رواية المصراويه والصعيدى الفصل الاخير بقلم اسراء ابراهيم
اتفاجأت مايان بسالم و اتخضت اول ما لقته داخل عليها
مايان بغضب / انت ازاي تدخل كدة،، هي زريبة ولا ايه؟ مش في باب تخب*ط عليه
سالم اتغصب فقرب منها ومسك ايديها جامد بطريقة و*جعتها واتكلم بهمس / حسك لو علي عليا تاني صدجيني هيكون اخر يوم في عمرك انتي فاهمة ولا،، اوعي تكوني فاكراني ابوكي اللي بتطلعي عليه دلعك الماسخ ده،، اني سالم كبير البلد دي ومش حتة مصراوية زيك مالهاش لازمة هي اللي هتجف قصادي
مايان بو*جع / سيب ايدي،، انت بتو*جعني
سالم بلا مبالاه / مش مهم،، المهم انك هتنزلي دلوك عند الحريم ولسانك هيفضل في خاشمك وتجعدي كيف التمثال لحد ما انا اجي اخدك واياكي يا مايان اسمع حسك ولا امي تجولي انك جولتي حاجة فااااهمة
مايان بدموع ووجع / فاهمة،، سيبني بقي انا بكر*هك
سالم بسخرية / لا انا اللي بموت فيكي اياك ،، اوعاكي تفتكري اننا ما صدجنا طلتك علينا،، انتي متستاهليش اصلا تبجي علي زمتي بس هجول ايه،، ابوي ولازمن اطيعه لاجل الراجل الغلبان صاحبه اللي انتي رايدة تحطي راسه في الطين وذنبه انه عنده بت متدلعة زيك
حست مايان بالاهانة اوي وخصوصا اما سالم تعمد يقلل منها فكانت بتبصله بكر*ه وعنيها في عيونه وقتها سالم اتوتر وحاول يداري توتره لما بص بعيد بجمود
سالم بجدية/ يلا جدامي
مايان بصوت مخنوق / اتفضل انزل انا هنزل وراك
مشي سالم من غير ما يرد ومايان مسحت دموعها ونزلت هي كمان بحزن
....................
خلص الفرح وطلعت مايان اوضتها مع سالم اللي جه اخدها من وسط الحريم اللي كانو بياكلوها بعنيهم لانها قمر اوي بس سالم مكنش فارق معاه حاجة وكان مضايق اوي بجوازته دي وخصوصا من مايان اللي بتطاول عليه في الكلام
مايان بسخرية / حضرتك هتقولي انام عالسرير؟ ولا اخدها من اصيره وانام عالارض يا راجل يا شهم
سالم بسخرية/لا اني مش شهم ولا جدع ،، هتنامي عالارض طبعا ولا مش متعودة يا بنت الاكابر
مايان ببرطمة/ انسان بارد
سالم برفعة حاجب / احسنلك اعمل نفسي مسمعتش اللي جولتيه
مايان جريت بسرعة بعد ما اخدت هدومها الحمام وشوية وخرجت وهي لابسة ترنج بيتي فكانت قمر فيه وكان وقتها سالم واقف بيظبط سريره لما شافها فابتسمت مايان بخبث لانها فاكرة انه اعجب بيها بس اتفاجأت بيه بيدور وشه عنها
سالم بضيق / صدج المثل اللي جال ان بنات مصر عنيهم بجحة بصحيح،، طب حتي بيني انك مكسوفة،، مش طالعة جدامي كدة عادي
مايان بغيظ/ ده علي اساس اني لابسة ايه؟ ده ترنج بيتي علي فكرة
سالم قرب منها ووقف قدامها ورد بقسو*ة و*جعتها/ ماهو ده الفرج اللي بينك وبين البنتة اهنه يا مصراوية،، هما عمرهم ما يتحدتو اكده،، وخصوصا لو في يوم زي ده
مايان بغضب / وكان ايه اللي جابرك،، ما اكنت اتجوزت منهم، ولا صحيح نسيت ان بابي اللي طلب منك تتجوزني عشان مهربش مع الراجل اللي بحبه
سالم محسش بنفسه غير وهو ماسك مايان بغضب من ايديها بطريقة خلتها تخا*ف اوي وخصوصا من شكل سالم اللي اتحول اول ما قالت هي كدة وقالها بهمس غاضب/ اياكي تجيبي سيرة راجل تاني علي لسانك طول ما انتي مراتي ،، فاهمة ولا لاه؟
مايان بخوف / فاهمة،، فاهمة
سالم ساب ايد مايان بغضب وسابها وخرج وقعدت هي تعيط بحرقة
.............................
