رواية شمعة الحب لا تنطفى الفصل الثالث والعشرون23 والرابع والعشرون24 بقلم جنات
صباح يوم جديد
فى جناح زين
كارما صحت وقامت دخلت الحمام وخرجت كان زين صحى
كارما:صباح الخير ياحبيبي
زين باسها من راسها:صباح النور ياكرملتى
كارما:هتنزل الشركه
زين:اه ياكارما
كارما:هنزل اخليهم يجهزو الفطار
زين:لا ياحبيبتى احنا هنفطر فى الشركه عشان عندنا اجتماع مهم
كارما:حاضر وانا هروح اشوف ريم
زين:لسه زى ماهيا
كارما:حالتها صعبه اوى يازين واحنا كلنا خايفين عليها
زين:اللى مرت بيه مش سهل ياحبيبتى ربنا يصبرها
كارما:يارب
زين دخل يلبس ونزل وقابل يحيي وراحو على الشركه
والبنات راحو اوضه ريم
كارما:صباح الخير ياريمو
ريم:صباح الخير
حياه:عامله ايه ياحبيبتى
ريم.....
صفاء:البنات اجو اهو اى رايك تفطرو سوا بقي
ريم:ماليش نفس
حياه:لا ياريم هناكل سوا عشان خاطرنا بقي
ريم مع زنهم عليها اكلت حاجه بسيطه جداا وهما فضلو معاها بيتكلمو ويهزرو وهى زى ماهيا مش بتتكلم
(بقلم الكاتبه جنات)
===================
فى شركه الشباب
يحيي:دى صفقه كبيرة جداا يازين
زين:ودى هتكون الضربه القاضيه لعزام باشا
يحيي:احنا لو خدنا منه الصفقه دى الشركه هتقع خالص
زين:وده المطلوب يايحيي .... ندمان
يحيي:ابداا .... انا كل مابشوف حاله ريم بندم انى مخنقتوش فى ايدى وقتها
زين:هتبقي كويسه متقلقش عليها
يحيي:صعب اوى انها تخسر جوزها وابنها فى نفس الوقت وانا حاسس انى عاجز وضعيف اوى قدامهااا
زين:كل حاجه هتتصلح ياصاحبي
يحيي:ياريت ياصاحبي
=======================
فى ڤيلا كوثر اللى قاعده فى الريسبشن
مروان دخل وقعد جمبها:عامله ايه ياكوثر هانم
كوثر:كويسه ..... كنت مع عزام بردو
مروان:ايوا
كوثر:مش قولتلك ابعد عنه بقي ولا انت لسه حاطط بنته فى دماغك
مروان:ومش هسيبها غير لما تبقي مراتى واذلها هى وابوها
كوثر:مش ابوها ده حبيبك
مروان:حبيب مين دانا مش بطيق اهله بس لما بنته تبقي على ذمتى هجبره يكتبلى الشركه الجديده
كوثر:وانت مفكر ان عزام هيوافق بسهوله كدا
مروان:وقتها هجبره بطريقتى
كوثر:وانا اللى فكرتك انك حبيبه وزعلان عليه
مروان:ده تمثيل ياكوثر هانم
كوثر:بس خد بالك على نفسك عزام شيطان ومالوش امان
مروان:متخافيش عليا دانا تربيتك
كوثر:حبيبي
=======================
فى القصر
تارا قاعده فى اوضتها وبتفكر تعمل ايه مع رائد وبعد تفكير كتير مسكت فونها ورنت على رائد اللى رد عليها:ايه جهزتى الفلوس
تارا:فلوسك معايا اقابلك فين عشان تاخدهم
رائد:هنتقابل فى الشقه اللى بنتقابل فيها ياحلوة
تارا:هجيلك
رائد:اموت فيكى ياحلوة
تارا قفلت فى وشه وقامت تلبس عشان تروح تقابله وقبل ماتخرج من القصر دخلت المطبخ اخدت سكينه وحطيتها فى شنطتها وخرجت من القصر
