رواية لعنة الحب الفصل الثالث3 والرابع4 بقلم سحر حسين عزت
يتقدم "نور" نحو الشاب الذي كان يطلب الرقص من "ملك" و قال
ممكن نتكلم مع بعض شويه
رد الشاب وقال
اتفضل
قال "نور"
لا مش هنا تعالي معايا بره مشوار صغير
ثم أمسكه من ذراعه وأخذه الي خارج القصر في طريق مظلم و فارغ من الكاميرات بجانب القصر ثم ضربه ضرب مبرح، ثم تركه ملقاه علي الارض مجروح و ينزف بعض من دماء و رجع الي الحفل و كأن لم يحدث شيئا، بينما كانت "ملك" تشعر بالسعادة و فرحه كبيره عندما رأى"نور" فرحت "ملك" كان يشعر هو أيضا بسعادة كبيرة، ظل ينظر إليها و يتأمل ابتسامتها الجميله حتي نظرت إليه "ملك" و عندما رأته تغير تعبير وجهها المبتسم الي وجه غاضب ثم ذهبت إليه و أخذته بعيدا عن الأنظار وقالت له ....
نور لو سمحت امشي انا مش مبسوطه بوجودك هنا لو سمحت امشي
يتحدث "نور" و هو ينظر إليها بابتسامة و يقول
انتي جميله قوي يا ملك انتي علي طول جميله بس النهارده جمالك مختلف عن كل مره شوفتك فيها
تتحدث "ملك" بغضب و تقول
انت مجنون انا بقولك امشي من هنا وانت بتقول ايه لو سمحت امشي بدل ما أقوالهم يطلعوك بره
يتحدث "نور" وهو مبتسم و يقول
من عيوني يا ملاكي انتي بس تؤمري .. انا ها مشي دلوقتي بس مش معنى كده انك خلصتي مني انا هفضل وراكي في اي حته سلام يا ملاكي .
ثم تركها "نور" و ذهب بينما ظلت "ملك" غاضبه طول وقت الحفل و كانت تشعر بالخوف و القلق، بعد الانتهاء من حفل صعدت "ملك" الي غرفتها و ذهبت مباشره الي فراشها ظلت تبكي خوفا مما قال "نور" لها شعرت بأنه أصبح مجنون بها وهذا الشعور يشعرها بالخوف وليس بالفرح، فجأة وهي تبكي جاء أحد يطرق علي باب غرفتها تحديث "ملك" و قالت
مين
تحدثت والدتها من خلف الباب وقالت
انا يا بنتي ممكن ادخل
قامت "ملك" و مسحت بيديها عيناها وقالت
اتفضلي يا ماما
تفتح والدتها الباب وتدخل ثم تقول
ايه يا حبيبتي انا جايه اطمن عليكي حسيت انك مكنتيش مبسوطه في الحفله في حاجه ضايقتك
عندما سمعت "ملك" كلام والدتها ألقت بنفسها بين احضانها و ظلت بكي بشده، احتضنتها والدتها و تحدثت وهي خائفه وتقول
خير يا بنتي في ايه مالك احكيلي مين اللي مزعلك
جلست "ملك" علي فراشها ثم تتحدث مع والدتها و تروي لها كل ما حدث معها وتقول لها كل ما قاله "نور" لها، شعرت الام بالخوف علي ابنتها كثيراً اخذت تطمن ابنتها و تقول
متخافيش يا حبيبتي احنا معاكي ومستحيل نسمح بأي حاجه تزعلك واي حد ها يحاول يقرب منك انا اللي ها قفله.
