رواية انتقام مؤجل الفصل السابع عشر17 والثامن عشر18 بقلم يارا محمد
بعد اسبوعين ريما كانت اتحسنت وابتدت تفوق بس الكدمات وآثار الضرب مش راحت منها وإحساس الالم ف جنبها لسه بتعامي منه ولما سئلت الدكتور قلها أنه بسبب الصرب ف مفيش حاجه للخوف وغير كده مش قادرة تبص ف وش جدها وجدتها لغايه دلوقتي ومش بقت طايقاهم بعد اللي حصل.
ف مبني المخابرات اريان كان ف مكتبه وخايف ع ريما يكون كشفوها أو حصلها حاجه لانها مش تواصلت معاه بقالها اسبوع وقلبه حاسس انها ف خطر دخل عليه صديقه صهيب وبلغه بالأخبار اللي صدمته.
اريان: صهيب عرفت هي فين و ايه سر اختفائها المريب بالشكل ده.
صهيب: عرفت كارثه يا اريان هي ف المستشفي دلوقتي بتتعالج من الضرب المبرح اللي اتعرضت ليه.
اريان: هما اكتشفوها ولا ايه.
صهيب: لا اللي عرفته من الجاسوسه بتاعتنا أن ادريانو ضربها ضرب موت لانه مفكر أنها هي اللي اجهضت مراته وهو العكس مراته عملت كده علشان تبعدها عن طريقه وف مصيبه اكبر.
اريان: اي هي هيسلموها لجماعتهم قبل تسليم العمليه.
صهيب: لا يا اريان اوليفيا مقررة تديها حبوب bcb علشان تبقي اخرتها مشفي الأمراض العقليه.
اريان: احنا لازم نمنع ده يا صهيب فاهم دي كارثه كبيرة بلغ جاسوستك أنها لازم تبدأ علب الدوا دي بحبوب صداع عاديه باي طريقه فاهم والا ريما هتكون ضحيه ناس مش تعرف الرحمه.
صهيب: هبلغها بده باسرع وقت مش تخاف وبعدين العمليه فاضل ليها يومين لازم نركز يا اما ننجح يا اما هينفذه عمليتهم اللي هتقضي ع الناس كلها.
صهيب خرج وبلغ الجاسوسه بتاعته بالمطلوب تنفذه.
صهيب: فهمتي يا اماليا علب الدوا دي تتبدل ف اسرع وقت هي جندتك علشان لما ريما ترجع تديها من الدوا ف اي حاجه تشربها اعملي كده بس بحبوب صداع عادي اوهميها بكده زي ما اوهمتي دان انك بتدي الدوا الغلط ل اندريا فاهمه.
اماليا: فهمت يا سير صهيب مش تقلق مهمتي هنفذها بكل حرفيه و مدام ريما أنا هبقي مسؤوله عنها.
صهيب : تمام يا اماليا وبشكرك تاني ع تعاونك معانا سلام.
ف المستشفي ريما كانت معاها دكتورة نفسيه بتحاول تخليها تتكلم وتقول اللي جزاها وتطلع التراكمات وهي مش راضيه.
دكتورة سيلا بهدوء وابتسامه.
بقالك اسبوعين بعد ما بداتي تستعيد وعيك مش عايزة تتكلمي لازم تتكلمي يا ريما وتقولي اللي جواكي الكلام والفضفضه هتفيدك صدقيني.
ريما: بهدوء واستسلام مش ليه لازمه الكلام دلوقتي يا دكتورة مش هيفيد صدقيني انتي البكا والكلام المتراكم مبقاش ينفع خلاص بسبب ادريانو كنت هموت علشان حاجه مش عملتها ومراته هي السبب ف كده واكيد بتخطط لحاجه تاني أما جدي وجدتي مش بقيت طايقاهم ابدا معرفوش يحموني من حفيدهم ودي مش جديده عليهم يعني مالوش فايدة اتكلم.
