رواية مجرمي البرئ الفصل الخامس5 بقلم اسماء الطبلاوي

(كانت لسه مي قاعده بتحاول تدور على دخله للكلام مع ندى عشان تقولها عاوزه منها ايه.

ندى: على فكره بقالك ربع ساعه مقعداني قدامك بتفكري هتبداي الكلام ازاي ما تتكلمي على طول هو من امتى الكلام بينا كان صعب كده ده انا بقيت طالبه اربع كوبيات عصير وانتى لسه ساكته.

مي: جلجانه بس لا ترفضى لاني عارفه انك ممكن ما ترضيش عشان انتى ما بتحبيش النظام ده في شغلك وبتجولى انه حرام 

ندى: ااااه شكلك كده جايالي في اختراق حساب صح يا ميوش يا قمر يلى مسوحانى انتى.

مي: الصراحه اه.. هتساعديني ولا لا 

ندى: افهم الاول ايه الموضوع وبعدين اقرر و اقولك رأي.

( وعند زياد لما رجع البيت قابل ابوه وهو بيجري عليه غضبان

رافت: انا ما رضيتش اتكلم امبارح ولا الصبح معاك في اللي حصل انما دلوك هتكلم... هو انت كيف يا بني ادم انت اكلمك و اجيبك علشان تيجي تعجلها تجوم تجولها روحي انتى وابجى طمنيني عليكى... ده انت شكلك ضربت كيفها خلاص هو انا جبتك يا عبد المعين تعني ولا ايه بالضبط 

زياد: اهدى بس يا ابوى وانا هفهمك... بصراحه اكده وببساطه انا جلت لمي اللي انت كنت عاوز تجوله بس كرامتك وكبريائك منعوك علشان اكده بسطت عليك الموضوع

( اتوتر رافت من كلام زياد لانه عنده حق بس هو ما كانش عاوز يعترف بكده

رافت: انت بتجول ايه...هو انا هبجى عايزها تروح تساعده... مستحيل طبعا وبجولك ايه ما ترميش غلطك عليا وبعدين انا عمري ما فكرت ان انا اكلمه تاني كلامك ده كله ملوش اساس من الصحه

زياد: لا ليه اساس من الصحه وعندي الدليل كمان تجدر تجولي لو انت ما كنتش عمرك هتكلمه رديت عليه في التليفون ليه لما اتصل عليك يستنجد بيك... ليه ما جفلتش او كنسلت عليه او سبته حتى يرن 

رافت بتوتر: عشان هو اللي رن وبعدين هو لما رن فضل يرن كتير جوى وانا..... 

زياد: ما ترتبكش اكده يا ابوى انا هجولك ايه اللي حصل.. هو لما رن حصلك حاجتين عكس بعض..كان نفسك ترد عليه عشان تسمع صوته وتطمن عليه بعد كل السنين دي...  وفي نفس الوقت كان نفسك تعرف هو عايزك في ايه ولو في منفعه ليه ترفض علشان تنتجم لكبريائك اللي هو كسره زمان لما انت احتاجته وهو رفض يساعدك

رافت بغضب: لا ما حصلش انا عمر كبريائي ما اتكسر واديك شفت انا كسرته كيف زي ما هو كسرني

زياد: اهو شفت انت جلت ايه كسرته كسف ما هو كسرني اعترفت اهو.. بس يا بابا خالد ملوش ذنب في الكلام ده كله

رافت بتوتر: لا انا ما جلتش اكده دي كانت زلة لسان وبعدين ما هو خالد كسر اختك زمان مش اكده برده 

(راح زياد ناحيه السلم وقبل ما يطلع ادور وكلم ابوه

زياد: لو خالد كسر مي صح يبجى سيبها تنتجم لنفسها كيف ما انت انتجمت لنفسك يا ابوى.. عن اذنك انا طالع ارتاح 

(وهناك في النادي كانت مي لسه قاعده مع ندى بيتكلموا في الموضوع اللي اخيرا لقتله دخله

ندى: الحكايه دي غريبه قوي بس انا برده مش فاهمه انتى شاكه في ايه وعايزاني اتاكدلك منه فهميني علشان ابقى معاكي على الخط 

مي: يخربيت ده يوم يا شيخه.... انا بجالي ساعه بشرحلك... انى شاكه في حاجتين اول حاجه فيهم هحاول اتاكد منها عن طريق خالد الحاجه الثانيه يا ستي فهي انها تكون كانت بتخون خالد علشان اكده انا عايزاكي تخترقى الايميل بتاعها وتفتحي الاكونت وتبعتيلي كل المحادثات اللي عندها بينها وبين اي حد يمكن يكون ده طرف الخيط اللي اكمل منه الطريق علشان اعرف اثبت براءته

ندى: اه هو فعلا هيبقى طرف الخيط اللي هتشنقي بيه نفسك ان شاء الله هو يا بنتي مش ده خالد الحب بتاع زمان اللي.....

