رواية ظننته قاسي الفصل الاول1 بقلم اسراء ابراهيم
انا لازم افهم بقي ،، انتي ازاي موافقة اني اتجوز قاسم يا ماما
اسماء بهدوء/ وفيها ايه يا بنتي بس،، مش هو اخو جوزك؟ واولي يربي عيال اخوه؟
حور بشك/ يا سلام اخو جوزي دلوقتي؟ وكان من امتي ده من تلات سنين،، اشمعني دلوقتي يا ماما افتكر انه يربي عيال اخوه
اسماء باندفاع/عشان كل يوم والتاني يجيلك عرسان وهما خايفين ليجي يوم وتتجوزي وحقهم برضه لو احنا هنفكر زيهم وبصراحة هو فعلا اولي يربي عيال اخوه
حور بصدمة/انتي بتقولي ايه يا ماما ،، يعني ايه خايفين احسن اتجوز؟ طب خلاص روحي طمنيهم ان ده مش هيحصل واني لو عاوزة اتجوز كنت اتجوزت من بدري بس انا عايشة لعيالي
اسماء بجدية/ يا بنتي ادي نفسك فرصة وفكري يا حور كويس وبعدين يعني قاسم مش وحش،، ده انسان كويس اوي وانا شخصيا شوفته واتكلمت معاه وحاسة انه محترم وهيصونك ويحميكي
حور بانفعال/ يعني انتي شوفتيه واتكلمتي معاه؟ وطبعا اتفقتي،، عشان كدة جاية تقنعيني اوافق؟ ثم استني انتي قولتي رأيك في الشخص ده بناء علي مرة واحدة اتكلمتي معاه فيها ؟ ازاي وهو اصلا منعرفش حاجة عنه ،، ده واحد عاش حياته كلها برة يعني،، اخوه نفسه الله يرحمه مكنش بيتكلم عنه ابدا مكنش بيقولي غير انه عنده اخ وسافر وهو صغير ،، ازاي فجأة رجع كدة وكمان بقي همه اخوه وانه يساعده ويحاجي علي عياله؟
ااسماء بتوتر / اانا قابلته لما كلمني وطلب انه يقعد معايا عشان يعرفنا بنفسه عشان اتكلم معاكي وبعدين كل دي اسئلة طب ما توافقي تقعدي معاه واسأليه كل اللي انتي عاوزاه يا ستي
حور برفض/ لا اسفة،، مش هيحصل انا مش هقابل الانسان ده،، انا اصلا معرفوش عشان اقابله وعموما انا بقولك اهو يا ماما اني رافضة وبراحتك بقي
اسماء بجدية / لا براحتك انتي بس احب اعرفك بقي انه قاسم ده شكله واصل اوي وانه فهمني بالمحسوس انه يهمه عيال اخوه وانك لو موافقتيش هو هيضطر ياخدهم بالقانون
حور بصدمة / يعني ايه؟ هيحرمني من ولادي؟ طبعا لازم يعمل كدة،، مش ابن نعمة ،، انا مش عارفة هي عاوزة مني ايه،، من وقت ما شريف مات وانا بعدت عنها خالص وريحتها مني،، عاوزة مني ايه تااااني
اسماء بلهفة / يا بنتي حماتك منها لله كانت مفترية بس متظلميش قاسم مش يمكن ميطلعش سلبي زي اخوه؟ جربي يا حور وشوفي الاول واقعدي معاه
حور بعصبية خفيفة/ اجرب؟ انتي فكرك لو رجعت بيت نعمة تاني هعرف اخرج منه؟ لا يا ماما،، مستحيل ارجع تاني للعيشة دي،، انتي زمان ضغطي عليا اتجوز شريف رغم اني مكنتش بحبه وقولتلك اني مش موافقة بس انتي صممتي وخلتيني اتجوزه وحاولت اعيش معاه واتأقلم بس شخصيته الضعيفة ناحية امه خلتني اكر*هه اكتر وانا لا يمكن هكرر تجربتي تاني ولو سمحتي متفتحيش معايا الموضوع ده تاني،، بعد اذنك بقي عشان انام لاني عندي شغل الصبح
دخلت حور اوضتها ووقفت اسماء وهي باين عليها الحزن والخوف وكلام نعمة بيتردد في ودنها لما جاتلها وحور في شغلها
...........................
