رواية شمعة الحب لا تنطفى الفصل الثالث3 والرابع4 بقلم جنات
اشرقت شمس يوم جديد
الكل متجمعين على السفره بيفطروو ماعدا زين وكارما
توفيق بحده:اومال فين كارما
حياه بصت لريم
صفاء:اول مرة تتاخر على الفطار انتو ماشوفتهاش يابنات الصبح
البنات:لا
حياه:هطلع اشوفها بسرعه
صفاء:اطلعى ياحبيبتى
حياه طلعت بسرعه وخبطت على باب اوضه كارما بس محدش فتح
حياه فتحت الباب واتصدمت لما شافت كارما واقعه على الارض
حياه قربت من كارما بسرعه وضربتها بخفه على وشها:كارما...كارما ردى عليا
حياه جابت برفان ورشت على ايدها وقربتها من كارما بس بردو مش بتفوق
حياه خرجت من الاوضه بسرعه ونزلت تحت واتكلمت بخوف:كارما مغمى عليها ومش بتفوق
صفاء ويحيي وريم وقفو بخوف وطلعو على فوق بسرعه
يحيي:ادخلو كدا الاول لبسوها طرحه او اى حاجه
صفاء دخلت وريم جابت اسدال لبسوه لكارما
حياه:تعالى يايحيي
يحيي دخل وشالها وحطها على السرير
ريم:حياه هاتى جهاز الضغط بسرعه
حياه جابته وقسوه كان عالى جداا
صفاء:اطلب دكتورتها يايحيي بسرعه
يحيي خرج برا واتصل على الدكتورة
زين خرج من جناحه وشاف يحيي واقف
زين:مالك واقف كدا ليه
يحيي:كارما لاقوها مغمى عليها ومش بتفوق
زين:ماتكلمو الدكتورة
يحيي:كلمتها وجايه فى الطريق
زين:تمام انا رايح الشركه مش هتيجى
يحيي:لا هطمن عليها الاول
زين:ماشي سلام
بعد شويا الدكتورة وصلت وكشفت على كارما واديتها حقنه
صفاء:طمنينا يادكتورة مالها
الدكتورة:الظاهر انها اتعرضت لضغط جامد وده سبب الاغماء انا اديتها حقنه ومتقلقوش ساعه بكتير وهتفوق بس بلاش تتعرض لاى ضغط وياريت تاخد برشامه الضغط فى معادها يكون احسن
صفاء:تمام يادكتورة شكراا
الدكتورة:العفو ده واجبي
الدكتورة خرجت ويحيي راح يوصلها ورجع صفاء طمنته على كارما ونزلو كان توفيق وعزام وفريده قاعدين
توفيق:الدكتورة قالت ايه
صفاء:بتقول انها اتعرضت لضغط عشان كدا ضغطها على اوى واغمى عليها
فريده:ده دلع بنات يابابا ضغط ايه اللى اتعرضتله امبارح زين اخدهم وخرجو اتغدو واشترو حاجات من المول وراجعين نص الليل مبسوطين
عزام:قوم يابابا نروح شغلنا وعطلنا نفسنا بسبب دلع بنات
توفيق وعزام خرجو وفريده طلعت اوضتها
يحيي بص لامه:اقطع دراعى لو ماكنتش هى سبب فى اللى حصل لكارما
صفاء:لا حول الله يارب ... والله البت دى بتوجعنى فى قلبي من معاملتهم ليها
يحيي:ربنا يعينها ويقويها
صفاء:يارب ياحبيبي ... روح انت شغلك وانا هنا معاها والبنات مش هيروحو الكليه وهيفضلو معاها
يحيي:تمام ياست الكل
يحيي خرج وصفاء راحت المطبخ
=================
بعد ساعه كارما فتحت عينيها
حياه:كوكى انتى كويسه
كارما بصتلها وقامت قعدت وشاورتلهم بمعنى ايه اللى حصل
ريم:اتاخرتى على الفطار حياه طلعت تشوفك لاقيتك مغمى عليكى
كارما افتكرت لما فريده جتلها بليل
حياه:مالك ياكوكى انتى زعلتى بسبب كلام اللى اسمها تارا وعمتو مش كدا
كارما عينيها دمعت
ريم:عشان خاطرنا بلاش تعيطى انتى عارفه مش بنحب نشوف دموعك
حياه:خلاص ياكوكى بقي
كارما شاوتلهم انها كويسه
