رواية رد لي اعتباري الفصل الخامس5 والسادس6 بقلم هبه نبيل
كارما بصدمه وحزن شديد بعد ان قرأت المكتوب بالورقه: مش ممكن ازاي بالسهوله دي يا افندم ازاي بكل بساطه كده ومن غير اي أجراء يبقي مصيري الرفد
انا عملت اي لكل ده انا قولت اخرها جزا او تحويل للتحقيق وكنت مستعده لأي عقاب الا العقاب القاسي ده
عمار بيأس: كارما يا بنتي انا دلوقتي بكلمك زي اب وبنته مش رئيس ومرئوسه كارما انتي عارفه كويس جدا ان شغلنا حساس جدا ومتعلق ب ارواح غير كده في قوانين صارمه جدا لانه تبع مؤسسه رسميه مش خاص وهما اعتبرو هروبك من العمل جريمه
كارما بعيون دامعه: فاهمه يا افندم بس صدقني مقدرتش انا اه هربت بس لو ده محصلش انا كان ممكن يحصلي حاجه مقدرتش بجد
عمار: انا مقدر يابنتي ومصدقك لكن هما مقتنعوش اعتبروها اهمال وعدم مسؤوليه انا مسكتش بس محدش قبل كلامي انا اسف يابنتي ربنا يوفقك
كارما: شكرا جدا يا مستر عمار بعد اذنك
جهه اخري....
في منزل كارما....
كان كمال يشاهد ماتش في شاشة التلفاز وهو يرتشف قهوته المظبوطه المعتاده سمع جرس الباب يرن ذهب ليفتح ومجرد فاتحه للباب تغيرت ملامح وجه تماما من الفرحة إلي الغضب الشديد ثم قال...
كمال بغضب واحتقار: انتي ايه اللي جابك هنا انتي ازاي تفكري اصلا تعتبي البيت ده تاني
ظهر وجه الشخص اللي مازال واقف على الباب واتضح بانها سيده تبدو من وجهها بأنها تبلغ من العمر خمسون عاما ولكنها سيدة ذو ملامح غير مريحه ومتعاليه دخلت السيدة المنزل حتي بدون موافقه من كمال وظلت تنظر لكل قطعة ف المنزل ب تكبر شديد وهي تقول....
السيدة: متغيرش كتير هو هو من ساعة ما سبته لسه روتيني زي مانت وممل يا كمال
كمال بصرامه: انتي عايزه ايه يا فاديه جايه ليه
انتي عارفه ان لو كارما جت مش هتحب وجودك هنا زيي بظبط
فاديه: ماهو ده اللي انت شربتهولها كرهتها فيا
كمال بحتقار: مش انا اللي كرهتها فيكي يا فاديه
اسلوبك وعجرفتك وتعاليكي هو ده اللي كرهها فيكي ده غير ان انا نفسي افهم لحد دلوقتي اي اللي حصل خلاها تتعب اول ماتشوفك
فاديه بتوتر: وانا اش عرفني انا دخلت جواها
كمال: شوفي بتتكلمي ازاي ده مش اسلوب بني ادمه جايه عايزه تصلح الدنيا وتصفي النفوس
فاديه: وانت مين اللي قالك اصلا اني جايه عشان اصلح واصفي انت لسه بتحلم يا كمال لسه عايش دور المثالي ماتفوق بقي انا جايه اخد كارما تعيش في مستوي نضيف بدل القرف اللي هي عايشه فيه ده انت عارف بنتك بتشتغل اي كويس اوي
كمال بضحكة تملؤها السخريه: تأخديها هي طفلة اول ماتقوللها تعالي يا حبيبتي ل ماما هتجيلك انتي جايه تفتكريها دلوقتي يا فاديه بعد ماكبرت جايه تاخديها من حضن اللي شقي وتعب وسهر الليالي عليها
فاديه: بطل بقي الكلام والشعرات دي انت مبتزهقش انا سبتك من شويه بنتي هخدها واللي عندك اعمله
كمال بتحدي: على جثتي يا فاديه
فاديه بتحدي اكبر: لما نشوف وادي قعدة مش ماشيه من هنا غير لما تيجي
كمال: تمام زي ماتحبي ضيفه تقيله ومسيرها تغور بس عمر البيت اللي خرجتي منه بأرادتك هيترحب بيكي فيه يا مدام فاديه عن اذنك
جهه اخري.....