شعرت "ملك" بالاطمئنان عندما سمعت حديث والدتها و قالت
حبيبتي يا ماما بس انا بجد خايفه من نور و كل ما اشوفه بحس بتوتر كبير
تتحدث والدتها وتقول
احنا لزم نعرف والدك بالموضوع ده وهو ها يعرف يتصرف معاه متخافيش يا حبيبتي انا عايزاكي تطمني وانا ها تصرف انا و بوكي
حضنتها "ملك" وقالت
حاضر يا ماما
ابتسمت والدتها و قبلتها علي رأسها وقالت لها
يلا يا نور حياتي قومي غيري هدومك و نامي شويه وأن شاء الله كل حاجه ها تبقي تمام و زي الفل
تحدثت "ملك" وهي مبتسمه وقالت
حاضر يا ماما تصبحي علي خير
ثم تركتها والدتها وخرجت من الغرفه بينما وقفت "ملك" امام خزينه ملابسها لكي تخرج ملابس نومها ثم ذهبت الى المرحاض الخاص بها حتى تستحم و تجهز نفسها الى النوم، بعض لحظات خرجت "ملك" وهي ترتدي بجامه النوم ثم وقفت امام المراه لكي تمشط شعرها وعندما انتهت من ذلك ذهبت لكي تغلق النافذه حتى تذهب الى فراشها و تغفو في النوم، بينما "نور" كان يقف في الاسفل وينظر الى الاعلى في اتجاه النافذه الخاصه بغرفه "ملك" وعندما اغلقت الانوار ذهب بي دراجته الناريه، عندما سمعت "ملك" صوت الدراجه ذهبت مسرعاً الى النافذه وعندما نظرت الى الاسفل لم تجد احد ثم رجعت الى فراشها و غفوة بعمق، في صباح يوم التالي استيقظت "ملك" وهي نشطه اخرجت ملابسها من خزينتها ثم ارتدتها وذهبت الى الاسفل حتى تجد والدها و والدتها يجلسون على سفره الطعام يتناولون الافطار، القت عليهم التحيه و قبلتهم على رأسهم ثم جلست لكي تتناول الافطار معهم و هنا تحدث والدها وقال
ملك حبيبتي انا مش عايزك تخافي من اي حاجه طول ما انا معاكي انا ها حميكي من اي حاجه ومن اي حد
نظرت اليه "ملك" بابتسامه ثم نظرت الى والدتها وقالت
انا بجد بحمد ربنا انه رزقني بي عيله زيكم بس الفكره كلها ان نور زميلي ومش عايزه يتاذي بسببي
ابتسم والدها ثم قال
وانتي بنتي و مستحيل اسمح لاي حد ان يؤذيكي او يقرب منك حتى لو صديقك
ابتسمت له "ملك" ووضعت يداه على يديه وقالت
ربنا يخليك ليا يا بابا
ثم رفعت يديها عن يده وقالت
بس انا عايزه اعرف انت هتعمل معاه ايه
نظرا اليها والدها ثم الى والدتها وقال
مش هعمل حاجه انا هتكلم معاه الاول بالحسنى لو جه بالكلام يبقى كويس لو ما جاش بالكلام ساعتها اشوف انا هعمل معاه ايه
ابتسمت له "ملك" ثم نظرت امامها لكن شعرت ملك بالخوف من حديث والدها و لم تظهر هذا ، ثم تحدثت والدتها وقالت
متخافيش يا حبيبتي ابوك عمره ما ها يؤذيه هو بس ها يحذره ان يبعد عنك
نظره اليها ملك وحركت راسها حركه تدل على الموافقه ثم تناولت الافطار، و اثناء جلوسهم مع بعضهم البعض جاءت ظابط الشرطه لكي يخبرهم عن ما حدث مع هذا الشاب الذي كان متواجد في الحفله ليله امس، عندما سمعت "ملك" ما حدث معه شعرت بالخوف ثم ينتقل والدها بنظراته إليها والي والدتها وبعد ذلك اتجه ونظرته الى الظابط وقال ....
انا اسماعيل ناجي من اكبر رجال المستثمرين في مصر و امبارح كنت عامل حفله لبنتي و معرفش اي حاجه عن الكلام اللي حضرتك بتقوله الكلام ده حصل بره منزلي يبقى انا غير مسؤول تماما عن اللي حصل.
نظر اليه الظابط وقال
اكيد طبعا استاذ اسماعيل حضرتك معروف الفكره بس ان اللي حصل ده كان قريب جدا من منزلك والشخص المتضرر بيقول ان هو كان موجود في الحفله امبارح والشخص اللي ضربه كان برده موجود في الحفله امبارح.
نظره اليه "اسماعيل" نظره استغراب وقال
الشخص اللي المتضرر انا اعرفه ده ابن احد اصدقائي انما الشخص اللي ضربه انا معرفش اي حاجه عنه و كان في ناس كثيره موجوده في الحفله مش معزومين و اكيد طبعا زي ما حضرتك عارف ان حفله كبيره زي دي لشخص معروف زيي ممكن يكون فيها اعداء كثير عايزين يشوهوا سمعتي.
تحدث الظابط وقال
انا فاهم طبعا يا فندم بس يا ريت لو حضرتك او اي حد من العيله يعرف اي حاجه عن الشخص ده او عن اللي حصل امبارح يا ريت يبلغنا ضروري جدا.
تحدث "اسماعيل" وقال
اكيد طبعا يا فندم احنا مستحيل نشارك باي حاجه عن اللي حصل امبارح ده وانا اوعدك ان لو عرفت اي حاجه عن الشخص ده ها بلغك و بنفسي
القى ظابط عليهم التحيه واتجه نحو الباب لكي يخرج من القصر لكن توقف قبل ان يخرج ونظر الى الخلف بالتحديد اتجاه "ملك" وقال
انا اسف جدا بس يا ريت لو الاستاذه ملك تعرف اي حاجه عن اللي حصل امبارح ده يا ريت تتكلم.