تاني يوم كانت واقفة مايان قدام المراية بتسرح شعرها لحد ما دخل عليها سالم بس اتجاهلها واخد هدومه ودخل الحمام فاضايقت مايان ونفخت بغيظ وشوية والباب خب*ط ففتحت بضيق ولقت رابحة قدامها
رابحة بابتسامة / صباحية مباركة يابتي،، انا جبتلكم الفطار اهنه اهو
مايان بهدوء/ شكرا يا طنط
رابحة بصدمة / طنط ايه بس،، انا زي امك،، جوليلي يا اما زي سالم،، ومتزعليش يا بتي منه،، سالم جلبه ابيض كيف الحليب،، هو بس عصبي حبتين،، انتي بس متجفيش قصاده
مايان بحيرة/ حاضر يا ماما
رابحة بابتسامة / يلا فوتك بعافية يا حبيبتي ولو احتجتي حاجة نادمي عليا هجيلك
قفلت مايان الباب وقعدت قدام الترابيزة اللي عليها الاكل وكانت جعانة اوي لانها مكلتش من امبارح فبدأت تاكل وشوية وخرج سالم من الحمام وكان لابس جلبيته والعمة بتاعته وكان شكله كاريزما اوي فبصتله مايان بتركيز بس اخدت بالها ان سالم باصص ليها فاتوترت وبصت قدامها
سالم بجدية/ خلصي وانزلي انا هفطر معاهم تحت
مايان بسرعة/ طب وانا كمان هنزل،، ولا ممنوع؟
سالم بتلقائية/ مفيش حاجة اهنه ممنوعة،، انتي مش في سجن،، ده بجي دارك يعني تتحركي في بحرية وياريت تحاولي تساعدي امي،، اهو تتعلمي منها حاجة حاكم انا خابر ان بنات مصر ملهمش في حاجة واصل
مايان بضيق / ده علي اساس اني هعيش هنا علطول،، انا قولت هنزل افطر معاكم مش تقولي ساعدي امي واتعلمي منها
سالم بسخرية/ طول ما انتي علي زمتي يبجي هتعيشي اهنه علطول ولو علي امي فهي مش محتاجة مساعدة حد انا جولت تجفي وياها يمكن تتعلمي وتضيعي كمان وجت بدل ما تحسي بملل ،، بس الظاهر اني كنت غلطان،، اللي زيك ملوش المعاملة الزينة
مشي سالم ووقفت مايان تبص لاثره بغضب وغيظ وبعدين نفخت بغضب وهي بتقول / طب مش نازلة هه،، بس ازاي يا مايان،، دي فرصتك يمكن تلاقي تليفون وتكلمي مهاب يجي ينقذك من المكان ده،، اكيد قلقان عليا اوي،، هوووف بقي
........................
اخر النهار جه سالم من الشغل واول ما دخل البيت سلم علي ابوه وامه وفهم وقتها ان مايان منزلتش فكان هيطلع بس وقف عالسلم لما سمع صوت مايان اللي كانت خارجة من المطبخ بتجري وهي فرحانة
مايان بفرحة/ شوفتي يا ماما البطاطس استوت وطلع طعمها حلو كمان،، انا فرحانة اوي،، اول مرة اعمل اكل
رابحة بابتسامة / ولسة كل يوم هعلمك حاجة جديدة يا بتي،، لحد ما تبجي ست بيت شاطرة
شبح ابتسامة ظهرت علي وش سالم وهو بيتفرج علي مايان اللي فرحانة بصنية البطاطس اللي عملتها فكمل طريقه لاوضته وهو عقله مشغول بيها
سعد بابتسامة /طب هتوكلونا امتي يا مرات ولدي انا جعت
مايان بابتسامة / الرز خلاص استوي يا عمي وهحط الاكل علطول
رابحة بابتسامة/ طب يلا تعالي نغرف وانتي خدي الوكل بتاعك انتي وجوزك واطلعي غديه،، عشان هو لسة جاي من الشغل وتعبان
مايان بتردد/ انا خايفة الرز يطلع وحش
رابحة بابتسامة / وه،، وفيها ايه،، المرة الجاية يطلع جميل،، وانتي هتتعلمي كيف من غير ما تجربي وتبوظي
ابتسمت مايان ولاول مرة تحس احساس الفرحة وكأنها فعلا مع امها اللي اتحرمت منها وهي صغيرة وكأن ربنا عوضها برابحة فكانت سعيدة اوي بوقتهم سوا،، اخدت مايان صنية الاكل وطلعت اوضتها هي وسالم واول ما دخلت شافت سالم قاعد ماسك تليفونه فكانت مترددة تتكلم معاه لانها عارفة انه مش بيطيقها
