رواية خيانه من نوع اخر الفصل الاخير بقلم اسراء ابراهيم
يزن بجدية/ ممكن اعرف بتتهربي مني ليه ؟
نورهان بتوتر/ يزن ؟ جيت امتي محستش بيك
يزن وهو بيقعد قدام نورهان / هتحسي بيا ازاي بعد ما رنيت الجرس عشر مرات وفي الاخر مرات عمي فتحتلي ،، طبعا لو كنتي عرفتي ان انا اللي جيت كنتي هتهربي كالعادة وتدخلي اوضتك عشان متقابلنيش
نورهان بتوتر/ وهتهرب منك ليه بس يا يزن ،، انا بس بجد مخنوقة اوي ومش قادرة اتكلم مع اي حد
يزن بغموض/ وهو انا اي حد يا نورهان ؟
نورهان عنيها دمعت وردت بحزن/ اسفة يا يزن بس صدقني انا محرجة منك ومش عارفة ابصلك اصلا
يزن بهدوء / اسمعيني يا نورهان كويس ،، انا مهما حصل هفضل ابن عمك وكون اننا كنا صحاب اوي وانا اتقدمتلك وانتي رفضتيني واتجوزتي وبعدنا عن بعض ،،فمهما حصل برضه هفضل ابن عمك واكيد مش هسيبك لوحدك ،، وانا لو كنت بعدت فمش عشان انا زعلان منك او مش متقبل فكرة انك رفضتيني ،، بالعكس انا مكنتش عاوز اخليكي تبقي محرجة مني ففضلت الانسحاب وبعدين خلاص كل ده كان زمان ،، ودلوقتي كل واحد ليه حياته فاتمني انك متخلطيش الامور ببعضيها وصدقيني انا مش عاوز غير راحتك فاديني فرصة اقف جمبك
متعرفش ليه وقتها نورهان ارتاحت بسبب كلام يزن يمكن لانها فعلا كانت محرجة منه بسبب اللي حصل زمان لما رفضته ؟ اقنعت نفسها ان اكيد هو ده السبب
نورهان بهدوء/ تمام يا يزن انا بس كنت محرجة منك فعلا بس خلاص صدقني مفيش حاجة
يزن بهدوء / تمام داوقتي بقي ممكن تفهميني ايه اللي حصل بالظبط ؟ وليه الحيوا*ن ده عمل فيكي كدة ؟
نورهان بحزن وهي بتفتكر / خلاص يا يزن ،،كدة كدة كل حاجة خلصت وانا قولت لماما اني هطلق منه وكل واحد يروح لحاله
يزن بضيق / واضح انك لسة مصممة تعامليني علي اني غريب ،، تمام يا نورهان بس احب اعرفك ان جوزك رفع قضية طاعة ضدك
نورهان بصدمة ؟ / طاعة ؟ يعني ايه ؟ مش فاهمة
يزن بجدية / يعني هو بيقول انك ناشز عشان سايبة بيتك ولازم ترجعي ولو مرجعتيش القاضي هيحكم ليه وهتخسري كل حاجه
نورهان بدموع / يعني مش هيسيبني في حالي ،، طب اعمل ايه
يزن بجدية / تحكيلي كل حاجة وصدقيني انا جمبك بس تثقي فيا
نورهان بدموع وقهرة / فريد بيتهمني بالخيا*نة يا يزن ،، تخيل ؟ انا بعد الحب اللي حبتهوله والاخلاص يقول عني اني خا*ينة وعشان كدة عمل اللي عمله
يزن بجمود/ وايه اللي خلاه يشك فيكي ويقول كدة ؟ واشمعني دلوقتي بعد جواز سنتين
نورهان كانت مترددة تتكلم وتقول علي شهد اختها ويزن كان حاسس بكدة بس افتكر انها مش عاوزة تحكي ليه هو بالذات فقام وقف
يزن بجمود/ تمام يا نورهان ،، انا هكلم محامي غيري يمسك القضية ووقتها هتقدري تتكلمي معاه بحرية وتقوليله كل التفاصيل الازمة