نظره "اسماعيل" الى "ملك" ثم نظر الى الظابط وقال
يا فندم انا بنتي بعيده تماما عن اللي حصل امبارح وهي متعرفش اي حاجه عن الشخص ده وانا قلت لك اني لو عرفت اي حاجه عنه ها بلغ حضرتك
نظر اليه الظابط وقال
منتظر حضرتك السلام عليكم
ثم خرج الظابط من القصر وهنا نظره "اسماعيل" الى "ملك" وقال
هو ده الشخص اللي انتي كنت بتقولي عليه يا ملك
نظره "ملك" الى الارض ثم حركت راسها بنعم وكانت تشعر بخيبة امل كبيره وحزن شديد ثم اقترب منها والدها و وضع يده على راسها وقال
ارفع راسك يا ملك متخافيش يا حبيبتي انا ها اتصرف
رفعت "ملك" راسها ونظرت اليه وقالت
انا اسفه عملت لكم مشاكل وانتم مالكوش ذنب
اقتربت منها والدتها و وضعت يديها على كتفها و قالت
انتي بنتنا يعني اي حاجه تخصك تخصنا واي حد يضايقك كانه ضايقنا احنا
نظرا اليها والدها وقال
انا مش زعلان منك يا ملك ومش عايزك انت كمان تزعلي على الشخص ده
ثم تركهم وخرجه من المنزل ولم يعد حتى المساء وعندما عاد إلي المنزل وجد "ملك" تنتظره في غرفه المعيشه وعندما سالته.....
عملت ايه يا بابا مع نور
نظر اليها والدها و لم يرد عليها ابتسم لها وقال .....
اطلعي غرفتك يا ملك عشان ترتاحي
اخذها بين يديه وصعد الى الاعلى الى غرفتها و ادخلها ثم اغلق عليها الباب و ذهب الى غرفته، لم يتحدث معها على الاطلاق ظلت "ملك" تفكر ماذا حدث معه حتى صباح اليوم التالي وحينما رأته ادركت انه ......
❤️ بسم الله الرحمن الرحيم ❤️
لعنه الحب
بقلم سحر حسين عزت
الحلقه 4
في صباح اليوم التالي وحينما رأت "ملك" والدها ادركت انه ...... ليس بخير لأن علامات الغضب تملأ وجه "اسماعيل" و هو يجلس في غرفه المعيشه يشرب السيجار و يمسك في يده هاتف الخاص به، كان ينظر في هاتف و لم ينتبه بوجود "ملك" وعندما اقتربت منه لكي تطمئن عليه نظرت إليه و قالت
صباح الخير يا بابا
قال "اسماعيل" و هو ينظر في الهاتف
صباح النور
تحدثت "ملك" وهي تنظر الأرض و قالت
هو حضرتك زعلان مني يا بابا
نظر اليها "اسماعيل" و قال
لا يا ملك .... بس انا مش عايزك تشوفي الولد اللي اسمه نور ده تاني تمام
تحدثت "ملك" و هي تميل رأسها إلي الأسفل و تقول
حاضر يا بابا ..... انا المهم عندي أن حضرتك متزعلش مني
وضع "اسماعيل" هاتفه علي الاريكه ثم وقف و اقترب من "ملك" و امسك وجهها حتي يرفع رأسها الي الاعلي و يقول
بنت اسماعيل ناجي ترفع راسها لفوق و اوعي تسمحي لحد يكسر عينك أو يخليكي توطي راسك بطريقه دي تاني.
