رواية عشق محلل الفصل الاخير بقلم اسراء ابراهيم
انا خايفة جوي يا اياد
قالت كدة حبيبة بتوتر وهي واقفة مع اياد قدام العيادة الصحية بتاعة البلد
اياد بابتسامة وهو بيشاور بايديه علي المكان/ يا حبيبة متخافيش انا معاكي وبعدين ده احسن مكان تشتغلي فيه وكمان مش هتبقي لوحدك هبقي اجي اشقر عليكي من وقت للتاني
حبيبة بتردد وهي بتبص لاياد/ طب هي جريبتك دي يعني عارفة اني مش بفهم في شغل التمريض
اياد بتلقائية وهو بيبتسم / اه عارفة يا ستي ،، وقالتلي انها هتعلمك كل حاجة بس انتي فتحي مخك كدة معاها
حبيبة ردت بسرعة وهي بتبص لاياد بحماس / لا متجلجش هشرفك ده انا والله بفهم بسرعة وبتعلم كمان احسن من اشطر كتكوت
اياد بضحك / طب يلا عشان هتتأخري علي اول يوم شغل ليكي
حبيبة بتردد قبل ما تمشي مع اياد/ انا بجد متشكرة جوي علي كل اللي بتعمله معايا ،، وعشان انقذتني جبل اكده ،، وصدجني جميلك ده مش هنساه واصل
اياد بتركيز في عيون حبيبة / اهم حاجة انتي تكوني مبسوطه ،،انا لما بشوف ابتسامتك دي بفرح
اتوترت حبيبة بخجل ومردتش علي اياد واكتفت بابتسامة بسيطة ومشيت معاه بفرحة
.....................................
تاني يوم كانت نازلة فتون عالسلم وهي مبتسمة وفرحانة انها اخيرا حست بالامان اللي كانت محرومة منه رغم انها من جواها خايفة وقلقانة لان رعد من وقت ما اتكلمو وهو مردش عليها ولا بين اي رد فعل علي كلامها عشان كدة قررت تسيبه لما يفكر كويس ،، دخلت فتون المطبخ لنعمة وقربت منها بلهفة وهي بتاخد منها المعلقة
فتون بلهفة وهي بتبتسم بحماس / وه ،،انتي اللي بتعملي بنفسك يا عمة ،،لا عنك انتي
نعمة بغموض / وانتي بجي بتساعديني حبا فيا ولا مصلحة يا بت فضل
فتون بابتسامة وصدق / لا طبعا مصلحة ايه دي ،، اني بحبك يا عمة ورايدة اساعدك ،،مش ام جوزي برضك وعايشين سوا ،،انا بس مش رايدة غير رضاكي عني وانك تعامليني كيف بتك
نعمة باستغراب وهي بتمسك ايد فتون / ماهو انتي لازمن تفهميني بجي ،، انتي ليه كنتي عاوزة تيجي اهنه ومتجعديش في دار ابوكي وجدك مع ان اي واحدة مكانك كانت هتبجي عاوزة تعيش مع اهلها
فتون بتنهيدة كلها حيرة / عنديكي حج يا عمة بس لو تعرفي اللي فيا واللي شوفته مش هتجولي اكده
نعمة بغيظ/ وه اتسهو*كي عليا كمان يا بت فضل ،، فاكراني عيلة صغيرة هتضحكي عليها بكلمتين ولا ايه
فتون بلهفة وهي بتعيط / ابدا والله يا عمة ،،يعلم ربنا اني بحبك من كل جلبي ،،اني بس خايفة اجولك الحجيجة تفتكري اني بكدب عليكي كيف رعد ولدك
نعمة اتنهدت بحيرة لانها حاسة ان فتون صادقة فقالتلها بجدية/ جولي اللي عندك واني عجلي يوزن بلد وهعرف اذا كنتي كدابة ولا لا يا بت فضل
فتون بابتسامة حزينة / هحكيلك
......................................
