رواية خيانتك سبب عشقي الفصل الاول1بقلم اسراء ابراهيم

هي دي اخرتها يا ماما ؟ عاوزاني اخدم ضرتي كمان ؟ 

نجلاء بسخرية/ وماله يا حبيبتي ،، دي هتبقي ام ولاد جوزك ،، ولا فاكراها هتبقي ارض بور زيك ؟

فرح بحزن/ ارض بور؟ ده علي اساس  انك متأكدة يعني ان ابنك سليم ؟ طب ازاي وهو حتي رافض يعمل التحاليل اللي الدكتور طلبها منه عشان نعرف العيب من مين ؟

نجلاء بغضب/ اخررررسي ،،انا ابني مش معيوب وكلها كام شهر وتشوفي بنفسك وتتأكدي انك انتي اللي معيوبة ،، انا ابني سيد الرجالة ،، يلا غوري طلعيلهم الفطار بتاع الصباحية واياكي تطولي فوق يلااا 

فرح بكسرة/ حاضر يا ماما ،،هطلع 

نحلاء بشماتة / ايوة كدة ياختي اهو ييقي ليكي لازمة في البيت ده 

اخدت فرح الصنية اللي عليها الفطار وسابت حماتها وخرجت تطلع الفطار في شقة ضرتها  بس من جواها كأنها نا"ر قايدة ونفسها لو تصرخ في مكان محدش يسمعها فيه 

..............................................

صباحية مباركة يا روح قلبي 

قالها ماجد بفرحة وهو واقف قدام مريم مراته التانية وحبه القديم 

مريم بدلع /  الله يبارك فيك يا حبيبي ،، ياااه يا ماجد انا مكنتش متخيلة انك ممكن تكون من نصيبي بعد السنين دي كلها 

ماجد بحب / اهو ربنا جعلنا من نصيب بعض ،، انا ما صدقت انك اتطلقتي اصلا ،، عشان كدة عملت المستحيل عشان نتجوز 

مريم بضيق / طب ومراتك الاولانية اللي اسمها فرح دي ؟ عاوز تفهمني انك مكنتش مبسوط معاها ؟

ماجد بتنهيدة / فرح دي حاجة تانية ،، دي السكن والراحة ،، انا منكرش اني اتعلقت بيها وهي بصراحة تتحب بحس انك انتي وهي مهمين في حياتي  

مريم بغضب / يا سلام ،، طب واتجوزتني ليه لما انت بتحبها اوي كدة وبتقول فيها شعر ؟ ده انت حتي لو كنت قولتلها الحقيقة مكنتش هترفض

ماجد بلهفة / لا طبعا ،،انتي الحب الاول يا مريم وانتي متعرفيش مريت بأيه بعد ما سبنا بعض وفسخنا الخطوبة وبعد فترة قابلت فرح واتجوزتها وكانت بصراحة ونعم الزوجة بس انا برضه بحبك انتي وهي فعلا مكنتش هترفض بس انا اخدتها حجة عشان نتجوز وفرح متزعلش برضه

مريم بصت لماجد بغيظ وكانت هترد بس جرس الباب ضر*ب فقام ماجد بسرعة 

ماجد بغمزة/ اهو فطار العرسان جه اهو ،، هروح اجيبه علي ما تاخدي الشاور بتاعك ،،متتأخريش عليا يا حبيبتي 

خرج ماجد من اوضة نومه وراح يفتح الباب وهو متخيل ان امه عالباب بس اتفاجأ بفرح 

ماجد بتوتر / فرح ؟ انتي اي اللي طلعك دلوقتي ؟ ما بلاش يا حبييتي عشان متزعليش 

فرح بسخرية / وانت بيهمك زعلي اوي يا ماجد ،،مش كدة؟ عالعموم طنط هي اللي صممت اني اطلعه ،،كانت قاصدة تحسسني  بالقهرة وتخليني اشوفك بالشكل ده ونجحت في اللي هي عاوزاه 

