رواية جمعتنا الذكريات الفصل التاسع عشر19والعشرون20 بقلم حنين شريف
قاسم راح ناحيه درج مكتبه وطلع ورقه واداها لسليم وقال بأنفعال:
شوف ..شوف شهاده الميلاد بتاعتي مكتوب الاب سعد الهادي والام عبير فايز الهادي ، الحقيقه الي سعد مخبيه عليك وعليكم كلكم ، سعد ما اتجوزش ساره ، ساره ماتت قبل ما يتجوزوا وكل حاجه قالها كانت مجرد خيال في خيال!!....
سليم بعدم إستعاب:
لا..الي حصل هو ان سعد سجلك بأسم عبير علشان مش عايز يعرفك موضوع ساره...لكن..
قاطع كلامه قاسم بأنفعال:
افهم بقي!....سعد كل ده بيضحك عليك، مفيش اي حاجه من الي قالها صح ، كله كدب في كدب..ولو مش مصدقني تقدر تروح لسعد وتواجهه ، شوف بقي هيقولك ايه.....
سليم مشي من بيت قاسم بذهول ، مش عارف يصدق مين ، يصدق ابوه ولا يصدق جده الي قعد كل عمره يسمعله ويسمع لحكاياته هو وساره
فلاش بااااااااااااك
سليم كان قاعد جمب سعد قدام النيل
سليم بتسأل:
صحيح يا سعد ، انا شوفت شهاده ميلاد بابا ولقيت اسم الام هو عبير فايز الهادي ، هو مش المفروض ان يبقي باسم ساره ؟..
سعد وقد ظهر عليه بعض التوتر
اه..ما هو..انا قولت انه اسجل قاسم بأسمها علشان قاسم ميعرفش بموت والدته ، ده اكيد كان هيأثر عليه ، وانا كنت فاكر ان عبير هتبقاله ام ، مكنتش متوقع ان عبير تطلع بالشر ده..
سليم بضيق
انا مش عارف انت ازاي اتجوزت عبير دي ...
سعد
كانت حيه ، حيه وانا السبب في دخولها....
بااااااااااااك
سليم لم يكن مقتنع كثيرا بحديث سعد
سليم لنفسه:
يعني ايه ، كده في احتمالي يكون سعد كداب او عبير هي الي بتكدب ، بس ممكن اعرف الحقيقه منين ، مش قادر اروح لسعد واواجهه ، مش قادر اصدق انه ممكن يكون سعد كداب ، بس في نفس الوقت ..هعرف منين الحقيقه ، ياااه..عمري ما تخيلت اني ممكن اتحط في موقف زي ده ، يا اما جدي الي بيكدب يا اما ابويا.
_______________
محمد بنفس الحنيه
قوليلي يا حبيبتي لو انت مش مرتاحه نفضها سيره من دلوقتي
ايه فجاه ارتمت بحضن والدها وبكت
محمد بقلق علي بنته
مالك يا حبيبتي ، مالك بس ...
جلس يمسح علي شعرها ابنته حتي تهدأ
بعد فتره
ايه بعدت عن والدها ، محمد بقلق
مالك يا حبيبتي ايه الي حصل؟...
ايه وهي بتمسح دموعها
مفيش انا بس تعبانه شويه...
محمد بنفي
ايه قوليلي ايه الي حصل ، عز ضايقك في حاجه؟..
ايه بدموع
لا يا بابا ، المشكله مش ف عز.. المشكله فيا انا ..
محمد
ايه انت مش موافقه...؟
ايه هزت راسها بنفي ، محمد قال:
طيب لو انت مش عايزاه ليه مقولتيش من الاول ، ليه مرفضيش
ايه بدموع
علشان كنت فاكره اني كده هقدر انسي كل حاجه ، انا غلطت ، و
بعترف بغلطي ، بس صدقني ده مش بأيدي
محمد بجديه
والعمل بقي ، الخطوبه مبقلهاش يومين ..
ايه مسحت دموعها
خلاص يا بابا ..انا كويسه
محمد اتنهد بحزن علي حال ابنته
____________
عند سعد كان جالس مع كريم في احد الكافيهات القريبه من النيل
كريم
بس انت غريب والله يا سعد..
سعد ارتش رشفه من الشاي
ليه بس...
كريم
يعني مش قادر اصدق ان في بني ادم ممكن يفضل متمسك بحد للدرجه دي ، ده انت حتي لما اتجوزت منسيتش ساره ، ده انت فضلت تكتب عنها ، ازاي في حد ممكن يعمل كده...