(بقلم الكاتبه جنات)
====================
بليل الشباب رجعو وطلعو اوضه ريم وخبطو على الباب وكارما فتحتلهم:حمدلله على السلامه
الشباب:الله يسلمك
يحيي:عامله ايه ياريمو
ريم:الحمدلله
زين:انا طلبت بيتزا ويلا عشان نطلع ناكل على السطح
حياه:ياريت من زمان مسهرناش فوق
كارما:اه والجو حلو اوى يلا ياصفصف تعالى معانا
صفاء:اطلعو انتو ياحبايبى انا هفضل هنا
يحيي:يلا ياريمو
ريم:خلينى هنا مع ماما يايحيي بجد ماليش نفس
حياه:يبقي مش هنطلع ياريم
ريم:اطلعو اسهرو انا بجد مش حابه اطلع عشان خاطرى
زين:مافيش اعذار ياريم يلا قومى
الكل طلعو ماعدا صفاء وزين نزل اخد الاكل وطلع ليهم
واكلو سوااا وكانو بيهزرو ويضحكوو على عكس ريم اللى كانت بتفتكر مراد لما كان سهران معاهم على السطح يوم كتب كتاب زين ويحيي وبتفتكر نظراته ليها اللى كانت كلها حب وعينيها دمعت والبنات شافوها
كارما:ريم حبيبتى انتى كويسه
ريم بصوت مخنوق:انا هنزل انام تصبحو على خير
ريم قامت بسرعه نزلت والبنات كانو زعلانين عشانها ونزلو كل واحد على جناحه مع مراته
===================
عند تارا اللى وصلت قدام باب شقه رائد ورنت الجرس ورائد فتحلها:نورتى ياحلوة ليكى وحشه والله اتفضلى
تارا دخلت وقعدت على الكنبه وفى ايدها شنطه كبيرة وشنطتها الصغيرة
رائد:جبتى الفلوس
تارا:اه جبتهم
رائد قرب منها:طب ماتيجى نحتفل يامزتى واهو يبقي حفله الوداع ياحبي
تارا:طب مش تشوف الفلوس الاول
رائد:انتى صح
رائد قعد ومسك الشنطه وتارا طلعت حاجه من شنطتها ورائد فتح الشنطه وبص لتارا بغضب:ده ايه ده ياروح امك
تارا رشت فى وشه من بخاخ الفلفل اللى معاها:دى نهايتك ياروح امك
رائد مسك عينيه وماكنش قادر يفتح وتارا طلعت سكينه من شنطتها وقربت من رائد وضربته بغل فى جمبه ومرة تانيه فى بطنه وهو وقع على الارض وكان بينزف جامد
تارا اخدت شنطها وخرجت بسرعه من الشقه وهى نازله خبطت فى البواب وبعدت عنه ونزلت جرى والبواب طلع يشوف دى خارجه منين وكان باب شقه رائد مفتوح واتصدم لما شاف رائد واقع فى الارض وفى سكينه فى بطنه وطلع فونه وكلم الشرطه
بعد شويا الشرطه جت وكان رائد مات وبدأو يشوفو البصمات اللى كانت بصمات تارا وفرغو الكاميرات وشافو تارا وهى طالعه وهى نازله وطلع امر بالقبض عليها
============
فى القصر
تارا رجعت وكانت مرعوبه وطلعت على اوضتها بسرعه وكانت خايفه لانها من خوفها نست السكينه وكمان البواب شافها
تارا دخلت اخدت شاور يمكن يهدى توترها شويا ونامت على السرير وبعد تفكير كتير نامت من التعب
(بقلم الكاتبه جنات)
==============
صباح يوم جديد الكل فى القصر صحو على صوت عربيه شرطه
الشباب نزلو بسرعه وعزام كمان والشرطه كانو دخلو القصر
