رواية عشق في ظروف قاسيه الفصل الأخير بقلم اسراء ابراهيم
اتصدم سليم اول ما شاف ورد وشافها وهي بتروح تقعد علي كرسي وسط المطعم وكانت بتتكلم في التليفون ،،قبض علي ايده بغضب وهو بيبصلها
نانسي باستغراب / في ايه يا سليم ؟ مالك وبتبص علي البنت دي ليه ؟
سليم وهو بيقوم / خليكي هنا ،،انا جاي
ورد كانت بتشرب مية بس اتفاجأت بسليم بيقرب منها وبيقعد قدامها وهو بيتكلم بغضب / انتي ازاي تخرجي من غير اذني ؟ وجاية تقابلي مين هنا انطقي ؟
ورد بحد*ة / واخد اذنك ليه مفكر نفسك متجوز بحق وحقيقي ؟ انا حرة واخرج وقت ما انا عايزة وملكش دعوة انا جاية اقابل مين
بصت ورد علي نانسي ورجعت بصت لسليم وكملت كلامها بسخرية / وزي ما انا مبتدخلش في حياتك انت كمان متدخلش في حياتي واتفضل احسن السنيورة زعلانة
سليم بص لنانسي بتوتر ورجع بص لورد وقالها بغضب / انتي ملكيش دعوة بيا وطول ما انتي زفت مراتي يبقي تعرفيني كل تحركاتك ودلوقتي تقوليلي هتقابلي مين يا ورد والا
ورد بابتسامة وهي بتقوم / اهلا يا خالد اتفضل
خالد بابتسامة/ اتأخرت عليكي يا ورد حقيقي اسف بس الزحمة
ورد بابتسامة/ ولا يهمك ده انا لسة جاية اصلا ،،اتفضل
كان متابع سليم الحوار بعيون صقر وقام بغضب وهو بيتكلم بانفعال / مين ده ؟
خالد باستغراب / انا خالد وابقي ابن خالة ورد وصديقها ،،مين بقي حضرتك ؟
ورد بهدوء / ده ابن عمي يا خالد ،،اقعد يلا واقف ليه ؟
سليم باندفاع لورد وهو بيبصلها بغضب / وبالنسبة لاني جوزك مش هتقوليها ؟
خالد بابتسامة / اهلا وسهلا ،،يبقي انت سليم ،، معلش اصلي محضرتش الفرح لاني كنت مسافر
ورد بضيق/ خلاص يا سليم اتفضل انت روح شوف اللي انت سايبهم وانا خالد هيوصلني
سليم بغيظ/ لا طبعا ،، انا هخلص حاجة واجي تاني عشان نروح
ورد ببرود/ تمام لما اخلص انا هكلمك اتفضل انت
مشي سليم بغضب وهو عقله مشغول بخالد وعلاقته بورد فقرر يعتذر لنانسي ويخليها تمشي ويرجع هو بسرعة ويعرف ايه اللي بين خالد وبين ورد
.............................................
في العربية كانت قاعدة ورد جمب سليم وباصة الناحية التانية بعيد عنه وهي متجاهلاه عشان متتخانقش معاه لحد ما انتبهت علي صوته
سليم بجمود/ ممكن اعرف ايه اللي بينك وبين خالد ابن خالتك ده ؟
ورد بغضب وهي بتبصله / سؤالك فيه اتهام ليا وانا مقبلهوش يا سليم وقولتلك قبل كدة اني اشرف منك ومن اي بنت انت تعرفها وطول ما انت بتتكلم معايا بصيغة التحقيق مش هجاوبك وهسيبك كدة
سليم بغضب/ وانتي عاوزاني اثق فيكي في يوم وليلة بناء علي ايه ؟ علي الكلام اللي زي الزفت اللي سمعته عنك
ورد بقوة/ لا بناء علي انك عارفني وعارف اخلاقي ،، بناء علي طبيعتي اللي كلكم عارفينها زي اني مبحبش السهر والخروجات وحتي الصحوبية مليش صحاب ،، يعني يا سليم لما اسمع حاجة عن حد اتأكد الاول مش اصدق وخلاص ،، انت حكمت عليا بناء علي كلمتين اختك قالتهم وعلي واحد ندل سابني يوم فرحي ،، انت حتي مكلفتش خاطرك تروح تسأله ليه عمل فيا كدة ،، انا بجد مش متخيلة انت بتفكر ازاي
سليم كان باصص قدامه وهو سايق وبيفكر في كلام ورد وكان متأكد انها عندها حق وانه بيتهمها بناء علي كلام سمعه مش اكتر ،، سكت سليم وورد بصت الناحية التانية بسرعة وهي بتداري دموعها اللي خا*نتها وشافها سليم بس معلقش ومن جواه حاسس بتأنيب الضمير لاول مرة
.............................................