ماجد بتأنيب ضمير / حقك عليا يا حبييتي ،، متزعليش منها وبعدين انتي عارفة سبب الجواز يعني فمتزعليش هي بس نفسها تفرح بعيالي 

فرح بكسر*ة واندفاع / وانتو اتأكدتو منين ان العيب مني يا ماجد ؟ بتتعامل اوي معايا علي ان معيوبة بس اللي متعرفوش ان العيب منك انت ،،انا روحت وعملت التحاليل اللي انت رفضت اني اعملها وطلعت سليمة والعيب كان منك انت 

ماجد بغضب وهو بيمسك ايد فرح بعصبية/وانتي ايه اللي خلاكي تروحي من غير ما تقوليلي ،، بتكسر*ي كلامي يا فرح ؟

فرح بشك / هو ده كل اللي همك ؟ اني روحت من وراك ؟ لكن الحقيقة اللي قولتهالك واني سليمة دي متفاجأتش بيها  

ماجد بتوتر لاحظته فرح / حقيقة ايه ،،ده ده كلام فارغ ومحصلش علي فكرة ،، واكيد الدكتور ده كداب وانا مش هاخد بكلامه وانا قولتله كدة

فرح بصدمة / معني كدة انك كنت عارف  ؟ روحتله وعرفت منه ان العيب منك ومع ذلك خبيت عليا ؟ خبيت عليا الحقيقة ؟ طب واتجوزت عليا ليه وانت عارف ان العيب مش مني ؟ 

مريم من وراهم بسخرية / عشان انا حبه الاولاني يا فرح ،، مفاجئة مش كدة؟ ايوة احنا كنا بنحب بعض قبل ما يعرفك واتخطبنا وبعدين سبنا بعض واهي جت الفرصة اننا نبقي مع بعض من تاني 

فرح كانت مصدومة من اللي بتسمعه ومش متخيلة انها للدرجادي كانت غب*ية  

فرح بكسر*ة وانهيار لماجد / بقي انا تضحك عليا يا ماجد ،، انا اللي كنت مستعدة اعيش معاك بعيبك وكنت طالعة اقولك عالحقيقة واني عندي استعداد اني اعيش معاك علي كدة بس تطلق البنت دي ،، في الاخر اطلع مخدوعة بالشكل ده فيك ؟،، ده انا كان عندي استعداد اسامح في حقي وانك اتجوزت عليا ،، تقوم تكسر*ني بالشكل ده ؟

ماجد بتأنيب ضمير / انا اسف يا فرح ،، حقيقي اسف بس انا مفكرتش كدة انا 

فرح بانهيار / انت كداب ،، كداب واناني وانا بكر*هك يا ماجد ،، طلقني 

ماجد بلهفة / ايه ؟ لا طبعا ،،طلاق ايه يا فرح اهدي والله الموضوع مش مستاهل 

مريم بغضب / نعممم ،، انت بتقول ايه ؟ ما تطلقها بقي وخلينا نعيش مرتاحين لوحدينا مش ده اللي كنا عاوزينه 

فرح بقهرة/ طلقني يا ماجد 

ماجد باصرار / لا مش هطلقك يا فرح ،، انا معنديش استعداد اني اخسرك انتي او هي ومش هطلق واحدة فيكم 

فرح بقر*ف / انت اناني ،، عاوز كل حاجة لنفسك من غير ما تفكر في غيرك وانا مش هسكت يا ماجد ولو وصلت هرفع عليك قضية خلع وبرضه هتطلقني 

خلصت فرح كلامها وسابتهم ومشيت ووقفت مريم تبص لماجد بحد*ة بس هو كان في عالم تاني ،، كان بيكلم نفسه وبيأكدلها انه عمل الصح لما موافقش يطلق  

فرح وانه هيخسر اهم حاجة في حياته لو عمل كدة فردد بصوت واطي / مستحيل اطلقها مستحيل 

......................................... 

