رواية جمعتنا الذكريات الفصل الاول1والثاني2 بقلم حنان شريف

حااااسب

قولتها لما شوفت راجل كبير في السن كان هيتخبط بعربيه وانا لحقته في اخر لحظه

انت كويس ؟؟...

اه الحمدلله ،متشكر يا بنتي

علي ايه يا عمو ،تحب اوصلك في حته

ابتسم وقال:

ممكن تعديني الطريق احسن ما الاقي عربيه تانيه تخبطني

ابتسمت

طبعا

____________

انا منه عندي ٢٣ سنه محجبه في كليه تجاره بشتغل مع دراستي علشان اتكفل بفلوس كليتي،وبرده اساعد في مصاريف البيت ، عندي اخ اكبر مني ب٥سنين ،اسمه مراد مسافر بره بيشتغل مهندس معماري، عايشه مع ماما وبابا في منطقة متوسطه عندي اخت عندها ٧سنين ،دلوعه البيت اسمها نسمه وهي فعلا نسمه

_________________

نسسسسسسسسمه في الشوكولاته بتاعتي

بصتلي ببرأه

مش عارفه

قولت بعصبية

نسمه انا جبت الشوكولاته امبارح بليل وعنتها في التلاجه،راحت فين ...اتسرقت مثلا!

وانا اش عرفني 

ماما شوفي بنتك

ماما

خلاص بقي يا منه

يوووه انا عارفه انك هتعملي كده ،مش بتحبي كلمه عليها

دخلت الاؤضه بتاعتي وقفلت الباب بعصبية

قعدت علي السرير وفتحت الاب توب

دخلت ماما عليا وقعدت جنبي وقالت بحنيه:

مالك يا منه من ساعه ما جيتي وانت مدايق ومش طايقه نفسك

حسيت بدموعي بتنزل بغزاره ، حضنت ماما بقوه وفضلت اعيط 

اجمل حاجه انه بعد يوم طويل متعب تلاقي الي يطبطب علي وياخدك في حضنك وتشتكيله من كل حاجه مدايقاك ، بتحس ان تعب اليوم راح بمجرد حضن ، صحيح ان عمري ما كان عندي صاحبه بس ماما طول عمرها هي صاحبتي الوحيده الي دايما بحكيلها مشاكلي وتسمعني بأهتمام.

خرجت من حضنها ، قالتلي بابتسامه وهي بتمسح علي شعري:

مالك يا حبيبتي ايه الي مدايقك؟

قولت وانا بمسح دموعي بأيدي:

هو انا ليه ماعنديش صحاب كتير ،ليه مش عارفه اكون صداقه ، ليه دايما خايفه من كل حاجه ، ليه دايما خايفه اصاحب ، انا بحس اني دايما خايفه ، الخوف ده مسيطر عليا بطريقه كبيره اوي ، ليه مفيش حد بيعتبرني رقم واحد في حياته ، محدش بيخاف علي زعلي 

ماما قالت بابتسامه:

انا عارفه ان موضوع وفاة جدتك مأثر عليكي لغايه دلوقتي وخصوصا ان هي كانت اكتر واحده قريبه منك ، بس مش معني كده انك تفقدي الثقه في نفسك ، المشكله انك مش كده يا منه ، انت مش ضعيفه كده ، انت قويه ... عارفه ان ممكن دروب يحصلك يوقفك ده طبيعي...بس لازم ترجعي زي الاول

______________

جدتي دي كانت اقرب حد ليا ، اكتر من ماما حتي ، كانت اللحظه المفضله بالنسبالي لما تحكيلي عن حياتها زمان ، كنت بحب اسمع منها ، كانت دايما تقولي انت اقرب حد ليا ، معايا كل اسرارها ، كنت بفهمها من نظره واحده واعرف هي عايزه ايه، بس للاسف اتوفت من سنه ، وانا من ساعتها انعزلت عن العالم،حسيت بأحساس غريب ، ممكن اي حد يسيبني في اي لحظه ، خايفه اتعلق بحد ويسيبني ، بقيت اهدي مبتكلمش كتير ، يعني نقدر نقول اني اتغيرت ١٨٠ درجه.