كان واقف رعد في الارض وبيبص علي العمال وهو سرحان في الكلام اللي قالته فتون وكان مصدوم ومش عارف يفكر ،، هو كان مفكر ان فتون بتحب عاصم اوي زي ما عاصم قاله وانها مستنية ترجعله بفارغ الصبر بس كلام فتون خلاه محتار ومش عارف يركز ،،بقي طول السنين دي كان مفكر ان فتون عايشة سعيدة مع عاصم لانها بتحبه وهي بالعكس كانت بتكر*هه ومستنية اللحظة اللي تهرب فيها منه ؟
انتبه رعد لعاصم اللي خرجه من سرحانه وهو بيتكلم من وراه
عاصم بضيق / كيفك يا رعد ،، طمني علي فتون كيفها
رعد قبض علي ايديه بغضب وبص لعاصم بغيظ لكنه حاول يتحكم في نفسه
رعد بجدية / فتون زينة يا عاصم ،، ومتنساش انها مرتي دلوك يعني اكيد مش هأ*ذيها بس الغريبة ان امي جالتلي انها شافت علامات في جسمها كأنها كانت مضر*وبة ،، متعرفش ده من ايه ؟
عاصم بتوتر وهو بيزوغ بعنيه بعيد/ ها ،، ااه دي تجريبا وجعت من عالسلم ،،اصلها بتنزل جري وياما حذرتها
رعد بغموض وشك وهو بيبص لعاصم / ااه جولتلي صحيح ،، ده امي بتجولي انها شكلها كان حد بيضر*بها ،،اوعاك يكون انت يا عاصم
عاصم بضيق وهو بيبص لرعد / بصراحة اكده ،، ايوة ،، اني مبجدرش اتحكم في نفسي يا رعد بس بعديها بصالحها والله ،، وانا خلاص عاهدت نفسي اني هتغير ومش هضر*بها تاني بس لما ترجعلي انا عرفت جيمتها خلاص
رعد بهدوء عكس اللي جواه / ان شاء الله ،،انا لازم امشي دلوك بجي سلام
.........................
كانت نعمة حا*ضنة فتون اللي كانت بتعيط بحرقة وهي في حض*نها بعد ما حكتلها كل حاجة واللي كان بيعمله عاصم فيها
نعمة بحزن وهي بتطبطب علي فتون / يا حبيبتي يا بتي ،، بجي كان بيعمل فيكي اكده ،، منه لله
فتون بحزن وهي بتخرج من حض*ن نعمة / انا مش وا*جعني يا عمة اللي كان بيحصلي من عاصم قد ما وا*جعني انهم كانو بيسكتو وبيعملو نفسيهم مش شايفين اللي اني فيه وخصوصا جدي ،، جدي انا متوكدة انه كان يعرف طبع عاصم وانه كان بيجوله عاللي بيعمله فيا بس مكنتش بصعب عليه
نعمة بغضب وهي بتفتكر عرابي / هتجوليلي علي جدك ،،ده انا عارفاه اكتر من اي حد ،، وميحبش حد غير نفسه
فتون بهدوء وتوتر / اتا كنت رايدة اجولك علي حاجة ،، بصراحة اكده ،،انا سمعت حديتك اخر مرة مع جدي بس والله من غير ما اجصد ،، وعرفت ان رعد واد عمي
نعمة ابتسمت وردت بقلة حيلة وهي بتفتكر اللي حصلها زمان / ايوة يا فتون ،، من يوم ما عمك حبني وجدك كان رافضني مخبرش ليه ،، مكنش موافج ان ولده يتجوزني وفضل ورانا لحد ما خلانا نطلج وبعدها حصل لعمك حادثة ومات وفي نفس الوجت عرفت اني حبلة ،، روحتله وجولتله وانا مفكرة انه هيحاجي علي ولد ولده اللي من ريحته بس هو انكر وجالي لو اتكلمتي ولا جولتي انه ولد ولدي هتشوفي ايام سواد ومش ههنيكي بيه ومن وجتها وانا بك*ره الراجل ده وخابرة زين انه يعمل اي حاجة عشان يمشي اللي في راسه بس
فتون شهقت بصدمة لما شافت رعد واقف ورا امه وعنيه حمرا من الغضب بعد ما سمع كل حاجة
