رواية زوجي المختل عاطفيا الفصل الاول1بقلم اسراء ابراهيم

ساره اوعي تعملي كده حرام عليكي نفسك 

ساره بتنهيده كلها تعب مع ابتسامه بتداري بيها حزنها / متخفيش عليا ياقمر انا عارفه انا بعمل ايه وبعدين ماانتي عارفه اختك بتسلك في الحديد ولا ايه 

قمر بخوف علي اختها / عارفه بس ده مش حديد انتي بتحطي نفسك في النا*ر ياساره  

ساره وهي بتضحك وهي بتمسك خدود اختها بايدها الاتنين : متقلقيش عليا ياقلب اختك انا هعرف اتصرف لكن انتي لازم تعملي اللي انا معرفتش اعمله لازم تكملي تعليمك وتاخدي شهادتك غصب عن اي حد انتي فاهمه 

قمر وهي بتحضن اختها / ربنا يخليكي ليا  ومتحرمش منك ابدا 

قط*ع كلامهم دخول سمر مرات ابوهم  وهي بتقول بسخرية / يلا ياحبيبتي عشان نحضر شنطتك مفيش وقت كلها يومين ومش هنشوف وشك هنا تاني 

قامت ساره من مكانها وهي بتبص في عيون مرات ابوها بجرأه  لاول مره وهي بتقول /  عندك حق بس ده بتنا كلنا واوعي تفتكري اني هبعد ابدا بالعكس هاجي واختي دي لو اشتكت بس ولا عملتي فيها اللي عملتي معايا انا اللي هقفلك ومش هسمح ابدا ان ده يحصل فيها 

اتلجلجت سمر من طريقة ساره وجمعت كلامها وقالت بقوة/  لولا ان انتي قولتي لابوكي انك انتي اللي هتتجوزي قاسم  بيه ،،كان زمان اختك هي اللي بنحضر شنطتها وانتي اللي قاعده معاياا بس عبطك اللي خلاكي تقولي لابوكي  ،، لا يا بابا قمر لا انا اهو كده كده قاعده من المدرسه وشرطتي علي ابوكي انك تتجوزي بس اختك تكمل تعليمها 

ساره بحد*ه / حاجه متخصكيش وبعدين انتي كده كده كنتي بتزني عشان تمشي واحده فينا وعمرك ما كنتي هتقدري تمشيني فكنتي عايزة تمشي اختي عشان مبتعرفش تقول لا بس ده بُعدك وانا هوريكي ومن هنا ورايح انا سند اختي  

ردت سمر بضحكه غل  وقالت/ صعبانه عليا ياروحي اللي هتشوفي اصلك متعرفيش قاسم بيه

سابتهم سمر وخرجت و مع قفلت الباب دموع ساره نزلت بغزاره 

قمر وهي بتحضن اختها /تعالي نهرب ياساره ونبعد عنهم كلهم انا خايفه عليكي اوي ليحصلك  حاجة

ساره انتبهت لنفسها ولدموعها ومسحتهم وقالت بحنية/  ياعبيطه انا مش خايفه منه وعارفه ان ربنا مش هيسبني انا بس بعيط عشان هبعد عنك 

قمر زادت في العياط وردت بحزن /  مش عارفه ازاي هعيش من غيرك ياساره 

ردت ساره بقوة وهي بتمسك اختها من كتفها /  هتعيشي وتعملي اللي نفسك فيه انا حطيت نفسي في الهلاك عشانك انتي وبس فاهمه؟  تعملي كل اللي في مصلحتك وقلبك يبقي قوي ومتخليش حد يجي عليكي ده شرطي للجوازة دي فاهمه 

هزت قمر راسها باه وحضنت اختها 

..........................................

حرام عليك يابني خف شويه من اللي انت فيه ده 

قالت كده ايمان ام قاسم بحزن وهي واقفة قدامه 

قاسم بجمود / متخفيش ياامي 

ابنك اتغير من بعد موت سلمي 

ايمان بحنية  / مش باين عليك يابني  

لو كنت اتغيرت فعلا ليه روحت خطبت بنت متعرفهاش ولا تعرفك ليه بتعيد الحكايه من الاول 

قاسم بشرود /متقلقيش يا امي انا عارف انا بعمل ايه ،، وبعدين مش ده كان طلبك اللي ياما كنتي بتطلبيه مني  

ايمان بحزن/ بس مش بالطريقة دي يا قاسم يا حبيبي 

قام قاسم من مكانه بتهرب /  انا رايح الشركه اشوف التعينات الجديده 

ايمان بتنهيده /  روح يابني ربنا يهديك وينور بصيرتك يا رب 

........................................................................