دكتورة سيلا
و ناويه تعملي ايه بعد ما تخرجي اي مخططك للي جاي مش تخافي أنا مش تبع اندريا أنا مصريه زيك وعارفه هما بيعملوا ايه ومش حابه الوضع ده ونفسي ابلغ عنهم بس مش ماسكه دليل واكتر حاجه عايزة ابلغ عنها هما عصابه تجارة الأعضاء ف حد بيشتغل هنا فيها بس مش عارفه هو مين بس هعرف.
ريما: ناويه اعيش بعيد عنهم وانتبه لشغلي وشركتي بس بعد ما اسلمهم كلهم واللي ناويين يعملوه ااه.
دكتورة سيلا
ايه نفس الوجع ف جنبك تاني.
ريما: بالم اه بس شديد مش عارفه ليه بيوجعني اوي ومش قادرة استحمله.
دكتورة سيلا
طيب اهدي مش هنتكلم تاني هبعتلك دكتورة منار مصريه برضو تكشف عليكي.
دكتورة سيلا بعتت ل دكتورة منار وجت كشفت عليها وهي بعد ما كشفت كانت شاكه ف حاجه بس بصتلها بابتسامه.
د.منار
متخافيش مجرد الم هادي من الضرب اللي اتعرضتي ليه هعملك اشاعه علشان نطمن اكتر.
قالت كده وسيلا شكت ف كلامها بس بصت ل ريما نظرات اطمئنان وخرجت مع د. منار واتكلمت.
د. سيلا
قوليلي بصراحه انتي شاكه ف ايه بالظبط يا منار مش تخبي عليا.
منار: جنبها ف خياطه سحريه واللي عمل كده كان حريص أن الخياطه مش تبان بس للاسف الغبي خلي جزء بسيط باين وده اللي شاكه فيه أنا هعملها اشاعه ويارب اللي ف دماغي يكون غلط.
منار اخدت ريما ع غرفه الاشعه وعملت ليها فحص واشعه كامله ورجعتها تاني بعد فترة كانت ف مكتبها هي وسيلا واللي كانت خايفه منه حصل.
د. سيلا
طمنيني هي كويسه والألم طبيعي ولا لا.
د. منار
للاسف لا يا سيلا ف مصيبه الكليه بتاعتنا مش موجودة واستعرضت ل استئصال كامل مش جزئي .
د. سيلا بصدمه
نعم استئصال كليه انتي متأكدة من ده اكيد ادريانو هو السبب.
د. منار
لا مش هو حسب ما قولتيلي من اللي بلغتك بيه أنهم عايزين يسلموها لجماعتهم بعد التسليم الكبير بس دي مش عمايل اندريا دي ايدين قذرة وعارفه مين هو.
د . سيلا
قصدك مين .
د. منار
هو ف غيره رام والممرضه بتاعته واكيد ف حد مبلغه يعمل ايه علشان هو مش ليه ف الحاجات دي رام ليه ف خلايا الاجنه الجذعيه هو حد مبلغه يعمل كده.
د. سيلا
دي مصيبه كبيرة يا منار لو عرفت هتنهار ورام مش عليه دليل أنه عمل كده .
د. منار
ما هي دي الكارثه مش قادرة امسك عليه دليل بقالي سبع سنين من اول ما اشتغلت ف المستشفي دي بس متاكده أن الحاله اللي جات قبل ريما ف حاله اجهاض تبقي تبعه وهي خلته يعمل كده.
د. سيلا
طيب مش قالك حاجه حسب ما عرفت رام بيلف حواليكي وعايز يتجوزك.
د. منار
علشان مصلحه ليه مش حبا فيا بس مضطرة أقرب منه علشان اعرف كل حاجه المهم لازم ريما تعرف باللي جرا ليها هي كده كده هتعرف لو خبينا عليها .
د. سيلا
تمام هبلغها بمعرفتي همهد ليها الموضوع علشان دي حاجه مش سهله أنا هروح ليها الاوضه.
سيلا راحت اوضه ريما ودخلت عليها ب ابتسامه وكانت هتتكلم بس اتفاجئت ب جدها وجدتها واتكلمت بهدوء.
د. سيلا
أنا بعتذر بس مش كنت اعرف ان عندها زيارة يتأسف مرة تانيه وبعدين احنا بقينا صحاب خلاص وهي سمحت ليا ادخل بطريقتي المعتادة.