على المقهي المجاوره لمنزل كارما كان جالسا كل من شريف وخالد منتظرين عمر ليأتي اليهم وكان شريف يتحدث معه عبر الهاتف....
شريف: ايه يابني كل ده جاي ف الطريق.... قربت خلاص ماشي مستنينك... سلام ياحبيبي
خالد بستفسار: ها جاي
شريف: بيقول انه داخل على الشارع
خالد: يا مسهل بس انت مش واخد بالك من حاجه!
شريف: حاجه ايه؟؟
خالد: خلاص بعدين بعدين لان عمر جي اهو
عمر: الشله الضايعه اخبارها ايه
شريف: يااااه ياعمر انت لسه فاكر اللقب ده ماخلاص ياعم بقي في شباشب دلوقتي الضياع ده كان زمان
خالد بضحك: ههههه اتكلم عن نفسك انا راجل في بيتي
شريف: اه فعلا بأمارة امبارح لما البيت اتكلم فجاة يا عمر لقيت صاحبك الراجل في بيته ده جاب مياه من كل حته واتحول ل فيبريشن
عمر بضحك : مش قادر 😂😂😂 لا ونعمه الرجوله
شريف: ايوه ده كلامنجي ياعم بؤق ع الفاضي يلا نلعب عشرتين دومنه لحد مايحنو علينا ويجيبو المشاريب....قطع كلامه ثم قال بصوت عالي نسبيا... 3 شاي يابنييييييي
صبي الاهوجي: عيني يا باشوات 3 شاي هنا لأحسن بهوات عندنا دول vip يابني
خالد: حبيبي تسلم يا فضه ايوه متسيطين ع حسك ياعم
عمر: والله ابدا ده انا اللي بتسيط بيكو دومنه يامعلم
قولتلك انا في الدومنه بروفشنال مش هتعرف تغلبني
شريف: لما نشوف
جهه اخري......
في شركة الطيران كانت كارما تسير في الطرقات وهي مازالت ف صدمه شديدة حتي لحقت بها علياء ونهي...
نهي: مالك ياكارما في ايه انتي بتعيطي
علياء: استني يا نهي مالك يا كارما طمنيني انتي كويسه
كارما بدون اي كلمة مدت يديها ل علياء بالورقه
اخدت علياء الورقه وهي تنظر ل كارما بقلق شديد وكانت تقرأ كل كلمة وهي تخطف الانظار ل كارما: ازاي انا مش مصدقه يعني ايه فهميني يعني ازاي ده حصل انتي لازم ترفعي مظلمه مينفعش تستسلمي ولا تسيبي حقك واحنا مش هنسكت حتي لو وصلت اننا نعمل اضراب
كارما بدون رد تنظر ل علياء بمتنان وتتركها وترحل
علياء: والله العظيم يا كارما ل يجيلك حقك
نهي: عليا روحي وراها كارما شكلها ميطمنش انا خايفه عليها اوي
علياء: سبيها دلوقتي يا نهي انا عارفه كارما كويس ف الاوقات دي مبتباش عايزه اي حد معاها ولو حصل بتضايق اكتر وانا هطمن عليها من وقت للتاني لحد مانخلص واعرف اروحلها يلا بينا
وصلت كارما للمنزل وهي لا تعلم كيف اتت من الأساس ولكن كان الوقت متاخرا قليلا وعندما كان يلعب عمر مع اصدقائه التفت ليراها مرة اخري ولكن قلق بعض الشئ من طريقه مشيتها كان يود بأن يذهب اليها ولكن منع نفسه عن ذلك الشعور والاندفاع الذي كان داخله.... طلعت كارما وعندما فتحت الباب وتفجئت بوجود فاديه وقعت كارما مغشيه عليها.....
الحلقة السادسه....
بعد ان وقعت كارما ذهبت اليها فاديه مهروله وهي تقول....
فاديه: كارما كارما قومي ياحبيبتي حصلك ايه؟؟
خرج كمال من غرفته بقلق وهو يقول...
كمال: في اي....لم يكمل جملة حتي رأه كارما مغشيه عليها انتشالها من على الأرض وهو يوجهه كلامه ل فاديه بغضب قائلا....