دخل حسين علي بناتو  ولاحظ عيونهم وعمل نفسه مش شايف دموعهم  وقال/ 

عروستنا الحلوة خلصتي شنطتك ولا لسه 

ساره بصت لابوها بجمود  

وقالت قمر /  ليه يابابا تعمل فيها كده ليه مش خايف عليها  

رد حسين بتوهان وقال: هو انا بعذ*بها دي بتتجوز واي بنت في الدنيا  اخرها الجواز دانا بسترها 

خرجت ساره عن صمتها وردت بضيق/  وانا مش فضي*حه يا بابا عشان تسترني انا مفيش حد في الدنيا في في اخلاقي ولا في عفتي 

كده كده وقت الكلام خلص بس امانه عليك اختي دي تبقي في عينك وتبعد عنها مراتك عشان محدش هيقفلكم بعد كده غيري اختي لا  

رد حسين وهو بيغير الكلام  وبيحضن قمر وقال بحب/ هو انا ليا غيرها  دي حبيبتي ،، وبعدين يلا جهزي بقيت حاجتك باقي يومين علي كتب الكتاب 

.....................................................................     

عدي اليومين بحلوهم ومرهم  حلوهم ان ساره قاعده مع اختها ومُرها ان ساره مش عارفه هي داخله علي ايه .....

فاقت ساره من شرودها وابوها بيقول / 

مبروووك ياحبيبتي الف مبروك كتبنا الكتاب  

ساره كان قلبها بيتعصر لاخر لحظه وهي عندها امل ان الموضوع ميتمش وان باباها يفوق في اخر لحظه بس للاسف وقط*ع شرودها  اختها قمر وهي بتقرب منها بدموع  فقامت ساره من مكانها وحضنت اختها جامد وكأن اخر حضن هتحضنه ليها   

.................................................................................

قي ڤيلا قاسم 

دخل قاسم الاوضه ولقي ساره قاعده سرحانه علي حافة السرير وضهرها للباب  هبد الباب وقال بجمود / مبروك 

انتفضت ساره من شرودها وهزت راسها  باه ولسانها مش قادر علي النطق 

قال قاسم وهو بيقرب منها وكشر وشه اول ما شاف وشها المليان دموع وكحل سايح سابها وقام وقال بجمود  وهو بيخرج من الاوضه /  انا هنام بره خدي راحتك  

لفت نفسها ونظراتها معاه لحد ما خرج قاسم من باب الاوضه واتنهدت تنهيده طويله وقعدت تحمد ربنا انه مقربش منها  ومن جواها مستغربه ردت فعله وقامت سحبت رجليها علي الارض ودخلت الحمام وعقلها مشغول 

.............................................................

قمر كانت طول الليل بتعيط علي اختها وقط*ع تفكيرها دخول سمر مرات ابوها عليها : 

انتي لسه بتعيطي اجلي العياط ده دلوقتي لما تسمعي خبر اختك 

بصت قمر لسمر بغضب / ابعدي عني وعن اختي انتي فاهمه ولا لا،، ملكيش دعوة بينا وان شاءالله الخبر اللي هنسمعو هيبقي من البيت ده  

بصت سمر لقمر باستفزاز /

والله وبقي ليكي صوت وبتردي ان شالله هيبقي خبرك انتي ياحبيبتي  

قامت قمر وبصتلها بقر*ف وخرجت بره الاوضه 

......................................................................

صحيت ساره علي صوت خب*ط علي الباب فقامت مفزوعه من النوم  / مين مين 

ردت ايمان  بحزن/ 

ده انا يا حبيبتي صباحية مباركه ان شاءالله 

ردت ساره بتنهيده/ الله يبارك فيكي اتفضلي 

دخلت ايمان وهي مبتسمه ابتسامه كلها حنان وقعدت جنب ساره علي طرف السرير وقالتلها بحنان / عامله ايه ياساره عندنا يارب تكوني عرفتي تنامي كويس 

