رواية المصراويه والصعيدى الفصل الاول1 بقلم اسراء ابراهيم

ياما دي لا تعرف عوايدنا ولا اي حاجة عننا اتجوزها كيف بس 

رابحة بتوتر / يا سالم البنتة زينة وكيف الجمر،،صدجني هتندم يا ولدي،،  اسمع مني بس ووافج 

سالم بضيق / ياما انتي خابرة ان موضوع الجواز ده انا مليش فيه من بدري وبعدين اني مهضحكش عليها، لازمن تعرف اني مبخلفش وانا متوكد انها هترفض وجتها 

رابحة بلهفة/ خابرة يا ولدي وموافجة ايه رأيك بجي،،  وافج انت بس وملكش دعوة 

سالم بشك / اما،، انا حاسس ان الموضوع ده في انة؟ ما تجوليلي اللي فيها حاكم اني مش مرتاح 

رابحة بتردد/ اسمع يا سالم انا هجولك عشان انت ولدي مش ولد جوزي واني اللي مربياك بس اوعدني انك متجيبش خبر لابوك اني جولتك حاجة ماشي يا ولدي؟ 

سالم بقلق / طبعا يا اما،، جولي ومتخافيش ابوي مش هيعرف انك جولتيلي حاجة بس فهميني في ايه؟ 

رابحة بهمس / انا سمعته بيتحدت مع عمك منصور،، صاحبه ده بتاع مصر وبيجوله ان الجوازة دي لازمن تتم بسرعة ولما سألت ابوك جالي ان بت منصور دي عاشجة راجل هناك و منصور بيجول انه عفش ورايد ينتجم منه فيها وعشان كدة ابوك عرض عليه انك تتجوزها 

سالم وشه احمر من الغضب وقبض علي ايديه جامد وهو بيتكلم بغضب مكتوم/ يعني مش كفايا اتجوز مصراوية متعرفش عوايدنا؟ كمان عاشجانة راجل تاني ،، ابوي بيهزر 

رابحة بخوف/ سالم يا ولدي،، انت وعدتني اوعاك تجيب سيرة لابوك 

سالم بضيق / طب واحلها كيف دي ياما،،  كيف اجبل علي حالي اني اتجوز بنتة زي دي بس 

رابحة بتلقائية/ زي النااس يا حبيبي ،، كانها جِميلة بتردها للراجل اللي عمل كتير لابوك وكان السبب في ان تجارتنا توسع و ان جالك الغصب خده بالرضي يا ولدي لاجل خاطر ابوك،،  عشان خاطري يا سالم ولا مليش خاطر عندك 

سالم وهو بيحب علي راس رابحة/ متجوليش كدة ياما،، خاطرك غالي عندي،،  حاضر يا ام سالم هعمل كدة بس يمين بالله لو البنتة دي حالها مايل هعدلها ومش هيهمني حد واصل 

رابحة بقلق/ اعمل اللي يلد عليك يا ولدي ماهي هتبجي مراتك وبعدين دي هتجعد اهنه معايا يعني لا هتخرج ولا هتروح في حتة متخافش

سالم بضيق / ان شاء الله يا ام سالم ،، بس ياريت تعرفي ابوي ان الجوازة دي متلزمنيش واني هطلجها عاجلا او اجلا واهو جواز عالورج وخلاص 

رابحة بابتسامة / حاضر يا ولدي اللي انت رايده يا نور عيني 

................... 

لا يا بابي مش هتجوز حد غير مهاب ولو حضرتك صممت انا ههرب معاه 

قل*م نزل علي وش مايان من منصور ابوها فدموعها نزلت بتلقائية وهي بصاله بصدمة 

مايان بصدمة/ انت بتضر*بني يا بابي؟  حضرتك عمرك ما عملتها؟ 

منصور بغضب/ عشان الظاهر اني معرفتش اربي ،، عشان بنتي تقف قدامي وتقولي انها هتهرب يبقي انا معرفتش اربي 