________________

بعد شويه ماما عرضت عليا اني اقعد معاها في الصاله بدل قعدت الاؤضه الي بتجيب اكتئاب علي رأيها.

ها اتأخرتي كده ليه النهارده

رديت وانا بشرب الشاي

مفيش حسيت اني مخنوقه شويه قولت اروح اتمشي علي النيل شويه

حسيتي انك احسن؟

اه بكتير،(كملت) بس انت عارفه يا ماما ، كل ما اروح النيل الاقي راجل قاعد كل مره في نفس المكان وبيتأمل النيل بطريقه غريبه

عقدت حواجبها بأستغراب

غريبه ازاي يعني؟

يعني تحسي ان في سر ورا الراجل ده، ده انا حتي قابلت الراجل النهارده وكان نفسي اسأله عن السر ده

قالت وهي بتقوم من الكنبه

ياشيخه هو انت مش سايبه حتي الراجل في حاله

قالت نسمه من ورا

يا شيخه ما تشيلي مناخيرك الي انت حاشراها في حياه الناس

قولت بنرفزه

بت انت انا جيبت اخري منك

ماما بتنهيده وهي شايفاني بجري وراها 

يارب في المجانين الي معايا دول

_________________

علي النيل 

راجل قاعد قدام النيل وعينيه فيها دموع

طلع صوره ست واضح ان هي في اخر التلاتينات

وحشتيني اوي يا ساره ، يا لو خدتيني معاكي

____________

في مكان تاني

انا عايز اعرف انت بتكرهه ليه؟

قالها شاب في اخر العشرينيات

انت بتعلي صوتك عليا يا سليم! 

انا استحملت كل عمايلك وكل طلباتك بس لغايه هنا وكفايه، مش تحمد ربنا اساسا اني بسمحلك تروحله 

ابتسم بسخرية

لا كتر خيرك الصراحه ، انا مش عارف ليه كل ده ، الراجل محتاجك جمبه وانت رافض ، ليه هو عملك ايه!

زعق

سلييييم ، لغايه هنا ومش مسموحلك ، الي بيني وبين الراجل ده هو اسمي الي مكتوب علي اسمه ،غير كده ملوش حاجه عندي

سليم مشي من البيت وخرج بعصبيه وراح....

 الفصل الثاني 

عند الراجل قدام النيل

الراجل كان بيبص للنيل بسرحان

قاطعه لما شاف شاب رايحله وهو يبتسم

ازيك يا حج سعد

سعد ابتسم

ازيك يا سليم ، بقي كده اهون عليك متجليش امبارح

سليم

والله يا جدو كنت راجع امبارح متأخر يدوب نمت وصحيت بدري علشان الشغل

سعد بصله بأمل

سليم...انت كلمت ابوك

سليم 

يي يعني.....اه

بصله بلهفه

هاا ..وافق

سليم بكذب

يعني...هو كان مشغول شويه ومعرفتش اكلمه ...

سعد بصله بحزن

معرفتش تكلمه ولا هو الي رفض

سليم 

ل لا هو.....

سعد بص قدامه بحزن

خلاص يا سليم متكملش

سليم بصله بحزن وهو مش عارف يعمل ايه

حاول يغير الموضوع وقال:

ايه مش ناوي تحكيلي بقي عن حكاياتك انت وساره

ابتسم

انت مزهقتش 

سليم بأبتسامه

مقدرش يا سعد 

سعد 

طيب ياسيدي

بعد مده

سعد

كفايه عليك كده بقي بكره اكملك

سليم توتر

ماهو.....

