رواية طفلتي الناضجة الفصل الأخير بقلم اسراء ابراهيم
لما توازن رهف اختل وكانت هتقع والطبق وقع من ايديها فلحقها خالد بسرعة وحاوطها بايديه فبصتله رهف بتعب واغمي عليها ووقتها خالد قلبه اتقبض عليها وشالها بسرعة ودخلها اوضتها ونيمها علي سريرها وحاول يفوقها وبعد شوية فعلا فاقت فقرب منها خالد بلهفة / رهف انتي كويسة ؟ حاسة بايه ؟
رهف بتعب وهي بتحاول تتعدل / انا كويسة ،، هو بس شوية دوخة بسيطة ،، ممكن تكلملي ملك ؟ انا عاوزاها
خالد بقلق وهو بيقعد جمب رهف / طب شوفي محتاجة ايه وانا معاكي
رهف برفض وهي بتبعد عن خالد بتوتر / شكرا بس انا عاوزة اكلم ملك
اتنهد خالد بضيق وبعدين طلع تليفونه واتصل علي ملك وادي رهف التليفون وفضل متابعها بعنيه وهي بتتكلم
ملك بلهفة اول ما سمعت صوت رهف/ رهف وحشتيني عاملة ايه ،، ايوة بقي يا بختك مين قدك
رهف بتعب وهي بتبتسم غصب عنها/ انتي كمان وحشتيني اوي يا ملك
ملك بقلق بعد ما سمعت صوت رهف / مالك يا رهف انتي تعبانة ؟ فيكي ايه طمنيني
رهف بهدوء وهي بتحاول توطي صوتها بس وصل لودن خالد/ متخافيش انا كويسة بس لو ممكن تجيبيلي البخاخة بتاعتي احسن نسيت احطها في شنطة هدومي
ملك بسرعة وهي بقوم من مكانها/ يا خبر ،،ازاي تفوتني حاجة زي دي ،،طيب يا حبيبتي متقلقيش مسافة السكة يلا سلام
قفلت رهف الفون واديته لخالد اللي اتكلم بجدية/ بخاخة ايه دي ؟ وليه مقولتليش ؟
رهف بجمود وهي بتبص بعيد عن خالد/ اعتقد ده شيئ يخصني واقولك عليه لو انت يهمك امري او نكون مرتبطين بجد لكن احنا مش كدة فاعتقد ملوش لزوم تعرف عني حاجة
خالد اتنهد بغضب ورد بنفاد صبر / قولي يا رهف اسم البخاخة بتاعتك عشان انا صبري قرب ينفد
خافت رهف من نبرة صوت خالد فقالتله علي اسم العلاج وسابها هو وخرج بسرعة يجيبه ليها وكانت متابعاه هي بحزن
...............................
عدي اسبوعين كانت فيهم رهف بتحاول تكون بعيدة عن خالد يدوب بتحضر ليه اكله وحاجته لكن مفيش اختلاط بينهم ولو هو حاول يتكلم معاها كانت بتصده وده خلاه يبعد اكتر ،، كانت لابسة وشايلة شنطتها وخارجة من اوضتها بسرعة وقابلت خالد عند باب الشقة
خالد برفعة حاجب بصلها من فوق لتحت/ حضرتك لابسة ورايحة فين كدة عالصبح وكمان من غير ما تقوليلي ؟
رهف بجدية وهي بتعدل شنطتها بتوتر / انا رايحة جامعتي وبعدين اقولك ليه ؟ احنا اتفقنا اننا جيران مش اكتر ،، يعني كل واحد حر في حياته
خالد اتعصب وقرب من رهف فخافت من نظرته الحادة ورجعت خطوة لورا بخوف فقالها بغضب مكتوم /لو مبطلتيش الهبل اللي عمالة تقوليه ده وحكاية اننا جيران وكل واحد حر وتصرفاتك الغبية التافهة دي انا هيبقالي تصرف مش هيعجبك ،، احنا اتجوزنا بصرف النظر عن اي حاجة يعني انتي دلوقتي مراتي يعني مكتوبة علي اسمي حتي لو كان غصب عنك فتحترمي ده وبعد كدة متتصرفيش في اي حاجة الا لما ترجعيلي ،، فااااهمة ؟
رهف بخوف من نبرة صوت خالد / فااهمة
خالد بجدية وهو بيشاورلها تمشي / اتفضلي قدامي عشان اوصلك ولما تخلصي ترني عليا هاجي اجيبك واياكي كلامي ميتنفذش يا رهف
رهف بخوف وهي بتمشي قدامه/ حاضر
.................................