تاني يوم كانت قاعد نعمة بتفرك في ايديها بتوتر وهي رايحة جاية وباين عليها الضيق واول ما سمعت صوت مفتاح قاسم قربت منه بلهفة
نعمة بسرعة/ ايه يا قاسم ،، بكلمك طول النهار مش بترد،، في ايه
قاسم بجدية/ حقك عليا يا امي بس حقيقي كنت مضغوط في المكتب،، انتي عارفة لازم اخليه يقف علي رجله بعد ما صفيت كل شغلي برة
نعمة بفضول / طب عملت ايه مع ام حور،، كلمتها تاني؟
قاسم بضيق / هي اللي كلمتني،، بتقولي ان حور رافضة رفض نهائي،، انا مش عارف هي شايفة نفسها علي ايه؟
نعمة بغضب ونبرة خبث/ انا كنت عارفة،، بنت الرفضي ما صدقت انها بقت حرة،، عشان تدور علي حل شعرها،، بس انا مش فارقلي حاجة غير العيال،، ده انا كل يوم قلبي بيتق*طع عليهم يا قاسم،، لو تسمع الجيران بتوعهم هناك وهما بيحكولي عن اللي بتعمله في العيال والضر*ب والبهدلة قلبك هيتقط*ع عليهم يا حبة عيني مشفوش يوم راحة من بعد اخوك الله يرحمه
قاسم بغضب مكتوم / متقلقيش يا امي ،، انا مش هسكت الا لما اجيبهم ليكي في حضنك وتبقي مطمنة عليهم وانتي عارفاني كويس،، اما اللي اسمها حور دي بقي يا ويلها مني
نعمة بابتسامة / ايوة كدة،، ربنا يخليك ليا يا حبيبي،، هو انا ليا غيرك من بعد شريف الله يرحمه
قاسم بجدية/ انا هطلع اغير هدومي وانزل لاني عندي مشوار مهم يا امي لو سمحتي ممكن تعمليلي فنجان قهوة
نعمة بابتسامة / من عيوني يا حبيبي،، انت خش ارتاح كمان شوية وانا هعمل القهوة واجيبهالك
قاسم بابتسامة / حاضر يا حبيبتي بعد اذنك
دخل قاسم اوضته ووقفت نعمة تبص لاثره بخبث وهي بتقول لنفسها/ ايوة كدة،، بكرة اشمت فيكي يا حور انتي وامك واجيب مناخيرك دي الارض واعرفك ان اللي يقف في وش نعمة ابهدله
.........................
كانا واقفة حور في محل الملابس اللي بتشتغل فيه وكانت مشغولة اوي مع الكام زبونة اللي معاها ولانها اسلوبها كويس اوي ومميز فالناس حبينها اوي وبيشترو منها
حور بابتسامة / ها عجبتك البلوزة،، بجد تجنن عليكي
البنت بابتسامة / ايوة فعلا انا مرتاحة اوي فيها وخلاص هاخدها يا حور،، هي دي اول مرة اشتري منك
حور بابتسامة / مبروك عليكي يا حبيبتي،، ثواني هحطهالك في شنطة
كان متابع قاسم حور من بعيد وهو حاطط ايده في جيوبه ببرود وبيبصلها بغموض واستني لما حور خلصت خالص والبنت اللي بتشتري منها مشيت وقرب عليها
حور بابتسامة / اتفضل حضرتك اؤمرني عاوز ايه؟
قاسم بسخرية/ غريبة رغم ان شكلك هادي وكأنك ملاك بس فعلا المظاهر خداعة
حور بتكشيرة/ لو مش هتقول عاوز ايه اتفضل من هنا والا هخلي شكلك وحش
قاسم ببرود/ عاوزك عندك مانع؟
حور بغضب / انت حيوا*ن ولو ممشيتش من هنا انا هفرج عليك الشارع انت فاهم
قاسم بثقة/ اعملي كدة وانا هقولهم انك مراتي وانا جاي اخدها وصدقيني محدش هيقدر يمنعني
حور بصدمة / نعععم،، مراتك؟ ده ايه البلاوي دي ،، اتكل علي الله شوف طريقك عشان انا صبري بدأ ينفد
قاسم بجدية/ طب يلا تعالي معايا نقعد نتكلم جد شوية،، والا بقي هتهمك بالسرقة واخليهم هما اللي يطردوكي
