رواية بين زوجتين الفصل الرابع4بقلم رويدا راشد
وفاء: اوف قعدا تبكي شوفي شكل وجهك كيف توا حتى الناس يهربوا كان يشوفوك
هكي.
حواء: انتى ماعندكش حبيب هذا علاش صاعب عليك تحسي بشعوري .
وفاء: انشالله ربي يرزقني بالحب زي مارزقك وتوا تشوفي كيف نتصرف معاه.
محمد: آلاء راجل جهزي روحك ياكلبه باش تمشي معانا العشيه بنخطب😎.
آلاء:😂🤣 بالله قصدك هاذي النكته الجديدة متعك .
محمد:لالا ياعانس نحكي بجديات اسمعي 😁 شوفيلي زيت السيارة بالك ناقص.
آلاء:اقلب وجهك وان شاءالله تطلع حاجة مليحه للي بتاخدها وانت 24 هازي عليا.
محمد: حاجة مليحه صار 😂 تحسابيها سيارة ولا لبسه.
يزن:الو محمد اسمع بنطلب منك طلب.
محمد: نعم انت تأمر مش تطلب خيرك شن فيه.
يزن: نبيك بعد تمشي لي حواء اليوم تطلب منها رقم وفاء.
محمد:😏 تبي رقم وفاء من امتا وانت تتطلب في ارقام البنات الكلام هذا جديد عليك وبنت عمتي وين مشت.
يزن: من الاول قتلك بنت عمتك مانبيش نطلقها ع خاطر البنات وبس تم كل شئ بينا.
محمد: باهي غالي والطلب رخيص حاضر نكلم حواء وناخده.
يزن:😠 الطلب غالي مش رخيص نعتبر روحي الكلمة للي قلتها ماسمعتهاش بكل.
مر الوقت بسرعه وهما في زحمة تجهيز التقديم وحواء ولا عاجبها شئ تبكي وبس وقبل مايوصل محمد واهله اتصل بيها.
حواء: الو محمد حبيبي مش وعدتني ماتخليني بكل.
محمد:☺ ومن قلك انا سيبتك يانبضي بعقلك انتي.
حواء: كيف من قلي وانا قتلك اليوم بيخطبوني وعندك عادي مش كنت تقولي نموت لو تقسمي لغيري.
محمد: شن خيره صوتك هكي شكلك تبكي واظح عليك.
حواء: ع اساس يهمك نبكي ولا نموت انت .
محمد: اكيد يهمني نوضي ياروحي اغسلي
وجهك باش امي تشوفك عسل.
وفاء: طول خذت منها الهاتف قصدك انت للي جاي توا.
محمد: الحمد لله حالي باهي ياوفاء كيف حالك انتي😁.
وفاء:😔 سامحني من فرحتي نسيت نسأل ع حالك .
محمد: مش مشكله ردي بالك منها واسمعي لو مافيش إحراج نبيك ثبعثيلي رقمك توا
يبيه يزن.
وفاء: يزن غريبه 🤔 شن يبه ان شاءالله خير تمام توا نبعثه .
محمد: يبي يطمن عليك ومتحشم يسأل معتصم لأنه عصبي شويه.
وسكرت وفاء الخط وتلف دور في حواء تحسابها قعدا تبكي 🤣.
حواء: حليلي مش عارفه شن نلبس الأبيض ولا الأسود .
وفاء:😳 مش كنتي تبكي بسرعه وصلتي في الدولاب .
حواء: اما احسن نحط كحل في عيني ولا ايلاينر رسمه خفيفة وخلاص.
وفاء:🤣😂 انت ياروحي للي تلبسيه يطلع عليك حلو .
جو اهل محمد وهوا معاهم آلاء وعمته ام صفاء طبعا هما مش عارفين لمن جايين.
معتصم: أهلين ابونسيب كيف حالك معلم يزن توا ان شاءالله تمام.
يزن: تمام التمام غير خلي ناخد شكلاطه 😁
رغم انها قدامي في السوق لكن عند الناس ليها طعمه خاصة.
معتصم: تفضلوا خدوا الضيافه وان شاءالله ايامنا الجايه كلها حلوة بلا مشاكل ونكد.
محمد: انشالله خلي نخش في الموضوع تعرف حوش وعندي وعمل عند عملين والأمور تمام امتا تسألوا عليا وهذا حقكم
ارفعولي هاتف.
