رواية زوجي المختل عاطفيا الفصل الاخير بقلم اسراء ابراهيم
قاسم كان واقف متفاجئ باللي كانت بتعمله سارة ولما وقعت في حضنه ؟ اما هي فشهقت بخضة وهي متبتة في قاسم وبتنهج وهو كان مركز في عنيها ومحاوطها بايديه لحد ما انتبه لنفسه فداري رد فعله بكلامه اللي و*جع قلب سارة
قاسم بسخرية/ ايه عجبك حض*ني ؟ولا ما صدقتي ؟ طبعا ما انتو كدة اي واحد يقولكم كلمتين حلوين بيوقعكم
حست سارة باهانة جامدة من كلام قاسم ليها فدموعها نزلت وهي بترفع ايديها وتضر*به بالقلم علي وشه بس قاسم لحقها ومسك ايديها بغضب
سارة بغضب وكر*ه / انت حقير بس ده مش معناه ان كل الرجالة زيك ،، في رجالة نضيفة فمش هظلمهم بنوعيتك زي ما انا اشرف منك ومن اي واحدة انت عرفتها ،، وده لان مش كل البنات من نوعية مراتك ،،انت بس اللي معرفتش تختار
قاسم اتفاجئ بكلام سارة اللي داست علي جر*حه بكل ما فيها من قوة وكأنها صحت وجع سنين جواه وده خلاه مكنش شايف قدامه فشدها من ايديها بغضب وسحبها وراه وسارة كانت بتقاومه بخوف بعد ما انتبهت للي قالته بس قاسم كان متجاهلها وسحبها وراه لاوضة بعيد اوي وضلمة وكلها كراكيب ورماها فيها وقفل عليها فبقت سارة تصرخ وهي بتخب*ط عالباب وبتترجاه يفتحلها بس قاسم سابها ومشي ببرود وكأنه بيعاقبها علي اللي قالته ومن جواه نا*ر قايدة وهو بيفتكر كل كلمة قالتهاله سارة
ايمان بلهفة / في ايه يا قاسم ،، مالها سارة بتصرخ ليه وهي فين ؟
قاسم بغضب / سارة محدش يفتحلها والا هيبقاله معايا حساب يا امي ،، مش دي مراتي انا بقي بربيها
ايمان بغضب / انت مجنون ،، عاوز تحبسها ،، انت ايه اللي جرالك ،،اتجننت يا قاسم خلاص ومبقتش بتعرف في الناس ؟
قاسم بص قدامه بجمود ومردش علي ايمان امه وسابها وخرج فجريت هي علي فوق عشان تطمن علي سارة
...............................................
كانت قمر في البيت قاعدة حزينة اوي وباين عليها انها مضايقة وكل تفكيرها في سارة اختها اللي مفرقتش تفكيرها لحظة من يوم ما مشيت وكانت هتتجنن عشان تعرف اخبارها وشوية ودخلت عليها سمر اللي كانت بتبصلها بغضب
سمر بغضب / ايه يا حلوة ،، هو مش انهارده اجازتك يعني تقوميي تشوفي شغل البيت ده ،،مش كفايا نايمالي في الخط طول الاسبوع بحجة انك بتذاكري ووراكي جامعة ؟
قمر بغضب / انا مش هعمل حاجة وده كان اتفاق اختي سارة معاكي قبل ما توافق عالعريس ده وتتجوز ،،اني اتعلم ومتطلبيش مني حاجة ولو مش عاجبك عادي اكلمها تيجي وتشوف الموضوع ده ؟
سمر بغضب / والله وبقي ليكي ضهر يا بت وبتتكلمي وتعلي صوتك عليا ،، ايه خلاص مبقاش حد يعرف يتكلم معاكي
قمر بسخرية/ اه ،، بالظبط كدة يا مرات ابويا ،، اصل من بعد سارة خلاص مبقاش في حاجة ابقي عليها واقولك علي حاجة انا سيبهالك مخدرة وهروح ازور اختي حبيبتي
سمر بغيظ/ روحي ياختي لكش نسمع خبرك انتي وهي قريب ،، عيلة هم
..............................................
