رواية عشقي الابدي الفصل الاول1 بقلم اسراء ابراهيم

تفتكري لو شافني انهاردة هيعرفني ،، انا حاسة اني بشوفه لاول مرة في حياتي 

قالت كدة رهف وهي واقفة قدام المراية وبتبص لنفسها بتوتر وقلق لاحظته مرام اختها فقربت منها وطبطت عليها بحب :

يا رهف انا مش عايزاكي تحطي امل وتتعشمي بيه ،، عشان مترجعيش تتعبي تاني واحنا ما صدقنا انك بقيتي كويسة 

لفت رهف وابتسمت وقالت لرهف بهدوء :

انتي فاكرة اني رايحة عشانه صح ،، بس تعرفي بقي ،، انا مش زي ما انتي فاهمة خالص ،، انا اه حبيت اياد ومش بس حبيته ده انا اتعلقت بيه ،، بس فوقت من الوهم ده يوم ما سافر وسابني ،، يوم ما قالي اني عيلة بالنسباله واستهتر بمشاعري ،، ودلوقتي رجع بس انا قلبي مش معاه قلبي مات يوم ما سابني يا مرام 

مسحت مرام دمعة اختها اللي نزلت علي خدها بحزن وهي من جواها عارفة انها بتكدب وانها لسة بتحب اياد ،، بس جر*حها منه هو اللي خلاها تقول كدة دلوقتي فحاولت تهون عليها وقالتلها :

طيب خلاص يا رهف انا مصدقاكي ،، يلا بقي نطلع لماما احسن تلاقيها طابة علينا دلوقتي ولو شافت دموعك دي هتقلق عليكي وانتي عارفة بقي ماما 

ابتسمت رهف وقالتلها وهي بتاخد شنطتها :

لا وعلي ايه ،، يلا بينا ،، احسن كمان ميرنا ومرات عمي زمانهم بيشتمو علينا عشان اتأخرنا 

مرام ضحكت بصوت عالي وقالتلها وهي بتفتح باب القوضة :

دي كانت عايزانا من بدري عشان نساعدها وميرنا رنت عليا كتير بس انا كنت هموت واكمل نوم 

رهف شهقت بصدمة وقالتلها بلهفة :

يا نهار ابيض طيب سرعي يلا اهو نلحق نعمل اي حاجة معاهم بدل ما مرات عمي تزعل 

رباب امهم كانت قاعدة مستنياهم وقامت وقفت اول ما شافتهم وقالتلهم بضيق:

اخيرا ياختي انتي وهي ،، ايه كل ده بتلبسو ،، يلا هنتأخر علي مرات عمكم   ،، صحيح كلمتو خالد اخوكم 

ردت مرام بسرعة وقالت وهي تطلع الموبايل من شنطتها :

اه يا ماما ده انا نسيت ،، ده قالي كلميني فكريني وانا نسيت افكره ،، ده زمانه دلوقتي بيش*تم عليا 

رباب حركت راسها يمين وشمال بيأس :

انا تعبت منكم ،، كل واحد عايش بدماغه كدة،، معرفش انا ايه ده ،، يلا عشان منتأخرش اكتر من كدة 

قالت رباب كلامها وسابتهم وخرجت وجريو بسرعة وراها مرام ورهف عشان ميسمعوش كلمتين منها لو اتأخرو تاني عليها 

.............................

كانت واقفة نادية في المطبخ بتعمل الاكل ومشغولة جدا وكل شوية تبص في الساعة وبعدين ندهت بصوت عالي :

يا ميرنا ،، رنيلي علي عيال عمك بسرعة ،، انا اعرف اتأخرو ليه كدة ،، ده انا لسة مخلصتش واخوكي طيارته علي وصول 

دخلت ميرنا وهي ماسكة الموبايل بايديها والايد التانية فيها المكنسة وردت علي امها بضيق:

رنيت عليهم يجي ميت مرة ،، انا عارفة تلاقي مرام الك*لب دي عملت الموبايل سايلنت ،، اما تجيلي بس هنفخها  

قطع كلام ميرنا صوت الباب فجريت بسرعة وهي بتقول بلهفة:

اهم اكيد وصلو هروح افتح 

فتحت ميرنا الباب وسلمت علي رباب مرات عمها وبصت لمرام ورهف بغضب فقالت رهف بسرعة :

صدقيني يا بنتي مكنتش اعرف انك عايزاني اجي اعمل معاكي حاجة ،، عشان كدة جينا براحتنا 

ميرنا بصتلهم من فوق لتحت وقالتلهم بسخرية وهي بتشاور علي لبسهم :

لا ماهو واضح حضراتكم جايين متشيكين عالاخر وانا هنا التراب عاميني وشكلي ولا الشغالين ،، اتفضلو بقي قدامي علي جوة ،، هطلعلكم بيچامتين حلوين كدة عقاب ليكم عشان تساعدوني وبعدين لما نخلص نبقي نجهز كلنا 