بليل كان داخل سليم اوضته واتفاجئ بورد قاعدة عالسرير بالبيچاما وشعرها البني القصير اللي كان مخليها قمر وهي كمان شهقت بصدمة اول ما شافته
ورد بغضب / انت ازاي تدخل كدة ؟ مش تخب*ط الاول
سليم ببرود/ اخب*ط عشان ادخل اوضتي؟ انتي ناسية انها بتاعتي ولا ايه ؟
ورد بتوتر/ بس انت مش بتنام هنا وخلاص دي بقت اوضتي انا
سليم بتوهان وهو مركز في عيون ورد/ مين قال كدة؟ انا كنت بنام برة عشان مضايقكيش بس خلاص احنا في امر واقع وانتي مراتي ولا ايه ؟
ورد بخجل وقلبها بيدق / ممراتك ازاي يعني ؟ سليم لو سمحت اخرج برة يلا عشان انا عاوزة انام
سليم بخبث / ايوة مراتي تحبي اخدك ونسأل ماما ؟
قال سليم كلامه وهو بيقرب من ورد اللي صرخت وجريت وسليم وقتها جري وراها وبقو يجرو هما الاتنين في الاوضة وسليم فرحان اوي وورد اللي كانت سعيدة بده لحد ما اتكعبلت في السجادة وكانت هتقع بس سليم لحقه وشدها عليه فكانت قريبة منه اوي ووقتها فضلو يبصو لبعض لثواني
سليم بهدوء / ممكن نفتح صغحة جديدة واوعدك اني اعرف الحقيقة كلها
ورد بحزن/ انا مش عاوزة غير انك تصدقني وتثق فيا ،، انا معملتش حاجة وحشة ابدا صدقني يا سليم
سليم بابتسامة/ وانا مصدقك
ورد ابتسمت وبانت غمازتها وسرح سليم فيهم وفي شكلها اللي يخ*طف القلب
.......................................
تاني يوم كانت نازلة ورد مع سليم وهما بيضحكو سوا وكانت متابعاهم هدي بفرحة وهي تحت قاعدة عالسفرة عكس نوران اللي الحقد عماها
سليم بابتسامة / صباح الخير عليكم
هدي بفرحة/ صباح النور يا حبيبي ،، يلا اقعدو افطرو
سليم باستعجال / مش هينفع عشان ورايا شغل ،، عاوزة حاجة يا ورد؟
ورد بابتسامة/ عاوزة سلامتك ،، خد بالك من نفسك
سليم بفرحة/ الله يسلمك لو احتجتي حاجة كلميني
مشي سليم ووقتها ورد افتكرت حاجة فجريت وراه وهي بتنده عليه واول ما خرجت من باب الڤيلا خبط*ت فيه لانه كان راجع علي صوتها فاتكسفت ورد وهي بتبصله بخجل
ورد بخجل / اسفة مقصدش ،،اصلي كنت
سليم قاطعها وهو بيبص في عنيها بتركيز / اوعي تتأسفي تاني وقوليلي كنتي عاوزة ايه ؟
ورد بتردد وهي بتزوغ بعنيها بعيد / اصل يعني في سؤال محيرني من امبارح ،، ممكن اسألهولك
سليم بتأكيد/ طبعا ،،اسألي عن اي حاجة عاوزاها
ورد باندفاع/ مين البنت اللي كانت معاك في الكافيه دي ؟ حبيبتك ؟
سليم ابتسم بتلقائية وهو بيبص لورد بشك/ اممم ده سؤال عادي ولا استجواب
ورد بحزن / لا خالص مش استجواب ،، خلاص انا اسفة يلا روح انت
ورد كانت هتدخل بعد ما قالت كلامها بس سليم وقفها لما مسك ايديها واتفاجأت بيه بيقرب منها وهو بيهمس ليها في ودنها / لو فضلتي مستنياني بليل هقولك لما ارجع ايه رأيك ؟
ورد قلبها دق من همس سليم وبصتله بخجل وهي بترد/ موافقة ،، تروح وترجع بالسلامة
مشي سليم بعد ما ابتسم لورد وكانت متابعاه هي بعنيها وحاسة احساس مختلف اول مرة تحس بيه لكنها فرحانة اوي وكانت متابعاها نوران بغضب وهي بتتوعد ليها
.............................................
