رواية طفلتي الناضجة الفصل الاول1 بقلم اسراء ابراهيم

يا خيبتك يا رهف بقي موافقة تتجوزي خالد ده ،،'انتي متعرفيش هو قال ايه عليكي 

كانت بتتكلم ملك بسخرية وهي ببص لرهف باستغراب ووقتها رهف مكنش شاغلها اي حاجة غير انها هتتجوز خالد اول راجل قلبها دق ليه ومش شاغلها حتي السبب اللي هيتجوزها عشانه :

اسمعي يا ملك ،، انا مش هامنني اي حاجة غير ان خالد هيكون من نصيبي ،،اي حاجة بقي بعد كدة تتحل 

ملك بصدمة وهي بتقرب من رهف/ انتي مجنونة يا بنتي ولا عاوزة تجننيني معاكي ،، رهف فوقي خالد مغصوب علي جوازه منك ،، خالد قاعد تحت مع عمك وبيتكلم معاه وبيقوله انه مينفعكيش وانك عيلة صغيرة بالنسباله ومش اكتر من بنته 

رهف بتوتر وهي بتهرب من الكلام اللي سمعته/ مش مهم ،،بكرة لما بتجوزني واقرب منه انا عارفة هخليه يحبني ازاي 

ملك بجنون وهي بتخب*ط بايديها علي وشها/ يا لهوي ده انتي خلاص عقلك ضر*ب يا رهف ،، بس خديها مني نصيحة اللي زي خالد ده تقوليله يا ابيه تاخدي رأيه في حاجة لكن تحبيه ؟،،لا ده انتي مجنونة 

رهف بهيام وهي سرحانة في خالد / مش مهم ابقي مجنونة بس المهم اني اكون معاه ،، انتي متعرفيش خالد انا بحبه قد ايه ،، ملك لو بتحبيني بجد ساعديني اكون معاه 

ملك بتنهيدة بعد ما صعبت عليها رهف / حاضر يا رهف اما اشوف اخرتها ما انتي بنت عمي وانا بحبك ولازم اساعدك ،، هنزل احاول اسمع كدة رسيو علي ايه واطلع اقولك 

رهف بفرحة وهي بتحضن ملك/ ربنا يخليكي ليا يا ملك ،، ماشي روحي وانا هستناكي هنا متتأخريش 

..........................

خالد بضيق وهو بيبص لخاله / يا عمي انا فهمت حضرتك الف مرة ان رهف متنفعنيش ولا انا انفعها انت ليه حضرتك مصمم 

كامل باصرار وهو بيبص لخالد بهدوء / عشان هو ده الصح وانا اكبر منك وفاهم عنك ،،اسمعني يا خالد ،، رهف دي مش بنت اخويا ،،دي بنتي  وانا اللي مربيها بعد اخويا الله يرحمه و عاوز اطمن عليها وانت ياابني ارمل بقالك خمس سنين ومش هتفضل طول عمرك كدة ،، ريحني يا خالد الله يريح قلبك 

خالد نفخ بضيق وبص لخاله بقلة حيلة / اللي حضرتك تؤمر بيه يا خالي 

كامل بفرحة وهو بيحضن خالد / ياااه متعرفش فرحتني قد ايه يابني ربنا يسعدكم 

كانت واقفة ملك بتتصنت عليهم وبعدين ابتسمت بتلقائية وطلعت تجري علي شقة رهف بنت عمها فوق 

............................

رهف بفرحة وهي بتمسك ايد ملك / بجد يا ملك ؟ انتي متأكدة من اللي بتقوليه ده ،، خالد وافق علي جوازه مني ؟

ملك بابتسامة وهي بتبص لرهف بحب/ ايوة يا حبيبتي بس يا رهف انا مش قصدي  اضايقك بس لازم تعرفي ان من طريقة كلام خالد انه مش موافق علي الجوازة دي وهيتممها بالغصب والضغط من بابا 

رهف بتنهيدة كلها فرحة وهي بتسرح بعيد/ مش مهم يا ملك ،،انا ان شاء الله متأكدة اني هقدر اسعده واخليه يحبني 

ملك بحيرة وهي بتتنهد بتلقائية/ طيب يا رهف يلا هسيبك بقي وانزل لماما احسن زمانها مستحلفالي عشان قعدت كل ده عندك ،، سلام 

رهف وهي بتكح وحاسة نفسها بيضيق / ملك لو سمحتي بس هاتيلي البخاخ من جوة احسن حاسة نفسي ضيق 

ملك بغيظ وهي بتروح بسرعة لاوضة رهف / انتي ليه مهملة في نفسك كدة ،، التزمي بمواعيد علاجك والبخاخة دايما تبقي قريبة منك 

رهف بتعب وهي حاطة ايديها علي وشها / حاضر يا حبيبتي متقلقيش عليا

..........................

