رواية عشقت تلك المجهوله الفصل الاول1 بقلم اسراء ابراهيم
انا لا هتجوز سارة دي ولا غيرها ولو سمحتي يا امي ارجوكي بلاش تفتحي الموضوع ده مرة تانية لانك عارفة رأيي فيه
منيرة بضيق / براحتك يا عامر بس انا احب اقولك انك اناني ،، ومش بتفكر غير في نفسك وبس
عامر باستغراب / اناني ؟ ازاي يا امي ،، اناني عشان لسة مش قادر اتخطي مراتي اللي ماتت لحد دلوقتي ؟ انا عمري ما هنسي فرح حتي لو بعد مليون سنة
منيرة بجدية/ ومين قالك انساها يابني ؟ انا بقولك انك اناني عشان مش بتفكر غير في نفسك ،، عشان ناسي ان في لحمة حمرا منك ،، ذنبه ايه مالك في اللي بيحصل ،، انت متعرفش هو بيصعب عليا قد ايه وانا بشوفه مفتقد امه ،، لكن لما تجيبله واحدة تراعيه ويحبها هينسي ويتأقلم وميحسش انه وحيد وخصوصا انه لسة صغير ده اربع سنين
عامر بتفكير / اوعدك اني افكر في الموضوع يا امي ،، بعد اذنك بقي عشان ورايا معاد مهم مع واحد صاحبي وممكن اتأخر لانه ساكن في محافظة تانية ،، لو احتجتي اي حاجة كلميني
منيرة بابتسامة / ربنا يخليك ليا يا حبيبي يارب ،، روح شوف شغلك انت ومتشغلش بالك
......................................
كانت بتجري وهي مش شايفة قدامها ،،كل اللي هي عاوزاه انها تهرب منه بأي طريقة ،،من حين لاخر بتبص وراها بخوف وهي بتنهج ومش قادرة تاخد نفسها ،، بتمسح دموعها بايديها بس بسرعة عشان تشوف طريقها ،، بتدور بعنيها علي اي حد موجود عشان تلجأله ينقذها بس للاسف المكان فاضي مفيهوش حد خالص ،، مفيش غير نور بسيط جاي من بعيد تقريبا نور عربية ،، ده نور عربية عامر اللي عطلت منه في الطريق فنزل يشوف فيها ايه بس اتفاجأ ببنت بتقرب منه بسرعة وبتترمي بين ايديه اول ما لف وشافها
فيروز بتعب وعياط/ الحقني ،،ارجوك هيموتني ،، ارجوك انقذني منه
كانت كلمات بسيطة متقطعة قالتها فيروز واغمي عليها بين ايدين عامر اللي كان مصدوم ومش عارف يعمل ايه ؟ غير انه ينقذها بحكم شهامته كراجل فشالها ودخلها عربيته وقفل الباب ووقف يصلح عربيته عشان يعرف ينقذها ويوديها اي مستشفي
جمال من وراه / انت ايه اللي موقفك هنا يا بلدينا انت ؟
عامر بجدية باحتة/ عربيتي عطلت هنا وانا ماشي ،، ممكن تساعدني ؟
جمال وهو بيبص حواليه/ انت شوفت بت كدة بتجري من هنا وعدت عليك ؟
عامر بغموض / لا مشوفتش ،، محدش عدي عليا ،، هي تقربلك ايه البت دي ؟
جمال بحدة / انت هتصاحبني اياك ؟ ،، يلا شوف رايح فين ،، انا هلاقيكي يا فيروز الكلب ووقتها مش هرحمك
مشي جمال بغضب بعد ما خلص كلامه وعامر وقتها حاول في العربية وفعلا اشتغلت اخيرا فركب بسرعة ومشي من المكان ده وكان كل شوية يبص وراه علي فيروز اللي مغمي عليها ومش حاسة بأي حاجة ووقتها نفخ عامر بغضب
عامر بغيظ/ ماهو انا ناقص بلاوي لما تتحدف عليا بلوة زي دي ده ايه النحس ده
...............................................