زين سلم على الظابط:خير يامدحت باشا فى حاجه
مدحت:انا جاى معايا اذن بالقبض على انسه تارا بتهمه قتل رائد الشناوى
فريده كانت نازله على السلم:بنتى ... انت بتقول ايه بنتى هتقتل ازاى
يحيي:طب فهمنا انت بتتهمها بناء على ايه
مدحت:امبارح انسه تارا راحت لرائد شقته والبواب شافها وهى خارجه بتجرى من عنده ودخل شقته كان ميت وفى سلاح ابيض فى بطنه ولما شوفنا البصمات وفرغنا الكاميرات اللى جابتها وهى خارجه وهى داخله وكمان بصماتها اللى على السكينه ...وكمان كان ليها صور وفيديوهات على تلفون المجنى عليه وبتوضح ان كان فيه علاقه بينهم
فريده بصدمه:علاقه ايه انت بتقول ايه
مدحت:دى الحقيقه ياهانم وكمان المسدجات اللى كانت بينهم بتوضح ان بنت حضرتك كانت حامل منه هو كان بيهددها وبيطلب منها فلوس ياما هيفضحها بصور والفيديوهات اللى معاه
فريده:مش معقول
مدحت:زين باشا انت عارف القوانين ولازم انسه تارا تيجى معانا وحالا
زين بص لفريده:خلى تارا تنزل واحنا هنشوف الموضوع ده
فريده طلعت وكانت مصدومه من الكلام اللى بتسمعه
البنات كانو واقفين على السلم متابعين كل اللى بيحصل
==============
فى اوضه تارا صحت على صوت عربيه الشرطه وكانت مرعوبه وخافت اكتر لما سمعت كلامهم وانها خلاص اتفضحت بين عيلتها
تارا خرجت البلكونه ووقفت على السور وفى الوقت ده فريده فتحت الباب ودخلت واتصدمت لما شافت تارا واقفه على سور البلكونه
فريده:لا تارا انزلى ياحبيبتى انا معاكى مش هسيبك ابداا انزلى ياحبيبتى
تارا:مش هتقدرى تنقذينى خلاص انا كدا كدا ميته .... انا اسفه
تارا رمت نفسها وفريده صرخت باعلى صوت والشباب وشرطه سمعو صوت قوى برا وخرجو يشوفو واتصدمو لما شافو تارا واقعه على الارض وحوليها بركه من الدم
مدحت جرى عليها وحط ايده على مكان النبض وبص لزين:النبض ضعيف جداا
فريده نزلت والبنات خرجو
وفريده جرت على بنتها وكانت بتصرخ وبتعيط بهستريه وفچاه اغمى عليها
ومدحت طلب اسعاف اللى جه واخدو تارا وفريده وراحو على المستشفى بس للاسف ماتت قبل ماتوصل المستشفى والدكتور قالهم ان فريده حصلهاا شلل نصفى بسبب الصدمه اللى اتعرضت ليها
(بقلم الكاتبه جنات)
====================
تانى يوم كان عزا تارا فى القصر وفريده اللى قاعده على كرسي متحرك وفى عالم تانى ومش بتنطق ولا بتعيط حتى
وناس كتير اجو عشان يعزوها
وبعد وقت كبير الكل مشو وصفاء ساعدت فرديه تطلع اوضتها وكانت معاها ومش بتسيبها ابداا والبنات كانو بيطمنو عليها دايماا
====================
عدى اسبوع والحال كما هو عليه
وفى يوم فى منتصف الليل كارما نايمه فى حضن زين والباب خبط واستغربو مين بيخبط عليهم فى الوقت ده
قام زين يفتح كانت نهى ممرضه توفيق
زين:خير فى حاجه
نهى:توفيق بيه طالب يشوفكو