عند الجامعة كان واقف خالد مستني رهف بعد ما رنت عليه وشافها بعد ما وصل بدقايق وهي خارجة من الجامعة مع اتنين من صحباتها بس فجأة وقفت لما سمعت شاب بينده عليها واتعصب خالد اوي لما شافها واقفة بتكلمه وبتبتسم ليه فقرب منهم بغضب ولما شافته رهف بصت لاحمد زميلها بتوتر ورجعت بصت لخالد اللي وقف قدامهم
احمد باستغراب وهو بيشاور علي خالد / مين حضرتك ؟ تعرفيه ده يا رهف؟
رهف بصت لخالد شوية ورجعت بصت للشاب وردت بهدوء / ده ابن عمي يا احمد
اتعصب خالد من رد رهف وانها انكرت ومرضيتش تقول لزميلها انه جوزها وانها للدجادي رافضة وجوده في حياتها فلقي نفسه بيتكلم باندفاع وهو بيمسك ايد رهف وبيسحبها لحضنه / ابن عمها وجوزها كمان ولا ايه يا حبيبتي ؟
اتصدمت رهف وبصت لخالد بصدمة واستغراب وضيق منه لانه حطها في موقف زي ده اما خالد ففهم نظراتها ليه واتجاهلها بس اللي شغله اكتر وخلي النا*ر تقيد في قلبه انه شاف الحزن والخزلان في عيون احمد اللي كانت مركزه علي رهف فشد خالد رهف من ايديها واخدها ومشيو بسرعة وهو جواه بركان ثائر
.............................
دخل خالد البيت وهو ماسك رهف من ايديها وبعدين سابها وفضل يلف حوالين نفسه وهو هيتجنن وكانت متابعاه رهف بخوف لحد ما لقيته بيقرب منها وعنيه حمرا من الغضب / انتي ايه اللي بينك و بين الواد ده ؟ انطقي
رهف بصدمة وهي باصة لخالد / انت بتقول ايه ،، ايه اللي هيكون بيني وبينه ،، انت تقصد ايه ؟
اتكلم خالد بغضب وصوت قوي وهو بيخب*ط بايديه عالحيطة اللي جمب رهف / انتي هتستعبطي ،، علي اساس انك مشوفتيش كان بيبصلك ازاي ونظراته ليكي لما عرف انك اتجوزتي اومال كدبتي ليه لما سألك عني ومرضتيش تقولي اني جوزك ،،كنتي خايفة علي مشاعره ولا عاملة حسابك انك كدة كدة هتطلقي وتروحيله
رهف بدموع وصدمة من كلام خالد اللي وجعها / اخرررس ،، انت اتجننت ،،ايه اللي بتقوله ده ،،ازاي تفكر فيا كدة وحتي يا خالد لو دي الحقيقة فانت ملكش حق انك تحاسبني ولا انا مجبرة اني ابررلك بس انا هقولك عشان اثبتلك انك مريض يا خالد
خالد بغضب وهو بيرجع لورا وبيربع ايديه / اتفضلي اتكلمي
مسحت رهف دموعها وبصت لخالد بقوة وهي بتتكلم / احمد زميلي في الكلية وبالنسبالي مش اكتر من كدة رغم اني عارفة من زمان ان في مشاعر من ناحيته ليا لكن انا عمري ما فكرت فيه لسبب يخصني انا وبس اما بخصوص اني مرضيتش اقول انك جوزي فده كان بناء علي رغبة حضرتك
خالد بهدوء وهو بيشاور علي نفسه/ انا ؟ ازاي ؟
رهف بسخرية وهي بتقعد قدام خالد / فاكر يوم ما نزلنا نجيب الفستان ،، فاكر وقتها انا كنت بتعامل معاك ازاي وانت كنت بتتعامل معايا ازاي ،،طب فاكر كلامك ليا وقتها يا خالد ،، كلامك اللي و*جعني وخلاني احس قد ايه كنت غب*ية لما وافقت اتجوزك ،، تحب افكرك قولتلي ايه ؟،، قولتلي انك لا يمكن هتوافق علي جوازك مني وانك دايما هتفضل تبصلي علي اني الطفلة الصغيرة اللي اتجبرت تتجوزها ،، وانا عشان احترمت كلامك ده ورغبتك ،،بعدت عنك وعن اي حاجة تخصك ،، حتي انهاردة رفضت اقول انك جوزي عشان متحسش انك ارتبطت بيا اكتر واني بربطك بيا ذيادة وعشان وقت ما تحب اننا ننفصل يبقي بهدوء
خالد كان بيسمع رهف وفي نفس الوقت بيفتكر كلامه ليها في العربية قبل ما يتجوزو ،، وانه فعلا هو اللي عمل كل ده وحط حدود من الاول بينهم وهو برضه دلوقتي اللي بيحاول يشيل الحدود دي ومن غير ما يحس
رهف بحزن قبل ما تسيب خالد وتدخل اوضتها / اعتقد دلوقتي فهمت الحقيقة واتأكدت اني مفيش حاجة بيني وبين احمد زميلي ودلوقتي لو سمحت حياتي انت ملكش دخل بيها ودي اول واخر مرة هتوصلني او تحاول تتدخل في حياتي باي شكل
خلصت رهف كلامها وسابت خالد ودخلت اوضتها ووقتها خالد نفخ بضيق وقعد يردد بعصبية / غب*ي ،،انت السبب يا غ*بي ،،انت اللي عملت كدة ولازم تصلح كل حاجة
...........................