تاني يوم كان واقف عامر في المستشفي مع الدكتور اللي عالج فيروز
عامر بغموض / هي عندها ايه بالظبط ؟
الدكتور بجدية/ والله لولا اني عرفت حضرتك وانك شخصية معروفة وليك سمعتك انا كنت عملت محضر ضروري لان البنت حالتها صعبة اوي ،، وواضح انها اتعرضت لضرب مبرح ده غير كمان الاغتصاب و
عامر بصدمة / اغتص*اب ؟ انت متأكد
الدكتور بجدية/ ده شغلي يا عامر بيه ،،هو محاولة اغتص*اب لكن الحمد لله فشلت والبنت بخير ،، بس كويس انك لحقتها في الوقت المناسب لان مين عالم كان هيحصل فيها ايه تاني
عامر بغموض / لما تفوق اكيد هتقول مين اللي عمل فيها كدة
الدكتور بقلق / هو لما تفوق لازم يكون معاها دكتور نفسي ،، لانها اكيد هتبقي منهارة فانصحك بالخطوة دي ،، بعد اذنك
مشي الدكتور ووقف عامر يفكر في اللي حصل لفيروز وصعبت عليه اوي في اللي وصلتله واللي حصلها فراح اوضتها وفضل واقف جمبها مدة طويلة وعنيه عليها وهو بيفكر لحد ما بدأت تتململ وتفوق فانتبه عامر وقام من مكانه وهو متابعها لحد ما فتحت عنيها واول ما استوعبت بدأت تصرخ فقرب منها عامر بسرعة وبقي يهديها بكلامه
عامر بجدية/ اهدي انتي كويسة وفي امان متخافيش ،، اهدي عشان تتحسني بسرعة وتاخدي حقك من الحيوا*ن ده
فيروز ببحة من العياط / انت ،،انت اللي انقذتني منه ،، انا بجد متشكرة اوي ليك ،،لولاك مكنتش عارفة هيحصلي ايه
عامر وهو بيبعد بعد ما فيروز هديت شوية/ المهم انك بقيتي كويسة وفي امان ،، حاولي تتحسني بقي بسرعة عشان نخرج من هنا
فيروز بلهفة وهي بتتنفض/ هو احنا لسة في ال
عامر بسرعة/ لالا ،،اهدي ،،احنا في القاهرة ،،انا جبتك علي اقرب مستشفي ماشي
فيروز بتنهيدة راحة / ايوة ،، لو كنت لسة هناك كان هيجيبني ،،ده يعرف كل الاماكن ،، اكيد مش هيسيبني ،، اكيد هيدور عليا لحد ما يلاقيني ،، انا خايفة اوي ،، انا همشي ،،ايوة امشي اروح ابعد مكان
عامر حاول يهديها فقالها بهدوء/ اهدي بس ،، هو لا يمكن هيجي في باله انك في القاهرة ،، صدقيني انتي في امان معايا وانا مش هخليه يلمسك
بصتله فيروز شوية وبعدين مسحت دموعها اللي نزلت وهي بصاله وعامر اخد باله بس محبش يضايقها او يحسسها انه شافها فقام بهدوء
عامر بجدية / احم ،، هشوف الدكتور هيقولنا هنمشي امتي
فيروز بلهفة/ لا لو سمحت ،، انا عاوزة امشي من هنا ،، انا كويسة ،، خلينا نخرج لو سمحت
عامر بثقة/ فيروز لو الدكتور قال لازم تقعدي يبقي هتقعدي تمام ،، خليكي هنا انا جاي
كشرت فيروز باستغراب اول ما عامر خرج وكلمت نفسها / هو عرف منين اني اسمي فيروز ؟
فيروز قامت بخضة بعد ما جه في عقلها انه ممكن يكون تبع جمال وانه اتفق معاه عليها وانه يرجعهاله تاني فقلبها اتقبض وخرجت من الاوضة تتسحب عشان تهرب من المستشفي ومن عامر قبل ما يرجع تاني
..........................................