مي: ندى ما تكمليش لو سمحتي ايوه هو بس مش لازم يعني تدخلي في تفاصيل

ندى: انا اسفه والله انا ما اقصدش ان انا اتدخل بس انا قلبي عليكى والله الحكايه هتبقى صعبه جدا خصوصا والموضوع يخص خالد نفسه

مي: لا ما تجلجيش عليا انا هتعايش مع الموضوع وبعرف اسيطر على مشاعري كويس  الغريب بس اني حاسه اكده ان الجضيه دي اسهل مما انا متخيل بس مشكلتي في الطرف الخفي اللي انا مش عارفاه حاسه ان الموضوع حالل نفسه بنفسه انا بس محتاجه اشوف الحكايه كلها بعين خالد مش بعينى انا

ندى: اوبا هي مناخيرك اشتغلت يبقى القضيه خلصت خلاص طيب انا عندي طلب بقى قصاد طلبك

مي: اتفضلي يا ستي اطلبي

ندى: وحياه امك يا مي ما تقوليش لاخوكى اني عرفت ان هو اخوكى

مي: ماشي واهدي انتى بس اكده عشان انا تجريبا عرفت هبدا منين

( وفي قسم الشرطه تحديدا في الحجز كان خالد قاعد في جنب ضلمه على ارض الزنزانه البارده حزين برغم قوته رفع ايديه للسماء بيدعي لربنا وبيتوسل ليه

خالد: يا رب انا عمري ما اذيت حد ولا ظلمت حد ولا يمكن اذيت حد وانا مش عارف يا رب لو كنت ظلمت حد وانا ما اعرفش سامحني وخرجني من ازمتي دي انت اكثر واحد عارف اني ما جتلتش ليلى ولا عمري فكرت ان انا ائذيها حتى... اجف جنبي يا رب انا حاسس ان انا بتخنج في المكان ده وسط الناس دول 

(ما لحقش خالد يخلص الدعاء لما وقف مجرم من المجرمين وقرب منه واتكلم بشر

ابو شرما: نعم انت بتقول ايه يا امور ومالهم بقى الناس دول مش عاجبينك ولا ايه ده اصغر حرامي في اللي قاعدين دول ضفروا برقبتك يا نوغه على الاقل لو فيهم حد قاتل هيبقى قاتل راجل مش متشطر على حرمه 

خالد: ايه نوغه وامور دى. ما تحترم نفسك يا جدع انت انا اصلا ما كلمتكش ثم اني ما حددتش ناس مين وان جيت للحق انا اه مش عاجبني الناس اللي هنا وبالذات انت هو انت فاكرني زيك ولا ايه ابعد عني انت وهو انت مش قدي

ابو شارما: هههههه لا صقفوله يا رجاله ده طلع مثقف وافحمني وحط لساني في بقي زي ما انا هخلي المطوه القمر دي تزغرط جوه كرشه واطلع بروحه ابو لسان عايز قصته ده 