حور بانفعال/ انت فاكرني بتهد*د،، لا انت متعرفنيش وانا مش هاجي معاك في حتة يا حيوا*ن انت
قاسم بتهد*يد / لمي لسانك والا صدقيني هخليكي تندمي وعيالك مش هتلمحيهم تاني ابدا
حور بصدمة / انت مين؟ وتعرف عيالي منين؟
قاسم بثقة / عمهم،،انا عمهم يا حور ويلا اتفضلي قدامي
حور بصدمة/ انت قاسم؟ االي كلمت امي ومعرفش قولتلها ايه عشان تخليها تقنعني اوافق عليك؟ دلوقت عرفت هي خافت ليه،، اكيد خافت عليا منك لما هد*دتها بس اسمع بقي انا مبتهد*دش وقول لامك ان في احلامها لو خليتها تاخد العيال ولا تحط ايدها عليهم واقرب حيطة اخ*بط راسك فيها انت وهي ومتنساش تبقي تاخد من ماما المصروف يا نونو
قاسم قبض علي ايديه بغضب مكتوم وقرب من حور وهمس بيها بتهد*يد/ صدقيني هخليكي تندمي والعيال احسنلك تبقي معاهم وانتي علي زمتي احسن ما اخدهم منك غصب عنك ووقتها لو اترميتي قدام بيتي تترجيني اخليكي تشوفيهم مش هخليكي تلمحيهم
مشي قاسم ووقفت حور دموعها بتنزل بحزن وخوف وهي من جواها متأكدة ان قاسم يعمل كدة فعلا وخصوصا نظرات الكر*ه اللي في عنيه
............................
تا ني يوم كانت قاعدة حور بين ولادها ليلي ومالك وكانت بتعيط وخايفة اوي
ليلي بحزن/ مالك يا ماما،، انتي تعبانة؟
حور بابتسامة / مفيش يا حبيبتي،، انا كويسة بس هو عندي صداع بسيط
اسماء بتنهيدة / ليلي،، خدي اخوكي وادخلي اوضتكم يا حبيبتي عشان ماما تعبانة
ليلي بقلق / طب هي هتبقي كويسة يا تيتة؟
اسماء بحنية / طبعا يا حبيبتي متقلقيش،، هتبقي كويسة اوي انتي بس خدي اخوكي وهي هترتاح شوية وهتبقي زي الفل
ليلي حضنت حور هي ومالك ودخلو اوضتهم وحور وقتها بصت لامها وهي بتعيط
حور بحزن/ انا عرفت كل حاجة يا ماما،، انا اتأكدت ان قاسم هو اللي هد*دك وضغط عليكي عشان تقنعيني
اسماء بتردد/ ليه بتقولي كدة يا حور بس،، يا حبيبتي انا خايفة عليكي اه بس برضه يهمني مصلحتك
حور بسخرية/مصلحتي اني اتجوز تحت التهد*يد؟ اني اتجوز قاسم عشان مياخدش مني عيالي لو رفضت؟
اسماء بقلق / حور،، هو حصل حاجة يا حبيبتي،، فهميني
حور بدموع/ قاسم بيه جالي المحل وهد*دني اني لو موافقتش اتجوزه واعيش مع عيالي ياما هيخ*طفهم ومش هيخليني اشوفهم،، شوفتي،، اللي كنتي بتقولي عليه طيب وكويس وانك قعدتي معاه وانه هيحميني انا وولادي؟
اسماء بصدمة/ يا نهار اسود؟ هو عمل كدة؟ منه لله،، ده انا كان عندي امل يا بنتي انه ميطلعش وحش ويحميكي انتي وولادك،، حقك عليا يا حور يا بنتي،، انا اللي غلطانة اني وافقت علي كلام العقربة دي
حور بشك/ عقربة مين؟ انتي بتتكلمي علي مين؟
اسماء بحزن/ علي حماتك،، انا خفت عليكي فمرضيتش اقولك انها كلمتني وهد*دتني بالعيال وانها هتخط*فهم لو مأثرتش عليكي وخليتك توافقي تتجوزي قاسم،، خفت عليكي يا بنتي عشان كدة كدبت وقولتلك اني قابلت قاسم وكنت بدعي ميطلعش زيها وزي اخوه
حور بتنهيدة/ خلاص يا ماما،، اللي حصل حصل،، واضح انها لعبة منهم هما الاتنين بدليل انه قالي نفس الكلام اللي امه قالتهولك ،، كلميهم يا امي وعرفيهم اني موافقة