كان واقف عامر بيتكلم في التليفون في اوضة الدكتور وكان التليفون علي ودنه وهو بيقرب من الشباك بس فجأة وقف بصدمة لما شاف فيروز بتخرج من باب المستشفي وهي بتتلفت يمين وشمال وباين عليها الخوف والتعب في نفس الوقت ،، قفل عامر التليفون ونزل جري وراها ،، اما فيروز فكانت بتجري وهي رجليها مش شايلاها اصلا بس كل اللي شاغلها انها تبعد وتهرب من عامر ومن جمال كمان فكانت بتجري بتعب اوي وكل شوية تبص وراها لحد ما فجأة خبطت في عامر اللي وقف قدامها فجأة ووقتها فيروز قلبها اتقبض وبقت تعيط بانهيار وهي بتتكلم
فيروز بانهيار / لا ارجوك متعملش كدة ،، سيبني ،، والله لو مسكني مش هقوله انك ساعدتني اهرب بس مترجعنيش تاني ليه ،،انت متعرفش ده عمل فيا ايه ،، ارجوك ارحمني
عامر بصدمة من كلام فيروز/ اهدي يا فيروز ،،اهدي ،، محدش هيأذيكي وانا قولتلك اني هحميكي منه
فيروز بشحتفة/ لا انت متفق معاه عليا ،،انا عارفة ،، اومال عرفت اسمي منين ،،هو قالك ترجعني ليه مش كدة ،، والنبي متعملش كدة وانا صدقني مش هقوله حاجة ولا انك سبتني امشي بس سيبني
فهم عامر وقتها كل حاجة وسبب هروب فيروز منه فقالها بهدوء وهو ماسك فيها عشان متهربش /
يا فيروز انا متفقتش مع حد ،،انا شوفته لما انتي اغمي عليكي بين ايديا ودخلتك عربيتي ،،هو بعدها جه وسألني عليكي وانا قولتله اني معرفش ومشي وهو بيتوعدلك ،،دي كل الحقيقة ،، لكن انا لو عاوز اسلمك ليه كنت عملت كدة وانتي مغمي عليكي ومش حاسة بحاجة
سكتت فيروز فجأة بعد ما سمعت كلام عامر وفهمت كل حاجة وبحركة تلقائية منها سندت راسها علي صدر عامر بتعب بطريقة خلت عامر يشفق عليها فشالها بهدوء ورجع بيها تاني عالمستشفي وهي مستسلمة اوي بين ايديه ومغمضة عنيها بتعب وراحة بعد ما اتأكدت انه مش هيأذيها ولا هيسلمها لجمال
...............................................
بليل كانت راكبة فيروز العربية جمب عامر وساندة راسها عالشباك وبتبص عالطريق وعامر كان سايق وكل شوية يبص عليها ويرجع يبص قدامه وكان متردد يسألها مين جمال ده او ليه عمل فيها كدة بس اتفاجأ بيها بتتكلم هي وكأنها حاسة بأسالته دي كلها
فيروز بتعب / بابا اتوفي من شهرين ،، كان هو كل عيلتي ،، مكنش ليا حد غيره ،، كان هو الوحيد اللي بيحميني من اي حد بيفكر انه يأذ*يني ،، كان الامان بالنسبالي ،، فجأة كل حاجة اتهدت ،، كل حاجة راحت ،، جالي خبر موته وانه عمل حادثة ومات ،، معرفش ازاي عدي عليا الشهر الاول ،،كنت في عالم تاني ،، ناس داخلة خارجة تواسيني وانا مش عارفة حتي ارد عليهم ،، ووقتها ظهر جمال علي حقيقته ،، ابن عمي الوحيد بس كان بالنسبة لبابا حاجة كبيرة ،،وعمره ما صدر منه اي حاجة تبين شخصيته البشعة ،، عمره ما رفع عنيه فيا ،، فجأة لقيته بيبصلي بنظرات تخوف ،، كل يوم والتاني يجي بحجة انه بيطمن عليا ويفضل يلمحلي بحجات عمري ما فهمتها غير بعد ما عرفت نيته ناحيتي ومن وقتها بدأت اصده واوقات مكنتش برضي افتحله الباب ،، لحد اليوم الملعون ده اللي جالي فيه وهو سكران وحاول
مقدرتش فيروز تكمل كلامها وفضلت تعيط بانهيار فوقف عامر العربية بسرعة وبصلها بقلق وهو مش عارف يفسر احساسه وقتها لكنه في قمة غضبه من مجرد الفكرة وفسر ده شفقة مش اكتر
عامر بهدوء / اهدي يا فيروز ،، خلاص متحكيش حاجة ،، وانا اوعدك ان اللي جاي احسن من اللي فات وانه مش هيفكر بس انه يأذيكي تاني
فيروز بابتسامة من بين دموعها/ انا لو قعدت اشكرك من هنا لسنين قدام ،، مش هوفي اللي عملته معايا ،، كفايا انك رفضت تسيبني في الشارع واخدتني معاك ،، شكرا يا استاذ ...
