رواية بين زوجتين الفصل الاول1بقلم رويدا راشد
يزن: خيرك انتى شن تحسي بالزبط معقولة وين ماتمشي تخلقي في مشكله من يومك متعت نكد.
صفاء: شن اما وحدة عجباتك باش دافع عليهم الحقيرة للي قتلي مدام ولا الثانيه تبي نتفجر عليهم وهما يتمايعو ونضحك.
يزن: سكريه النقاش هذا توا نوصلوا للحوش
ونتفاهموا بروحنا البنات يسمعوا فيك ولا ،لازم يعرفوا انه امهم ناقصة عقل.
صفاء: هذا للي هامك بناتك يعرفوا حقيقة
بوهم النسونجي للي عيونه زايغة.
يزن:😠 صفاء اعرفي شن طلعي من فمك راك زودتيها هلبا،مش كان ساكت معناها خلاص.
صفاء: حرة بنقول للي يعجبني ماتبيش تسمع كلامي سكروذانك ولا مقيولة كلام الحق وجاع.
الطريق كلها ويزن معصب من صفاء رغم انها متعلمة لكن تصرفاتها تصرفات انسانة جاهلة والشك مايكونش غير عند انسانة تحس بالنقص.
يزن خريج علوم سياسية لكن عنده سوبر ماركت كبير يصرف منه وفايت عمل الدولة يعني بالعامية راجل خدام .
صفاء خريجة قانون لكن ماتخدمش لانه في قانون يزن ممنوع مرته تخدم وهيا راضية بي الموضوع هيا م90 طويله وبيضاء وبصفة عامة تعتبر حلوة، لكن رغم جمالها تحس بالنقص وشكاكة .
صفاء: انزل شن قاعد في السيارة 😒 ولا دور في سبله باش تطلع من الحوش، ولا عندك مكالمة ماتبش اديرها في الحوش.
يزن: انزلي انتي والبنات وخليك ساكته خير مش وقتك ومن امتا متعلم ناخد في الإذن منك باش نطلع والله من حقي نتكلم وانا واخد وحدة نفاخة زيك.
صفاء: هيا مرح فرح هيا تعالي يقين انزلوا حبيباتي هذا الكلام معاه زايد.
مرح: حولي انت المهم ديري مشكله مع بابا باش يطلع واحنا يطول علينا باش نشوفوه انا مليت.
يزن: لا يابابا مافي شئ حبي نمشي نشوف السوق ونجيبلكم معاي شبسي وشكلاطه وللي تبوه كله هو انا نقدر نطول عليكم.
مرح: نحبك يابابا.
ونزلوا البنات .
يزن : من بكرى نقولك اسكتي توا البنات يفهموا عاجبك للي صار توا ، شن صنفك بس نبي نفهم.
صفاء: مصيرهم بيعرفوا بوهم اليوم ولا غدوا علاش بنقعد ندس ونحرق في دمي.
طلع يزن طول لسوق كسد جنب محمد صاحبه وهو يفكر في تصرفات صفاء للي كل مرة تولي احرف من قبل.
محمد: او معلم شن امورك شكله طلعة متكمة واظح من ملامح وجهك 🤣
يزن:ناقصك غير انت ماهو متكمه هلبا لين فايت فيها....
محمد: شن صار معاك احكي والله من بكري نستنى فيك باش نعرف شن صارمعاك لانه نظامكم تقول فيلم كل مشهد قصة مختلفة.
يزن: صار فيا ماصاير في الكلاب حشاك وضع يكسر الرقبة.
محمد: شن قصتها مرتك هاذي اعرضها ع دكتورة نفسيه ديرلها اي لقطة راهو النكد يقصر العمر.
يزن: والله اللقطة هيا للي درتهالي اليوم في السوق خلتني نولي زي الكمشه قدام الناس تقول مصريه تلعلع ع طول صوتها يسمع فيه الشارع كله ماهي فايتة مرور الكرام.
محمد:هههه😂 يامسكين حليلي وليدي طلع يعاني وانا للي نحسابك مرتاح ،شن جابرك ماتربي المرأة غير المرأة.