مايان بتردد/ الاكل جاهز هتاكل معايا؟
سالم بهدوء/ ايوة ،، جهزي انتي وانا جاي اهو
مايان استغربت بس معلقتش وقعدت بهدوء بس كانت مراقبة سالم وهو بياكل وكأنها مستنية نتيجة امتحان عشان تعرف الاكل عجبه ولا لا بس شافته بياكل ومعلقش فابتسمت براحة وبدأت تاكل بس وقتها كشرت بصدمة لان الرز حادق اوي بس الغريبة ان سالم بياكل منه عادي
مايان بتردد/ سالم هو الاكل عجبك؟
سالم بتلقائية / تسلم يدك جميل
مايان بصدمة / انت متأكد؟ طب دوقت الرز؟
سالم بثقة/ ايوة طعمه حلو جوي،، يلا كلي
مايان باستغراب/طب ازاي،،ده حادق اوي،،انت ليه قولت انه حلو؟
سالم بتلقائية/ عشان انتي تعبتي فيه ووجفتي عملتيه فطبيعي حتي لو حادق هاكله وبعدين عادي المرة الجاية يطلع مظبوط
ابتسمت مايان بتلقائية ووقتها بصت لسالم باعجاب لانها متوقعتش انه يقول كدة
مايان بابتسامة/ شكرا يا سالم،، حقيقي ميرسي لكلامك
سالم بص لمايان وابتسامتها اللي خلت قلبه يدق فاتوتر ورد بهدوء/ احم،، العفو علي ايه،، انا جولت الحجيجة،، يلا كلي بجي
مايان ابتسمت لسالم وبدأت تاكل وهي من جواها فرحانة لانها اكتشفت حاجة اكدت ليها كلام رابحة عن سالم وانه طيب بس هو عصبي فقررت تكتشفه بنفسها وتحاول تعرفه كويس واقنعت نفسها انه فضول مش اكتر
.........................
بليل كانت قاعدة مايان في البلكونة وسرحانة،، متعرفش ليه جه في بالها كلام ابوها عن مهاب وعن قد ايه هو و*حش وانه بيستغل طيبيتها عشان ينتق*م منه وبدأت تحاول تفتكر كلام مهاب ليها وان كل كلامه معاها دايما عن ابوها وانه قد ايه و*حش وانه عاوز يفرق بينهم وانه طرده من الشغل،، وقتها حست مايان ان مهاب قاصد يخليها تكر*ه ابوها،، اتنهدت بحيرة ومسحت الدموع اللي نزلت من عنيها بس فجأة حست بصداع جامد اوي فمسكت راسها بتعب وهي بتقوم ودخلت من البلكونة عشان تاخد حباية صداع واول ما دخلت شافها سالم اللي كان بيتكلم في التليفون فرمي التليفون وجري عليها بلهفة وسندها
سالم بقلق /مالك يا مايان،، حاسة بايه
مايان بتعب / صداع جامد يا سالم،، لو سمحت كلملي بابا،، انا عاوزاه
سالم بلهفة/ طب قوليلي رايدة ايه،، انا موجود اهو
مايان بصت لسالم وابتسمت بتلقائية / شكرا يا سالم،، حقيقي شكرا لاهتمامك،، انا بيجيلي صداع نصفي دايما اللي هو العنقودي ده ومش بيروح بسهولة،، وليا علاج باخده بس مجبتوش معايا نسيت
سالم بقلق / طب اهدي واجعدي وانا هكلم عم منصور اعرف منه اسم الدوا وهجيبهولك،، ارتاحي انتي
قعدت مايان عالسرير وسالم سابها وخرج بسرعة يجيب الدوا ووقتها مايان فكرت في سالم وانه فعلا طلع حنين اوي يمكن احن عليها من كل اللي قابلتهم في حياتها حتي مهاب،، اوقات كانت بتحس من ناحيته بملل وضيق لما بتطلب منه حاجة بس سالم رغم انه عارف انها بتحب غيره بس محافظ عليها لمجرد انها علي اسمه،، عدي حوالي نص ساعة ودخل سالم بسرعة
سابم بتلقائية/ حجك عليا خابر اني اتأخرت بس علي ما شيعت الغفر يجيبه من الصيدلية اللي علي اول البلد
مايان بهدوء/ كفايا انك اهتميت يا سالم،، انا بجد متشكرة اوي
سالم باستغراب/ انتي بتشكريني علي ايه؟ انتي مرتي وواجبك عليا اني اهتم بيكي
ابتسمت مايان بهدوء وهي بتاخد العلاج من ايد سالم ومن جواها كأنها بتشوفه لاول مرة
.........................
