رواية خيانه من نوع اخر الفصل الاول1 بقلم اسراء ابراهيم

مالك يا شهد وشك مخطو*ف كدة ليه

شهد بتوتر / مالي يعني يا نورهان ؟ ما انا كويسة اهو شايفاني بقط*ع في شعري وبعدين انا غلطانة يعني اني جيت اشوفك ؟ 

نورهان بلهفة / لا يا حبيبتي متقوليش كدة ،، والله مقصدش ده انتي نورتيني ،، يلا هقوم اعملك حاجة تشربيها 

شهد بتوتر / طيب يا نورهان ياريت ،، انا اصلا حاسة اني مهبطة اوي والجو حر اوي انهاردة

نورهان بابتسامة / يا حبيبتي معلش ،، الجو اصلا صعب ،، صحيح هو مروان جوزك فين ؟ في الشغل ولا ايه ؟

شهد بضيق/ اهو نايم هناك في البيت ،، هيكون فين يعني بلا هم ،، وكملت شهد بمكر / بقولك صحيح يا نورهان ،،خدي الچاكت ده اصلا ضيق عليا ومكنتش عارفة امشي فيه خالص 

نورهان بابتسامة /ماشي يا روحي تسلميلي ،، استني بقي هروح اجبلك العصير الساقع بسرعة 

شهد كانت متابعة نورهان واول ما دخلت المطبخ نفخت وهي بتتنهد براحة وبعدين ابتسمت بخبث وقالت بصوت مسموع/ عشان تبقي تعملي فيها الست الخضرة الشريفة بقي 

شوية ونورهان جت وفي ايديها العصير وقدمته لشهد بحب 

نورهان بفرحة / اتفضلي يا شهد ،، بجد فرحانة اوي انك جيتي ،،ده انا ياما كنت بتحايل عليكي عشان تبقي تزوريني وانتي بترفضي 

شهد ببرود/ واديني جيت ،،اومال صحيح فين فريد ؟

نورهان بابتسامة / فريد في الشغل ،،زمانه علي وصول ان شاء الله ،،خليكي بقي وهنتغدي سوا 

شهد ببرود وهي بتقوم / لا انا هتأخر كدة ،، يلا سلام عشان مروان زمانه صحي وهيستعوقني 

نورهان باحباط/ ماشي يا حبيبتي ،، سلميلي علي مروان وان شاء الله اشوفك عند ماما قريب هكلمك لما اجي اروح ماشي 

شهد بضيق / تمام ،، يلا سلام  بقي 

مشيت شهد ونورهان قفلت الباب وهي مبتسمة وكانت فرحانة اوي ان اختها شهد جاتلها اخير لاول مرة من سنتين من وقت ما اتجوزت 

....................................

كانت بتحط نورهان الاكل عالسفرة وبعدين بصت في الساعة وابتسمت فجأة لان ده معاد رجوع فريد جوزها من الشغل وفعلا سمعت رنة الجرس وصوت مفتاحه فجريت عليه بحب 

نورهان بلهفة  / كل ده يا فريد ،،وحشتني اوي ،،اتأخرت كدة ليه 

فريد بابتسامة / اتأخرت ايه بس يا بكاشة ،، ده هما دقيقتين 

نورهان بابتسامة  / لا تلات دقايق ،، استني صحيح مش شهد اختي كانت هنا ؟ 

فريد باستغراب / ايه ده ؟ غريبة ،، دي عمرها ما حصلت ،، وايه سبب الزيارة المفاجئة بقي ،،ده احنا بقالنا سنتين  عمرها ما دخلت لينا بيت 

نورهان بفرحة / معرفش فعلا السبب ،، بس هي متغيرة من زمان وانا نفسي اعرف ايه اللي غيرها بجد ،، عموما هي كانت قريبة من هنا فعدت عليا ده كلامها ،، يلا بقي ناكل عشان الاكل هيبرد 

فريد بتنهيدة  / عندك حق ،،احنا نغير السيرة احسن ،، يلا هدخل اغير هدومي واجي احكيلك موقف غريب حصل معايا انهارده 