يزن:😁 انا غلباااااان المهم توا خلي نحكيلك شن صاير، وفوته انا غير نقدر للي عندي نمشي نجيب نكد ثاني.
محمد: اجقيني قال المصري 😁.
يزن: رفعتها لمحل فيه عنصر نسائي وملابس راقيه ع اساس درت لقطة وحركات.
محمد: باهي وشن المطلوب منك اكثر من هكي دلع ولا تبي تمشي ع كفوف ايديك.
يزن: توا ايجيك الكلام اصبر توا تفهم مني في البدايه قتلي انت تبي تشوف البنات، يعني خلاص تموا البنات معاش فيه الا في المحل.
محمد: خيرها غبيه هكي متأكد شهادتها مزبوطه بالك مزورة نحس فيها شاريتها.
يزن:للي قاهرني بي ختمة الجودة 😂🤣 وممتاز فوقها المهم خشت الناس يشوفوا في لبسها راقي يحسابوا حتى تصرفتها راقيه .
محمد: لدرجة هاذي راقيلك منها اول مرة تتكلم عليها هكي يايزن في امور بسيطة وممكن تنحل.
يزن: ماهو ننصح فيها وهيا تسكر في رأسها ماتحسابش مانبيش حد يهزا عليها المهم خشت قتلها البنت للي في المحل تفضلي يامدام وقالت بلي رأسك نلحقه كيف تقولها مدام.
محمد: قصدك هذا علاش دارتلك المشكلة.
يزن:ايه هذا هوا السبب وفوقها هزبتهم وطلعت قدام المحل درات العار وبدت تعيط جو للي يشوفها يقول هاذي شامخة تمت.
محمد:🤔 باهي تعرفه انت المحل وين بزبط
والبنات للي دارات معاهم صفاء المشكله ولا نسيته.
يزن: ايه نعرفه علاش فيه حاجة توا نحكي يمين وانت تحكي يسار.
محمد: برا انت وتأسف منهم وقولهم أي كذبه تتوحم أي موضوع المهم لفها في جواها.
يزن: تعرف لو تسمع بيك بنت عمتك تولع فيك النار 😂 منين طلعت بيها الفكرة هاذي مولي رومنسي بسلامتك.
محمد: من رأسي منين طبعا بنمشي معاك باش نسايرك في الطريق وبالك نلقى نصيبي.
يزن:😏 ضروري تمشي معاي والله متحشم بالك يهزبوني نصيب شن عيلة الغباء طلع وراثة.
محمد: عادي حتى كان هزبوك مرتك مسحت بي كرامتهم الأرض لازم تدفع ضريبة تلقيح مرتك ياغالي وللي يغلط يخلص.
يزن: صفاء تغيرت ع قبل هلبا تقول مش هيا صفاء للي كنت نحبها تقول انسانة مكلوبة.
محمد: ربي يصبرك ولو زاد الموضوع برا تزوج وحدة ثانية وربي هذا حلك.
يزن: قداش ماانت واحد مريض صارلك زي بيكحلها زاد عمها😁 نوض روح نوض.
وطلعوا مع بعض باش يمشوا للمحل وفي المحل .
حواء: جاهلة متخلفة والله لو زادت تكلمت راني نقزت عليها وريشتها شن تحساب روحها هاذي.
وفاء: بالله عليك فوتيه الموضوع يكفي انه راجلها تحشم وراني مش خاطري نتفكره.
حواء: تم وصلني حقي ردلي اعتباري كان تحشم قليل أدب زيها كانه راجل راهو كف اقلبلها بيه وجها...مش ساكت.
وفاء:😂 خيرك ع العنف اليوم معقولة هكي تقولي كأنك مش صاحبتي شن فيك.
حواء: هذا الحق في نوع من النساوين مفروض حرام تتطلع برا الحوش لانها متعت فضايح.
وهما قاعدين يتكلموا لين وصل يزن قدام باب المحل.