اندريا: بهدوء ولا يهمك انتي مين.
د. سيلا
أنا دكتورة سيلا الطحان دكتورة ريما النفسيه و مصريه زيها علشان كده بقينا صحاب.
اليزيا: ب ابتسامه الظاهر انكم اخدتوا ع بعض جامد علشان كانت بتسئل عليكي وكنا هنبلغ الممرضه تنده ليكي.
د. سيلا
وانا جيت من غير حد ينده ليا خير يا قمري مالك محتاجه حاجه تاني.
ريما: الاشعه بينت ايه.
د. سيلا
ولا حاجه مش تخافي ده بس من أثر الضرب ونزيف داخلي بسيط شويه ادويه وهيخف هتبلغك بيه د. منار.
اليزيا: انتي حاسه بتعب ولا حاجه ننده الدكتور بتاعنا .
ريما: بفتور لا ده مجرد الم ف جنبي وبس .
د. سيلا
مفيش داعي تندهي دكتور عيلتكم يا مدام د. منار متكفله بيها مش تقلقي هي ف ايد امينه .
اندريا : تمام ممكن تندهيها علشان تعرفنا هتخرج امتي .
د. سيلا
اكيد ثواني هبلغ الممرضه وهي هتبلغها
سيلا بلغت الممرضه بأنها تبلغ دكتورة منار ف غرفه 202 وهي جات بسرعه.
د. منار خير ف حاجه يا ريما .
اندريا: احنا اللي محتاجينك مش ريما عايزك تقولي لينا هي هتخرج امتي.
د. منار بهدوء وبرود.
تلات ايام علشان تكون اتحسنت ونطمن عليها اكتر مش تخافوا هي كويسه استئذن أنا يلا يا د. سيلا نديهم مساحتهم الشخصيه.
سيلا طمنت ريما بابتسامه وخرجت مع منار وسابو ريما مع جدها وجدتها .
منار: مش مرتاحه اكيد ناويين ع حاجه .
سيلا: مش تخافي هي خلاص مبقتش باقيه ع حد منهم حصلها فتور واشمئزاز من ناحيتهم مش بقت متحمله حد فيهم.
اندريا : اخبارك ايه دلوقتي يا حبيبتي احسن.
ريما: بنفور اه احسن اطمن لسه مش مت ليا عمر .
اليزيا: بعيد الشر عنك احنا جايين نطمن عليكي ونقعد معاكي شويه علشان هتمشي معانا بعد ساعتين.
ريما: بصدمه ساعتين مش سمعته الدكتورة قالت ايه دلوقتي.
اندريا: اه سمعنا بس مش مهم خليت دكتور مارك يكتبلك ع إذن خروج معانا يعني مش مهم كلام دكتورتك.
ريما: بس أنا لسه مش مستعدة أخرج وبعدين جلساتي لسه مش خلصت مع دكتورة سيلا .
اليزيا:مش مهم تاخديها هنا هنخليها تيجي الفيلا تتابع معاكي وبعدين لازم تتحسني احنا معانا تسليم صفقه كبيرة
ريما سكتت هي مش عايزة مشاكل ع الأقل دلوقتي حتي مش مهتمين بيها مهتمين يشغلهم وتسليمها للدارك ويب وخلاص بصتلهم بكره خفي .
ريما: تمام يا جدتي بس انا خايفه من ادريانو ليكون عايز يعمل حاجه تاني.
اندريا: مش تخافي هو خلاص صرف نظر عنك تماما كفايه أنه اخد حقه بطريقته.
ريما: وحضرتك كنت موافقه ع اللي عمله فيا ده.
اندريا: بجحود اه كنت مستني يموتك وارتاح منك بس افتكرت غلاوة اوسكار وبعت جدتك علشان تخليه يبعد عنك.
ريما بصتلهم بصدمه وعدم تصديق من اللي بتسمعه بس مش اتكلمت مش هيفيد حاجه دلوقتي و اتاكدت أن تعاونها مع المخابرات كان قرار سليم ومش هتحس بالندم والشفقه عليهم بعدين.