قاسم كان داخل البيت وهو باين عليه القلق بعد ما كلمته امه بس كان بيحاول يتصنع البرود بس فشل
قاسم بتصنع البرود / في ايه يا امي كلمتيني وجيت اهو بسرعة خير
ايمان بغضب / خير ايه ،،البنت مش بترد ولا بتطنق اتفضل افتحلها حالا يا قاسم والا مش هتشوف خير ابدا
قاسم طلع يجري اول ما سمع كلام امه وطلع بسرعة وفتح لسارة بسرعة واتفاجئ بيها واقعة عالارض فقلبه اتقبض وشالها بسرعة وراح بيها اوضتهم ونيمها عالسرير وهو بيبصلها بندم بياكل في قلبه رغمه انه بيقاوم الاحساس ده بس مقدرش يمنع نفسه من الخوف عليها
قاسم بجدية/ ماما اطلبي الدكتور
ايمان بغضب / اطلع برة يا قاسم وانا هشوف البنت واعرف ان لو جرالها حاجة يبقي بسببك
قام قاسم وكان بيبعد وعنيه متعلقة بسارة لحد ما خرج وهو باين عليه الغضب بس من نفسه وكان رايح جاي بقلق لحد ما سمع صوت ايمان وهي بتنده عليه بصوت عالي
ايمان بصوت عالي / الحقني يا قاسم
دخل قاسم بسرعة اول ما امه نادت عليه واتفاجئ بسارة منهارة وخايفة اوي فقرب منها بسرعة وضمها ليه وهو بيحاول يطمنها
قاسم بجدية / لو سمحتي يا امي سيبينا لوحدينا انا هتصرف
انسحبت ايمان وسابت قاسم اللي محاوط سارة اللي منهارة بين ايديه وبتترعش وهو متبت فيها جامد
قاسم بهدوء/ انا اسف ،، حقيقي اسف ،، مكنتش اعرف انك هتتأ*ذي بسببي ،، انتي دوستي علي جر*حي اللي بحاول اتعايش معاه ليا سبع سنين ،، كل يوم فيهم كنت بموت ،،نظرة الناس ليا خلتني اكر*ه نفسي ،، لو عيشتي اللي عشته في سبع سنين هتفهمي اني قساوتي عليكي غصب عني
قاسم كان بيتكلم وهو سرحان ومش واخد باله من سارة اللي هديت بين ايديه وكانت بتسمع كل كلمة بيقولها ودموعها بتنزل بس شفقة علي حالته ولما انتبه قاسم بصلها وابتسم بهدوء فابتسمت سارة هي كمان بتلقائية
قاسم بابتسامة / مسامحاني ؟
سارة ببحة مميزة / ايوة بس بشرط
قاسم برفعة حاجب / كمان شروط ؟ خير بس متاخديش علي كدة
سارة ضحكت بتلقائية فقلب قاسم دقاته عليت ووقتها ردت هي بغموض / توافق انك ترجع تاني شغلك في الشرطة ،،اصل بصراحة انا طول عمري بحلم بالراجل اللي هتجوزه انه يبقي ظابط شرطة
قاسم بجمود وهو بيبعد / مينفعش يا سارة ،، صدقيني مينفعش وياريت متفتحيش الموضوع ده تاني
سارة بصت لقاسم بيأس وقبل ما تتكلم كانت خب*طت ايمان ودخلت بس ابتسمت بتلقائية لما شافت سارة كويسة
ايمان بابتسامة / عندي خبر بمليون جنيه ليكي يا سارة يا حبيبتي
سارة بابتسامة / خير يا طنط ايمان
ايمان بفرحة/ اختك تحت وعاوزة تشوفك
سارة ابتسمت بفرحة وكانت هتقوم بسرعة بس وقفها قاسم بصوته
قاسم بسرعة/ لا استني يا سارة خليكي مرتاحة وانا هطلعهالك تقعد معاكي هنا براحتكم
سارة بامتنان / بجد ،، شكرا يا قاسم ،،انا ممتنة ليك اوي
قاسم بندم / علي ايه ده اقل حاجة اقدر اقدمهالك بعد اللي حصل ،، اسيبك انا وهبعتهالك لاني ورايا مشوار مهم
حركت سارة راسها بتفهم وفرحة بالاخص لان معاملة قاسم ليها اتغيرت وده خلاها في قمة سعادتها حتي لو كان اللي حصل ليها منه هو السبب بس يكفي انها كانت سبب تغيره للاحسن
.....................................