سعد بقلق

خير يا سليم

سليم

الصراحه انا جاتلي سفريه شغل 

سعد بان علي سعد الحزن

هتقعد قد ايه

سليم

احم...شهرين

سعد بحزن واضح

طيب يابني ربنا يوفقك

سليم

لا بقولك ايه انا عارف انك هتدايق علشان كده قررت انى ابات عندك النهارده

سعد

يعني مش علشان متخانق معاهم في البيت

سليم وهو بيمشي

ها...ههه مشكلتك انك فاهمني

سعد قال وهو بيسند علي سليم

انا مش عايزك يا سليم تبعد عن ابوك ، انا اه حابب انك قريب مني بس برده مش عايزك تتخانق مع ابوك بسببي(كمل بحزن) عارف انه عمره ما هيسمحني بس اعمل ايه ، مفيش في ايديا حاجه

سليم

جدو انا مش ذنبك حاجه ، الحق عليه هو ....

قاطعه سعد

خلاص يا سليم ، قفل علي الموضوع ده

سكت سليم لانه عارف ان الموضوع ده بيدايقه

______________

تاني يوم الصبح في بيت سعد

سليم 

والنبي ماتبصليش كده

سعد

هو انا عملتلك حاجه

سليم قعد جمب سعد

انت عارف يا سعد انه مش بأيدي حاجه ، ياسيدي وانا اوعدك اني اول ما ارجع هقعد عندك اسبوع

سعد ابتسم علي حنيه حفيده الي عكس تماما ابنه

ربنا يوفقك يا سليم

سليم ح*ضن سعد

اشوفك بخير يا سعد

____________

في بيت منه

منه بضيق 

انت عزمتي طنط سحر يا ماما

سعاد وهي بتطبخ

اه

منه بضيق

ليه...ليه ياماما انت عارفه اني مبحبش اقعد معاهم ولا اروح في مكان هما فيه تقومي تعزميهم

سعاد

هو ايه الي ليه ...هما مش قرايبنا وليهم حق علينا ، عايزاني اقطع علاقتي ببنت خالي علشان كنتِ مخطوبه لابنها ومحصلش نصيب 

منه بضيق

ايوه بس انت عارفه كويس ان ياسر هيبقي موجود

سعاد ببرود

وايه المشكله

منه

ماما انت عارفه ان امه بتقولي كلام رخم علشان سيبت ابنها ، وياسر كمان هيفضل يتبارد

سعاد

متقلقيش ابوكي هيبقي قاعد وهو مش هيعرف يعمل حاجه

منه بضيق

هوووووف 

سعاد 

بت متنفخيش ،  تعالي ساعديني بدل ما انت قاعده

منه 

الصبر يارب

بعد الغداء في بيت منه

سحر

تسلم ايديك يا ام منه

سعاد بابتسامه

بالهنا والشفا ياحبيبتي

سعاد غمزت منه علشات تقدم الشاي

منه بضيق

اتفضلي يا طنط

سحر بصتلها ببرود وقالت:

صحيح يا منه مش ناويه تفرحينا ولا ايه

منه بعدم فهم

قصدك ايه

سحر

يعني مفيش حد كده ولا كده ، اصل ياسر ابني خطوبته الاسبوع الجاي وطبعا انتو مش عايزين عزومه

سعاد بتتصنع الابتسامه

مبروك يا حبيبي (غمزت منه)