هزت ساره دماغها بخوف/  اه اه الحمدلله 

ايمان بحنان /

مش عايزاكي تخافي يابنتي وانا معاكي وفي ضهرك ومش هسيبك وقاسم ابني طيب والله بس الظروف اللي عملت فيه كده 

استغربت ساره طريقه كلام ايمان وحنيتها وقالت جواها جايز بتمثل عليا زي مرات ابويا في الاول فاكتفت ساره بهز دماغها مع ابتسامه باهته 

ايمان بحب  / يلا ياحبيبتي  تعالي نفطر تحت قومي غيري هدومك وانزلي هستناكي تحت  

نزلت ايمان ووقتها  ساره حركت راسها وهي بتقول في سرها باستغراب/ لا دي شكلها غير ابنها خالص  دي مش شكل حد بيتصنع  

وقامت  من مكانها  وطلعت فستان هادي اوف وايت بعد الركبه وسرحت شعرها الطويل اللي فيه موجه خفيفه بتزيده جمال  وعملت كحكه كبيرة ونزلت خصلتين من شعرها وكانت قمر في ليله كماله 

..................................................................... 

دخلت قمر  اول يوم الكليه وهي حزينه مع انه كان حلم  حياتها  بس بعد اللي حصل حست ان الكليه دي هي اللي بعدت اختها عنها وانها السبب في جوازة سارة لان ابوها كان رابط جوازتها بجامعة قمر،،  فاقت قمر من شرودها علي صوت بنت واقفة جمبها  / ازيك انا حبيبه 

ومدت ايديها للسلام 

بصت قمر لحبيبه وقالت وهي بتمد ايدها تسلم عليها لتردد  / اهلا وانا قمر

حبيبه بابتسامه / لا باين من غير ما تقولي 

قمر بصت باستغراب فكملت حبيبه وقالت/  قمر وانتي قمر فعلا مش محتاجه تقولي يابنتي 

ابتسمت قمر باحراج /تسلمي ،، ربنا يخليكي 

قالت حبيبه وهي بتقعد جنبها / احنا كده خلاص بقينا اصحاب 

ردت قمر بتردد / اكيد طبعا 

حبيبه بحماس / انا  قدمت السنه اللي فاتت بس حصلي ظروف ومدخلتش الامتحانات فبعيد السنه 

قمر باستغراب /  ليه كده يابنتي كان زمانك في تانيه ليه تضيعي سنه من عمرك ؟

حبيبه بلا مبالاه/ مكنش بايدي حاجه ظروف بقي ياقمر هبقي احكيلك عليها بعدين ويلا بقي عشان المحاضره هتبدأ ،، وبعد كدة هعرفك علي باقي شلتنا ،، انا اعرف كل واحد هنا في الجامعة 

قمر باستغراب / تمام ماشي يلا بينا 

انتبهت قمر لشاب واقف بعيد بيتكلم وبيضحك فكانت متبعاه قمر بانتباه لحد ما سمعت صوت حبيية

حبيبة باستغراب / ايه يا بنتي وقفتي ليه ؟

قمر بتوتر / ها لا مفيش يلا بينا 

.....................................................

دخل قاسم من باب الڤيلا تحت نظرات ايمان اللي كلها استغراب لانه حتي مبصش ناحيتهم وانتبهت وقتها لكلام ايمان ليه فتابعت بفضول

ايمان باستغراب/ كنت فين ياقاسم دلوقتي ؟

قاسم قبل ما يطلع السلم وبص لامه ورد بجدية / في الشغل ياماما 

ايمان باندهاش/ روحت الشغل ليلة صباحيتك يابني حتي عشان الناس 

انتبهت ايمان للي قالته لابنها 

فبصت لسارة بتوتر و قاسم  وقتها اتكلم بغضب اكبر : 

ملعونين الناس علي اللي يسمعهم  

ردت ايمان بسرعه / خلاص ياقاسم حقك عليا اطلع خد شاور وريح جسمك شويه 

طلع قاسم السلم بغضب وكل الكلام كان تحت نظرات ساره  وهي قاعده وضهرها لقاسم 

اتنهدت ايمان وهي بتبص لسارة /  ربنا يهديك ياقاسم 

كانت سارة عاوزة تتكلم وتسأل ايمان علي غضب قاسم المستمر لكنها متكلمتش وسكتت بس ايمان كانت حاسة بحيرتها وللاسف مقدرتش تتكلم وتقولها حاجة خوفا علي مشاعر قاسم وكمان عصبيته 

ايمان بابتسامة/ ايه رأيك تطلعي تشوفي قاسم جوزك محتاج حاجة وبعدين تنزلي نرغي مع بعض شوية  

سارة بتردد/ ااه ،،حاضر هطلع ،،بعد اذنك 

قامت سارة وهي مرعوبة من جواها لانها بتخاف من قاسم اوي بس لازم تنفذ كلام ايمان فشجعت نفسها وطلعت علي فوق 

................................................