كانت واقفة ورد بتبص لنفسها في المراية بعد ما لبست وهي متمحسة ومستنية سليم بس اتفاجأت بنوران داخلة عليها
ورد بغضب/ انتي ازاي تدخلي عليا كدة ؟ انتي اتجننتي ؟
نوران بسخرية وهي بتبص لورد من فوق لتحت/ انتي فاكرة انك ممكن تضحكي علي عقل سليم اخويا بالطريقة بتاعتك دي ؟ هو اخره قاعدة معايا تاني احكيله فيها عنك ووقتها هيرميكي في الشارع
ورد ببهتان/ انتي فاكرة ان سليم زي كريم ؟ لا يا نوران ،، كريم كان حق*ير ،، باعني عشان قرشين منك وانا كلمت خالد وهياخدلي حقي بالقانون منه لكن سليم انا متأكدة انه هيصدقني ولا يمكن هيصدق كدبك يا نوران
نوران بسخرية/ حتي لما يشوف صورك مع كريم ؟
ورد بدموع/ كدب ،، اكيد صور مزيفة ،، انتي ليه بتكر*هيني كدة انا عملتلك ايه ،،كل ده عشان شوفتك مع الشاب ده ؟ انتي متأكدة اني عمري ما كنت هقول لحد ،،ليه انتي تعملي كدة
نوران ببجا*حة / عشان انتي مش احسن مني ،، عاملة فيها البريئة وضاحكة علي عقل ماما ومخلياها تحبك ووخداها في صفك علطول ،، هما كلمتين يا ورد ويا تنفذيهم ياما الصور هوريها لسليم ووقتها هيصدق عنيه ويطلقك ويرميكي ،، فاحسنلك كدة زي الشاطرة تطلبي انتي منه الطلاق
ورد غمضت عنيها بحزن وكانت حزينة لانها مضطرة تنفذ كلام نوران وقلبها كان وا*جعها يمكن مزعلتش اوي كدة لما كريم سابها ولا حتي فكرت فيه لحظة لكن سليم في وقت قليل احتل قلبها وكأن كان مقدر يحصل كل ده ليها عشان تقرب من سليم وتحبه ،، كانت هترد ورد بس فتحت عنيها بصدمة لما سمعت صوت سليم
سليم كان واقف عالباب وسمع كل اللي دار بين نوران اخته وبين ورد ووقتها فهم كل حاجة فاتكلم بغضب وهو بيقرب من نوران اللي اتخضت لما شافته بيفتح الباب/ بقي انتي سبب كل ده ،، خلتيني افتكر انها رخ*يصة وفي الاخر طلعت اختي اللي متربتش كويس
ورد قلبها اتقبض فجريت علي سليم ووقفت بينه وبين نوران قبل ما يتهو*ر ويأ*ذيها
ورد وهي بتترجاه بخوف / عشان خاطري يا سليم متجيش جمبها ،، يكفيني انك عرفت الحقيقة ارجوك حل الموضوع بالعقل
سليم كان مصدوم في اخته ؟ مش متخيل انها تكون بالقذ*ارة دي وكل ده وكلام ورد بيتكرر في ودنه وان اخته هي اللي كانت بتعمل كدة وهنا الغضب اتملك منه بس كلام ورد فوقه لما قالتله بلهفة/ متنساش ان ماما هدي تعبانة يا سليم لو عرفت اي حاجة من دي ممكن يجرالها حاجة عشان خاطري اهدي
سليم قبض علي ايديه بغضب وقرب من نوران ومسكها من شعر*ها فصر*خت واتكلم هو بح*دة/ هتغوري علي اوضتك ولو لمحتك براها صدقيني موتك هيكون علي ايدي فاااهمة ؟
نوران حركت راسها بخوف وسابته وجريت ووقف هو يفكر بصدمة لحد ما انتبه علي صوت ورد وهي واقفة جمبه وبتمد ايديها وبتمسك ايديه / سليم ،،ارجوك خلاص متزعلش
سليم اتنهد بغضب وبص لورد وقالها بندم/ انا اسف ،، كان لازم اصدقك من الاول
ورد بابتسامة / ولا يهمك انا مسامحاك
سليم مسك ايديها وقربها لقلبه وهو بيبص في عنيها وورد كانت بصاله بخجل / يعني موافقة تديني فرصة اصلح اللي عملته
ورد بتفكير وهي بتبتسم بفرحة/ ممكن ،،بس مش قبل ما تجاوبني عالسؤال بتاع الصبح
سليم بضحكة جذابة / اممم واضح انك منستيش ،،عموما انا هريحك ،، نانسي دي زميلتي في الشغل ومفيش اي حاجة بيني وبينها ،،يوم ما شوفتينا هي طلبت نتغدي سوا وانا وافقت وده كان من باب الزمالة مش اكتر
ورد بفرحة واندفاع/ بجد يعني مش حبيبتك ؟
سليم بضحك وهو بيلمس وش ورد بسعادة من غيرتها الصريحة/ لا مش حبيبتي يا ورد لان اللي حبيتها تبقي مراتي دلوقتي
ورد ابتسمت بتلقائية ورمت نفسها في حض*ن سليم اللي اتنهد براحة ودقات قلبه بتثبتله انه مش بس حب ورد ده عشقها
تمت بحمد الله