(هجم المجرم ده على خالد بيحاول يضربه لكن خالد كان بيتفاداه بمنتهى المهاره لحد ما المجرمين التانيين مسكوا خالد وابو شارما طعنه ابو شارما يلا بالشفاء يا ابن امك وابقى سلم لنا بقى على الناس النظيفه اللي فوق على راي الفنانه شيرين عبد الوهاب سلم على الشهداء اللي هناك وفي الوقت ده كانت مي رجعت البلد تاني وبتعمل رياضه في اوضتها وبتفكر مي لنفسها يعني يا خالد لو ما كانش حصل منك اللي حصل زمان مش كان زمان انا وانت في بيت واحد لحد دلوقتي ولا كنت شفت ليلى دي ولا قابلتها ولا حصل اللي حصل والله اعلم مين ثاني اللي ملفوفين حواليك وعاملين اصحاب هتفضل لحد امتى ما بتشوفش غير تحت رجلك يا خالد يا رب ساعدني عشان اقدر اساعده واخرجه من الازمه دي كانت مي مش مبطله تفكير في قضيه خالد لحد ما تليفونها رن برقم عمها صابر وردت مي الو ايوه يا عمي صابر الحقيني يا بنتي شفت اللي حصل مي اهدى بس بالراحه يا عمي ايه اللي حصل خالد جراره حاجه صابر ايوه يا بنتي واحد من المجرمين اللي كانوا معاه في الحبس طعنه بسلاح يا مي ونقلوها مستشفى السجن خالد بيضيع مني يا مي ومش عارف اعمل ايه مي برعب خالد طيب طيب اهدى بس يا عمي ولا جايه لك حالا خليك جنبه واطلب مقابله مامور الاسم لحد ما اجي انا مش هتاخر عليك مسافه الطريق بس قفلت مي الخط وطلعت تجري غيرت ونزلت لقيت ابوها واقف قدامها رافت رايحه على فين في ساعه متاخره زي دي يا استاذه مي رايحه لخالد يا ابوي في واحد طعنه في الحجز ونقلوه المستشفى السجن ولازم يبقى معاه رافت بلهفه طيب يلا بسرعه نروح له انا جاي معاك يا بنتي يلا وفعلا ريكي بتميع عربيتها هي وابوها كانت بتسوق بطريقه جنونيه لحد ما وصلت لمستشفى السجن واول ما قربت شافت عمها واقف مع مامور القسم مي بغضب انا عايزه سيادتك تعمل لي محضر حالا بالواقعه دي ازاي مجرم يتعدى على موكلي بالشكل العنيف ده ويوشك على قتله كمان امال لو كان في سجن بقى مش في زنزانه اسم عادي على ذمه قضيه كان حصل ايه كان مات ده اسمه تسيب وفوضى يا سياده المامور وانا مش هسكت على الكلام ده المامور اهدي شويه يا انسه ايه مالك داخله حاميه علينا كده ليه دي مشاجره ما بين شويه مجرمين في الزنزانه نتج عنها اصابه موكلك وبما انك محاميه عارفه ان الكلام ده بيحصل على طول مي لا لو سمحت انا بحتاج ما تقولش عليه مجرم هو حضرتك مسكت عليه دليل قاطع اكيد لا يبقى ما تقولش عليه مجرم عشان المجرم بريء حتى تثبت ادانته من فضلك اسحبها حالا والا انا ممكن احولها لقضيه سب وقذف المامور خلاص يا انسه سحبناها وعلى كل حال الموكل بتاعك جوه اهو وفايق كمان والحمد لله ما كانش جرح نافذ يعني ولحقناه والا كنت عملت لي انا شخصيا قضيه شروع في قتل انا عارف هم جايبينك منين ده انت ثلاث ارباع لسان يا ساتر يا رب مي مش مشكله لما يبقى كلي على بعض لسان المهم اعرف اخذ حقي كويس وحضرتك تقدر تحمد ربنا ان الموكل بتاعي ما حصلوش حاجه والا الموضوع فعلا كان هيطولك انت اول واحد المامور هحاول ما اخدش كلامك بصيغه التهديد علشان ما اقدر ان هو ابن عمك برده مي اوعى تكون فاكر انك لما بتقول لي ابن عمك برده انك كده بتهني يعني بما انه داخل في قضيه قتل لا انا واثقه كويس انه بريء علشان كده شرف لي انك تقول ابن عمي المامور طيب طيب خلاص مشى المامور بسرعه وميل التفتت لعمها عشان تطمنه مي ما تخافش يا عم خير ان شاء الله عن اذنك انا هدخل لخالد اطمن عليه وحضرتك انت وبابا خليكوا هنا لما اخرج صابر ماشي يا بنتي اتفضلي والتفت صابر لاخوه رافت بندم صابر ازيك يا رافت عامل ايه واول ما دخلت مي الاوضه اللي موجود فيها خالد حاول انه يقوم يتعدل بس اتوجع خالد اه انت لحقت عرفت بالسرعه دي ازاي وجيت المشوار ده كله من البلد في وقت زي ده ليه مي سلامتك الف سلامه على مهلك خليك مرتاح وبعدين ما تستغربش اني عرفت انا المحاميه بتاعتك واي حاجه بتحصل معاك بعرفها فورا سواء من والدك او من مصادر الخاصه خالد اه هو انت كمان بقى ليكي مصادر خاصه يا حضره المحاميه بتاعتي ما كنتش اعرف انك وصلت للدرجه دي مي اه وصلت وليه مصادر خاصه ومن غير تريقه هو بصراحه بقى اللي حصل معاك ده جه لصالحك انا عايزاك تستقتل فيها على الاخر وتفضل هنا اطول فتره ممكنه اللي حصل ده اكثر ما ضرنا خالد خدمك ازاي يعني النبقه مرمي في المستشفى متعور وكان ممكن اموت ده خدمك يا مي الصراحه انا مش عارف ليه مش مستغرب من فرحتك للي حصل معايا مي انا مش هعلق على اخر كلمتين قلتهم بس انا قلت خدمنا مش خدمني وقلت لك كده لانك طول ما انت هنا هتفضل بعيد عن المجرمين اللي في الحجز وكمان هقدر اشوفك كل شويه براحتي بتصريح صغير مش زي ما تكون في الحجز فيها ورق واذن الزياره وشغل كبير فهمت خالد فهمت ويا ترى بقى وصلت لحاجه ولا انا هقضي بقيت عمري هنا بين اربع حيطان هيموتوني وكلبش قبض روحي ومش مدوقني النوم مي لا اطمن انا تقريبا كده قربت ان انا امسك طرف الخيط بس انا الاول عايزه اسالك عن شويه حاجات بسيطه وتجاوبني عنها بمنتهى الصراحه علشان ابقى عارفه ان انا ماشيه صح خالد اسالي اللي انت عاوزه تساليه اهم حاجه ان انا اخرج من هنا بقى انا تعبت قوي مي تمام يا خالد انا هسالك بس لازم تعرف ان اللي انا هسالك عنه قد ما هو هيساعدني هيتعبك خالد ما فيش حاجه تعباني اكتر من قعدتي هنا اسالي