مايان بانفعال/ انا بدافع عن حبي وحياتي اللي انت عاوز تدم*رها وتخليني اتجوز صعيدي وكمان اعيش هناك،، انت بتد*فني بالحيا،، ليه واقف في طريق سعادتي انا مش فاهمة؟ ليه مش قادر تفهم اني بحب مهاب وهو كمان بيحبني وانه مش بينت*قم منك زي ما انت متخيل 

منصور بعصبية/ عشان هو اللي قالي كدة بنفسه يا غ*بية،،  افهمي يا بنتي،، مهاب ده تعبان بيتلون حسب مصلحته،، ليه مش قادرة تقتنعي انه مش بيحبك وانه بيضحك عليكي عشان عارف انك نقطة ضعفي ،، انا عمري ما ضغطت عليكي ولا حاسبتك بس المرادي لا يا مايان،، مش هسيبك للحيوا*ن ده يأ*ذيكي 

مايان بعدم تصديق / مستحيل،،  مهاب مش كدة،، هو قالي انه خلاص مبقاش يشتغل معاك عشان يثبتلك انه مش طمعان فيك وانه بيحبني بجد 

منصور بنفاد صبر/ ده كداااب،،  انا اللي فسخت العقد وطردته بعد ما ثبت عليه اختلاسه،، افهمي بقي ده حقي*ر 

مايان بصت لابوها بصدمة وعقلها رافض يصدق / مستحيل،، لا مهاب مش كدة 

منصور بحسم/ هاتي تليفونك ده وانتي هتفضلي محبوسة في اوضتك لاخر الاسبوع لحد ما نسافر البلد ولو فكرتي تهربي يا مايان صدقيني هجيبك مهما بعدتي ومش هسمحله يأذ*يكي ابدا،، يلا علي اوضتك حااالا 

جريت مايان علي اوضتها وهي بتعيط ومنهارة وكان متابعها منصور بحزن وخصوصا اما اتأكد ان مهاب مسيطر عليها بالشكل ده 

............................ 

يوم الفرح دخل سعد ابو سالم من باب البيت وهو باين عليه الضيق 

سعد بضيق/  تعالي يا سالم يا ولدي رايدك في موضوع  

دخل سالم مكتب ابوه ووقف قدامه باستغراب

سالم بقلق/ خير يا ابوي،، مالك مضايج كدة ليه؟  حاجة حصلت؟ 

سعد بضيق/ ايوة يا ولدي،، اسمع يا سالم،، انا خابر ان الجوازة دي هتم غصب عنك عشان انا صممت بس انا فكرت وجولت اني لازمن اجولك عشان تبجي خابر يا ولدي 

سالم بغموض/ خير يا ابوي،، انا سامعك 

سعد بتنهيدة/ عمك منصور صديق عمري وانا لما لجيته في ضيقة مكنش ينفع اهمله يا ولدي،،  كان عِنديه واحد مشاركه وبينهم شغل بس اكتشف منصور انه بيسرجه وان شغله مشبوه ففضي كل حاجة وطرده والراجل ده قرر ينتجم من منصور في بنته فلعب عليها ووهمها بالعشج وخلاها اتعلجت بيه وهي لساتها عيلة صغيرة وعشان اكده هتتجوزها يا سالم 

سالم بهدوء عكس ما سعد متوقع / تمام يا ابوي ،، اللي انت رايده هعمله 

سعد بلهفة/ تسلم وتعيش يا ولدي ربنا يخليك ليا يا سالم،،  هما زمانهم علي وصول بس في حاجة،، البنتة حاولت تهرب عشية وعمك منصور كان مراجبها ومنعها فرايدك تبجي عينك عليها يا ولدي 

سالم بش*ر/ متخافش يا ابوي اني هربيها من اول وجديد 

سعد بقلق/ سالم،، البنتة صغيرة يا ولدي ،، ومتنساش انها متعرفش عوايدنا 

سالم بثقة/ تمام يا ابوي متجلجش،، انا هتصرف 

.....................  

