وفعلا توصل جواليا ومعها روبرت عند بوابة القصر الخلفية اللي معلهاش حراسة نهائي. ودة كان شئ غريب. وفتحت البوابة وبمجرد ما خرجت منها بصت ل بشرتها وبص لها روبرت علشان يلاقي جلد بشرتها زي ما هو فرحت جواليا اوي وقالت ل روبرت اللي حاله ما كنش يفرق عن حالها كتير
اللعنة اتفكت و وهقدر اهرب من تيتوس
روبرت
لكن ازاي اللعنة اتفكت. وفين حراس البوابة الخلفية
جواليا
مش مهم نعرف اجابة اي سؤال دلوقتي المهم نهرب ونهرب
روبرت
تفتكري هنقدر نخرج برة القرية ولا هيبقي مصرينا نفس مصير اي حد يفكر يهرب
جواليا
نجرب.
وراحو ناحية سور القرية. وقرروا يخرجوا من البوابة الموجودة في منتصف السور لكن القرار كان صعب. ووقفوا الاثنين مرة واحدة لكن روبرت قال
خليني اجرب انا الاول
جواليا
لا. اخاف عليك. سيبني انا اجرب
روبرت
انا والدك ولازم تسمعي كلامي
وقرر روبرت يخرج اول حذائة. لكنه شاف الحذاء وهي بتتحجر فرجع رجلية بسرعه وهو مفزوع بصت له جواليا وقالت بقلق شديد عليه
والدي انت بخير
روبرت بص للحذاء اللي متحجر في اول جزء منه وقال
انا بخير اطمئني
جواليا
كدة احنا خرجنا من سجن صغير ل سجن اكبر
روبرت
يعني اية تيجي لينا فرصة الهروب من قصر تيتوس وما نقدرش نستغلها. ويكتب علينا نرجع القصر تاني
جواليا
انا مش هرجع القصر تاني ولو فيها موتي. انا ما صدقت اني قدرت اخرج واللعنة اتحررت منها
روبرت
وتفتكري اننا لو فضلنا برة القصر هو مش هيعرف يوصل لنا
جواليا باصرار شديد
والدي انا مش هرجع القصر ولو وصل بيا الحال اني اكون حجارة زي حاولو يهربوا قبل مني
روبرت
وهنعيش ازاي وسط اهل القرية
جواليا
نتنكر في زي فقراء ونوصل ل حورس. وهو الوحيد اللي هيقدر يساعدنا
روبرت
مافيش قدمنا الا كدة. بس قولي هنتكنر ازاي
جواليا
الطين هنغير بي ملامح وشنا. وهدومنا نقطعها ونملها بالطين
روبرت
تيتوس هيوصل لينا مهما عملنا
جواليا
اللي قدر يخرجنا من قصر تيتوس هيحمينا منه
روبرت
مين بس اللي عمل كدة، ،،،،،،،،،
وتاني يوم الصبح ومن بالكونة قصر افيتوس تقف صوفيا وايانا والساحر امسطون اللي كان بيقول ل شعب روما
الطفل رع مش من الموتي العائدون. انا قدرت اتاكد بنفسي
واحد من شعب روما
اومال مين اللي مات قبل كدة
امسطون
ما قدرتش اعرف لكن انتم عارفين اني صادق وما بقولش اي كلام كذب والحقيقية هي اللي بقولها ليكم.