نورهان بسعادة / حاضر يا حبيبي ،، يلا ادخل خد دش و غير انت بس وملكش دعوة 

دخل فريد وبدأت نورهان تحضر  السفرة وقعدت تستني فريد اللي خرج بعد شوية بس وشه متغير وباين عليه الغضب ولاحظت نورهان شكله فقلقت 

نورهان بقلق / في ايه يا فريد ،،مالك يا حبيبي 

فريد بغضب مكتوم / مفيش 

نورهان باستغراب / طيب يلا كل بقي  الاكل هيبرد وصحيح ايه الموضوع بقي اللي كنت عاوز تحكيهولي 

فريد بسخرية/ هقولك ،، اصلي انا غيرت المنطقة اللي بشتغل فيها وروحت مكان تاني وده لان زميلي عنده ظروف فاخدت شغل منطقته   وانا بحصل الكهربا بقي طلعت شقة  ورنيت الجرس فتحلي واحد وقبل ما اتكلم شوفت واحدة كانت قاعدة بس فجأة دورت وشها واديتني ضهرها  وكانت لابسة چاكت فطبعا مركزتش وشوفت شغلي ومشيت وكنت مضايق من الموقف لاني افتكرت اني حرجتها اما شافتني

نورهان باستغراب / طب وفيها ايه يا فريد ،، ما جايز مرات الشخص ده واكيد يعني اتفاجأت براجل غريب فدورت وشها 

فريد بغموض / منا قولت كدة برضه بس لما نزلت تحت البواب بالصدفة قالي تعالي اطلعك شقة الدور التاني عشان االي عايش فيها راجل عازب واوقات مبيفتحش لحد الباب وانه نفسه يمشي منها عشان سمعته مش قد كدة  فقولتله اني شوفت العداد بتاع الشقة دي ومشيت 

نورهان بتلقائية / طب واحنا مالنا يا فريد ،، ربنا يستر علي ولايانا يا حبيبي ،،وهو ربنا يحاسبه مش احنا اللي هنحاسبه وانت اعمل شغلك وبس 

فريد اتعصب اكتر اول ما نورهان قالتله كدة واتفجأت بيه بيشد*ها من ايديها بغضب وبيسح*بها وراه اوضتهم 

نورهان بخوف / في ايه يا فريد ،،مالك بتشدني كدة ليه وواخدني فين بس 

فريد بحد*ة / تعالي يا هانم ،، شايفة الچاكت بتاعك ده ؟ ده الست اللي في شقة الراجل شوفتها كانت لابساه انهاردة 

نورهان بصدمة / اانت بتقول ايه ؟ انت قصدك ايه ؟

فريد بانفعال/ للاسف شميت ريحتك ،، ريحة برفانك المفضل اول ما الباب اتفتح بس كدبت نفسي وقولت مستحيل نورهان تعمل كدة وتخو*ني بس ادي دليل خيا*نتك اللي نسيتي تداريه 

نورهان بتوهان وكأنها في كابوس/ فريد انت بتقول كدة وبتهزر صح ؟ اكيد انت متقصدش انك تتهمني في شر*في ؟ قول انك بتهزر وانا هصدقك 

مكملتش نورهان كلامها لما لقت قل*م علي وشها من فريد فوقعت عالارض من قوته وشفا*يفها نز*فت ووقتها فريد كأنه كان في حالة لا وعي قرب منها ومسكها من شعر*ها بغضب 

فريد بغضب / كنتي فاكراني هفضل غ*بي واعمي لحد امتي ؟ كنتي فاكرة اني بحبك لدرجة اني مش هعرف اكتشف خيا*نتك 

نورهان بانهيار / اقسملك بالله اني مظلومة يا فريد ،، صدقني الچاكت ده اصلا مش بتاعي 

فريد بغضب / كمان هتكدبي ،،اومال بتاع مين يا هانم ؟ انطقي ،، قولي خو*نتيني كام مرة ؟

