رواية اتفاقية زواج الفصل الاول1 بقلم اسراء ابراهيم
انا رجعت في كلامي ومش هتجوزك يا شهد
قالها يونس ببرود وهو واقف قدام شهد حبيبته واللي كان هيتجوزها خلاص بعد ايام ووقتها شهد كانت مصدومة ومش متخيلة انه طلع كداب بالطريقة دي
شهد بدموع وو*جع/ يونس انت بتهزر مش كدة؟ قولي انك بتكدب عليا وان ده مقلب ،،انت اكيد مش هتعمل فيا كدة
يونس بنفس بروده/ لا يا شهد مبكدبش عليكي وفعلا مش هتجوزك ،، اصلي فكرت كويس ولقيت انك مش من مستوايا ماهو مش معقول واحد في مركزي يتجوز بنت السواق بتاعه ولا ايه ؟ عموما انا هعوضك متقلقيش
شهد بحسرة / تعوضني ؟ انت دمر*تني ،،انت هتخلي سمعتي علي كل لسان ؟ انت خا*ين يا يونس وانا مش مسامحاك
يونس بتمثيل اللا مبالاه / بلاش التمثيل الاوڤر ده يا شهد ،،انا قربت اصدق انك فعلا بتحبيني
شهد بقوة وهي بتسمح دموعها / انا هكس*ر قلبك يا يونس زي ما كس*رت قلبي وهخليك تجيلي ندمان ووقتها عمري ما هسامحك انت فاهم ؟
مشيت شهد وهي منهارة من العياط ووقف يونس ينفخ سجارته وعلي وشه معالم الجمود .......
فاق يونس من سرحانه علي صوت نبيلة اخته اللي اتكلمت بقلق / مالك يا يونس انت سرحان في ايه،، و في يوم زي ده
يونس بابتسامة/ سلامتك يا نبيلة ،، بس سرحت شوية ،، قوليلي فرح بنتك جهزت خلاص ؟ عاوزين نكتب الكتاب العريس مستعجل
نبيلة بضحك/ لا ده انت عقلك كان مشغول خالص ،،يا يونس انا جاية اقولك ان العريس مستنيك هو والمأذون ،، يلا يا حبيبي اللي واخدة عقلك
يونس بتهرب وهو بيقوم / يا خبر ،، شكلي سرحت جامد بقي علي كدة
نبيلة بتنهيدة/ نفسي افرح بيك يا يونس انت كمان ،، هتبقي فرحه العمر والله ،، مش كان زمانك متجوز بقالك اربع سنين ،، ده انا حتي ملحقتش اشوف البنت اللي خط*فت قلبك ،، يلا هقول ايه النصيب
يونس بتجاهل / بطلي رغي يا نبيلة ويلا بينا بنتك بتبصلنا بغيظ وشوية وهتيجي تجيبنا هي
نبيلة بضحك/ لا وعلي ايه ،، يلا يا حبيبي واهو بالمرة تتعرف علي اهل العريس اللي انت طول فترة الخطوبة كنت بتبقي مشغول ومش بتقابلهم
مشيت نبيلة مع يونس وقربو من المأذون وقعد يونس قدام حازم ويبقي العريس
المأذون بابتسامة / البطايق لو سمحتو
يونس وحازم في نفس الوقت / اتفضل يا مولانا
حازم بقلق / ثواني بس يا مولانا اختي تيجي عشان عاوزها تحضر كتب الكتاب
فرح بصدمة/ صحيح هي فين يا حازم اتأخرت اوي ليه يارب يكون خير
كان حازم هيرد بس قطع كلامع دخول شهد اللي اتكلمت بسرعة / اسفة اوي عالتأخير بس العربية عملتها معايا و
سكتت شهد اول ما شافت يونس وهو كمان اتصدم لما شافها ووقف وهو مثبت عنيه عليها وكأنه مش مصدق انها قدامه
حازم براحة/ حبيبتي اتأخرتي ،،انا قلقت عليكي اوي
شهد بتردد وعنيها في عيون يونس/ معلش يا حازم يا حبيبي غصب عني
يونس بصدمة اتحولت للغضب / هي شهد تبقي اختك ؟
حازم باستغراب / ايوة اختي الكبيره اينعم بتلات سنين بس هي اللي وقفت جمبي ،،صح حضرتك اول مرة تشوفها انا نسيت اعرفكم
المأذون بجدية/ طيب كدة نتمم كتب الكتاب بقي يا جماعة يلا اتفضلو
يونس بمقاطعة / لا يا مولانا
شهد بصت ليونس بصدمة وخوف من انه يبوظ جوازة اخوها ويكس*ر قلبه هو كمان زي ما كس*ر قلبها زمان
نبيلة باستغراب / لا ليه يا يونس ؟ ما خلاص الحمد لله كملنا اهو
يونس بجدية وهو بيشاور لشهد / انا محتاج اتكلم مع الانسة شهد الاول كلمتين وبعدين نكتب الكتاب ،،اتفضلي معايا عالمكتب
شهد بصت لحازم اللي بان عليه القلق فابتسمت ليه بتشجيع ومشيت ورا يونس ناحية مكتبه
.............................................