عشان خاطري يا سالم وافق ،، انا عاوزة اخرج،، بجد مخرجتش بجالي كتير
سالم بتنهيدة /ماشي،، بس مش هنبعد عشان بس اللي اهنه في البلد حديتهم كتير
مايان بتكشيرة/ قصدك ايه ؟ عشان انا مختلفة يعني عنكم
سالم بسرعة/ لا مش قصدي،، انتي فهمتي غلط،، بصي يا مايان بصراحة انتي كيف الجمر وانا خايف اخرج بيكي تتنشي عين معرفش اداويكي
ابتسمت مايان بتلقائية / يعني انت شايفني كدة فعلا يا سالم؟
سالم بتردد/ مكنتش جولتلك بلاش موضوع الخروج ده
مايان باصرار/ اممم طب انا بقي مصممة جدا اننا نخرج،، عشان خاطري يا سالم ،، انا بجد نفسي اوي اخرج معاك
سالم بتنهيدة / ماشي يا ستي،، يلا البسي بس لبس حشم
مايان بفرحة/ متقلقش وهلبس طرحة كمان
سالم ابتسم بتلقائية وفعلا جهزت مايان واخدها وخرجو وكانت طول الوقت تسأله عن كل حاجة بتشوفها وعجبتها البلد اوي وكان سالم سعيد بالوقت اللي مقضيه معاها لحد ما جت عربية من بعيد وكانت هتخب*ط مايان فسحبها عليه سالم بسرعة وقلبه بيدق من الخوف ومايان تقريبا كانت في حض*ن سالم
مايان بهمس / ده كان هيخب*طني يا سالم،، شوفت؟ انت انقذتني من الموت
سالم بسرعة / بعد الشر عنك،، انا كنت خابر ان الليلة دي مش هتعدي علي خير،، يلا كفايا اكده ونرجع الدار بجي
مايان بطاعة / خلاص ماشي يلا نرجع
سالم كان محاوطها بايديه وهما ماشين وكان خايف عليها اوي ومايان كانت فرحانة اوي بكدة وهي كمان كانت متبتة في سالم اوي وكأنهم فعلا متجوزين عن حب او ده اللي كان واصل لكل اللي يشوفهم
.............................
تاني يوم كانت نازلة مايان زي كل يوم عشان تساعد رابحة بس اتفاجأت ببنت جميلة اوي قاعدة معاها فقربت منهم بفضول
رابحة بابتسامة / تعالي يا مرت ولدي،، تعالي سلمي علي بدور ،، تبجي بت عم سالم،، هي محضرتش الفرح عشان كانت تعبانة
مايان بابتسامة / اهلا،،نورتي البيت
بدور ببرود /منور باهله يا حبيبتي،، يلا يا مرت عمي مش هنعمل الغدا انتي خابرة سالم بيحب يجي يلاجي الوكل جاهز
رابحة بقصد/لا متتعبيش روحك يا بدور،، مرته هتعمله الوكل،، يلا يا مايان روحي انتي شوفي هتعملي ايه انهاردة
مايان بطاعة / حاضر يا ماما،، بعد اذنكم.