كشرت مرام بضيق ورهف كمان ورفعو كتافهم بتلقائية وردو بقلة حيلة:

امرنا لله ،، فين الهدوم 

ضحكت ميرنا عليهم وبصتلهم بشماتة وقالتلهم بسخرية :

يلا يا روحي منك ليها ،، ده انا عقاب ليكم هلبسكم من هدوم امي ههههه

رهف ردت بسرعة وقالت وهي بتشاورلهم بتحذير  :

بس اسمعي انتي وهي ،، انا هدخل اساعد مرات عمي في المطبخ ،، وانتو عليكم الشقة محدش يقولي اعملي حاجة فيها 

قلبت مرام عنيها بملل وردت بغيظ علي اختها :

وايه الجديد ،، انتي علطول تهربي من الشقة وتدبسيني انا فيها ،، رخمة ،، يلا امري لله 

......................... 

كان ماشي خالد بيبص في ساعته لانه اتأخر علي نادية مرات عمه لانه مواعدها انه هيجي بدري عشان ياخدها ويروحه يجيبه اياد من المطار كان ماشي في الشارع وبص بعنيه علي البيت بتاع عمه واتفاجئ بميرنا بنت عمه وهي واقفة في البلكونة ورابطة الطرحة علي شعرها بطريقة تضحك وبتنفض البلكونة من التراب فضحك عليها وبعدين جاتله فكرة فجري بسرعة عالبيت وهو بيضحك علي شكلها كل ما يفتكر واول ما خب*ط فتحتله مرام اخته الباب :

اهلا باستاذ خالد اللي مرات عمي هتنفخه عشان اتأخر عليها ،، دي سألت عليك يجي ميت مرة 

كان لسة خالد هيرد بس قاطعته ميرنا وهي خارجة من باب القوضة واتكسفت اول ما لقته شافها بشكلها كدة وقبل ما تدخل سبقها خالد وقال بضحك:

تصدقي يا مرام كويس ان مرات عمي جابت شغالة جديدة ،، اهو تساعدها في البيت 

برقت ميرنا بصدمة ولفت وشها وبصت لخالد وقالتله بغيظ:

انت تقصدني انا مش كدة 

خالد كتم ضحكته وقالها وهو بيرفع حاجبه :

وهو في هنا حد باين عليه انه الشغالة غيرك 

كشرت ميرنا وردت بغضب قبل ما تسيبه وتمشي علي اوضتها :

عندك حق زي كدة ما مفيش هنا حد قليل الزوق غيرك 

اتصدم خالد من رد ميرنا عليه وسابته هي وجريت علي اوضتها وبصت لنفسها في المراية وهي عنيها مدمعة وصعبان عليها ان خالد كل ما يشوفها يتريق علي شكلها وان دي مش اول مرة يعيب عليها كدة ،، ومن جواها كانت عارفة ان ممكن يكون بسبب انها مش بتلبس زي البنات ولا بتعرف تتكلم زيهم بس هتعمل ايه ،، هي مش بتعرف ورغم انها دايما بتهزر معاه ومش بتبين انها بتزعل من كلامه بس فعلا كلامه بيو*جعها ،، مسحت ميرنا دموعها ورتبت شعرها وخرجت تاني 

.................................

في الصالة كان قاعد خالد  مع امه ومرام ومستني مرات عمه لما تلبس عشان يروحو المطار وكان متابع بعنيه ميرنا لما خرجت من اوضتها وكانت بتكمل تنضيف في الشقة بس وهي باين عليها الحزن ،، استغرب خالد حالها لان مش عادتها انها تزعل من هزاره معاها بس المرادي شكلها زعلت بجد ،، وقط*ع سرحانه خروج نادية اللي قالتله بلهفة :

يلا يا خالد يا حبيبي انا جاهزة ،، متنسيش يا رهف الاكل يا حبيبتي ،، هعتمد عليكي 

رهف ابتسمت بحب وقالتلها وهي بتغمزلها بضحك:

متخافيش يا مرات عمي الاكل هيبقي زي ما انتي بتحبي واكتر ،، خليكي انتي في فرحتك برجوع المز ليكي 

ضحكت نادية وقالت بحب وهي بتبصلهم كلهم :

ربنا يخليكم ليا ،، والله ما عارفة انا كنت هعمل ايه من غيركم 

ابتسمت رباب بحب وهي بتقوم من مكانها وتقرب علي نادية :

ويخليكي لينا يا حبيبتي ،، يلا روحو عشان متتأخروش ،،ترجعو بالسلامة ان شاء الله 

...........................