ابتسمت "ملك" و قالت
حاضر يا حبيبي
قبلها "اسماعيل" في رأسها ثم أمر أحد الخدم بأن يجلب له مستند من داخل مكتبه، نظر إلي "ملك" و قال
عملك مفاجأة و اتمني تعجبك
تحدثت "ملك" و قال
ايه هي يا بابا
بعد لحظات جاء أحد الخدم و معه المستند اخذه منه "اسماعيل" و أعطه ل"ملك" عندما أخذته فتحته و كانت حقا مفاجأة كبيرة بنسبة ل"ملك" عندما وجدت، شهاده ميلاد لها باسم "ملك اسماعيل ناجي" شعرت "ملك" بسعاده كبيره بكت من شده فرحتها ثم رفعت رأسها إلي والدها و دموعها تتساقط من عيونها مثل المطر تقول
ده بجد يعني انا كده بنتك بجد انا فعلا بقي ليه اسم كامل زي اي بنت بقي عندي اب وام بجد بقي عندي عيله غير ابله نعمه انا فرحانه قوي يا بابا مش عارفه اقولك ايه انت مش عارف انت عملت معايا ايه انت عملت ليا قيمه بعد مكنش ليه قيمه خالص بجد شكرا
مسح "اسماعيل" دموعها و قال
حبيبتي انا اللي لزم اشكرك انك خليتيني انا و نجوى مراتي ان نكون عيله جميله بوجودك معانا يا بنتي ... انا اتحرمت من كلمه بابا دي عمري كله واخيرا بقيت بسمعها قبل ما اموت والفضل في ده ربنا وبعدين انتي مليتي علينا البيت وأن شاء الله تفضلي منوره البيت العمر كله يا نور حياتي
ابتسمت "ملك" وهي تبكي من شده سعادتها و قالت
ربنا يخليك ليا يا حبيبي
قال "اسماعيل"
بس المفاجأة لسه ما خلصتش شوفي الورقه اللي بعد كده
فتحت "ملك" المستند مره اخري لكي تقرأ الورقه الثانيه و هي كتابت بعض أملاك "اسماعيل" باسم "ملك" تعويضا عن الظلم والمأساة التي رأتها في حياتها و لكي يأمن لها حياتها بعد وفاته حتي لا ترجع إلي حيات الفقر مره اخرى، شعرت "ملك" أن هذا كثير جدا عليها لكن في نفس الوقت شعرت بفرحه كبيره لأنها الان أصبحت غنيه شكرت والدها كثيرا و طلبت منه طلب غريب عندما رأى هذه الورقه قالت ...
ممكن اطلب من حضرتك طلب
ابتسم لها "اسماعيل" وقال
اه بدانا بقى في الطلبات.... اطلبي يا ست هانم ايه طلبك
نظره اليه "ملك" وقالت
ممكن يا بابا اتبرع بمبلغ عشان اخواتي اللي في الدار
تغيرت وجه "اسماعيل" و بدات تتغير نظرت الابتسامه الذي كان ينظر بها الى "ملك" وقال
ملك انت بنتي الوحيده وما لكيش اخوات واتمنى انك تنسي الدار ده وتنسي كل واحد كنت تعرفيه هناك مش عايز اي حاجه تربطك بالناس دي تاني
تحدثت ملك وقالت
يا بابا اسمعني بس وحاول تفهمني الناس اللي هناك ملهمش ذنب في الي نور كان بيعمله انا عارفه ان هو شخص غريب و مخيف بس انت متعرفش الناس دي عايشه هناك ازاي متعرفش ايه اللي يتعرضون له هناك انا كنت منهم في يوم من الايام وعارفه هم عايشين ازاي حضرتك لو عرفت هم بيتعذبوا هناك ازاي مستحيل تقول كده عشان خاطري حاول انك تنقذهم من الدار ده
ابتسم لها اسماعيل مره اخرى ثم قال
طيب تعالي احكي لي ايه اللي كان بيحصل معاكي هناك وانا هحاول أنقذهم
جلست "ملك" على الاريكه وبجوارها "اسماعيل" و بدات تتحدث وتقول
كلنا كنا نتعرض للتعذيب و للضرب و الاهانه و الشتيمه عشان ملناش اهل ملناش حد يسال علينا كانوا بيخلونا نعمل كل حاجه نغسل و نمسح و نطبخ ولو حد فينا من البنات بوظ حاجه كانت ابله نعمه بتضربه على طول من غير تفاهم وما كناش بنصعب عليهم حتى لو كنا صغيرين في السن وكان في اوضه متخصصه للبنات الكبيره بس ..... بس دي ما كانش حد بيعرف ايه اللي بيحصل جوه و كان ممنوع ان اي حد يعدي حتى من قدامها غير كمان ان لو كان حصل اي حاجه كانت على طول ابله نعمه او داده عصمت بيلسعونا انا لسه لحد دلوقتي في حروق في جسمي بسببهم ..... أما بقي الأولاد كانت بتخرجهم يشتغلوا بره و يرجعوا في نص الليل وانا معرفش هما كانوا بيعملوا ايه .... يا بابا عشان خاطري انقذ الاولاد اللي هناك دول هم ملهمش ذنب انا كمان كنت منهم وكان ممكن يحصل معايا اكتر من كده لو مكنتوش ظهرتوا في حياتي انا حظي حلو اني شفتكم بس هم لا عشان خاطري يا بابا ما تسبهمش في العذاب ده اكتر من كده عشان خاطري.