عامر بهدوء / عامر ،، اسمي عامر ،، وبلاش تشكريني دلوقتي ،،اما اخلصك منه خالص وقتها ابقي اشكريني
ابتسمت فيروز وهي بتتنهد وبترفع عنيها للسما وبتأمن ور كلام عامر وبقي بالنسبالها اكبر احلامها انها تخلص من جمال للابد
..............................................
دخلت فيروز ڤيلا عامر بتوتر واستغراب وكانت بتبص حواليها لحد ما انتبهت لصوت منيرة مامت عامر
منيرة بقلق / اخيرا جيت يا عامر ؟ انا كنت قلقانة عليك من امبارح يابني ،، بكلمك وتليفونك مش مجمع
عامر بابتسامة/ متقلقيش يا ماما ،،انا بخير الحمد لله
منيرة باستغراب وهي بتبص لفيروز/ مين دي يا عامر ومين اللي عامل فيها كدة ؟
عامر بتنهيدة/ بعدين يا امي هحكيلك ،، اقعدي يا فيروز ارتاحي ،، يا كرررم
كرم الشغال بسرعة وهو بيقرب / خير يا عامر بيه
عامر بجدية / طلع فيروز اوضتي القديمة واعملها اكلة خفيفة وطلعه ليها
فيروز باحراج/ شكرا ،، انا مش جعانة خالص ،، بس تعبانة شوية وهنام
عامر بجدية / تمام اللي يريحك ،، بس برضه تاكلي الاول ،، يلا يا كرم واعمل اللي قولتلك عليه
كرم بطاعة/ تمام يا عامر بيه ،،اللي حضرتك تؤمر بيه ،،اتفضلي يا هانم
مشيت فيروز مع كرم تحت نظرات منيرة اللي مستغربة معاملة عامر لفيروز وهتتجنن وتعرف مين دي
منيرة بضيق / تفهمني دلوقتي مين البنت دي وجايبها هنا ليه ؟
عامر بجدية / حاضر يا امي ،، دي بنت لقتها في الشارع وكانت بالشكل اللي انتي شوفتيها بيه ده فطبعا مكنتش هسيبها كدة فودتها مستشفي وجبتها هنا لانها مالهاش حد
منيرة بغضب / تقوم تجيبها البيت وتدخل اي حد علي عيلتك عادي كدة ؟ طب افرض عاملة مصيبة ولا وراها حاجة ،،ماهو مش هيبقي شكلها بالمنظر ده من فراغ ،،ما تفكر كويس يا عامر ،،اول مرة تتصرف تصرف غلط وميعجبنيش
عامر بجدية وهو بيقوم / هي مش هتقعد كتير ،، اما تخف وتبقي كويس هشوفلها مكان تعيش فيه ،، المهم بس تاخدي بالك منها يا ماما لو سمحتي،، دي مهما كان ضيفتنا
منيرة بضيق / انا مش موافقة علي اللي بتقوله ده يا عامر ،، يلا قوم اطلع شوف ابنك ،،ده من الصبح وهو بيسأل عليك
عامر بحنية/ هو كمان واحشني اوي ،،هطلعله اسلم عليه واشوفه قبل ما انام ،، بعد اذنك
مشي عامر وفضلت قاعدة منيرة بتفكر تعمل ايه وقلقانة اوي احسن عامر يتعلق بفيروز او تضحك عليه
...............................................