نفس الرجل
احنا كدة قدام لعبة كبيرة قامت بيها الامبراطورة ايانا علشان تتولي حكم روما
ايانا
انا عمري ما فكرت ولا سعيت ولا طلبت حكم روما. لاني ببساطة انا ما من اهل روما لكني من سنين و بعد زواجي من ايريس كاهن من كهنة كِمِيتأوكيمى. سبت روما وعيشت هناك. وما رجعتش روما. الا بعد مذبحة الكهنة وقتل جوزي ايريس وعيشت خمس سنين في مخباة لكن العبيد كانو عايزين ليكم الموت والدم قدرت اهرب وعرفت افيتوس بمخباة العبيد علشان انقذكم. من الموت وانقذ اولادي. وبسبب اللي عملته دة خسرت ابني الكبير حورس. وبعدها عرفت ان بطريقة ما. الاموات بيقدروا يخرجوا من جسم ابني. وبدأ روما تتحول الي مقبرة كبيرة. وكل واحد منكم كان بيموت بيتوجد مكانه واحد من اموات العبيد. ما قدرتش اتحمل ليكم الشر وقتلت ابني. وفي الاخير يتقال اني عملت كِدة علشان حكم روما.
وبدات تنهار ايانا من العياط. وقالت
روما ليكم وانتم احرار في اختيار حاكمكم. وانا مش عايزا منكم غير اني اخد ابني وارحل بهدوء
صوفيا بصت لها وقالت
مافيش رحيل ايانا. انتي عملتي علشان الشعب دة اللي ماحدش قبل كدة عمله وانا والحراس مش عايز حاكم لينا الا انتي. لان افيتوس ما كنش لي ولي عهد يحكم روما من بعده.
بدات الهمهمة بين اهالي روما. والاغلبية مصدقين حكاية ايانا وقال واحد منهم
اللي تعمل دة كله علشانا لازم تكون الامبراطورة. انا معاكي مولاتي ايانا
اتجراء الباقي وبدأ واحد وراء واحد يقولو انهم معها وهنا قالت ايانا
اتمني احقق ليكم كل اللي انتو عايزينه واول امنية هسعي ل تحقيقها. حرية اهالي قرية الغابة من حكم تيتوس الظالم وكل واحد لي حد هناك هيتم تحريرة.
واحد من شعب روما قال
طلبنا كتير من الامبراطور افيتوس تحرير اهالينا. وكان ديما بيرفض. وما نعرفش لية
ايانا
الامبراطور افيتوس عهده خلص ومات وهو بطل بيحميكم واكيد لي اسباب تخلي يرفض الهجوم علي تيتوس وتحرير اهالي قرية الغابة. لكن احنا دلوقتي في عهد جديد. عهد ايانا اللي قوتها منكم وليكم. وبيكم هبقي اقوي
كل شعب روما هتفوا باسم ايانا. وصوفيا بصت لها وهي فرحانه. وايانا مسكت ايد صوفيا ورفعتها ل فوق وقالت
اوعي تنسوا سيدة روما الاولي صوفيا. سبب قوتي. ومولاتي.
وبدا شعب روما الهتاف باسم صوفيا ،،،،،،،،،،،،،،
ومن قدام مريا الذنب يقف تيتوس قصاد زمعاء ملك الجن ويقول له. بعصبية شديدة
عملتها يا ملعون وهربت جواليا
زمعاء وهو بيضحك.
اللعنه تنفك باللي يحب جواليا اكتر منك. وحورس حبها اكتر منك. وكان لازم تعرف وتهرب. وانت تدفع ثمن غرورك يا تيتوس
تيتوس
اوعي تفتكر اني هرحمك او ارحمها. انت ملكي وهي كمان ملكي
زمعاء
انا عارف اني ملكك لكن هي ما بقتش ملكك. هي هربت
تيتوس
هوصل لها يا ملعون
زمعاء
واضح ان تيتوس ناسي ان جواليا اتحرمت علي عيونه وايدة لو لمستها ما تقدرتش تحس بيها. يعني كله يقدر يشوفها ماعدا انت يا تيتوس. كله يقدر يتمتع بجمالها ما عدا انت. دي شروط اللعنه وانت قبلت بيها من الاول لو جواليا قبلت اللي يحبها اكتر منك تتحرم علي عيونك. وايدك ما تقدرتش تلمسها
تيتوس بمنتهي العصبية
انت بتحرمني من حياتي. انت كدة بتحكم عليه بالموت البطئ
زمعاء
ملاعين اكتر منك وفاجرين ماتو. وبقوة مجرد ذكري خبيثة
تيتوس
هأمر الحراس يدورو عليها ويقتلوها وانا عارف هي اية بالنسبة لك
ضحك زمعاء اوي وقال
لو تقدر تعملها اعملها.