كانت قاعدة مايان في العربية وهي باين عليها الغضب وكل شوية تبص لابوها بعتاب بس هو كان متجاهلها لحد ما وصلو بيت سعد واول ما وقفت العربية اتنفضت مايان من صوت ضر*ب النار اللي اشتغل فجأة فخافت اوي ومسكت في ابوها 

منصور بهدوء/ متخافيش يا مايان،،  ده اهل البلد بيرحبو بينا عشان احنا وصلنا 

مايان برجاء/ بابا لو سمحت بلاش الجوازة دي،،  اوعدك اني هبطل اقابل مهاب بس متجوزنيش من الناس دي بليز 

منصور بثقة/ للاسف مش مصدقك يا مايان،، بعد اللي شوفته منك وتأثير الزفت اللي اسمه مهاب ده عليكي لدرجة انه يخليكي تقفي قصادي يبقي لازم اتصرف يلا انزلي 

نزلت مايان بتردد وهي بتبص حواليها بصدمة وقر*ف من كل حاجة

سعد بابتسامة / اهلا يا، بتي نورتي البلد يا عروسة الغالي 

مايان بضيق /شكرا 

رابحة بفرحة / صلاه النبي اسم الله عليكي كيف الجمر يا بتي ان شاء الله تبجي جوازة الهنا 

نفخت مايان بضيق ومردتش في نفس الوقت كان متابع سالم طريقتها اللي ضايقته فاتكلم بحد*ة خلاها تتنفض علي صوته 

سالم بحد*ة / خديها ياما علي فوج مش رايدين نتف*ضح في البلد بلبسها ده،، خليهم يجهزوها 

مايان بخوف / يجهزوني ازاي؟ ومين انت عشان تقولي كدة 

سعد بثقة /ده سالم ولدي وهيبجي جوزك يا بتي

مايان بصدمة / لا مستحيل يا بابي،، انت مش هتعمل فيا كدة 

منصور بجدية/ اطلعي مع الست رابحة يا مايان واجهزي عشان الفرح

ماين بصت لابوها بحزن وسابته ومشيت مع رابحة بس وهي من جواها مقررة تنت*قم منهم كلهم 

سعد بابتسامة / متجلجش يا منصور بتك في عنيا انا وولدي المهم انت خد بالك من اللي اسمه مهاب ده 

منصور بحيرة/ بنتي كانت هتهرب معاه امبارح يا سعد،،  متخيل هو مسيطر علي عقلها ازاي،، ده مفهمها اني بكر*ها واني ضد سعادتهم 

سعد بتنهيدة / متخافش يا اخوي،، سالم هياخد باله منها وان شاء الله تنسي اللي اسمه مهاب ده 

منصور بلهفة/ خد بالك منها يا سالم،،  وصدقني دي لسة صغيرة ومش فاهمة وانا عاذرها لانها مكنتش بتخرج ولا بتشوف حد وفجأة لقيته هو معاها وبطريقته خلاها اتعلقت بيه 

سالم بجدية / متجلجش يا عم منصور،، بتك في عيوني،، يلا تعالو ندخل جوة بلاش حديت الشارع ده 

.................... 

بارك الله لكما وبارك عليكما وجمع بينكما في خير 

سعد بفرحة / الف مبروك يا ولدي 

سالم بهدوء / الله يبارك فيك يا ابوي 

منصور براحة / دلوقتي اطمنت علي بنتي يا سالم عشان بقت معاك،، من انهارده هي مسئوليتك 

سالم بابتسامة / ربنا يخليك لينا يا عم منصور 

قط*ع كلام سالم صوت رابحة وهي بتنادي عليه من بعيد عشان عاوزاه فسابهم وراحلها 

سالم باستغراب/ خير يا ام سالم،، في حاجة ولا ايه؟ 

رابحة بتردد/ ايوة يا سالم،، البنتة راسها يابس ومش راضية تنزل والنسوان بيتحدتو اكمنهم مشافوش العروسة واحنا رايدين نخرسهم 

سالم بغموض / متجلجيش ياما،، خشي انتي للحريم وعرفيهم ان سالم طلع يجيب عروسته بعد كتب الكتاب وجاي 

رابحة بقلق/ حاضر يا ولدي،، بس وحياتي عندك براحة عليها،، دي عيلة صغيرة

سالم بجمود/ حاضر ياما،،  يلا انا طالع 

دخل سالم اوضته من غير ما يخب*ط وفي نفس الوقت كانت مايان رايحة جاية بغضب واتفاجأت

يتبع