ريم:صح انتى امبارح نسيتى معايا الهديه بتاعه زين هروح اجبهالك
ريم خرجت من الاوضه وحياه قعدت جمب كارما واخدتها فى حضنها:بلاش تخوفينا عليكى ياكوكى انتى مش متخيله انا حسيت قلبي هيقف وانا شيفاكى واقعه على الارض
كارما حضنتها وباستها من خده واتكلمت بلغه الاشارة:(انتى اختى ياحياه وبحبك اوى)
حياه حضنتها:وانا بعشقك ياكوكى
ريم دخلت الاوضه:خياااانه
البنات ضحكوو وريم جرت عليهم وحضنتهم:يا وحشين بتحبو بعض من غيرى
حياه:احنا اسفين يابااشا
ريم:خدى ياكوكى دى هديه زين اللى جبهالك
كارما هزت راسها واخدتهم
البنات فضلو قاعدين مع كارما لحد ماحسو انها بقت كويسه جداا وطلبو الغدا واكلو مع بعض فى اوضه كارما بحجه انها تعبانه ومش هتنزل وبعدها كل واحده راحت على اوضتهاا
كارما مسكت هديه زين وفتحتها وكانت فرحانه جدا بيها طلعت السلسله ولبستها ودخلتها جوا البجامه واخدت عهد على نفسها انها مش هتقلعها ابداا واخدت الدبدوب فى حضنها ونامت
==================
صباح تانى يوم
كارما صحت ولبست ونزلت مع البنات وقعدو على السفره عشان يفطروو
صفاء:عامله ايه الوقت ياحبيبتى احسن
كارما هزت راسها باه
يحيي:حد كان زعلك ياكارما
كارما هزت راسها بلا
فريده:مانا قولتلكو دلع بنات
كارما بصتلها وبصت لعمها وجدها اللى مفكروش حتى يطمنو عليها وزعلت
بعد شويا الكل خلصو فطار والرجاله راحو شغلهم والبنات راحو الكليه
(بقلم الكاتبة جنات)
===================
فى الشركه
يحيي قاعد مع زين
زين:كدا كله جاهز مش ناقصنا حاجه عشان افتتاح الفرع الجديد
يحيي:ناقصنا الحفله الافتتاح ولا انت ناسي
زين:لا دى عليك ماليش فى جو الحفلات ده
يحيي:بس لازم تحضر
زين:احضر اه لان تحضيرات وكلام من ده انا برا
الباب اتفتح ودخل مراد:صباحو يابشوات
يحيي بص لزين:داخل يعنى من غير مايخبط وانت متكلمتش اشمعنا انا بتدينى محاضرة لو مخبطتش على الباب
زين:لان ده حيوان مهما اتكلمت معاه مش هيتعلم
يحيي ضحك
مراد:لا والله بتحفلو عليا يعنى
يحيي:محدش بيقدر عليك ولا بيهزقك ياسياده المقدم غير زين
مراد:عشان انا اللى سمحله بكده بس
زين:لا والله
مراد:اه والله ..... كنتو بترغو فى شغل بردو
يحيي:احنا بنجى هنا ليه يامراد باشا
مراد:انا ماليش فى الجو ده انا دخلت شريك عشان خاطر زين غير كدا ماليش فى جو المبانى والكلام ده
يحيي:والله حلو واحد مالوش فى جو الحفلات وواحده مالوش فى جو المبانى ... اومال حضراتكو جايين هنا تعملو ايه
مراد:حفله ايه يامعلم وانا معاك على طول انا بعشق السهر
زين:ماهو مش حفله من بتوعك يامراد اهدى
يحيي:ده حفله افتتاح الفرع الجديد
مراد:اكيد هيبقي فيها مزز يامعلم مافيش حفله من غير مزز
زين ضحك:وحضرتك ناوى تشقط بنات من الحفله عشان عزام باشا يعلقك
يحيي:ابويا وانا عرفه يعملها وهو سبحان الله مش بيطيقك لله فلله
مراد:القلوب عند بعضها وحياتك
الشباب ضحكوو
مراد:المهم يعنى الحفله دى امته واكيد انا معزوم
زين:كمان اسبوع واكيد هتحضر مش حضرتك شريك فى الشركه
مراد:ده قشطات اوى يعنى
يحيي:انا همشي انا بقي
زين:على فين
يحيي:خلصت شغلى هروح اجيب البنات من الكليه وهقعد معاهم
