رواية طفله ولكنى عشقتها الفصل الاخير بقلم اسراء ابراهيم
خافت رؤي اوي اول ما الشاب مسكها من ايديها وبقت تضر*ب فيه بهيسترية وهي بتصرخ لحد ما لقت اللي بيبعده عنها وبيسحبها وراه وبصتله رؤي بخوف بس خوفها اتحول لراحة اول ما عرفت انه يحي اللي كان بيضر*ب الشاب بغضب
يحي بغضب / انت مالك بيها ؟ انطق يالا اتكلم ،، مالك ومالها وكنت عاوز منها ايه
الشاب بتعب / دي تخصني ،، انا عاوزها ،، حتي اسمها رؤي
رؤي بصدمة وهي بتعيط / انت مين ؟ اصلا انا معرفوش يا يحي انا لقيته بيجري ورايا والله و
يحي بغضب / اخرسي ،،هو عرف اسمك منين لو هو ميعرفكيش ؟ وانت يلا من هنا واياك اشوفك قريب من المنطقة دي تاني انت فاااهم
الشاب بتعب / فاهم ،،فاهم
يحي ساب الشاب فجري ووقتها هو بص لرؤي اللي كانت مصدومة وبتعيط وهي بصاله
يحي بخزلان / انا مش عارف ازاي طاوعت نفسي وجيت انقذك ،، لو كنت اعرف انك مع الواد ده انا مكنتش فكرت اجي علي صوتك وانتي بتصرخي ،، حقيقي انتي انسانة مقر*فة
رؤي بدموع/ والله يا يحي معرفوش ،،صدقني ،، انا حتي معرفش هو عرف اسمي منين
يحي بغضب / اخرسي بقي ،،انتي لسة مصممة تكدبي ،، انا ميخصنيش اصلا انتي تعرفيه منين ،،انا مش عاوز اعرفك انتي سامعة ،، غوري بقي من هنا يلاااا
جريت رؤي وهي بتعيط ومنهارة ودخلت البيت واول ما شافت امها اترمت في حضنها وصبرين حضنتها بلهفة
صبرين بقلق / اخس عليكي يا رؤي ،، كنت هموت من القلق عليكي يا بنتي ،،ليه تعملي فيا كدة
رؤي بانهيار / انا معرفش ليه بيحصل معايا كدة ،،انا تعبت يا ماما ،، انا معرفش ايه اللي بيحصلي
صبرين بقلق / طمنيني يا بنتي فيكي ايه ؟،، حد عملك حاجة ؟ انطقي يا رؤي جاية متأخر وبشكلك المنهار ده ليه طمنيني
رؤي خرجت من حضن امها / هحكيلك كل حاجة يا ماما ،، عشان انا تعبت اوي ومش عارفة اعمل ايه
وفعلا بدأت رؤي تحكي لصبرين كل حاجة معاها ومع يحي وموقفه منها والفكرة الو*حشة اللي اخدها عنها وكل ده وصبرين بتسمعها بدهشة
.......................................
تاني يوم كانت واقفة زينب بتتكلم مع يحي قبل ما ينزل علي ورشته ويحي كان مضايق وباين عليه انه متعصب
زينب بهدوء/ ممكن اعرف ليه لما بتيجي سيرة رؤي بتعمل كدة ؟ انت بجد غريب اوي يا يحي ،،هي عملتلك ايه بقي عشان تاخد الموقف ده منها ؟
يحي بضيق / لو سمحتي يا ماما انا مش عاوزة اتكلم في الموضوع ده عشان هو مش شاغلني اصلا وبعدين رؤي مين دي اللي اخد منها موقف ؟
زينب باستغراب / لا ماهو اكيد في حاجة غلط ،، عصبيتك دي مش طبيعية فهمني يا يحي ؟
ملحقش يحي يتكلم بسبب جرس الباب فراحت زينب تفتح وكانت صبرين
زينب بابتسامة/ اهلا يا غالية ،،تعالي يا حبيبتي جيتي في وقتك
صبرين بابتسامة / يحي عندك يا زينب ،،انا عاوزة اتكلم معاه
زينب بقلق / اه يا حبيبتي ،،يحي جوة ،،تعالي ،، يا يحي ام رؤي عاوزاك
يحي بهدوء/ اهلا بحضرتك يا طنط ،، اؤمريني في حاجة اقدر اساعدك بيها ؟
صبرين بهدوء/ اسمعني يا يحي ،، انا لو جيتلك انهاردة فده عشان انت غلاوتك عندي من غلاوة رؤي بنتي وعشان بنتي نفسيتها متد*مرة بسببك
زينب بصدمة / يا خبر ،،ليه كدة يا صبرين ؟ ايه اللي حصل لده كله