ريما: تمام يا جدي اللي تشوفه أوامر تانيه.
اندريا: حاليا لا مضطر امشي .
سابهم ومشي و اليزيا بقت معاها تساعدها ف اللبس وترتيب حاجتها الباب خبط ودخلت سيلا واستغربت من اللي بيعملوا.
د. سيلا
هو انتي ليه لابسه لبس خروج ومحاضرة شنطتك انتي هتمشي.
اليزيا: اه بلغنا دكتور مارك بأنه يكتبلها إذن خروج كفايه كدا وبالنسبه لجلساتك معاها هتكمليها ف الفيلا عندنا .
د. سيلا
ايوة بس د. منار قالت تلات ايام علشان تكون اتحسنت.
اليزيا:
احنا مش بيهمنا كلام غير كلام الدكتور بتاعنا هسيبكم تودعه بعض وهرجع تاني.
د. سيلا
انتي موافقه ع اللي حصل ده انتي مش ينفع تخرجي انتي لسه تعبانه.
ريما: بدموع مش بايدي صدقيني حتي جدي مش هامه تعبي هو هامه التسليم اللي مستنيه بعد يومين تخيلي بكل جحود بلغني أنه كان نفسه ادريانو يموتني بس افتكر غلاوة ابنه الكبير وبعت جدتي تمنعه يعني مش خايفين عليا لا هما بس خايفين ع مصلحتهم وبعدين هجي تاني لو النزيف مش وقف.
د. سيلا
ده مش نزيف يا ريما ده اكبر من كده.
شئ
ريما: قصدك ايه بشئ اكبر.
د. سيلا
اسفه يا ريما بس الاشعه بينت أن كليتك مستأصله والجرح معمول بخياطه سحريه بس اللي عمل كده نسي جزء بسيط باين من لهفته لحد يكتشفه.
ريما قعدت بصدمه كبيرة والجمله بترن ف ودنها استئصال كليه اخرتها يعملو فيها كده.
ريما: ببكاء وانهيار مش كفاهم اني كنت هموت كمان كملوا عليا وسرقوا كليتي مني ليه كده ليه.
د. سيلا
اهدي مش هما الدكتور اللي عمل كده مش تبعهم منار شامه أن اللي عمل كده تبع الحاله اللي جات قبلك بيومين .
ريما: اوليفيا هي ممكن تكون عملت كده أنا مش هسامح حد ابدا هاخد حقي منهم واحد واحد مش هسيبهم .
د. سيلا
اهدي وبلاش بكي خليكي قويه علشان تفكري هتعملي وانا هدعمك ف قراراتك.
ريما هديت وكملت لبس وخرجت مع سيلا أودعها وهي عازمه أنهم تكشفهم قدام بعض رجعت البيت بعد ما ادريانو عرف انها خارجه النهاردة ف قرر ياخد إجازة من الشغل علشان يشوف شكلها عامل ازاي ويبدوا ينفذوه خطتهم اللي هتقضي عليها.
الفصل الثامن عشر
18
ريما رجعت البيت وقابلها ادريانو اللي كان ف حاله تشفي فيها و اوليفيا مبسوطه لأنها قدرت تذلها و تكسرها ب اوحش طريقه .
ادريانو: بشماته ليها بتمني تكوني اتعلمتي الدرس ومش تعملي حاجه تندمي عليها عرفتي عقوبة اللي عملتيه ايه.
ريما بابتسامه حضنته تحت استغراب الكل و اوليفيا كانت متابعه كلامهم.
ريما: مش تستغرب من الحضن ده انا اتعلمت ومش هكرر اللي حصل مش تخاف .
بصت ل اماليا وطلبت منها نسكافيه و اوليفيا راحت ليها وأمرتها تحط ليها الحبوب في الكوبايه وترجع تعملها فنجان شاي.
ريما كانت طالعه وسمعتهم بيتكلموا عن تسليم دهب ف رومانيا
اندريا: ادريانو تسليم سبايك الدهب هيكون ف رومانيا وهيستلمها منك حد تبع رين وتاخد منه ستميه مليون دولار فاهم.
