متمردة علي امرة وهيذبحك.
حكا
هو لية بيخطف العبيد
زيمان
علشان الملوك والامراة واباطرة روما. ما يقلوش اللي يخدمهم. ومن ناحية تانية يقدر هو هنا يدربهم ويجهزهم للحرب.
ايانا
حرب
زيمان
الحرب اللي بيحلم بيها غيبا. واللي هيكون بعدها امبرطور روما. بعد ما يقتل الامبراطور افيتوس. ودلوقتي اديني الطفل. قبل ما حد من الحرس يعدي ويشوفو. وساعتها مش هقدر اساعدكم
ايانا بصت ل ابنها وقالت
افضل مستني دول الوقت دة واول ما يبقي بين ايدية اتحرم منه
زيمان
لو فضل بين ايديكي هتتحرمي منه الي الابد. لكن في قبر الاموات هتقدري تشوفي وتقومي برضعته في اي وقت
حكا
انا شايف يا مولاتي ان الحارس. بيتكلم صح وما فيش قدامك اي اختيار تاني
زيمان
انا اسمي زيمان. حارس القبور
فطلت ايانا تفكر وقلبها رافض انها تعمل كدة. لغاية ما سمعت صوت احدي الحراس بيقول
وصل الملك الاسود غيبا.
حكا
مولاتي ما فيش وقت نضيعة. لازم تدي الرضيع ل زيمان
وفعلا اخد زيمان الطفل من ايد ايانا وخرج بسرعه من باب خلفي ومنه الي قبر العبيد وفتح القبر ودخل وحط الطفل الرضيع وسط الاموات وخرج بسرعه من القبر، ،،،،،،،،،
ومن الجنوب يوصل ايريس مع التجار. خفو. وابنه منكاو وكانت في استقابلهم بنت زي القمر. عندها 10 سنين اسمها. زاهية. وهي بنت التاجر خفو اللي قالت اول ما شافتهم
حمد لله علي السلامة والدي
خفو
الله يسلمك.
وبصت ل منكاو وقالت
حمد لله علي السلامه يا منكاو
منكاو
الله يسلمك زاهية. عايزك تشيعي في الجنوب كله ان اخوكي قتل بسهمه اتنين من الكهنة الملاعين
زاهية
لسة يا منكاو. بتفكر في الكهنة والانتقام منهم
منكاو
وانا من امتي كنت نسيتهم بعد اللي عملو في والدي قدام عيونا
خفو
سيبك من السيرة دي وخلينا ندخل بضاعتنا المخازن
زاهية بصت ل ايريس وقالت
والدي مين دة
خفو
غريب استنجد بينا في طريق عودتنا. اكرمي يا زاهية
زاهية بصت ل ايريس وقالت
حاضر يا والدي
خد منكاو. والده خفو علي جنب وقال له بصوت واطي
انت ناوي تخلي الشخص الغريب دة عايش وسطينا
خفو
هيشتغل معانا في التجارة يا منكاو واهو نكسب في ثواب
منكاو
انت ازاي يا والدي تقول كدة دة احنا حتي ما نعرفش اسمه
خفو
اسمه ايريس.
منكاو
انت عرفت اسمه ازاي
خفو
وقت ما كنت نايم اثناء رحلتنا عرفت اسمه ولقيته راجل طيب جدا
منكاو
طيب. بس غريب عنا
خفو
انا شفنا منه شر. هطردة بنفسي من هنا. بس سيبة يساعدنا في التجارة انا كبرت ورجلي ما بقدرش ادوس عليها كتير وانت محتاج اللي يساعدك. خلي يساعدك .،،،،،،،،
ودارت الايام وايريس في الجنوب. عايش مع التاجر خفو وايانا في الشمال وسط العبيد عند الملك غيبا ويعدي علي الحال دة 5 سنين. وابن ايانا اللي سمته. رع. كان بيكبر وسط الاموات وايانا. تروح له بالاكل والشرب. كل يوم من غير ما اي حد يعرف. وبمساعدة من زيمان. وفي يوم وهي عنده في القبر قال لها رع
امي محتاج اخرج العب مع الاولاد اللي من سني
ايانا
اوعدك اننا قريب اوي هنخرج. كلنا من هنا
رع
امي انا لية مسجون هنا
ايانا
انت مش مسجون انا مخبياك من شر كبير مستنيك برة
رع
تعرفي يا امي ان في ناس غيرك بيجبو لي اكل وشرب
اتصدمت ايانا وقالت
ناس مين دول. تقصد عمك زيمان
رع
لا. ناس غير عمي زيمان.