حبيبة اتصاحبت علي قمر وكانو خارجين سوا من المدرج بعد المحاضرة فكانو الاتنين ماشين سوا بس اتفاجأت قمر بشاب بيقرب منهم  وبيبصلها بنظرات غريبة وهو بيتكلم مع حبيية 

قمر بابتسامة/ اهلا يا هشام ،، مش باين يعني ليك يومين يا سيدي 

هشام وعنيه علي قمر/ اه منا زهقت بقي من الجامعة اصل مفيهاش حاجة جديدة ،، بس مين القمر متعرفناش

حبيبية بتلقائية/ دي قمر ،،جديدة معانا بقي سنة اولي ؟

هشام بابتسامة وهو بيمد ايده/ اهلا وسهلا ،، نورتي الجامعة يا قمر  ،،حقيقي اسم علي مايسمي 

قمر  ردت بجدية واختصار من غير ما تمد ايديها تسلم / اهلا ،، حبيبة انا همشي عشان متأخره اشوفك بكرة ،، سلام 

اتحرج هشام وكان متابع قمر وهي بتبعد وبيتكلم مع حبيبة/ هو ده اللي هتجيبي قرارها ،، اومال  انا بعتك ليها ليه اول ما شوفتها  ؟

حبيبة بسخرية/ اهدي علي نفسك يا عم الامور ،،مش كل بنت حلوة هتشوفها هتقع في دباديبك من اول مرة عالاقل قمر دي مش كدة وراعي ده ،، البت شكلها محترم بذيادة ومالهاش في اي حاجة 

هشام بتفكير  / طب قدامك يومين وعاوزك تخليها زيك كدة ،، اصل بصراحة البت عاجباني اوي 

حبيبة بضيق / طيب طيب ،، يلا سلام بقي    

...........................................

كانت داخلة سارة اوضة قاسم بتردد وهي بتبص حواليها بقلق بس ملقتوش فاتنهدت براحة لما افتكرت انه خرج تاني وكانت لسة هتلف وتخرج  اتفاجأت بيه قدامها ووشه وشعره بينقط مية وباين عليه الغضب اول ما شافها 

سارة بتهتهة / اانا اسفة بس طنط ايما

قاسم بعصبية/ انا مش عاوز اشوف وشك مرة تانية طول ما انا في الاوضة ،،انتي فاهمة ؟ خليكي في حالك احسن ما تشوفي وش مش هيعجبك وهخلي حياتك جحيم ،، اتفضلي اطلعي برررة 

سارة كانت دموعها زي الشلال من صوت قاسم العالي عليها وكانت بتترعش وهي بتحرك راسها بطاعة وسابته وطلعت تجري علي تحت وهو وقتها نفح بغضب وهو بيخ*بط بايديه عالترابيزة كذا مرة ،،اما سارة فنزلت بسرعة علي ايمان اللي اتفاجأت بيها بترمي نفسها في حضنها فعرفت ان قاسم زعلها 

ايمان بحنية/ حقك عليا يا حبيبتي ،،انا اللي قولتلك اطلعي ،،مكنش ينفع اخليكي تطلعيله 

سارة بانهيار / هو ليه بيعمل معايا كدة ،، وليه اتجوزني لما هو هيعاملني  كدة ،، انا مستاهلش ان يحصل معايا كدة ،،انا تعبت بقي تعبت 

ايمان بندم/ انا اللي غلطانة ،،المفروض كنت عرفتك الحقيقة عشان تعرفي تتعاملي مع قاسم بس انا خوفت عليكي وخوفت عليه 

سارة بدموع/ انا مش فاهمة حاجة ،، قاسم ده صعب وقاسي اوي ،،سامحيني انا عارفة انه ابن حضرتك بس انا تعبت ومش مجبرة استحمل كل ده 

ايمان بجدية/ لو عرفتي اللي قاسم مر بيه هتعذريه يا سارة ،،متحكميش عليه يا بنتي الا لما تعرفي عنه كل حاجة 