تاني يوم الصبح كانت رهف خارجة من الشقة وهي معتقدة ان خالد مشي بس اتفاجأت بيه واقف تحت مستنيها واول ما شافته كشرت بضيق بس هو كان مبتسم عكس ما كان امبارح وقرب هو منها بسرعة
خالد بابتسامة وهو بيقرب من رهف / صباح الخير يا رهف ،، انا كنت عاوز اعتذرلك عن اللي حصل مني امبارح وعن تصرفي الوحش معاكي
رهف بهدوء وشبح ابتسامة علي وشها/ حصل خير ،،بعد اذنك
خالد وهو بيلحق رهف وبيقف قدامها / لا ما هو كدة هحس انك برضه لسة زعلانة وانتي لازم تثبتيلي انك مش زعلانة ،،زي مثلا انك توافقي تخرجي معايا انهاردة ونقضي اليوم سوا
رهف ابتسمت بتلقائية اول ما خالد قال كدة ورددت باستغراب/ طب والكلية ؟
خالد بحماس وهو بيمسك ايد رهف وبيسحبها وراه للعربية / يا ستي اعتبري انهاردة اجازة زي ما انا اعتبرته اجازة من شغلي ،، يلا اركبي هنروح كافيه الاول نفطر وبعدين نخرج سوا
رهف كانت فرحانة اوي من جواها وتقريبا نسيت اللي حصل امبارح من خالد بمجرد انه بيحاول يعوضها عن اللي عمله ،،اخدها خالد وراحو كافيه كبير وقعدو هناك يفطرو سوا وشوية وجه الويتر عشان يسألهم يشربو ايه فرد خالد بابتسامة / ممكن عصير فراولة لو سمحت
استغربت رهف وردت بتلقائية من غير ما تحس / بس انت مش بتحب الفراولة اصلا يا خالد طلبت عصير فراولة ليه ؟
اتفاجئ خالد وسأل بتلقائية وهو بيبص لرهف/ وانتي عرفتي منين اني مش بحبها ؟
اتوترت رهف وهربت بعيد بعنيها وهي بتلع"ن غبا*ءها اللي خلاها تتصرف باندفاع ومكنتش عارفة ترد تقول ايه علي خالد اللي بيبصلها ومستني منها اجابة
رهف بتردد وهي بتقوم من مكانها/ انا هروح الحمام ،، بعد اذنك
مشيت رهف بسرعة وكان متابعها خالد باستغراب وشك وهو حاسس انها بتهرب من سؤاله ليها
......................... ....