اسماء بلهفة/ لا يا حور،، وانا هأمن عليكي ازاي مع الشخص ده لا يا بنتي،، بلاش
حور بجدية / انا بشتري راحة ولادي واني ابقي مطمنة عليهم انهم في حضني وتحت عيوني عشان خاطري كلميهم
اسماء بتفكير /حاضر يابنتي حاضر بس لما اتأكد انك هتبقي متصانة،، سيبيني بس اظبطها الاول
حور بقلق / قصدك ايه يا ماما ،، انتي ناوية علي ايه؟
اسماء بتفكير / ناوية علي كل خير،، بس انا مش هسيبك تتجوزي الشخص ده الا لما اتأكد انه مش هيتعرضلك هو او امه وهتشوفي
............................
بعد يومين كانت قاعدة نعمة في شقة حور هي وقاسم وكانت بتبص حواليها بقر*ف وغرور لحد ما دخلت اسماء عليهم ومعاها حور اللي كانت بتبص لقاسم بك*ره
نعمة بسخرية/ خير يا ام حور،، ادينا ياختي جينا زي ما طلبتي ولو اني كنت حالفة ما ادخلك بيت ابدا بس كله يهون عشان ولاد ابني
حور بسخرية/ لا فيكي الخير يا حماتي،، بس ولاد ابنك دول كنتي فين من حياتهم في الخمس سنين اللي فاتو؟ ولا حد كان جابرك متجيش تسألي عليهم
نعمة بتوتر وهي بتبص لقاسم / وهو كان بخوطري يا حور،، الله يجازي اللي كان السبب وبعد ولاد ابني عني
كشرت حور باستغراب وبصت لامها اللي كانت بتحاول تفهم الموضوع بس قاسم الوحيد اللي كان فاهم كلام امه لانها قالتله ان حور منعتها تشوف عيال اخوه من وقت ما اتوفي وده زود كر*هه لحور اكتر
اسماء بجدية / بقولك ايه يا ام شريف،، ياريت نخش في الموضوع علطول،، ولو عالغلاوة يا حبيبتي فهي واحدة يعني اللي في القلب في القلب
قاسم بجدية/ انا عاوز اشوف ليلي ومالك قبل اي شئ واطمن عليهم
حور باستغراب / نعم؟ يعني ايه تطمن عليهم؟ انت تقصد ايه؟
نعمة بسرعة ردت/ قصده انهم واحشينو وعاوز يشوفهم ولا ممنوع برضه يا حور
حور ببرود/ لما نتفق الاول يا حماتي ،، بعدين تشوفو العيال
قاسم اتأكد جواه كلام امه وان حور شخصية وحشة وانتهازية واكيد هي مخوفة العيال ومسيطرة عليهم انهم ميخرجوش غير بأمرها فقبض وقتها علي ايديه بغضب
قاسم بغضب مكتوم/طلباتك
اسماء بابتسامة / طلباتها بسيطة يابني انك تبقي راجلها مش راجل عليها
قاسم بتكشيرة/ يعني ايه مش فاهم،، يعني حضرتك قصدك ايه؟
اسماء بقصد وهي بتبص لنعمة/ يعني تحمي بنتي من اي حد يحاول يهينها او يأ*ذيها وكمان انا لا يمكن هوافق انها تعيش مع امك تاني في بيت واحد،، بالمختصر كدة تجيبلها شقة برة ولما تحب امك تشوف عيال اخوك تبقي تكلمك وتروح تشوفهم وانت موجود مش تعمل زي ما كانت بتعمل وكل يوم تسم بدن بنتي بالكلام اللي ملوش عاذة
قاسم استغرب كلام اسماء لانه متوقعش ان طلبات حور تكون كدة وانها اكيد كانت هتطلب فلوس وهي عارفة انه مجبر انه ينفذلها كلامه
نعمة بغيظ/ قصدك استأذن قبل ما ادخل شقة ابني يا اسماء؟ لا عجيبة دي،، من اولها بتتحكمي يا حور،، مش كفايا فارس واللي عملتيه في وجوده
