رواية احببت قاتلي الفصل الثاني2بقلم مني الصاوي
عملتي ايه يا شيرين مالك يا بنتي متنحه كده ليه
شيرين.. مش مصدقه انا اشتغلت خلاص ومن بكره هبدء الشغل
يارا.. بجد طيب كويس طلعتي مش سهله يابنت الايه ازاي وافقوا كده بسهوله
شيرين.. هو مين عمر الالفي ده
يارا.. ده البشمهندس عمر الالفي ابن البشمهندس احمد الالفي
صاحب الشركه بس ايه شاب زي القمر كل بنات الشركه
بتكراش عليه وهو ايه مش معبر والا وحده بس قوليلي هو حضر الانترفيو
شيرين.. ايوه هو اول ما دخل قالي مبروك يا انسه انت اشتغلتي
يارا... يا بنت المحظوظه ده مش عاجبه حد
شيرين... انا لازم انزل اتاخرت علي مرات عمي زمانها قلقانه عليا
يارا... صحيح يا شيرين انت محظوظه بعمك ومراته بيخافوا عليكي اوي وكانهم ابوكي وامك
شيرين... الحمد لله بعد لما بابا وماما عملوا حادثه كنت
محظوظه بيهم عوضوني عن حنان اهلي هما مخلفوش وانا
اهلي ماتوا احنا الاتنين عوضنا بعض يلا سلام وبطلي قر
شويه
شيرين... يااهل البيت ماما صفيه انت فين
صفيه.. حبيبتي يا شوشو طمنيني عملتي ايه
شيرين... طبعا اتعينت دول مش مصدقين نفسهم اني هشتغل عندهم
صفيه... هههههه حبيبتي طبعا هو انت قليله والا ايه ده انت ست الينات
شيرين.. حبيبتي يا ماما ربنا يخليكي ليا هو عمي لسه مجاش من الشغل مش اتاخر كده والا بيتهيئلي
صفيه...عمك عنده جرد النهارده في الشركه وانت عارفه
بيبقي متعصب اليوم ده صراحه خوفت اكلمه هو اكيد زمانه علي وصول
شيرين... ابن حلال عمو وصل كنا لسه في سيرتك
عزت... يا خوفي منكم اوعوا تكونوا بتعملوا مقلب من
مقالبكم انا تعبت النهارده في الجرد والميزانيه ظبطت بالعافية
صطفيه.. حمد لله على سلامتك يا حبيبي بارك لشيرين شتغلت في شركه كبيره جدا
عزت... اسمها ايه الشركه دي يا شيرين
شيرين... شركه المنارة للانشاء والتعمير تعرفها يا عمي
عزت.. اه طبعا دي شركه محترمه وشركتنا ليها تعاملات معها بس خلي بالك انا سامع ان احمد الالفي وابنه صعبين شويه
شيرين تتذكر نظرات عمر لها تبتسم
صفيه... شيرين ايه روحتي فين يلا نجهز السفره
شيرين... هااا حاضر
تاني يوم في شركه الالفي تدخل شيرين قسم الحسابات
شيرين... صباح الخير
باسم.. اهلا وسهلا انت الموظفه الجديده انا زميلك في المكتب اسمي باسم
شيرين... اهلا انا شيرين سامي
يارا... كويس جيتي في ميعادك هنا اهم حاجه الالتزام بالمواعيد
ساعي الشركه... الانسه شبرين الموظفه الجديده موجوده
شيرين.. ايوه انا
الساعي.. عمر بيه طالبك يا انسه بعد اظن حضرتك يا مستر علي
علي مدير الحسابات.. مفيش مشكله اتفضلي يا انسه
شيرين تخبط علي باب المكتب ياذن لها عمر بالدخول
شيرين.. احمم بشمهندس عمر حضرتك طلبتني
عمر.. اه اتفضلي ارتاحي روح انت يا عم شكرى
الساعي.. تمام حضرتك
عمر... انت لسه مش فكراني يا شيرين
شيرين... هو حضرتك تعرفني
عمر.. انا فعلا اتغيرت وانت لسه زي القمر زي ما انت بس
معقول نسيتي ايام زمان نسيتي عمر فاكره لما طنط ايمان
قفشتنا بنحدف الساكن الجديد بالطوب وكسرنا الازاز فاكره عملت فيكي ايه وقررت تمنعك من اللعب معايا لمده اسبوع الاسبوع ده عدي كانه سنه
شيرين... معقول عمر انت فعلا شكلك اتغير انت روحت فين وطنط عبير عامله ايه
عمر... ماما كويسه الحمدلله من بعد ما نقلنا سافرت اكمل
تعليمي بره كمان احنا كنا اشقيا اوي ومكناش صغيرين كنا
في اعدادي وبنعمل عمايل تودي في داهيه
شيرين... هههههه فعلا كنا بنعمل مصايب
عمر... انا دورت عليكي يا شيريناخبارك ايه وطنط ايمان وعمو سامي عاملين ايه
شيرين ماما وبابا ماتوا في حادثه بعد ما عزلتوا بشهر واحد وروحت عشت مع عمو عزت وطنط صفيه فاكرهم