صبرين بهدوء/ انا بنتي بتتعامل و*حش من ابنك با زينب وكل ده بسبب سوء تفاهم ،،هو نفسه مكلفش خاطره ويعرف الحقيقة ،، اسمع يا يحي ،،انا بنتي جايز عشرية بذيادة ،، عندية حبتين ،،لكن اخلاقها وتربيتها احسن من الف بنت وانا عارفة بنتي كويس
يحي باحراج/ انا مليش اني احكم عليها يا طنط وانا مقصدش اني احكم عليها
صبرين بثقة/ لا يا يحي ،،انت حكمت ونفذت بدليل معاملتك لبنتي من وقتها ،، انا بنتي منهارة بسببك وبسبب اللي حصل وعلي فكرة هي حكتلي كل حاجة وانا عشان كدة جيت ،،عشان احط النقط عالحروف وعشان متبصش لبنتي بنظرة اتهام تاني ابدا
زينب بتوتر / العفو يا صبرين يا حبيبتي ،، ليه بتقولي كدة بس ؟ ده يحي والله بيعزكم
صبرين بهدوء/ وانا كمان بعزه يا زينب بس لازم برضه افهمه عشان بنتي سمعتها متضرش ،،اسمع يا يحي ،، رؤي بنتي اول مرة شوفتها فيها كان اللي اسمه زين ده واقف معاها عشان هو اللي نادي عليها واداها قلمها اللي وقع منها وانت متعرفش ده،، انت بس شوفتهم واقفين مع بعض فحكمت عليها ومن وقتها بتعاملها و*حش اما بالنسبة لامبارح فانا مش هقولك غير ان الشاب ده بنتي متعرفوش وده لانها متعرفش حد وانا متأكدة من ده زي ما انا متأكدة انه مزقوق عليها من مرات عمها وابنها وهسيب امك تحكيلك بقي عنهم سلام عليكم
زينب بسرعة/ يا صبرين استني بس ،، انتي لحقتي تقعدي
صبرين بابتسامة/ مرة تاني يا حبيبتي ،، هشوف رؤي عشان تعبانة شوية
زينب بلهفة/ الف سلامة عليها ،،هبقي اجي بليل اشوفها
صبرين بابتسامة / تنوري يا زينب يا حبيبتي ،،سلام عليكم
قفلت زينب الباب ورجعت بغضب ليحي اللي كان قاعد سرحان في كلام صبرين
زينب بغضب / ينفع اللي عملته ده يا يحي ؟ ليه كدة ،، البنت مفيش في اخلاقها ،،تكفي انها متعرفش اي حد هنا وفي حالها ومحدش بيسمع ليها صوت
يحي بغموض / ماما ،،فهميني ايه قصة مرات عمها وابن عمها دي لو سمحتي
زينب بتنهيدة / هحكيلك يا يحي ،، طالما صبرين اللي طلبت مني اقولك فانا هقولك يا ابني يمكن تفهم بقي انك ظلمت رؤي
....................................
بليل كانت قاعدة رؤي بتتفرج مع امها عالتلفزيون لكنها سرحانة وعنيها منفوخة من العياط وشوية وسمعو جرس الباب
صبرين بابتسامة / دي اكيد زينب ،،كانت بتقولي هتيجي تشوفك لما عرفت انك تعبانة شوية
رؤي بهدوء/ ماشي يا ماما هروح افتح
صبرين برفض/ لا خليكي مرتاحة يا حبيبتي ،،انا هفتح واعمل الشاي بالمرة
راحت صبرين تفتح وكانت زينب فعلا بس مش لوحدها كان معاها يحي اللي كان محرج اوي بس صبرين كانت فرحانة انه فهم وصدقها فعلا
صبرين بود/ اهلا وسهلا ،،تعالي يا يحي ،، دي اول مرة تزورني يلا تعالي ادخل
دخلت زينب و يحي واتفاجأت رؤي بيهم قدامها فقامت بسرعة من مكانها
زينب بلهفة/ رؤي طمنيني عليكي يا حبيبتي ،،عاملة ايه دلوقتي ؟
رؤي بابتسامة باهتة/ الحمد لله يا طنط ،،اتفضلي
خلصت كلامها وقررت تنسحب عشان يحي وعشان تبعد عن طريقه زي ما قالها فكملت كلامها بتهرب/ بعد اذنكم
يحي بتلقائية/ احم هي بنتك مش عاوزة تسلم عليا ولا ايه يا طنط صبرين ؟ ،، انا مش عارف اني للدرجادي هوا يعني ؟
بصتله رؤي باستغراب وصدمة من كلامه فابتسم ليها بطريقة خلتها تتوتر فقالت بابتسامة/ احم ازيك يا استاذ يحي
يحي بابتسامة / انا تمام وانتي عاملة ايه ؟ انا سمعت انك تعبانة شوية خير مالك ؟
رؤي باستغراب / انا كويسة ،، هو شوية تعب بسيط مش اكتر ،،انا هروح اعمل شاي اتفضلو اقعدو