مشيت مايان وهي مستغربة طريقة معاملة بدور ليها وكأنها بتكر*هها بس مشغلتش بالها ودخلت تشوف هتعمل ايه ووقتها رابحة بصت لبدور بتحذير
رابحة بثقة/ اسمعي يا بدور،، ملكيش صالح بمرت سالم فاهمة؟ خلاص يا بتي ده نصيب وسالم اتجوز فشيليه من راسك
بدور بغضب / سالم كان هيفكر فيا ويتجوزني يا عمة لولا عمي اللي جبره يتجوز المصراوية
رابحة بقلة حيلة/ يا بتي متو*جعيش جلبك عالفاضي،، سالم لو كان رايدك كان طلبك من زمان ما انتي كنتي جدامه بس هو مكنش بيفكر فيكي ودلوك هو اتجوز وسعيد بحياته متخر*بيش عليه وعلي روحك
بدور بغيظ/ حاضر يا عمة،، حاضر وهو انا حيلتي ايه غير اني اسكت
رابحة بقصد/ ايوة اسكتي احسن وبلاش الخرا*ب يا بتي عشان ميطولكيش انتي كمان
عدي اليوم وجه سالم واول ما دخل شاف بدور اللي كانت قاعدة مع امه ومايان
سالم بابتسامة / اهلا يا بدور،، كيفك يا بت عمي
بدور بلهفة/ زينة يا سالم ،، جولي كيفك انت ؟
سالم وعنيه علي مايان / زين يا بدور،، كيفك يا مايان،،اخبار وكل ايه انهاردة
مايان بابتسامة / عملتلك اكلة انهاردة حلوة اوي هتعجبك،، وعلي فكرة انا عملتها لوحدي ماما مساعدتنيش مش كدة يا ماما
رابحة بابتسامة / صح يا قلب امك،، انا كنت جاعدة طول النهار مع بدور ومرتك الله يحرسها هي اللي طبخت
سالم بتلقائية / تسلم يدك يا جلبي
ابتسمت مايان بخجل وكأنها كانت مستنية بس تشوف رد فعل سالم علي اكلها ووقتها قامت بخجل وكانت بدور قاعدة متغاظة اوي
بدور بغيظ / وهو وكل مصر هيبجي حلو برضك زي وكلنا يا واد عمي،، كيف ده بجي
مايان بصت لبدور بضيق ومردتش بس اللي رد سالم لما لقته بيقرب منها وبيمسك ايديها بحب وهو بيرد علي بدور
سالم بتلقائية / الوكل كله واحد يا بت عمي بس النَفس اللي بيفرج وانا كفايا عليا ان مرتي اللي عاملاه ،، دي اهم حاجة عندي
ابتسمت مايان بخجل وهي باصة لسالم بفخر وبدور كانت قاعدة هطق وخصوصا اما سالم اخد مايان وطلع قدامها
.........................
في الاوضة كانت رايحة جاية مايان بتوتر لحد ما خرج سالم من الحمام فكانت بصاله هي بغموض وهو بيسرح شعره لحد ما لقت نفسها بتقرب منه
مايان بتلقائية/ هو انت كان في حاجة بينك وبين بدور؟
سالم بتكشيرة/ ايه اللي بتجوليه ده يا مايان؟ الحديت ده عندينا عيب وميصحش،، كيف يعني كان في حاجة بيناتنا
مايان باندفاع/ ماهو انت مشوفتش كلامها معايا عامل ازاي وكمان نظراتها ليا كأني خاط*فاك منها
سالم بتنهيدة/ اسمعي يا مايان،، مش رايدك تشغلي بالك ببدور دي لساتها صغيرة وعيلة
مايان بضيق / بس بتفهم،، وبعدين منا كمان عيلة بس عارفة كويس افهم نظرات وكلام اللي قدامي،، وبعدين انت بتهرب ليه من الاجابة؟ انتو كنتو بتحبو بعض صح؟ ولما اتجوزتني اضطريت تسيبها مش كدة؟
سالم بصدمة / كل ده الفتيه براسك،، انتي تنفعي مؤلفة تصدجي بجي؟ وبعدين انتي ليه مش رايدة تفهمي اني كبير اهنه وصدجيني لو رايد اتجوزها من انهاردة مش من بكرة هعمل اكده
مايان بخنقة/ اومال معملتش كدة ليه؟
سالم بتنهيدة وهو بيقرب من مايان/ عشان اني مش رايد يا مايان،، عشان اني متجوز ومكتفي بيكي،، حتي لو ده غصب عنك بس اني مبسوط اكده وانتي معايا،، وايوة بدور عاشجاني وانا خابر ده من زمان بس عمري ما بليت ريجها بكلمة عشان متتعشمش لاني بعتبرها خيتي،،فهمتي بجي؟
مايان ابتسمت بتلقائية ومحستش بنفسها غير وهي بتدخل في حض*ن سالم فاتصدم وقلبه دق اوي فابتسم بتلقائية وحاوطها بايديه
سالم بهمس / لو اعرف ان بدور هي اللي هتخليكي تعملي اكده كنت جبتها من زمان
بعدت مايان بخجل عن سالم لما استوعبت اللي هي عملته وسابته وجريت علي الحمام فابتسم هو وخرج بفرحة بعد ما حس ان في امل من ناحية مايان وشوية وخرجت مايان لما سمعت صوت قفل باب الاوضه وكانت فرحانة اوي وبتلف في الاوضة بسعادة لحد ما وقفت قدام تليفون سالم اللي كان عالترابيزة فابتسمت بتلقائية واخدته وخرجت وهي متأكدة مليون مرة انها حبت سالم
...........................