علي: بالشويه ياولدي مافي شئ بيطير ماتبيش دير مقابلة .
يزن: لالا شافها في العيادة ساد شن المقابله للي يبيها.
محمد: شن العيادة شوفت الخلعة نبي نشوفها اليوم ندير مقابله وبعدها نستنى الرد منكم.
علي: ان شاءالله ع بركة الله احنا موافقين ياولدي معتصم يعرفك .
يزن: شن نقولوا يالله ونتموا الموضوع
ع خير ان شاءالله.
زينب:😳 اه ان شاءالله انتي هنيا شن تقربلك العروس باش تكمل الصدمة.
وفاء:😱 وانتى علاش تسألي بتاخدوها هيا ولا انا.
آلاء: قلتها انا المريض هذا مستحيل يدير حاجة زي الناس.
ناجيه: شن الكلام هذا للي تقولوا فيه عيب عليكم .
حواء: 😭😭 حتى فرحتي مستحيل تكمل
شن درت انا شن ذنبي.
زينب:ماعتقدش فيه نصيب بينا وبين ناس عايشه عندهم عقرب زي هاذي ع وفاء.
ناجيه: برا بلا مطرود وخودي الباب في يدك.
طلعت زينب ماصدقت سمعت الكلمتين اهما هيا وآلاء .
زينب: قدام باب المربوعة وتعيط بأعلى صوتها محمد محمد هيا .
معتصم: ان شاءالله خير شن فيه ياعمتي مازال امتا جيتوا حتى واجب الضيافه ناقص.
آلاء:لالا ضيوفنا الهزايب والكلام للي يسم وفي الأخير الطرد شن ماوال ثاني.
علي:😤 ناجيه ناجيه شن الكلام هذا للي نسمع فيه.
ناجيه: أسألها علاش هكي صار شن علاقتهم في وفاء بنتها للي قريب ماتت وفاء بسببها ومازال تتكلم.
يزن: حصل خير ياجماعة هيا اطلعي انتى وهيا قدامي خليك يامحمد وتم مع الناس.
معتصم: مافيش داعي الموضوع تم ومعاش فيه نقاش.
حواء: تبكي وبس ماتقدرش تتكلم وتقول انها تحبه .
محمد:فاش غلطتت انا مش معاملة راجل هاذي للي دير فيها.
معتصم: خليتلك انت الرجوليه للي نساوينكم يعلوا في صوتهم قدامكم .
يزن: خلاص هيا يامحمد وتوا الوضع مش تمام مش وقت نقاش .
طلعوا معتصم جاء لي حواء قلها اعتبريه الموضوع ماصارش من الأساس انسيه.
يزن: برا يامحمد لسوق انا نوصلهم ونجيك
خلي ندير حل للموضوع اهو.
زينب: برا لعملك مافيش حل هذا باب مسكر الكلبه للي خربت بيت بنتي عندهم وتبي نقعمز معاهم.
يزن: عمتي انا ساكت لانك اكبر مني في العمر وعيب نوريك انا الصح من الغلط .
آلاء: اصلا انت مع احترامي ليك معبئ عيوب بصفتك شن تحكي ع الصح .
يزن:😠 انتي مش مطلوب رأيك خليك ساكته.
انزلوا توا لحوشكم خلي نمشي ندير حل للمشكلة من جدورها باش ترتاحوا.
زينب: نزلت ربي يستر ع صفاء شفتي عيونه
كيف شكلهم.
آلاء: ايه خلي نتصل بيها نقولها شن صار باش تعرف تتصرف معاه.
زينب: ايه كلميها بسرعه قبل مايوصلها وتنخلع .
آلاء: الو حبي وين انتي .
صفاء:😒 وين يعني في الحوش مع الصغار وين بنكون .
آلاء: باهي اسمعي احتمال يزن جايك توا ردي بالك تعصبي واعرفي كيف تتصرفي معاه.
صفاء:😱 شن المصيبه الجديدة للي ديرنها توا.
آلاء: محمد يبي يخطب وامشينا معاه طلع بيخطب الحقيره صاحبه الكلبه للي لفت ع يزن.
صفاء: وانتم درتوا العار عند الناس والله ماهو طايقني الوضع بيني وبينه معاش يتحمل مشاكل اكثر من هكي .
آلاء: توا هذا للي صار تصرفي بمعرفتك سلام .
هيا سكرت الخط وخش عليها يزن 😤 شن ديري.