وفاء: خيره الراجل هذا شن جاي يبي يكمل
للي دارته مرته معانا ولا كيف.
حواء: ماهو قتلك ياغبيه زيه زي مرته مافيش فرق بينهم.
يزن: السلام عليكم ممكن ندخل المحل ولو فيه إحراج عادي مافيش مشكلة.
وفاء:☺ لالا عادي تقدر تتفضل مافيش زبائن .
محمد: مشالله فعلا محل راقي كيف ماوصفته.
حواء: تفضل لو عجباتك حاجة مافيش مشكله نتشرفوا بيكم.
طبعا وفاء م91 خريجة علم نفس ولانها ماحصلتش عمل في الدولة خدمت في المحل قمحيه عيونها كبار بالمجمل حلوة غير ع الأسمر.
يزن: انا آسف ع أي غلط طلع من مرتي في حقكم وامسحوها في وجهي.
محمد: ايه والله ياريت تعذروها مسكينه تتوحم 🤰🏻يعلم الله بحالها.
حواء: بلاش منه الحمل للي هكي الناس مش مجبورة تتحمل عصبيتها وللي مش قادرة تسكت تشد الحوش.
محمد: انا نعرف كلامك مزبوط لكن هذا للي صار توا معليشي ممكن نعرف اسمك .
حواء: انا اسمي حواء وهاذي صاحبتي وفاء.
محمد: عاشت الأسامي وانا اسمي محمد وهذا صاحبي يزن.
وفاء: عاشت الآسامي.
وتأسف منهم يزن وهما قبلو الأسف ومحمد طلع فالح اخد رقم المحل .
يزن: حشمتني شن علاش طالب رقم المحل جايين باش نتأسفوا مش نعاكسوا راك درتها عربية.
محمد: انت جاي تتأسف اما انا من الأخير جاي نعاكس وبعدين شن نتأسفوا متعك الحمدلله انت متزوج وتصلح في غلط مرتك
اما انا حر مافيش من يقيدني لكن وفاء وله 🤤 صاروخ حسيت بنلقى نصيبي اصلا.
يزن: استغفر الله مستحيل تتغير انت يافرخ مهما يصير، معاش تلحقني عيلة فضايح.
محمد: نزلني في السوق خلي نعبئ عيوني بالناس العسل للي تخش وتطلع فيه اه قلبي الصغير لايتحمل.
يزن: تمام انا بنزلك اصلا بنمشي نصالح صفاء مانبيش البنات يتحسسوا واهو مصيري مروح وبنشوف وجهها.
محمد: والله قلبك طيب كان انا نعطيها طريحت نباش القبور ونرفعها لبوها يربيها.
يزن: انت عارف صفاء يتيمه وماعندها حد غيري مانبيش نخسرها ونضيع بناتي.
محمد: شكلها موكلاتك بسبوسة جلاكسي يامعلم بيد ميت.
يزن:😂🤣 والله خاطري فيها توا شكلي بنروح نقولها طيبها.
جاء يزن مروح جاب معاه عطر أولومبيا 😍
وكان ناوي يرضيها ويسكر الموضوع.
صفاء: لابسه بيجامة نوم قماشتها حرير وقايمه شعرها فوق ومن كثر هوا ناعم في شعرات نازلات من الجنب.
يزن: جاء حضنها من وهيا واقفة قدام المرايا لو ديما بتزيدي جمال بعد تعصبي ديما نبيك تعصبي طالعه عسل 🤤.
صفاء: ابعد عليا غادي لاعسل ولابصل راني راقيلي منك 😤 تحساب نسيت للي درته.
يزن: صفاء حبيبي افهميني شويا راني معاك مش ضدك مانبيش حد يقول مرت يزن ماعندهاش أسلوب.
صفاء: توا هكي وليت تشوف فيا بلا أسلوب
مليت انا نحي ايديك وابعد عليا وهما للي عندهم اسلوب مثلا.
يزن: ماتبيش تشوفي شن جبتلك معاي من برا العطر للي انتي تحبيه.