زين:يشوف مين
نهى:طالب احفاده كلهم
كارما جت من ورا زين:طيب يانهى انزلى واحنا هنيجى وراكى
نهى نزلت وزين بص لكارما اوى
كارما:مالك طالب يشوفنا هننزل نشوفه
زين:انزلى انتى ياكارما انا مش نازل
كارما:انت وعدتنى انك هتنزل تشوفه ومنزلتش يازين
زين:هو انتى مش شايفه كل اللى عدى علينا ياكارما
كارما:طب تعالى ننزل نشوف عايزنا فى ايه عشان خاطرى يازين
زين اتنهد:حاضر ياكارما يلا
زين وكارما خرجو من الجناح وشافو يحيي وحياه وريم كانو واقفين مستنينهم
ونزلو كلهم ودخلو اوضه توفيق اللى كان نايم على سرير والتعب ظاهر عليه جداا
الشباب والبنات قربو من السرير وتوفيق بصلهم بتعب
يحيي:حضرتك كويس ياجدو
توفيق بتعب:الحمدلله يابنى ...بس انا عايز اطلب منكو طلب
يحيي:خير ياجدو
توفيق:عايزك يايحيي يابنى تاخد بالك من اختك ومراتك وحطهم جوا عينك
يحيي:اكيد ياجدو
توفيق:ربنا يقومك بسلامه ياحياه يابنتى
حياه:حبيبي ياجدو وربنا يطمنا عليك
توفيق:وانتى ياريم يابنتى سامحينى مقدرتش احميكى من شيطان ابوكى
ريم:الحمدلله ياجدو والمهم حضرتك تبقي بخير
توفيق:كارما
كارما:نعم ياجدو
توفيق مد ايده:تعالى ياكارما
كارما مسكت ايده وقعدت جمبه:سمعاك ياجدو
توفيق:عايزك تسمحينى يابنتى على كل اللى مريتى بيه وانتى فى وسطنا متزعليش منى يابنتى
كارما:مش زعلانه والله ياجدو والمهم صحه حضرتك وانك تبقي بخير
توفيق:زين
زين كان بيبصله ومش بيرد وكارما بصتله برجاء فقرب من السرير
توفيق:سامحينى يابنى على كل حاجه عملتها معاك
كارما شاورت لزين اللى اتنهد:بلاش تفكر فى اى حاجه ياتوفيق بيه انا مش زعلان
توفيق:عايز اسمعها منك يابنى قول انك مسامحنى قول مسامحك ياجدى
كارما بصتله برجاء
زين:مسامحك ... ياجدى
توفيق اتنهد براحه:انا كدا ارتاحت خدو بالكو على نفسكو ياولاد وخلى بالكو من صفاء وفريده اللى حصل معاها مش سهل
يحيي:ارتاح ياجدو ومتقلقش احنا موجودين وبلاش تتكلم كتير عشان متتعبش
توفيق غمض عينيه وفجأه الجهاز صفر ونهى قربت منه وبصتلهم:البقاء لله
البنات عيطووو على جدهم وكارما حطت راسها على ايده اللى ماسكه ايدها وعيطت وزين قومها واخدها فى حضنه
وخرجو كلهم من الاوضه وصفاء نزلت وشافت البنات بتعيط:فى ايه مالكو يابنات
يحيي:جدو تعيشي انتى ياامى
صفاء عيطت ودخلت تشوف توفيق لاخر مرة
==================
تانى يوم خلصت اجراءات الدفن والعزا كان فى المسجد وحضره ناس كتير جداا وبعد العزا الكل رجعو على القصر
الفصل الرابع والعشرون
مرت الايام والقصر بقي حزين بعد كل الاحداث اللى مرت عليهم
فريده اللى قاعده على كرسي متحرك ودايما فى اوضتها وصفاء معاها على طول مش بتسيبها ابدااا
ريم اللى حالها اتغير من وقت اللى حصل معاها
زين ويحيي اللى الشغل واخد كل وقتهم
