رواية اتفاقية زواج الفصل الاخير بقلم اسراء ابراهيم
اتفاجأت شهد بالسفرة متزينة بشمع وورد وللحظة تخيلت ان يونس اللي عمل كدة عشانها بس خاب املها لما سمعت صوته من وراها
يونس بسخرية/ اكيد نبيلة اللي عملت كدة ،، ماهي فاكرة اننا عرسان جداد بقي
شهد بصت ليونس بحزن وسابته كانت هتطلع تاني بس وهي معدية من جمبه مسك ايديها فبصتله باستغراب
يونس بوجع/ ليه ؟ سؤال بسأله لنفسي سنين من وقت ما بعدتي ،،ليه تعملي كدة معايا ،،ده انا كنت مستعد اعمل المستحيل عشانك ،، كنت متخيل ان حياتنا هتبقي شبه قصص الافلام بس انتي فوقتيني علي واقع مر اوي
شهد كانت مصدومة وهي بتسمع يونس ومش فاهمة حاجة من كلامه غير انها جر*حته بطريقة هي متعرفهاش.
شهد بهدوء/ يونس انا مش فاهمة حاجة ،، انت تقصد ايه ؟ وايه اللي انا عملته
يونس بغضب / انتي لسة مصممة تنكري ،، ده انا سمعتك بودني وانتي بتتفقي مع ابوكي عليا ،، سمعتك وانتي في شركتي و بتقوليله انها جوازة مصلحة مش اكتر ،، وانك لو هتفكري تتجوزي يبقي واحد تحسي معاه بالامان مش شوال فلوس وخلاص
شهد بصدمة / انت بتقول ايه ؟ انت بجد كنت متخيل اني بتكلم عليك،، استني لحظة ،،انت عملت كل ده وكلامك ليا وقتها لما كسر*تني واتخليت عني ،،كان كل ده عشان تنتقم مني يا يونس ؟ للدرجادي انت مكنتش واثق فيا وفي حبي ليك ؟ دلوقتي فهمت كل حاجة ؟ يا خسارة يا يونس يا الف خسارة
يونس مكنش فاهم حاجة ،،طريقة كلام شهد خلته يبقي محتار ومش عارف ليه مصدقها وخصوصا لما اتفاجئ بيها بتسحبه من ايديه وبتاخده وراها فوق في اوضتها ويونس كان مطاوعها مش عارف ليه واول ما دخلو مسكت شهد الفون واتصلت بحازم وفتحت الاسبيكر وبدأت تتكلم وعنيها في عيون يونس
شهد بجمود/ حازم كنت عاوزة اسألك علي حاجة ،،فاكر العريس الخليجي اللي جالي في نفس الوقت لما كنت خلاص هرتبط من كام سنة
حازم باستغراب / اه يا شهد فاكر ،، لما بابا الله يرحمه خيرك بينه وبين الشخص اللي كنتي هتتجوزيه وانتي وقتها قولتي انه بس شوال فلوس وانك مرتاحة للشخص التاني ده ووقتها بابا كلم الراجل واعتذرله وبلغه رفضك
شهد بصوت حاولت تبينه طبيعي / تمام يا حازم ،،اصلي كنت بحكي ليونس ومكنش مصدقني فقولت اشهدك اصله فاكر ان هو بس اللي اتقدملي وقتها
حلزم بضحك/ ربنا يسعدكم انتي فعلا تستاهلي كل خير يا حبيبتي وبعدين كفايا انه يعرف انك فضلتي عايشة علي ذكراه طول السنين دي
شهد بدموع/ عندك حق ،،سلام يا حازم
قفلت شهد الخط وهي باصة ليونس والدموع بتنزل منها ووقتها كان يونس مصدوم ومش متخيل انه فهم غلط وان اللي قالتهوله السكرتيرة بتاعته وبلغته بيه كان كدب
شهد بقهرة/ عرفت انت بالنسبالي كنت انهي واحد من اللي كنت بتكلم عنهم يا يونس
يونس بندم وهو بيقرب من شهد/ شهد انا اسف بس اعذريني ،،انا بجد وقتها كنت مجروح ومش متخيل انك شايفاني كدة ،،صدقيني انا هحاسب اللي كان السبب
شهد بغضب وهي بتبعد / لو حد عاوز يتحاسب فهو انت ،، عشان موثقتش فيا ووثقت في كلام ناس اغراب ،،بس تعرف كويس ان ده حصل عشان ربنا عرفني انك متستاهلنيش يا يونس
يونس بندم / شهد انا اسف انا
شهد بدموع / اطلع برررة
كانت بتقولها شهد بانهيار خلي يونس يسيبها ويمشي فعلا عشان متنهارش اكتر وتتعب منه فسابها وخرج والندم بياكل في قلبه
....................................