صفاء: دفت يزن بالقوة وخدت العطر وحذفاته ع طول يدها ع الحيط تحسابني بيبي باش ترضيني بعطر.
يزن: خيرك ياروحي نرضيك باش تحبي لكن انا مش غالط صفاء وفوقها جاي نرضي فيك.
صفاء: اما وحدة عجباتك فيهم باش هزبتني قدامهم هكي قول.
يزن: انا امتا هزبتك حرام عليك انا فوق ماعيطتي انا للي جيت نرضي فيك وتقولي هكي.
صفاء: من الاخير مش خاطري في الكلام معاك فوتني .
يزن: شن هيا ولت هكي قصدك تمام كان مازال جيت شورك تعالي حاسبيني.
صفاء: سبله عاد جاتك لعندك شن تبي اكثر من هكي برا قولها هزبتها.
يزن طبعا امشى لي دار بناته ورقد معاهم وتجاهلها خليها تعيط بروحها.
ومر أسبوع وهما ع نفس الوضع هوا في مكان وهيا في مكان.
صفاء عيبها مغرورة وكانت تتوقع انه يزن مستحيل يفكر ولا يشوف غيرها.
وبعد للي صار مر أسبوع كامل وصفاء ويزن كل واحد فيهم يرقد في مكان.
محمد:📱ألو هيا فيق وينك شكله راقد في العسل يامعلم.
يزن:😒 بنت عمتك من يوم جتني نسيته طعمت العسل لكن بصل ممكن.
محمد: ايه هوا ديما الرجالة هكي ياكلوا الغله ويسبو المله والبنات الثلاثة من وين جبتهم
كان مش عايش في العسل😏.
يزن: من عوامل الطبيعة جبتهم حتى الحيوانات لما تعيش مع بعض تتكاثر 😂.
محمد: باهي المهم تعالى لسوق ع السريع عندي ماندير مانبيش نقعد نستنى فيك .
يزن: علاش انت وين تبي تمشي باش فايق بكرى هكي تقول بايت تحلم 😴 تخلع فيا انت مرات تقول مرتي الثانية.
محمد: تعالى بالك تمشي معايا للمشوار متعي.
صفاء:🚪 مرح حبيبتي هيا فيقي انتى وخواتك كان بتفطري.
مرح:صباح الحير بابا 😚.
يزن: انتم احلى صبح شفته في حياتي .
طلع يزن وخش لدوش دوش وطلع لابس روب الحمام .
صفاء: خود ملابسك واطلع ألبس برا انا نبي نغير في الدار.
يزن: مش مجبور نطلع 😠 يكفي أسبوع تقول خانب مخليك ع راحتك تقول انت الراجل وانا المرأة.
صفاء:شن قصدك قتلك بعد للي درته ماتفكرش انك تخش داري بكل😤.
يزن: ومن قلك جاي باش نفتح معاك الموضوع اهو جاي بنغير وبنطلع ولا بالك تبيني نغير دولاب الملابس ع خاطرك 😏.
صفاء: اعوذ بالله منك اقعد في امها الدار لين تعشش نفخ ع الصبح😡.
يزن: مازال خليك هكي انتى شن شفتي منه النفخ والله نعتبر قاعد نساير فيك.
صفاء: غير كان تفهمني وين تبي توصل بالشئ للي دير فيه 🙄.
يزن:شدها من يدها بقوة 😠 اعرفي كيف تتكلمي معايا انا مش البنات للي هزبتيهم
وسكتوا انا يزن.
صفاء: مشالله قصدك انت قاعد تذكر فيهم
كويس هلبا معناها توا اصبر باش تشوف شن ندير انا.
يزن:🙄 مسكينة انت نعامل فيك زي البشر لكن انتي باين عليك من فصيلة الحيوانات .
صفاء😳 مصدومة من كلام يزن معاها مش هكي معودها .
طلع يزن وخليها تفكر في كلامه وامشى
طول لسوق .
محمد:اوه طارح بي الدينار كله شن فيه عندك موعد شكله 🤣.
يزن: مش قلت عندك مشوار وتبيني نمشي معاك قلت خلي نلبس 😁.
