رواية هبة السلطان الفصل الثاني عشر12 الأخير بقلم جني محمد السمنودي
كلهم جهزوا اخيرا و ركبوا الاتوبيس سوا و في طريقهم إلى شرم الشيخ بعد ساعات طويلة اخيرا كانوا وصلوا شرم فبدأ سلطان بالكلام "طيب يا جماعة اني حجزت لينا اربع شجج كل شجة لحد فينا على العموم هما الأربعة في وش بعض في العمارة يعني و كأني حجزت الدور كلياته"
و فعلا طلعوا كلهم و كل عيلة اخدت شقة مع بعض و في شقة سلطان و هبة قرب سلطان من هبة و قال "ها بجى يا هبة ايه رايك في الشجة"
هبة" هي بصراحة جميلة جوي يا سلطان اني مش مصدجة من جمالها "
سلطان" كله لأجل عيونك يا جمري "
هبة" طيب جمرك عاوزة تنزل تجعد على الشط شوية يلا بجى ننزل اني و انت"
سلطان "بس بشرط مش هننزل المية"
هبة قالت بزعل "ليه أكده يا سلطان اني عاوزة انزل المية و نلعب اني و انت سوا "
سلطان" اني حولت اللي عندي لو نزلنا هنجعد على الشط مفيش نزول المية "
هبة" خلاص اني موافجة بجى و أمري لله "
سلطان" ايوة أكده خليكي شاطرة "
لبسوا الاتنين و جهزوا و نزلوا على البحر و قعدوا و سلطان كان جايب شنطة ايد صغيرة معاه طلعها و فتحها و خرج منها لب
مد سلطان ايده باللب لهبة ت هو بيقول" مش عاوزاك حبة لب يا هبة "
هبة" لاه هات شوية صغيرين و خلاص "
هبة خدت حبة لب صغيرين و بعد شوية كانوا خلصوا اكل لب و سلطان كان لابس النضارة الشمس بتاعته و بدأ يتأمل في جمال البحر و مناظره الجميلة لحد ما سرح فيه
اما هبة فجه على بالها فكرة تخليه ينزل معاها المية فبصت ليه و قالت" سلطان هو انت مش بتعرف تعوم علشان أكده مش عاوز تنزل المية و لا ايه بالظبط"
سلطان خرج من شروده و بص ليها و قال "لاه طبعا بعرف اعوم مش الظابط سلطان و كبير نجع الصعايدة كلياتهم يكون مبيعرفش يعوم دي تبجى عيبة في حجي"
هبة ربعت ايديها و قالت "طب ما توريني نفسك يا سلطان الصعيد و لا العضلات نفخ على الفاضي "
سلطان" ايه اللي عتجوليه ده لاه اكيد يعني اني بعرف اعوم جومي تعالي و اني اوركي "
خدها و نزلوا سوا للبحر و بدأ يتعمق لجوا و هي بعد ما بدأو يعوموا سوا بصت ليه بغرور و قالت
"ها بجى يا سلطان نزلنا المية و لا لاه "
سلطان بص ليها بغيظ و رما مية في وشها و قال" يعني انتي عملتي كل ده علشان خاطر تنزليني البحر "
هبة قالت بابتسامة" و جدرت اعمل أكده بجدارة"
سلطان "طيب يا ست هبة بدام عملتي اللي في دنلغك تعالي بجى نستمتع بالبحر علشان مش هنزله تاني "
قضوا وقت جميل سوا في البحر
اما عند هلال و شمس
شمس قالت بضيق "هلال اني زهجت من الجعدة جي تعالى نتمشى نعمل اي حاجة "
هلال "خلاص تعالي نركب مركب في البحر و نستمتع بالجو الحلو ده "
شمس" طيب مستني ايه يلا بينا "
هلال" طيب استني انده جدي و انتي اندهي عمتي جميلة و نأجر مركب لينا لوحدنا"
شمس "اني موافجة هروح اندهلهم اهو"
هلال" و اني كمان هنزل لجدك اهو انجزي بجى "
نزلوا كلهم فعلا سوا و هلال راح اجر سفينة ليهم في البحر لمدة خمس ساعات و قبل ما يركبوها راح اشترى اكل و شوية حاجات و جاب معاه بوكيه ورد
طلعوا كلهم السفينة و هلال اخد شمس على جنب في السفينة و بدأ يبص للمية و بيقول "المية دي بتفكرني بعيونك و الشمس دي بتفكرني باسمك بجد يا شمس عمرك ما بتغيبي عن بالي ابدا اني بحبك جوي يا شمس"
و بعدها قعد على ركبته و مد بوكيه الورد ليها
شمس انبهرت بكلامه و بالورد و هو مسكتش هنا لأ ده راح لمكان في السفينة و شغل عليه اغنية لفيروز ز بدأ يرقصوا سوا بهدوء على كلمات الأغنية
بصت ليهم جميلة بفرحة اما هارون بص لناصرة و قال" ايه ده... ده احنا طلعنا مكناش رومانسيين في زمنا خالص"
ناصرة "انت اللي مكانش عندك دم يا هارون"
هارون "بجى أكده بدل ما تجولي ده كلام ماسخ و مش عارف ليه"
ناصرة "و اني اكذب ليه دي الحجيجة يا حاج هارون اني مكذبتش"
بص ليها هارون بغيظ بس سكت هيقول ايه يعني ميقدرش يعمل حاجة
اما عند هبة و سلطان رجعوا شقتهم و سلطان مسمعش صوت خالص فهبة بصت ليه و قالت" شكلهم جرجوا سوا "
سلطان" احمدي ربك اومال كنتي عاوزاهم يشوفوني و اني هدومي كلياتها مية أكده "
هبة" و ماله برضك شكلك حلو."