بعد يومين كانت قاعدة شهد سرحانة علي سريرها بتعيد كل كلام يونس ليها وهي مش متخيلة انه فعلا انتقم منها عشان افتكر انها بتضحك عليه ،،انتبهت لصوت خب*ط الباب ودخول نبيلة فحاولت تبتسم وهي بتقوم تسلم عليها
نبيلة بابتسامة/ ايه بقي يا ست شهد هتفضلي عاملة عروسة كتير ،، انا زهقانة وقولت انتي هتيجي تسليني وتملي عليا البيت وبصراحة كدة عاوزة ده يحصل بسرعة
شهد بابتسامة/ اكيد طبعا ،، معلش انا بس كنت تعبانة شوية ،، يلا بينا ننزل تحت
نبيلة بصدمة/ ايه ده انتي هتنزلي كدة؟
شهد باستغراب/ ايوة وفيها ايه ما مقفل اهو
نبيلة بسخرية/ ماهي دي المصيبة ،،يا بنتي انتي عروسة ازاي قاعدالي بطرحة بس ،، تعالي انا هطلعلك فستان علي زوقي ،، ده يونس جابلك شوية هدوم ايه حلوين اوي
شهد بصدمة/ ايه لا ،، مش هينفع اصلي هتكسف و
نبيلة بمقاطعة/ نعم يا حبيبتي ،،ده جوزك ومفيش حد تحت غيرنا يعني تقعدي براحتك ،، يلا بس تعالي عشان يونس زمانه مستنينا عالسفرة
اتحرجت شهد ومقدرتش تعترض وطاوعت نبيلة اللي اختارت ليها فستان حلو اوي لكنه مجسم عليها وكمان سيبت ليها شعرها فكانت شهد قمر اوي ومكسوفة اوي اوي ومش عارفة هتنزل تحت قدام يونس كدة ازاي وفعلا خلصت نبيلة واخدت شهد
ونزلو سوا
.........................................
كان قاعد يونس عالسفرة بيفكر ازاي يصلح علاقته بشهد بعد اللي حصل وازاي كان غ*بي وبسبب غباءه ضيعها من ايديه ،، انتبه يونس لصوت جرس الباب فقام يفتح واتفاجأ بمهاب ابن عمه واقف قدامه
مهاب بابتسامة/ ايه ده؟ ده انا حماتي بتحبني بقي عشان اجي الاقي اكل ده انا هجيلكم كل يوم
يونس بضحك/ من يومك وانت مفجوع
مهاب بتلقائية وهو بيقرب يقعد عالسفرة / مش مهم المهم اجي الاقي اكل
كان يونس هيتكلم بس فجأة عنيه اتثبت علي شهد اللي كانت نازلة عالسلم فبلع ريقه بتوتر وهو مبهور بجمالها اللي خط*ف قلبه وبعدين انتبه لنفسه فراح بسرعة وقرب منها واتفاجأت بيه شهد بيسحبها من ايديها وراه وبيرجعو تاني للاوضة وبيقفل يونس الباب
شهد بغضب / ايه اللي انت عملته ده ،،انت اتجننت ،،ازاي تسحبني وراك كدة
يونس بتوهان وهو مركز في عنيها / يعني عاوزاني اسيبك تنزلي بالشكل ده وفي راجل غريب تحت ؟
شهد بخجل / يا خبر ،،انا مكتتش اعرف ان في حد تحت ،،نبيلة قالتلي ان مفيش حد
يونس باندفاع/ هو انتي ازاي قمر اوي كدة سبحان الخالق
شهد بخجل وهي بتحاول ترسم الجدية / لو سمحت عيب كدة واتفضل بقي اطلع برة
يونس بخبث وهو بيقرب علي شهد/ اطلع برة انتي مراتي ولا نسيتي
شهد بخوف وخجل / يونس لو سمحت بلاش كدة واطلع برة
يونس بخبث / بلاش ايه بقي ؟
شهد بتوتر / اقصد كلامك ده ،، اتفضل اخرج برة
يونس بتنهيدة/ لما تديني فرصة اصلح اللي بينا يا شهد ،،ارجوكي تعذريني ،، انا لو مكنتش بعشقك مكنتش اتو*جعت منك ،،كنتي عاوزاني اعمل ايه بس بعد اللي حصل
شهد بحزن/ تواجهني ،، ابسط حقوقي اني ادافع عن نفسي يا يونس لكن انت عملت قاضي وحكمت عليا من غير حتي ما اعرف تُهمِتي ايه ،، اربع سنين عدو عليا كأنهم قرون وكل ده بسبب سوء تفاهم حصل ،، اسفة يا يونس بس دلوقتي انا اللي بقولك لا وفترة وهطلقني انت فاهم
يونس قلبه و*جعه اول ما شهد نطقت كلمة طلاق ولع*ن غباءه اللي خلاه يمشي ورا اوهام ويضيعها من ايديه واللي و*جعه اكتر انها رافضة حتي تديله فرصة عشان كدة سابها وخرج من الاوضة وهي اتنهدت بحزن ومبقتش عارفة احساسها فعلا ايه ناحيته وهل فعلا بتكر*هه ولا لسة بتحبه ولا و*جعها منه هو اللي مخليها مش قادرة تقرر
............................................