ادريانو : فاهم يا جدي دي هتكون اخر عمليه صغيرة قبل تسليم العمليه اللي مخططين ليها بقالنا كتير.
ريما سمعتهم بابتسامه وكملت طلوع ل اوضتها.
اوليفيا: فهمتي هتعملي ايه حبايتين وتطحنيهم كويس .
اماليا: بابتسامه حاضر يا مدام أوامرك.
مشيت اوليفيا و اماليا ابتسامتها راحت عملت النسكافيه وحطت حبايه صداع عادي و ودته ل ريما بابتسامه صافيه ورجعت عملت فنجان الشاي ل اوليفيا وطحنت الحبايتين وحطتهم ف الفنجان وودته ليها ولمحتها هي وخارجه أنها بتشرب منه عادي رجعت المطبخ وبعتت رساله ل صهيب أنها نفذت المطلوب منها.
أما صهيب بلغ اريان باللي حصل و اتصل ع ريما انتبهت للفون وابتسمت.
ريما: بابتسامه اهلا يا حضرة الظابط اخبارك ايه.
اريان: اخبارك انتي ايه دلوقتي بقيتي احسن أنا متاسف بجد بس افتكرت من اختفائك أنهم كشفوكي.
ريما: لا مش تخاف عليا أنا بس اخدت جزائي ف حاجه مش عملتها هو بس شويه كدمات وكسر ف دراعي وكليه مستأصلة مش اكتر المهم نرجع لموضوعنا هيسلموا سبايك دهب ف رومانيا النهاردة وعمولتها كبيرة المرة دي.
اريان: بابتسامه معلومات مهمه تمام هنصادر هم مش تخافي.
ريما قفلت المكالمه وافتكرت كلام جدها القاسي ف المستشفي ووعدت نفسها انها مش هتهنيهم ع حاجه .
ونامت بالليل حست بحركه ف اوضتها قامت ع الصوت وخافت ليكون ادريانو جاي يعمل فيها حاجه شافت ضل وكانت هتصرخ جامد بس حد كتم صوتها.
ديفيد: هشش اهدي مش تخافي أنا ديفيد .
ريما: انت ايه جابك هنا وبتعمل ايه دلوقتي.
ديفيد: جاي اطمن عليكي استنيت لما ناموا وجيت عندك اشوفك كويسه ولا لا.
ريما: وعرفت منين اني خرجت من المستشفى.
ديفيد: دكتورتك المهم ده مش موضوعنا اللي جاي علشانه .
ريما: و ايه اللي جابك هنا علشان تقولي عليه .
ديفيد: اسرار اوليفيا نصها معايا والمشكلة أن ف سر مخبياه وده مخلي لي لي مختفيه ومش عارف هي فين وشاكك أن هي سبب اختفائه
ريما: مش محتاج تشك هي فعلا عملت اوليفيا قتلت اختها اعترفت ليا بكده قبل ما ترمي نفسها من ع السلم.
ديفيد: بصدمه قتلتها دي بقت مجنونه ع الآخر طيب هنعمل ايه .
ريما: و الحاجه هي مهمه بس تعملها ليا وبعدها ممكن اثق فيك.
ديفيد: و ايه هي المهمه دي بقي.
ريما: ادريانو كاتب شركه من شركاتنا وتحديدا اللي ف روما باسم اوليفيا أنا عايزة أوقع الشركه دي باي شكل.
ديفيد: والمطلوب مني ايه.
ريما: تغرق ف الديون السيولة بتاعتها تبقي قليله توهمهم بصفقات مربحه وهي بتخسر كتير عايزاك تعمل ده بناس تبعك تبعتهم هناك ع أنهم مستثمرين جدد وتخليهم يتعاقدوا ع صفقات غير مربحه فاهمني.
ديفيد: بسيطه نعمل كده ثقي فيا.
ريما: موضوع الثقه ده بعدين مش هثق فيك غير بعد التنفيذ المهم عايزة قبل اسبوعين ع صفقتهم المشبوهه تم تكون الشركه وقعت فاهمني .
ديفيد: وانتي هتعملي ايه من جهتك.