تاني يوم صحيت فيروز من النوم علي صوت خبط الباب فقامت بتعب فتحت وشافت كرم قدامها ومعاه شنط كتير
كرم بود/ صباح الخير يا هانم ،، عامر بيه بعتلك الحجات دي وبيقولك انه مستنيكي علي الفطار
فيروز بابتسامة وهي بتاخد الشنط/ تمام شكرا اوي انك قولتلي وانا هنزل حاضر
قفلت فيروز الباب وبقت تبص في الشنط وعلي وشها ابتسامة جميلة ومش مصدقة بجد ان عامر انسان كويس اوي كدة ،، كانت الشنط كلها طرح ودريسات كتير اوي وشكلها غالية اوي ففرحت اوي بيهم واخدت واحد عجبها ودخلت تغير بسرعة وتنزل ،، وفعلا غيرت ونزلت فكانت نازلة بتوتر وقلق راحو اول ما شافت عامر قاعد عالسفرة وجمبه مالك ابنه وبيأكله بايديه ومش منتبه ليها ،، متعرفش ليه فيروز حست انها مضايقة لما عرفت انه طلع متجوز بس متكلمتش وسكتت
فيروز بابتسامة / صباح الخير
عامر رفع وشه وابتسم بتلقائية لما شاف فيروز لابسة من الدريسات اللي بعتها ليها
عامر بابتسامة / صباح النور ،، يلا اقعدي افطري
فيروز بتلقائية / حاضر ،، الله ده قمر اوي ،، ابنك مش كدة ؟
عامر بايجابية / ايوة ،،اسمه مالك
فيروز بحنية / ازيك يا مالوك يا قمر انت ،، لا انا وانت هنكون صحاب وش
كانت منيرة متابعة ضحك مالك وكلامه مع فيروز وانه اخد عليها بسرعة فكانت قاعدة متغاظة
منيرة بضيق / مش هناكل بقي ولا هنفضل نرغي
فيروز باحراج/ متأسفة اوي
بص عامر لامه بس هي اتجاهلته وفيروز فضلت باصة في طبقها ومش بتتكلم لحد ما خلصو وقامت منيرة تغسل ايديها وسابتهم لوحديهم فرفعت فيروز عنيها وبصت بعيد وبعدين بصت لعامر واتكلمت
فيروز بتلقائية / مامتك مش عايزاني هنا مش كدة؟ ارجوك خليني امشي وانا متشكرة لكل حاجة عملتها معايا
عامر برفض / لا طبعا مش هتمشي ،، متقلقيش ماما بس شخصيتها جدية شوية لكنها حنينة اوي وانتي هتعرفي ده مع الوقت
فيروز بابتسامة / علي فكرة انا متشكرة اوي اوي علي الهدوم اللي جبتهالي ،،حقيقي انت انسان نبيل
عامر بهدوء / من غير شكر ،،اتمني بس انهم يكونو عجبوكي لاني بصراحة طلبتهم اون لاين ومكنتش عارف المقاس فقولتلهم بالتخمين كدة
فيروز بفرحة/ لا مظبوطين اوي ،، بجد ميرسي
عامر بابتسامة / لو احتجتي حاجة كلميني ماشي ؟ انا كتبتلك رقمي وسيبتهولك مع كرم ،، قوليله بس كلملي عامر ،، انا بس مضطر امشي عشان عندي شغل كتير متأخر
فيروز بحماس / روح انت شغلك وانا ومالوك هنلعب وننبسط ،،مش كدة يا بطل
ابتسم مالك بحماس وهو بيسقف ووقتها عامر استغربه اوي لانه مش سهل انه يتجاوب مع حد بسرعة كدة وكان من جواه فرحان اوي بده
..............................................
بليل كانت فيروز قاعدة في اوضة مالك وبتلعب معاه وهو فرحان اوي وبيضحك من قلبه وفيروز كمان كانت فرحانة بده لانها بتحب الاطفال اوي وهما بيتعلقو بيها بسرعة بس فجأة الحال اتغير لما دخلت عليها منيرة وباين عليها الغضب
منيرة بغضب / هو انتي ازاي بج*حة كدة ؟ بتتعاملي مع البيت وصحابه كأنه بيتك ،، انتي عاوزة ايه بالظبط
فيروز بحزن/ انا والله مش عاوزة حاجة ،،انا بس بحب الاطفال وبحب العب معاهم ،، ومالك عسول اوي و
منيرة بمقاطعة/ مش عاوزة اسمع حاجة ، ،بس متبقيش تعملي كدة مرة تانية ومتنسيش ان ده مش بيتك عشان تتحركي فيه زي ما انتي عاوزة ،، فهمتي ؟
فيروز بحزن ودموع محبوسة / فهمت ،، حاجة تاني حضرتك ولا امشي ؟
منيرة بسخرية/ اتفضلي روحي مكانك يلا
مشيت فيروز وكان وقتها متابع كرم اللي بيحصل وهو شايل صنية الاكل بتاع مالك واتأثر باللي حصل وزعل علي فيروز وطريقة منيرة الوحشة معاها بس متدخلش ودخل بالصنية وحط الاكل ومشي وهو بيفكر يقول لعامر وفعلا راح المطبخ ومسك التليفون وكلمه
عامر بقلق / خير يا كرم ،،فيه حاجة حصلت ؟
كرم بتردد/ بصراحة يا عامر بيه في حاجة حصلت وانا قولت لازم حضرتك تعرفها لان البنت معملتش حاجة لكل ده
عامر فهم ان الموضوع يخص امه فقال بتنهيدة/ ايه اللي حصل ؟ احكيلي ماما عملت ايه لفيروز ؟
..............................................