يزن كان همشي بعد ما خلص كلامه بس لحقته نورهان بسرعة / يزن استني لو سمحت ،، ارجوك اقعد انا مخلصتش كلامي
يزن بتنهيدة وهو بيقعد / نعم يا نورهان اتكلمي
نورهان بانهيار / انا الكلام اللي هقولهولك مينفعش يخرج لمخلوق ولا حتي لماما ،، اوعي يا يزن تقول حاجة ولا حتي تجيب سيرة الموضوع ده في النيابة ،،اوعدني ارجوك
يزن بقلق / في ايه يا نورهان قلقتيني ،، اتكلمي
نورهان بدموع / شهد اختي السبب يا يزن ،، شهد جاتلي يوميها وكانت اول مرة تجيلي من وقت ما اتجوزت ويوميها كنت فرحانة اوي بس مكنتش اعرف انها ناويالي عالش*ر ،، سابتلي الچاكت بتاعها اللي جاية بيه وقالتلي انه ضيق عليها وانا فرحت واخدته منها ودخلته اوضة نومي وبعد ما مشيت جه فريد واتجنن اول ما شاف الچاكت وبدأ يتهمني بالخيا*نة ومن كلامه عرفت انه وهو في شغله شاف في شقة معينة واحدة لابسة نفس الچاكت ولما شافته دارت نفسها واتوترت وخبت وشها وكانت حاطة نفس البرفيوم بتاعي بس هو مهتمش لحد ما شاف الچاكت عندي
يزن بغموض / يعني انتي قصدك ان شهد تعمدت تعمل كدة وتخلي فريد يشك فيكي طب مش يمكن صدفة ؟
نورهان بحزن/ صدقني فكرت زيك بس لا يا يزن ،، شهد تعمل كدة واكتر ،، لانها طول عمرها بتكر*هني بس انا اللي كنت غ*بية ومش عارفة وكمان نظرات الشماتة منها اخر مرة لما واجتها بتأكدلي انها قصدت تعمل كدة
يزن بجدية/ تمام يا نورهان ،،الموضوع ده هيخلص بس انا عندي سؤال واحد ولازم تجاوبيني عليه
نورهان وهي بتمسح دموعها/ تمام ،، اسأل
يزن بغموض / لو فريد عرف الحقيقة ورجع ندمان وحاول يصالحك ويرجعك ليه هتوافقي ؟ واعملي حساب انه برضه معذور هو شاف بعنيه والصدمة خلته يتصرف بغبا*ء
نورهان بقوة / مستحيييل ،، البني ادم ده لا يمكن ارجعله تاني ،، انا خلاص كدة انتهيت بسببه ،، صدمتي فيه كانت او*جع وافظع من الخيا*نة يا يزن ،، عارف يعني ايه تبقي بتحب شخص وبتعامله علي انه الامان بالنسبالك وفي لحظة تكتشف ان كل ده وهم وبسبب كدبة وظلم ينسي انت ايه ومين ،،ده حتي مفكرش يسمعني ،، صدقني انا خلاص مبقتش حتي طايقة اسمع اسمه
يزن بهدوء/ تمام ،، مش عاوزك تشيلي هم اي حاجة ،، انا معاكي وانا هحل كل حاجة يا نورهان
نورهان بابتسامة مكسو*رة/ متشكرة يا يزن بجد مش عارفة من غيرك كنت هعمل ايه ؟ اهم حاجة ماما متعرفش حاجة يا يزن بخصوص شهد مش عاوزاها تكر*ها او تتخانق معاها بسببي
يزن بابتسامة / حاضر يا نورهان اوعدك اني مش هجيب ليها سيرة ،، يلا سلام عشان عندي شغل ،،لو في اي حاجة كلميني
نورهان بابتسامة / حاضر
.....................................