محمد: اوف انت طالع سلطان شويه بس خلي نمييز رائحة العطر للي حاطه .
يزن: كان عرفته اليوم نعطيك السيارة تهيج بيها لعند الليل🌚.
محمد: اوه عرض مغري الحق اصبر خلي نفتح الخياشيم باش نعرف .
يزن:بسرعه الوقت يفوت راهو بنغير رأي 😒.
محمد: عرفتها ياداره الكبد بلاك ابيوم هيا والله هيا 😜.
يزن: هاك المفتاح هيا حق وانت زي القط راهي تفوتك حاجة.
محمد: هيا اركب معايا يامعلم متفاهمين انه بنمشوا مع بعض.
يزن: نركب عادي لكن مش لازم نعرف وين رافعني .
محمد:خيرك مستعجل توا تعرف في الطريق
اكيد مش رح نرفعك وعيونك مغمضات.
ركب يزن ومحمد وطلعوا في السيارة وفي الطريق .
يزن: شكلك ماشي لمحل الملابس هكي نقول كان مش غالط.
محمد:ايه بناخد لولد ملك ملابس قداش ليا نوعد فيه ونفوت فيه .
يزن:😏 صدقتك منين جاك الحن هذا كله غريبه مش من طبعك .
محمد:🤐 خيط فمك بس راك تتكلم قدامها هكي قيم بيا القدر.
يزن:اما وحدة خدت عقلك القصيرة والثانيه للي عطاتك الرقم.
محمد:🤨 علاش توا للي عجبتني تشوفها خليها مفجأة.
يزن: كلام في الشور تبيها و تم معاها ولا غير تضيع وقت وخلاص 🙄.
محمد:ادعيلي ربي يهديني ونكمل معاها هيا وبس .
وعند صفاء للي كانت تتوقع انه يزن يخون فيها .
صفاء: الو آلاء انتى وين توا.
آلاء: مش بعيدة قريبه عليك خيرك في حاجة .
صفاء: لالا . مافي شئ غير نبيك ترفعيني لمحل ... عرفتيه.
آلاء: ايه عرفته محل راقي والبنات للي يخدموا فيه زي العسل يهبلوا.
صفاء: مانبيش توا نزيد نعصب تعالي تلقيني
نستنى فيك .
سكرت من آلاء وطول اتصلت بي ام يزن .
صفاء: الو إلاي عادي تخلي البنات معاك شويه .
خيريه: عادي لكن انشالله خير صاير شئ وانا ماعنديش علم.
صفاء:لا مافي شئ غير واخدة ملابس للبنات وبنمشي نرجعهم توا.
خيريه: اه تمام خمسة دقايق ونكون عندك .
صفاء: صحيتي إلاي مش عارفه لولاك شن يصير فيا.
محمد: شويه خلي نوقف بناخدلها بوكيه ورد عيب نمشي يدي فاضيه.
يزن:😏 شكلك ماشي بتخطب شن ورد وانت ماشي بتشري ملابس ومروح.
محمد:شن فهمك انت في الإتيكيت والجو اهو .
يزن: ربي يفوت اليوم ع خير 😏 للي صاير هذا يخوف فيا نحس فيك في اللحظات الأخيرة اكتب وصيتك .
محمد: والله ماتتحشم نسيت انت يما رفعت ورد وشكلاطة وهواتف ولبس وحالتك حاله
يامسكين.
يزن: في الأخير تزوجتها المهم ماراحش للي درته ع الفاضي.
وصلت آلاء لي صفاء وطلعوا طول للمحل .
آلاء:خيرك لو صاير معاك شئ قولي علاش تقعدي تتصرفي هكي .
صفاء: شن بنقولك يزن يخون فيا مع وحدة من الكلبات للي في المحل .
آلاء:😳 شن هبلتي انتى كلنا نعرفوا يزن قداش يحبك ويموت فيك بلا وهم زايد.
صفاء: كان يحبني لكن توا معاش طايق حتى يشوف وجهي قدامه.