نورهان بتعب وعياط/ والله ما خو*نتك ،، احنا بقالنا  سنتين ،،عمرك شوفت عليا اي حاجة و*حشة يا فريد ؟ انت ازاي كدة ،، ازاي قدرت تصدق اني ممكن اخو*نك 

فريد بعصبية / اومااال ايه ،، معقولة اكون كنت عايش طول المدة دي متغفل ؟ 

نورهان بقهرة وخزلان / طلقني يا فريد طلقننني 

فريد بتوعد وغضب / نجوم السما اقربلك يا نورهان ،، انا مش هخليكي تطولي الحرية ولا تشوفيها هخليكي كدة زي البيت الواقف ،، يلا قومي معايا 

قال فريد اخر جملة بغضب وهو بيسحب نورهان من ايديها وبيخرج من الاوضة ومن الشقة كلها 

نورهان بصدمة / فريد ،، انت هتعمل ايه ،،اكيد مش هتنزل مراتك كدة بهدوم البيت ،،طب قولي هتوديني فين 

فريد بغضب وهو مش شايف قدامه/ هوديكي  لاهلك واخليهم يشوفو ويعرفو مراتي اللي مأمنها علي شر*في عملت ايه 

صرخت نورهان وهي بتحاول تبعد فريد عنها بس هو كان مصمم وساحبها من ايديها ونازل من العمارة والجيران وقتها كانو شايفينهم وصعبان عليهم نورهان واللي بيحصلها من فريد 

.........................

كان نازل يزن من العمارة بهيئته الجذابة وكان لابس نضارته وببحضر نفسه عشان يركب عربيته بس فجأة وقف مصدوم وشال النضارة من علي عنيه عشان يتأكد من اللي هو شافه وفعلا اتأكد لما بصتله نورهان بكسر*ة وهي منهارة من العياط وكأنها مكنتش عاوزاه هو بالذات يشوفها كدة !! ،، يشوف فريد وهو ماسكها بحالتها دي كأنها متهمة وبهدوم البيت كمان  ،، لقت نورهان ملامحه اتحولت للغضب وهو بيقرب منهم وفجأة ضر*ب فريد بو*نية وقعه عالارض ،، فكانت واقفة نورهان مصدومة من اللي حصل وبتبص بتوهان وصدمة حواليها ووقتها شافت يزن بيخلع چاكت بدلته وبيلبسهولها 

يزن بغضب مكتوم / يلا يا نورهان وانت حسابك معايا بعدين 

فريد بغضب / انت اتجننت ،، بتمد ايدك عليا ،، انا هوريك ،،دي مراتي واياك تفكر تقرب منها 

يزن بجمود وهو بيبص لنورهان/  اطلعي عالبيت واياكي تبصي وراكي  

نورهان بعياط وهي بتبص ليزن بكسر*ة/ حاضر حاضر 

جريت نورهان عالبيت وبقت تخب*ط عالباب بايديها الاتنين لحد ما فتحتلها  سماح امها 

سماح بصدمة/ يا مصيبتي ،،ايه اللي حصلك يا بنتي ،،مين اللي عمل فيكي كدة 

نورهان بانهيار / الحقيني يا امي 

وقعت نورهان مغمي عليها ومقدرتش تنطق بأكتر من كدة ووقتها صوتت سماح بخوف وهي بتلحقها 

.............................

فتحت نورهان عنيها بتعب وشافت امها وهي بتعيط وواقفة جمبها وكمان شهد اختها اللي كانت بتبصلها بشماتة 

سماح بلهفة/ حمدالله علي سلامتك يا بنتي ،،منه لله ،، ربنا ينتقم منه فريد ابن صفية

نورهان بعياط / شوفتي يا ماما ،، فريد فاكر اني بخو*نه ،، انا يا ماما اخو*ن فريد ،، ازاي يصدق عني كدة ازاااي 