صفاء: كنت نكلم في آلاء ان شاءالله خير تبي حاجة.
يزن: اكيد اعطاتك ملخص للي صار كله كلمتين ماليهمش ثالث 😠 والله والله لو ماتمشي امك والمريضة بنت عمتك لحوش
حواء ويتأسفوا من امها وفاء تعرفي شن يصير.
صفاء: شن دخلني انا في الموضوع اهو تهديد هوا ولا.شن.
يزن: ورأس بناتي تنفيد اكثر من تهديد عندها ثلاثة ايام بس ايجئ اليوم الرابع انتى تولي طالق ع ذمة نفسك.
صفاء: حرام عليك تحاسبني ع شئ ماعندي علاقة بيه.
يزن:😠 انتى سبب هذا كله وانتى للي تحلي المشكله وطلع وهوا معصب.
حواء: شفتي بختي المايل وقت جاء عفسوا فيا الحقيرات للي معاه انا نبيه بناخده كان نهرب معاه.
وفاء: استكي لا يسمعك خوك معتصم توا يقطع رقبتك انسيه وخلاص.
حواء: اسهل كلمه عندك شن ماعندكش شعور نقولك نحبه نعشقه .
ناجيه:😱 ان شاءالله تكلمي فيه غبر فيك كان يسمعو خوتك لما يذبحوك.
حواء: اقتلوني عادي خير مانعيش بلاه برى فهمي ولدك ماعنديش علاقه بحد .
ناجيه: والله لولا كبرتي راني خليت خوك يكسر رأسك هاتي الهاتف هذا للي بيخرب بيتنا.
وفاء: معليشي ياعمتي خليها انا توا نتفاهم معاها نتحل
ان شاءلله.
طلعت ناجيه حواء مش رح ينخل شى إلا لما ناخد محمد.
يزن وصل السوق ومحمد مضايق واصل حده قعد يفكر في حل .
محمد:كيف الحل راني بنتفجر معاش عارف كيف نتصرف 😤 .
يزن: هانت عمتك انا نعرف دواها خليها عليا لكن قولي وصلك رقم وفاء.
محمد:ايه 😒 لكن وقته توا واحد مخنوق واحد باله في الحلوة .
يزن: ياحمار حشا اسمك نبي نكلمها توا ع خاطرك .
محمد: عمتي عرفتها دواها ومعتصم حتى هوا تعرف دواه.
يزن:😎 ايه وهات الرقم وخلي فمك مسكر لين انا نعرف كيف نتصرف.
محمد: كان جت ع الرقم ساهل هاك اهو......
وفاء: اوف كان يكلمني داره الكبد يزن هذا راهو لقينا حل.
وهيا تتكلم لين رن الهاتف متعها 📱📱📱.
وفاء: اسكتي ياحواء خلي نرد ع الهاتف رقم غريب يرن عليا.
حواء: ساكته شن تشوفي نرقض ولا تسمعي فيا نزعرط.
وفاء: الو السلام عليكم من معاي.
يزن: وعليكم السلام كيف حالك وفاء انا يزن .
وفاء:😌 باهي للي اتصلت من بكرى نستنى في المكالمة متعك.
يزن: علاش شن صاير انشالله خير .
وفاء: خير وينه الخير وهكي صاير في محمد وحواء.
يزن: اصلا هذا علاش اتصلت بيك اسمعي توا الكلام للي بنقوله كويس.
وفاء: تمام احكي نسمع فيك.
يزن: توا تاخدي رقم معتصم من حواء وتتصلي بيه .
وفاء:😳 اه رقم معتصم شن بنقوله حتى كان اتصلت.
يزن:بنقوليله نبي نكلمك في موضوع اول ماتروح كلمني ومايمشيش حاله في الهاتف.
وفاء: لكن نتحشم نوقف عليه شن بيقولوا عليا عماد ومؤيد .
يزن: اصلا انتى بتكلميه بحضور عماد مؤيد راك تقعدي معاه بروحك غلط.
وفاء: توا ناقص غير تعلمني الصح من الغلط وانشالله شن بنقوله.
يزن: قوليله لو مش عاطيين حواء لي محمد انا بنطلع من الحوش كان نرقد في الجوامع.
وفاء: ان شاءالله رأيك هذا يمشي حاله .
يزن: توكلي ع الله وديري للي قتلك عليه وكان قلك عمته غلطتت قوله مستعدة تتأسف .