ريما: بابتسامه هعمل كتير واللي هعمله بعد ما تنفذ ليك التلتين فيه هما فلوسهم كتيرة مش تخاف يلا ممكن تمشي.
ديفيد: تمام أنا همشي وهطمن عليكي بعدين.
تاني يوم نزلت ع الفطار وهي لابسه بنطلون جينز وكروب توب اسود وعليه جاكت ابتسمت ف وشهم وبدأت فطار و اوليفيا متابعها ب ابتسامه لأنها بتاكل من الاكل اللي هيخليها مش داريه بحد بعد كده بس اللي مش تعرفه أنها بتاكل اكل عادي والشاي اللي بتشربه اوليفيا دلوقتي هو اللي فيه الحبايه وف الاكل كمان خلصت فطار وطلعت اوضتها مسكت اللاب بتاعها وجابت أسهم الشركة وتعملاتها ف بورصه العملات الاجنبيه اللي اندريا بيتعامل معاهم بس .
ريما: بابتسامه يا سلام أسهمه كل مالها ف الطالع ومش بيخسر ابدا بسيطه خليها تخسر واحدة واحدة .
ريما عملت شويه حاجات كتير تخص اسهم البورصه و الشركه حولت أرباحها ع حسابها البنكي ف مصر برغم انها بقالها سنين هنا إلا أنها لسه بتحول فلوس ليها ع حسابها ف البنك حولت نص الأرباح دي عندها وعملت حركه تخلي الفلوس تتحول تلقائي عندها وحركه تانيه تخلي اندريا لما يتابع أرباح الأسهم تظهر ليه أنه ليكسب عادي وهو بيخسر .
بعد تلات ايام كانت اعراض الحبوب بدأت تظهر ع اوليفيا وبقت تتصرف بغرابه والكل بدأ يلاحظ عليها انها دائما سرحانه ومش مهتمه بحاجه و ع طول نايمه و الشركه مش مهتمه بيها وجه المدير اللي معينه ادريانو ف حاله لو كانت اوليفيا مش موجودة علشان يشتكي ل ادريانو .
المدير : سير ادريانو أنا جاي النهاردة علشان اقول ليك أن وضع الشركه ف النازل حاولنا نخليها ف استمرار ونجاح بس كل ما ده الشغل بيخسر مفيش حد مهتم بينا ولا حد بيتابع ويجي يشوف الشركه بتشتغل ازاي واحنا قررنا نمشي.
ادريانو: وضع ايه اللي ف النازل الشركه أرباحها ف اخر سنتين كويسه وبعدين اوليفيا بتروح تتابع الشغل وتشوف الحسابات وتمضي الصفقات المهمه.
المدير : بطلت تيجي غير كده دخلنا مجموعه صفقات غير مربحه وبكل مرة بنبقي متأكدين من أرباح الصفقه بنخسر كتير بعدها والموظفين قرروا يمشوا .
ادريانو: مفيش حد هيمشي خلاص أنا هاجي هشوف الشغل بكرة بس اشتغلوا زي ما انتوا فاهم وضع الشركه ههتم بيه تمام.
مشي المدير واندريا اتكلم بعصبيه لحفيده اللي مش بقي مهتم بحاجه ابدا .
اندريا: بعصبيه شفت آخرة عنادك وصلنا لفين كتبت شركه من شركاتنا ل مراتك واهي مش مهامه بيها وهتنهار بسبب الإهمال ممكن اعرف هتحسن الوضع ده ازاي.
ادريانو: مش تخاف يا جدي أنا هتصرف هجمع المستثمرين بتوعنا وهنحط خطه واضحه علشان نخلي الصفقه وضعها احسن.
اندريا: الشركه دي من أكبر مجموعه شركاتنا ومش عايز اخسرها فاهم مش هسامحك ابدا وشوف مراتك اللي مش بقت مهتميه بحاجه.
ريما كانت سامعه كل حاجه من الاول وعرفت أن ديفيد عمل اللازم ونفذ المطلوب وزيادة رجعت غرفتها تشوف أسهم الشركة دي بالذات لقت السهم بتاعها خسران اوي بعد ما كان واصل للمليار و 800 بقي واصل لادني مستوي وده هي اللي عايزاه.