عزام اللى هيتجنن بسبب الخساير اللى بيتعرض ليها بسبب زين
ومروان اللى ماشي مع عزام فى كل حاجه عشان يوصل للى عايزه فى النهايه
=====================
فى شركه زين اللى قاعد على مكتبه والباب اتفتح ودخل يحيي وقعد على الكرسي بتعب
زين:عملت ايه
يحيي بصله وضحك:تمت يامعلم
زين ابتسم:تسلم ياصاحبي....كدا الصفقه فى ايدينا
يحيي:كدا شركه عمك بح
زين:هى بح من زمان وحياتك
يحيي:انت ناوى على ايه بعد كدا
زين:لا الخطوه الجايه مش خطوتى
يحيي ابتسم:هتعملوها ولا ايه
زين:قريب اوى
يحيي:هروح اخلص الورق مع مدير الحسابات عشان ننهى كل حاجه
زين:تمام وانا همشي
يحيي:تمام
(بقلم الكاتبه جنات)
===================
فى القصر
حياه وكارما واقفين فى المطبخ بيجهزو الاكل
حياه:انا تعبت اوى
كارما:بصراحه اه ياريتنا سمعنا كلام دادا فاطمه
حياه:قالتلنا ارتاحو وانا هعملكو واحنا قال ايه نعمل بنفسنا
زين من وراهم:انتو بتعملو ايه هنا
حياه:جالك الموت ياتارك الصلاه
زين:ايه اللى نزلكو المطبخ
كارما:بصراحه نفسنا فى بشاميل وكيك شكولاته وقولنا ننزل نعمل
زين:ماتقولو لدادا فاطمه تعملكو
حياه:ماحنا قولنا ايه نجتهد وننزل بنفسنا بس تعبنا وحياتك اصل عملنا بشاميل وكيك وشاروما
كارما:وبيتزا كمان
يحيي دخل وسمع كلامهم:انتى اتعديتى من حياه ولا ايه ياكارما
زين ضحك وحياه كشرت:قصدك ايه يايحيي بيه
يحيي قرب وحضنها:ولا حاجه ياحياتى عامله ايه
حياه:جعانه واحتمال اكلك الوقت
كارما وزين ضحكووو
كارما:يلا اطلعو غيرو عشان ناكل سواا
زين:ريم وصفصف فين
حياه:ريم فى اوضتها وصفصف مع عمتو
يحيي:وهى عامله ايه الوقت
كارما:لو بتسال على ريم فهى زى ماهى رافضت حتى تنزل معانا المطبخ
حياه:اما بقي لو قصدك على عمتو فهى مش بتتكلم ... حتى الاكل بتاكل بالعافيه
زين:تمام جهزو الاكل وهناكل مع ريم
حياه:حاضر
الشباب غيرو والبنات اخدو الاكل وراحو اوضه ريم وحاولو معاها كتير عشان تاكل وبعد ماخلصو اكل كل واحد راح اوضته
وفضلت ريم لوحدهااا ونامت على السرير وكانت بتفتكر مراد من اول مرة شافته وكل المواقف اللى مرت بينهم وعيطت كتير لما افتكرت منظره ورجاله عزام بيضربوه والدم اللى كان بينزفه ولما ولعو فى الڤيلا وهو جواها وعيطت اكتر لما افتكرت ابنها اللى مات قبل مايجى الدنيا وتشبع منه وفضلت تعيط لحد مانامت
(بقلم الكاتبه جنات)
================
فى جناح زين وكارما
زين نايم على السرير وماسك فونه وكارما خرجت من الحمام وكانت لابسه قميص صيفى بلون الفيروزى وفارده شعرها على ضهرها وراحت قعدت جمب زين ودخلت فى حضنه وزين ابتسم وساب فونه وحضن كارما
زين حط ايده على بطنها:الواد ده تعبك من قبل مايجى
كارما:الدكتورة قالت ان الشهور الاولى بتبقي متعبه شويا