سارة باستغراب/ هو مرة بأيه يعني عشان،حضرتك تقولي كدة ،،وبعدين صدقيني انا مريت بالاكتر من كدة ،، مفيش اكتر من انك توافقي انك تتباعي وتتجوزي واحد متعرفيهوش عشان خاطر اختك تعيش مرتاحة ،،ترمي نفسك في المجهول وانتي مش عارفة هيبقي مصيرك ايه 

ايمان باندفاع/ كل اللي قولتيه ده ميجيش ذرة في اللي قاسم مر بيه 

سارة بشك / حضرتك تقصدي ايه ؟

ايمان بحزن / قاسم ابني اتعرض للخيانة يا سارة !! ومن مين ،، من اقرب الناس ليه ؟ مراته 

سارة صعقت من اللي سمعته وشهقت بصدمة / خانته ؟ 

ايمان بحزن ودموع بتهرب من عنيها /  ايوة ،، قاسم،ابني ده مكنتش الضحكة بتفارق وشه ،، كان دايما  بيضحك ويهزر لكن منها لله ملك ،، حبها اوي وكان بيتمنالها الرضي ترضي بس للاسف ،، هي مكنش عاجبها عيشتها ،، كان بحكم شغله ظابط بقي ،، كان يعيني احيانا بيبات برة ،،غصب عنه ماهو شغله ،، وفي اليوم المشؤوم كان جاي في غير معاده وعرف بخيانتها لما سمعها  وهي بتكلم عشيقها ووقتها طلقها بعد ما كان منهار ومصدوم يا حبة عيني وياريتها اكتفت بكدة ،، راحت فضحته في شغله عشان تنتقم منه فاستقال ووقتها بعد عن شغله وعن حياته وبقي قاسم اللي انتي شايفاه 

سارة كانت دموعها نازلة بحزن وهي بتسمع كلام ايمان وكان صعبان عليها قاسم واللي حصل معاه ووقتها فهمت سبب معاملته  ليها وانه بقي شايف ان كل البنات  من نوعية مراته 

ايمان بحنية / عشان،خاطري يا سارة متزعليش من قاسم وخليكي جمبه ،،هو محتاجك اوي ،،محتاجنا انا وانتي ،، بس انا مقدرتش اغيره لوحدي ،، انا قولتلك الحقيقة عشان حبيتك وحساكي كويسة ومتأكدة ان قاسم ممكن يتغير علي ايديكي 

سارة سرحت في كلام ايمان وكانت مش عارفة هل ممكن تقدر تعمل كدة فعلا ولا لا فاتنهدت بحيرة   

........................................

عدي كام يوم كانت قمر بتروح الجامعة بس دايما بتصد حبيبة لما بتفتح معاها موضوع هشام بس حبيبة مصممة 

قمر بضيق / يووه،يا،حبيبة ،،هو انتي موراكيش سيرة غير سيرة الشباب وخصوصا الشاب الرخم ده 

حبيية بخبث  /يا عبيطة ده،انا بوعيكي ،، انتي عارفة هشام ده شكله معجب بيكي اوي كمان ،،انتي مبتشوفيش نظراته ليكي ،، ليه بقي  متديلوش ريق يعني 

قمر بضيق / لاني مش كدة يا حبيبة ،،  انا مدخلتش الجامعة عشان اتعرف عالشباب ،، دخلتها عشان اتعلم وبس 

حبيبة بغمزة / وايه المانع بس اننا نروق علي حالنا واحنا بنتعلم واهو يا ستي اعتبريه تشجيع 

قمر بتلقائية / ده اسمه خيانة يا حبيبة ،،اه متستغربيش ،، دي خيانة لاهلي ولسارة اختي اللي عملت المستحيل عشان ادخل الجامعة دي ؟،، لو عاوزانا نفضل صحاب يا حبيية ياريت متفتحيش معايا موضوع هشام ده والا كل واحدة فينا تروح في طريق 

حبيبة بتوتر / لالا خلاص ،،انا والله يعني كنتي بلفت نظرك اصل هشام كلمني وقالي انه معجب بيكي وطلب مني اكلمك 

قمر بغضب / يبقي المفروض دورك كصديقتي انك تصديه وتقوليله اني مليش في الكلام ده وانه يبعد  عننا ويشوفله واحدة شبهه 

حبيبة بضيق / خلاص يا قمر متكبريش الموضوع وليكي عليا مش هجبلك سيرته تاني يا ستي 

قمر بفرحة/ تسلميلي يا بيبا ،، يلا بقي نروح ناكل احسن جعانة اوووي 

مشيت حبيبة مع قمر وفي اللي كان متابع كلامهم من بعيد وعلي وشه ابتسامة اعجاب ذاد ناحية قمر اكتر بس يا تري مين ده ؟ 

...............................................