رعد بجمود وهو بيقرب من امه / انتي كيف تخبي عليا حاجة زي دي ،،وكنتي ناوية تخبي لحد ميتي يا ام رعد
نعمة بقلق وهي بتحضن رعد بخوف عليه / لا يا ولدي ،، انا خوفت عليك ،، انت عندي اهم من اي حاجة في الدنيا ،،انت اللي خرجت بيه منها يا ولدي ،، وعشان اكده كنت هموت والسر معايا وبعدين الاب الي ربي يا رعد وانت عثمان كان بيعتبرك ولده لحد ما مات وهو بيعاملك اكده
رعد بص قدامه بتوعد ورد بقوة/ بس ده ميمنعش اني اجيب حجي وحج ابويا من اللي كان السبب في انه يفرجنا
نعمة عيطت ومسكت ايد رعد وهي بتترجاه بطريقة اثرت فيه / لا يا رعد ،، انت لو جرالك حاجة انا ممكن اموت فيها ،، رايد امك يجرالها حاجة يا ولدي ،، اوعاك يا رعد تعمل حاجة ،،عشان خاطري يا ولدي ،،اوعدني انك مش هتجرب من عرابي جدك اوعدني يا رعد
رعد بتأثر وحيرة وهو بيحض*ن امه بحنية / خلاص ياما متخافيش ،،وحاضر مش هعمل حاجة بس لو هو اللي بدأ يبجي عليا وعلي اعدائي
كانت متابعة اللي بيحصل فتون بعيون حيرانة ،، كانت باصة لرعد ومش عارفة هو مقرر يعمل ايه في موضوعهم وخايفة يتخلي عنها عشان خاطر صاحبه وهو بقي املها الوحيد والامان بالنسبالها او بالادق حلم واتحقق
زاغت بعنيها بعيد بتوتر لما رعد بصلها ومشيت من قدامه وهي بتمسح دموعها وكان متابعها هو بعنيه
..........................................
عدي اسبوعين كانت فيه حبيبة بتشتغل في الوحدة الصحية وكانت فرحانة اوي لانها اخيرا استقرت في شغل وكمان ومبسوطة بيه وفرحتها كانت اكبر لان اياد من وقت ما جابها اول يوم وهو بيكلمها كل يوم يطمن عليها ورغم انها مشفتهوش من ساعتها بس كانت بتفرح بصوته اللي بتسمعه وبس
كانت واقفة حبيية بتعلق المحلول لمريض لحد ما دخل الدكتور جاسر فكشرت حبيبة بضيق لانها مش بترتاح ليه ودايما بيعاكسها وبيضايقها بس هي مش بترضي تشتكي عشان متعملش مشاكل ويمشوها
جاسر بخبث وهو بيتعمد يلم*س ايد حبيبة / وريني كدة علقتي المحلول كويس
حبيبة بضيق وهي بتبعد / تمام يا دكتور اتفضل انت وانا هروح اشوف المريض اللي بعد كدة
خرجت حبيبة بغضب وضيق من الاوضة وهي من جواها مخنوقة اوي وكانت ماشية مش واخدة بالها لما خب*طت في اياد اللي وقف قدامها فجأة واول ما شافته ابتسمت بتلقائية
حبيبة بفرحة وهي بتبص لاياد بصدمة / اياد ؟ انت اهنه فعلا
اياد كان مركز في عيونها لانها كانت واحشاه اوي وهي كمان كانت بصاله بخجل وبعدين بصت في الارض
اياد بهدوء / عاملة ايه يا حبيبة ،، انا قولت اجي اطمن عليكي
حبيبة بابتسامة وهي بترفع عنيها ليه / اني زينة دلوقتي ،، بجد سعيدة اني شوفتك ،،انت جيت امتي من مصر
اياد بتلقائية وهو بيبتسم ليها / جيت دلوقتي علي هنا علطول عشان اشوفك ،، مقدرتش استني اكتر من كدة ،، ها طمنيني عليكي هنا
حبيبة بتوتر بعد ما افتكرت جاسر / لا ده انا بجد مبسوطة اوي بالشغل وكمان بدأت اتعلم ،،مش جولتلك اني بتعلم بسرعة