وفاء سكرت الخط ودارات زي ماقال يزن اتصلت بي معتصم.
معتصم: بصوت عالي الو من معاي.
وفاء: معتصم انا .... سكر الخط .
حواء: شن صار معاك علاش سكرتي مش بتكلميه .
وفاء: خوك الملبوس سكر عليا الخط انا قعدا
كيف بنقوله انا وفاء.
حواء: مصيبه اكيد حطك في الحضر طول هاذي ماتفكريش فيها واظحة.
وفاء: اصبري اعطيني العبايه والوشاح بنمشي للمربوعه .
حواء:😱 حي عليك كان يشوفك معتصم غادي لما يهبل .
وفاء: يهبل ولا يدبر رأسه لقيت حل ثاني وانا قلت .لا.
مشت وفاء للمربوعه بتشوف معتصم قاعد ولا طالع.
هيا طلعت وبدأ هاتفها يرن كان رقم يزن وعشش .
حواء: الو يزن انا حواء مش وفاء.
يزن: وينها هيا ولا ماتبيش تتواضع وترد عليا .
حواء: لالا .ماشيه للمربوعه بس تبي تشوف
معتصم قاعد ولا طالع.
يزن: شن الفرخة الغبيه اهيا انا قتلها اتصلي مش بري للمربوعه.
حواء:اتصلت زي ماطلبت منها لكن معتصم مجرد ماسمع صوت بنت سكر الخط في وجها طول.
يزن: قعدا عنده الحالة النفسيه من البنات وانا للي نحسابه تغير.
حواء: خلاص اول مااتجئ وفاء نقولها تكلمك.
يزن: تمام وماتخافيش ينحل الموضوع انشالله.
حواء: ان شاءالله.
وفاء: السلام عليكم🚪 نقدر نخش .
عماد:😲 اه وفاء خيرك شن تبي جايه للمربوعه اطلعي خليك برا كان ايجئ معتصم يدير العار.
معتصم:😤 شن ديري في المربوعة مش قتلك كان تبي حاجة قولي لي حواء.
وفاء:😔 ماهو انا جايه ندور فيك انت مش قصدي نخش المربوعه.
معتصم: في اختراع اسمه هاتف 📱 اتصلتي بدل هذا كله.
وفاء: معاش تحملت عياط معتصم بدت تبكي طول 😭.
معتصم: خيرك 😲 علاش تبكي اسكتي انا مش قصدي شئ.
وفاء: خشت تجري وخلاته واقف .
معتصم: حواء حواء تعالي نبيك.
حواء: نعم شن فيه خيرك تعيط.
معتصم: اعطي رقمي لي وفاء خلي تكلمني عليه .
حواء: اعطيتها الرقم واتصلت بيك انت سكرت عليها وحطيتها في الحضر.
معتصم:😵 قصدك هيا الرقم متع مبكري وين نعرف نحسابها وحدة تتمهتك.
عماد: والله انا نسمع في صوتك خفت مش هيا بنت زي العسل 🤤.
معتصم: طير انت من قدامي توا خير مانكسر رأسك.
امي وبوي وين في الحوش .
حواء: لالا ماشين عند خالي حسن علاش تبي حاجة.
معتصم: خشي معاي نبي نمشي نكلمها توا بتقعد تبكي.
مؤيد:😍 شكله القلب بدا ينبض ياولد أمي.
#بين زوجتين
من وحي الخيال
حواء: وفاء حبيبتي ألبسي عبايتك معتصم يبي يكلمك.
وفاء: مانبيش نكلمه انا المتوحش اهو مانبيش يذكر فيا بي كابوس خالد خوي.
معتصم: عندك خمسه دقايق تلبسي فيهم وبنخش انا مش جاي ناخد في الموافقة باش نكلمك.
وفاء:😳 في خاطرها خيره شن يقول هذا الباين عليه هبل.
وهيا قعدا دور في الوشاح متعها في الزحمه لين فتح الباب وخش.
معتصم: لف للجيهة الثانيه حطي حتي منشف ع شعرك اي قماش .
حواء: باهي انا ماشيه للمطبخ نبي نشرب شويه وانجي.
وفاء: لالا ماتخلنيش بروحي 😖 معاه نخاف منه.
معتصم:😤 برى ياحواء وراك اتجئ لين نكمل كلامي وخافي ولا موتي .
مؤيد: حي عليها باين عليه راقيله غبيه اهيا مالقت امتا تكلمه غير توا.