بعد اسبوع كانت واقفة فرح قدام عبير امها وباين عليها الحزن 

عبير بصدمة / يا لهوي عاوزة تطلقي ؟ انتي اتجننتي يا فرح ؟

فرح بجمود/ ايوة يا ماما ،، اهون عليا اني اعيش لوحدي ولا اني اعيش ونفسي مكسو*رة بعد اللي عرفته عن ماجد 

عبير بحيرة/ طب وكلام الناس يا بنتي ،،انا عارفة ان ليكي حق ،، بس الناس مش بترحم والواحدة لما بتطلق بيفضلو ماسكين سيرتها حتي لو كان جوزها فيه العبر 

فرح بلا مبالاه/ انا مش شاغلني كلام الناس يا ماما ،، انا كل اللي يفرق معايا حاجة واحدة ،، هو اني ارد كرامتي قدامهم ،، لو سمحتي يا ماما كلمي ام ماجد وفهميها اني مش هرجع واني طالبة الطلاق من غير تفاصيل انا مش فارق معايا اي حاجة غير اني امحي ماجد من حياتي وبس 

عبير بحزن/ حاضر يا بنتي ولو اني مش موافقة علي موضوع طلاقك ده ابدا 

فرح بسرحان / ولا انا كنت موافقة بس الظاهر اني مكتوب عليا اعيش تعيسة طول عمري ،،رغم اني رضيت بالقليل بس برضه معجبش حد 

عبير بشفقة/ ربنا يروق بالك يا بنتي ويعوض عليكي ،، بس قوليلي ،،انتي قولتي لحماتك اللي حصل مع ابنها واللي عمله ده ؟

فرح بتجاهل / لا مقولتلهاش ولا هقولها ،، دي واحدة عمرها ما غلطت ابنها ودايما كانت بتيجي في صفه ،،دايما كانت بتعايرني بعيبي من غير ما تعرف ان العيب كان من ابنها ،،تفتكري دلوقتي هيبقي رد فعلها ايه ؟ ،،برضه هتقف في صفه 

عبير بتكشيرة/ بصراحة ولية معندهاش د*م ،، وطول عمرها وهي بتكر*هك معرفش ليه ؟ يلا اهو ربنا نجدك منها بس جوزك يرضي يطلقك الاول 

فرح بغضب / غصب عنه هيرضي ولو مرضيش هرفع عليه قضية واخلعه ،،انا خلاص مبقتش باقية علي حاجة يا ماما وهو عمل كل اللي يخليني اكر*هه وفعلا بقيت بك*رهه ومش هرتاح الا لما اخد حقي منه 

عبير بقلق / ربنا يستر يا فرح يا بنتي ،،ماجد جوزك عِندي ومش هيرضي يطلق بالساهل 

............................................

نجلاء بسخرية / نععععم يا حبيبتي ؟ وبنتك بقي كمان ليها عين تطلب الطلاق ،، صحيح عجايب زمن ،، المعيوبة كمان ليها عين تتكلم 

عبير بغضب / احترمي نفسك يا ام ماجد واعملي حساب ان بنتي دي اللي بتتكلمي عليها ،، وبعدين هي خلاص مش عاوزة ابنك ،،ايه هو عااافية ولا ايه ؟

نجلاء ببرود/ لا يا حبيبتي مش عافية ،، بس المفروض بنتك تحمد ربنا ان ابني رضي بيها بعد ما عرف انها مبتخلفش وانها لمؤاخذة معيوبة ،،لكن كمان تطلب الطلاق؟ لا جديدة دي ؟