اياد بفرحة وهو بيبصلها بحب / انا من اول ما شوفتك وقولت انك شاطرة برضه
جاسر بسخرية من وراهم/ يعني سايبة شغلك وواقفة تتكلمي مع رجالة اهو ،، يلا روحي شوفي شغلك
حبيبة اتوترت وبصت لاياد باحراج وسابته وكانت هتمشي بس هو مسك ايديها وهو بيبص لجاسر بغضب وبيتكلم / انت مين اصلا عشان تقولها تعمل ايه ولا تكلم مين ؟
جاسر بغضب وهو بيبص لايديهم/ انا دكتور هنا وهي بتشتغل تحت ايدي انت بقي تقرب ليها ايه ؟
اياد بتلقائية وهو بيضم حبيبة ليه / خطيبها ،، واعتقد انك عرفت دلوقتي ياريت بقي تتعامل معاها بطريقة احسن من دي والا انا اللي هعرفك مقامك
اتوتر جاسر لما عرف ان حبيبة مخطوبة وسابهم ومشي بسرعة ووقتها حبيبة اتنهدت براحة وفرحت ان اياد قال كدة عشان جاسر يعرف انها مرتبطة فيبعد عنها
اياد بتردد وهو بيبص لحبيبة اللي كانت سرحانة / حبيبة انا اسف بجد ،، مقصدش اضايقك لما قولتله كدة بس انا كنت عاوزه يبعد عنك و
حبيبة ردت باندفاع من غير ما تقصد / لا طبعا بالعكس كويس انك عملت كدة عشان يبعد عني
اياد بغضب وهو بيقبض علي ايديه جامد / يبعد عنك ؟ تقصدي ايه هو بيضايقك ؟
حبيبة بلهفة وهب بتلع*ن غب*اءها / لا يا اياد عشان خاطري مش عاوزة مشاكل ،، انت فهمت غلط هو مش بيضايقني بالطريقة اللي فهمتها
اياد بص لحبيبة بشك فاتوترت ووقتها اياد بصلها بقوة وقالها بتحذير / حبيبة ،،انا مبكر*هش في حياتي قد اللي بيكدب عليا ،، الزفت ده فعلا بيضايقك ولا لا
حبيبة خافت فردت بحزن/ ايوة ،، بس بالله عليك متعملش فيه حاجة ،،صدقني انا تمام وبعرف اوقفه عند حده كويس ،، انا بس مش عاوزة مشاكل تخليني اسيب شغلي بعد ما استقريت
اياد حاول يتحكم في نفسه ورد بجمود/ تمام يا حبيبة وانا مش هتدخل زي ما انتي عاوزة ،، سلام
مشي اياد وحبيبة متابعاه بحزن لانها عارفة انه زعل منها وكانت من جواها حاسة ان قلبها مقسوم من الزعل وخصوصا انها مش قادرة تروح وراه
..........................................
فتون كانت واقفة في اوضتها بتطبق الهدوم لحد ما خب*طت عليها نعمة ودخلت
فتون بابتسامة جميلة / صباح الفل عليكي يا عمة ،، اؤمريني رايدة حاجة اعملهالك
نعمة بتردد وهي بتقعد / فتون ،، انا رايدة اعرف انتي رايدة ايه من ولدي ،، انا مصدجاكي في اللي جولتيه رغم اني كنت خايفة منك وكنت فاكراكي زيهم بس ولدي ميستاهلش انه يتجر*ح تاني منك
فتون باستغراب وهي بتقعد هي كمان قدام نعمة / تجصدي ايه بينجر*ح تاني يا عمة ؟ هو انا جر*حته اولاني ؟ اني مش فاهمة حاجة
نعمة بضيق وهي بتبص بعيد / وهو انتي فاكرة ولدي خلاص نسي انك رفضتيه زمان وفضلتي عليه واد عمه ،، اكيد لا ،،ده لحد انهارده يا كبدي بيعاني
فتون كانت مصدومة وهي باصة لنعمة وردت بتهتهة / رعد كان متجدملي وجت ما عاصم اتجدم ؟
نعمة باستغراب / ايوة حصل وانتي اخترتي عاصم ورفضتيه ،، ايه نسيتي ولا ايه ؟