قبل الفرح باسبوع كانت نازلة رهف مع خالد يجيبو فستان الفرح تحت ضغط من عمها كامل علي خالد عشان يوافق وفعلا خرجو سوا في عربية خالد و رهف كانت بتحاول تتكلم مع خالد كتير وتخليه ياخد عليها بس خالد كان متجاهلها تماما وبيتكلم بالقطارة وده خلي رهف تضايق بس مكنتش بتيأس 

رهف بفرحة وهي بتشاور علي فستان متعلق في بترينة/ الله ،،شوف ده يا خالد حلو ازاي ،،ها ايه رأيك ؟ 

خالد باختصار وهو بيبص في تليفونه / تمام لو عاوزاه ندخل نجيبه 

رهف بانفعال وهي بتبص لخالد بضيق / يوووه ،،هو انا كل ما اشاور ليك علي حاجة تقولي كدة يا خالد ؟

خالد بعصبية وهو بيبص لرهف بغضب / وطي صوتك وانتي بتتكلمي معايا وبعدين انا قولتلك من الاول اني مبفهمش في حكاية اللبس دي  واعملي حسابك لو صوتك علي تاني وقتها مش هضمنلك رد فعلي 

رهف بحزن وهي بتبص حواليها باحراج / تمام يا خالد انا اسفة ليك ،،عموما يلا نمشي 

خالد بضيق وهو بيتنهد بغضب /تمام اتفضلي يلا قدامي 

مشيت رهف فعلا وركبت عربية خالد وركب هو كمان وهما الاتنين كان باين عليهم الضيق وخصوصا خالد اللي مكنش موافق علي الموضوع من الاول وكان بيفكر كتير وهو سايق لحد ما وقف علي جمب 

خالد بهدوء عكس ما كان من شوية / رهف ممكن نتكلم شوية بصراحة ؟

رهف بابتسامة وهي بتمسح دموعها بفرحة/ طبعا يا خالد ،،انا بحاول من وقت ما نزلنا سوا اني اتكلم معاك بس انت اللي مكنتش مديني فرصة 

خالد بتنهيدة وهو بيحاول يتمالك اعصابه / انا كنت عاوز اتكلم معاكي واوضح امور مهمة وهيبقي ليها لازمة في حياتنا بعد كدة فاتمني انك تقدري تستوعبي كلامي وتفهميه كويس 

رهف بحزن وهي بتبص لخالد بعتاب / انا فاهمة كويس اللي انت بتقوله بس ياريت قبل ما تتكلم تفهم كويس اني مش طفلة فبلاش تتعامل معايا علي ان تفكيري محدود ،،احنا اه فرق بينا اتناشر سنة بس انا ناضجة وفاهمة كويس اوي كلامك 

خالد اتوتر لانه فعلا بيتعامل مع رهف علي انها طفلة فاتنحنح باحراج وكمل كلامه بجدية /  انا يا رهف عمري ما كنت متخيل اني ممكن اتجوز تاني بعد هيام مراتي الله يرحمها ،،وخصوصا لما تكون بنت زيك بالنسبالي طفلة ،، انا بصراحة وافقت لان خالي كامل غالي عندي جدا لدرجة اني مقدرش ارفضله طلب وعشان كدة انا للاسف مش هقدر اتعامل معاكي بصورة طبيعية لانك هتفضلي دايما البنت الصغيرة اللي اتجبرت اتجوزها 

كانت بتسمعه رهف وهي من جواها بتتق*طع بس مش مبينة غير الثبات وهي باصة في عيون خالد ومكنش قدامها غير انها ترد كرامتها اللي داسها هو من غير حتي ما يفكر او يحس بالذنب 