عندما انتهت ملك من حديثها ظلت تبكي عندما تذكرت الايام المخيفه و المظلمه التي عاشتها في هذا الدار المخيف، بينما اسماعيل ظل يمسح على راسها ويتحدث وهو يشعر بالحزن الشديد على ما راته ملك في حياته ويقول
يا حبيبتي يا بنتي معقوله استحملتي كل العذاب .... اوعدك يا بنتي اني ها نقذ اخواتك من ايد المجرمين اللي بيعذبوهم و اوعدك اني طول ما انا عايش على وش الدنيا هتكوني سعيده في حياتك ومش ها سمح لاي حاجه او اي حد ما يزعلك
فرحت "ملك" و مسحت دموعها وقالت
بجد يا بابا انت ها تنقذهم بجد
ابتسم "اسماعيل" وقال
بجد يا قلب بابا
تحدثت "ملك" وقالت
انا متشكره قوي بجد حضرتك شخصيه طيبه قوي الحمد لله ان بعد كل اللي حصل لي ده ربنا بعتك ليا و خلي يبقى لي بابا طيب كده.
ابتسم "اسماعيل" وقال
طيب يلا اطلعي غرفتك فوق وانا ها تصرف
قالت "ملك"
حاضر يا بابا
ثم تركته "ملك" وصعدت الى غرفتها وهي تشعر بالسعاده الكبيره لانها سوف تنقذ باقي الاطفال المتواجدون في هذا الدار
بينما اسماعيل خرج من المنزل واخذ بعض اتصالاته لكي يحقق طلب "ملك"، وعندما رجع الى المنزل في منتصف الليل صعد الى غرفه "ملك" لكنها كانت نائمه ثم تركها و ذهب الى غرفته و في صباح اليوم التالي استيقظت "ملك" و تجهزت لكي تذهب إلي الأسفل، بينما كان والدها ينتظرها في حديقه المنزل ومعه بعض الاطفال الذي تم إنقاذهم من يد "نعمه" و "عصمت" أمر "اسماعيل" احد الخدم ان يقول ل"ملك" انه ينتظرها في الحديقه، عندما خرجت "ملك" رات هؤلاء الاطفال شعرت بالسعاده الكبيره، اخذت تركض وتلعب وتضحك من قلبها مع هؤلاء الاطفال لحين شعرت بالتعب ثم ذهبت لكي تجلس مع والدها و تشكره على ما فعله من اجلها ثم جاء اتصال عمل الى "اسماعيل"، فاضطر ان يتركهم ويذهب الى شركته متسرعا جلست "ملك" لوحدها ترى سعادتها هؤلاء الاطفال وفجاه جاءها اتصال من "نور" لكنها كان اتصال من رقم غريب وعندما فتحت هذه المكالمه قالت
الو مين معايا
ضحك "نور" وقال
ايه نسيتي صوتي يا ملاكي
شعرت "ملك" بالتوتر والخوف عندما سمعت كلمه ملاكي وهنا تاكدت انها تتحدث معه "نور" ثم قالت
انت عايز مني ايه قلت لك ابعد عني انا مش عايزه اعرفك تاني
تحدث "نور" وقال
انا بتصل بيكي علشان ابارك لك على اللي عملته في الدار بس ما تفرحيش قوي نعمه مش هسيبك
قالت "ملك"
انا مش خايفه من نعمه ولا منك طول ما انا مع بابا اسماعيل
ضحك "نور" وقال
بابا اسماعيل ما تفرحيش قوي بالرجل ده انا ما رضيتش اؤذيه عشان خاطرك
شعرت "ملك" بالخوف وقالت
تؤذي يعني ايه انت عملت ايه مع بابا
قال "نور"
ايه هو ما قالكيش اللي حصل بيني وبينه كنت متوقع انه مش ها يحكي لك طلع راجل عاقل فعلا
غضبت "ملك" وقالت
نور ابعد عني وعن عائلتي احسن لك انا كل ده انا مش عايزه اؤذيك انا كمان بس صدقني كله الا اهلي انا ما صدقت ان بقى ليا اهلي و عيله ابعد عنهم
غضبا "نور" وقال
اهلك ..... انا بس اللي اهلك انا عيلتك انا كل حاجه لكي زي ما انت كل حاجه ليا انت اهلي وعائلتي وحبيبتي ومستحيل اسيبك لاي حد انت فاهمه ومستحيل اسمعها لاي شخص يبعدني عنك حتى لو كان هااا ابوكي
انها "نور" المكالمه و شعرت "ملك" بالخوف الشديد مما سمعته من "نور" وهنا قررت ان تنتقم منه
يتبع