رواية هذا قدري الفصل السابع7والثامن8 بقلم حنين شريف
حياه بقلق
خير يا دكتوره في ايه
الدكتوره بأسف
للاسف يا انسه حياه حضرتك عندك ورم في المخ
حياه بصدمه
اييييييه!!
انت بتقولييييي ايه!!!
الدكتوره
انا عارفه ان الموضوع صعب عليكي ،لكن صدقيني انت لازم تبدأي علاج وتروحي لدكتور شاطر ،وانا اعرف دكتور شاطر لو عايزه
بصيت للدكتوره بصدمه مش قادره اصدق
الدكتوره بهدوء
انسه حياه ربنا مبيجبش حاجه وحشه،انا عارفه انه صعب عليكي ،لكن دي اراده ربنا
الدكتوره فضلت تكلمني وانا شبه مغيبه عن الواقع،استأذت وخرجت ،قعدت علي الكورنيش قدام البحر ،مش مصدقه حاسه اني في حلم ومستنيه اصحي منه،قد ايه الدنيا دي غريبه ،يوم ليك ويوم عليك،فجاه تديك الفلوس وبعد كده تاخدها منك،وتاخد كل حاجه حلوه، طيب انا اعمل ايه دلوقتي ،اتعالج ازاي ؟؟؟..
ده احنا بيطلع عينا في الشغل علشان بس نعرف ناكل ونشرب وندفع اجار الشقه،وبيكفي بالعافيه،طيب اعمل ايه؟؟؟...
قطع تفكيري صوت رنه تيلفوني ومريم بترن عليا،ابتسمت ورديت
السلام عليكم
وعليكم السلام ورحمه الله وبركاته
ايه يا حياه عملتي ايه عند الدكتوره؟؟....
مفيش زي ما قولتلك قبل كده،مجرد إجهاد مش اكتر
بجد
اه شوفتي بقي ان مكنش ليه لازمه
وايه المشكله،بعدين هو انا عندي كام حياه يعني
عيني دمعت وقولت بأبتسامه
ماشي يا بكاشه انا هروح البيت واعملك عشا تأكلي صوابعك وراه
ربنا يستر،احم طيب يلا لاحسن مستر احمد يعلقني ،سلام
قولت بحزن
سلام يا مريم
روحت البيت وانا مش مصدقه اني فتره ومش هعرف اشوف مريم تاني،طيب هي ممكن تعمل ايه لما تعرف،لا انا مش هقولها حاجه،انا مش عارفه هي ممكن تعمل في نفسها
~~~~~~~~~~~~~~~~~~~~~~~~~~~~~
في فيلا عمر بليل
سعاد
والله يا بت يا اسماء وحشتني القاعده معاكو
اسما
وانت كمان يا حبيبتي
سعاد
بس لو اعرف مالك يا شهد هرتاح
فاقت شهد من سرحانها
نعم يا خالتو بتقولي حاجه
سعاد
نعم الله عليكي ،في ايه يا بت من ساعه ماجيتي وانت مدايقه،الغداء مش عاجبك ولا ايه
شهد
لا والله يا خالتو،بس انا جايه من الشغل تعبانه شويه
اسما
طيب يلا بقي يا شهد لما نمشي
سعاد
تمشي ده ايه هو انت لحقتي
اسما
معلش بقي يا حبيبتي نبقي نيجي في وقت تاني ،زمان شهد عايزه تنام
عمر دخل
ايه ده رايحه فين يا خالتو
اسما
معلش بقي يا عمر انت الي جيت متأخر
عمر
ليه بس انا معرف شهد انا هاجي امتي
اسما
معلش نبقي نيجي في وقت تاني
مشيو اسما وشهد
ملحوظه
اسما تبقي خاله عمر وشهد تبقي بنت اسما وهي بتشتغل في المستشفى بتاعه عمر
~~~~~~~~~~~~~~~~~~~~~~~~~~~~~
عند شهد في الفيلا
اسما
في ايه يا شهد مالك يا حبيبتي
شهد بحزن
الصراحه يا ماما جتلي حاله النهارده واكتشفت ان عندها ورم في المخ
اسما
لاحول ولا قوة الا بالله ربنا يصبرها ويصبر اهلها
شهد
المشكله يا ماما ان هي شكلها بسيطه ومش معاها علشان تدفع فلوس العلاج اوحتي فلوس العمليه
اسما
ربنا معاها يا حبيبتي ويقويها
شهد
يا رب
~~~~~~~~~~~~~~~~~~~~~~~~~~~~
في مكان
اسر
ايوه يا فندم
مجهول
ها يا اسر عامل ايه مع منير
اسر
والله يا باشا هو عايز بنت اسمها حياه عادل ،هو باعتني علشان اراقبها ،ولسه مش عارف مكانها
مجهول
متعرفش عايزها في ايه
اسر
لا يا فندم ،بس اول ما اعرف هبلغ حضرتك
يا تري اسر بيكلم مييين؟؟؟؟.......