حور بقهرة/ قصدك اللي انتي كنتي بتعمليه مش انا،، انتي كنتي مستغلية حبه وطاعته ليكي وكنتي بتحرضيه عليا،،انا ياما شوفت منك ومش هكرر غلطي تاني وخصوصا بعد ما اتأكدت ان ابنك التاني نسخة من اخوه
قاسم كان سامع حور ومصدوم،،كانت كل حاجة مش واضحة بالنسباله،، كلام حور ونبرة الحزن والقهر بتقول ان في حاجة غلط وانها عكس شخصيتها اللي امه رسمتها ليه
قاسم بجدية/ من غير كلام ملوش لازمة،، انا موافق والشقة موجودة،،انا اصلا شاريها من قريب عشان كنت عامل حساب اني اتجوز فيها
نعمة بصدمة بغضب/ انت هتعملهم اللي هما عاوزينه يا قاسم؟،، دي عاوزة تقط*عك مني وتخليك ترميني ومش بعيد كمان شوية تقولك متسألش علي امك كمان
قاسم بهدوء/ متقلقيش يا امي،،انا عمري ما هسيبك ودايما هكون معاكي بس طالما هي حابة انها تبقي منعزلة ده حقها مقدرش اقول لا
حور كشرت باستغراب وبصت لقاسم بحيرة وكأنها بتحاول تفهم اللي بين السطور وكانت مرعوبة احسن يكون ده اتفاق بينه وبين امه فبصت لاسماء امها بقلق بس اسماء طمننتها بابتسامة
اسماء بتفكير/ طيب نشوف الشقة امتي يا قاسم؟
قاسم بجدية/ بكرة لو حابين،، لو عجبتكم هحدد كتب الكتاب علطول وننقل فيها
حور قلبها كان مقبوض وهي بصالهم وكانت خايفة اوي بس دعت ربنا يقف معاها وينجيها منهم ومن مكرهم
........................
بارك الله لكما وبارك عليكما وجمع بينكما في خير
كانت حور قاعدة وحاضنة ولادها وبتبص لقاسم اللي كان بيسلم علي صحابه وهما بيباركوله وبعدين قامت هي بهدوء ودخلت اوضتها واخدت عيالها معاها وكانت حاضناهم بحنان وحب وهما قاعدين جمبها وفي نفس الوقت قاسم مشي الكل ودخل ليها بس قبل ما يفتح الباب سمع كلامها مع عيال اخوه
ليلي بابتسامة / كدة يا ماما انتي اتجوزتي عمو؟ يعني هو هيبقي مكان بابا؟
حور بابتسامة / بصي يا ليلي يا حبيبتي،، ده خلاص بقي بيتنا الجديد واه انا اتجوزت عمو قاسم بعد ما اتفقت معاه اننا نعيش كلنا زي اي اسرة وده عشانكم ،، يعني انا عملت كدة ووافقت عشانكم يا حبيبتي
مالك بخوف/ يعني عمو مالك مش وحش زي تيتة يا ماما؟
حور بعتاب/ كدة يا مالك؟ انا هزعل منك،، مش قولنا منقولش كدة علي تيتة عشان عيب؟ وبعدين عمو قاسم كويس متقلقش
مالك بقلق/ انا اسف بس بصراحة كدة،، انا خايف يطلع زي بابا ويصدق الكلام الوحش اللي كانت تيتة بتقولو ليه عنك وبعدين يضر*بك،، ده حتي لما كنت انا وليلي بنقوله الحقيقة مكنش بيصدقنا
حور بحب وحنان / حبيبي اوعي تخاف وانا جمبك،، وقولتلك انسي اللي فات يا مالك وانا معاك ومش هخلي اي حد يفكر يأ*ذيك وبعدين متخافش عمو قاسم غير بابا خالص صدقني
كانت بتقول كدة حور بكدب وخوف لانها عارفة ان قاسم فعلا كدة بس كانت بتطمن ولادها لانهم شافو كتير وي في نفس الوقت كان واقف قاسم ماسك اوكرة الباب وهو مصدوم،، مش متخيل ان امه كدبت عليه واتعمدت ترسم ليه صورة وحشة عن حور عشان يكر*ها وانها فعلا كانت بتأ*ذيها هي واخوه،، كان بيتنفس قاسم بغضب وبعدين مشي بسرعة وراح اوضة ليلي ومالك لانه محتاج يفهم ويستوعب اللي عرفه وبعدين يقرر يعمل ايه
...........................