فتون والدموع في عنيها ردت بقهرة / منستش لانه محصلش يا عمة،، انا اول مرة اعرف منك ان رعد اتجدملي وجتها ،، اللي حوصل ان جدي جالي انه عاصم رايد يتجوزني وانا رفضت وجلبت الدنيا بس جدي صمم وخلاني اتجوزه غصب عني وبعد اكده رضيت بالامر الواقع لكن ان رعد كان رايدني محدش جالي
قالت فتون جملتها الاخيرة بصوت مخنوق والدموع بتنزل من عنيها ونعمة كانت مصدومة من كلامها ووقتها فهمت كل حاجة وردت بغضب / يا مري ،، دلوك فهمت ،، لعبها عرابي صح ،، متخرجش غير منه ،، اكيد لما رعد اتقدملك وراح كلمه قاله انك رافضاه ،،هو اللي كس*ر جلب ولدي منك لله يا عرابي ،، انا عمري ما شوفت حد يكر*ه ولد ولده اكده وكل ده عشان مكنش بيحبني
فتون كان قلبها مو*جوع اوي بعد ما عرفت انها كان ممكن تتجوز رعد من زمان وانه كان عاوزها فمسحت دموعها واتكلمت ببهتان / عارفة يا عمة ،، جدي مجاليش ان رعد رايدني لانه كان خابر اني هوافج عليه
نعمة بصدمة / انتي بتجولي ايه ؟ بجد يا فتون ؟
فتون بابتسامة حزينة / كان بيشوفني وانا بتكلم عنه علطول وكان يزعقلي ،، كان متأكد اني عاشجاه وعشان كده مرضاش يجولي
نعمة بحزن وهي بتحض*ن فتون / خلاص يا بتي ده نصيب واللي ربك رايده حصل واهو ربنا جعلكم من نصيب بعض
كانت فتون هترد بس دخل رعد اللي باين عليه الضيق بس استغرب دموع فتون
رعد بقلق وهو بيبصلهم/ في ايه ،،مالك يا فتون ؟
نعمة كانت هتقول لرعد بفرحة بس قاطعتها فتون اللي مسكتها من ايديها عشان تسكت واتكلمت هي / مفيش جولي انت مالك شكلك مضايج من حاجة
رعد بتردد وهو بيبص لفتون/ عاصم كلمني وقالي انهم رايدين الطلاج يتم عشان يرجعك هو ليه
فتون بقلب مقبوض / وانت هتطلجني يا رعد ؟
رعد بحيرة وتوهان / هو جالي انه اتغير وانه معدش هيضر*بك تاني متخافيش ،، مش هو ده السبب اللي كنت خايفة ترجعيله عشانه
فتون بحزن وهي بتبص لنعمة/ يعني هتهملني ليه حتي لو جولتلك اني مش رايداه واني مش رايدة ارجعله
رعد بتنهيدة كلها حيرة/ اانا مبجتش خابر حاجة واصل ،، انتي رايدة ايه يا بت الناس
نعمة بفرحة / يا واد بتجولك انها مش رايدة ترجع للمخفي عاصم ورايدة تكمل معاك ،، ايه رايدها تجولك ايه تاني
رعد باندفاع وهو بيبص لفتون / رايد اعرف اخرتها ياما ،، لحد ميتي هتفضل فتون مرتي عشان مش رايدة ترجع لعاصم وخايفة منه ماهو لازمن يكون في حل تاني
فتون بصوت مخنوق / وايه هو الحل يا رعد اللي يريحك
رعد كان باصص لفتون بحزن واتمني لو يقدر يقولها انه بيعشقها وانه مش عاوزها تعيش معاه كدة وهي مش بتحبه ومغصوبة تفضل معاه عشان خايفة وانه برضه مش هيقدر يطلقها لانه بيحبها ومش متخيل نفسه بيطلقها بعد ما بقت مراته
مشي رعد وخرج من الاوضة بغضب وحيرة وساب فتون ونعمة امه اللي اتكلمت بحزن/ يا قلبي يا ولدي ،، هو مش جادر يجولك انه بيحبك ورايدك لانه خابر انك مش بتحبيه
فتون بابتسامة وهي بتمسح دموعها / متجلجيش يا عمة ،،انا هخليه يجولها جدامهم كلهم
......................................