منه وهي بتتصنع الابتسامه

مبروك يا ياسر

ياسر

الله يبارك فيكي عقبالك 

منه وهي بتوشوش سعاد

ماما انا همشي

سعاد

هتروحي فين

منه

اروح النيل اشم شويه هوا الجو بقي يخنق

سعاد

هتقوليلهم ايه ، لا طبعا اقعدي

منه بصوت مسموع

طيب يا ماما هروح بقي الشغل

سحر

مش انت اجازه ؟

منه

لا اصل واحده زميلتي تعبت في الشغل وانا هروح مكانها ، مش كده يا ماما

سعاد بغيظ من تصرفات بنتها 

ايوه يا روح ماما

منه مشيت من البيت وراحت قعدت في نفس المكان الي الراجل بيقعد فيه

منه قعدت تتأمل في البحر لغايه ما حست بشخص بيقعد جمبها

سعد

معلش لو هزعجك

منه بأبتسامه

لا ابدا

سعد بتذكر 

مش انت الي قابلتك امبارح

منه بنفس الابتسامه

اه انا

سعد

اسمك ايه بقي

منه 

اسمي منه

هز سعد دماغه وبعد كده بص للبحر 

منه بفضول

احم ....يعني كنت حابه اسأل حضرتك سؤال

سعد رجع بص لمنه

اسالي

منه

هو انا كل ما اجي هنا اشوف حضرتك قاعد في نفس المكان وبتبص للبحر بطريقه غريبه ، هو انت بتيجي كل يوم؟

سعد بابتسامه

يعني مش كل يوم ممكن يوم ويوم لا ، بس لما بحس اني مضايق باجي هنا ، متعرفيش نفسيتي بتتحسن ازاي

منه اؤمأت له

سعد كمل

مش عايزه تسألي سؤال تاني

منه بكذب

انااا..ابدا

سعد ضحك وقال

عايزه تعرفي حكايتي

منه

يعني...لو عايز 

سعد ابتسم وسند ضهره علي الكرسي وقال بشرود:

المكان ده ليا  فيه ذكريات كتيره اوي(سكت شويه وبعد كده قال)

كنت شاب زي اي شاب في سني ، طايش.. متهور ...مبيعرفش يتحمل المسؤولية...بتاع بنات، كنت كل حاجه وحشه ممكن تشوفيها لغايه ما قابلتها ، غيرت كل حاجه فيا ، عرفتني معني السعاده الحقيقيه....اول يوم شوفتها فيه كان يوم١٠/١٧ ، كنت ماشي في الجامعه ولقيت شاب بيعاكسها ، اتدخلت وضربت الولد ده ، مش عارف كنت واخد حبيتين شجاعه ولا ايه ، المهم بعد ماضربته لقيتها جايه وبتشكرني وابتسمت ابتسامتها الي بتسحرني ، مكنتش عارف ان مجرد ابتسامه هتعمل فيا كل ده ، كانت في نفس الكليه الي انا فيها بس اصغر مني بسنتين ، حاولت اكلمها كتير لكنها كانت كل مره بتصدني ، والغريب اني عمري ما يأست ، بالعكس كنت بتمسك بيها اكتر ، مكنتش عارف ايه الي فيها مختلف عن البنات اللي اعرفهم ، بس كل الي اعرفه اني كنت ببقي سعيد جدا لما اشوفها بتضحك ، و اولع لما الاقيها واقفه مع ولد ، مكنتش عارف دي غيره ولا ايه ، بس كل الي كنت اعرفه اني مش عايزها تقف مع حد ، ولا عايزها تبتسم لاي حد غيري ، فضلت كده اسبوعين ، اسبوعين كاملين براقبها ، لاني كنت عارف ان مهما حاولت اكلمها هتصدني ، قولت اراقبها من بعيد ، لغايه ماجه يوم وعرفت ان عندنا جيران جداد كانو عايشين في محافظه تانيه ولسه جايين، طبعا محتطش في بالي ، وفي يوم عرفت ان بابا عزمهم عندنا لان جاره ده يبقي صاحبه من زمان ، طبعا انا مكنش ليا علاقه بالكلام ده ، خرجت مع اصحابي ولما رجعت ولسه بفتح باب الشقه .. لقيتها ، كانت لابسه فستان احمر مع طرحه بيضه  ،مكنتش مصدق عينيا ، ولا هي كمان ، عرفت بقي لما مشيوا ان هي تبقي بنت صاحب والدي ، كانو ساكنين في الشقه الي قدامنا علي طول، مكنتش مصدق اني كل يوم هشوفها ، بقيت بنزل في معادي علشان اقابلها، طبعا مع استغراب الكل ، لاني كنت الاول بنزل بعد معادي بنص ساعه، ولما كانت بتتأخر كنت بقف استناها ، او احاول اتأخر علشان انزل معاها، في يوم كنت مستنيها كالعاده علشان انزل معاها ..لكنها اتأخرت ، فضلت مستنيها كتير لكنها منزلتش ،كان هاين عليا اخبط علي الباب واطمن عليها، لكن ما جليش الجرأه اعمل كده ، كنت قلقان جدا عليها ، خايف يكون حصلها حاجه، ممكن تكون تعبت، ولا حصلها حاجه طيب ممكن يكون جرالها حاجه ...كل دي اسأله كانت في بالي ، لما رجعت من الجامعه وقفت قدام باب شقتها حاولت استجمع شجاعتي واخبط عليها ،كنت عايز بس اطمن عليها ، المهم بعد نص ساعه تقريبا قررت اني اخبط ، شويه ولقيتها فتحتلي الباب وكانت لابسه اسدال الصلاه ، قولت"احم ازيك يا ساره"، قالت"الحمدلله كويسه، وانت؟" قولت بلقلقه"الحمدلله ، احم..كنت عايز بس اطمن عليكي...يعني ..مجتيش النهارده الجامعه واستني...ااا قصدي يعني كنت عايز اطمن عليكي"، قالتلي بابتسامتها اللي بتسحرني دايما"لا متقلقش ، انا راحت عليا نومه"،