تاني يوم فيروز رفضت تنزل عالفطار وفضلت ملازمة اوضتها وعامر طبعا كان فاهم السبب فطلع ليها وخبط عليها ففتحتله فيروز ووقتها شاف اثار العياط علي وشها فبصلها بتأنيب ضمير
فيروز بابتسامة / اهلا يا عامر بيه
عامر بجدية/ ممكن نتكلم شوية ؟
فيروز بموافقة/ اكيد طبعا ،،اتفضل انا سامعاك
عامر بجدية / مش هنا ،،يلا تعالي ننزل الجنينة تحت
فيروز بتردد/ ماهو يعني اصل مش هينفع عشان
عامر باصرار / يلا يا فيروز ،، معايا علي تحت
اتنهدت فيروز بقلة حيلة وخرجت مع عامر ونزلو الجنينة تحت وفيروز كانت فرحانة اوي بمنظر الورد والزرع
عامر بابتسامة / عجبتك الجنينة مش كدة؟
فيروز بحماس / دي جميلة اووووي ،، تعرف انا طول عمري نفسي اروح الجنينة مع بابا واعمل اكل ونروح نقضي يوم هناك وكدة بس للاسف بابا مكنش بيبقي عنده وقت غير للشغل عشان نعرف نعيش ،،الحمد لله
عامر بابتسامة / طب ايه رأيك نتغدي انهاردة هنا ؟
فيروز بفرحة/ بجد ؟ هتبقي حاجة حلوة اوي بس اسمحلي انا اللي اعمل الاكل بايدي
عامر بابتسامة /موافق يا ستي مش مشكلة ،، انتي تعملي اي حاجة براحتك
افتكرت فيروز كلام منيرة فرجعت كشرت واتكلمت بحزن/ ولا اقولك بلاش عادي يعني مش لازم
عامر فهم فاتكلم باصرار / طب انا بقي مصمم واقولك هساعدك كمان في الاكل
فيروز بصدمة / بتتكلم جد ؟ بقي عامر بيه بيعرف يطبخ ؟
عامر بغرور مصطنع/ لا ده انا شيف محترف بس يعني هو الشغل اللي واخد وقتي ومش بيخليني ادخل المطبخ كتير
فيروز بتردد/ هو انا ممكن اسألك سؤال شخصي ومتزعلش مني
عامر بثقة/ اسألي ولو اني عارف السؤال ،، هتسأليني فين مراتي مش كدة؟
فيروز بخجل / بصراحة اه ،، يعني انت منفصل ولا ارمل؟
عامر بجدية/ ارمل ،، وبما انك بقي سألتيني سؤال انا كمان هسألك سؤال تمام ؟
فيروز بابتسامة / ماشي اسأل
عامر بغموض / ممكن اعرف انتي ليه منزلتيش عالفطار ومن امبارح في اوضتك ؟
فيروز بحزن/ انا مش عاوزة اعملك مشاكل مع مامتك ،، بس بصراحة هي مش بتحبني وحقها ،،هي فجأة لقت ابنها داخل عليها بواحدة متعرفش عنها حاجة وبيقولها هتعيش معانا ،،ليها حق تضايق ،، وانا مش زعلانة منها ،،انا زعلانة عالظروف اللي حطتني في الموقف ده
عامر باعجاب / فيروز انتي فعلا انسانة جميلة اوي ،، ظاهريا وداخليا كمان
فيروز بخجل / احم ،، هو احنا مش هنعمل الاكل ،،اصلي جوعت بصراحة
عامر فهم انها بتتهرب ووقتها انتبه للي قاله فاتحرج من نفسه وكان مستغرب تصرفه واللي قاله من غير ما يحس بنفسه
.................................................