زين:تقعد معاهم ليه يعنى
يحيي:انت ناسي ان امتحاناتهم قربت وهشرحلهم شويا حاجات مش فهمنها
مراد:كدا صدقناك يعنى
يحيي:وانا هكذب ليه يعنى
مراد بص لزين:أل هيذاكرلهم أل يامعلم تلاقيها فرصه عشان يستفرد بالمزة
يحيي:اخرس ياحيوان ايه مزه دى
زين ضحك:روح يايحيي سيبك منه
يحيي:سلام
يحيي خرج ومراد بص لزين:يعنى انت مش بطيق ابوه ووقفت ازاى انه يكون حما اختك
زين:عشان خاطر حياه ويحيي بيحبو بعض بجد وكمان يحيي مش زى ابوه خالص وهيشيل حياه فى عينه وجوا قلبه
مراد:ربنا يسعدهم ... كدا انت اطمنت على اختك عقبال مانطمن عليك بقي يابوص
زين ضحك اوى:انا وجواز انسي ماليش فى جو ده خالص بقي انا اجيب واحده تعيش معايا وتنكد عليا ورايح فين وجاى منين ليه عبيط انا
مراد:يعنى مش هتتجوز خالص
زين:نو مش جوى
مراد:اقولك نجيب بنات تقولى مش جوى ... اقولك اتجوز تقولى مش جوى ... اومال ايه اللى جوك يامعلم
زين:اعيش مبسوط بمزاجى
مراد قام وقف:ماشي ياعم انا هروح انا كمان لمزاجى
زين ضحك:مش هتتغير
مراد:ياعم انا فى اجازة عايز استغل كل دقيقه فيها بكرة الاجازة تخلص واتفحت فى الشغل ومش هتشوفنى ... سلاموز
زين:سلام
===================
يحيي جاب البنات من الكليه ووصلو القصر وطلعو يغيروو
وبعد شويا الكل وصلو واتغدو سوااا وبعدها طلعو على السطح عشان يحيي يشرحلهم
على السطح
يحيي بيشرح للبنات اللى مركزين اوى معاه
بعد شويا خلصوو
ريم:مش عارفه بجد ازاى ترفض فرصه انك تبقي دكتور فى الجامعه
يحيي:ببساطه لان ماعنديش وقت ياريموو كفايه اوى عليا الشركه ... يلا انزلو نامو بقي
البنات نزلوو وحياه فضلت معاه
يحيي:الناس اللى بتخرج من غير مااعرف
حياه:كنا زهقنين وعايزين نخرج يايحيي وبعدين رنيت عليك كتير وانت مردتيش فبعتلك مسدج
يحيي:انا بهزر ياحياتى وكنت مطمن عشان زين معاكوو
حياه:كان يوم حلو بس الله يسامحها تارا وعمتو زعلو كارما
يحيي:زعلوها ازاى
حياه حكتله اللى حصل
يحيي:كنت متاكد ان حد مزعلها هى مش بيحصلها كدا غير لما تزعل
حياه:كارما بتصعب عليا اوى ... ده حتى عمو وجدو محدش فيهم سال عليها
يحيي:المهم احنا معاها ومش هنسيبها ابدا ياحياتى
حياه:صح .... هو انت بجد ليه رفضت لما جالك عرض انك تبقي دكتور فى الجامعه
يحيي:مانا قولتلك ياحياتى كفايه عليا الشركه اخده كل وقتى
حياه:بصراحه احسن .... مانا مش هستحمل انك تقف على المنصه والبنات كلها تركز معاك
يحيي بغمزة:ده الجميل بيغير بقي
حياه:طبعاا ... اساسا البنات هيركزو معاك مش مع شرحك
يحيي:وانا وحياتك ماهقدر اركز وانتى قدامى
حياه ابتسمت وفاقو على صوت زين:يا حلاوتكوو
حياه قامت وقفت وزين قرب منهم:اجيب اتنين لمون
حياه حضنت زين:وحشتنى يازيزو
زين:كلى بعقلى حلاوة يابت ... وبعدين هى دى المذاكرة
يحيى:لا مانا خلصنا يامعلم
زين:مش خلصتى يلا انزلى بقي
حياه ضحكت:تصبحو على خير
الشباب:وانتى بخير
حياه نزلت وزين قعد مع يحيى واتكلمو كتير فى تحضيرات الحفله
زين شاف فون على الكرسي:ده بتاع مين
زين نور الشاشه وشاف صورة كارما وحياه وريم