عمر... ايوه طبعا فاكرهم دول كانوا طيبين جدا وبيحبوكي جدا
شيرين.. لولا هما عليا يا عمر مكنتش عرفت اطلع من اللي حصل
ايه ده الكلام خدنا والشغل انا لسه جايه كده هترفض
عمر.. مين ده اللي يرفض خطيبه عمر الالفي
شيرين.. هههههه انت لسه فاكر
عمر.. اه طبعا فاكر انت نسيتي
شيرين... لازم تنسي يا عمر احنا كنا اطفال كمان ظروفنا اتغيرت بعد اذنك لازم اروح استلم الشغل
تخرج شيرين من مكتب عمر وهي تتذكر كل ذكريات الماضي
يارا... شيرين في ايه انت بتعيطي يا حبييتي بشمهندس عمر عملك حاجه ايه رفضك من اول يوم
شيرين... لا مفيش حاجه عمر طلع معرفه قديمه كان بيفكرني بنفسه كنا جيران المهم مين هيسلمني الشغل
يارا.. استاذ باسم بس خلي بالك منه ده عامل فيها روميو وبيحب علي روحه
شيرين.. 😂يخرب عقلك يا يارا اديكي قولتي علي نفسه انا جايه هنا الشغل وبس
تمضي الايام وتنشغل شيرين بعملها وعمر يحاول التقرب منها ولكن دون جدوي منها واكتفي بمراقبتها
شيرين... يارا هو في حاجه غريبه النهارده في الشركه والا بيتهيالي
يارا... اه النهارده ميعاد المتاقصه الجديده وتلاقي كله اعصابه مشدوده اصل المنافس بتاع الشركه تقيل اوي تسمعي عن يوسف علام
شيرين... لا ماله ده
يارا.. يوسف ده مش مهني الشركه علي مناقصه تبع الدوله
متعرفيش بيجيب المعلومات دي منين اكيد ليه عيون في
الشركه لانه دايما بيحط رقم اقل مننا بنسب بسيطه وده يدل انه عارف المظروف بتاع شركتنا محتواه ايه
شيرين... يااه للدرجه دي
يارا... مالناش دعوه احنا خلينا في حالنا
شيرين... انا خدت اذن وهروح تعبانه شويه النهارده
يارا.. ماشي ياقلبي تحبي اخد اذن واوصلك
شيرين... لا حبيبتي خليكي انت في شغلك
عمر.. شيرين انت خدتي اذن مالك
شيرين.. مفيش مرهقه شويه بس
عمر... يلا عشان اروحك
شيرين.. لا متشكره جدا انا هاخد اوبر زمانه وصل
عمر.. يوه بلاش عند اتفضلي قدامي
بعد خروج عمر وشيرين
حنان موظفه.. ايه ده هي صاحبتك لحقت يا يارا علقت عمر بيه مره وحده دي مش سهله بقي
سامي.. فعلا ده بيقولها تعالي اوصلك عادي كده قدمنا كلنا
يارا.. لو سمحتوا محدش يتجاوز حدوده بشمهندس عمر
وشيرين قرايب من بعيد وكده عيبحنان.. قرايب طيب يا ستي ربنا يهنيهم
المدير.. كل واحد يخلص الشغل اللي معاه وبلاش كلام
داخل سياره عمر
شيرين.. ينفع اللي عملته ده يا عمر الموظفين يقولوا عليا ايه دلوقتي
عمر... هيقولوا ايه اكيد هيقولوا عمر بيحب شيرين
شيرين... وده شئ عادي شكلك متعود بس لو مش همك هاممني انا
عمر... ازاي مش هاممني هتعرفي قصدي ايه دلوقتي خلاص قربنا
شيرين انا مش فاهمه واخدني فين ومش عايز تقول
عمر... ايه فضولك ده انت لسه فضوليه زي زمان خمس دقايق وهتعرفي اهو وصلنا
يصل عمر الي فيلا كبيره اقل ما يقال عنها انها قصر كبير يشبه قصور ملوك وامراء العهد القديم
شيرين... انت وخدني فين يا عمر
عمر... خايفه مني
شيرين... لا بس زي ما قولت الفضول
فتح عمر باب القصر ليظهر داخل القصر من اثاث فخم جدا ملئ بالتحف النادره فهذه هوايه امه المفضله
تظهر سيده خمسينيه جميله
عمر... ماما اقدملك شيرين اكيد افتكرتيها شكلها متغيرش
عبير... حبيبتي وحشاني عمر حكالي كل حاجه حصلت معاكي البقاء لله ياروحي عارفه انها متاخره معلش ده حال الدنيا
شيرين... متشكره جدا يا طنط انت كمان وحشتيني
فجاه يظهر احمد والد عمر
عمر... بابا اقدملك شيرين خطيبتي
اكيد انت كمان فاكرها
احمد.. خطيبتك انت اتجننت يا عمر ازاي تخطب من غير علمنا
شيرين تسحب يدها من عمر وتجرى خارج القصر
وفجاه.....