عماد: اسمع بنقولك حاجة لازم نوقفوا مع اختك حواء ومحمد.
مؤيد:اوف شن الحن الغريب للي نزل عليك فجأة هكي😒.
عماد:🤤 اه عجبتني البنت للي جايه مع محمد طرف بصراحه.
مؤيد: شوفلي كويس 🤔 عيونك قعدات سليمات هيا طرف وحواجبها يسلموا ع بعض
ومدايره فايف لي لحيتها تقول احمد ولد شارعنا.
عماد: سكر فمك ومعاش تتكلم عليها نحكي بجديات مانضحكش انا.
مؤيد: سلاما قولا من ربا رحيم اوخي حتي البسبوسه مش جايبين معاهم كان هذا راهو قتلك دارتلك خطين .
وفاء: شن تبي مني مش كنت تعيط عليا معاش نبي نتكلم معاك بكل.
وهيا تتناقش مع معتصم غلطتت ناشت الهاتف امشت مكالمة لي يزن.
معتصم:من النوع العصبي شويه شدها من يدها بقوة اسمعيني كويس قولي شن تبي خير...
وفاء:خير شن بتكسرلي يدي مثلا اطلق يدي خير مانعيط نجيب عماد ومؤيد بعياطي.
معتصم:😂🤣 قصدك تهددي فيا بيهم عيطي نقولهم هيا مازال خايفه من الشى للي صار معاها يمشو ويخلوك.
يزن:😤 يسمع هوا ومحمد وساكت ومعصب من تصرف معتصم مع وفاء.
وفاء: من الأخير محمد يبي حواء ولو بنكون انا السبب في المشكله مستعدة نطلع من الحوش كان نقعد في جامع.
معتصم: بصوت عالي وصل لكل واحد قاعد في الحوش 😠 هبلتي انتى شن الكلام للي تقولي فيه اهو امس جيتي واليوم بتطلعي.
وفاء:😳 علاش تعيط يسمعوا فيك توا يحسابوا في شئ ولا ضروري جو الفضايح.
معتصم: انتى هكي تبي شن تساومي فيا ولا شن اديري التفكيير هذا مش ليك من الخبيث للي قلك اديري هكي.
وفاء:😲 اه تفكيري شن تحسابني غبيه مانعرفش نفكر هازي عليا انت قصدك هذا أخر كلام عندي .
معتصم: لو وافقت ع محمد انتى تقعدي 😒
في الحوش وعد هذا.
وفاء: وعد نقعد ومش هكي وبس انخلي للي هانت عمتي ناجيه اتجئ وتتأسف منها لكن يامعتصم مصيره ايجئ يوم ونطلع لعند امتا بنقعد 😔.
معتصم: علاش بتتطلعي احنا تعودنا عليك في الحوش في حد مضايقك ولا ناقصاتك حاجة.
وفاء: انا نبي نرجع نخدم في المحل اضايقت من القعدة في الحوش نفس الروتين ناكل ونشرب ونرقد وبس.
معتصم:😤 رغم اني ضد فكرت طلوعك من الحوش لكن انا موافق لكن بشروط.
وفاء:☺ شكرا تحكي بجد موافق نحس في روحي نحلم.
معتصم:😏 اسمعي الشروط متعي قبل وبعدها القرار ليك تبي تخدمي ولا تقعدي معززة مكرمة وكل شئ ايجيك لعندك.
يزن: شن يحساب روحه هاذي أمانه عندهم لا مرته ولا اخته باش يذخل في حياتها.
محمد: اسكت انت شن دخلك ولا تغار عليها من معتصم.
يزن: سكر فمك خلي نسمع باقي سيناريو الأفندي معتصم.
محمد:😒 وربي شكلك طحت وماحد سمى عليك .
وفاء: تقدر تسيب يدي لانه بصراحه لو بتقعد شادني هكي احتمال معاش نقدر نحركها.
معتصم:😳 آسف نسيت روحي متعود ع عماد ومؤيد مش قصدي نشدك اولاتخدمي اناى وحواء ، تلبسي عبايه ونقاب تافدي لأي مشاكل ، انا نرفعكم وانا نروح بيكم.
وفاء:كله تمام لكن علاش النقاب مانقدرش نتنفس بيه نحس روخي ننخنق .
معتصم: توا غدوا نجيبلك واحد تعلمي تلبسيه مره مره لين يتم موضوع محمد تلقى روحك تعودتي عليه.