يحيي:ده بتاع كارما تلاقيها نسيته
زين لسه هيرد عليه لاقو كارما داخله السطح واتفاجأت بزين
يحيي:عايزة الفون مش كدا
كارما هزت راسها باه
يحيي اخده من زين وقرب من كارما وعطاها الفون
يحيي:بقيتى احسن ياكارما
كارما شاورتله:الحمدلله
يحيي:حياه قالتلى على الكلام تارا وعمتك ليكى امبارح عشان كدا تعبتى صح
كارما نزلت راسها فى الارض
يحيي:كارما انتى عارفه انى بحبك وبعتبرك زى ريم مش كدا
كارما بصتله وهزت راسها باه
يحيي:عايزك بقي تسمعى كلام اخوكى الكبير وتاخدى بالك من نفسك وياريت بلاش تنسي برشامتك تانى ياما بجد هزعل منك
كارما ابتسمت واتكلمت بلغه الاشارة:(ربنا يخليك ليا انت بجد احسن اخ)
يحيي:وانتى احلى اخت فى الدنيا يلا انزلى نامى
كارما شاورتله:(تصبح على خير)
يحيي:وانتى من اهل الخير ياكوكى
كارما بصت لزين اللى كان متابع الحوار واتكلمت بلغه الاشارة:(تصبح على خير)
زين بصلها ومش فاهم وكارما اتحرجت انه مش فاهمها
يحيي عرف ان زين مش فاهم:كارما بتقولك تصبح على خير يازين
زين:وانتى من اهله ياكارما
كارما نزلت ويحيي قعد جمب زين
يحيى:حرجتها على فكرة
زين:مش قصدى على فكرة انا ماكنتش فاهمها .... وبعدين انت ازاى بتفهمها
يحيي:كارما بعد اللى حصلها كانت بتجيلها مدرسه بتعملها لغه الاشارة والبنات وماما اتعلمو معاها ولما كنت باجى اتكلم معاها ماكنتش بفهمها فكانت بتتحرج وبطلت تتكلم معايا فطلبت من حياه وريم يعلمونى لغه الاشارة عشان افهمها وواحده واحده اتعملتها
زين:اممممم ... وهى هتفضل طول عمرها كدا مش بتتكلم
يحيي:هى بتابع مع دكتورة كويسه بس طبعا العامل النفسي اهم حاجه عشان ترجع تتكلم او حالتها تتحسن بس مع معامله جدك وبابا وعمتك ليها معتقدتش انها هترجع تتكلم تانى
زين:وبرشام ايه اللى كنت بتتكلم عنه
يحيي:كارما مريضه ضغط وبتاخد علاج ليه ... ولما بتزعل او تخاف ضغطها بيعلى جداا وبيغمى عليها زى ماحصل امبارح
زين بملل:خلاص ياعم انا هتقعد ترغى
يحيي:مش انت اللى بتسال
زين:انا غلطان ياعم انا ماشي
الشباب نزلو يحيي نام فى جناحه وزين خرج يسهر مع مراد كالعاده
==============
زين وصل عند العمارة اللى فيها شقه مراد وطلع خبط على الباب اكتر من مرة
بعد شويا مراد فتحله وكان لابس روب الحمام
زين:شكلى جيت فى وقت غير مناسب مش كدا
مراد ضحك:تعالى ادخل ياعم كنت باخد شاور
زين:ادخل فين بمنظرك ده انا ماشي
مراد:ياعم ادخل بطل هبل
زين دخل
مراد:هغير واجيلك
مراد لبس وجه لزين وسهرو شويا سوا
زين:همشي انا بقي
مراد:هتروح تسهر
زين:لا هرجع القصر سلام
مراد:سلام
زين نزل وركب عربيته ورجع على القصر وراح لرعد الكلب بتاعه
زين كان معاه قالب شكولاته وبياكل فيه وقرب من رعد اللى قام وقف واتنطط من الفرحه لما شافه وزين فضل يلعب معاه بالكورة زى ماهو متعود
زين قعد جمبه ولسه بياكل فى الشكولاته رعد هوهو جامد
زين باستغراب:عايز ايه
رعد قرب منه وقطم من قالب الشكولاته
زين:لا والمصحف شكولاته وده من امته ان شاء الله ..... جديده عليا دى
زين فضل قاعد معاه شويا وطلع اوضته عشان ينام.......