~~~~~~~~~~~~~~~~~~~~~~~~
عند عمر
سعاد
احم عمر
عمر وهو بيبص للتليفون
اممم
سعاد
كنت عايزه اقولك حاجه
عمر ساب التيلفون
ربنا يستر ،خير يا ماما
سعاد
عمر انت مش ناوي تفرحني بقي
عمر
لاحول ولا قوة الا بالله ،افرحك اكتر من كده ازاي،يعني انا دكتور مشهور ،وعندي المستشفى بتاعتي،عايزه ايه تاني يا ماما
سعاد
كل ده مش مهم،يا عمر انا نفسي اشوفك كده داخل انت وعروستك ومعاكي حبه كتاكيت صغنانين كده ،نفسي افرح
عمر
طيب ياحبيبتي ان شاءالله بكره هدخلك بفراخ
سعاد بغيظ
تصدق انك معندكش دم
عمر دخل الاؤضه بتاعته
افتكر حياه وازاي هي كانت بتعيط
ياترى روحتي فين يا حياه وحكايتك ايه؟؟؟..
~~~~~~~~~~~~~~~~~~~~~~~
تسريع احداث
عدي يومين وحياه ساكته خالص مبتتكلمش مع مريم غير في الضروره،ومريم مستغربه حياه جدا وكل ما تسألها تقول ان هي تعبانه من الشغل،واسر لسه بيدور علي حياه
حياه صحيت من النوم ولقت مريم قاعده علي الكنبه متوتره وماسكه التيلفون في ايديها
حيات اتوترت
حياه لنفسها
في ايه هي عرفت ولا ايه
حياه بقلق
خ خير يا مريم م مالك
مريم
ها لا مفيش
حياه بقلق اكتر
مريم قولي مالك
مريم
...................
ياتري ايه الي مريم مالها؟؟؟....
ويا تري هي عرفت عن مرض حياه؟؟؟....
~~~~~~~~~~~~~~~~~~~~~
في فيلا منير
مدحت دخل عند منير
صباح الخير يا منير
منير بسخريه
منير حاف كده،(اكمل) جري ايه يا مدحت انت مش ملاحظ انك اخدت عليا ،ده انا الي ساعدت شركتك الي كانت هتفلس
مدحت بغضب
في ايه يا منير ،طيب انا كمان ساعدك انك تنتقم من صاحبك
منير بزعيق
مدحت!!! انت نسيت نفسك ولا ايه،امشي ولما تتعلم تتكلم ازاي معايا ابقي تعالي
مشي مدحت وهو بيقول بشر
ماشي يا منير ،انا هعرفك مين مدحت بصحيح
الفصل الثامن
حياه صحيت من النوم ولقت مريم قاعده علي الكنبه متوتره وماسكه التيلفون في ايديها
حيات اتوترت
حياه لنفسها
في ايه هي عرفت ولا ايه
حياه بقلق
خ خير يا مريم م مالك
مريم
ها لا مفيش
حياه بقلق اكتر
مريم قولي مالك
مريم بتوتر
مفيش بس ماما كانت بتكلمني
اتنهدت حياه بأرتياح
طيب وايه المشكله؟؟...