بعد كام يوم كانت واقفة حبيبة بتبص لتليفونها للمرة الخمسين عشان تشوف اياد رن عليها ولا لا بس للاسف مكنش في اي اتصال منه ولا حتي بيرد عليها من وقت اللي حصل ،، كانت داخلة حبيبة البيت بحزن بعد ما حطت الموبايل في شنطتها بيأس بس فجأة ابتسمت بتلقائية وهي شايفة اياد قدامها هو وفايزة المُدرسة بتاعتها اللي قامت وقربت منها وسلمت عليها
فايزة بحب / اهلا بعروستنا الجمر
حبيبة بصدمة / عروستنا ؟ انا مش فاهمة حاجة
وردة ام حبيبة بفرحة/ ايوة يا حبيبة ،،اياد طلب يدك مني هو والاستاذة فايزة،،ها ايه رأيك
حبيبة مكنتش عارفة ترد من الصدمة وبصت لاياد بخجل فقال بخبث / واضح انها مش موافقة يا عمة ،، خلاص حصل خير بجي
حبيبة باندفاع / لا مش جصدي
ضحكو كلهم مرة واحدة علي رد حبيبة اللي اتكسفت ووشها احمر وقرب منها اياد اللي قالها بهمس / انا بقول نكتب الكتاب بسرعة عشان تبطلي تتكسفي مني
حبيبة بعتاب / بس انت مكنتش بترد عليا خالص افتكرتك زهجت مني
اياد وهو مركز في عيون حبيبة بعشق / بالعكس انا بعدت عشان ارتب دنيتي واعرف اجي اخدك عشان تنوريها يا حبيبة
حبيبة بفرحة وهي بتبص حواليها بخجل / وانا موافجة
اياد ابتسم ابتسامة جذابة خلت حبيبة تتوتر ورد بصوت عالي / انا بقول نجيب المأذون دلوقتي
ضحكت حبيبة بخجل لاياد اللي كانت نظرة منه كفيلة تحسسها بالامان ووقتها جريت رؤي علي حبيبة اللي شالتها بفرحة وهي مش مصدقة ان حلمها بيتحقق وانها هتبقي لاياد
.......................................
كان داخل رعد بيت فتون وهي معاه بعد ما قالتله انها موافقة انه يطلقها وترجع لعاصم ووقتها رعد كان حاسس بن*ار في قلبه وان لتاني مرة فتون تروح من ايديه وهو مش قادر يعمل حاجة ،،، كانت فتون متوترة وهي بتبص لنعمة اللي طمنتها بعنيها وكان مستنيهم عاصم بحماس وكمان عرابي اللي كان بيبص لنعمة بغضب وشماتة بس هي اتجاهلته ووقفت جمب رعد
فضل بهدوء وهو بيشاور لرعد / المأذون اهنه من شوية يا رعد
رعد بص لفتون اللي ابتسمت ليه لكنه فهم ابتسامتها انها فرحة لرجوع عاصم فكان مستغرب كلامها ورد فعلها دلوقتي لكنه فضل السكوت
عاصم بحماس وهو بيبص لرعد/ يلا يا رعد ارمي اليمين علي فتون مش اكده يا مولانا
المأذون بجدية / ايوة يا رعد يا ولدي ،، انا جهزت الورج فاضل امضيتكم وكمان ترمي علي مرتك اليمين
فتون باعتراض وهي بتقرب من المأذون / ثانية واحدة يا مولانا ،، كنت رايدة اسألك علي حاجة الاول
ااستغرب رعد لكنه سكت وبص للمأذون اللي رد بجدية / جولي يا بتي رايدة تسألي علي ايه ؟
فتون بثقة / هو مش المفروض لما واحدة تتجوز محلل عشان ترجع لجوزها يبجي جواز بحج وحجيجي مش علي ورج بس
عرابي بغضب وهو بيقوم من مكانه/ اخرسي ،، من ميتي الحرمة عندينا بتتحدت في الحجات دي ؟
فتون بقوة وهي بتقرب من رعد وبتتحامي فيه / من وجت ما ضحكت عليا زمان يا جدي وخبيت عليا ان رعد متقدملي ومنعتني اختار وجبرتني اتجوز عاصم اللي كان بيعاملني معاملة البهايم رغم اني كنت بتقي الله فيه ،، ودلوك جوزتوني رعد عشان تخلوني ارجع تاني لعاصم بس ده مش هيحصل لان رعد ملمس*نيش عشان يطلجني