سعد ابتسم وقال:
انا وساره في حجات كتيره اوي بينا مستحيل تتنسي ، مهما العمر يعدي هفضل فاكرها ، الانسان لما يحب اوي مبيعرفش ينسي ، وانا حبيت ساره من كل قلبي وعلشان كده مستحيل انساها ، قلبي وعقلي اختاره ساره..مابالك بقي لما القلب والعقل يختاره شخص"وما اعظم الحب عندما يتفق عليه العقل والقلب"
كريم ابتسم
والله لسه زي ما انت يا سعد
سعد ابتسم وقال:
بس اهم حاجه انك بتتكلم وانت بذات نفسك معرفتش تنسي فريده...
كريم ملامحه اتحولت الي الغضب وقال:
سعد بلاش تجيب السيره دي...
سعد ابتسم بأستفزاز
يعني انت تجيب سيره حبيبتي عادي بس مش عايز اجيب سيرتها..
كريم ببعض من الغضب
انت عارف ان فيه فرق كبير اوي بينا ، انت حبيت ساره بجد وهي حبيتك اوي وعيشته مع بعض اجمل ايام ،( ظهرت علي ملامح سعد بعض من الحزن ، كريم تابع) بس انا حبيت واتضح اني كنت مغفل لما حبيت واحده زي دي ..
تابع كريم
اقولك احسن..خلينا نقفل علي السيره دي
ساد الصمت بينهم ، قاطع الصمت ده ضحك كريم ، سعد بص لكريم بأستغراب
انت كويس يا كريم، بتضحك لوحدك...؟..
كريم وقف ضحك وقال:
افتكرت اول تعمل بينا...
سعد ضحك هو الاخر علي ذكرياتهم
فلاش بااااااااااااك
سعد
هي فين دلوقتي ؟...
كريم ابتسم بكسره
مع جوزها....
سعد بذهول
نعم؟!...
ازاي يعني
كريم قال بنرفزه وكانه فاق وحس هو بيقول ايه
انت هتصاحبني ولا ايه..!..، بقولك ايه انت حتي هنا تشوف الكلمتين الي انا كاتبهم وتمشي ، مش جاي تتعرف علي حياتي..
سعد اتصدم من تحول كريم المفاجئ ، كريم راح يجيب ورقه وقال لسعد
اقرأ دي ، دي مجموعه حجات انا كاتبها ، اقرأ كده ....
سعد فتح الورقه وكان مكتوب فيه"اتعلم ما هو اجمل شعور...واحسنهم...عندما تتحدث مع شخص بدون توقف....وهو لايفعل اي شئ سوي الاستماع اليك باهتمام...لا يتفوه بشئ...يستمع اليك فقط....بأهتمام ...وانت تقول كل شئ بداخلك......لا تخاف ..ولا تفكر في الذي تقوله..فقط تخرج كل الذي في قلبك..."
(هذا هو ما نريده... احيانا كثيره نكون لسنا بحاجه للنصائح...فقط بحاجه الي البوح بكل شئ بداخلنا....♥️♥️)
"اتذكر اليوم الذي رايتها فيه ، اتذكره وكانه البارحه، اتذكر كل تفصيل فيه ... اتذكر ردائها ، اتذكر شعرها المبعثر ، لاذكر صوت بكائها ، اتذكر عيونها الممزوجه بدموع ، كانت تلمع ..تلمع مثل نجمه في السماء وسط الظلام الداكن ، رايتها وياليتي لم اراها ، ياليتيني لم اتأمل في بحور عينيها ، ياليتيني لم اتعلم مساعده المحتاج ، ياليتيني لم ألقاها في ذلك اليوم ، ياليتني لم اسمح لقلبي بالنبض ، ياليتيني ويا الف ياليتني ..لكن وماذا يفيد الندم وها انا ذا لازلت اتنفس باسمها..."
"لا تلم الاخرين بأنهم لا يستمعون اليك ، بل لم نفسك لانك من قررت ان تحيط نفسك بالفاشلين"
قرأ سعد كتابات كريم وقال بتكبر مزيف
يعني مش وحش...
كريم رفع حاجبه بسخريه
ده الي هو بجد..
سعد روح بيته بعد ما قرر انه يشارك كريم في كتاب ، راح غرفته
سعد استرخي علي السرير بتعب ، لكنه قال لنفسه :
كريم ده غريب جدا ، زي ما يكون عنده كذه شخصيه في بعض ، كتاباته غريبه ، شويه يتكلم عن احساسه بالوحده وعدم الاهتمام وشويه تانيه يتكلم عن حبه ، شويه يرجع لطبيعته المغروره والمتكبره ، حقيقي كريم ده اغرب انسان شوفته...