كانت قاعدة سارة وواخدة قمر في حضنها وهما الاتنين بيعيطو بعد اليوم ما خلص بسرعة
سارة بحب / هتوحشيني يا قمر ،،كان نفسي تباتي معايا انهاردة
قمر بدموع/ انا لو عليا مش عاوزة اسيبك يا سارة بس انا فرحانة انك كويسة ،،انا كنت خايفة عليكي اوي ،، بس بعد اللي حكتهولي عن قاسم ده ،،عرفت قد ايه طلع انسان كويس
سارة بكدب / طبعا يا قمر ،، انا من وقت ما جيت هنا وهو بيعاملني كويس اوي ،،عكس ما كانت بتقول سمر مرات بابا ،،حقيقي انا محظوظة انه في حياتي اوي يا قمر
قمر بغمزة / اوعي بقي ،،احنا وقعنا ولا ايه يا ست سارة ،، وقال ايه انا عمري ما احب ابدا وشكلك طبيتي اهو
سارة بتهرب / انتي بتقولي ايه بس يا قمر ،،حب ايه ،،هو عشان يعني بقولك انه كويس معايا وانه بيعاملني حلو ابقي بحبه
قم، بخبث / اومال قلبك اللي سامعة دقاته ده ايه ولا لمعة عنيكي اللي مش بتكدب ابدا دي
سارة بخجل / هكدب عليكي لو قولتلك ان قلبي مبيدقش لما بيشوفه واكدب لو قولتلك اني بتلغبط لما بشوفه قدامي و
قمر بهيام/ وايه تاني يا ست ليلي مراد ،،واضح انك مبتحبيهوش ،،اومال لو كنتي مش بتحبيه كنتي هتقولي ايه تاني ؟
سارة بتهرب / يلا يا بت من هنا انتي بتوقعيني
قمر باحراج/ اهلا قاسم بيه
سارة بصت وراها بصدمة وتوتر من ان قاسم يكون سمع كلامها عنه واتفاجأت بيه بيقرب منها وبيشدها لحض*نه وهو بيتكلم مع قمر
قاسم بود / ايوة وانا اقول مش سائلة فيا ليه انهاردة ،،اتاري من لقي احبابه بقي
سارة بخجل ودقات قليها بتزيد / قمر كانت لسة بتقول همشي
قاسم بابتسامة / ليه كدة ما تخليكي بايتة معانا انهاردة عشان تشبعو من بعض
قمر بابتسامة / لا ما انا لازم اروح عشان عندي جامعة وعشان مرات بابا دي تموتني فيها
سارة بتكشيرة/ لو فكرت بس تدوسلك علي طرف قوليلي وانا اجيلها واوعي يا قمر تسمحيلها تعمل معاكي اللي كانت بتعمله معايا
قمر بغرور مصطنع/ عيب عليكي يا قلبي ،،انتي سايبة وراكي راجل ،،تربيتك برضه
سارة بحب / ربنا يخليكي ليا يا حبيبتي
قاسم بخبث / وانا مش هتقوليلي حاجة ،،انا كدة هبدأ اغير من اختك
سارة اتكسفت اوي من طريقة قاسم اللي جديدة عليها واللي عمرها ما تخيلت انه يعاملها بيها فبصت لقمر بخجل وهي ابتسمت ليها بحب وهي من جواها فرحانة اوي عشانها وان ربنا عوضها براجل زي قاسم
.....................................