ريما: الخطوة الأولي تمت فلوس جدي بقت ف الهاويه والامبراطوريه اللي فضل يكبر فيها طول عمره هتنهار ف ظرف أسبوع وبس وهيجي يدور ع فلوس مش هيلاقي و دلوقتي دور الخطوة التانيه.
ريما نزلت وشافته ف المكتب ودخلت عنده وقعدت واتكلمت بهدوء علشان تبدأ تكشف السر ليه واحدة واحدة.
ريما: جدي ع فكرة انت مش حكيتلي عن صديقك ديميتري كويس ممكن احكيلي اكتر ومعاك صور ليه .
اندريا حكالها عن قصه صداقتهم اللي الكل كان بيحسدوهم عليها لغايه اليوم اللي قرر يقتله.
ريما: وقتلته ازاي بقي احكيلي .
اندريا: ف اليوم ده كنا ع الحدود بتسلم عمليه كبيرة وجاك اللي بيورد مضاد السم اللي كان ف ادريانو جه وقلي أن ديميتري ناوي أنه يقتلك وياخد البضاعه والفلوس وحب المنظمه ليه لوحدة بس أنا سبقته وخلصت عليه مع انها كانت فلوسه من الأساس بس أنا أعمل اي حاجه علشان اكون دائما الكبير والمسيطر حتي لو اضطريت للقتل.
ريما: يعني نهيت صداقتكم دي ف لحظه شك طيب وبنته كانت فين.
اندريا: مش عارف بس اكيد عرفت باللي حصل وسابت البلد .
ريما: معاك صور ل ديميتري وبنته عايزة اشوفهم ممكن.
اندريا جاب ليها الصور وركزت فيهم واتكلمت لما لقت مرادها.
ريما: تعرف البنت اللي ف الصورة شبهه اوليفيا اوي حتي شوف.
اندريا بص ع الصور وركز فيها لاول مرة وشاف فعلا الشبه البسيط بينهم وشكوكه زادت .
اندريا: ريما مش تعرفي اسمها الكامل ايه نسيت اقول ل ادريانو كده.
ريما: بصراحه يا جدي اللي اعرفه ان اسمها اوليفيا ديلار بس ليه.
اندريا: تبقي هي انا شاكك من الاول فيها شطارتها ف تفكيك القنابل وسرعه أنها تجيب مضاد السم ل ادريانو بطريقه ذكيه كلها تخليني اشك فيها.
ريما: بعدم فهم مصطنع تشك ف ايه بالظبط.
اندريا: اوليفيا تبقي سابرينا ديميتري ديلار بنت صديقي اللي قتلته بس ليه ظهرت قدامي باسم تاني.
ريما: مش عارفه بس هتعرف لو سئلتها عن اذنك.
أما المستشفي منار اضطرت تقرب من رام علشان تعرف اللي عايزاه منه.
د. منار
دكتور رام اخبارك ايه خلصت شغل.
د. رام
جميله المستشفي اهلا ف مكتبي نورتيني خير ايه جابك عندي.
د. منار
بصراحه مش بقت مستحمله المرتب القليل اللي باخده وعايزة ازود دخلي ومش عارفه اعمل ايه.
د. رام بابتسامه خبيثه
ولو قلتلك ع الحل توافقي عليه .
د. منار: بلهفه اكيد اعمل اي حاجه علشان ازود دخلي وكفي احتياجاتي.
د. رام
تمام انتي هتشتغلي معايا ف اللي بعمله.
د. منار
فوق يا رام احنا بتشتغل مع بعض فعلا ف نفس المكان اشتغل ازاي معاك.
د. رام
لا انتي فاهمه غلط قصدي تشتغلي ف الممنوع معايا.
منار حست انها وصلت لهدفها وكملت ف كلامها.
د. منار
قصدك ايه بالممنوع ازاي يعني.
د. رام
اقولك ع سر مخبيه عليكي من زمان.
د. منار
اكيد قولي سرك ف بير مش تخاف.