مريم بخجل
اصل يعني...... عندنا في البلد كانو قاريين فاتحتي علي واحد يعني عندنا في البلد
حياه
ايوه ،ايه المشكله
مريم
يعني ماما عايزاني ارجع البلد علشان نعمل الخطوبه
حياه بزهق
طيب اعملي الي انت عايزاه
مريم بعصبية خفيفه
حياه مالك بقالك يومين مش مظبوطه،كل ما اقول مالك تقوليلي مبررات سخيفه
حياه بتعب
مريم ونبي سيبيني في حالي
مريم بصوت عالي
لا يا حياه انا مش هسيبك في حالك،(نبره صوتها هديت) يا حياه احنا منعرفش بعض من مده كبيره لكن في الفتره الصغيره دي قربنا من بعض اوي ،يا حياه انا بعتبرك اختي وعايزه اعرف انت مالك ،انا حاسه انك مش كويسه
حياه بزعيق
مريم محدش قالك تعتبريني زي اختك،محدش قال انك تتعاملي علي انك واليه امري ،وكل شويه انت مالك ،رايحه فين جايه منييين، سيبيني في حااالي!!!
مريم بصوت عالي
هو انت مش ناويه تتغيري ابدا ،بعد كل الي حصل مش ناويه تتخلصي من غرورك وعجرفتك دي !!! ربنا يعمل فيكي ايه اكتر من كده!!!
حياه بصوت عالي
وهو لسه هيعمل ، (ضحكت بسخريه)ههه ماهو عمل خلاص
مريم بغضب
هو انت ايه !! يعني ربنا رحمك وخلانا نتقابل علشان متبقيش لوحدك، وربنا بيسترها معانا،ده احنا مش عارفين احنا بناكل وبنشرب ازاي،وانت في الاخر تقولي.....
حياه قاطعت كلامها
الي انت بتتكلمي عليها دي عندها ورم في المخ
مريم بصدمه
اييييييييه!!!
~~~~~~~~~~~~~~~~~~~~~~~~~
في المستشفى بتاعه عمر الباب خبط
عمر
ادخل
شهد دخلت
شهد
خير يا دكتور عمر،حضرتك طلبتني
عمر
ادخلي يا شهد وانا دلوقتي عمر ابن خالتك مش الدكتور عمر
قعدت شهد قدام عمر
خير يا عمر في ايه؟؟...
عمر
الصراحه انت عارفاني مبحبش اللف والدوران ،خالتو كلمتني وقالتلي انك مدايقه ،ممكن بقي تقوليلي مالك وايه الي مدايقك،واتكلمي بصراحه متنسيش اني اخوكي في الرضاعه
شهد
الصراحه يا عمر انا جاتلي حاله امبارح وهي صعبانه عليا اوي
عمر بأستغراب
وايه المشكلة ،انت كل يوم بتشوفي حالات جديده ،ايه الي اتغير
شهد
اصل الحاله دي اكتشفت ان هي عندها ورم في المخ،وهي شكلها بسيط اوي ومش هتعرف تدفع فلوس العلاج،وانا خايفه عليها اوي
عمر
لا حول ولا قوه الا بالله ،طيب هي اسمها ايه ،ممكن اساعدها
شهد بتأثر
حياه عادل،بس انا اساسا معرفش مكانها فين علشان اساعدها
عمر
بسيطه اكيد هي حجزت عندك برقم تيلفون ،دوري علي الرقم وجيبهولي وانا هتصرف
شهد بفرحه
بجد يا عمر
عمر
طبعا يا بنتي
شهد
انت مش مصدق انت فرحتني ازاي
عمر
طيب يا اختي،روحي بقي شغلك والا هخصم منك
شهد بصوت واطي
ياعم اتنيل
عمر
بتقولي حاجه
شهد
ها لا ابدا
~~~~~~~~~~~~~~~~~~~~~~~~~~~
عند حياه
مريم بصدمه
ايييييه،ايه الي انت بتقوليه ده يا حياه،لا لا اكيد انت بتكدبي عليا ص صح
حياه بدموع
لا يا مريم ،انا لما كشفت عند الدكتوره قالتلي اني عندي ورم في المخ،ومكنتش عايزه اقولك لاني عارفه انك هتعملي كده
مريم حضنت حياه جامد
متقلقيش يا حبيبتي م متقلقيش ،انت هتتعالجي وهتخفي وهتبقي زي الفل