وفاء:😔 باهي لكن انا بنت وكبرت في العمر ونبي نشوف نصيبي علاش نلبس في النقاب
للي يشوفوني يحسابني متزوجه.
معتصم: لما ربي يكتبلك شئ ايجيك ايجيك
كان تبدي بين اربعه حيوط ماتخافيش ع نصبيك.
عماد: هذا خمسه دقايق ولينا في ساعه ويحكيلنا ع الإختلاء وهوا ضارب ميعاد.
مؤيد: تحشم هذا خوك الكبير وبعدين انت تعرف معتصم مسكر موضوع البنات من قبل
شن يعني المعجزة للي بتصير توا باش يتغير.
حواء: فعلا كلام مؤيد حرام عليك تظلم في البنت ياسر للي عاشاته تزيد انت.
عماد: نقص يديا ورجليا كان ماتطلعيش عندك علم بالموضوع كله.
حواء: اسكت نسمع في صوت ضحك ولا انا نتخايل.
معتصم: خلاص تم الموضوع ومتفاهمين ع كل شئ وتوا نطلعك من الحضر باش كان في شئ تكلميني طول.
وفاء: اسمعني كويس نعرف نلصق حواجبي زيك عليا اليمين والطلاق ماتعطي حواء لمحمد لما للي قلته نديره.
معتصم:😂🤣 لا ياراجل الموضوع تم مايستاهلش طلق المرأة.
وفاء: شن غير انتم تحلفوا باليمين والطلاق انا بنتزوج راجل وبنخلي العصمه في يدي ايدير حاجة نهدده بالطلاق طول .
معتصم:😏 أحلام اليقظة هاذي احنا في ليبيا اصحي من الحلم اهو.
وفاء: باهي خلاص برا توا ع جيت عمتي ناجيه تفهمني غلط.
معتصم: انشالله شويه وقت ومعاش في حد يفهمك غلط يبدأ كل شئ واظح.
وفاء:🤔 رغم اني مافهمت شئ لكن انشالله خير وخلاص.
طلع معتصم وهوا يفتح في بابا المربوعه 🚪
يلقى عماد ومؤيد وحواء لاصقين في الباب.
معتصم: زيدوا غادي توا خير ماايجيكم كف ثلاثي الأبعاد 😁.
حواء: اه انا كنت بنخش هذا علاش قعدت
نستنى جنب الباب.
معتصم: تمام خشي ونقصي منه النكد شويه توا نكلم محمد وايجئ يتم الموضوع خلي نرتاحوا من وجهك.
عماد:😍 مبرووووك اخيرا بنفتكوا من كشختك يافرخه.
حواء:😳 تحشموا ع وجوهكم شن الكلام اهو للي تقولوا فيه.
يزن: خلي نتصل بيها بعد كملت اجتماع القمه هيا ومعتصم .
محمد: خليها في خالها البنت دارت هذا كله ع خاطري انا وحواء.
حواء: خشت تجري فرحانه وحضنت وفاء شكرا مش عارفه كيف بنوفيك حقك كنت فاقدة الأمل من معتصم.
وفاء: ولو ياروحي مادرت شئ غير الواجب انتي تستاهلي كل خير .
حواء: الفال ليك انشالله ربي يرزقك بولد الحلال للي ينسيك في كل دقيقة وجع عشتيها في حياتك.
وفاء: مش هكي وبس معتصم وافق حتى ع موضوع العمل وبنمشي انا وياك لكن بعد ماتم خطوبتك .
حواء: بدا الفأر يلعب في عبي ع قولت عماد هذا كله اقتنع بيه في ساعه.
وفاء: لكن بشروط 😔 نلبس عبايه ونقاب وهوا يرفعنا وهوا يروح بينا .
حواء: اه نقاب؟
صفاء: ماما انتي وين تعاليلي انت وآلاء توا ضروري 😭😭.
زينب:😖 خيرك شن فيك علاش تبكي ضربك.
صفاء: اه ياريته ضربني ولا سمعت للي سمعته علاش هكي درتي .
آلاء: اسكتي خلاص امسحي دموعك ع خاطر بناتك شويه ونجيك انا وعمتي .
وسكرت منهم الخط وهيا تبكي ياربي علاش هكي ايصير فيه معقولة بعد ماكنت الغاليه عنده فجأة هكي يرخص للي كان بيني وبينه.
