رواية عشق القمر الفصل الاول1 بقلم اسراء ابراهيم
هو ده الموضوع اللي كنت رايدني فيه ؟
حمزة بثقة / ايوة يا جمر اومال هيكون ايه تاني ،، انتي بت عمي وعايشين في بيت واحد وبصراحة اكده انا عشجان جميلة اخت مرت اخوكي ،،مخبرش لما بشوفها ايه اللي بيحصلي كاني عجلي بيتجلب
قمر بحزن / عشان متربية في مصر مش اكده يا حمزة ؟ انت عاچبك المصراوية عشان بتلبس وتحط احمر واخضر واحنا اهنه معندناش الحجات دي ،، عموما حاضر يا حمزة ،، هتحدت معاها لما تيجي الزيارة الجاية
حمزة بلهفة / هي هتيجي اخر الاسبوع كيف ما بتجيجي تزور اختها كل مرة وتجعد يومين ،،عشان خاطري يا جمر رايدك تفاتحيها في الموضوع وتعرفي هي رايداني ولا لا ،، انا حاسس اكده انها رايداني من نظراتها ليا
جمر بسخرية / لا وانت بتفهم زين جوي في قراية العنين يا حمزة
حمزة بغباء وهو بيكشر / بتتريجي عليا ولا ايه يا جمر
جمر بضيق / وهتريج عليك ليه ،،هملني اشوف اللي ورايا يا حمزة حاكم اني هطج
مشيت قمر ودخلت المطبخ لامها و شافتها باين عليها الضيق
مهرة باستغراب / وه مالك يا بت يا جمر مكشرة اكده ليه ؟
قمر بحزن / مفيش ياما ،، اني كويسة اهو ،،جولت اجي اعمل وياكي
مهرة بفضول / ما انا جيت اطلع انده عليكي تيجي تساعديني لجيتك واجفة تتساهري مع حمزة واد عمك ،،خير بجي كان بيجولك ايه ؟
قمر بسخرية / هيكون بيقول ايه بس ياما غير ابجي اطلعي روجيلي اوضتي او اعمليلي شاي ،،ماهو خلاص مبجاش شايفني غير الشغالة بتاعة البيت
مهرة بسرعة وهي بتحضن بنتها / وه متجوليش اكده يا بتي ،،ده انتي ست الدار والبلد كلياتها ،، اوعي تجللي من نفسك فاهمة ولا لا ولما يجولك اعمليلي حاجة ،،ابجي جوليله في شغالين بيعملو اكده اني مش شغالة عند حد
قمر بهدوء وهي بتهرب من الكلام / عندك حج ياما ،،هبقي اجوله بس انا متوكدة انه ميجصدش ،،هو بس خابر ان اني اللي بحب اعمل كل حاجة فعشان اكده بيطلب مني
مهرة باستعجال / يا خبر ، طب همي معايا يا جمر ،،خابر جدك وابوكي وعمك زمانهم علي وصول والوكل لسة مخلصش يلا يا بتي
قمر بتنهيدة / حاضر ياما حاضر ،، بس هي فينها ملك مرات اخوي سليم منزلتش كيف كل يوم
مهرة بابتسامة / والله يا بتي البنية مش مخلية علي حيطتها غبار وبتعمل بصراحة ويدها بيدي رغم اني كنت خايفة جوي من بنتة مصر وخصوصا انهم عوايدهم مش كيف عوايدنا بس البنتة زينة والله وكانها رايدة تقيد صوابعها العشرة شمع لينا لاجل عيون اخوكي ،، ربنا يهدي سرهم
قمر بتنهيدة / عنديكي حج وهي بصراحة تحسيها مننا غير اختها اللي طالعة فيها دي وتحسي كانها من بلاد برة بالكلمتين الانجليزي اللي حافظاهم وكمان بتقولهم غلط
مهرة بضحك / يخيبك يا جمر ،،لو اختها سمعت هتزعل اوعي تجولي اكده جدامها ،، يلا شهلي بجي وابجي اطلعي اطمني علي مرت اخوكي عشان كانت تعبانة الصبح وانا اللي خلتها تطلع تريح
قمر بطاعة وعقلها مع حمزة / حاضر ياما اللي انتي شايفاه
.............................