مين ؟
قالها فريد وهو بيفتح باب الشقة لما جرس الباب ضر*ب بس فجأة كشر بغضب لما شاف يزن قدامه
فريد بغضب / انت كمان ليك عين تيجي لحد هنا ،، انا مش هخرجك علي رجليك بقي
فريد بسخرية/ اهدي علي نفسك ،،انا جاي لمصلحتك ،، يعني تسمعني كويس وتشوف هشرب ايه كدة بهدوء
فريد بحد*ة / مصلحتي معاك انت ؟ ليه فاكرني اهبل ،، طبعا جاي عشان المحضر اللي جالكم بسبب القضية ،، بس انا بقي مش هتنازل يا يزن واعلي ما في خيالكم اركبوه
يزن ببرود/ لا القضية دي تبلها وتشرب ميتها ،، انا مش فارقالي ،، انت عارف ان نورهان محدش يقدر يلمس ضفرها ،، بس انا جاي لحاجة تانية ،،جاي اعرفك انها مظلومة
فريد بتكشيرة / لا يا راجل ،، وانا اهبل بقي عشان اصدقك ،، لا يا حبيبي ،،انا اتأكدت من كل حاجة بنفسي ،، دليل خيا*نتها معايا تحب اجيبلك الچاكت اللي خرجت تقابل عشيقها بيه يوميها
يزن بجدية/ غب*ي ،، انا لو مكانك عمري ما اشك فيها لحظة واحدة ،،لاني عارف نورهان ايه بس انت غب*ي يا فريد ومتستاهلهاش
فريد بسخرية/ وانت بقي اللي تستاهلها ،، فكرك اني عبيط ومش عارف انك بتحبها ،، باين عليك بس احمد ربنا انك خلعت منها اديني انا اللي اتدبست
يزن ببرود طلع تليفونه وفتح تسجيل بينه وبين شهد وهي بتقول بانفعال /
انت عاوز ايه مني يا يزن ،، بتكلمني ليه دلوقتي ،، قولتلك ان نورهان كدابة
رد يزن عليها بسخرية/ اذا كان الراجل نفسه اعترف عليكي يا شهد تخيلي اديتله اكتر من اللي دفعتهوله عشان توقعي اختك
شهد بانفعال/ متقولش اختي ،، دي بنت جوز امي وانا بكر*ها وايوة يا يزن ،،انا اللي خر*بت بيتها عارف ليه ؟ عشان خدت مني فريد ،،عشان انا حبيته قبلها بس هي سرقته مني وخليته يحبها هي وخليتني اتجوز راجل مبحبوش كله بسببها
قفل يزن التسجيل وبص لفريد اللي كان مصدوم وهو بيسند عالكرسي ومش متخيل انه ظلم نورهان مراته
يزن ببرود / صدقت ان نورهان مظلومة ؟ دلوقتي تسحب القضية اللي عاملها وتحاول تصالحها
فريد بتوهان / انا غب*ي اوي كدة ؟ ازاي قدرت البت دي تضحك عليا وتشككني في مراتي ؟ انا غب*ي غب*ي ،، بس ليه انت عملت كدة ؟ ليه عاوزني اصالحها ؟ وانا عارف ومتأكد انك بتحبها
يزن بتوتر وهروب / عشان هي بتحبك انت واختارتك انت ودي حاجة مش بايدي ،، سلام
قال يزن كلامه ومشي وكان متابعه فريد بحزن وندم علي كل اللي عمله مع نورهان
...............................