حياه بدموع
لا يا مريم هي كده خلصت خلاص،انا تعبت اوي وجه الوقت اني ارتاح بقي،وهو انا اساسا هعيش لمين بابا الي كان كل حياتي راح وانا هحصله،بس عارفه انا مبسوطه اوي اني عرفتك،وشكرا لكل حاجه عملتيها،انا لوقعدت اشكر فيكي من هنا لبكره مش هديكي حقك
مريم خرجت من حضن حياه
لا لا متقوليش كده،انت هتتعالجي وهتبقي زي الفل،(اكملت بعياط) حتي لو كنا مش هنقدر نجيب فلوس العلاج ،هعمل ايه حاجه إنشاءالله اشتغل ليل نهار مش مهم المهم انك تكوني كويسه،بعدين انت بتتكلمي كده علي اساس ايه،يعني انت متعرفيش اني ماليش غيرك
حياه مسحت دموعها
خلاص بقي يا مريم انت محسساني اني مو*ت
مريم
بعد الشر عليكي ،حياه انت لازم تتعالجي
حياه بتعب
مريم ونبي سيبيني انا حاسه اني تعبانه خلينا نتكلم بعدين
دخلت حياه الاؤضه علشان تنام ومريم فضلت في الصاله مش عارفه هي ممكن تجيب الفلوس منين
~~~~~~~~~~~~~~~~~~~~~~~~
عند عمر في كافيه مع خالد
عمر وخالد كانو بيتكلموا ،وتيلفون عمر رن
عمر رد
نعم يا شهد
شهد
عمر انا بعتلك رقم البنت دي واسمها
عمر
طيب خلاص متشليش هم حاجه
عمر قفل مع شهد وخالد قال بتوتر
احم،خير يا عمر هي شهد كويسه
عمر بخبث
ايوه بس.... ،لا ثانيه واحده هو انت مالك بشهد،يعني عمال تسأل عليها ولا كانك ابوها
خالد
عمر انجز،انت عارف الي فيها
عمر
للاسف عارف،وبقولك بطل استعباط ،لو لسه عايز شهد تقدر تروح وتتقدم لها
خالد
عمر هو انت عايزني اتقدم تاني،انت ناسي ان احنا أساسا كنا مخطوبين بس الاستاذه هي الي فسخت الخطوبه
عمر
وهي فسختها ليه مش علشان مستقبلها
خالد بنرفزه
برده هيقولي مستقبلها،عمر شهد فضلت مستقبلها وان هي تبقي دكتوره عليا،بعدين عايزني اعمل ايه لما الاقيها بتقولي استناني سنتين لما أسفر واخد خبره بعد كده نتجوز كنت عايزني اعمل ايه،انا متأكد انه الي انا عملت الصح ،بعدين انا مش عايزها اساسا ،ده كان مجرد تعود
عمر بزهق
بقولك ايه يا خالد انا ماليش فيه اعملوا الي يريحكم
خالد
طيب يعني هو في حاجه علشان كده رنت عليك
عمر
ييووووه مش انت لسه قايل انك مش عايزها،علي العموم في بنت اسمها حياه عادل،بنت كده تعبانه وانا هساعدها وكنت عايز رقمها
خالد بأستغراب
ايه حياه،بقولك ايه يا عمر انت معاك صوره ليها
عمر
لا بس ليه يعني
خالد
بقولك ايه يا عمر ،لما تقابلها ابقي كلمني اجي معاك
عمر
ليه يا خالد انت تعرفها
خالد
والله يا عمر هي لو طلعت الي في بالي
عمر
خالد انت بتفكر في ايه
خالد
انت عارف شغلي يا عمر،مش هعرف اقولك ،بس ابقي قولي لما تروحلها
عمر لنفسه
ياتري انت سرك ايه يا حياه؟؟؟....
~~~~~~~~~~~~~~~~~~~~~~~~~~~
عند خالد في الشقه بتاعته
خالد بيتكلم في التيلفون
ايوه يا اسر وصلت لحاجه
اسر
لا والله يا فندم لسه بدور عليها
خالد
طيب علي العموم انا شكلي وصلتلها،قولي بس في جديد عن منير
اسر
والله يا باشا انا ملاحظ ان في حاجه مابين منير ومدحت وهما مخبينها