تاني يوم كانت قاعدة قمر في الكافيه بتاع الكلية وباين عليها انها فرحانة اوي بعد اليوم اللي قضته امبارح مع سارة بس ابتسامتها اختفت لما لقت هشام بيقعد قدامها
هشام بابتسامة / اهلا يا قمر وهنا اقصد اسما وموضوعاً
قمر بجدية/ انت عاوز ايه مني ممكن افهم ،، ياريت تبعد عني لاني مش من البنات اللي انت تعرفهم
هشام بغمزة/ ليه بس التقل ده كله ،، عموما انا سايبك براحتك بس يعني متسوقيش فيها ،، حبيبة قالتلي انك انتي كمان واقعة بس بتتقلي
قمر بغضب / حبيبة قالتلك كدة ؟
هشام بسخرية/ طبعا ،،اصلا انا اللي باعتهالك وانا اللي مخليها تقرب منك ،،عشان تعرفي بس اني معجب بيكي من اول يوم جيتي فيه هنا الجامعة
قمر قامت وسابت هشام اللي اتفاجئ بيها بتروح لحبيبة اللي كانت لسة داخلة من باب الكافيه
قمر بغضب / اانا لما اتعرفت عليكي كنت فاكراكي شبهي ،، قولت انك محترمه زيي بس للاسف مكنتش اعرف ان اللي اسمه هشام مشغلك عنده عشان توقعيله البنات الجديدة ،،انا مش عاوزة اعرفك تاني لاني ميشرفنيش اني اعرف واحدة باخلاقك
هشام بغضب / هو انتي في ايه ،، فاكرة نفسك ملكة جمال عشان تسوقي فيها ،، انتي اللي زيك بيترمو تحت رجلي
قمر بقر*ف / ولما انت عندك كتير ايه اللي مخليك سايق صحبتك دي عليا ،،عارف ليه عشان انا محترمة مش زيك انت وهي ،، فاسمع لو فكرت تقرب مني تاني انا هروح اعمل فيك شكوة
هشام كان هيتكلم بصوت عالي وهو بيقرب منها بس اتفاجئ بعمرو بيقف قدام قمر وهو بيبصله بغضب
عمرو بغضب / لو فكرت تتكلم معاها كدة تاني انا هقل منك ،، قمر تبقي خطيبتي وتخصني واعتقد انك عارف انا مين فمشوفش حد فيكم انتو الاتنين بيقرب منها
هشام بتوتر / ماشي يا عمرو ،، انا مكنتش اعرف انها تخصك ،،انا اسف ،، يلا يا حبيبة
مشيت حبيبة مع هشام اللي كان باين عليه الغضب وقمر كانت متابعاهم بصدمة ومش متخيلة انه خاف من عمرو اللي هي عارفاه بس شكلا وكانت بتاخد بالها منه دايما بس دي اول مرة تتكلم معاه
قمر بغضب / هو انت ازاي تقوله اني خطيبتك ،،انت اتجننت ،،مين انت عشان تتدخل وتقول اني مرتبطة بيك
عمرو بابتسامة جذابة / ده بدل ما تشكريني عشان دافعت عنك ،،طيب علي فكرة بقي ،، انا متابع كل اللي بيحصل من بدري اوي من وقت ما هشام بعت حبيبة ليكي وانا كنت عارف انها عاوزة تأثر عليكي عشان تكلميه وكبرتي في نظري اوي لما شوفتك بتصديها وبعدين اعجبت بيكي اكتر لما اتجرأتي وصدتيه هو كمان وعشان كدة قررت اتدخل واخليه يبعد عنك
قمر بخجل / طيب متشكرة يا سييدي بس مش لدرجة انك تقول انك خطيبي
عمرو بتلقائية/ بس انا مكدبتش يا قمري ،،انتي هتبقي خطيبتي وده مش بمزاجك علي فكرة
قمر بصدمة وخجل / اانت بتقول ايه ؟ يعني ايه بقي كلامك ده
عمرو بثقة / بقولك اني حددت معاد مع باباكي يوم الخميس ،، وعلي فكرة هتبقي مراتي كمان مش خطيبتي بس انا بقولك يعني ويلا بقي روحي عشان باباكي اكيد هيفاتحك في الموضوع انهاردة
قمر كانت واقفة بتبص لعمرو وهي مصدومة ومش متخيلة الكلام اللي عمرو بيقوله فانسحبت بهدوء وخجل وسابته ومشيت وهو ابتسم بتلقائية وفضل متابعها بعنيه
.............................................