المأذون بغضب وهو بيقوم / جرا ايه يا حج عرابي ،، انت خابر زين ان اكده لو البنتة اطلجت ورجعت لجوزها الاولاني هتبجي الجوازة باطلة ،، استغفر الله العظيم
كان واقف رعد مصدوم وكلام فتون بيتردد في ودنه وكان بيكلم نفسه وهو مش مصدق ان فعلا فتون مكنتش تعرف انه متقدملها ؟ وده معناه انها مرفضتوش وان جده اللي عمل كدة
عاصم بغضب وهو بيبص لفتون بتحذير / بجولك ايه يا مولانا انت تعمل اللي بنجولك عليه وتطلجهم وخلاص وانتي يا فتون اياكي اسمع صوتك تاني فاهمة ولا لا
فتون ردت بقوة علي عاصم وقالتله وهي بتقف قصاده / لا مش هسكت يا عاصم واجولك علي حاجة اكيد جدي عارفها زين ،، انا لو كنت خابرة ان رعد طلبني للجواز كنت هوافج من غير ما افكر لاني عاشجاه من واني لسة بنتة بضفاير
رعد قلبه دق واتفاجئ بكلام فتون اللي قالته وهي عنيها في عنيه ومكنش مصدق نفسه وحاسس انه بيحلم بس خرجه من دوامة مشاعره صوت عاصم اللي اتجنن بعد ما سمع كلام فتون وكان هيقرب منها يضر*بها بس رعد اللي وقف قصاده وهو بيمسك ايده بغضب وهو بيقوله / لو فكرت تاني تمد يدك علي مرتي هجط*عهالك يا عاصم
عاصم اتفاجئ بكلام رعد وبصله بغضب وهو بيقوله / انت بتجول ايه ؟ رعد انت ناسي انها مرت صاحبك وواد عمك
رعد بغضب اعمي / كاااانت ،، ودلوك مرت رعد هاشم عرابي ،، ولا ايه يا جدي ،، والله حتي كلمة جدي متستاهلهاش
عرابي بصدمة وتوتر / متفهمش غلط يا رعد ،، انت اه حفيدي بس انا كنت رافض نسب امك مش انت خالص
رعد بسخرية وهو بيقرب من امه / اهي الست اللي مش عاجباك دي عملت اللي محدش في عيلتك جدر يعمله وانا بتشرف بيها وسط الخلج كلياتهم
نعمة ابتسمت بحب وفخر وحضنت رعد اللي با*س راسها وكمل كلامه / انا حجي مسامح فيه لاجل عيون امي ،، بس من انهاردة انا مش رايد اعرفك تاني يا ،، يا حج عرابي ،، يلا يا ياما ،، يلا يا فتون
فضل رغم انه كان مصدوم ان رعد ابن اخوه ومكنش يعرف بس فرح ان بنته هتبقي سعيدة اخيرا وهتعيش مرتاحة
..................................
دخل رعد البيت هو وامه وفتون اللي كانت سعيدة اوي انها خلاص اخيرا قفلت صفحة عاصم من حياتها للابد وهتبقي مع الراجل اللي حبته من كل قلبها ،، شهقت فتون بخضة لما لقت رعد بيشدها من ايديها وبيسحبها وراه لاوضتهم اللي في الدور اللي فوق واول ما دخل الأوضة بص لفتون وقالها وهو بينهج / فتون ،،انتي الحديت اللي جولتيه هناك ده صوح ولا كنتي بتجولي بس اكده عشان تهربي منيهم
فتون بصدق وهي بتبص في عيون رعد / لا يا رعد ،،كل كلمة جولتها كانت صوح وصدجني انا مكنتش اعرف انك طالب يدي زمان الا من عمة نعمة،، لكن كمان ارفضك ده لايمكن كان يحصل لاني متوكدة اني كنت هوافج علطول حتي من غير ما افكر
رعد ابتسم بتلقائية وسحب فتون لحض*نه فجأة فاتكسفت بس ابتسمت لما سمعته بيقولها بهمس / اني حاسس اني بحلم يا فتون ،،مش مصدج انك معايا ،، متعلميش كنت بتعذ*ب ازاي وجت ما عرفت انك رفضتيني ،،كنت حاسس اني مكسو*ر لكن دلوك كأن روحي ردت فيا ،، بعشجك يا فتون جوي
فتون بخجل / وانا كمان روحي رچعتلي لما بجيت علي اسمك يا رعد ونفسي اصرخ واجول للدنيا كلها اني عاشجاك يا روح جلب فتون
تمت بحمد الله