رواية احببت قاتلي الفصل الحادي عشر11 بقلم مني الصاوي
علاء... انت يا زف-ت هبعتلك الفلوس اللي انت قولت عليها بس قسما بالله لو اتصلت تاني انا اللي هبلغ عنك وانت عرفني كويس وابقي اثبت بقي اني كلفتك باي حاجه
مجهول... ماخلاص يا علاء باشا دايما تعمل معايا كده المفروض ان اللي عايزه حصل يعني تديني بقيت المبلغ اللي اتفقنا عليه من البدايه
علاء..... انا قولت هبعتلك جزء من المبلغ وبعدين انا اتاكد ازاي انك نفذت اتفقنا انت ناسي الشاهد اللي قال انه شاف واحد تاني بمواصفات غيرك خالص هو اللي ق-ت-ل عمر عموما نص ساعه والفلوس هتكون عندك
مجهول.... تمام يا باشا خليك ظالمني كده علي طول سلام
--------------------------------------------
بعد مرور اسبوع وداخل شركه الالفي
يوسف...تمام كده نبقي اختارنا التصميم المناسب في اي اعتراض علي اي حاجه او اي تفسير
مصطفى صاحب المشروع... تمام يا بشمهندس الله ينور عليك احلي شغل والله المهم التنفيذ
شيرين.. التنفيذ لعبتنا يا استاذ مصطفي المهم عجبك التصميم وسيب الباقي علينا والا ايه يا علاء
علاء... اكيد طبعا ده مش اول تعامل بينا يا مصطفي والا نسيت
مصطفي... اكيد منستش يا بشمهندس بس انت نسيت ان البشمهندس عمر الله يرحمه كان موجود وانت عارف السوق كله كان عارف شغل عمر
علاء.. اكيد طبعا بس عمر مكنش بيشتغل لوحده وان احنا شركا في كل حاجه
شيرين... اطمن يا استاذ مصطفي ان شاءلله الشغل مش هيقل جوده عن اي حاجه عملها عمر الله يرحمه
مصطفي... تمام يا ست الكل نبدء علي بركه الله وبالمناسبه دي انتوا معزومين علي العشا في مكان حلو اوي هيعجبك
شيرين... انا معنديش مانع ايه رايكم يا جماعه
يوسف... انا كمان موافق وعمار كمان معايا
علاء... تمام يا مصطفي ابعت العنوان وهنكون موجودين كلنا علشان نحتفل بالمشروع
مصطفي.. تمام هستناكوا الساعه تمانيه ان شاءلله يلا سلامو عليكم
علاء... انا جاي اوصلك يا مصطفي اتفضل
مصطفي... تمام يلا بينا
يوسف... هتروحي مع علاء العشا ده
شيرين... اكيد لا... ليه بتسال
يوسف... مفيش كنت هقولك اعدي اخدك معايا بدل ما تسوقي لوحدك بالليل
شيرين.... مش هتعبك معايا يعني هتجبني وترجعني تاني
يوسف... انا موافق اكون سواق حضرتك يا هانم انت بس وافقي
شيرين... ميرسي يا يوسف بس مش هينفع شكلنا هيبقي مش حلو واحنا داخلين سوي اكيد هيقولوا جايين مع بعض ليه
يوسف... عادي كنت قريب منكم وعديت اخدك هو مش احنا شركا واصدقاء
شيرين. معلش الايام جايه نتقابل بالليل
يوسف... خلاص اوك نتقابل بالليل تحبي اوصلك دلوقتي البيت
شيرين... هههههه انت مش معقول يا يوسف انت مصمم بقي
يدخل علاء فجاه
خير بتضحكوا علي ايه صوتكم جايب لاخر الشركه ضحكوني معاكم
يوسف بضحك.. لا مفيش انا مروح اي خدمات قبل ما امشي
شيرين.. ميرسي يا يوسف سلام
يخرج يوسف من الشركه وهو سعيد بقربه من شيرين
علاء.. مش هتخفي هزار معاه شويه انا دمي بيتحرق وانتم بتتكلموا كمان واقفه تهزرى
شيرين... انا مش عارفه انت بتفكر ازاي اومال لو مكنتش عارف انا ماشيه نتقابل بالليل سلام
علاء.. استني يا شيرين انا هعدي عليكي بالليل نروح سوي
شيرين... مش هينفع يا علاء خليني براحتي لو سمحت
علاء.. اسمعي الكلام احسن انا علي اخرى وممكن ابوظلك كل حاجه
شيرين... اووووف خلاص موافقه يلا سلام
يارا... ايه الهنا ده الاستاذه شيرين في مكتبي
شيرين... بالله عليكي انا مش ناقصه يلا تعالي نقعد في اي مكان نتكلم والا اقولك تعالي اروحك ونتكلم في الطريق عشان عندي سهره بالليل
يارا.... سهره مع مين
شيرين... يلا ننزل وهحكي لك كل حاجه
في سياره شيرين
شيرين.. ده كل اللي حصل ودلوقتي مش عارفه اتعامل مع علاء مضطره اوافق على اي حاجه يقولها لحد ما انفذ كل اللي خططت ليه من يوم وفاه عمريارا... ايه اللي قولتيه ده يا شيرين انا مش قادره اصدق انك تفكري كده تار ايه اللي عايزه تاخديه من يوسف انت اساسا متاكده انه هو اللي عمل كده
شيرين... يووووه هوانا كل ما اقول لحد يقولي متاكده انه ق-تل عمر ايوه متاكده انه هو اللي قتله عشان احسن منه عمر كان انسان ناجح وهو حقد على نجاحه ده انت يا يارا عارفه كل اللي عمله عشان يخلي عمر يخسر شغله ولما خططه كلها باظت ق-تل-ه وقتلني يوسف ق-تلن-ي انا كمان ق-تل فرحتي وكسر قلبي انا تعبت تعبت
يارا... خلاص يا حبيبتي اهدي عشان خاطري انا اسفه انا مقولتش بلاش تنتقمي بس حاولي تخلي الانتقام ده انك تجيبي دليل ياكد شكوكك ويحقق العداله وياخد جزائه
شيرين... معاكي حق ممكن اعمل كده بس مش هيطفي الن-ار اللي جوايا بس اوعدك هفكر في كلامك
يارا.... وصلنا انا مش عايزه انزل واسيبك كده هفضل قلقانه عليكي
شيرين... متقلقيش يا حبيبتي انا هفكر في كلامك واوعدك هحاول انفذه
--------------------------------------------
عمار... ايه يابني احنا جينا بدرى والا ايه مفيش حد جه غيرنا
يوسف... لا مصطفى هناك اهو بيشاور تعالي نروح له
مصطفي.... اهلا وسهلا بالبشوات نورتوا ا
يوسف... اهلا بيك اومال هي شيرين لسه موصلتش
مصطفي... لا لسه والبشمهندس علاء كمان لسه مجاش بس تلاقيهم علي وصول
عمار... اوبااااا قابل يا معلم مش بقولك علاء عينه عليها اهم جايين سوي واخر مزاج
يوسف.......