الفصل العشرون
سليم كان ماشي في الشارع مش عارف يروح فين ، حاسس انه متوتر وقلقان من الحقيقه الي مستنياه ، معندوش مشكله لو كلام ابوه كان غلط ، مشكلته الاساسيه لو كلام والده طلع صح، ده هيبقي معناه ان سعد فضل يكدب عليه طول عمره .
سليم وقف فجاه في الشارع وقال:
لا انا لازم افهم الحقيقه مش هفضل كده
سليم فضل يفكر شويه وافتكر حاجه:
اكيد هي دي الي عارفه الحقيقه ، بس هوصلها ازاي؟..
خطرت في باله فكره ما وراح لمكان مجهول
سليم راح لبيت مجهول
سليم وصل لبيت معين ، خبط علي الباب ...فتحت الباب ست باين عليها الكبر
الست بصت لسليم باستغراب وسليم قال بابتسامه :
ازيك يا دودو..انت مش فاكراني ولا ايه؟..
الست بصتله اكتر ودأئت في ملامحه بعد كده قالت بفرحه:
سليم!...
__________
ايه كانت قاعدة في الشركه
ايه كانت منشغله في الشغل ، قاطعها دخول مراد
مراد بجديه
ايه ...كنت عايز افكرك بمعاد النهارده ، متنسيش في مقابله شغل مع نهله طارق ..
ايه بجديه
تمام..
مراد مشي وهي قالت بغيظ:
بس والله لو البت دي قعدت تلزق فيك لنا مبوظه الصفقه ومشاكل بمشاكل...
___________
سليم كان قاعد في بيت الست هدي ، هدي خرجت له بالشاي والكيكه وهو قال بابتسامه :
ايه التعب ده كله...
هدي بابتسامه :
ولا تعب ولا حاجه ، بعدين مش كفايه اني مبشوفكش غير كل فين وفين...
سليم
والله عارف اني مقصر بس والله غصب عني..
هدي
برضو مش مسامحاك ، بس قولي بقي يا ولا ، ايه سبب الزياره دي ، اه ما انا عارفاك ، اكيد في سبب ورا الزياره دي ما انت بتاع مصلحتك زي ابوك...
سليم ضحك بعد كده قال
بصي يا دودو..انت المفروض تبقي بنت عم سعد ، كنت عايز بقي اعرف هو سعد كان يعرف بنت قبل عبير الله يرحمها ولا لا؟..
هدي قالت بتذكر
بص يا سليم عو انا كنت الاول مسافره بس الي اعرفه ان سعد كان بيحب واحده قبل ما يتجوز عبير
سليم بسرعه
يعني سعد متجوزش
هدي بنفي
لا ، انا الي سمعته من عمي ابو سعد ان سعد كان متعلق ببنت الجيران بس البنت دي عملت حدثه وما*تت بعدها ..
سليم بعدم تصديق
يعني ايه ما*تت ، انت متأكده ان سعد متجوزش غير عبير.؟..
هدي
لا متجوزش غيرها ، بس صحيح يا واد ايه الي جاب السيره دي في دماغك؟...
سليم بتصنع الابتسامه
لا عادي يعني ...طيب انا همشي بقي وابقي اجيلك تاني
____________
في مطعم
كان مراد وايه قاعدين بيتكلموا مع نهله
نهله بابتسامه
والله يامراد بيه انا بحب جدا افكارك وبحب طريقه تفكيرك...
مراد كان هيتكلم لكن ايه قالت:
طبعا يا نهله هانم ، احنا كلنا ايد واحده وبنحاول دايما نكون متميزين في افكارنا...
نهله بلامبالاه
اه اه طبعا ..
ايه بصيت لنهله بغيظ ورجعت بصيت لمراد الي بيبتسم
مراد بأستفزاز
قوليلي صحيح يا نهله هانم هو انت لسه متجوزه برضو..
ايه بصيت لمراد بغيظ ، نهله قالت بأبتسامه
لا الحقيقه اني اتطلقت منه ، اصله كان بخيل جدا..فوق ما تتصور
ايه بغيظ
وياتري بقي دي الجوازه الكام...
نهله بصيت ل ايه بغيظ وقالت لمراد
وانت بقي با مراد بيه..سمعت ان حضرتك كنت خاطب ، بس يا خساره فسخت خطوبتك...
مراد ابتسم وايه قالت بغيظ
والله احنا هنا في شغل مش جايين نعرف حيات بعض هنا ، ياريت ندخل في الموضوع...
نهله بصيت ل ايه وقالت
والله انا عايزه افهم هو مراد بيه مستحملك ازاي ، انت جد اوي ،(بصيت لمراد ) مش المفروض نتعرف علشان نبقي اصدقاء حتي لو مقدرناش نشتغل مع بعض...