عدي كام يوم كانت فيروز بتتعامل مع مالك ابن عامر بحب وهو اتعلق بيها اوي وده كان معصب منيرة ومخليها تضايق وخصوصا ان عامر كمان اخد عليها وبقي يكلمها علطول ويضحك ويهزر معاها فكانت شاكة انه معجب بيها وهنا قررت تصرف فعزمت سارة بنت نادية اختها وقررت تخليها تتدخل عشان عامر يقرب منها هي
فيروز بتوتر / خير يا منيرة هانم ،،كرم قالي ان حضرتك عاوزاني ؟
منيرة بغموض / بما انك اكلك حلو يا فيروز فانا هطلب منك تعملي انهاردة الغدا عشان خطيبة عامر وامها اللي هي اختي جايين انهاردة
فيروز اتصدمت فردت ببهتان/ خطيبته ؟ تمام يا هانم من عيوني ،،ان شاء الله هشرف حضرتك
منيرة بقصد / ايوة كدة جدعة ،، عاوزة اكلك يعجبهم عشان لو عجبهم ممكن اخليكي تروحي تخدمي عندهم
فيروز بحزن وجمود/ مع احترامي لحضرتك بس انا مش خدامة عشان اخدم اي حد وانا هعمل الاكل عشان خاطر بس عامر بيه وحضرتك ،،لكن انا مبشتغلش عند حد ،، بعد اذنك
ابتسمت منيرة بسخرية وبقت تتوعد لفيروز وهي سرحانة وبتفكر هتعمل ايه تاني عشان تقرب عامر من سارة بنت اختها ،،اما فيروز فدخلت المطبخ ووقتها دموعها اتحررت ونزلت ومكنتش عارفة توقفهم وهي من جواها حاسة بخنقة رهيبة ،،مش بسبب اهانة منيرة ليها اكتر من سبب معرفتها بارتباط عامر ،، كانت حاسة انها مخنوقه اوي فحاولت تهدي نفسها وقررت تشرفه قدام خطيبته وتعمل كدة عشانه ،،عشان هو انسان كويس ويستاهل كل خير بالنسبالها
......................................
كان داخل عامر الفيلا واتفاجئ بخالته نادية وسارة بنتها معاها وكانت فيروز واقفة قدامهم بتقدملهم العصير فاضايق انها بتخدم عليهم
عامر بجدية / مساء الخير ،، ازيك يا خالتو نادية ،،ازيك يا سارة
سارة بدلع/ ازيك يا عامر ،، اتأخرت ليه ،،انا مستنياك من بدري
فيروز بصت لعامر بس متكلمتش وسابتهم ودخلت وعامر كان متابعها بعنيه وهو بيرد علي سارة
عامر بهدوء/ كان عندي شغل كتير يا سارة ،، نورتو ،،بعد اذنكم
دخل عامر المطبخ وشاف فيروز بتغرف الاكل فاضايق
عامر بضيق / انتي مش قاعدة معاهم ليه يا فيروز ؟ ايه اللي خلاكي تعملي الاكل وتشوفي طلباتهم ؟ ما كرم بيعمل ده
فيروز بهدوء وهي بتحاول متبصش في عيون عامر / وفيها ايه ؟ دي اقل حاجة اعملها ،،اني اخدم علي خطيبتك ومامتها بعد كل اللي عملته معايا
عامر بصدمة / خطيبتي ؟ مين اللي قالك كدة؟ ماما ؟
فيروز بتهرب وهي مشغولة/ ايوة ،، قالتلي انها عازمة خطيبتك ومامتها ،، وطلبت مني ادوقهم اكلي
عامر اتوتر وهو بيبص لكرم ومكنش عارف يتكلم ،، كان عاوز يقولها ان سارة مش خطيبته بس معرفش يقولها
عامر بتنهيدة/ طب يلا تعالي معايا نخرج ليهم وكرم هيكمل
فيروز برفض / لا طبعا ،،حضرتك اتفضل روح لخطيبتك وانا هكمل باقي الحجات واحضر السفرة حالا ويكون الاكل جاهز
نفخ عامر بضيق وساب فيروز وخرج ووقتها هي رفعت عنيها وبصت ناحيته وهي عنيها بتلمع بالدموع وبعدين بدأت تكمل غرف الاطباق وهي عقلها مشغول بيه
عالسفرة كانو قاعدين كلهم ماعدا فيروز اللي واقفة بتحط الاطباق
عامر بجدية/ يلا يا فيروز اقعدي بقي كفايا كدة
سارة بخبث / ايه ده ؟ هي الشغالة هتقعد معانا عالسفرة يا عامر برضه ؟
فيروز عيونها دمعت وكانت هتمشي بس .....