تاني يوم كان قاعد يونس في مكتبه وبيراجع اوراق قدامه وبعدين سابهم بغضب وهو بينفخ وده لانه مش قادر يركز ولان شهد شاغلة باله لابعد حد،، انتبه يونس لتليفونه اللي بيرن فرد بسرعة
يونس باستغراب / ايه يا شباب في حاجة ولا ايه ؟
قفل يونس الخط وهو علي وشه الغضب وبسرعة اخد مفاتيح عربيته وموبايله وخرج ركب عربيته وراح لمول معين ونزل منه بغضب ودخل وهو بيدور بعنيه علي شهد وفجأة قبض علي ايديه بغضب وهو شايفها واقفة مع شاب وبتبتسم ليه وبيشاورلها علي مكان معين ،، يونس وقتها عنيه احمرت من الغضب وقرب من شهد اللي اتفاجأت بيه بيسحبها من ايديها وراه بعيد عن الشاب
شهد بغضب / انت ايه اللي بتعمله ده سيب ايدي
يونس بغضب / مسمعش صوتك يا شهد لحد ما نروح انتي فاهمة
الشاب بقلق / في حاجة يا انسة ،،الشاب ده بيضايقك
يونس بغضب / لو فكرت توجهلها كلام تاني هيكون اخر يوم في عمرك
شهد بغضب / انت علطول همجي كدة ،، ايه مفكر نفسك الوحيد اللي عنده عضلات ،، ما اهو قدامك عنده عضلات برضه وممكن يوريك
شهد متعرفش ان بسبب كلامها يونس اتجنن اكتر فبصلها بصة خرستها وخليتها بصت للشاب بتوتر
شهد بخوف / مفيش حاجة يا حضرت شكرا ده سوء تفاهم
الشاب بجدية/ لو ضايقك قوليلي بس
يونس بص لشهد بغضب وبعدين لقته بيحاوطها بايديه وهو بيبص للشاب وبيرد بتحذير / دي مراتي ولو فكرت تقول كلمه ذيادة صدقني هزعلك ،، يلا غور من هنا
الشاب اتحرج وخاف وبص ليونس بتوتر ومشي ووقتها يونس بص لشهد بغضب
يونس بحد*ة/ انتي ازاي تخرجي من غير ما تقوليلي ؟ فاكرة نفسك حُرة ؟
شهد بقوة/ ايوة حُرة واخرج براحتي ،، وبعدين انت اصلا عرفت منين ؟من نبيلة مش كدة؟
يونس بغيظ/ ملكيش دعوة عرفت منين ولو الموضوع ده اتكرر يا شهد هزعلك وصدقيني هتلاقيني واحد تاني غير يونس اللي انتي عارفاه
شهد بعند/ تصدق كدة خوفت ،، انت اصلا بوء عالفاضي ولا تقدر تعمل حاجة ،، وانا بقي مبخدش اذن حد ويلا بقي هوينا وشوف رايح فين
يونس بصدمة/ كمان هوينا ؟ ده انتي نهارك مش فايت ،، طب لو ممشتيش دلوقتي قدامي يا شهد هثبتلك اني مش بوء وهشيلك زي شوال البطاطس قدام الناس واخلي منظرك زي الزفت
شهد خافت من تهد*يد يونس فردت بتزمر / يووه بقي ،، طب انا في حجات عاوزاها ضروري يا يونس
ابتسم يونس ابتسامة جانبية ورد بجدية مصطنعة/ احم ،، طب اتفضلي قدامي فالحة بس تعملي شبح من دقيقتين
اخد يونس شهد وبدأ يلف معاها تشتري طلباتها وطول الوقت كان حنين اوي عليها وده كان مخلي شهد فرحانة اوي وحاسة بالامان اوي
شهد بتلقائية/ يونس ،،ايه رأيك في الطقم ده حلو ؟
يونس بتفكير / هو حلو بس عشان انتي اللي هتلبسيه ،، يلا ادخلي قيسيه
اتكسفت شهد وفرحت اوي بكلام يونس واخدت الطقم ودخلت تقيسه وشوية وخرجت ولسة هتتكلم شافت بنت واقفة مع يونس فالنا*ر قادت في قلبها وبصتلهم بغيظ وخصوصا وهي شايفة البنت بتدلع علي يونس فلقت نفسها بتقرب منهم بسرعة وبتتصرف بتلقائية لما حاوطت وسط يونس بايديها وهي بتتكلم بدلع
شهد بدلع/ حبيبي ،، ايه رأيك في الطقم عليا بزمتك مش حلو
يونس بصدمة من اللي شهد عملته/ ها ،، ااه طبعا يجنن عليكي