آلاء: تعوذي من الشيطان ونحي السواس هذا من رأسك .
صفاء: راجلي ونعرفه وشن خاسرة انا الميه تكذب الغطاس .
آلاء: ولو طلعتي غالطه بعدين كيف اديري مع يزن.
صفاء: لو طلعت غالطة نتأسف منه ومنهم ولو طلع معايا الحق يستنى مني للي مايخطرش في باله .
وعند محمد ويزن كيف وصلوا للمحل .
محمد: هيا انزل معايا انت ذوقك حلو باش تختارلي.
يزن: لالا بالك نسببوا إحراج للبنات خليني في السيارة .
محمد: انزل ياراجل انا متفاهم معاها وعارفه اني جاي شن تحكي انت .
نزلوا وصل محمد باب 🚪 المحل اوف نسيت الورد بالله يامعلم بلا صغره تجيبهولي
من السيارة.
يزن: غير ايصير منك عادي نجيبلك علاش لا وسبحان الله احيانا بعض المواقف تكون بالصدفة وللي يشوفها يتوقعها مقصودة.
رجع يزن لسيارة وجاب معاه بوكيه الورد وفي اللحظة هاذي وصلت صفاء وآلاء .
صفاء:😱 شوفي بعيونك قتلك يخون فيا ورد وجو مليح انا كنت حاسة اصلا.
آلاء: راك تفكري تنزلي اقعدي هنيا وصوريه فيديو ولما يروح اقلبيها ع رأسه.
صفاء: تحسابي مازال نقدر نشد الهاتف انا نرعش كلي مجنونة .
آلاء: هاتي انا نصوره لين انتى تكمل رعشتك 😤 الحقير الخاين اهو.
محمد: كيف حالك ليك وحشه.
حواء:وفاء حبي نتعبك تطلعي تاخدي من يزن الورد شكله متعقد .
وفاء: تمام ياقاعدي شغالة.
طلعت وفاء خدت الورد من يزن ودخل معاها للمحل لبسها تهمة هوا وفاء.
محمد: خيرك ياراجل ارخري روحك تقول
خاش لي مقبره .
يزن: لالا مافيا شئ غير مانبيش يخشوا زبائن ويلقونا هنيا.
وفاء: حق هذا حتى انا للي خايفه منه يخش حد ويفهم الموضوع غلط.
يزن: بالله لمن تحكي 😒 هما منسجمين يهدرزو وجوهم مليح واحتمال كبير انسونا
انا موجودين .
وفاء:😊 والله حق المهم بندير قهوة لو تحب نحسبك معايا.
يزن: ايه ياريت تحسبيني لانه رأسي مصدع هلبا وياريت تكون سادة .
وفاء: اصلا انا نشرب فيها سادة من غير سكر.
صفاء: روحي بيا معاش نبي نشوف للي شفته كافيني.
آلاء: خليك قويه مش لازم يعرف انك منهارة
ابكي بروحك راك تنزلي دمعة قدامه .
روحت صفاء للحوش وهيا منهارة مش مصدقه انه يزن يخون فيها.
ورغم انه يزن متوتر لكن انسجم في الكلام مع وفاء وطبعا هوا عنده معارف وعد وفاء انه يشوفلها عمل في القطاع العام.
محمد: شن هذا غير كنت متحشم وكان مش متحشم شن بدير😏.
يزن:تحشم ع وجهك ياراجل شن الكلام للي تقول فيه اهوا.
وطلعوا من المحل كان مروح جوه رايق بعد ماطلع من جو الحوش والمشاكل.
وصل يزن للحوش في الليل خش لقاء الحوش مقلوب .
يزن: صفاء صفاء وينك خيره الحوش هكي شكله .
صفاء:😤 بذون مقدمات ضرباته كف ع وجه .
يزن:😠 شن هبلتي انتى خيرك شن فيك كل يوم نقول توا يرجعلها علقها تزيدي تهبلي.
صفاء: خاين وتتكلم شن تحساب روحك انت .
يزن: شن خاين شن الكلام للي تقولي فيه اهوا .