زينب بسرعة وخبث / لا خليكي انتي تعبانة انا وصبرين هنعملو ،، يلا يا صبرين عشان كمان عاوزاكي في حاجة مهمة
صبرين بابتسامة / طب يلا بينا يا زينب اقعد يايحي يا حبيبي واقف ليه
مشيت زينب وصبرين ووقفت رؤي متوترة اوي وقعدت بهدوء
يحي بابتسامة / طبعا انتي مستغربة مش كدة ؟
رؤي بحزن / ممكن اعرف ليه معاملتك اتغيرت معايا ؟
يحي بندم / عشان كنت غ*بي وفهمت غلط ،،انا اسف يا رؤي ،،انا عرفت كل حاجة واني كنت فاهم غلط
رؤي بغضب / اه يبقي ماما مش كدة ؟ عشان كدة حضرتك تعبت نفسك وجيت لحد هنا ،، طب اسمع بقي يا استاذ يحي ،، انا مش محتاجة اظهر براءتي لاني ببساطة ميفرقش معايا انت شايفني ازاي ودلوقتي بعد ما عرفت كل حاجة انا بقي بقولك اني مش عاوزة اعرفك تاني لاني ميشرفنيش اعرف واحد زيك
قالت رؤي كلامها وسابت يحي ومشيت ووقف هو متابعها بضيق وغضب من نفسه لانه عارف انها عندها حق ولانه وج*عها بكلامه كتير
......................................
بعد يومين كانت ماشية رؤي هي وضحي راجعين من المدرسة ووقفت رؤي بصدمة وهي متنحة وباصة بعيد
ضحي باستغراب/ في ايه يا رؤي وقفتي ليه ؟ ومالك كدة خايفة
رؤي بتهتهة/ الحقي يا ضحي ،،ده وليد ابن عمي واقف هناك اهو
ضحي بخضة/يا خبر ،،طب يلا مدي بسرعة
رؤي بخوف / لا هيعرف بيتي اكيد ،، الحقي ده جاي علينا اعمل ايه ؟
ضحي بقلق / استني هكلم محمد اخويا بسرعة بس تعالي ندخل اي مكان ،، بصي تعالي ندخل الكافتريا دي يلا بسرعة
فعلا دخلت رؤي وضحي الكافتريا بسرعة وكان وراهم وليد اللي باين علي ملامحه الغضب وفي نفس الوقت كلمت ضحي اخوها اللي بالصدفة كان واقف مع يحي وراحو بسرعة ليهم بس وليد كان اسرع طبعا وقرب منهم بغضب
وليد بعصبية وهو بيمسك ايد رؤي / فاكرة انكم هتهربو مني ؟ انا كنت بدور عليكم من اول يوم هربتو فيه
رؤي بو*جع وغضب / سيب ايدي يا حيوا*ن ،، انت ملكش حكم عليا وبعدين انا وماما حرين نختار نعيش في المكان اللي يعجبنا
وليد بغضب / الكلام ده ولا يفرق معايا ،، امك خدتك وهربت وعمي لما يعرف وقتها هترجعو البيت ورجليكم فوق راسكم كمان ،، يلا اتفضلي قدامي وقوليلي فين البيت يلااا
ضحي بغضب / انت عبيط ولا ايه ،، هي سايبة ،،انا هصرخ والم عليك الناس لو مسبتهاش انت فاهم
وليد ياستفزاز/ ملكيش فيه انتي يا حلوة ،، ورؤي هتبقي مراتي يعني محدش هيبقالو حكم عليها غيري
يحي بغضب من وراه / مش هيحصل عشان رؤي تبقي مراتي
وليد اتصدم وملحقش يلف وشه لما لقي يحي بيديله بالبو*كس في وشه ووقتها شهقت رؤي بصدمة وهي بتعيط من الخوف بانهيار وهي شايفه يحي بيضر*ب في وليد
يحي بغضب اعمي/ عارف لو فكرت تقرب منها ،، هق*تلك انت فاهم ،، رؤي مراتي ومحدش هيفكر ياخدها مني
رؤي اتصدمت اكتر وهي بتعيط ومكنتش فاهمة حاجة لحد ما انتبهت لصوت محمد اخو ضحي
محمد بقلق/ اهدي يا انسة رؤي ،،خلاص مفيش حاجة
رؤي بعياط / لو سمحت خلي يحي يبعد عنه انا خايفة اوي
محمد بسرعة وهو بيحاول يهديها / خلاص والله هو بس علمه الادب فمتقلقيش كل حاجة هتبقي تمام
في نفس الوقت كان وليد جري ويحي اخد باله من كلام محمد مع رؤي فاتعصب وقرب من رؤي وسحبها من ايديها واخدها ومشي وكانت متابعاه ضحي وهي مبتسمة ومحمد باستغراب
...................................