سماح بغضب / عشان نا*قص ومش* راجل ،،اللي ينزل مراته بهدوم البيت ويفرج الناس عليها كدة ميبقاش راجل يا بنتي وربنا ان شاء الله هياخدلك حقك ،، ده اتجنن خلاص 

نورهان بانهيار / انا مش مصدقة ،،حاسة اني بحلم ،،لا ده كابوس كمان مش حلم يا ماما ،،فوقيني منه ،، قوليلي ان اللي حصل ده كله وهم ومحصلش 

سماح وقلبها وا*جعها / خلاص يا بنتي اهدي متزعليش ،، انا هوريه فريد ابن صفية ،،اما وريته وخليته يندم عاللي عمله مبقاش انا ،، كفايا عليه بس اللي عمله فيه يزن ابن عمك ،، والعلقة اللي ادهالو في الشارع 

عيطت نورهان اكتر اما افتكرت يزن وكان صعبان عليها نفسها اوي والشكل اللي يزن شافها بيه

سماح بحنية / يزن كان عاوز يطمن عليكي يا نورهان يا حبيبتي 

نورهان بانهيار / لا يا ماما لو سمحتي انا تعبانة سيبوني لوحدي  مش عاوزة اشوف حد 

بصتلها شهد بضيق وسابتهم وخرجت وكانت متابعاها نورهان وهي بتعيط وعقلها بيسألها الف سؤال بس للاسف مش قادرة حتي تتكلم 

سماح بحزن/ خلاص يا نورهان يا حبيبتي اهدي ،، انا هقوله انك تعبانة ونايمة وانتي ريحي نفسك ومتفكريش في حاجة ،، ومتخافيش الحيو*ان ده انا هطلقك منه 

مردتش نروهان علي امها بأي كلام وسحبت اللحاف عليها ونامت او اتصنعت النوم وعقلها كان في مكان تاني وكأنها تايهة

.................................

بعد اسبوع من اللي حصل كانت نورهان حالتها اتحسنت شوية واعصابها هديت وكانت بتفكر كتير بس مش عارفة تقرر اي حاجة ،،كل اللي شاغلها انها تظهر برائتها وكفايا صدمتها في فريد حب عمرها اللي كانت مش متخيلة انه ممكن يشك فيها ويصدق اللي حصل ،، خرجت نورهان من اوضتها لما عرفت ان شهد جت برة فقربت منها ووقفت قدامها وربعت ايديها وهي بتبصلها بغضب 

سماح باستغراب  / يوه ،،مالك يا نورهان واقفة كدة ليه قدام اختك 

شهد ببرود/ قوليلها يا ماما والنبي اصل شكلها يخوف خصوصا عنيها الحمرا دي 

سماح بصوت عالي نسبيا/ مالك يا نورهان ،،انتي مش سامعانا ولا ايه ؟ بقولك واقفة كدة ليه 

نورهان بغموض / واقفة عشان اسأل بنتك ليه عملت فيا كدة يا ماما ،، ليه يا شهد ،، طب كنتي عرفيني وانا كنت هقف جمبك واساعدك لكن تد*مري بيتي ومستقبلي لييييه 

شهد بعصبية / انتي غ*بية ؟ ايه اللي بتقوليه ده ،، انتي قصدك ايه 

سماح باستغراب / قصدك ايه صحيح يا نورهان بكلامك ده ؟ وايه علاقة اختك باللي حصلك ؟

نورهان بانفعال وهي بتعيط /متقوليش اختك دي تاني ؟ مفيش اخت بتكر*ه اختها ومفيش اخت هتسعي لخر*اب بيت اختها ،، طول عمرها وهي بتكر*هني ،،دايما بتعاملني و*حش ودايما تفكرني اني مش اختها واني مجرد بنت جوز امها ،، بنتك دمر*تلي حياتي ،، بنتك اللي حتي وقت ما اتجوزت مقالتليش مبروك ،، مواقفتش معايا زي اي اخت بتتمني تفرح لاختها،،  دي مفكرتش تدخل بيتي من يوم ما اتجوزت ولا تزورني ويوم ما حصل واتفاجأت بيها جيالي ،، بيتي اتخر*ب وجوزي اتهمني بالخيا*نة وكله بسببها 