الفصل الرابع
عدى اسبوع على ابطالنا
فى اوضه كارما البنات قاعدين معاها
ريم:يعنى احنا هنحضر معاهم
حياه:اكيد لما بيكون فى حفله تبع الشركه بنحضر دايما
كارما بصتلهم بحزن لان ولا مرة عمتها او عمها سمحولها تحضر حفلات خاصه بالعيله
ريم:يبقي ننزل كلنا نشترى فساتين عشان الحفله
حياه:قشطا اوى يلا ياكوكى قومى غيرى
كارما هزت راسها بلا
ريم:ليه لأ ياكوكى
كارما اتكلمت بلغه الاشارة:(عمتو اكيد مش هتوافق انى احضر معاكو)
البنات بصو لبعض لانها معاها حق
حياه:انا هقول لزين ويحيي لو انتى مجتيش معانا مش هنحضر وهنفضل هنا سوا
ريم:صح هى بتبقي حفلات ممله اصلا
حياه:بلا ننزل عشان منتاخرش على الفطار
البنات نزلو وقعدو كلهم على السفره
توفيق:جهزو نفسكو عشان الكل هيحضر الحفله بتاعه بكرة
فريده بصت لكارما ولسه هتتكلم لكن تارا سابقتها:اكيد كارما مش هتحضر ياجدو مش كدا
توفيق بص لكارما:انا قولت الكل هيحضر
حياه:ممكن ياجدو ننزل انا وريم وكارما نشترى فساتين عشان الحفله
توفيق:اكيد عايزكو تنورو الحفله انتو مش اى بنات انتو بنات عيله الحديدى
ريم:شكرااا ياجدو
الكل فطروو والرجاله راحو الشركه والبنات جهزو وراحو مع السواق عشان يجيبو فساتين للحفله وتاارا راحت مع فريده عشان يتجهزو للحفله
واليوم عدى بسرعه والكل بيتجهزو للحفله والشباب موجودين فى فرع الشركه الجديده وتحديدا فى الحديقه الكبيرة اللى حوليها اللى هيتعمل فيها الحفله وخلصو التحضيرات وكل واحد رجع على بيته عشان يرتاحوو من تعب اليوم
===================
تانى يوم وهو يوم الحفله والكل بداو يجهزو
البنات كانو كلهم متجمعين فى اوضه حياه وبيلبسو
البنات كانو لابسين فساتين قمه فى الرقه مع بعض اللمسات الميكب البسيطه وكانو حلوين جداا
اما الشباب
يحيي كان لابس بدله بلون الرمادى الغامق مع قميص بلون الابيض
اما زين كان لابس بدله بلون الاسود وقميص بنفس اللون وسايب اول ٣ زراير مفتوحين
وعزام وتوفيق بدل بلون الاسود مع قميص بلون الابيض
فريده كانت لابسه دريس بلون الاسود شيك جدا كالعاده وطرحه بلون البيج وصفاء كمان كانت لابسه دريس بلون الاسود وطرحه بنفس اللون
اما تارا فلبست دريس سك بلون الاحمر وفى فاتحه لفوق الركبه مع ميكب اوفر وروج بلون الاحمر وفردت شعرها على ضهرها
الكل نزلو واتجمعو فى صاله القصر
يحيي:ماشاء الله ياجماعه كلنا طالعين جامدين اخر حاجه
فريده بغرور:وده العادى بتاع عيلتنا دايماا
توفيق:يلا عشان نتحرك مش عايزين نتاخر على الضيوف
عزام:بابا حضرتك وفريده وتارا هتركبو مع السواق
وانا وصفاء وريم فى العربيه التانيه ... يحيي انت هتاخد خطيبتك معاك فى عربيه .... وانت يازين كارما هتركب معاك
زين وكارما استغربوو
فريده:وليه كارما تركب مع زين
حياه:خلى كوكى معايا ياعمو
عزام:لا هتركب مع زين ويلا بلاش تاخير ... وبلاش تسبقو ياشباب هنوصل سوا وجدكو لازم ينزل الاول وبعده انا وبعد كدا انتو ورانا وندخل سواا مش عايز غلط يلا
الكل خرجو وركبو العربيات وزين بص لكارما اللى واقفه متوترة
زين:يلا عشان منتاخرش
زين فتحلها باب العربيه وكارما ركبت وزين ركب مكانه واتحرك بالعربيه ورا باقى العربيات
=============
فى مكان الفرع الجديد لشركه والحديقه كانت متزينه بشكل ولا اروع والضيوف كتير كانو موجودين والصحافه واقفين على البوابه عشان يتستقبلو عيله الحديدى
شويا ووصلت عربيه توفيق الحديدى والسواق نزل وفتحله الباب ونزل بكل هيبته المعروفه وفريده وتارا نزلو لما الحرس فتحولهم باب العربيه ونزلو بغرور وتكبر والصحافه قربت منهم واخدو صور كتير ليهم
وبعدهم وصلت عربيه عزام ونزل هو وصفاء وريم وبعدهم وصل يحيي ونزل ولف فتح الباب لحياه اللى مسكت ايده ونزلت من العربيه والكل وقفو سواا والصحافه بتصورهم
توفيق اتكلم بهمس مع عزام:زين اتاخر ليه
عزام:مش عارف المفروض كان ماشي وراناا اهدى اكيد فى الطريق
زين وصل ونزل وفتح الباب لكارما ونزلت وقربو من العيله ودخلو وبدا عزام ويحيي وتوفيق يرحبو بالضيوف
فريده راحت لصحابتها والبنات وقفو سواا
مراد شاف زين واقف لوحده وقرب منه:واقف لوحدك ليه يابااشا
زين.....