صبرين بخضة/ يا لهوي ،،يبقي اكيد مشي وراكم وعرف طريق بيتنا ومش بعيد دلوقتي نلاقيهم كلهم هنا وياخدونا بالعافية
زينب بقلق/ اهدي يا صبرين،، متقلقيش ،، كدة كدة يحي اهو معاكم ومش هيسمح ان حاجة زي كدة تحصل ابدا
يحي كانت عنيه علي رؤي اللي بتعيط وكان بيبصلها بغموض وبيفرك في ايديه بغضب مكتوم وبعدين قام بهدوء وقرب منها وقعد جمبها
يحي بهدوء/ ممكن اعرف بتعيطي ليه دلوقتي ؟
رؤي كانت بتعيط وهي بتفتكر كلام امها معاها وقت ما حكتلها علي الشاب اللي كان وراها وقالتها وقتها عن اللي سمعته من ابن عمها ومرات عمها واتفاقهم عليها فكانت مرعوبة اوي وردت بحزن /
عشان انا مش عاوزة ارجع تاني لبيت بابا وعمي ،،انا مش حاسة بالامان هناك ،، كفايا اها*نة امي وسطيهم
يحي بثقة / وانا مش هرجعك تاني ليهم متخافيش
رؤي بلهفة/ بجد ؟
يحي بابتسامة / ايوة يا رؤي المهم انتي متعيطيش لو سمحتي وياريت توافقي
رؤي وهي بتمسح دموعها / اوافق علي ايه ؟ مش فاهمة
يحي بثقة/ انك تتجوزيني يا رؤي ،، يا طنط صبرين انا بطلب منك ايد رؤي
رؤي قلبها دق وبصت ليحي بصدمة وافتكرت كلامه لوليد بس وقتها كانت متخيلة انه بيقول كدة عشان يمنعه انه ياخدها
صبرين بفرحة/ ده يوم المني يا يحي يابني ،، المهم عندي رؤي توافق
يحي باقناع/رؤي لازم توافق لان هو ده السبب الوحيد اللي هيبعد عمها ومراته وابنهم عنكم ويخليهم يشيلوكم من دماغهم
رؤي باندفاع/ بس انا مش موافقة يا يحي ،، انا متشكرة اوي لوقفتك جمبنا بس انا مش هوافق اتجوزك واخليك تربط حياتك بيا غصب عنك
يحي بغيظ/ رؤي متبقيش انانية فكري في امك ،، لو عمك جه دلوقتي محدش هيقدر يمنعه انه ياخدكم وامك هترجع تاني للي كانت عايشة فيه
صبرين بلهفة/ وافقي يارؤي وانا من بكرة هكتب كتابك وهروح ارفع قضية طلاق علي ابوكي ،،انا خلاص مبقاش يهمني حاجة غيرك في الدنيا
رؤي بصت ليحي شوية ولقت نفسها بتقول بهمس / موافقة
...............................