ايه قالت
ونتعرف ليه (قامت من مكانها وقالت بحده)
انا من راي نفضها سيره احسن...
مراد بجديه
ايه...
ايه بحده
والله هو واضح انك جاي تتعرف مش تشتغل ولو انت حابب تيجي تتعرف ف انا اسفه جدا مش هقدر اكمل معاك..
ايه مشيت من المطعم ومراد ترك نهله بمفردها
ايه كانت ماشيه بسرعه و بتعيط ، مراد مسك دراعها ولفها ليه وقال
بتعيطي ليه...؟
ايه بدموع
لا هو الصراحه مفيش اي حاجه حصلت ..
ايه كانت هتمشي لكن مراد مسك دراعها
في ايه يا ايه؟..
ايه
والله ، علي اساس انك مش عارف ان الي اسمها نهله دي عماله تبصلك وتتكلم معاك بطريقه مستفزه وبارده وانت عمال تتتكلم معاها ولا كانها من عيلتك..
مراد
والله بقي براحتي ..
ايه بدموع
طيب...
ايه كانت هنمشي لكن مراد رجع مسك ايديها :
طيب انا اسف بس متعيطيش..
ايه مسحت دموعها ومراد قال :
عرفتي بقي ان احساس ان الشخص الي تبقي بتحبيه يبقي مع حد تاني صعبه...
ايه بصيتله بحزن وقالت
كله بسببك علي فكره
مراد بصلها بحزن
اديني فرصه ، فرصه واحده بس...
ايه بصيتله شويه وبعد كده مشيت
مراد بص لطيفها بحزن
_____________
كريم كان رايح لبنته سهر البيت ، خبط علي الباب وبنته فتحتله
سعر بفرحه
بابا!..
سهر حضنت والدها بحب ، كريم قال
امال ملك فين؟..
ملك جريت علي جدها وحضنته
كريم قعد جمب سهر وعلي رجله ، سهر قالت
تتغدي معانا بقي يا بابا النهارده...
كريم بسخرية
يعني المحروس جوزك مش هيجي....
سعر اتنهدت بضيق
لا يا بابا ، هو مش هيجي دلوقتي...
سهر قامت تحضر الغداء وكريم قعد يلعب مع حفيدته
الباب خبط ، ملك راحت وفتحت الباب ، ملك بفرحه:
بابا!...
حسام دخل وباس بنته ودخل لقي كريم قاعد
حسام تجاهل كريم ودخل المطبخ عند سهر
سهر بخضه
حسام!... جيت بدري؟..
حسام بجديه
وجودي مدايقك ولا ايه؟..
سعر بنفي
لا والله انا قصدي...
حسام ساب سهر ، حسام كان متجهه لغرفته لكن قاطعه كريم
كريم
ومالك مشيت كده ولا كأني قاعد...
حسام بضيق
بص انا مش عايز مشاكل ياريت بقي تسيبنا في حاجه حالنا..
كريم بضيق
والله عايز تبعدني عن بنتي ولا ايه...
حسام بنرفزه
هو في ايه بقي ما تسيبنا في حالنا شويه ، هو انت ايه مبتعرفش تقعد ومتعملش مشاكل ...
كريم بغضب
مشاكل ايه ، بقولك ايه يا جدع انت مش كفايه اني جوزتك بنت لايمكن كنت تتجاوزها ، متنساش نفسك يا حسام ، احسنلك ..
ملك جريت علي سهر الي واقفه جمب حسام ، سهر بخوف:
حسام اهدي لوسمحت...
حسام بعصبية لسهر
كل مره بتقوليلي اجي علي نفسي واسكت علشان معملش مشاكل وكل مره باجي علي نفسي ، وجيت علي نفسي كتير اوي ، بس خلاص طفح بيا الكيل (وجه كلامه لكريم) وانت..اوعي تفتكر علشان بسكت علي معاملتك دي وبحاول معملش مشاكل يبقي انا مبعرفش اقلب ، لا انا بقلب وقلبتي وحشه اوي ، وبنتك دي مش دخلالك بيت تاني ، ولا انت داخلي بيت تاني ، سامع...
كريم بعصبيه
انت اتجننت!!...
حسام بهدوء
احسبها زي ما تحسبها متفرقش معايا ، ودلوقتي اتفضل برا...
كريم بص بغضب شديد لحسام ووجه كلامه لسهر الي كانت بتعيط
هو ده اختيارك مش كده...
حسام بغضب
اطلع بره قولت .!!..
كريم طلع من الشقه بعصبيه وكان بيعدي الطريق لكن كان في عربيه ماشيه بسرعه ووووو