مراد:زين مالك
زين:هاا انت جيت امته
مراد:دانا بقالى ساعه بكلمك بتفكر فى ايه
زين بشرود:ولا حاجه
مراد:لا دانت دماغك شغاله وبتفكر فى حاجه كبيرة كمان رسينى ... وبعدين مين المزة اللى كانت معاك يامعلم
زين:مزه مين
مراد:المزة اللى كانت جايه معاك يازين
زين:مزة ايه ياحيوان دى بنت عمى
مراد:بنت عمك اول مرة اشوفها
زين:ده على اساس انك نايم قايم عندى فى البيت مثلااا
مراد:مالك بقي بتفكر فى ايه
زين وعينه على عمه:عزام اصر ان كارما تركب معايا وانا متاكد انه بيخطط لحاجه هو وجدى
مراد:هيكون بيفكر فى ايه يعنى
زين:يمكن عايز الصحافه والناس يشوفونا جايين سواا بس ليه مش عارف .... والغريبه انهم اول مرة يسمحولها تظهر فى حفله تخص العيله
مراد بسخريه:ليه يعنى بتخبوها مثلا
زين بصله بغضب
مراد:مانا مش فاهم يعنى مش بتحضر ليه
زين:انا مستغرب اصلا ومتاكد انهم بيخططو لحاجه بس ايه هى مش عارف
مراد:حتى لو بيخططو لحاجه اكيد هتعرف تعدى منها زى كل مرة
زين:اكيد
مراد:بقولك ايه الحفله دى مليانه مزز سلام بقي يامعلم
زين ضحك على صاحبه
=======================
البنات قاعدين على تربيزة سوا
ريم:اووف انا زهقت
حياه:حفله ممله اوى
كارما ابتسمت
حياه:احنا عايزين حفله فيها رقص ومهرجانات
ريم:ايوا بقي دى تبقي حفله جامده
يحيي قرب منهم:مالكو يابنات
حياه:زهقنين
يحيي:بقي الجميل زهقان وانا موجود تعالى نتمشي وافرجك على الشركه
حياه بفرحه:يلا
ريم:ايوا يابختك ياعم
حياه:تعالو معانا
ريم:لا روحو سواا ياقلبي
حياه مشت مع يحيي
ريم:وبعدين ياكوكى هنفضل قاعدين كدا
كارما ابتسمت
ريم:انا عطشانه اوى هروح اجيب عصير لينا
كارما شاورتلها بمعنى اجى معاكى
ريم:لا خليكى هجيب اجى
(بقلم الكاتبة جنات)
==================
مراد قاعد على تربيزة وفى بنت قاعده معاه كان يعرفها وعايز يخلع منها ومش عارف
البنت ميرا:مالك ياميروو
مراد بقرف:ميرو مين ياعينيا
ميرا:انت يامراد بدلعك
مراد:لا بلاش تدلعينى مش بحب الدلع ياختى وبعدين انتى هتفضلى لزقالى كدا
ميرا:اخس عليك يامراد مش عايزنى اقعد معاك
مراد:اوووووف
ميرا:هروح اجيب عصير اجبلك معايا
مراد:لا معايا
ميرا قامت من على الكرسي ولسه هتتحرك خبطت فى ريم وكوباتين العصير وقعو على الارض ومراد بص ناحيتهم
ميرا:ماتفتحى ياعاميه
ريم:سورى مين دى اللى عاميه معلش
ميرا:هيكون مين يعنى اكيد انتى
ريم بهدوء:على فكرة حضرتك اللى غلطانه ماشيه مش باصه قدامك اصلا
ميرا:انتى هتعلمينى امشي ازاى يابتاعه انتى
ريم بضيق:يعنى غلطانه وكمان بتبجحى انا غلطانه انى بتكلم معاكى بذوق
ميرا:ليه ان شاء الله هتعملى ايه فيا
ريم اتعصبت:انا هقولك
ريم شدت العصير اللى فى ايد مراد وكبته على فستان ميراا:عشان لما تيجى تتكلمى معايا بعد كدا تتكلمى باحترام ... غبيه
ريم سابتها ومشت والبنت اتعصبت وبصت لمراد اللى بيضحك:وحضرتك قاعد مش عارف تتكلم