د. رام: اول حاجه انا بحبك من اول يوم شفتك فيه وثانيا أنا بشتغل ف الاعضاء بس مش اي تجارة دي اللي بتكسب كتير اوي.
د. منار
بتهزر صح وهو ايه غير تجارة الأعضاء يكسب اوي كده.
د. رام
الخلايا الجذعية للاجنه يا جميلتي أنا بتاجر ف الحاجات دي بوهم مريضتي أن عندها تعب ف الرحم ومش بتعرف انها حامل وباخد الخلايا دي وابيعهم للدراك ويب يعملوا اللي عايزينه بيهم وباخد ملايين عليها قولتي ايه تشتغلي معايا.
منار كانت مشمئزة منه ومن كلامه هي مش قدام دكتور ده سفاح مش بيرحم بس المهم انها سجلت كلامه كله وفاقت ع صوته.
رام
تعرفي اخر واحدة عملت كده فيها تبقي مين.
منار
مين حد نعرفه يعني.
رام
انتي مش هتعرفيه بس أنا اعرفها دي تبقي بنت اختي الحاله اللي جات بحادثه اجهاض هي طلبت مني اخد الجنين بخلاياه وبعتت ليا فلوس كتيرة وطلبت مني استئصل كلية ريما بنت عم ادريانو بيرلو علشان تعلمها ازاي تتحداها ها قولتي ايه هتشتغلي معايا.
منار
اكيد قولي انت امتي هتبدا وانا جاهزة .
رام: النهاردة بالليل ف بنت جايه تعمل عمليه اجهاض لجنين مجهول الهويه و اوهمتها انها ف خطر ف هنشيل الرحم بتاعها.
منار
تمام هاجي عن اذنك
خرجت من عنده وهي بترتعش من اللي سمعته واللي بيعمله ف الأبرياء بس المهم أنا اخدت اعترافات قويه وبعتتها ل ريما وحكت ل سيلا اللي حصل كله.
ريما وصلها الفويس باعتراف رام وابتسمت لأن خطوتها التالته هتبدا.
ادريانو دخل ل اوليفيا اللي كانت قاعدة وسرحانه وبتمتم بكلمات غير مفهومه وقفها قدامه بعصبيه
ادريانو: بعصبيه ممكن اعرف ايه اللي عملتيه انتي عملتي كارثه.
اوليفيا مش متحمله صوته ابدا وزقته بعيد.
هشش اسكت صوتك عالي اوي ف ايه ل ده كله.
ادريانو: اوليفيا فوقي انتي مالك بقالك اسبوع مش مظبوطه وعايشه ف دنيا تانيه انتي أي اللي حصلك بالظبط انتي مش عارفه انتي عملتي ايه انتي هتخلي الشركه اللي أنا كتبتها باسمك تنهار هتوقع.
اوليفيا: بتوهان يووه ما ده اللي انا عايزاه مش عايزاك تبقوا ناس كبيرة عايزاكم تدوقوا الذل والعذاب .
ادريانو: انتي بتقولي ايه انتي جننتي الظاهر اثبتي و اوزني كلامك.
اوليفيا: لا أنا مش مجنونه أنا اعقل واحدة أنا مش بحبك واتجوزتك ل مصلحتي وبس حتي الطفل اللي انت كنت فرحان بيه انا السبب ف موته مش ريما سامعني دي كانت لعبه مني أنا اللي وقعت نفسي واتهمت ريما وكنت فرحانه انك بتئذي واحدة بريئه مش كنت عايزة الحمل ده انا بس خليتك تفرح وسرقت فرحتك دي ولما وصلت المستشفي الجنين كان متأذي من الوقعه بس كان لسه عايش وطلبت من الدكتور قريبي ينزله علشان بيتاجر بخلاياهم ودفعتله فلوس كتيرة .
ادريانو كان مصدوم من كلامها ومن كميه الغل والجحود اللي فيها معقوله تعمل كل ده سابها وهو مصدوم ومنهار وخرج برة الفيلا و هي كانت بتهذي بالكلام وريما دخلت عندها بعد ما سمعت كلامهم و اوليفيا بصت لها بضحك هستيري