كانت واقفة سارة بتعمل الفطار وهي سرحانة في الكلام  اللي سمعته من ايمان وقررت تشتغل علي نقطة ضعف قاسم ومن جواها خايفة بس اللي مشجعها كلام ايمان ان قاسم لا يمكن يمد ايده عليها وانه اخره يزعقلها  وهي عشان  قاسم صعبان عليها فلازم تساعده ،، اخدت سارة الفطار وخرجت وهي علي وشها ابتسامة حاولت ترسمها وطلعت لقاسم فوق في الاوضة اللي نام فيها بعد اللي حصل فدخلت سارة بعد ما خب*طت وكان قاسم واقف قدام المراية بيظبط بدلته 

سارة بابتسامة متوترة / صباح الخير  

قاسم برفعة حاجب / ده علي اساس انه بيتك  بقي مش كدة ؟ واضح انك معندكيش د*م ،،عشان تتجرأي وتطلعي لحد هنا بعد كلامي ليكي امبارح 

سارة من جواها خافت بس اتشجعت وردت بابتسامة باردة/ وفيها ايه ،،احنا واحد يعني مهما يحصل بينا من خناق مش اخر الدنيا يعني ،، يلا عشان تفطر 

قاسم بصوت عالي خلي سارة تترعش من الخوف / مش عاوز زفت وامشي غوري من وشي 

مسحت سارة دموعها بقوة وهي بترد بثقة/ علي فكرة مش بالصوت العالي لانه لو بالصوت العالي فبقي الحمار اقوي الكائنات 

قاسم بصدمة / انتي قصدك اني حمار؟

سارة لعنت غباءها فردت بسرعة/ ها ،، لا مش قصدي بس يعني انا اقصد ان 

قاسم كان بيقرب بغضب / ها كملي ،،تقصدي ايه بقي ؟

بلعت سارة ريقها بخوف ولعنت غباءها ده وكانت بترجع لورا بخوف ودموعها بتتكون في عنيها لحد ما لزقت في الحيطة وقاسم كان قريب منها اوي وباصص في عنيها 

فاسم بقوة / كملي كنتي هتقولي ايه لو تجرأي ؟

سارة بدموع / انا اسفة ،،انا كنت عاوزاك تفطر قبل ما تنزل ،،ده واجبي 

قاسم كان مركز في عيون سارة اللي كانت بتهرب بيهم بعيد عن عنيه ووقتها قاسم انتبه لنفسه وبعد فجأة وهو بيلع*ن نفسه انه اتأثر بدموعها وداري ده بصوته العالي / لو فكرتي تقربي تاني من اوضتي هتلاقي رد مش هيعجبك ،،انتي فاهمة ؟ 

سارة بقوة مزيفة / طب ريحني وافطر وانا اسيبك في حالك 

قاسم اتصدم ولف وشه تاني لسارة بس هي طلعت تجري علي برة بسرعة  

ووقتها قاسم اتنهد بغضب وبعدين بص عالاكل 

سارة فضلت طول اليوم مع ايمان اللي لاحظت تغير سارة وانها بدأت تاخد عليها وعلي البيت وده كان مفرحها اوي وحست ان بقي في روح في البيت ،، كانت داخلة سارة اوضتها هي وقاسم بيأس من معاملته ليها وتجاهله ليها الصبح بعد ما سابته ونزلت وانه كلم امه وصبح عليها ومشي من غير حتي ما يبصلها فنفخت بغضب بس فجأة ابتسامتها وسعت اول ما شافت صنية الاكل اللي طلعتها لقاسم الصبح فاضية وانه فطر منها ،، من الفرحة سارة كانت بتتنطط وبتلف حوالين نفسها بسعادة وهي بتصرخ وكأنها كسبت جولة قدامه بس فجأة وهي بتلف لقت نفسها في وقعت في حض*ن قاسم