تاني يوم كانت قاعدة نورهان في اوضتها بس اتنفضت اما سمعت صوت امها بتزعق فخرجت بسرعة واتفاجات بفريد وهو واقف مع امها
سماح بغضب / ملكش عندنا حريم وامشي احسن ما اطلبلك البوليس انت فاهم ؟
فريد بلهفة اول ما شاف نورهان / نورهان حبيبتي ،،انا اسف سامحيني انا عرفت كل حاجة وصدقيني كان غصب عني ،،انا عشان بحبك متخيلتش انك تعملي فيا كدة وتخو*نيني
نورهان بصدمة / انت عرفت ايه ؟ ومين اللي قالك ؟ وازاي
فريد بندم/ يزن جالي وفهمني كل حاجة وسمعني اعتراف اختك انها السبب في كل ده وانها هي اللي دبرتلك المكيدة دي عشان اشك فيكي واطلقك ،، احنا الاتنين اتخدعنا يا نورهان ،، صدقيني انا لسة بحبك
سماح شهقت بصدمة / شهد عملت كدة؟ بنتي تعمل كدة وتخر*ب بيتك اختها ؟
نورهان بانهيار / امشي يا فريد من هنا ،، خلاص كل حاجة انتهت ،، انا مش هرجعلك ولو سمحت طلقني بهدوء لو فعلا عاوز تعتذرلي علي اللي حصل يبقي طلقني وخليني اتعافي منك
فريد بلهفة وندم حقيقي / يا نورهان لا ،،متعاقبنيش ببعدك عني ،،كله الا الطلاق ،، انا بجد غصب عني مقدرتش اتحمل فكرة انك تخو*نيني ،، صدقيني اسف وندمان والله علي كل اللي عملته ،،اديني فرصة واحدة بس واوعدك اني مكررهاش تاني ابدا
نورهان بانفعال ودموع / يا فريد طلقني بقي ،، انت مش قادرة تفهم اني مش هقدر صدقني ارجعلك،، لاني مبقتش احبك ،،مبقتش بالنسبالي فريد الامان والاحتواء ،، انا بقيت اخاف منك ،،عارف يعني ايه بخاف ؟ يعني طول الوقت حاسة انك هتغد*ر بيا وتضر*بني وتعمل اللي عملته تاني ،، لو فعلا لسة ليا عندك غلاوة ،،طلقني يا فريد
فريد بص لنورهان بحزن وفعلا مشافش في عنيا اي ذرة حب كانت كلها خوف وكر*ه وهنا قرر انه يطلقها فعلا يمكن ده اللي يخليها في يوم من الايام تبطل تكر*هه
فريد بحزن وندم / انتي طالق يا نورهان وانا فعلا اسف اوي علي كل اللي عملته معاكي
نورهان بهدوء/ وانا مسامحاك يا فريد وبتمنالك السعادة من كل قلبي
مشي فريد ووقتها نورهان ابتسمت لاول مرة براحة من وقت اللي حصل وقررت انها تبدأ حياتها من جديد من غير اي حد وراحت حضنت سماح اللي كانت بتعيط ومصدومة وقالتلها بابتسامة باهتة/ انسي يا ماما،، خلاص انا المهم عندي انتي والله وصدقيني انا كدة مرتاحة،، مش احسن ما كمت اعيش مخدوعة
..................................
بعد سنة عدت كانت فيها احداث كتير حصلت زي ان سماح اتبرت من شهد وطردتها من بعد اللي عرفته عنها وانها السبب في اللي حصل لنورهان ولسة لحد انهاردة نورهان بتحاول تقنعها انها تسامحها بس سماح رافضة رفض قا*طع وشهد هي اللي خسرت في الاخر ،،خسرت امها واختها اللي كانت بتحبها اوي وجايز هي مش حاسة بقيمتهم دلوقتي بس اكيد هتحس بعدين ،، اما نورهان فعلاقتها ييزن اتطورت ورجعو صحاب تاني ويزن بيحاول دايما يخلي نورهان تنسي اللي فات ،، كانو قاعدين هما الاتنين في مطعم حلو اوي وكان عاجب نورهان اوي
نورهان بسعادة / مبروك عالقضية يا متر ،، اللهم لا حسد
يزن بابتسامة / منا مش هنسي مجهودك معايا برضه واستاذ كرومبو اللي كان بيلاقيلي ثغرات القضية
نورهان بضحكة رقيقة/ لا منا متعلمة منك برضه مش هقدر انكر ،، عموما انا شكلي كدة هاخد مكانك قريب
يزن كان هيرد بس قاطعه دخول بنت جميلة عليهم وهي بتبص ليزن وبتبتسم