خلصت قمر مع امها وطلعت اوضتها تغير هدومها فوقفت قدام المراية وخل٭عت طرحتها وبصت لنفسها وسرحت في حمزة ،، كانت بتفكر ليه مخدش باله منها رغم انها دايما بتلمحله انها معجبة بيه بس خجلها وكرامتها بتمنعها انها تعترفله بحبها وكانت بتتمني انه يحس بيها لحد ما كس٭ر قلبها لما عرفت انه بيحب جميلة اخت ملك مرات اخوها وقتها حست كأن احلامها اتهدت في لحظة ،، هي اينعم مش بتهتم بنفسها ولا بتحط مكياج بس هي جميلة اوي من غيره ليه مخدش باله منها رغم انها ممكن تكون احلي من جميلة فكانت بتسال نفسها ليه محبهاش هي وايه اللي عند جميلة مش عندها ،، لبست طرحتها تاني لما انتبهت لصوت خب٭ط الباب
قمر بجدية / مين اللي بيخبط ؟
ملك بابتسامة / انا ملك يا قمر ،،ممكن ادخل ؟
قربت قمر بسرعة وفتحت الباب / وه انتي بتستأءني يا ملك ،،انتي تدخلي علطول ،، تعالي يلا
ملك بحب / اصلك بقالك كام يوم كدة مختفية قولت انا اجي اسأل عليكي واعرف ايه اللي شغلك عننا
قمر بابتسامة/ وه وهو انا اجدر برضك انشغل عنك ده انتي اختي يا ملك ،، اني اصلا كنت بغير هدومي وجيالك عشان اطمن عليكي ،،امي جالتلي انك تعبتي الصبح خير مالك ؟
ملك بخجل / انا حامل يا قمر ومرضيتش اعرف اي حد حتي سليم وقولت هقولك انتي الاول عشان انتي غالية اوي عندي
قمر بفرحة وهي بتحضن ملك / وه ،،الف مبروك يا خيتي ،،والله فرحتلك من جلبي ،، اخيرا هبجي عمتو بس مش الحرباية هه
ملك بضحك/ انتي فقرية يا قمر والله ،،لا متخافيش انا ابني هيطلع يحبكم اكتر ما بيحبني انا وابوه انا متأكدة
قمر بحب / ربنا يكملك علي خير يا رب يا ملك يعلم ربنا فرحتلك من جلبي
ملك بشك / بت انتي ،،انا مش مرتحالك ،،حاسة انك متغيرة ،،اعترفي دلوقتي ايه اللي مزعلك
قمر بتهرب / هه ،،ايه بس اللي هيزعلني ،،انا بس كان في موضوع اكده رايدة اتكلم معاكي فيه هو اللي شاغلني
ملك بقلق / خير يا قمر في ايه قولي
قمر بتردد/ حمزة واد عمي اتحدت معايا وجالي انه معجب بخيتك جميلة ورايد يتجوزها وطلب مني اتحدت وياها لما تيجي واعرف منها شعورها ناحيته وكدة يعني
ملك بغموض / وهو ده اللي مزعلك ؟
قمر باندفاع/ ايه ،،لا طبعا وهيزعلني ليه بالعكس ده انا فرحتله بس مكنتش خابرة اتحدت مع خيتك كيف وخصوصا يعني اني مليش كلام معاها جوي
بصتلها ملك بشك بس مبينتش / خلاص لما تيجي هبقي انده عليكي وتكلميها وتشوفي رأيها ايه وانا طبعا كأني معرفش حاجة طالما حمزة متكلمش معايا
قمر ببهتان / ان شاء الله يلا بينا احسن زمان امي حضرت السفرة وغرفت لوحديها وانتي بجي مش رايداكي تعملي حاجة فاهمة ولا لا ايوة عشان يعدي حملك بسلام ماشي
ملك بحب / ماشي يا قمري يلا بينا
..................................