اول ما قالت كده اتنهد بأرتياح ، الحمدلله محصلهاش حاجه .

المهم عدي ايام واسابيع وشهور وانا بنزل اشوفها كل يوم وهي رايحه الجامعه ، او لما بابا يعزمهم عندنا ، كنت بحاول افتح معاها اي مواضيع ، حتي لو تافهه ، كفايه اني بكلمها ، و في يوم بعد ما بابا رجع من الشغل بليل عرفت ان في واحد متقدملها ، كنت متعصب جدا يوميها ، فكره ان هي اساسا تقعد مع شخص وتتكلم معاه دي فكره مرفوضه بالنسبالي ،تاني يوم الصبح شوفتها زي كل يوم واحنا رايحين الجامعه ، بس المختلف اني بدل ما اقبلها بأبتسامه زي كل يوم كنت مكشر ، وده الي هي استغربته ،روحت الجامعه وانا مش طايق نفسي ، نفسي اعرف مين الي استجرأ وطلب ايديها ، المهم لما رو...

قاطع كلامنها لما تيلفوني رن ، كانت ماما

منه

ثانيه واحده يا عمو ،الو يا ماما

سعاد بعصبيه

انت فيييين؟!

منه بأستغراب

في ايه يا ماما

سعاد بعصبيه

الساعه ١١وانت لسه بره البيت ، وبرن عليكي غير متاح

منه بصدمه

ايه!! الساعه ١١!!  طيب طيب انا جايه اهو...

قفلت مع ماما وقولت

انا مش مصدقه اني قعدت كل ده

سعد

اسف يا بنتي لو عملتلك مشكله

منه

ولا مشكله ولا حاجه (كملت بزعل) انا بس كنت عايزه اعرف عملت ايه مع ساره

سعد ضحك

مزهقتيش

منه

ابدا ده انا حتي محسيتش بالوقت

سعد

ولا انا ... متقلقيش في اي وقت حسيتي انك زهقانه تعالي هنا انا كده كده هبقي هنا

منه قامت من مكانها

يعني وعد تكملي الحكايه؟

سعد ابتسم

وعد 

                الفصل الثالث من هنا

لقراءة باقي الفصول من هنا