سلطان "تخيلي لو اهل النجع شافوني بالشكل ده هل هيبجى شكلي حلو"
هبة "لاه بصراحة مش هتبقى كبير نجع ده انت هتبحى أصغر صغيرين النجع"
سلطان" طيب يلا ادخلي الشجة يا بت "
دخلت هبة و غيروا هدومهم و ناموا شوية و بعدها قاموا بليل على دوشة فخرح سلطان برة لقاهم بيتحانقوا علشان هلال و شمس عايزين ينزلوا يتمشوا و هارون رافض
سلطان قرب من هارون و قال" خلاص يا جدي اني و ننزل اني و هبة معاهم و تبجى سهرة حلوة "
هارون" بس متتاخروش برة يا سلطان"
سلطان "متجلجش يا جدي"
هارون "ماشي يا سلطان مع السلامة"
كلهم جهزوا و نزلوا يتمشوا في شوارعها اللي مليانة بريحة البحر و الزينة و الاضواء الجميلة اللي حولتها من مجرد ليل لمكان اشبه بالأفراح
اتمشوا كتير و اشتروا هدوم و حاجات للبيت و جابوا كل حاجة قابلتهم تقريبا لدرجة ان هبة اشترت نضارتيت شمس
و أثناء مشيهم قالت شمس بعدم اتزان "هلال الحجني يا هلال و كانت هتقع على الأرض مغمى عليها بس هلال لحقها و طلعوا بيها على المستشفى و هناك الدكتور قال" مبروك المدام حامل بس محتاجة راحة و بلاش تنزل المية خالص هي فاقت خلاص"
هلال" تمام متشكرين يا دكتور "
خرجوا كلهم من المستشفى و في الطريق هلال قال "بالذوج أكده يا بنات راجعين على الصعيد تاني مينفعش لشمس تنزل المية و كمان احنا جينا اهنه جض*ينا يوم حلو نرجع بجى بلدنا أولى بينا "
سلطان" سواء وافجوا او لاه خلاص احنا راجعين بكرة الصبح"
سلطان كلم هارون حكاله كل حاجة و ناصرة طلعت عرفت جميلة من فرحتها
و فعلا تاني يوم الصبح كانوا في الطريق الصعيد
سلطان رجع و قال في البلد كلها ان مرات اخوه الصغير و كبيرهم بعده تبقى حامل
البلد كلها فرحت اقاموا الاحتفالات فرحا بالطفل اللي جاي
و فوق في شقة سلطان كانت هبة بترجع كتير و سلطان دخل الشقة شافها في حالتها دي قام اخدها هي كمان للدكتور اللي قالهم ان هي كمان حامل
و بدل ما البلد كانت بتحتفل بواحد بقت بتحتفل باتنين
🌹🌹🌹🌹🌹🌹🌹🌹🌹🌹🌹🌹🌹🌹
💚 مرحبا بكم ضيوفنا الكرام 💚
هنا في كرنفال الروايات ستجد كل ما هوا جديد
حصري ورومانسى وشيق فقط ابحث من جوجل باسم الروايه علي مدوانة كرنفال الروايات وايضاء اشتركو قناتنا👈علي التليجرام من هنا يصلك اشعار
بكل ما هوه جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹🌹🌹