سماح كانت مصدومة وهي بتسمع كلام نورهان ومش متخيلة ان فعلا شهد ممكن تكون بتكر*ه نورهان اوي كدة بس قلبها دليلها وفعلا حست ان نورهان صادقة فبصت لشهد بشك فاتوترت هي وحاول تداري علي اللي قالته نورهان 

شهد بغضب / انتي واحدة مريضة ،، انا غلطانة اني فكرت ازورك واقرب منك ،، وانتي السبب اصلا ،،دايما شايفة نفسك احسن مني ،، صحيح خير تعمل ،، شايفة يا ماما  ،، اللي بتقوليلي دي اختك وحبيبتك شايفاني ازاي ،، لا يا حبيبتي متجيبهاش فيا ،، شوفي انتي عملتي ايه خليتي جوزك يشك فيكي ويتهمك بالخيا*نة 

شههههد 

قالتها سماح بغضب وهي بتبص لشهد بتحذير فسكتت شهد وهي بتص لنورهان بغضب وحق*د ونورهان كانت منهارة من العياط ومش متخيلة انها طلعت بتكر*ها قد ايه 

سماح بحسم/ شهد يلا علي بيتك ولينا كلام تاني بعدين 

شهد بغضب / بقي كدة يا ماما ؟ بتصدقي بنت جوزك وتكدبيني ؟ ماشي يا ماما ،،انا ماشية بس والله ما هسكت وانا بقي هعرف اخد حقي منها ازاي 

مشيت شهد وخرجت من الشقة ووقتها نورهان قعدت عالكنبة بانهيار وهي بتعيط بحرقة

سماح بحنان وهي بتقرب منها / نورهان حبيبتي ،،انتي عارفة انك بنتي ،، اوعي في لحظة تشكي في حبي ليكي ،، انا من وقت ما ابوكي مات وانا يعلم ربنا كنت بقول عندي بنتين ،،الناس هنا ميعرفوش حتي انكم مش اخوات شققا ،، لاني عمري ما فرقت بينكم ،، اوعي يا نورهان يجي يوم وتحسسيني اني قصرت يا بنتي 

نورهان بعياط وهي حاضناها / ماما ،،انا بحبك اوي وعمري ما اقول كدة لانك فعلا امي وعمري ما حسيت غير كدة بس شهد لا يا امي ،، سامحيني بس عمرها ما حبتني ،،حاولت كتير بس كانت بتبعد عني وكنت بكدب نفسي واقول عشان سننا قريب من بعض فبنتخانق لكن عمرها ما تكر*هني ،،كنت دايما بحاول ازيف الحقيقة ،،لكن بعد اللي عملته انا اتأكدت انها بتكر*هني يا امي 

سماح بشك وقلق / طب قوليلي يا نورهان عملت ايه وانا صدقيني لو اتأكدت هيكون ليها حساب معايا 

نورهان مكنتش عارفة تقول ايه ،، كانت نفسها تقول الحقيقة اللي اكتشفتها واالي عملته شهد معاها بس خافت علي امها من انها تعرف حاجة زي دي 

سماح باستغراب / مالك سكتي ليه يا نورهان ،ما تقولي يا بنتي شهد عملت ايه لما جاتلك شقتك وايه اللي خلاكي تقولي انها السبب في اللي حصل فهميني يا نورهان

نورهان بقهرة/ ولا حاجة يا ماما ،، انا شاكة بس انها كانت قاصدة توقع بيني وبين فريد ،، عموما خلاص اللي حصل حصل ،، بعد اذنك هقوم انام انا تعبانة

قامت نورهان وكانت متابعاها سماح بشك وقلق وهي قلبها حاسس انها مخبية حاجة 

بعد يومين كانت قاعدة نورهان في البلكونة وسرحانة كعادتها من وقت اللي حصل بس فاقت من سرحانها علي صوت يزن اللي واقف قدامها.....