اول ما دخلت شهد المكتب يونس قفل الباب وشدها من ايديها عليه بغضب فخب*طت في صدره وكانت قريبة منه اوي ووقتها عنيهم اتقابلت وكانت بتتكلم بصمت ،، نظرات عتاب من شهد وحنين وغضب من يونس و اشتياق
يونس بغضب / انتي فاكرة انك لما تعملي كدة هتن*تقمي مني يا شهد ،،غلطانة ،،انتي لسة متعرفيش يونس الشريف
شهد بصدمة/ انت بتقول يا يونس انت اتجننت ،، انتقا*م ايه انا مش فاهمة
يونس بسخرية/ فاكرة اني نسيت كلامك ليا زمان ؟ انا عارف ان اللي بيحصل ده لعبة منك عشان تنتقمي مني عشان سبتك ،، كنتي فاكرة اني مش هكشفك ؟
شهد بغضب وهي بتبعد عن يونس / ده خيالك المريض يا يونس ،، انا لو عاوزة انتقم منك كنت عملت كدة من كام سنة ،،من وقت ما اتخليت عني وو*جعتني ،،لكن انا خلاص كنت نسيتك ومبقتش حتي تيجي في خيالي ،، وانهاردة اتفاجأت زيي زيك ،، انت اصلا تقرب ايه لفرح ؟
يونس بسخرية اكبر / فاكراني عيل عشان تضحكي عليا بالكلمتين دول ؟ علي اساس انك مش عارفة ان فرح تبقي بنت اختي نبيلة ،، اسمعي يا شهد لو مخرجتيش دلوقتي واخدتي اخوكي ومشيتي من هنا صدقيني هتزعلي مني جامد
شهد بغضب وهي بتبص ليونس بقوة / انت بتقول ايه ؟ انت ازاي اناني كدة ،، طب وبنت اختك ذنبها ايه واخويا ذنبه ايه انك تكس*ر قلبه ،، فكر في حياتهم اللي هتد*مر بسبب اوهام في عقلك
يونس بغموض/ وايه اللي يثبتلي ان دي مش لعبة بتلعبوها عليا انتي واخوكي
شهد بغيظ/ اللي يثبتلك اني جيت هنا برجلي يا يونس ،، تفتكر لو فعلا دي لعبة مني هاجي برجلي وانا عارفة ومتأكدة انك هنا وهتشوفني ؟ طب عالاقل كنت اتأخرت لحد كتب الكتاب ما يتم ،، حكم عقلك يا يونس بيه وبلاش تكس*ر قلبين ملهمش ذنب في اللي حصل بينا
يونس فكر في كلام شهد وكان حاسس انها فعلا صادقة بس غضبه لما شافها خلاه يبصلها بعند ويقولها بغموض / مفيش غير حل واحد يضمنلي حق فرح لو فكر اخوكي يغد*ر بيها
شهد باستغراب / حل ايه ده بقا ؟
يونس بثقة وبرود / تتجوزيني
.......................................