عبير بغيظ/ اما انتي ولية لسانك متبري منك صحيح ،، طب بصي بقي يا نجلاء ابنك اللي فرحانة بيه وطالعة بيه السما ده واللي مكنش يحلم يطول بس ضفر بنتي ،، احب اقولك ان هو اللي معيوب وان بنتي كانت مستحملة وساكتة ،، عارفة انه مبيخلفش ومرضيتش تقول عشان متكس*روش بس واضح انه تربيتك فلازم يطلع شبهك فيستاهل انها تسيبه وخلي بقي ياختي الغندورة اللي اتجوزها تنفعه وبنتي هيطلقها غصب عنه سواء رضي ولا مرضاش وقوليله بقي يا حبيبتي لو مرضاش هنرفع عليه قضية وهنخلعو فانتي بقي ياختي ادري بمصلحة ابنك ونصيحة مني عشان الفضاي*ح تقوليله يطلقها بالمعروف كدة   

كانت نجلاء بتسمع كلام عبير وهي مصدومة ومش مستوعبة اللي هي قالته ليها 

نجلاء بصدمة / انتي بتقولي ايه ؟ ابني انا اللي معيوب ؟ انتي كدابة وبنتك كدابة انا ابني راجل والعيب من بنتك 

عبير ببرود/ والله التحاليل مبتكدبش وابقي اسألك ابنك ماهو انا مقولتلكيش ؟ ما هو الواطي طلع كان عارف وخبي علي بنتي عشان بتجوز السنيورة اللي كان بيحبها بحجة الخلفة ،،بس ربنا كريم وقادر ينتقم منكم كلكم علي اللي عملتوه في بنتي ،، ولاخر مرة هقولهالك ،،لو ابنك مطلقش بالزوق هفض*حه في الشارع كله يا نجلاء وبراحتكم بقي ،، يلا من غير سلام 

مشيت عبير بعد ما خلصت كلامها ووقفت نجلاء مصدومة من اللي سمعته وكانت بتتمني من جواها ان كلام عبير يطلع غلط وفجأة انتبهت لنفسها فراحت بسرعة علي باب الشقة وفتحت الباب وهي في قمة غضبها 

......................................

كان قاعد ماجد وباين عليه انه مضايق وعقله مشغول لحد ما قربت منه مريم بغضب 

مريم بغضب / ممكن اعرف بقي انت عامل كدة ليه  ؟ اسبوع من وقت ما الهانم غضبت وطلبت الطلاق وانت علطول زعلان وباين عليك انك مضايق ،،ليه كل ده ؟ هو مش ده اللي كنت عاوزه ؟

ماجد باندفاع / لا مش هو ده يا مريم ،،انا اه بحبك واتجوزتك عشان كدة بس برضه فرح مراتي الاولانية وبحبها هي كمان 

مريم بغضب / خلاص يبقي طلقني وروحلها يا ماجد ،، انا اصلا كنت مخدوعة فيك ،، وهمتني اني حبك الاول والاخير  ،، وفي الاخر طلعت بتحبنا احنا الاتنين ويا عالم كمان مين تاني 

ماجد بلهفة / لا يا مريم ،،مش هطلقك طبعا ،،صدقيني انا بحبك وعمري ما ندمت اني اتجوزتك بس دي فرح يا مريم ،، انا نفسي مكنتش متخيل اني متعلق بيها اوي كدة 

مريم بغيظ/ انا بجد مش عارفة ازاي وافقت اتجوزك وازاي موافقة اسمع منك كل الكلام ده عن واحدة تانية بس انا عارفة اني عشان غبية بعمل كل ده 

قط*عت مريم كلامها لما سمعت جرس الباب وصوت نجلاء العالي فجريت هي وماجد واول ما فتحت الباب دخلت نجلاء بصوتها العالي وهي بتبص لماجد  

نجلاء بغضب / يا سلام يا حبيبي ،،حضرتك هنا نايم في العسل وانا محرو*ق دمي هنا مش كدة ؟

ماجد بسرعة/ في اي بس يا ماما ،،ليه بتقولي كدة؟

نجلاء بجمود/ هو سؤال واحد يا ماجد وترد عليا حالا والا يمين بالله يومك ما هيعدي ؟ انت فعلا العيب منك مش من فرح ؟ وكنت عارف ده وخبيت عليا ،، انطققق 