كمال: انتي عملتي فيها ايه قولتلها ايه انطقي
فاديه بخوف حقيقي من نظرة كمال الغاضبه: مقولتش حاجه انا ملحقتش اقول اي حاجه صدقني هي يادوب فتحت الباب راح.... اوقفها اشاره من كمال بأن تصمت... ثم قال....
كمال بنبره تحذير: اقسم بالله العظيم يا فاديه لو اللي حصلها ده طلع بسببك ماهرحمك.... ثم اخذ كارما اللي مازالت بين ذراعيه ودخل بها غرفتها وانزلها على مضجعها برفق وجلس بجانبها محاوله افاقتها... كارما حبيب بابا قومي ياقلب بابا انا جمبك... لكنها لم تستجيب امسك هاتفه ليتحدث مع الطبيب ولكن رن جرس هاتفه برقم علياء رد عليها بلهفه قائلا.... عليا كارما اغم عليها معرفش اي اللي حصلها انا كنت لسه هتصل بالدكتور.... بتقولي ايه... يعني ايه مش هتعرفي تقولي ف التليفون... خلاص مستنيكي متتأخريش بس..... سلام
جهه اخري علي المقهي المجاوره لمنزل كارما
مازال الأصدقاء جالسين يتحدثون ويتسامرون ويلعبون الدومينو ولكن عمر منذ ان رأه كارما ولاحظ مشيتها التي كانت غير مستقره بالمرة وجائته حالة قلق شديدة لم يعلم سببها كان اصدقائه يتحدثون ويوجهون له الحديث ولكن قلقه جعله في عالم اخر...
خالد: انت ياعم
شريف: يا عمرررررر
عمر بأنتباه: ايه في ايه
شريف: ايه يابني مالك انت مش معانا خالص روحت فين؟؟ وكمان بقالك كام دور بتخسر ايه مش عوايدك في حاجه ولا ايه انت تعبان؟؟
عمر: لا ابدا انا كويس هو بس اجهاد شغل بقولك ايه يا شريف تعالي معايا دقيقه
شريف: على فين؟؟
عمر: انجز تعالي
شريف: طيب متزعقش جاي يا عليك حمقي نستاذنك 5 كده وجايين يا خيلو
خالد: لا براحتكو انا قاعد هروح فين
عمر: تمام مش هنتأخر... وبالفعل اخد عمر شريف من يده ومشي قليلا حتي اختفو من امام خالد ثم تنهد عمر وقال....
عمر: بقولك ايه ياشريف هو مين اللي ساكن في البيت اللي قدامك ده
شريف: نعم هو انا عشان ساكن هنا هعرف كل اللي ساكنين ف البيوت؟؟
عمر: شريف بطل استظراف انا بسأل سؤال محدد
شريف: يابني أنا اش عرفني بص كل اللي اعرفه ان البيت ده بذات عايش فيه عيله محترمه وتقريبا لي بنت....قاطع كلامه عمر قائلا....
عمر بحماس: ايوه كمل
شريف: اكمل ايه وايه الحماس اللي فجاة ظهر ع وشك ده في ايه؟؟
عمر: مفيش ياشريف كمل متبقاش عيل فضولي
شريف: ده انا برضو
عمر: اخلص
شريف: طيب بقولك هو راجل وبنته اللي عايشين ف البيت ده الراجل محترم جدا جدا وكان مهندس كبير بس طلع معاش وبنته تقريبا بتشتغل مضيفة طيران ده اللي عرفته من لبسها ودايما ف حالهم كده مش بيختلطو بناس كتير ناس قليلين بس اللي في حياتهم
عمر: شريف
شريف: نعم
عمر: انا بحبك اوي... وطبع قبله على خد شريف ثم تركه ورحل
شريف بندهاش: مالك عمر انت يابني رايح فين؟؟
ولكن بالفعل ركب عمر سيارته من غير اي اسباب ورحل ثم ذهب شريف متوجهه الي المقهي وهو يضرب كف بكف....
خالد: مالك يابني انت اجننت ولا ايه بتكلم نفسك وبعدين هو فين عمر
شريف مازال غير مستوعب: مشي
خالد: نعم مشي كده من غير اي حاجه لا سلام ولا كلام
شريف: لا هو باسني
خالد: مالك
شريف بأنتباه: ها لا بقولك مشي فجاة كده معرفش ماله بس هو غريب شويه
خالد بضحك مكتوم: طب يلا اللعب اللعب
جهه اخري في منزل علياء....