شهد بدلع وهي بتلمس دقن يونس/ طبعا حلو مش جوزي حبيبي اللي منقيه برضه ،، اممم صحيح متعرفناش ،،مين دي يا يونس
يونس باستمتاع بغيرة شهد / دي بسمة وتبقي صديقة ليا ايام الجامعة ولسة مقابلها هنا بالصدفة
شهد بابتسامة باردة/ اهلا
بسمة بلا مبالاه/ اهلا ،، صحيح يا يونس انت لسة زي عادتك تشرب القهوة بلبن الصبح بس ،، فاكر ايام ما كنت بتقنعني اجربها
شهد بغيظ/ لا يا روحي هو خلاص منع القهوة عشان انا طلبت منه كدة لانه بيحبني اوي وبيخاف علي زعلي ،،مش كدة يا يونس يا حبيبي
يونس بتوهان وهو بيضم شهد ليه / صح يا قلب يونس ،، اصلا دي كانت ايام الجامعة وخلاص بقي راحت لحالها
شهد بانتصار / وانتي بقي يا حبيبتي اتجوزتي ولا لسة لحد سنك ده من غير جواز
بسمة بصت لشهد بغضب وسابتها ومشيت ويونس كان مصدوم من اللي قالته شهد
يونس بصدمة/ شهد انتي احرجتيها عيب كدة
شهد بغضب وهي بتبعد عن يونس/ وانت صعبان عليك زعلها ،،خلاص روح صالحها يا حبيبي
قالت شهد كلامها وسابت يونس ودخلت تاني البروڤا ويونس كان مصدوم من اللي هي عملته وابتسم بسعادة لانه اتأكد انها لسة بتحبه من غيرتها عليه
............................................
كانت ماشيه شهد وهي زعلانة من يونس وهو حاول يصالحها كتير بس هي معاقباه ومش بترد عليه
يونس باستمتاع / هتفضلي زعلانة كدة كتير ،،انا بقالي سنة بصالحك وقولتلك انها متفرقش معايا اصلا عشان اعمل علي زعلها
شهد بغيظ/ اه واضح بأمارة ليه كدة يا شهد نينينيني
يونس بضحك/ انتي بجد مشكلة ،، بس تصدقي مكنتش اعرف انك بتغيري عليا اوي كدة
شهد بتوتر / اانا بغير ،، لا طبعا ،، اصلا انت هتطلقني يا يونس وده اتفاقي معاك ،،اظن انت خلاص اتأكدت اني مش في نيتي اذي لبنت اختك وعرفت الحقيقة كلها ،، لو سمحت تطلقني بهدوء
يونس اتنهد بحزن وخيبة امل / تمام يا شهد ،، خليكي هنا علي ما اجيب العربية انا راكنها هناك
مشي يونس بحزن وهو مش مركز وكان هيعدي الطريق وفي نفس الوقت كانت في عربية جاية سريع فكانت هتخبطه واللي شافتها شهد فجريت علي يونس بسرعة وشدته عليها وهي بتصوت وبتنادي اسمه بلهفة
شهد بدموع وخوف هستيري/ يونس انت كويس ،،يونس اتكلم ، فيك حاجه ،، العربية لمستك
يونس بحنية وهو مبتسم/ شهد اهدي ،، حبيبتي انا كويس متخافيش
شهد كانت بتعيط وعنيها في عيون يونس وفجأة زعقت فيه بغضب / انت اتجننت عاوز تموت نفسك ،،انت اناني ليه ،،كان ممكن تموت
يونس بهدوء/ خوفتي عليا يا شهد ؟
شهد بعياط/ انا كان ممكن يجرالي حاجة انت مش فاهم اي حاجة يا يونس
يونس بحنية وهو بيمسح دموعها/ فاهم يا قلب يونس ،، شهد انا جمبك حتي لو رفضتيني الف مرة ،،انا مش هسيبك
شهد بابتسامة/ وانا مش هرفضك الف مرة يا يونس كفايا عليا مرة واحدة وكنت هندم عليها عمري كله
يونس بتنهيدة وهو بيحضن وش شهد بايديه/ يعني افهم من كدة انك سامحتيني
شهد بابتسامة / انا من وقت ما شوفتك يوم فرح حازم وانا اكتشفت انك مفارقتش روحي اصلا يا يونس
يونس بعشق وهو بيضم شهد ليه/ اوعدك احافظ عليكي بقلبي يا شهد بس متفارقنيش تاني
تمت بحمد الله