ماجد بتوتر / انتي مين اللي قالك الكلام ده ؟

نجلاء بصوت عالي / حماتك يا حبيبي ،، جت هنا وفض*حتك وقالتلي ان مراتك طالبة الطلاق ،،ياما هيرفعو عليك قضية ،، قولي بقي ليه هتكدب في حاجة زي دي ،، رد عليا ؟

ماجدة بغضب / طلاق ؟ مش هيحصل ،،انا مش هطلق فرح ،، ولو ايه اللي حصل 

نجلاء بتهتهة/ يعني متفاجأتش باللي قولته قبل ده ؟ يبقي صح مش كدة ،، انت كدبت عليا يا ماجد ؟ ،،خلتني ليل نهار ازل في البت واكس*ر خاطرها وفي الاخر طلعت انت اللي معيوب ،، اتاري البت تقولي بثقة ايه اللي مأكدلك ان العيب مني ،، وحتي مفكرتش تفضحك وتقول الحقيقة ،،تصدق البت دي رغم اني مكنتش بحبها بس طلعت بنت اصول ،، عملت اللي انت يا راجل معملتوش 

ماجد بتوتر / وفيها ايه يا ماما ،،انا مغلطتش انا اتجوزت علي سنة الله ورسوله مهما كان السبب بقي 

نجلاء بسخرية /  وكمان ليك عين تبص في وشي وتقولي حصل ؟  صحيح بج*ح ؟ بقي يا ناقص تبقي عارف ان العيب منك وتضحك عالبت وتقنعها ان العيب منها وكمان تتجوز عليها حبيبتك الاولانية ،، ايه الجبروت ده ؟ وكمان مش عاوز تطلقها ؟ وانتي يا حلوة ،،كنت عارفة كل ده ولا ضحك عليكي انتي كمان ؟

مريم بتوتر / انا كنت عارفة اه ،،هو قالي قبل ما نتجوز وانا قولتله اني مش فارق معايا الخلفة 

نجلاء بسخرية / مش فارق معاكي الخلفة عشان خلفتي قبل كدة من جوزك الاولاني يا حبيبتي ،،ورمتيه لامك عشان تتجوزي ابني ،،ابني اللي مطمرش فيه اللي عملته مراته معاه وراح كسر*ها بالشكل ده ،، اسمعو انتو الاتنين ،، انا مش عاوزة حد يوريني وشه فيكم تاني وانت يا ماجد ،، هتطلق فرح والا اعرف ان ملكش ام ،،كفايا بقي اللي عملتو فيها ،،سيبها تعيش حياتها مع واحد يستاهلها 

ماجد بعقل مغيب / لا يا امي ،،فرح مش هطلقها ،،دي مراتي وانا هعرف اصالحها وارجعها ،، انا متأكد انها بتحبني ،، بقي انا اسيبها لراجل تاني ده لا يمكن يحصل ابدااا 

............................................... 

مستر مروان في واحدة عاوزة حضرتك برة بتقول قريبتك 

مروان باستغراب / قريبتي  ؟ طب خليها تدخل 

دخلت فرح وهي باين عليها الخوف والتوتر واول ما شافها مروان استغرب وقام وقف وهو بيمد ايديه ليها 

مروان بابتسامة / اهلا بحضرتك ،، نورتي مكتبي ،،اتفضلي 

فرح باحراج وهي بتبص لايد مروان/ متشكرة لحضرتك ،، انا عارفة انك مش فاكرني 

مروان باحراج وهو بيسحب ايديه / اانا السكرتيرة قالتلي انك بلغتيها بانك قريبتي ؟ وانا للاسف مش واخد بالي منك 

فرح بهدوء / انا ابقي مرات مروان ابن عمتك نجلاء  ،،واحنا اتقابلنا قبل كدة في فرح اختك هبة 

