رواية احببت قاتلي الفصل الرابع عشر14 بقلم مني الصاوي
يارا... يا حبيبتي انسي الانتقام يوسف انسان كويس صارحيه بكل حاجه ولو عنده دليل براءته وافقي اتجوزيه يا شيرين وعيشي حياتك
شيرين... انت اللي بتقولي كده يا يارا انت عشتي معايا كل اللي حصل وشوفتي انا عنيت قد ايه ولسه بعاني انا كنت اسعد وحده في الدنيا فجأه اسودت بعد ما قولت ربنا عوضي سنين اليتم والبهدله ولقيت حب عمرى تفتكرى انا مبسوطه وسنين عمرى بتمر في الانتقام انا تعبت يا يارا تعبت تعبت
يارا... انا اسفه خلاص اهدي يا روحي اهدي خلاص مش هزعلك تاني يلا ننام كفايه نكد كده انت ما بتصدقي
شيرين... انت السبب بتعكنني عليا عشان في بيتكم
يارا.... بقي كده طب يلا ننام عشان متهورش☺️
____________________________
بعد مرور اسبوع في شركه الالفي
يوسف... وبعدين يا شيرين بقالك اسبوع مغلباني وراكي وافقي خليني اروح اطلبك من عمك مش هو ولي امرك
شيرين... يا يوسف قولتلك ادبني فرصه اكلم عمي عزت الراجل تعبان مش عايزه ازعله هما بيحبوني مش عايزه ازعلهم كمان سيبين الشركه ونصيبهم فيها تحت تصرفي
يوسف... وانت عامله اللي عليكي وزياده شويه الشركه معاكي بقت احسن من لما كان عمر بيديرها
شيرين... لا عمر حاجه تانيه
يوسف... لسه يا شيرين لسه فكراه وبتحبيه عمر مات لازم تفهمي انه مش هيرجع تاني
شيرين.... يوسف لو سمحت كفايه مش معني اني موافقه نرتبط يبقي نسيت عمر
يوسف.... امال وافقتي ليه لما انت مش بتحبيني ولسه بتحبيه فكرى براحنك يا شيرين انا مش هسالك تاني
شيرين... يوسف يوسف
يوسف.............
__________________________
يوسف يخرج من مكتب شيرين غاضب يجد عمران
يوسف..... بتعمل ايه هنا
عمران.... مفيش في شويه اوراق عايز اراجعهم مع الحسابات انت مالك كده الشرر طالع من عينك
يوسف.... مفيش
عمران.... عليا برضو قول حصل ايه مش كنتوا كويسين
يوسف.... لسه بتفكر في سي عمر لسه بتحبه عشان تعرف انه كان يستاهل القت*ل
عمار...... يخربيتك ايه اللي بتقوله ده هتودينا في داهيه يلا بينا هوصلك لحد عربيتك نتكلم هناك وارجع انا اشوف موضوع الحسابات دي
يأخذ عمار يوسف وينزلوا بالمصعد للاسفل وتظهر شيرين تبكي وتذهب إلى مكتب يارا
شيرين.... يارا ممكن نتكلم
يارا... طبعا يا حبيبتي مالك منهاره كده ليه
شيرين..... اتاكدت يا يارا ان يوسف هو اللى قت*ل عمر سمعته بودني بيقول لعمار علشان تعرف ان عمر كان يستاهل القتل كان عندي وزعل خرجت وراه لقيته بيكلم عمار وبيقوله الكلام ده
يارا..... اهدي يا حبيبتي يمكن كلامه مش تاكيد للي بتقوليه
شيرين.... انت لسه بتدافعي عنه
شخص يدق باب مكتب يارا
يارا..... ادخل
عمار.... مساء الخير ازيكم
يارا...... اتفضل يا بشمهندس
عمار.... مالك يا شيرين في حاجه
شيرين.... لا ابدا في حاجه انت جاي ليه
عمار.... هو كل اللي يشوفني يقولي جاي ليه في استفسرات عايز افهمها بخصوص الحسابات
شبرين.... اوكي انا في مكتبي يا يارا لما تخلصي نروح سوي
يارا..... تمام هخلص مع البشمهندس واجيلك
عمار بعد خروج شيرين.. ايه يا قمر مالها شيرين بتعيط ليه
يارا.... وانت مالك فين الاوراق اللي قولت عليها وريني عايز ايه
عمار.... يادي النيله علي عايز ايه هو انتوا مش مصدقين اني جاي في شعل
تضحك يارا.... خلاص خلاص مصدقين يلا نشوف الشغل
عمار.... يخربيت ضحكتك ايه القمر ده هو ينفع قبل الشغل اسالك سؤال شخصي شويه
يارا.... هو المفروض الكلام يبقي تبع الشغل بس مش مشكله انت زميل
عمار.... زميل ماشي خلينا ماشين خطوه خطوه يمكن نوصل
يارا.... تقصد ايه بتوصل دي
عمار.... والا حاجه خلينا في السوال انت مرتيطه
يارا.... لا مش مرتبطه
عمار.... كويس بس مين اللي كلن بيوصلك بعربيته اسمه احمد تقريباً
يارا.... ده احمد اخويه ظابط في الجيش وبينزل اجازات كل فتره وكان لسه نازل اجازه
عمار.... بجد ازاي مجاش في بالي انه اخوكي
يارا.... كده خلاص جاوبت علي السؤال في حاجه تانيه بس قولي انت فرحان كده ليه
عمار.... هااا لا مفيش يلا نراجع الحسابات
يارا.... تمام وريني كده انا متاكده ان كل حاجه مظبوطه
______نروح عند شيرين ____
شيرين تتحدث مع نفسها انا مش هستني اكتر من كده لازم انفذ وباي طريقه تمسك هاتفها وتتصل برقم يوسف
الووووو يوسف انا مواققه تيجي تطلبني من عمي بكرهيوسف..... بجد يا شيرين انا مش مصدق نفسي هروح اجهز كل حاجه وهكلم ماما وبابا عشان يشوفوا الميعاد هيناسبهم والا ايه
شيرين.... تمام يا يوسف هستناك بكره الساعه تسعه العنوان هو......