بعد يومين
بارك الله لكما وبارك عليكما وجمع بينكما في خير
زينب بفرحة / الف مبروك يا حبايبي ،، ده انهاردة اسعد يوم في حياتي والله
رؤي بتوتر / الله يبارك فيكي يا ماما زينب
قالت رؤي كلامها وهي باصة ليحي وبتنقل عنيها بينه وبين ضحي اللي واقفة جمبيها وكانت مخنوقة اوي بس وقتها قام يحي وقرب من رؤي ووقف قدامها فقامت هي وقفت بتردد ووقتها ابتسم يحي وقرب منها وهمس جمب ودنها / مبارك عليا يا رؤي
رؤي قلبها دق واتوترت اوي وردت بهمس/ الله يبارك فيك
ثواني ودخل وليد من باب البيت ومعاه امه وكان باين عليهم الغضب عشان جم متأخر واول ما شافتهم رؤي بحركة تلقائية منها دخلت في حض*ن يحي اللي اتفاجأ برد فعلها وقلبه كان بيدق بعن*ف وكملت رؤي عليه لما قالتله بصوت رقيق / يحي انا خايفة اوي متسيبنيش
يحي اتوتر ولقي نفسه بيضم رؤي لحض*نه اكتر وهو بيطمنها بهمس/ متخافيش طول ما انا جمبك
صبرين بغضب / انتو ايه اللي جابكم هنا ؟ ده انتو بج*حين صحيح
وليد بغضب / احنا لو وحشين كنا جبنالك عمي وابويا معايا لكن احنا قولنا نحلها ودي
صبرين بغضب / مبقاش في حل ومتفتكرش انك هتخوفني بابوك وعمك لاني خلاص اطمنت عاللي كنت خايفة عليها ،، رؤي اتجوزت اللي هيعرف يحميها منكم يا عنايات ،، اصلي انا سمعتك وانتي بتحرضي ابنك علي بنتي والحمد لله ربنا قدرني وقدرت احميها منكم
عنايات بغضب / ماشي يا صبرين ،، عموما انتي فهمتي غلط انا كنت جاية عشان اتأكد انكم هتفضلو بعيد وكدة اطمنت ،، يلا يا وليد
وليد بصدمة وغضب / طب ورؤي يا ماما ،،انا مش هسيبها
هنا يحي اتجنن اول ما سمع كلام وليد فكان هيقرب منه بغضب بس وقفته رؤي بلهفة وهي بتمسك ايديه فبصلها وعنيه بتطلع شر*ار فابتسمت بخفة
رؤي بهمس / بلاش يا يحي ،، عشان خاطري بلاش
هِدي يحي بكلام رؤي و وطريقتها اللي اسرته وكان هاين عليه يضمها لحض*نه وقتها وكان سرحان في عنيها لدرجة انه مخدش باله ان وليد مشي مع امه اللي سحبته في ايديها وخرجت ووراهم كل الموجودين ما عدا امهم
زينب بخبث / ايه يا عرسان نحن هناااا ،، انتو مش شايفين ان الدنيا فضيت ولا ايه ؟
اتكسفت رؤي وبصت في الارض بخجل ووقتها ابتسم يحي بتلقائية وهو مركز عنيه عليها
صبرين بمكر / طب يلا بينا احنا يا زينب ،، انا كنت عاوزاكي في شقتي شوية عشان نشوف هنعمل ايه
زينب بفرحة / يلا يا صبرين طبعا ربنا يسعدهم يارب
خرجت زينب وصبرين ووقتها قرب يحي من رؤي لحد ما بقي قريب منها اوي فرفعت هي عنيها واتقابلت مع عنيه
رؤي بحزن/ انا اسفة يا يحي ،، انا عارفة انك مغصوب انك تتجوزني بس حقيقي جميلك مش هنسهولك ابدا
يحي باستغراب / انتي بتقولي ايه ؟ يعني ايه مغصوب اتجوزك ؟ مفيش راجل بيتغصب علي حاجة يا رؤي وانا مكنتش مجبور عليكي ابدا
رؤي باندفاع / يعني انت مش بتحب ضحي ؟
يحي رفع حاجبه بمكر وبعدين ابتسم بتلقائية وهو باصص لرؤي
يحي بخبث / امممم ومين قالك بقي اني بحب ضحي ،،ضحي اخت صاحبي وفي غلاوة اختي مش اكتر
رؤي بفرحة مقدرتش تخبيها / بجد يا يحي ؟ اصلي كنت بشوفك بتبصلها باعجاب
يحي وهو بيقرب اكتر / انتي لو بتفهمي صح كنت عرفتي انا معجب بمين بالظبط ،، كنتي شوفتي نظراتي وفهمتي اني محبتش ومتعلقتش غير بيكي ،،كنتي عرفتي اني من كتر تعلقي بيكي واني مش قادر اتخطاكي فكنت بداري مشاعري بمعاملتي ليكي ،، انا من اول ما عيني وقعت عليكي يا رؤي وانا قلبي اختارك ودلوقتي انتي بقيتي ملكي ومحدش مهما كان هو مين هيقدر ياخدك مني
ابتسمت رؤي بتلقائية وهي باصة في عيون يحي وفجأة رمت نفسها في حض*نه وهي بتقوله براحة وصدق باينين في صوتها / وانا بحبك يا يحي وكنت كل ما اشوفك بتعاملني و*حش كنت بتخنق اوي وكأن قلبي رافض معاملتك ليا وعاوزك تحتويه
تمت بحمد الله