كانت خارجة شهد من مكتب يونس وهي متوترة وحاسة انها في عالم تاني ،، خايفة يكون قرارها غلط بس في نفس الوقت بالنسبالها سعادة حازم اخوها اهم من حياتها هي شخصيا
المأذون بجدية / ها يا استاذ يونس نكتب بقي ؟
يونس بجدية وهو بيقعد/ ايوة يا مولانا بس الاول هتكتب كتابي علي الانسة شهد
الكل اتصدم اول ما يونس قال كدة بما فيهم نبيلة اللي بصت ليونس باستغراب وصدمة / يونس انت بتتكلم جد ؟ انت فعلا هتتجوز ؟
يونس بابتسامة مصطنعة/ ايوة يا بُلبلة مش دايما كان نفسك تفرحي بيا ،،اصل مقولتلكيش شهد اخت حازم طلعت البنت اللي مرتبط بيها وقولنا نعملها مفاجأة ونتجوز بالمرة
نبيلة بفرحة وهي بتقرب من يونس / يا حبيبي الف مبروك ،، انا مش مصدقة روحي ،،اخيرا يا يونس هتتجوز وهفرح بيك
حازم كان مستغرب وباصص لشهد بشك بس هي ابتسمت وحركت راسها بفرحة حاولت تزيفها عشان حازم ميشكش في حاجة بس هو فعلا شك وده لان شهد دايما بترفض اي عريس يتقدملها وكانت حجتها دايما انها مش بتفكر في الموضوع ده وانها عاوزة تفرح بيه الاول عشان كدة قام حازم وقرب من شهد
حازم باستغراب / شهد هو في ايه ؟ انتي بجد هتتجوزي يونس ؟
شهد بتوتر / اه يا حازم اصل هو ده الشخص اللي كنت هتجوزه من كام سنة لو تفتكر بس محصلش نصيب ،،وانهاردة اتفاجأت انه خال خطيبتك وهو كلمني وطلب نرجع لبعض وانا وافقت
حازم بابتسامة/ يعني انتي موافقة فعلا يا حبيبتي
شهد بتردد وهي بتبص ليونس اللي بيبصلها بغموض / اه يا حبيبي متقلقش ،،المهم يلا عشان متتأخرش علي خطيبتك
اتتهد حازم براحة وقرب بشهد من يونس وسلم عليه وبدأو فعلا يكتبو كتاب يونس علي شهد الاول وبعدين فرح علي حازم والكل كان فرحان اوي
.....................................
تاني يوم كانت واقفة شهد في الفراندا بتاعة اوضة يونس بعد ما صممت نبيلة اخته انهم يعيشو معاها وافتكرت شهد يونس ومعاملته ليها الجافة امبارح ولما سابلها الاوضة ونام في اوضة تانية بعيد عنها ،،انتبهت شهد علي صوت يونس اللي خرجها من سرحانها
يونس بسخرية/ العروسة اخبارها ايه ،،يا تري نامت كويس بعد ما خطتها فشلت واتقلبت عليها ؟
شهد بغضب / انا مش كل شوية هقولك انك فاهم غلط وبعدين حتي لو فعلا كانت دي نيتي يبقي حلال فيك يا يونس عشان انت تستاهل بس اقولك فرح مالهاش ذنب انا لو هنتقم بجد فهنتقم منك انت ،،عشان انت اللي خذلتني وكس*رت قلبي مش هي وشوف سبحان الله يا اخي ،، السواق اللي مكنش عاجبك زمان ،، الزمن لف وبرضه ناسبته ،، بس اختك طلعت غيرك ،،مطلعتش مريضة زيك وبصت انها هتناسب سواق
يونس بغضب وهو بيمسك ايد شهد بعن*ف / اخررسي ،،انتي تستاهلي اللي حصلك ولو لف الزمن ورجع بيا تاني صدقيني هعمل اللي عملته تاني ،،عشان مش انا اللي اتخدع من واحدة زيك
شهد بدموع/ سيب ايدي انت بتو*جعني
يونس انتبه لنفسه فبعد بسرعة وبص لايد شهد اللي علمت من ايده ولع*ن غباؤه وبصلها بندم فبصتله هي بحزن
شهد بحزن/ اطلع برة يا يونس ،، انا لو وافقت علي موضوع جوازنا فده عشان خاطر حازم وفرح اللي ميستاهلوش ان حياتهم تد*مر بسببي لكن انت ،،انا مش مسامحاك يا يونس انت فاهم ؟ مش مسامحاك
يونس قبض علي ايديه بغضب وساب شهد وخرج ووقتها شهد عيطت بحرقة لان يونس مصمم انه يدوس علي جر*حها من تاني بس رجعت انتبهت وبان علي ملامحها الاستغراب لما افتكرت جملته ليها لما قالها مش انا اللي اتخدع فكانت بتسأل نفسها هو كان يقصد ايه بكلامه؟
بليل كانت نازلة عالسلم شهد بعد ما بعتتلها نبيلة عشان يتعشو فنزلت شهد بس كان الجو هادي ومفيش صوت خالص وفجأة اتصدمت شهد لما شافت ....