____________________________
داخل مستشفى كبيره من المشافي الاستثماريه
ايمان.... هقولك ايه يا بنتي من حقك تتجوزي انت لسه صغيره وعمر خلاص مش هيرجع تاني واكيد لو شايفنا دلوقتي كان هيتمني لك السعادة كان بيحبك اوي يا شيرين كان روحه فيكي
شيرين.... لو سمحتي يا ماما بلاش تعيطي صدقيني انا مضطره غصب عني اني اوافق بكره تعرفي كل حاجه
ايمان.... حبيبتي مين غصبك فهميني يا شيرين انت دلوقتي بنتي ومالناش غيرك
شيرين... متقلقيش عليا يا ماما هفهمك كل حاجه بس مش دلوقتي عايزه اعرف هتعرفي عمي بالكلام ده والا لا
ايمان..... مش ضروري يعرف دلوقتي الدكتور بيقول انه بيتحسن مش عايزين ينتكس تاني
شيرين.... اللي تشوفيه حضرتك انا هروح بيت عمي عشان اعرفهم ميعاد يوسف واهله
ايمان.... ربنا يسعدك يا بنتي مع السلامه
___________________________
في منزل عم شيرين
صفيه.... بجد يا شيرين فرحتي قلبي يا حبيبتي
عم شيرين.... استني يا صفيه خلينا نفهم مين العريس وايه التغير المفاجأ ده
شيرين...... مش كنتوا عايزيني اتجوز خلاص هتجوز ومين ده مهندس شركنا في مشروع خاص بالشركه
صفيه.... الف مبروك يا حبيبتي لولوووووي
شيرين.... لا يا ماما بلاش تزغىطي والا تعملي حاجه
صفيه... ليه يا بنتي كده مش عايزانا نفرح ده احنا معندناش غيرك يا قلبي
شيرين... افرحي يا حبيبتي بس لما نتفق والا ايه يا عمي
العم.... شيرين معاها حق يا صفيه لسه محصلش حاجه علشان تزغرطي بس انا حاسس بفرحتك دي بس الصبر وهنفرح كلنا
____________________________
في اليوم التالي يحضر يوسف ومعه اهله وعمار صديقه
عم شيرين.... اتفضلوا نورتوا اهلا وسهلا
والد يوسف.... الشرف لينا يا حاج
صفيه.... اهلا يا حبيبتي اتفضلي
ام يوسف... اهلا بيكي حبيبتي امال فين عروستنا
صفيه... اتفضلوا ارتاحوا وهنده لها حالا
تدخل صفيه غرفه شيرين
صفيه.... يلا يا بنات الناس عايزين يتعرفواعليكي يا شيرين
شيرين.... حاضر يا ماما كده شكلي حلو
يارا.... زي القمر يا حبيبتي بس اهدي كده الفرحه بيبنه عليكي الناس هتاخد بالها
شيرين.... مش هرد عليكي دلوقتي حسابنا بالليل يلا تعالي معابا
يارا.... لا اتكسف معلش روحي انت
شيرين.... تمام هخرج وشويه وتعالي ورايه احسن هدخل اجيبك
يارا... خلاص تمام
تدخل شيرين عليهم... مساء الخير
الجميع... مساء الخير
ام يوسف... بسم الله ماشاء الله قمر يا يوسف عرفت تختار
شيرين... ميرسي يا طنط
والد يوسف.... اهلا بعروستنا
تسلم علي يوسف وعمار
والد يوسف... بص يا حاج احنا دلوقتي في عصر السرعه والولاد متفاهمين علي كل حاجه يعني وجودنا هنا شكليات عشان كده نقرا الفاتحه وهما يتفقوا علي كل حاجه
عم شيرين... والله معاك حق نقرا الفاتحه
شيرين... ثواني بس اختي وصديقتي لازم تكون موجوده تعالي يا يارا
يقف عمار مبتسم... انا عايز اتجوز يا يوسف
ابو يوسف... نقرا الفاتحه
يقف عمار بجوار يارا ويقول بصوت منخفض تقبلي تتجوزيني
يارا تنظر له بذهول وترد بدون تردد موافقه