يزن: الو الحمدلله ع السلامه علاش مارديتي ع هاتفك كم مكالمه وصلاتك مني.
وفاء: علاش بنرد عليك الموضوع وحليته وحواء كلمت محمد.
يزن: شن علاقتي بيهم قتلك كلميني انا للي من بكري نسمع في الغراميات بينك وبين معتصم .
وفاء:🙄 شن تحكي غراميات شن هبلت انت كلمته ع حواء بس .
يزن: شده في يديك وجودك انتى وياها بروحكم ضمن الكلام ع حواء ولا يلزمك
جو خاص باش تقدري تتكلمي.
وفاء: انت انسان مريض وشكاك برا حل مشاكلك مع مرتك وبعدها فكر في مشاكل غيرك.
يزن: هذا للي طلع منك كأنك ماتعرفيش انه المشاكل بيني وبين مرتي بسببك.
وفاء: شن علاقتي فيكم مادرينيش شماعه لمشاكلك معاها وعلاش تحاسب فيا بصفتك شن.
يزن: تمام عندك الحق سلام العيب فيا انا.
محمد: من الاول قتلك فوتها علاش تخلي فيها تقولك هكي .
يزن: ع اساس انا نبي نسمع هكي لكن مانعرفش علاش حسيت روحي عصبت بعد
سمعت كلامها مع معتصم.
محمد: علاش عصبت كلامهم عادي حدا وهيا تسكن معاهم يعني طبيعي يصير حوار بينهم
وانت للي قتلها كلميه .
يزن: انت اكثر شخص تفهم شن معناهوكلام معتصم للي قاله.
محمد: قصدك معتصم معجب بيها .
يزن: شكله يحبها مش غير معجب بيها معتصم مافيش حد قدر يأثر عليه ويغير رأيه
حتى لما يصير نقاش بينا نعرفوا انه معتصم لو قال كلمه مستحيل يرجع فيها.
محمد: باهي خلي الأمور تمشي بروحها ولوفيه اعجاب ولا حب ربي يسهله راهو شاف هلبا من البنت للي كان خاطبها.
يزن: يسهله ايه لكن بعيد عليها هيا مانبي حد يقربها هاذي امانه وانا خايف عليها.
محمد: خاف عليها من روحك غيرة وتلحق في اخبارها وبعدين وين تبي توصل معاها.
يزن:😒 ع قولتك خلي الامور تمشي بروحها
انا مش فاهم شن يصير معايا.
محمد: ربي يستر من الأيام للي جايه الوضع متعك معاش يطمن المهم شن درت في موضوع عمتي.
يزن: شن بندير قلت لي بنتها المدلالة لو امك ماتمشيش تتاسف منهم انتي طالق .
محمد:😱 شن من امتا انت تتكلم ع الطلاق انت كنت لما حد يقول هكي تهزأ عليه .
يزن: كنت قبل بنت عمتك ماخلت فيا عقل هبلتني هيا وعمايل امها.
ملاك: اسمع انا معاش يساعدني هكي نبي نطلع نخدم.
خالد: شن تبي نديرلك نبيع اعضائي باش انتى ترضي ونجيبلك فلوس.
ملاك: دور اي عمل انشالله بواب في شركه في مدرسه دير حل.
خالد: هوا انا لقيت وقلت لا . حتى خوتك كلمتهم مادرواليش حل بكل.
ملاك:😏 شن ملزومين بيك خوتي عندي وحدة صاحبتي توا نكلمها تشوفلك خوها.
خالد: باهي اتصلي بيها توا خلي نطلع نمشيله
طول.
ملاك: توا مستحيل ترد عندها مركز تجميل اكيد مشغوله فيه.
خالد: تمام بنطلع مع الشباب للبحر بالك نحصل مصروف اليوم .
ملاك: 😍 تمام ربي يسهلك ياروحي.
خالد:😲 روحك قداش ليا عليه الكلام هذا
غريبه شن صاير .
ملاك:باهي وانت مايمشيش معاك الدلع بكل.
هوا طلع وملاك طلعت شفرة قديمه كانت مسكرتها .
ملاك: الو اهلين ياشايب .
الشايب: مقدمك صبغته الشيب تعالي شوفيه شعري توا .
ملاك: المهم شن امورك اسمعني بلا طول الكلام والمقدمات الزايده.
الشايب: قلت اما ريح حذفاتك عليا بعد السنين للي فاتوا.