مراد ببرود:هقول ايه وانتى اللى غلطانه
ميرا اتعصبت واخدت شنطتها ومشت
مراد فرح انها مشت وزين قرب وقعد معاه:مالك مبسوط اوى كدا ليه
مراد:ياواد يازين البت ميرا كانت قاعده معايا لما اتخنقت منها وجت بت بنت حلال وخلصتنى منها بس بت انما ايه جمال ودلال ورقه بس فجاه اتحولت ١٨٠ درجه وقلبت العصير علي ميرا
زين:خليك انت كدا مش هتتغير وانا راسي هتنفجر من التفكير
مراد:ياعم وانت تتعب نفسك وتفكر ليه ... ياخبر الوقت بفلوس حبه كدا يبقي ببلاش يابوص
زين:على رايك
====================
ريم رجعت لكارما وكانت متعصبه وبتكلم نفسها:بت غبيه ومتخلفه
كارما شاورتلها بمعنى مالك
ريم:بت غبيه ماشيه مش باصه قدامها ووقعتلى العصير
كارما ضحكت
ريم:اضحكى اضحكى.... تعالى بقي معايا نجيب عصير سواا
كارما هزت راسها بيلا
==================
يحيي ماشي وماسك ايد حياه وبيفرجها على الشركه
حياه:حلوة اوى ماشاء الله
يحيي:عينيكى اللى حلوة ياحياتى
حياه:انت بقي هتنقل شغلك هنا ولا هتفضل فى الفرع التانى
يحيي:لسه مش عارف بس جدى عايزنا نفضل فى الشركه الام لانها اهم فرع فيهم
حياه:ربنا يوفقكو يارب
يحيي:يارب واخوكى يحن عليا ويوافق نتجوز بقي
حياه ابتسمت:مش احنا اتفقنا لما اخلص كليه
يحيي:نعم ياختى لا طبعا احنا نتجوز وابقي كملى واحنا سواا
حياه ضحكت:طب يلا نخرجلهم بقي
يحيي:يلا
يحيي وصل حياه للبنات وراح لشباب
مراد شاف يحيي وهو بيوصل خطيبته وشاف ريم
مراد:زين ... زيــــن
زين:ايه ياحيوان
مراد:مين اللى قاعده مع اختك وبنت عمك
زين:فين
مراد:التربيزة اللى هناك دى
زين:وبتسال ليه
مراد:ماهى دى البت اللى كبت العصير على ميرااا بس صاروخ يامعلم
زين:تصدق انك حيوان
مراد:هو انا بعاكس اختك انا بتكلم عن اللى جمبهاا .... بص انا هسال يحيي لما يجى احسن
زين:تسال مين ياغبي هتروح تقوله البت صاروخ
مراد:وفيها ايه
زين:فيها انها اخته ياغبي
مراد:بتهزر يعنى دى بنت عمك
زين:اه ياخوياا ... واسكت بقي يحيي جاى علينا
يحيي:مالكو قاعدين كدا ليه
مراد:زهقنين وحياتك ... بس انت ايه والعه معاك يامعلم واخد خطيبتك ومقضيها رومانسيه
يحيي:وانت مالك ياض
مراد:لا كدا ازعل
يحيي:ماتتفلق
زين ضحك
مراد:يعنى عجبك كلام ابن عمك
زين:مانت لو اتكلمت كمان هقوم اسقف على وشك لانها اختى
مراد:هو انا قولت ايه شوفتونى عكستها
يحيي وزين فى نفس واحد:جرب كدا
مراد:ايه ياعم انت وهو
الشباب كلهم بصو على مكان معمول زى مسرح صغير لما سمعو صوت توفيق بيتكلم
وكل اللى فى الحفله تركيزهم عليه
توفيق:طبعااا انا برحب بكل ضيوفنا اللى شرفونا بوجودهم معانا فى افتتاح الفرع الجديد لشركتنا .... انا فخور جداا بكل شخص كان موجود معانا من بدايه الشركه الام لحد ماوصلنا للوقت ده .... وطبعا شكرى الخاص لابنى الغالى عزام الحديدى
كل الموجودين سقفو جامد وعزام طلع وقرب من توفيق وحضنه