تيتوس بعصبية
انت عارف اني ما قدرش. لية هربتها لية
زمعاء
علشان اتمتع بعذابك تيتوس
تيتوس قرب من زمعاء ولسة هيكسر المرايا يدخل تيتوس المنسوخ الاول ويقول
مولاي تيتوس
بص له تيتوس وقال
اية اللي جابك ورايا هنا
تيتوس المنسوخ
الجاسوس بتاعنا في روما. بعت رساله بيقول فيها. ان ايانا ملكة روما امرت جيشها بالاستعداد للهجوم علي قرية الغابة قبل منتصف ليل بكرة
تيتوس بعصبية
ايانا وهو انا كنت ناقصها
تيتوس المنسوخ
الامر كدة بيزداد تعقيد تامرنا باية
زمعاء
لو عايزني اساعدك انا جاهز
بص تيتوس ل زمعاء وقال
ازاي
زمعاء
حررني وانا انهي لك الحرب. اللي انت مش قدها قبل بدايتها
تيتوس
اعرف ازاي وبعدين اقرر
زمعاء
حورس.
تيتوس
مش فاهم
زمعاء
مش هقول كلمة تاني الا بعد تحريري
بص له تيتوس وفكر للحظات وبعدها حط ايده الاثنين علي المريا لتنكسر المريا ويتحرر زمعاء ويقف قدام تيتوس برجل واحدة وايد واحدة بص له تيتوس وقال
قول اللي في دماغك
زمعاء
ايانا جاية علشان حورس اديها حورس الحرب تنتهي قبل بدايتها
لمعت عيون تيتوس وبص ل تيتوس المنسوخ وقال
امر الحراس يقلبو القرية كلها علي حورس ويجبوا قدام مني في اسرع وقت، ،،،،،،،،،،،،،،،،،
وتاني يوم بالليل تصل ايانا مع جيش جرار عند اول القرية علشان تلاقي ابواب القرية مقفوله ومتعلق علي البوابة من الخارج حورس مكمم الفم وصوت تيتوس يقول
ايانا. من غير كتر كلام خدي ابنك وارجعي انتي وجيشك مكان ما جيتي
ايانا
وباقي اهل القرية
تيتوس
دة شئ ما يخصكيش
ايانا
انا امبراطورة روما وقرية الغابة وكل اللي فيها تحت حمايتي. سلم لي اهل القرية. امنع جيشي من ابادة قرية الغابة.
تيتوس
انا بقول لك ابنك قدامك خدي وامشي وانتي تقولي اهل القرية. انتي ازاي ام.
ايانا
انا دلوقتي امبراطورة وابني بالنسبة لي زي باقي اهالي القرية. ومش همشي من هنا الا بيهم كلهم.
تيتوس
حتي لو قولت لك انك بالشكل كدة كتبتي نهاية ابنك حورس
ايانا
خلي نهاية حورس عليه انا
ومسكت رمح من احدي افراد الجيش وبصت ل حورس بتركيز شديد وخدت وضعية رمي الرمح فقال لها تيتوس
هتعملي اية
ايانا
هقتل اللي انت فاكر انك بي تقدر تمنعني عن دخولك القرية
ورمت الرمح في اتجاة حورس وحورس بيبص للرمح بصة فزع وهو بيقترب منه واقترب الرمح اكتر واكتر واخترق صدر. حورس. وبعدها بصت ايانا للجيش وقالت باعلي صوتها
هجوم.
وانطلق الجيش بكل قوته ناحية البوابة،