شيرين.. مساء الخير اسفين علي التاخير
علاء... التاخير غصب عننا والله العربيه وقفت في الطريق
مصطفى... والا يهمك يا بشمهندس منوره يا استاذه شيربن منورين يا جماعه
شيرين... ميرسي جدا ازيك يا بشمهندس عمار محضرتش الاجتماع النهارده ليه
عمار. ده من سوء حظي بس كان في شغل مهم في الشركه مينفعش انا ويوسف نبقي مش موجودين
شيرين... اكيد طبعا في حاجه يا بشمهندس يوسف مش بتتكلم ليه شكلك مضايق
يوسف... لا ابدا هضايق ليه ده حتي المكان حلو جدا
مصطفي... نطلب العشا دلوقتي
يوسف... اه ياريت عشان عندي ميعاد بعد العشا
شيرين.تميل ناحيه يوسف تتحدث بهمس
ميعاد ايه بعد العشا مش بقولك شكلك مضايق في ايه يا يوسف
يوسف.. حقيقي مش عارفه في ايه
شيرين.. ايوه مش عارفه
يوسف... لما قولتلك نجي مع بعض رفضتي وقولتي عشان الناس وابص الاقيكي جايه مع علاء ده عادي
شبرين... اكيد عادي علاء ابن عم عمر الله يرحمه وكمان شريك في الشركه اكيد الناس عارفين اننا قرايب
علاء... مش كفايه وشوشه الاكل وصل اتفضلوا كلوا
--------------------------------------------
ايمان.... وبعدين معاك يا عزت ياترى مخبي عني ايه حسه انك مخبي حاجه هي السبب في اللي انت فيه ده
عزت..... يييوووسف برئ م ماقتلش عووومر
ايمان.... بتقول ايه يا عزت انا مش فاهمه حاجه تقصد يوسف المتهم في قضيه عمر انت عارف مين ق-ت-ل ابننا يا عزت
عزت... ش----يرين عاااايز شيرين
ايمان... خلاص اهدي شيرين هتبات هنا النهارده لو اتاخرت هتصل بيها
--------------------------------------------
شيرين... فعلا المكان هنا تحفه والموسيقي تجنن ميرسي علي المكان الحلو ده يا استاذ مصطفى
مصطفي.. المكان حلو بيكم يا استاذه
شيرين... ميرسي
يوسف... تسمحيلي بالرقصه دي يا شيرين
شيرين.... لا ارقص ايه مش بعرف ارقص سورى مش هقدر
يوسف... بجد هزعل الرقصه دي وبس ممكن
علاء... جرى ايه يا يوسف ما قالتلك مش عايزه هو غصب
يوسف... انت مالك هو انت ولي امرها
شيرين... خلاص يا علاء انا عايزه ارقص اتفضل يا بشمهندس
يسحب يوسف ايد شيرين تحت نظرات كل الموجودين ويصلوا الي المكان المخصص للرقص
يوسف... انت ليه خايفه مني خايفه تقربي
شيرين.... انا مش خايفه هخاف منك ليه انا بتكلم في اصول
يوسف... ايوه خايفه تقربي خايفه تحبيني زي ما حبيتك مستغربه ليه يا شيرين ايوه انا بحبك من اول مره شوفتك في النادي حاجه شدتني ليكي طول عمرى بسمع عن الحب من اول نظره بس مكنتش اتخيل اني اقع في حبك بالسرعه دي ساكته ليه
شيرين...........
يوسف.... شيرين انا بحبك
يعلن هاتف شيرين عن اتصال
شيرين..... ثواني هرد علي الفون
تخرج خارج المكان ويتبعها يوسف
شيرين... الووووو ايوه يا ماما اهدي مش فاهمه حاجه ايه ده انا جايه حالا مش هتاخر
انا لازم امشي حالا يا يوسف
يتبع
ياترى حصل ايه لعزت وياترى عايز يقول لشيرين ايه
وياترى ايه رد فعل شيرين بعد اللي قاله يوسف
ده اللي هنعرفه البارت الجاي
عايزه رايكم وكمان توقعات للاحداث عشان اعرف لسه
مركزين والا توهتوا مني 😂