كانو قاعدين عالسفرة كلهم بعد ما عرفو بخبر حمل ملك اللي خلاهم فرحانين اوي ماعدا قمر اللي كانت سرحانة في طبقها وعقلها مشغول بحمزة لحد ما انتبهت لصوت جدها عبد الله
عبد الله باستغراب / وه اللي واخد عجلك يا بت ابني ،، مالك سرحانة في ايه عاد ؟
قمر بتوتر وهي بتبص لحمزة / ممفيش يا چدي ،، انا بس مش جعانة جوي ،،هجوم اني اعمل الشاي
عبدالله بحماس / طب استني عشان في خبر حلو تاني غير خبر حمل مرت اخوكي
قمر بابتسامة / خير يا چدي
مهرة بفرحة/ ربنا يجعل ايامنا كلها فرح يا عمي جول وفرحنا
عبد الله بحسم/ جمر خلاص كبرت يا مهرة واتعلمت كمان مفضلش بس غير انها تتچوز هي كمان ونفرح بيها وعريسها عندي
بهتت ملامح قمر وبصت بخوف لجدها وكأنها مستنية حكم الاعدام
مهرة بفرحة اكبر / يا الف نهار ابيض ومين هو يا عمي العريس
عبد الله وهو بيشاور علي حمزة / حمزة حفيدي طبعا ،، هو هيسيبها برضك تروح لغريب ولا ايه ؟
اتصدمت قمر وبصت لملك وبعدين بصت لحمزة اللي كان مصدوم ورد باندفاع / بس اني مش موافق يا جدي
رغم ان قمر كانت عارفة ان حمزة في قلبه واحدة تانية بس احساس انه يرفضها قدام العيلة كلها ده خلاها تحس بالقهر والاهانة فدموعها خا٭نتها وهي بصاله بس هو مكنش ملاحظ دموعها ولا شايف اي حاجة غير غضبه من سيطرة جده
عبد الله بحد٭ة / ومن ميتي حد ليه رأي في بيتي يا ابن نصر ؟ عجل ولدك يا نصر والا يمين بالله اعجله بطريجتي
حمزة باندفاع وهو بيقوم من مكانه بغضب/ انا بحب واحدة تانية وعاوز اتجوزها يا جدي ومش موافق اتجوز قمر
مهرة بغضب / واني مش بتي اللي تترفض يا حمزة ،،بتي لو لفيت الدنيا كلها مش هتلاجي ضفرها فالزم ادبك واتحدت عدل
كانت ساكتة قمر وسامعة كل كلامهم ومحدش كان حاسس بيها غير ملك اللي كانت بتبصلها بحزن وشفقة وكانت صعبانة عليها اوي لحد ما انتبهو لصوت عبدالله الغاضب
عبدالله بحسم وغضب وهو بيخ٭بط بعصايته في الارض / ميشغلنيش اعرف بتعشج مين يا حمزة ،،اللي اعرفه انك هتتجوز جمر برضاك او غصب عنك ولو فضلت علي موقفك اعمل حسابك ملكش مليم عندي والعربية اللي حداك باسمي هتسلمها لابوك وهتهمل الدار ووريني هتعرف تعيشها منين البنتة دي اللي انت رايدها
حمزة بص لجده بغضب ورجع بص لقمر بنفس النظرة وسابهم ومشي ووقتها عبد الله كمل كلامه بجدية/ هيوافج اني متوكد لما يفكر زين هيوافج
سابتهم قمر وطلعت علي فوق من غير ما تتكلم او ترد لانها متأكدة ان جدها مش هيغير رأيه مهما حصل حتي لو هي كمان اعترضت
..........................
عدي يومين وحمزة مش بيبات في البيت ومحدش عارف عنه حاجة وقمر كانت هتتجنن وقلقانة عليه اوي لانها عارفة انه عِندي ومش بيحب حد يحطه قدام امر واقع ،،كانت واقفة في المطبخ بتعمل الاكل لوحدها لما سمعت صوته من وراها
حمزة بغضب / انا قولت انتي هتتحدتي وهتجوليلهم اني عاشج فعلا واحدة تانية ورغم اكده متحدتيش
قمر بلهفة وهي بتبص لحمزة / حمزة انت جيت ،،انا كنت جلجانة عليك جوي
حمزة بغضب وهو بيمسك ايديها بضيق / متهربيش من الحديت ليه سكتي عاد ؟
قمر بو٭جع من مسكة حمزة ليها / عشان انت خابر جدك زين ،،مهيغيرش رأيه ولا قراره لو ايه اللي حوصل
حمزة بعصبية وهو بيهزها بعن٭ف / انتي سكتي عشان مصلحتك قولتي اهي جوازة والسلام واحسن ما اعنس واجعد من غير جواز
قمر بصت لحمزة بصدمة ودموعها نزلت بس مسحتها بسرعة بعد ما شدت ايديها من حمزة بغضب/ الزم حدودك يا حمزة واعرف بتجول ايه ،،اني لو بايرة مكنش كل يوم والتاني يجيلي عريس واني اللي ارفض وان كنت سكت علي اهانتك ليا لما رفضتني قدامهم ودلوك فده عشان اني عذراك وخابرة انك زعلان لكن لو فكرت تجلل مني تاني صدجني هتشوف وش تاني خالص غير اللي انت عارفه
حمزة بعند / ماشي يا قمر ،،وانا بجي هبلغ جدي اني موافج وصدجيني هندمك علي حديتك ده زين وبرضك هتجوز جميلة غصب عن اي حد ووقتها جدي مش هيمانع لاني عملتله اللي هو رايده وانتي بجي استلقي وعدك مني ....