كانت نازلة مايان عالسلم وهي مبتسمة بس ابتسامتها اختفت لما شافت مهاب واقف قدام سالم اللي كان باين عليه الغضب
سالم بغضب مكتوم/ تعرف انك بجح عشان تيجي لحد اهنه وتدخل داري
مهاب ببرود/مش عاوز اخيب املك بس انا مش جاي عشانك
سالم بانفعال/ بتحلم،، اللي بتفكر فيه مش هيحصل ويلا من غير مطرود ياما هخلي الغفر يرموك برة
مهاب بسخرية/ لا هيحصل صدقني،، انا بس جيت عشان اطمن مايان اني هاخدها قريب اوي واعرفها اني جيت زي ما طلبت مني
سالم بص لمهاب بصدمة وبص لمايان اللي كانت مصدومة هي كمان اكتر من سالم
مهاب بخبث / معذور اصلك متعرفش انها كلمتني عشان اجي انقذها منك
سالم بتلقائية حط ايديه علي جيبه ومالقاش التليفون فبص لمايان اللي التليفون في ايديها وهي ماسكاه بصدمة ومش قادرة تنطق من صدمتها في مهاب اللي طلع فعلا حقي*ر
سالم بببرود عكس اللي جواه/ طب زين انك جيت عشان اعرفها انك ولا حاجة من غير رجالتك الخايبين دول واعرفك كمان ان اللي يبص لمرتي اعمل فيه ايه
قال سالم كلامه وقرب من مهاب اللي خاف اوي ورجع لورا وهو بيتكلم بتحذير/لو فكرت تتعرضلي هسجنك يا سالم انت فاهم
سالم بسخرية/ محدش جالك عن عقوبة االي يعتد*ي علي حد في داره بتبجي ايه؟ عموما هيجولولك في المركز بس بعد ما اروج عليك
قال سالم اخر كلامه وقرب من مهاب وفضل يض*رب فيه ومهاب مكنش عارف يدافع حتي عن نفسه لانه مكنش متخيل ان سالم يع*تدي عليه وكل ده ومايان كانت واقفة بتعيط بانهيار
سالم بغضب / خدو الكل*ب ده عالمركز وانا هحصلكم كمان شوية،، يلااا
مايان فاقت لنفسها فكانت هتتكلم بس سالم سحبها من ايديها بغضب وطلع ليها اوضتهم واول ما دخلت مايان حض*نت سالم بسرعة وهي بتتكلم بسرعة / كداب يا سالم،، وربنا ما كلمته،، مستعدة احلف علي مصحف انه محصلش،، صدقني يا سالم انا مكلمتوش
سالم كان بينهج وباين عليه الغضب بس لما مايان قالت كدة بدأت يهدا وخرجها من حض*نه وهو بيتكلم
سالم بعصبية خفيفة/ اومال فهميني كيف يعني تلفوني في يدك وكيف الحيو*ان ده جال كدة
مايان بدموع/ انا مكدبش عليك اول ما جيت هنا كنت مستنية اي فرصة عشان اكلمه بس مع الوقت لما عرفتك حبيتك يا سالم واتأكدت انك غير اي حد انت خلتني اتأكد ان مهاب فعلا محبنيش واني حتي لو كنت معاه مكنتش هبقي سعيدة زي ما كنت سعيدة معاك في الايام دي،، انا فعلا لقيت تليفونك بس اخدته عشان اديهولك واقولك اني خلاص مش عاوزاك تطلقني
سالم ملامحه لانت وابتسم فجأة لمايان اللي فهمت انه صدقها فاترمت في حض*نه وضمها ليه سالم وهو بيتنهد براحة
مايان بهمس/ انا بحبك يا سالم وخوفي احسن متصدقنيش وتبعدني عنك خلاني اتأكد اني مقدرش اعيش من غيرك
سالم بهيام/ وانا عاشجك يا مصراوية واتعلجت بيكي من وجت ما عيني وجعت عليكي وكنت خايف يجي يوم وتبعدي عني
مايان بخجل / مش هيحصل لاني خلاص حبيتك يا سالم انا كمان ولا يمكن هبعد عنك ابدا
تمت بحمد الله