زين:اصبرى عليا لما يشرف الواد ده ودينى لاعلقه من قفاه
كارما ضحكت:ليه بتتكلم على انه ولد يازين مش بنت
زين:مش عارف بس هى جت معايا كدا
كارما:يعنى لو جت بنوته هتزعل
زين:لو جت بنت او ولد مش هتفرق معايا المهم عندى انه هيكون حته منك ياكارما
كارما باسته من خده:ربنا يخليك ليا
زين:طب اهمدى شويا بقي مش كفايه العقربه اللى قالت ممنوع اقربلك
كارما:بس يازين عيب كدا ... وبعدين الدكتورة كويسه جدا
زين:ماشي ياختى نامى بقي
كارما ضحكت اوى:طب عايزة انام فى حضنك يازين الله
زين:انتى شكلك عايزانى اتهور مش كدا
كارما حضنته اوى:انت عارف انى مقدرش انام غير فى حضنك يازين
زين:حضنى ليكى ياروح قلب زين
كارما نامت فى حضن زين وهو كمان نام
===================
فى جناح يحيي وحياه اللى قاعده بتاكل تفاح اخضر
يحيي:انا تقريبا جبتلك كل حاجه حادقه ياحياه .... هتاكلى ايه تانى
حياه وهى بتاكل التفاح:لسه حاجه طلبتها منك وانت مش راضي
يحيي:انسي مستحيل اخليكى تاكليه اصلا
حياه:ليه يايحيي والله نفسي فيه
يحيي:لا
حياه:يعنى يرضيك بنوتك حبيبتك يطلعلها فسيخايه فى وشها
يحيي:مش فاهم يطلعلها فسيخ فى وشها ازاى
حياه:هما بيقولو كدا الحامل اللى نفسها فى حاجه ومش بتاكلها يطلع للبيبي وحمه على شكل الحاجه دى
يحيي بسخريه:يعنى هيطلع لبنتك وحمه على شكل فسيخ فى وشها
حياه:ممكن يطلعلها فى اى مكان مش شرط وشها
يحيي:طب كلى الله يهديك يا حياه عشان ننام
حياه ضحكت:انا شبعت الحمدلله
يحيي:طب يلا ننام
يحيي نام على السرير واخد حياه فى حضنه ونامو الاتنين
(بقلم الكاتبه جنات)
=====================
فى اوضه فريده
صفاء:الحمدلله اتعشيتى واخدتى علاجك يلا يافريده عشان تنامى
فريده هزت راسها باه وصفاء ساعدتها تنام على السرير
صفاء:محتاجه اى حاجه
فريده:لا شكرا ياصفاء
صفاء:انا هفضل معاكى عشان لو احتاجتى اى حاجه
فريده:شكرا على كل حاجه ياصفاء
صفاء:متشكرنيش يافريده انتى زى اختى يلا نامى
فريده غمضت عينيها نامت وصفاء كمان نامت
===================
عزام رجع الڤيلا متاخر وطلع على اوضته وبيفكر ازاى هيجوز ريم لمروان زى ماوعده
وفضل يفكر كتير لحد ما وصل لفكرة وابتسم بخبث ونام بعدهاا
(بقلم الكاتبه جنات)
===================
فى اوضه ريم اللى نايمه وحست بحد فى الاوضه معاها وفتحت عينيها وشافت خيال حد واقف على باب البلكونه وخافت ومدت ايدها بسرعه فتحت النور وبصت عليه واتصدمت لما شافت مراد قدامها
ريم لسه هتقوم من على السرير النور قطع:مراد ..... مراد رد عليا
النور جه وماكنش فى حد فى الاوضه وريم بقت تنادى عليه زى المجنونه باعلى صوت:مراااااااااااااااد
ريم كانت بتعيط جامد وبتنادى على مراد
الباب اتفتح ودخل يحيي واخدها فى حضنه:مالك ياريم