خلص اليوم وكانو راجعين رهف وخالد اللي كان في قمة سعادته بالوقت اللي قضاه معاها وروحو البيت وهما فرحانين وملحقش خالد يغير هدومه لما جرس الباب ضر*ب فراح يشوف مين واتفاجئ بخاله كامل ومعاه ملك بنته
خالد بفرحة وهو بيحضن كامل/ ايه المفاجئة الحلوة دي بس يا خالي كانت فين من بدري
كامل بفرحة وهو بيحضن خالد/ هي جت في وقتها يا خالد ،،اومال فين حبيبة قلب عمها ؟
رهف وهي بتجري علي كامل بعد ما سمعت صوته/ عمو كامل وحشتني اوي اوي
كامل بحب وهو بيطبطب علي ضهر رهف / انتي اكتر يا حبيبة عمو ،،طمنيني الواد ده عامل معاكي ايه
رهف بابتسامة وهي بتبص لخالد / خالد احسن راجل في الدنيا يا عمو ،، وانا سعيدة معاه
ابتسم خالد بتلقائية وهو عنيه مركزه في عيون رهف وكان وقتها عنده احساس انه نفسه يروح ياخدها في حض*نه وميخرجهاش منه ابدا
ملك بغمزة وهي بتشد رهف من ايديها / احم احم ،، نحن هنا يا ست رهف
رهف بخجل وهي بتنتبه لنفسها / احم يلا يا ملك نعمل الغدا
دخلت ملك ورهف سوا المطبخ تحت نظرات خالد لرهف وهو متابعها بعنيه وكل ده كان شايفه كامل اللي كان بيبص لخالد بغموض / انا جاي انهاردة يا خالد مخصوص عشانك
خالد باستغراب وهو بيقعد قدام كامل/ خير يا خالي ،،اتفضل انا سامع حضرتك
اتكلم كامل بقصد وهو بيبص لخالد باستكشاف/ انا بصراحة فكرت كتير يابني في كلامك اللي قولتهولي قبل ما تتجوز رهف واحساس الذنب كان ملازمني لاني اجبرتك علي الجوازة دي وانت مهما كان ابن اختي برضه وانا يهمني سعادتك ،،عشان كدة جايلك انهاردة وبقولك طلق رهف وانا كدة كدة مش هسيبها دي بنت اخويا وانا هجوزها لواحد يصونها وهبقي مطمن عليها برضه
قاطعه خالد باندفاع وهو بيقوم بضيق لمجرد انه تخيل ان ممكن رهف تكون لراجل تاني / لو سمحت يا خالي ،،رهف مراتي وانا مش هسيبها مهما حصل ،، حضرتك انا مقدر مشاعرك واهتمامك بس رهف ليا مش لحد تاني
كامل ابتسم براحة وبعدين ضحك بصوت عالي وهو بيبص لخالد /الحمد لله انا كدة اطمنت يا خالد ،،انا اصلا جاي عشان اعرف حقيقة شعورك ناحية رهف ودلوقتي اتأكدت من ظنوني
خالد ابتسم براحة وباس ايد كامل وهو بيردد بحب / ربنا يخليك لينا يا خالي
................................
بليل كان خالد رايح جاي في اوضته بتوتر وكان بيفكر ازاي يتكلم مع رهف ويصارحها بمشاعره وخصوصا انه مش عارف رد فعلها ايه ،، فجأة نفخ بضيق وخرج بسرعة راحلها وقبل ما يخب*ط علي باب اوضتها سمعها بتتكلم مع ملك
وبتقولها بحزن/ خايفة يا ملك ،، خايفة يكون احساسي ان خالد حبني غلط ،، خايفة اعيش تاني في وهم حبه وافوق علي كابوس زي ما حصل قبل جوازنا ،، ايه اقوله ،،لا طبعا ،،افرضي طلعت كنت موهومة هبصله ازاي ساعتها ،، انا لو بايدي كنت وقفت قدامه وقولتله اني عمري ما اتمنيت راجل غيره واني كنت بدعي ربنا دايما انه يكون من نصيبي ويحبني قد الحب اللي حبتهوله
ابتسم خالد بتلقائية وفتح باب الاوضة مرة واحدة فقامت رهف بتوتر وهي بصاله وشايفاه بيقرب عليها لحد ما وقف قدامها وفضلو يبصو لبعض شوية وبعدين فاجئها خالد وهو بيقرب منها وبيشيلها فقلبها دق اوي
رهف بخجل وهي بتبص لخالد بصدمة / خالد انت بتعمل ايه؟ ،،نزلني لو سمحت
خالد بعشق وهو بيحرك راسه برفض / لا يا رهف ،،مش هنزلك الا لما تقوليلي كنتي بتحبيني من امتي
رهف اتكسفت وعرفت انه سمعها وهي بتتكلم مع ملك فردت بخجل / خالد انا انا
خالد باندفاع وهو مركز في عيونها / انا بحبك يا رهف ،،كنت جاي وخايف ترفضي حبي بس بقيت اسعد راجل في الدنيا لما عرفت انك انتي كمان بتحبيني وقبل ما انا احبك
رهف بخجل وقلبها بيدق بع*نف / بجد يا خالد ؟ انت متأكد من مشاعرك
خالد بتنهيدة وهو بينزل رهف بين ايديه/ انا عمري ما كنت متأكد من حاجة في حياتي قد ما انا متأكد اني بحبك يا رهف وهكون اسعد راجل في الكون لو وافقتي تكملي حياتك معايا
رهف ابتسمت بخجل وحركت راسها بايجابية / موافقة يا خالد عشان بحبك ،، زي ما انت كدة بحبك ومش فارق معايا اي حاجة تاني زي موضوع السن ده اللي قولتهولي قبل كدة انا المهم انك بتحبني زي ما بحبك
تمت بحمد الله