ملاك: عمرى مانسيتك وانت تعرف الكلام هذا كويس والغريب انه رقمك القديم مازال نفسه.
الشايب: كنت في كل يوم نستنى امتا ايجئ اتصال منك تراقب فيك من بعيد.
ملاك: نبي نطلب منك طلب وياريت تساعدني.
الشايب: انتى تؤمري مش تتطلبي تعرفي مكانتك عندي.
ملاك:نبيك تتصرفلي في خدمة لي خالد ضروري نبيه ليل نهار برا مش طايقه نشوف وجه.
الشايب: مش هذا الحيوان للي بوك جبرك تتزوجيه ولد عمك صح.
ملاك:😔 صح هوا اليوم طلعلي ليه خدمة من تحت الارض.
الشايب: شن ماتبيش نشوفك مش مشتاقة لحبيبك .
ملاك: اصلا نبيه يطلع باش نقدر نتسبل بالعمل حتى انا ونشوفك.
الشايب:😍 قداش مشتاق نشوف عيونك مزلت كل دقيقة لينا مع بعض محفورة في
رأسي .
ملاك: مافكرتش تتزوج نهائي من بعدي .
الشايب: نسيتي انك كنتي مرتي وجبروني نطلقك لكن انا اليوم كبرت وضعي تغيير
معاش معتز متع قبل.
ملاك: المرة هاذي مستحيل نسيبك لو ع موتي ولكن كل شى في وقته حلو.
صفاء: شفتي تصرفاتك وين وصلتني علاش انا مفروض عليا ندفع ضريبه افعال غيري.
زينب: شن فيه علاش المشكله للي صايرة بينكم وبعدين شوفي لوجهك في المرايا هكي كنتي .
آلاء: هذا كله ع خاطرها هيا وقعدا تبكي ع خاطره كان انا في مكانك طووول نطلب الطلاق منه.
صفاء:انتي مش في مكاني لانك مازال ماتعرفي شن معناها صغار وراجل تحبيه ويحبك وفجأة تلقي روحك وليتي رقم 0
في حياته.
زينب: امشينا نخطبو لمحمد لقينا الحقيرة وفاء قعدا عندهم في الحوش.
آلاء: هزبنها يعني متوقعه نديروا ناخدوها في الأحضان .
صفاء: من الأخير مايهمني حد غدوا الصبح تمشوا انتم الإثنين تتأسفو منهم.
زينب: اكيد تبصري مستحيل تطلعي تحكي بجديات .
صفاء: بجد الجد لانه لو مامشيتوا تتأسفوا
يزن بيطلقني.
آلاء: هاذي الساعه المباركه ترتاحي منه شن تبي فيه شكل زيه هوا.
صفاء: وربي لو يطلقني لما نقتل روحي وندير العار وتبدأ الناس تتكلم عليكم.
زينب: خلاص سكريه الموضوع غدوا الصبح نمشي نتأسف منهم انا وآلاء.
ثاني يوم الصبح فاق معتصم ع صوت مش متعود عليه.
وفاء: فيق شن قاعد راقد لعند توا وقت 😠
شن متفاهمين.
معتصم: خيرك زي الشبح وبعدين كيف تخشي للمربوعه.
وفاء: مافي حد خاطي حواء ومؤيد برا يفطر
هيا امتا بتكلم محمد.
معتصم: قصدك متعبه روحك هذا كله ع خاطر حواء ومحمد تقول قاعدا ع قلبك.
وفاء: خلاص ماتبيش تمشي خلي نمشي نجهز شنطة ملابسي ونطلع.
معتصم:😤 فاق طول وين بتطلعي من عقلك
بتهبليني عقاب عمري .
وفاء: في ملكوت الله الواسع شن ذخلك عاد فالحين معتصم كلمته زي السيف كان وعد يوفي طلعت موس خضراء مصدي.
معتصم: برى اطلعي خير مانكسر يدك المرة هاذي.
طلعت وفاء تجري خايفه منه عرفت انه عصب من كلامها.
حواء: وين ماشي يامعتصم تعالى افطر معانا
قبل.
معتصم: ماشي لجهنم شن دخلك فيا خليها تاكل هيا ساد.
مؤيذ: شكلك كثرتي في العيار المره هاذي حليلك انا خلي نمشي للكليه قبل مايصير الزلزال.
وفاء: خلوه توا بعدين نرضيه .