وبص للاموات وهياكلهم العظمية وقال
دول. اللي بيجبوا ليا الاكل.
بصت ايانا للاموات وقالت
دول اموات.
رع
مش كلهم اموات فيهم اللي بيتكلم معايا واللي بيجيب لي اكل وشرب. دول طيبين جدا.
ايانا
دة شئ خطير اخاف عليك تفضل هنا اكتر من كدة
رع
بس انا عايز افضل هنا. و اخرج العب وارجع تاني
ايانا
رع. انا همشي دلوقتي وهبقي ارجع لك تاني
وخرجت ايانا من المقبرة وقفلت الباب وراء منها وكان في شعله بتنور ل رع المقيرة. وراحت جري ل حورس وحكا وقالت لهم علي اللي سمعته من رع وحورس قال
كدة اخي صابه الجنان. لما يشوف اموات بتتكلم وكمان بيجيوا اكل وشرب
ايانا
علشان كدة لازم رع. يخرج من المقبرة ويعيش وسطينا
حكا
ازاي بس ولونه ابيض
ايانا
لازم نخرج من هنا
هنا يقف قدام منهم زيمان ويقول
اية مالكم واقفين لية كدة
ايانا حكيت له علي اللي بيقولو رع. اتصدم زيمان وقال
النبوء اتحققت النبوء اتحققت
استغربوا كلهم وقالت ايانا
نبوء اية
زيمان
في بداية العهد الروماني. عرفنا احنا العبيد من العرافة الام
ان نهاية العهد الروماني لحكم روما هيكون مع بداية كلام الاموات مع بشري هيكون منهم. وهو اللي هيقتل الامبرطور افيتوس بمساعدتهم
حورس
انت بتقول اية. دي خرافة
ايانا
انا ابني رع. برة حربكم. مع افيتوس
زيمان
مش بمزاجة. ابنك هو الدليل علي بداية النهاية ل افيتوس
اتحرك زيمان ناحية القبر وقف قدام منه حكا وقال
انت رايح فين
زيمان
هطلع رع من القبر واقدمه للملك غيبا
حكا
انا امنعك
زيمان
انت مش قادر تفهم ان خروج العبيد من المخباة دة للنور ونهاية الامبرطور افيتوس. حلم عايش علشانه كل العبيد
حكا
انت باللي عايز تعمله دة. بتحكم علي طفل في سن رع بالهلاك
زيمان
رع مش طفل دة هيبقي مخلص العبيد وسبب خروجهم من المخباة دة للحرية
حورس
اخويا ملهوش دعوي باحلامكم
زيمان بص ل حورس وقال
اخوك بمزاجة او غصب عنه هو كل احلامنا. هو الدليل. ولازم اودي بنفسي للملك غيبا.
حورس وهو بيمسك ذراع زيمان
عمي. زيمان ما تخلنيش اعمل شئ يخليني اندم. انت ساعدنا كتير. بلاش غيبا يعرف با امر اخي. وساعدنا نهرب من هنا
زيمان
مستحيل اخون العبيد علشان خاطركم.
ولسة هيتحرك زيمان حط حورس ايدة بمنتهي القوة علي بوق ومناخير زيمان وبدأ يكتم نفسه وهو بيقول
حقك عليه عمي زيمان
ايانا
حورس ما تقتلوش
حورس وهو بيعيط لانه بيحب زيمان لكنه مستمر في كتم نفسه قال
غصب عني. هو اللي خلاني اعمل كدة.
وحاول زيمان الخلاص من ايد حورس القوية. لكنه ما قدرش لغاية ما مات في ايدة وبدأ يسحبة لغاية القبر وفتحوا القبر. واول ما شاف رع. جثة زيمان قال
مين اللي عمل كدة في عمي زيمان
حورس
مات لوحدة
لكن الاموات بداو يصدروا همهمه وتراب القبر بدأ يلف جوة القبر حزنا علي زيمان. اللي مات مقتول وقال رع وهو بيبص ل حورس
مات بايدك يا اخي. الاموات مش هيستكوا
وبدا تراب القبر يلف حوالين ايانا وحورس وحكا ولونهم الاسود بدا يروح وترجع بشرتهم للون الابيض بصو للي بيحصل مصدومين، .