رهف بثقة وهي بتبص لخالد بثبات/ تمام يا استاذ خالد بما ان حضرتك اتكلمت في الموضوع ده فاحب اقولك ان الشعور متبادل ،، يعني انا كمان مكنتش اتخيل اني ممكن اتجوز راجل اكبر مني بسنين كتير ،،كان حلم حياتي اني اخد شاب من سني عالاقل يفهمني كويس ووافقت عليك برضه عشان خاطر عمي كامل اللي بالنسبالي مكان بابا وفي غلاوته بالظبط بس الفرق بقي اللي بيني وبينك يا استاذ خالد اني اتعايشت مع الموضوع لكن انت لا بس ان احب اطمنك ان العلاقة بينا هتفضل زي ما هي وحضرتك هتفضل بالنسبالي ابيه خالد وبس ،،ممكن بقي تروحني ؟

خالد كان بيبص لرهف بصدمة لانه مكنش متوقع انها تقول كل الكلام ده وبالترتيب ده كأنها فعلاً ناضجة فاكتفي بانه يتنهد باحراج ويسوق بهدوء ورهف جنبه باصة الناحية التانية بيأس واحباط سنين 

..........................

عدي فترة وانهاردة كان فرح خالد ورهف اللي عدي بهدوء وبساطة ورغم ان رهف كانت زي القمر وخط*فت انظار الناس كلها بس خالد كان عادي جدا وحتي معلقش بكلمة وده ضايق رهف اوي وكانت زعلانة اوي لتجاهله ليها بالطريقة دي فقررت هي كمان تتجاهله ،، دخلت من باب الشقة بهدوء وهي ماسكة فستان فرحها ووقفت تتفرج عالشقة بعيون بتلمع بالدموع واتمنت لو تقدر ترجع بالزمن وهي مكنتش هتوافق علي الوضع اللي هي فيه دلوقتي بسبب الاحساس اللي هي حساه 

خالد بجدية ولا مبالاه من وراها / هتفضلي واقفة كدة ؟ 

رهف بنفس الجدية وهي بتمشي من قدامه / تصبح علي خير 

خالد بسرعة واستغراب قبل ما رهف تدخل الاوضة/ انتي رايحة فين ؟،، مش هتاكلي الاول انتي مكلتيش من الصبح  وبعدين مش هنتكلم ؟

رهف بثقة وهي بتلف وتبص لخالد/ اظن اننا لوحدنا فبلاش نتعامل بالكدب ،،ثانيا انا مش جعانة ولو جعانة عارفة طريق المطبخ هعمل لنفسي الاكل ،،ثالثا بقي احنا مفيش بينا كلام يا ابيه خالد اظن احنا وضحنا كل حاجة قبل كدة فاعتبر نفسك جار مش اكتر ،، تصبح علي خير بقي

دخلت رهف اوضة النوم وقفلت علي نفسها ووقفت تعيط ووقتها قناع القوة سقط وبانت علي حقيقتها الضعيفة ،،فضلت كدة شوية لحد ما انتبهت علي صوت خالد من ورا الباب 

خالد بتردد من ورا الباب / رهف ممكن تناوليني هدومي من عندك ؟

رهف مسحت دموعها وراحت لمت كل هدوم خالد وفتحت الباب واديتهومله ووقتها شاف دموعها اللي بتحاول تخبيها ووشها المحمر من العياط فحس بالذنب انه هو السبب في كل ده وانه اكيد جر*حها من غير ما يقصد وكان هيتكلم بس رهف مديتلوش فرصة وقفلت الباب تاني ووقف هو يبص لاثرها بحيرة 

............................

تاني يوم كانت واقفة رهف في المطبخ بتعمل الفطار وكان باين علي وشها التعب واول ما خلصت خرجت بالاطباق ورصتها عالسفرة وفي نفس الوقت كان خارج خالد من اوضته 

رهف بهدوء وهي بتبص لخالد / انا حضرت الفطار لو احتجت حاجة انده عليا  

خالد بقلق وهو متابع رهف بعنيه/  رهف انتي كويسة ؟

رهف ردت وهي بتعدي من جمب خالد بس ملحقتش تتكلم لما