تاني يوم قامت حور من النوم وابتسمت بفرحة لان ولادها كانو نايمين جمبها بس لما افتكرت قاسم استغربت انه حتي متكلمش معاها بس قالت كدة احسن وقررت تتعامل معاه بحدود وتفضل بعيدة عنه فقامت غيرت هدومها وخرجت تحضر الفطار بس اتفاجأت بقاسم محضر كل حاجة وقاعد مستنيهم واول ما شاف حور ابتسم
حور باستغراب / احم،، صباح الخير
قاسم بابتسامة / صباح النور،، يارب فطاري يعجبكم،، انا حضرته من شوية بس مرضيتش اصحيكم
حور باستغراب/ ممكنتش تعبت نفسك يعني انا كنت هحضره
قاسم بتلقائية/ احنا واحد فمش مهم مين اللي حضره،، اتمني انك تكوني نمتي كويس؟
حور بصدمة/ اه نمت كويس الحمد لله،، هو ممكن اعرف في ايه؟ يعني انت بتتعامل معايا كدة ليه؟
قاسم بابتسامة / تقدري تقولي اني عيدت حساباتي يا حور واتمني انك انتي كمان تعملي زيي ونتفق ان مصلحة الولاد اهم من اي شئ
حور بتردد/ اكيد والا مكنتش اتجوزتك،، مفيش اكتر من خوفي من اني اتحرم منهم
قاسم بتنهيدة/ انا اسف،، حقيقي انا مش كدة خالص بس تقدري تقولي كان سوء تفاهم واتحل خلاص،، اسمحيلي انا اصحي الولاد
حور بتردد / اه اتفضل طبعا
ابتسم قاسم بامتنان ودخل لمالك وليلي وشوية وسمعت حور صوتهم وهما بيضحكو فجريت عليهم وشافت قاسم وهو بيهزر وبيضحك معاهم فابتسمت بخفة ودعت ربنا انه ميكونش بيضحك عليها او بيلعب بيها
حور بابتسامة / كدة الفطار هيفوتنا،، وبعدين في مدرسة يا حلوين
ليلي بابتسامة / ماما عشان خاطرنا بلاش انهاردة نروح وخلينا قاعدين مع عمو
حور كانت هترد بس قا*طعها قاسم/ لو سمحتي يا حور وافقي لاني انا كمان ملحقتش اقعد معاهم،، اوعدك بكرة هيروحو ومش هيقولو لا
حور بقلة حيلة/ ماشي،، بس يلا عشان نفطر
ليلي ومالك صرخو بصوت عالي بفرحة ومعاهم قاسم اللي كان زي الطفل وهو معاهم وحور كانت متابعاه بحيرة
........................
كانت بتعمل حور الغدا وليلي ومالك قاعدين مع قاسم بيتفرجو عالتلفزيون
حور بصوت عالي / يلا يا مالك. تعالي ساعدني وطلع الاكل عالسفرة
قاسم من وراها/ ممكن اساعدك انا ،، اصلهم مندمجين مع الفيلم
حور بتوتر/ انا بس مش عاوزة اتعبك يعني
قاسم بابتسامة / لا مفيش تعب اطلع ايه؟
حور بتردد/ ممكن تخرج الصنية دي وانا هخرج الباقي
قاسم بطاعة/ حاضر،، هخرج الصنية عالسفرة واجيلك
خلصو كل حاجة وكانو يدوب قعدو كلهم عالسفرة والجرس ضر*ب فحور بصت لقاسم بخوف لانها عارفة انها نعمة وهو قام فتح وطلعت فعلا امه اللي دخلت وهي ب.......