مروان وهو بيفتكر / يا خبر ،، اه طبعا افتكرت ،، اسف جدا بجد ،، بس يعني عشان هي مرة واحدة اللي اتقابلنا فيها ،، اهلا بيكي ،، تشربي ايه الاول ؟ 

فرح بتردد/ لا لا ،،انا مش هشرب حاجة لاني مستعجلة ،،انا بس كنت جاية لحضرتك في طلب واتمني انك تقدر تساعدني 

مروان بقلق / طبعا لو هقدر مش هتأخر عليكي ،، قوليلي في ايه ؟ مروان معاه مشكلة ولا عمتو ؟

فرح اترددت شوية وبعدين اتكلمت / ببصراحة كدة انا كنت عاوزة ارفع قضية خلع علي ماجد 

مروان بصدمة / خلع ؟ انا بصراحة مكنتش متخيل ان الموضوع كدة ،، بس ممكن اعرف السبب ،، يمكن يكون الموضوع مش مستاهل كدة ابدا وممكن يتحل 

فرح وهي بتقوم من مكانها / انا اسفة اني ضيعت وقتك ،، عشان انا مش جاية الا لسبب معين ،،ولو مش هتقدر تساعدني اتمني متقولش حاجة لمروان وده اعتبره رجاء مني 

مروان بلهفة / استني بس يا مدام فرح ،، انا مقصدش حاجة واكيد طبعا هساعدك بس لازم افهم كل حاجة ،،حضرتك بس قوليلي اسبابك 

فرح بجمود/ مبيخلفش وانا عاوزة اخلف ويكون ليا اطفال ،، ده سبب مقنع للقاضي عشان يطلقني ولا لا 

مروان بغموض / يعني هو ده بس السبب ،،ان ماجد طلع مش بيخلف ؟ هو حقك طبعا وكل حاجة بس لسه مطلبتيش منه الطلاق وهو اكيد مش هيمانع ،، مروان اعتقد شخصية متفهمة 

فرخ بسخرية/ واضح انه عشان قريبك فانت هتدافع عنه ،، عموما متشكرة لوقتك ،،انا جتلك انت بالذات لاني معرفش حد ومش معايا تكاليف محامي تاني وقبل ما حضرتك تبصلي بنظرة الاحتقار دي واني واحدة بفض*ح جوزي عشان اطلق احب اقولك ان في حجات انت متعرفهاش عن حياتنا عشان تحكم عليا 

خلصت فرح كلامها وكانت هتمشي بس لحقها مروان بسرعة وهو بيتكلم 

مروان بلهفة/ ارجوكي استني انا مقصدش خالص اللي فهمتيه ،،وانا كمحامي شغلي بيخليني محكمش ابدا من طرف واحد ولا بالظاهر يا مدام فرح ،،ارجوكي اتفضلي واحكيلي كل حاجة وانا اوعدك اني اساعدك 

فرح بصت لمروان بتردد وهي من جواها خايفة من الخطوة دي ويمكن هي بتتلكك عشان متكملش بس نار*ها من ماجد واللي عمله معاها خلاها كل همها انها تخلص منه وبس عشان كدة سمعت كلام مروان ودخلت معاه تاني وبدأت تحكيله كل حاجة حصلت وعملها معاها مروان وحتي معاملته ليها هو وامه 

عدت فترة كانت فرح بتحاول ترجع لحياتها الطبيعية بعد ما مروان طمنها وقالها انه رفع القضية علي ماجد وانه هيطلقها منه في اقرب وقت ،، ويمكن ده خلاها تطمن شوية وتنسي وتفكر هتعيش ازاي بعد طلاقها منه وهل هتقدر تنسي كل اللي حصل ولا لا ،، كانت قاعدة قدام التلفزيون لوحديها والجرس ضر*ب فتوقعت انها امها عشان خرجت تتسوق فقامت تفتح بس اتصدمت لما اتفاجأت بماجد قدامها .... 

يتبع