البنت بابتسامة / مستر يزن ،، متوقعتش اشوفك هنا
يزن بابتسامة/ جميلة ،، ازيك ،، والله ولا انا توقعت اشوفك هنا ،، وبعدين ده انا قولت ارتاح بقي من المكتب شوية الاقيكي هنا
جميلة بابتسامة / ايوة ترتاح مني قصدك ،، عموما انا سعيدة اني شوفتك بجد
كانت قاعدة نورهان مضايقة لانهم بيتكلمو واتجاهلوها فقامت بضيق
نورهان بضيق/ انا هروح الحمام
مشيت نورهان من غير ما تستني رد يزن وكانت مش عارفة تفسر هي مضايقة ليه وحاولت تتجاهل الموضوع وبعد شوية كتير رجعت تاني بس اتصدمت لما لقت جميلة قاعدة مكانها وبتتكلم مع يزن وهو مندمج معاها في الكلام وحتي مفكرش انها اتأخرت عليه ولا حاجة فكانت نورهان مخنوقة اوي وكانت هتمشي بس رجعت فكرت تاني وحست ان الموضوع مش يستاهل وانها لازم تبان طبيعية فقربت منهم ووقتها يزن قام اول ما شافها
يزن بابتسامة / اتأخرتي ليه ؟ انا كنت هقوم اشوفك
نورهان باندفاع وهي بتبص ليزن / طب والله كويس انك اخدت بالك اني اتأخرت انا قولت الكلام اخدك
بصلها يزن باستغراب ومردش فبصتله هي بغضب ودورت وشها لجميلة وقالت ،، ممكن اقعد مكاني ؟
جميلة اتحرجت وقامت واضايق يزن من الموقف فرد هو
يزن بضيق/ اعتقد عيب اما تقوميها يا نورهان ،، دي مهما كان ضيفة علي ترابيزتنا وبعدين دي سكرتيرة مكتبي
نورهان بصوت مخنوق وهي بتقوم / عندك حق انا اسفة يا انسة جميلة لاني انا اللي ضيفة ولازم امشي
مشيت نورهان قبل ما دموعها تنزل ومردتش علي يزن اللي كان بينادي عليها بصوت عالي وخرجت من المطعم وبقت ماشية في الشارع مش عارفة هي رايحة فين بس هي ماشية
لحد ما لقت يزن بيوقفها وهو بيمسكها من ايديها
يزن وهو بينهج/ استني عندك ،، ازاي تمشي لوحدك ؟ وبعدين ايه اللي حصل لكل ده ؟
نورهان باندفاع/ عندك حق ،،انا مش عارفة انا مالي ،، انا اسفة تقدر ترجعلها وانا هاخد تاكسي
يزن باستغراب/ تاكسي ايه ،،انتي هبلة ،،طبعا مش هتروحي لوحدك
نورهان بهدوء / ليه ؟ انا هعرف اروح وانت خليك معاها ..
يزن باستغراب/ اخليني مع مين ،،هو انتي ليه بتتكلمي عن جميلة كأنها حبيبتي ولا خطيبتي
نورهان باندفاع /اومال تقدر تقولي بتتكلم معاها وتضحك ليه ؟ وكمان خليتها تقعد وتاخد مكاني ونسيتني اساسا ،، وبعد كل ده مش عاوزني اضايق ؟
يزن بغموض/ نورهان انتي غيرانة من جميلة ؟
نورهان كأن يزن دلق عليها مية ساقعة ،، اتوترت وعرقت ومكنتش عارفة ترد تقول ايه
نورهان بتهتهة/ اااغير ،، انت بتقول ايه ،،لا طبعا ،، يزن انا عاوزة اروح
يزن ابتسم بطريقة جذابة وترت نورهان اكتر ومكنتش عارفة تسيطر علي دقات قلبها
نورهان بتردد/ يزن انا ،،انا بحبك وعارفة انك مش مجبر تحبني او بطلب منك تحبني ،، انا بقولك علي احساسي واني
يزن قاطعها / بحبك يا نورهان
نورهان بصدمة/ يزن انت بتتكلم جد
يزن بابتسامة / عارفة انا كنت كل يوم بدعي ربنا يخرجك من قلبي وابطل احبك وكنت فاكر اني فعلا مبقتش احبك بس مجرد ما شوفتك حسيت ان كل حاجة انهارت واني بحبك الف مرة ،، رفضت احساسي وحاولت ابعدك عني بس ربنا رايد انه يحققلي حلمي وتكوني ملكي ودلوقتي مش هسمحلك تفارقي حضني تاني يا نورهان
نورهان بخجل / وانا بقولهالك لاول مرة وحاسة بكل حرف يا يزن ،،انا بحبك
يزن بتنهيدة / وانا بعشقك يا قلب يزن
تمت بحمد الله