انا قلقانة اوي يا حبيبي ،، تفتكر مامتك واختك هيحبوني 

قالت كدة ديما وهي بتمسك ايد اياد وهما قاعدين في الطيارة وابتسم اياد وبا*س ايديها بحب وهو بيتكلم :

متخافيش يا حبيبتي ،، والله ماما وميرنا دول اطيب ممما تتخيلي ،، هتحبيهم اوي وهما كمان انا متأكد انهم هيحبوكي 

ديما ابتسمت وقالتله بدلع وهي بتحض*نه :

بيبي ،، انا بجد مبسوطة اوي اني جيت معاك هنا ،، كنت هبقي مضايقة اوي وانت بعيد عني 

اياد ابتسم ورد عليها وهو بيرجع شعرها ورا ودنها :

كاان لازم تيجي معايا عشان تتعرفي علي امي واختي وهما كمان يتعرفو علي البنت اللي هتجوزها 

ديما بصت لاياد وسألته بهدوء وهي عنيها في عنيه :

تعرف اكتر حاجة تثبتلك اني بحبك ايه ؟

ضحك اياد وقالها وهي بيبصلها وبيبتسم :

ايه يا حبيبتي 

ديما شبكت ايديها في ايديه وقالتله بحب :

اني وافقت اسيب بلدي واتجوزك واعيش معاك في بلد تانية بس عشان بحبك 

اياد فكر شوية وبعدين قالها وهو بيبو*س ايديها :

ده انا اللي محظوظ عشان قابلتك يا روحي وحبيتك 

.............................

في البيت كانت واقفة رهف بتشيك علي الاكل اللي عملته بعد ما لبست هي وميرنا ومرام  وكانت متوترة اوي لانها هتقابل اياد بعد السنين دي كلها وكانت مش عارفه شعورها هيبقي ايه وهو قدامها ،، فاقت من سرحانها علي صوت دوشة برة فعرفت انهم وصلو ولفت عشان تخرج بس اتفاجأت بمرام داخلة المطبخ وهي متوترة وقربت منها وقالتلها بقلق:

رهف ،، اياد ومرات عمي جم برة ،، بس في حاجه لازم اقولهالك الاول 

ضحكت رهف وردت علي مرام بهدوء لانها افتكرت انها خايفة عليها من المقابلة مع اياد بس قبل ما ترد رهف سمعت صوت ديما من برة وهي بتعرف نفسها :

هااي ،، انا ديما وابقي حبيبة اياد 

رهف قلبها اتقبض وهي باصة في عيون مرام اللي كانت حاسة بيها اوي وقالتلها بحزن :

رهف ،، حاولي تنسي يا رهف ،، انتي كنتي جاية هنا وعارفة انه مش ليكي وانتي اصلا قولتي انك مبقتيش تحبيه وانك كر*هتيه من وقت ما سابك وسافر 

كنت بكدب 

قالتها رهف لاختها ودموعها بتلمع في عنيها ومش متخيلة انه اياد جايب حبيبته معاه فكملت كلامها لمرام بحزن:

كنت بصبر نفسي وبطيب خاطرها ،، بس منستهوش يا مرام ،، انا لسة بحبه 

مرام مسكت اختها من ايديها وبقت تهز فيها عشان تفوق وقالتلها بثقة:

رهههف ،، فوقي لنفسك ،، اياد مش بيحبك ،، اتقبلي الموضوع بقي واوعي تبيني ضعفك ده لحد ،، عايزاكي تطلعي تضحكي وتهزري عادي جدا وكأن مفيش حاجة فهمتي ولا لا 

حركت رهف دماغها بطاعة وقالتلها بحزن مكبوت:

متخافيش عليا يا مرام ،، انا مش ضعيفة اوي كدة ،، وانا هثبتله واثبت لنفسي انه مبقاش يفرق معايا ،، انا هتعامل معاه علي انه ابن عمي اللي عمري ما احبه لانه زي اخويا 

اتنهدت مرام براحة وقالتلها بحب وهي بتمسك اديها :

طيب يلا يا حبيبتي ،، انا عارفة انك قوية وقدها 

................................

في الصالة كان قاعد اياد وجمبيه ديما و امه وميرنا اخته اللي كان بيبصلها خالد بابتسامة بعد ما غيرت هدومها وبقت زي القمر فحب يرخم عليها وقالها بخبث:

بس تعرفي انك مش لايق عليكي لبس البنات يا ميرنا ،، انتي اخرك تكوني صبي ورشة او شغالة زي الصبح كدة 

ضحك الكل علي كلام خالد وردت عليه امه رباب بضحك وهي بتشاور علي ميرنا :

بس يا واد يا خالد ،، وهو في احلي من ميرنا ،، دي جمالها الله اكبر طبيعي ولا ليها في مياعة البنات ولا محتاجة تحط احمر واخضر  عشان تحلي نفسها 

ميرنا صعب عليها كلام خالد وبصت لديما باحراج وحاول تمسك دموعها واكتفت بابتسامة بسيطة وبعدين قامت بهدوء خرجت البلكونة وكان متابعها بعنيه خالد وقام راح وراها وفي نفس الوقت كانت خرجت رهف ومرام من المطبخ واتفجأت رهف