لميس اخت علياء الصغيرة: مالك يابنتي دخلتي الشقه وجريتي ع اوضتك كده ليه خضتينا في ايه؟؟
علياء بستعجال: معلش يا لولو انا اسفه بس انا مستعجله اوي دلوقتي يادوب اغير وامشي
لميس: انتي نازله تاني؟؟
علياء: ايوه نازله كارما تعبت اوي ولازم اروحلها
لميس بقلق: ياروحي مالها كركر
علياء: لولو حبيبتي معلش ممكن تسبيني دلوقتي عشان اركز عشان متلخبطه اوي لما ارجع هفهمكو كل حاجه اوك
لميس بأستسلام: اوك انا بره لو عوزتي اي حاجه
علياء: تمام ياحبيبتي
خارج غرفة علياء.... كانت ولدتها جالسه تشاهد التلفاز وعندما خرجت لميس ذهبت وجلست بجانبها
والدة علياء: مالها اختك؟؟
لميس: مفيش بتقول ان كارما تعبانه اوي وهي بتلبس وهتنزل تروحلها
والدة علياء: ياحبيبتي يابنتي مالها يا لميس اختك مقالتلكيش
لميس: لا والله يا ماما كل اللي قالته انها هطمنا لما ترجع بس انا حساها ممكن تبات معاها
والدة علياء: واجب طبعا ربنا يطمنا عليها جيب العواقب سليمه يارب
لميس: يارب يا أحلام يا اطيب ام على الكوكب ماتدعيلي بقي ان اقوم اذاكر
أحلام وهي تميل لأخذ الشبشب: يارب يا ظريفه ياللي معندك دم غوري
لميس: حاضر حاضر ياختاااااي انا اللي جبته لنفسي ياما 🙆♀️😂
أحلام: عشان فاشله
لميس من داخل غرفتها: شكرا يا لولو ... ثم تغلق باب غرفتها سريعا...
جهه اخري في منزل كارما....
بدأت كارما تفيق ووتفتح وتغلق اعينها عدة مرات ثم فتحت عيونها وبدأت تستعيد وعيها شيئا فا شيئا ثم نظرت لتجد والدها بجانبها وهو شبه نائم و ماسك بيدها ابتسمت وقالت
كارما بصوت ضعيف: كاميلو كيمو
كمال بأنتباه بعد ان سمع صوتها برغم ضعفه: حبيبة كيمو حمدلله على سلامتك ياحبيبتي
كارما: الله يسلمك هو اي اللي حصل بظبط
كمال: ولا حاجه يا حبيبتي انتي شكلك بس كنتي مجهده شويه او مكلتيش كويس بس
كارما وقد بدأت تستعيد ذاكرتها وبدأت ملامحها تتحول الي الحزن مجددا ثم دخلت الي الغرفة اخر شخصيه تريد كارما ان تراها....
فاديه: حمدلله على سلامتك يا حبي.... قطعت حدثها بسبب نظرة كارما وكمال لها
كارما بانزعاج شديد: بابا مين اللي دخل البني ادمه دي هنا ازاي تسمح لها اصلا
فاديه: حبيبتي انا جايه عش....
كارما بحتقار: انا موجهتلكيش اي كلام انا بكلم بابا رد عليا يا بابا مين اللي سمح ل دي تدخل بيتنا
كمال: كارما اسمعيني مهما كان مينفعش نتكلم كده على حد كبير وفي بيتنا حتي برغم رفضنا لي
كارما: اسفه يا حبيبي واسفه اني عليت صوتي بس ارجوك انا عايزه اكون لوحدي ممكن
كمال: هي جايه تشوفك وهتمشي
كارما بسخريه: تشوفني
فاديه: ايوه جايه اشوفك وكنت ناويه
كمال: هشششششششش مش وقته
كارما بغضب: بابا من فضلك انا مش قادرة
كمال: حاضر يا حبيبتي ارتاحي انتي .... واتفضلي يا مدام.... وبالفعل خرج كمال وفاديه خارج غرفة كارما
كارما بالداخل دخلت في نوبة بكاء شديدة....
جهه اخري....من أمام منزل عمر بعد ان دلف من البوابه وركن سيارته وخرج منها....
فتاة مجهوله: اخيرا لقيتك ياعمر
يتبع