توفيق كمل كلامه:وطبعااا احفادى زين ويحيي كان ليهم فضل كبير ومجهود رائع فى تطوير الشركات .... تعالو ياشباب
زين بص ليحيي ومستغرب اوى
يحيي:يلا يازين
زين ويحيي قربو من عزام وتوفيق اللى حضن يحيي وبعدها حضن زين وكل الموجودين سقفو ليهم والصحافه بتصورهم
توفيق:بالمناسبه السعيده دى احب اعلن عن خبرين مهمين جداا يخصو عيله الحديدى
الخبر الاول ان كتب كتاب حفيدى يحيي على حفيدتى حياه كمان اسبوعين باذن الله
يحيي بص لزين اللى ملامح وشه اتغيرت وبيحاول يسيطر على غضبه
توفيق:تعالى قربي ياحياه
حياه طلعت وبصت لزين ومش عارفه تعمل ايه وشايفه اخوها مضايق
توفيق مسك ايدها وحطها فى ايد يحيي والكل سقفلهم
توفيق:اما بقي الخبر التانى والاهم .... ناس كتير سالتنى عن البنت اللى كانت راكبه مع زين حفيدى ومفكرين انها شخص جديد دخل عيلتى احب اعرفك عليها دى كارما جمال الحديدى حفيدتى
كارما اتصدمت وبصت لريم ومش فاهمين حاجه
توفيق:كارما كانت مسافرة وراجعت من فترة قريبه بس هى مش بتحب تظهر كتير .... والخبر المهم التانى ان زين حفيدى وكارما حفيدتى كتب كتابهم هيكون مع يحيي وحياه
زين اتصدم وبص لجده وكارما الدنيا لفت بيها وريم اللى سندتها عشان ماتقعش
مراد بيكلم نفسه:البس يامعلم
فريده اتصدمت لانها ماكنتش تعرف بالخطوة دى وتارا قربت منها:مامى ايه الكلام ده ... انتى كنتى تعرفى
فريده:لا
تارا:مامى زين المفروض يكون ليا انا مش ليها
فريده بعصبيه:اسكتى الوقت
توفيق:كارما حبيبتى تعالى اطلعى جمب زين
كارما جسمها كله بيترعش ومش قادرة تتحرك
عزام:اكيد كارما مكسوفه يازين روح امسك ايدها وهاتها
زين بصله بغضب
حياه قربت من زين وهمست:بلاش تكسفها ابوس ايدك عدى الامور لحد مانرجع القصر .... كارما ممكن تموت لو كسفتها قدام كل الناس دى
زين بصلها ويحيي هز راسها تاكيد لكلام حياه
زين اتحرك وقرب من كارما اللى واقفه جمب ريم ومد ايده ليها وكارما بصتله وعينيها كلها دموع
ريم بهمس:روحى ياكارما عشان جدو ميتعصبش يلا
كارما مدت ايدها فى ايد زين وراحت معاه وتوفيق قرب منها وحضنها وهمسها:افردى وشك واضحكى مش عايز مشاكل عشان متشوفيش منى وش مش هيعجبك
زين كان قريب منهم وسامع كلام جده
توفيق بعد عن كارما وبص لعزام:عزام
عزام طلع علبه قطيفه لونها ارزق وعطاها لتوفيق اللى قربوها من زين:لبس عروستك شبكتها يازين يابنى
زين كان ماسك اعصابه بالعافيه واخد منه العلبه واخد الخاتم وبص لكارما ومد ايده وهى بصلته ومدت ايدها ليه ولبسها الخاتم اللى الكل انبهر بجماله واد ايه غالى
الكل سقفو ليهم
توفيق:كتب الكتاب هيكون عائلى بس اكيد الكل هيكونو معزومين على الفرح باذن الله
الكل بارك ليهم وحياه وريم قربو من كارما اللى لسه فى حاله صدمه وزين اللى بيحاول يسيطر على اعصابه
وبعد فترة الحفله خلصت وعيله الحديدى رجعو على القصر