كانت واقفة سارة مع قمر بعد ما جهزت وكانت بتظبط طرحتها وهي فرحانة اوي ليها بعد ما حكتلها قمر كل حاجة وحست سارة ان قمر اصلا كانت معجبة بعمرو بس من بعيد لبعيد
سمر بغيظ وهي بتدخل من باب الاوضة / يلا ياختي قرو الفاتحة
سارة زغرطت وحضنت قمر اللي رغم انها مكنتش تعرف عمرو اوي لكنها مرتاحة اوي ليه وفرحانة بارتباطها بيه ،، خرجت قمر مع سارة اللي كانت عنيها متعلقة بقاسم وهو كان بيبصلها هو كمان ومركز عنيه عليها وعلي وشه ابتسامة جذابة سرقت قلب سارة وخلتها راحت وقفت جمبه
سارة بهمس / انا متشكرة ليك يا قاسم اوي عشان انت وافقت اني ابات امبارح مع قمر واكون معاها وكمان جيت انهاردة وحضرت الاتفاق
قاسم قرب منها وقالها بهمس هو كمان / مفيش واحدة تشكر جوزها علي فكرة وبعدين متاخديش علي كدة عشان مش هتبعدي عن حض*ني تاني
سارة بصدمة وخجل / قاسم انت بتقول ايه ؟
قاسم بابتسامة / بقولك اني انا كمان بحبك يا سارة ومش عاوزك تبعدي عني لانك العوض بالنسبالي
سارة بصدمة و بخجل / انت سمعتني وانا بتكلم مع قمر مش كدة ؟
قاسم بابتسامة / سمعتك وكنت اسعد راجل في الدنيا وانا بسمعك وصدقيني انا لو ندمان فعشان مقابلتكيش من زمان يا سارة
سارة بفرحة/ يعني مش هيجي عليك يوم وتزهق مني
قاسم بهيام/ ده انا لازم اشكر مرات ابوكي اللي كانت السبب في انها تعرفني عليكي والسبب في اني احبك ؟
ضحكت سارة بتلقائية وردت بخجل / انت متعرفش دي لو سمعتك دلوقتي ممكن تموت فيها ،، اصلها كانت مفكرة انها بجوازتي كدة بتنتقم مني متعرفش انها خلتني اقابل الانسان اللي هسلمله قلبي
ابتسم قاسم وهو بيشبك ايديه في ايد سارة براحة / نسيت اقولك اني رجعت شغلي تاني وبسببك هيبقالي حياه جديدة بيكي انتي يا سارة
سارة بفرحة/ بجد يا قاسم ده احلي خبر سمعته في حياتي
ابتسم قاسم بحب لسارة اللي بصت لقمر اللي باين انها هي كمان وقعت زيها وابتسمت سارة بتلقائية وهي بتحمد ربنا انه عوضها هي واختها عن كل اللي شافوه في حياتهم ...تمت
تمت بحمد الله