كارما وحياه وصفاء اجو على صوتها
يحيي:فى ايه ياريم مالك
ريم كانت بتعيط:مراد كان هنا انا شوفته بعينيا كان هنا يايحيي انا متاكده
عزام جه فى الوقت ده وسمع كلامها:ده ايه الهبل ده .... ده واحد مات وشبع موت هيجيلك ازاى ياهانم .... الظاهر عقلك راح معاه واتجنتتى
ريم بصتله بكره وبصت ليحيي:انا شوفته يايحيي
صفاء:اهدى يابنتى اكيد كنتى بتحلمى ياحبيبتى .... ادعيله بالرحمه ياريم
ريم مش قادرة تصدق كلامهم وكانت بتعيط جامد ويحيي قومها من على الارض ونيمها على السرير وصفاء قعدت جمبها
ريم:انا شوفته ياماما ... انا مش مجنونه ولا بحلم انا شوفته قدامى
كارما:اهدى ياريم ونامى ياحبيبتى
ريم غمضت عينيها:انا شوفته كان معايا
ريم نامت ودموعها على خدها والبنات راحو ينامو وصفاء فضلت معاها
يحيي بص لعزام:شكراا لاهتمامك واسفين اننا ازعجنا حضرتك
عزام بصله اوى وخرج من الاوضه ويحيي كمان راح جناحه
===================
كارما راحت الجناح واستغربت ان زين مش موجود واتفاجأت بيه داخل الجناح
كارما:انت كنت فين يازين
زين:مافيش ياحبيبتى خرجت اشوف فى ايه
كارما:بس انت ماجيتش تشوف ريم حتى
زين:لا مانا اطمنت عليها من يحيي
كارما بصتله ومستغربه لانها ماشفتوش خالص
زين:يلا ننام ياحبيبتى
كارما:حاضر
زين نام وكارما نامت فى حضنه
(بقلم الكاتبه جنات)
================
صباح تانى يوم صفاء صحت وبصت على ريم لاقيتها صاحيه وباصه لسقف الاوضه وبتعيط
صفاء:صباح الخير ياحبيبتى
ريم بصتلها:صباح الخير
صفاء:ياحبيبتى بطلى عياط حرام اللى بتعمليه فى نفسك ده ... ده قدر ربنا ياحبيبتى ادعيله ياريم
ريم دموعها نازله زى الشلال
صفاء:هروح احضر الفطار ياحبيبتى
ريم:حاضر
صفاء خرجت من الاوضه وريم عيطت اكتر:انا متاكده انك موجود وقريب منى ... دى مش اول مرة اشوفك يامراد ... بس انت ليه بتبعد عنى ليه
ريم افتكرت لما شافت فى جنينه
••فلاش باااك••
ريم كانت بتتمشي بليل فى الجنينه وبتفتكر مراد وبتعيط وفجاه وقفت لما شافت مراد بين الزرع
ريم اتصدمت ومتحركش من مكانها ومراد عينه عليها ومش بيتحرك ابداا وفاقت على صوت زين:ريم مالك
ريم بصتله:مراد
زين:مراد ماله
ريم شاورت مكان الزرع وبصت مالاقيتش حد
زين:مالك ياريم
ريم:مراد كان واقف هنا انا شوفته والله يازين كان هنا
زين:مراد فى مكان احسن من هنا مليون مرة ياريم ادعيله
ريم:بس انا شوفته
زين:اكيد بتتخيلى ياريم لانك بتفكرى فيه دايما اطلعى اوضتك يلا الوقت اتاخر
ريم بصت على المكان اللى شافت فيه مراد وطلعت اوضتها
••باااااك••
ريم:معقول بتخيلك فى كل مكان زى مابيقولو .... بس انا مش مصدقه انك خلاص مابقيتش موجود ... معقول انا اتجننت زى ماعزام بيقول
ريم فضلت تعيط كتير ......